📅 2018-yil 13-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 13 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2018 г. · Указы Президента
Официальный текст. Официальный документ. Редакционные примечания не включены.
📅 13 December 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси давлат бошқарувига рақамли иқтисодиёт, электрон ҳукумат ҳамда ахборот тизимларини жорий этиш бўйича қўшимча чора-тадбирлар тўғрисида
Мамлакатимизда маъмурий тартиботлардан ўтишни соддалаштириш, аҳоли турмуши сифатини ошириш, инвестиция ва ишбилармонлик муҳитини яхшилашга қаратилган электрон ҳукуматни, шу жумладан давлат хизматларини кўрсатиш тизимини модернизация қилиш ва ривожлантириш борасида изчил чоралар кўрилмоқда.
Шу билан бирга, рақамлаштиришни таъминлашга ва рақамли иқтисодиётга ўтишга тўсқинлик қилаётган қатор ҳал қилинмаган муаммо ва камчиликлар сақланиб қолинмоқда.
Хусусан, давлат ахборот тизимларини ривожлантиришнинг ягона принциплари ишлаб чиқилмаган, ушбу соҳадаги тадбирлар эса ўзаро ва бошқа ахборот тизимлари билан узвий боғланмаган ҳолда амалга оширилмоқда.
«Электрон ҳукумат» тизими инфратузилмаси лозим даражада ривожланмаяпти, бу давлат хизматларини кўрсатишда ва идоралараро электрон ҳамкорлик қилишда замонавий ахборот-коммуникация технологияларини кенг қўллашга ўз таъсирини кўрсатмоқда.
«Электрон ҳукумат» тизимини жорий этишда таъсирчан мувофиқлаштирув ва ягона технологик ёндашувнинг мавжуд эмаслиги ресурсларнинг нооқилона фойдаланилишига олиб келмоқда ҳамда тадбирларнинг самарадорлигини пасайтирмоқда.
Рақамли иқтисодиётни ривожлантириш, «Электрон ҳукумат» тизимининг жорий этилишини таъминлаш, аҳоли, бизнес ва давлат ўртасида самарали ўзаро ҳамкорликни йўлга қўйиш учун қўшимча шарт-шароит яратиш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
2. Белгилаб қўйилсинки:
«Электрон ҳукумат» тизимини жорий этиш рақамли иқтисодиётнинг ажралмас таркибий қисми ҳисобланади;
Ўзбекистон Республикаси Ахборот технологиялари ва коммуникацияларини ривожлантириш вазирлиги (кейинги ўринларда — Вазирлик) электрон ҳукумат соҳасидаги ҳамда давлат бошқарувида ахборот тизимларини жорий этишда ваколатли орган ҳисобланади, ушбу соҳада ягона давлат сиёсатини ишлаб чиқиш ва амалга ошириш ҳамда давлат органлари ва ташкилотларининг фаолиятини мувофиқлаштириш учун масъулдир;
Вазирликнинг электрон ҳукумат соҳасида, шунингдек, давлат бошқарувида ахборот тизимларини жорий этиш бўйича ўз ваколати доирасида қабул қилган қарорлари ижросини таъминлаш республиканинг барча вазирликлари, идоралари ва ташкилотлари учун мажбурий ҳисобланади;
давлат бошқарувида ахборот тизимлари, ресурслари ва бошқа дастурий маҳсулотларини яратиш ва жорий этиш бўйича лойиҳалар, шунингдек, бундай лойиҳаларни амалга оширишни назарда тутадиган норматив-ҳуқуқий ҳужжатлар лойиҳалари Вазирликда экспертизадан ўтказилиши шарт;
Вазирлик рақамли иқтисодиётни жорий этиш бўйича вазифаларни амалга ошириш доирасида халқаро молиявий институтлар ва хорижий ҳукумат молиявий ташкилотлар билан бевосита ўзаро ҳамкорлик қилиш ҳуқуқига эга.
3. Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор идоралар билан биргаликда:
ҳозирги кунда «Электрон ҳукумат» тизими доирасида амалга оширилаётган идоралараро ва идоравий ахборот тизимлари, маълумотлар базалари, дастурий маҳсулотларни яратиш ва жорий этиш лойиҳаларининг ҳамда ахборот-коммуникация соҳасидаги бошқа лойиҳаларнинг (кейинги ўринларда — лойиҳалар) амалга оширилиши ва молиялаштирилишини тўхтатиб қўйсин;
бир ой муддатда лойиҳаларни тўлиқ хатловдан ўтказсин ва якуний натижалари бўйича Агентликка ахборот киритсин.
