📅 2018-yil 14-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 14 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 14 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низомни тасдиқлаш тўғрисида
Ўзбекистон Республикасининг «Иқтисодиётнинг жадал ривожланишини таъминлашга доир қўшимча чора-тадбирлар қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» 2018 йил 26 июлдаги ЎРҚ-488-сон Қонуни ҳамда Ўзбекистон Республикаси Президентининг 2018 йил 7 февралдаги ПҚ-3514-сон қарори билан тасдиқланган «Ўзбекистон бўйлаб саёҳат қил!» ички туризмни ривожлантириш дастурини амалга ошириш бўйича амалий чора-тадбирлар режасининг самарали бажарилишини таъминлаш мақсадида Вазирлар Маҳкамаси қарор қилади:
1. Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низом иловага мувофиқ тасдиқлансин.
2. Ўзбекистон автомобиль транспорти агентлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Ўзбекистон автомобиль транспорти агентлиги бошлиғи Д.Т. Дехканов зиммасига юклансин.
Вазирлар Маҳкамасининг 2018 йил 14 декабрдаги 1015-сон қарорига ИЛОВА
Енгил автомобиллар ва мототранспорт воситаларини қисқа муддатли ижарага бериш тартиби тўғрисида
1-боб. Умумий қоидалар
1. Мазкур Низом енгил автомобиллар ва мототранспорт воситаларини (кейинги ўринларда транспорт воситалари деб аталади) истеъмол мақсадларида қисқа муддатли ижарага бериш (30 кунгача) тартиби ҳамда ижарага берувчи ва ижарачининг ҳуқуқлари, мажбуриятлари ва жавобгарликларини белгилайди.
2. Транспорт воситаларини ижарага бериш Ўзбекистон Республикаси Фуқаролик кодекси , «Ижара тўғрисида»ги Ўзбекистон Республикасининг Қонуни , мазкур Низом ва бошқа қонун ҳужжатлар билан тартибга солинади.
3. Мазкур Низомда қуйидаги асосий тушунчалар қўлланилади:
ижарачи — транспорт воситасини тегишли бошқариш ҳуқуқига эга ва маълум тўлов эвазига қисқа муддатли ижарага бериш шартномаси асосида транспорт воситасини олган жисмоний ёки юридик шахс;
ижарага берувчи — қонунчиликда белгиланган тартибда рўйхатдан ўтган, маълум тўлов эвазига қисқа муддатли ижарага бериш шартномаси асосида транспорт воситасини ижарачига берувчи юридик шахс;
қисқа муддатли ижара шартномаси (кейинги ўринларда шартнома деб аталади) — ижрага берувчи ва ижарачи ўртасида 30 кундан ортиқ бўлмаган муддатга тузиладиган, нотариал расмийлаштириш ва Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати органларида рўйхатдан ўтказишни талаб этмайдиган транспорт воситасини қисқа муддатли ижарага бериш тўғрисида ёзма келишув.
2-боб. Транспорт воситаларининг қисқа муддатли ижараси
4. Шартнома тузиш учун ижарачи ижарага берувчига қуйидаги ҳужжатларни тақдим этади:
паспорт ёки идентификация ID-картаси;
транспорт воситасидан фойдаланадиган шахснинг ҳайдовчилик гувоҳномаси (миллий ёки халқаро намунадаги);
медик кўрикдан ўтганлиги ҳақида маълумотнома (ижарага берувчининг ихтиёрига кўра);
гаров депозити киритилганлигини тасдиқловчи ҳужжат (ижарага берувчининг ихтиёрига кўра).
4 1 . Ижарага берувчи, зарурат бўлганда, юридик шахснинг давлат рўйхатидан ўтказилганлиги тўғрисидаги маълумотларни тегишли ташкилотлардан белгиланган тартибда олади.
5. Шартномада қуйидаги шартлар назарда тутилади:
томонларнинг ҳуқуқлари, мажбуриятлари ва жавобгарлиги;
тақдим этилаётган транспорт воситасининг бозор нархи;
транспорт востасини қисқа муддатли ижарага бериш тартиби;
қисқа муддатли ижаранинг аниқ муддатлари;
ижара тўловининг шартлари ва миқдори, уни тўлаш муддатлари;
гаров депозити миқдори (ижарага берувчи ва ижарачининг келишувига кўра).
шартнома амал қилиш муддати тугагандан сўнг транспорт воситасини ижарага берувчига қайтариш тартиби;
енгиб бўлмайдиган куч (форс-мажор) ҳолатлари.
Шартнома билан Ўзбекистон Республикасининг қонун ҳужжатларига зид бўлмаган бошқа шартлар ҳам мустаҳкамланиши мумкин.
3-боб. Ижарага берувчининг ҳуқуқ ва мажбуриятлари
6. Ижарага берувчи унга шахсий мулк сифатида ёки бошқа ашёвий ҳуқуқлар асосида тегишли бўлган, техник соз, видеорегистраторлар ва GPS навигаторлар билан жиҳозланган, қонунчилик ҳужжатларида белгиланган тартибда техник кўрикдан ўтган ҳамда Транспорт вазирлиги ва Ички ишлар вазирлиги томонидан тасдиқланадиган талабларга мувофиқ махсус таниқлик белгига эга бўлган транспорт воситаларини қисқа муддатли ижарага беради.
7. Ижарага берувчи қуйидаги ҳуқуқларга эга:
жисмоний шахсда алкоголли ичимлик, гиёҳвандлик моддаси таъсиридаги ёки ўзгача тарздаги мастлик белгилари аниқ кўриниб турганда, у билан шартнома тузишни рад этиш;
шартномада белгиланган шартлар асосида транспорт воситасига етказилган ва ижарачи томонидан қоплашни талаб этадиган зарарни, йўл ҳаракати қоидалари бузилганлиги учун тўловларни амалга ошириш кафолати сифатида хизмат қиладиган гаров депозитини тўлашни талаб этиш;
мурожаат қилиш орқали Ички ишлар вазирлиги Йўл ҳаракати хавфсизлиги бош бошқармасининг «Маъмурий амалиёт» комплекс автоматлаштирилган ахборот тизимида шахсий кабинет очиш;
«Маъмурий амалиёт» комплекс автоматлаштирилган ахборот тизимидаги шахсий кабинет орқали ижарага берилган транспорт воситалари томонидан йўл ҳаракати қоидалари бузилганлиги тўғрисидаги маълумотлар мавжудлигини аниқлаш;
қўшимча хизматлар (бола учун махсус ўриндиқ, навигатор, қўшимча суғурта, йирик тўхташ жойларида алоҳида жой ажратиш ва бошқалар) кўрсатиш.
8. Ижарага берувчи томонидан моддий эътирозлар мавжуд бўлмаган тақдирда, шартнома муддати тугагандан сўнг гаров депозити миқдори ижарачига қайтарилади.
9. Ижарага берувчи:
қисқа муддатли ижарага бериш учун мўлжалланган транспорт воситаларини сақлаш ҳамда техник кўрикдан ўтказиш учун шахсий ёки ижарага олинган бинога эга бўлиши;
ижарачини қисқа муддатга тақдим этаётган транспорт воситасидан фойдаланиш қоидалари билан таништириши;
транспорт воситаларини белгиланган муддатда топшириш ҳамда қабул қилиш далолатномасига асосан техник соз, йўл ҳаракати қоидалари талаблари ва хавфсизлик талабларига мувофиқ бутланган ҳамда махсус таниқлик белгига эга бўлган ҳолатда тақдим этиши;
транспорт воситаларидан фойдаланиш даврида бошқа шахсларнинг ҳаёти, соғлиғи ва (ёки) мулкига зарар етказганлик учун ўзининг фуқаролик жавобгарлигини суғурталаши шарт;
10. Қисқа муддатли ижара муддати тугагандан сўнг транспорт воситаси ижарага берувчи томонидан топшириш ва қабул қилиш далолатномаси асосида қабул қилиб олинади.