4. Агентлик:
а) 2019 йил 1 апрелга қадар амалга оширилаётган лойиҳаларнинг танқидий кўриб чиқилишини ҳамда мақсадга мувофиқ, долзарб, республикада рақамли иқтисодиётни ривожлантириш мақсад ва вазифаларига мос келадиган лойиҳаларнинг давом эттирилишини таъминласин;
б) 2019 йил 1 майга қадар қуйидагиларни назарда тутадиган «Электрон ҳукумат» тизимини ривожлантириш концепцияси лойиҳасининг ишлаб чиқилиши ва Ўзбекистон Республикаси Президенти Администрациясига киритилишини таъминласин:
электрон ҳукуматнинг давлат, аҳоли ва бизнеснинг самарали ўзаро ҳамкорлигини, шунингдек, жаҳоннинг рақамли маконига интеграциялашувини таъминлаш бўйича ягона миллий тизим сифатидаги мақсадли аҳамиятини белгилаш;
«Электрон ҳукумат» тизимининг таркиби ва тузилмасини, уни яратиш шартлари ва архитектурасининг концептуал асосларини, жумладан ташкилий, функционал, техник тузилмасини, шунингдек, асосий рақамли активлар рўйхатини аниқ белгилаш;
электрон ҳукуматни яратишнинг асосий принциплари ва функционал вазифаларини, электрон ҳукумат имкониятларидан фойдаланган ҳолда рақамли трансформацияга эришишнинг аниқ кўрсаткич ва индикаторларини белгилаш;
электрон ҳукуматни яратишнинг ҳуқуқий ва ташкилий-техник чораларини, жумладан рақамли трансформация жараёнларини тадқиқ этиш методологиясига, уларнинг ўзаро мувофиқлигига, ахборот соҳасида биргаликдаги ҳамкорлик, маълумотлар алмашиш протоколлари ва форматининг ўзаро мослигига доир талабларни белгилаш;
шахсий маълумотларни ҳимоя қилиш бўйича талабларни ҳисобга олган ҳолда ахборотни йиғиш, қайта ишлаш, тўплаш, сақлаш ва узатишда ахборот хавфсизлигини таъминлаш;
«Электрон ҳукумат» тизимини яратиш ва жорий этиш бўйича лойиҳани амалга ошириш механизмлари ва босқичларини назарда тутиш;
«Электрон ҳукумат» тизимини жорий этишда унинг самарадорлиги ва шаффофлигини оширишни таъминлайдиган, жумладан лойиҳалар бўйича ягона миллий дистрибьюторни ташкил этиш орқали яхлит жараённи (ишлаб чиқиш, лойиҳалаштириш, келишиш, лойиҳалар бўйича товарлар, ишлар, хизматлар харид қилиш, шунингдек, уларни фойдаланишга топширишнинг ягона тизимини) барпо этиш;
Агентлик негизида бошланғич лойиҳа сифатида электрон рақамли имзо инфратузилмасининг намунавий элементини ишлаб чиқиш ва амалиётга жорий этиш.
5. Маълумот учун қабул қилинсинки, Ўзбекистон Республикаси Президентининг «Рақамли иқтисодиётни ривожлантириш мақсадида рақамли инфратузилмани янада модернизация қилиш чора-тадбирлари тўғрисида» 2018 йил 21 ноябрдаги ПҚ-4022-сон қарорига мувофиқ Агентлик томонидан «Рақамли ишонч» рақамли иқтисодиётни ривожлантиришни қўллаб-қувватлаш жамғармаси билан биргаликда барча давлат хизматлари фақатгина операторнинг маълумотларни қайта ишлаш марказлари орқали кўрсатилишини таъминлашни назарда тутадиган 2019 — 2021 йилларда «Universal Mobile Systems» МЧЖни ривожлантириш Концепцияси ишлаб чиқилмоқда.
Агентлик манфаатдор идоралар билан биргаликда 2019 йилнинг 1 майига қадар маълумотларга ишлов бериш марказларига бўлган эҳтиёж ва уларнинг жойлашуви тўғрисида Ўзбекистон Республикаси Президенти Администрациясига таклифлар киритсин.