4-боб. Ижарачининг ҳуқуқ ва мажбуриятлари
11. Ижарага берувчи ижарачига қисқа муддатли ижарага бериладиган транспорт воситасини ўз вақтида тақдим этмаган ҳолда, ижарачи ушбу транспорт воситасини талаб қилиши ва бажариш муддати кечикишидан келиб чиқадиган зарарни қоплашни ёки шартномани бекор қилиши ҳамда шартномани бажармаслик оқибатида етказилган зарарни қоплашни талаб қилиш хуқуқига эга.
12. Ижарачи:
қисқа муддатли ижарага бериладиган транспорт воситасидан фойдаланиш қоидалари билан танишиб чиқиши;
транспорт воситасидан фақат белгиланган мақсадда, бошқа шахсга бермаган ҳолда фойдаланиши;
қисқа муддатли ижара муддати тугагандан сўнг транспорт воситасини шартнома ва топшириш ҳамда қабул қилиш далолатномасига мувофиқ техник соз ҳолатда қайтариши;
ижарага берувчини транспорт воситасининг эгаси сифатида жавобгарликка тортиш — маъмурий ҳуқуқбузарликлар содир этилганлиги, транспорт воситасидан фойдаланиш натижасида транспорт воситасига, учинчи шахслар ҳаёти ёки соғлиғига зарар етказилганлиги билан боғлиқ ижарага берувчининг барча зарар (зиён) ва харажатларини қоплаши;
ижарага олинган транспорт воситасида мамлакатни тарк этмаслиги;
шартнома тузилгандан сўнг ижара учун тўловни амалга ошириши шарт.
13. Траснпорт воситасига зарар етказилса ва (ёки) ижарага олинган транспорт воситаси иштирокида йўл-транспорт ҳодисаси юз берган тақдирда:
ижарачи зудлик билан ижарага берувчини хабар қилиши лозим;
ижарага берувчи ижарачи томонидан тақдим этиладиган маълумотларнинг тўлиқлиги ва ҳаққонийлиги учун жавобгардир.
14. Ижарага берилган транспорт воситасига зарар етказилганлиги аниқланган тақдирда, етказилган зарар миқдори уни баҳолаш йўли билан белгиланади ва қонун ҳужжатларида белгиланган тартибда айибдор шахслардан ундирилади.
5-боб. Якунловчи қоидалар
15. Ижарага берувчилар ва ижарачилар ўртасида транспорт воситаларининг ижара шартномасини тузиш, бажариш ва тугатиш юзасидан мунозарали масалалар амалдаги қонун ҳужжатларига мувофиқ ҳал этилади.
16. Мазкур Низом бузилишида айбдор шахслар қонун ҳужжатларида белгиланган тартибда жавобгарликка тортиладилар.
Ўзбекистон Республикасининг Бош вазири А. АРИПОВ
Тошкент ш.,
2018 йил 14 декабрь,
1015-сон
Oʻzbekiston Respublikasi Vazirlar Mahkamasining
qarori
NIZOM
Yengil avtomobillar va mototransport vositalarini qisqa muddatli ijaraga berish tartibi toʻgʻrisidagi nizomni tasdiqlash toʻgʻrisida
Oʻzbekiston Respublikasining “Iqtisodiyotning jadal rivojlanishini taʼminlashga doir qoʻshimcha chora-tadbirlar qabul qilinishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2018-yil 26-iyuldagi OʻRQ-488-son Qonuni hamda Oʻzbekiston Respublikasi Prezidentining 2018-yil 7-fevraldagi PQ-3514-son qarori bilan tasdiqlangan “Oʻzbekiston boʻylab sayohat qil!” ichki turizmni rivojlantirish dasturini amalga oshirish boʻyicha amaliy chora-tadbirlar rejasining samarali bajarilishini taʼminlash maqsadida Vazirlar Mahkamasi qaror qiladi:
1. Yengil avtomobillar va mototransport vositalarini qisqa muddatli ijaraga berish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston avtomobil transporti agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston avtomobil transporti agentligi boshligʻi D.T. Dexkanov zimmasiga yuklansin.