6. Ўзбекистон Республикаси Президентининг «Инновацион лойиҳаларни амалга ошириш ва идоравий ахборот тизимларини жадал интеграциялашувининг ташкилий чора-тадбирлари тўғрисида» 2018 йил 18 апрелдаги ПҚ-3673-сон қарорига мувофиқ Агентлик томонидан алоқанинг, шу жумладан, хорижда бўлиш вақтида, махфийлиги, тезкорлиги, хавфсизлиги ва телекоммуникация хизматларига сарфланадиган бюджет маблағларининг тежалишини таъминлайдиган ҳукумат мобиль алоқаси тизимини (кейинги ўринларда — тизим) ишга тушириш, синаш ва ундан тажриба тариқасида фойдаланиш ишлари бажарилди.
Белгилаб қўйилсинки, 2019 йил 1 апрелдан бошлаб ушбу тизим давлат органлари, ташкилотлари, маҳаллий давлат ҳокимияти органлари, Ўзбекистон Республикасининг хориждаги дипломатик ваколатхоналари ходимлари учун ўз хизмат вазифаларини бажаришда фойдаланилиши мажбурий ҳисобланади.
7. Агентлик Ахборот технологиялари ва коммуникацияларини ривожлантириш вазирлиги ва Ташқи ишлар вазирлиги билан биргаликда икки ой муддатда давлат органлари, ташкилотлари, маҳаллий давлат ҳокимияти органлари, Ўзбекистон Республикасининг хориждаги дипломатик ваколатхоналарининг ўз хизмат вазифаларини бажаришда тизимдан фойдаланиши мажбурий бўлган ходимлари рўйхатини Ўзбекистон Республикаси Президенти Администрациясига киритсин.
8. Белгилаб қўйилсинки, Ўзбекистон Республикаси Президентининг «Ўзбекистон Республикасида лойиҳа бошқаруви тизимини жорий этиш чора-тадбирлари тўғрисида» 2017 йил 24 июлдаги ПФ-5120-сон Фармонига мувофиқ яратиладиган Лойиҳа бошқарувининг ягона миллий ахборот тизими Агентлик томонидан тасдиқланадиган рўйхат бўйича ушбу тизимнинг барча иштирокчилари томонидан фойдаланилиши мажбурий ҳисобланади.
Рўйхатга киритилган вазирлик ва идоралар ҳуқуқ эгаларининг тегишли лицензияларисиз дастурий маҳсулотлардан фойдаланишга йўлга қўймасдан, маълумотларнинг белгиланган протокол бўйича платформа форматида тақдим этилиши ва тизимга киритилишини таъминласин.
9. Ўзбекистон Республикаси Молия вазирлиги:
икки ҳафта муддатда Ўзбекистон Республикаси Давлат бюджетининг алоқа билан таъминлашга 2018 йилги ва 2019 йилга мўлжалланган харажатлари тўғрисида вазирлик ва идоралар кесимидаги ахборотни Агентликка тақдим этсин;
ушбу Фармондан келиб чиққан ҳолда Ўзбекистон Республикаси Давлат бюджетининг халқаро алоқа учун 2019 йилга мўлжалланган харажатларининг қайта кўриб чиқилишини таъминласин;
ҳар йили Ўзбекистон Республикаси Давлат бюджети параметрларида ушбу Фармонни амалга ошириш доирасидаги тадбирларни молиялаштиришга маблағ ажратилишини назарда тутсин.
10. Ахборот технологиялари ва коммуникацияларини ривожлантириш вазирлиги Агентлик билан биргаликда:
бир ҳафта муддатда — «Электрон ҳукумат» тизимидан фойдаланиш мақсадида фойдаланувчиларнинг мажбурий тартибда идентификация қилинишини назарда тутган ҳолда Интернет тармоғидан симсиз фойдаланиш бўйича оммавий нуқталар тўғрисидаги низом лойиҳасини;
бир ой муддатда — ушбу Фармон талабларини ҳисобга олган ҳолда Ахборот технологиялари ва коммуникацияларини ривожлантириш вазирлигининг электрон ҳукумат соҳасидаги ваколатларини, шунингдек, унинг тузилмасини қайта кўриб чиқиш бўйича таклифларни Ўзбекистон Республикаси Вазирлар Маҳкамасига киритсин.
11. Ўзбекистон Республикаси Давлат божхона қўмитаси икки ой муддатда «Электрон ҳукумат» тизимини жорий этиш доирасида товарлар киритиш учун алоҳида божхона омбори ташкил этилишини таъминласин.