Vazirlar Mahkamasining 2018-yil 14-dekabrdagi 1015-son qaroriga ILOVA
Yengil avtomobillar va mototransport vositalarini qisqa muddatli ijaraga berish tartibi toʻgʻrisida
1-bob. Umumiy qoidalar
1. Mazkur Nizom yengil avtomobillar va mototransport vositalarini (keyingi oʻrinlarda transport vositalari deb ataladi) isteʼmol maqsadlarida qisqa muddatli ijaraga berish (30 kungacha) tartibi hamda ijaraga beruvchi va ijarachining huquqlari, majburiyatlari va javobgarliklarini belgilaydi.
2. Transport vositalarini ijaraga berish Oʻzbekiston Respublikasi Fuqarolik kodeksi , “Ijara toʻgʻrisida”gi Oʻzbekiston Respublikasining Qonuni , mazkur Nizom va boshqa qonun hujjatlar bilan tartibga solinadi.
3. Mazkur Nizomda quyidagi asosiy tushunchalar qoʻllaniladi:
ijarachi — transport vositasini tegishli boshqarish huquqiga ega va maʼlum toʻlov evaziga qisqa muddatli ijaraga berish shartnomasi asosida transport vositasini olgan jismoniy yoki yuridik shaxs;
ijaraga beruvchi — qonunchilikda belgilangan tartibda roʻyxatdan oʻtgan, maʼlum toʻlov evaziga qisqa muddatli ijaraga berish shartnomasi asosida transport vositasini ijarachiga beruvchi yuridik shaxs;
qisqa muddatli ijara shartnomasi (keyingi oʻrinlarda shartnoma deb ataladi) — ijraga beruvchi va ijarachi oʻrtasida 30 kundan ortiq boʻlmagan muddatga tuziladigan, notarial rasmiylashtirish va Oʻzbekiston Respublikasi Ichki ishlar vazirligining Davlat yoʻl harakati xavfsizligi xizmati organlarida roʻyxatdan oʻtkazishni talab etmaydigan transport vositasini qisqa muddatli ijaraga berish toʻgʻrisida yozma kelishuv.
2-bob. Transport vositalarining qisqa muddatli ijarasi
4. Shartnoma tuzish uchun ijarachi ijaraga beruvchiga quyidagi hujjatlarni taqdim etadi:
pasport yoki identifikatsiya ID-kartasi;
transport vositasidan foydalanadigan shaxsning haydovchilik guvohnomasi (milliy yoki xalqaro namunadagi);
medik koʻrikdan oʻtganligi haqida maʼlumotnoma (ijaraga beruvchining ixtiyoriga koʻra);
garov depoziti kiritilganligini tasdiqlovchi hujjat (ijaraga beruvchining ixtiyoriga koʻra).
4 1 . Ijaraga beruvchi, zarurat boʻlganda, yuridik shaxsning davlat roʻyxatidan oʻtkazilganligi toʻgʻrisidagi maʼlumotlarni tegishli tashkilotlardan belgilangan tartibda oladi.
5. Shartnomada quyidagi shartlar nazarda tutiladi:
tomonlarning huquqlari, majburiyatlari va javobgarligi;
taqdim etilayotgan transport vositasining bozor narxi;
transport vostasini qisqa muddatli ijaraga berish tartibi;
qisqa muddatli ijaraning aniq muddatlari;
ijara toʻlovining shartlari va miqdori, uni toʻlash muddatlari;
garov depoziti miqdori (ijaraga beruvchi va ijarachining kelishuviga koʻra).
shartnoma amal qilish muddati tugagandan soʻng transport vositasini ijaraga beruvchiga qaytarish tartibi;
yengib boʻlmaydigan kuch (fors-major) holatlari.