12. Агентлик Адлия вазирлиги ва бошқа манфаатдор идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош прокурори О.Б. Муродов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Агентлик директорининг биринчи ўринбосари Д.Р. Ли зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 13 декабрь,
ПФ-5598-сон
Oʻzbekiston Respublikasi Prezidentining
Farmoni
Oʻzbekiston Respublikasi davlat boshqaruviga raqamli iqtisodiyot, elektron hukumat hamda axborot tizimlarini joriy etish boʻyicha qoʻshimcha chora-tadbirlar toʻgʻrisida
Mamlakatimizda maʼmuriy tartibotlardan oʻtishni soddalashtirish, aholi turmushi sifatini oshirish, investitsiya va ishbilarmonlik muhitini yaxshilashga qaratilgan elektron hukumatni, shu jumladan davlat xizmatlarini koʻrsatish tizimini modernizatsiya qilish va rivojlantirish borasida izchil choralar koʻrilmoqda.
Shu bilan birga, raqamlashtirishni taʼminlashga va raqamli iqtisodiyotga oʻtishga toʻsqinlik qilayotgan qator hal qilinmagan muammo va kamchiliklar saqlanib qolinmoqda.
Xususan, davlat axborot tizimlarini rivojlantirishning yagona prinsiplari ishlab chiqilmagan, ushbu sohadagi tadbirlar esa oʻzaro va boshqa axborot tizimlari bilan uzviy bogʻlanmagan holda amalga oshirilmoqda.
“Elektron hukumat” tizimi infratuzilmasi lozim darajada rivojlanmayapti, bu davlat xizmatlarini koʻrsatishda va idoralararo elektron hamkorlik qilishda zamonaviy axborot-kommunikatsiya texnologiyalarini keng qoʻllashga oʻz taʼsirini koʻrsatmoqda.
“Elektron hukumat” tizimini joriy etishda taʼsirchan muvofiqlashtiruv va yagona texnologik yondashuvning mavjud emasligi resurslarning nooqilona foydalanilishiga olib kelmoqda hamda tadbirlarning samaradorligini pasaytirmoqda.
Raqamli iqtisodiyotni rivojlantirish, “Elektron hukumat” tizimining joriy etilishini taʼminlash, aholi, biznes va davlat oʻrtasida samarali oʻzaro hamkorlikni yoʻlga qoʻyish uchun qoʻshimcha shart-sharoit yaratish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
2. Belgilab qoʻyilsinki:
“Elektron hukumat” tizimini joriy etish raqamli iqtisodiyotning ajralmas tarkibiy qismi hisoblanadi;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi oʻrinlarda — Vazirlik) elektron hukumat sohasidagi hamda davlat boshqaruvida axborot tizimlarini joriy etishda vakolatli organ hisoblanadi, ushbu sohada yagona davlat siyosatini ishlab chiqish va amalga oshirish hamda davlat organlari va tashkilotlarining faoliyatini muvofiqlashtirish uchun masʼuldir;
Vazirlikning elektron hukumat sohasida, shuningdek, davlat boshqaruvida axborot tizimlarini joriy etish boʻyicha oʻz vakolati doirasida qabul qilgan qarorlari ijrosini taʼminlash respublikaning barcha vazirliklari, idoralari va tashkilotlari uchun majburiy hisoblanadi;
davlat boshqaruvida axborot tizimlari, resurslari va boshqa dasturiy mahsulotlarini yaratish va joriy etish boʻyicha loyihalar, shuningdek, bunday loyihalarni amalga oshirishni nazarda tutadigan normativ-huquqiy hujjatlar loyihalari Vazirlikda ekspertizadan oʻtkazilishi shart;
Vazirlik raqamli iqtisodiyotni joriy etish boʻyicha vazifalarni amalga oshirish doirasida xalqaro moliyaviy institutlar va xorijiy hukumat moliyaviy tashkilotlar bilan bevosita oʻzaro hamkorlik qilish huquqiga ega.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor idoralar bilan birgalikda:
hozirgi kunda “Elektron hukumat” tizimi doirasida amalga oshirilayotgan idoralararo va idoraviy axborot tizimlari, maʼlumotlar bazalari, dasturiy mahsulotlarni yaratish va joriy etish loyihalarining hamda axborot-kommunikatsiya sohasidagi boshqa loyihalarning (keyingi oʻrinlarda — loyihalar) amalga oshirilishi va moliyalashtirilishini toʻxtatib qoʻysin;
bir oy muddatda loyihalarni toʻliq xatlovdan oʻtkazsin va yakuniy natijalari boʻyicha Agentlikka axborot kiritsin.
4. Agentlik:
a) 2019-yil 1-aprelga qadar amalga oshirilayotgan loyihalarning tanqidiy koʻrib chiqilishini hamda maqsadga muvofiq, dolzarb, respublikada raqamli iqtisodiyotni rivojlantirish maqsad va vazifalariga mos keladigan loyihalarning davom ettirilishini taʼminlasin;
b) 2019-yil 1-mayga qadar quyidagilarni nazarda tutadigan “Elektron hukumat” tizimini rivojlantirish konsepsiyasi loyihasining ishlab chiqilishi va Oʻzbekiston Respublikasi Prezidenti Administratsiyasiga kiritilishini taʼminlasin:
elektron hukumatning davlat, aholi va biznesning samarali oʻzaro hamkorligini, shuningdek, jahonning raqamli makoniga integratsiyalashuvini taʼminlash boʻyicha yagona milliy tizim sifatidagi maqsadli ahamiyatini belgilash;
“Elektron hukumat” tizimining tarkibi va tuzilmasini, uni yaratish shartlari va arxitekturasining konseptual asoslarini, jumladan tashkiliy, funksional, texnik tuzilmasini, shuningdek, asosiy raqamli aktivlar roʻyxatini aniq belgilash;
elektron hukumatni yaratishning asosiy prinsiplari va funksional vazifalarini, elektron hukumat imkoniyatlaridan foydalangan holda raqamli transformatsiyaga erishishning aniq koʻrsatkich va indikatorlarini belgilash;
elektron hukumatni yaratishning huquqiy va tashkiliy-texnik choralarini, jumladan raqamli transformatsiya jarayonlarini tadqiq etish metodologiyasiga, ularning oʻzaro muvofiqligiga, axborot sohasida birgalikdagi hamkorlik, maʼlumotlar almashish protokollari va formatining oʻzaro mosligiga doir talablarni belgilash;
shaxsiy maʼlumotlarni himoya qilish boʻyicha talablarni hisobga olgan holda axborotni yigʻish, qayta ishlash, toʻplash, saqlash va uzatishda axborot xavfsizligini taʼminlash;
“Elektron hukumat” tizimini yaratish va joriy etish boʻyicha loyihani amalga oshirish mexanizmlari va bosqichlarini nazarda tutish;
“Elektron hukumat” tizimini joriy etishda uning samaradorligi va shaffofligini oshirishni taʼminlaydigan, jumladan loyihalar boʻyicha yagona milliy distribyutorni tashkil etish orqali yaxlit jarayonni (ishlab chiqish, loyihalashtirish, kelishish, loyihalar boʻyicha tovarlar, ishlar, xizmatlar xarid qilish, shuningdek, ularni foydalanishga topshirishning yagona tizimini) barpo etish;
Agentlik negizida boshlangʻich loyiha sifatida elektron raqamli imzo infratuzilmasining namunaviy elementini ishlab chiqish va amaliyotga joriy etish.
5. Maʼlumot uchun qabul qilinsinki, Oʻzbekiston Respublikasi Prezidentining “Raqamli iqtisodiyotni rivojlantirish maqsadida raqamli infratuzilmani yanada modernizatsiya qilish chora-tadbirlari toʻgʻrisida” 2018-yil 21-noyabrdagi PQ-4022-son qaroriga muvofiq Agentlik tomonidan “Raqamli ishonch” raqamli iqtisodiyotni rivojlantirishni qoʻllab-quvvatlash jamgʻarmasi bilan birgalikda barcha davlat xizmatlari faqatgina operatorning maʼlumotlarni qayta ishlash markazlari orqali koʻrsatilishini taʼminlashni nazarda tutadigan 2019 — 2021-yillarda “Universal Mobile Systems” MChJni rivojlantirish Konsepsiyasi ishlab chiqilmoqda.
Agentlik manfaatdor idoralar bilan birgalikda 2019-yilning 1-mayiga qadar maʼlumotlarga ishlov berish markazlariga boʻlgan ehtiyoj va ularning joylashuvi toʻgʻrisida Oʻzbekiston Respublikasi Prezidenti Administratsiyasiga takliflar kiritsin.
6. Oʻzbekiston Respublikasi Prezidentining “Innovatsion loyihalarni amalga oshirish va idoraviy axborot tizimlarini jadal integratsiyalashuvining tashkiliy chora-tadbirlari toʻgʻrisida” 2018-yil 18-apreldagi PQ-3673-son qaroriga muvofiq Agentlik tomonidan aloqaning, shu jumladan, xorijda boʻlish vaqtida, maxfiyligi, tezkorligi, xavfsizligi va telekommunikatsiya xizmatlariga sarflanadigan budjet mablagʻlarining tejalishini taʼminlaydigan hukumat mobil aloqasi tizimini (keyingi oʻrinlarda — tizim) ishga tushirish, sinash va undan tajriba tariqasida foydalanish ishlari bajarildi.
Belgilab qoʻyilsinki, 2019-yil 1-apreldan boshlab ushbu tizim davlat organlari, tashkilotlari, mahalliy davlat hokimiyati organlari, Oʻzbekiston Respublikasining xorijdagi diplomatik vakolatxonalari xodimlari uchun oʻz xizmat vazifalarini bajarishda foydalanilishi majburiy hisoblanadi.
7. Agentlik Axborot texnologiyalari va kommunikatsiyalarini rivojlantirish vazirligi va Tashqi ishlar vazirligi bilan birgalikda ikki oy muddatda davlat organlari, tashkilotlari, mahalliy davlat hokimiyati organlari, Oʻzbekiston Respublikasining xorijdagi diplomatik vakolatxonalarining oʻz xizmat vazifalarini bajarishda tizimdan foydalanishi majburiy boʻlgan xodimlari roʻyxatini Oʻzbekiston Respublikasi Prezidenti Administratsiyasiga kiritsin.
8. Belgilab qoʻyilsinki, Oʻzbekiston Respublikasi Prezidentining “Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida” 2017-yil 24-iyuldagi PF-5120-son Farmoniga muvofiq yaratiladigan Loyiha boshqaruvining yagona milliy axborot tizimi Agentlik tomonidan tasdiqlanadigan roʻyxat boʻyicha ushbu tizimning barcha ishtirokchilari tomonidan foydalanilishi majburiy hisoblanadi.
Roʻyxatga kiritilgan vazirlik va idoralar huquq egalarining tegishli litsenziyalarisiz dasturiy mahsulotlardan foydalanishga yoʻlga qoʻymasdan, maʼlumotlarning belgilangan protokol boʻyicha platforma formatida taqdim etilishi va tizimga kiritilishini taʼminlasin.
9. Oʻzbekiston Respublikasi Moliya vazirligi:
ikki hafta muddatda Oʻzbekiston Respublikasi Davlat budjetining aloqa bilan taʼminlashga 2018-yilgi va 2019-yilga moʻljallangan xarajatlari toʻgʻrisida vazirlik va idoralar kesimidagi axborotni Agentlikka taqdim etsin;
ushbu Farmondan kelib chiqqan holda Oʻzbekiston Respublikasi Davlat budjetining xalqaro aloqa uchun 2019-yilga moʻljallangan xarajatlarining qayta koʻrib chiqilishini taʼminlasin;
har yili Oʻzbekiston Respublikasi Davlat budjeti parametrlarida ushbu Farmonni amalga oshirish doirasidagi tadbirlarni moliyalashtirishga mablagʻ ajratilishini nazarda tutsin.
10. Axborot texnologiyalari va kommunikatsiyalarini rivojlantirish vazirligi Agentlik bilan birgalikda:
bir hafta muddatda — “Elektron hukumat” tizimidan foydalanish maqsadida foydalanuvchilarning majburiy tartibda identifikatsiya qilinishini nazarda tutgan holda Internet tarmogʻidan simsiz foydalanish boʻyicha ommaviy nuqtalar toʻgʻrisidagi nizom loyihasini;
bir oy muddatda — ushbu Farmon talablarini hisobga olgan holda Axborot texnologiyalari va kommunikatsiyalarini rivojlantirish vazirligining elektron hukumat sohasidagi vakolatlarini, shuningdek, uning tuzilmasini qayta koʻrib chiqish boʻyicha takliflarni Oʻzbekiston Respublikasi Vazirlar Mahkamasiga kiritsin.
11. Oʻzbekiston Respublikasi Davlat bojxona qoʻmitasi ikki oy muddatda “Elektron hukumat” tizimini joriy etish doirasida tovarlar kiritish uchun alohida bojxona ombori tashkil etilishini taʼminlasin.
12. Agentlik Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
13. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh prokurori O.B. Murodov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Agentlik direktorining birinchi oʻrinbosari D.R. Li zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 13-dekabr,
PF-5598-son
Президента Республики Узбекистан
Указ
О дополнительных мерах по внедрению цифровой экономики, электронного правительства, а также информационных систем в государственном управлении Республики Узбекистан
В стране принимаются последовательные меры по модернизации и развитию электронного правительства, в том числе системы оказания государственных услуг, направленных на упрощение прохождения административных процедур, повышение качества жизни населения, улучшение инвестиционного климата и деловой среды.
Вместе с тем, сохраняется ряд нерешенных проблем и недостатков, препятствующих обеспечению цифровизации и переходу к цифровой экономике.
В частности, не выработаны единые принципы развития государственных информационных систем, а мероприятия в данной сфере реализуются без взаимосвязи между собой и другими информационными системами.
Недостаточно развита инфраструктура системы «Электронное правительство», что сказывается на обеспечении широкого применения современных информационно-коммуникационных технологий при оказании государственных услуг и межведомственном электронном взаимодействии.
Отсутствуют действенная координация и единый технологический подход к внедрению системы «Электронное правительство», что влечет за собой нерациональное использование ресурсов и снижает эффективность мероприятий.
В целях создания дополнительных условий для развития цифровой экономики, обеспечения внедрения системы «Электронное правительство», налаживания эффективного взаимодействия населения, бизнеса и государства, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
2. Установить, что:
система «Электронное правительство» является одной из неотъемлемых составных частей цифровой экономики;
Министерство по развитию информационных технологий и коммуникаций Республики Узбекистан (далее — Министерство) является уполномоченным органом в области электронного правительства, а также внедрения информационных систем в государственном управлении, ответственным за разработку и реализацию единой государственной политики и осуществление координации деятельности государственных органов и организаций в данной области;
решения Министерства в области электронного правительства, а также внедрения информационных систем в государственном управлении, принятые в пределах его компетенции, являются обязательными для исполнения всеми министерствами, ведомствами и организациями республики;
проекты по созданию и внедрению информационных систем, ресурсов и иных программных продуктов в государственном управлении, а также проекты нормативно-правовых актов, предусматривающие их реализацию, подлежат обязательной экспертизе в Министерстве;
Министерство вправе осуществлять непосредственное взаимодействие с международными финансовыми институтами и иностранными правительственными финансовыми организациями в рамках реализации задач по внедрению цифровой экономики.
3. Министерству по развитию информационных технологий и коммуникаций Республики Узбекистан совместно с заинтересованными ведомствами:
приостановить реализацию и финансирование осуществляемых в настоящее время проектов по созданию и внедрению межведомственных и ведомственных информационных систем, баз данных, программных продуктов и иных проектов в сфере информационно-коммуникационных технологий в рамках системы «Электронное правительство» (далее — проекты);
в месячный срок провести полную инвентаризацию проектов и по итогам внести информацию в Агентство.
4. Агентству:
а) в срок до 1 апреля 2019 года обеспечить критическое рассмотрение осуществляемых проектов и возобновление проектов, реализация которых будет признана целесообразной, своевременной и соответствующей целям и задачам развития цифровой экономики в республике;
б) в срок до 1 мая 2019 года обеспечить разработку и внесение в Администрацию Президента Республики Узбекистан проекта Концепции развития системы «Электронное правительство», предусматривающего:
определение целевого значения электронного правительства в качестве единой национальной системы по обеспечению эффективного электронного взаимодействия государства, населения и бизнеса, а также интеграции в мировое цифровое пространство;
четкое определение состава и структуры системы «Электронное правительство», условий ее создания и концептуальных основ архитектуры, включая организационную, функциональную, техническую структуры, а также перечень базовых цифровых активов;
определение основных принципов создания и функциональных задач электронного правительства, конкретных показателей и индикаторов цифровой трансформации с использованием возможностей электронного правительства;
определение правовых и организационно-технических мер по созданию электронного правительства, в том числе требований к методологии исследования процессов цифровой трансформации, их согласованности, информационному взаимодействию, совместимости протоколов обмена и формата данных;
обеспечение информационной безопасности при сборе, обработке, накоплении, хранении и передаче информации, в том числе с учетом требований по защите персональных данных;
механизмы и этапы реализации проекта по созданию и внедрению системы «Электронное правительство»;
организацию целостного процесса внедрения системы «Электронное правительство» (единой системы разработки, проектирования, согласования и закупки товаров, работ, услуг по проектам, а также их ввода в эксплуатацию), обеспечивающего повышение его эффективности и прозрачности, в том числе путем организации единого национального дистрибьютора по проектам;
разработку и внедрение типового элемента инфраструктуры электронной цифровой подписи на базе Агентства как пилотного проекта.
5. Принять к сведению, что согласно постановлению Президента Республики Узбекистан от 21 ноября 2018 года № ПП-4022 «О мерах по дальнейшей модернизации цифровой инфраструктуры в целях развития цифровой экономики» Агентством совместно с Фондом поддержки развития цифровой экономики «Цифровое доверие» разрабатывается Концепция развития ООО «Universal Mobile Systems» на 2019 — 2021 годы, предусматривающая обеспечение предоставления всех государственных услуг исключительно через центры обработки данных оператора.
Агентству совместно с заинтересованными ведомствами в срок до 1 мая 2019 года внести в Администрацию Президента Республики Узбекистан предложения о потребности и расположении центров обработки данных.
6. В соответствии с постановлением Президента Республики Узбекистан от 18 апреля 2018 года № ПП-3673 «Об организационных мерах по ускоренной интеграции ведомственных информационных систем и реализации инновационных проектов» Агентством произведены запуск, тестирование и опытная эксплуатация системы правительственной мобильной связи (далее — система), обеспечивающей конфиденциальность, мобильность, безопасность и экономию бюджетных средств на услуги телекоммуникаций, в том числе при нахождении за рубежом.
Установить, что с 1 апреля 2019 года система является обязательной для использования работниками государственных органов, организаций, органов государственной власти на местах, дипломатических представительств Республики Узбекистан за рубежом при исполнении служебных обязанностей.
7. Агентству совместно с Министерством по развитию информационных технологий и коммуникаций и Министерством иностранных дел в двухмесячный срок внести в Администрацию Президента Республики Узбекистан перечень работников государственных органов, организаций, органов государственной власти на местах, дипломатических представительств Республики Узбекистан за рубежом, для которых использование системы при исполнении служебных обязанностей является обязательным.
8. Установить, что Единая национальная информационная система проектного управления, создаваемая в соответствии с Указом Президента Республики Узбекистан от 24 июля 2017 года № УП-5120 «О мерах по внедрению проектного управления в Республике Узбекистан», является обязательной для использования всеми ее участниками по перечню, утверждаемому Агентством.
Министерствам и ведомствам, включенным в перечень, обеспечить предоставление и включение необходимых данных в систему в формате платформы по установленному протоколу, не допуская использования программных продуктов без соответствующих лицензий правообладателей.
9. Министерству финансов Республики Узбекистан:
в двухнедельный срок предоставить Агентству информацию о расходах Государственного бюджета Республики Узбекистан на обеспечение связью в разрезе министерств и ведомств за 2018 год и на 2019 год;
обеспечить пересмотр расходов Государственного бюджета Республики Узбекистан на 2019 год на международную связь исходя из настоящего Указа;
предусматривать ежегодно в параметрах Государственного бюджета Республики Узбекистан средства для финансирования мероприятий в рамках реализации настоящего Указа.
10. Министерству по развитию информационных технологий и коммуникаций совместно с Агентством внести в Кабинет Министров Республики Узбекистан:
в недельный срок — проект Положения о публичных точках беспроводного доступа к сети Интернет в целях обеспечения доступа к системе «Электронное правительство», предусматривающего в том числе осуществление обязательной идентификации пользователей;
в месячный срок — предложения по пересмотру полномочий Министерства по развитию информационных технологий и коммуникаций, а также его структуры с учетом положений настоящего Указа.
11. Государственному таможенному комитету Республики Узбекистан в двухмесячный срок обеспечить организацию отдельного таможенного склада для ввоза товаров в рамках внедрения системы «Электронное правительство».
12. Агентству совместно с Министерством юстиции и другими заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на Премьер-министра Республики Узбекистан А.Н. Арипова, Генерального прокурора Республики Узбекистан О.Б. Муродова, первого заместителя советника Президента Республики Узбекистан Б.М. Мавлонова и первого заместителя директора Агентства Д.Р. Ли.
Президент Республики Узбекистан Ш. МИРЗИЁЕВ
г. Ташкент,
13 декабря 2018 г.,
№ УП-5598