Shartnoma bilan Oʻzbekiston Respublikasining qonun hujjatlariga zid boʻlmagan boshqa shartlar ham mustahkamlanishi mumkin.
3-bob. Ijaraga beruvchining huquq va majburiyatlari
6. Ijaraga beruvchi unga shaxsiy mulk sifatida yoki boshqa ashyoviy huquqlar asosida tegishli boʻlgan, texnik soz, videoregistratorlar va GPS navigatorlar bilan jihozlangan, qonunchilik hujjatlarida belgilangan tartibda texnik koʻrikdan oʻtgan hamda Transport vazirligi va Ichki ishlar vazirligi tomonidan tasdiqlanadigan talablarga muvofiq maxsus taniqlik belgiga ega boʻlgan transport vositalarini qisqa muddatli ijaraga beradi.
7. Ijaraga beruvchi quyidagi huquqlarga ega:
jismoniy shaxsda alkogolli ichimlik, giyohvandlik moddasi taʼsiridagi yoki oʻzgacha tarzdagi mastlik belgilari aniq koʻrinib turganda, u bilan shartnoma tuzishni rad etish;
shartnomada belgilangan shartlar asosida transport vositasiga yetkazilgan va ijarachi tomonidan qoplashni talab etadigan zararni, yoʻl harakati qoidalari buzilganligi uchun toʻlovlarni amalga oshirish kafolati sifatida xizmat qiladigan garov depozitini toʻlashni talab etish;
murojaat qilish orqali Ichki ishlar vazirligi Yoʻl harakati xavfsizligi bosh boshqarmasining “Maʼmuriy amaliyot” kompleks avtomatlashtirilgan axborot tizimida shaxsiy kabinet ochish;
“Maʼmuriy amaliyot” kompleks avtomatlashtirilgan axborot tizimidagi shaxsiy kabinet orqali ijaraga berilgan transport vositalari tomonidan yoʻl harakati qoidalari buzilganligi toʻgʻrisidagi maʼlumotlar mavjudligini aniqlash;
qoʻshimcha xizmatlar (bola uchun maxsus oʻrindiq, navigator, qoʻshimcha sugʻurta, yirik toʻxtash joylarida alohida joy ajratish va boshqalar) koʻrsatish.
8. Ijaraga beruvchi tomonidan moddiy eʼtirozlar mavjud boʻlmagan taqdirda, shartnoma muddati tugagandan soʻng garov depoziti miqdori ijarachiga qaytariladi.
9. Ijaraga beruvchi:
qisqa muddatli ijaraga berish uchun moʻljallangan transport vositalarini saqlash hamda texnik koʻrikdan oʻtkazish uchun shaxsiy yoki ijaraga olingan binoga ega boʻlishi;
ijarachini qisqa muddatga taqdim etayotgan transport vositasidan foydalanish qoidalari bilan tanishtirishi;
transport vositalarini belgilangan muddatda topshirish hamda qabul qilish dalolatnomasiga asosan texnik soz, yoʻl harakati qoidalari talablari va xavfsizlik talablariga muvofiq butlangan hamda maxsus taniqlik belgiga ega boʻlgan holatda taqdim etishi;
transport vositalaridan foydalanish davrida boshqa shaxslarning hayoti, sogʻligʻi va (yoki) mulkiga zarar yetkazganlik uchun oʻzining fuqarolik javobgarligini sugʻurtalashi shart;
10. Qisqa muddatli ijara muddati tugagandan soʻng transport vositasi ijaraga beruvchi tomonidan topshirish va qabul qilish dalolatnomasi asosida qabul qilib olinadi.
4-bob. Ijarachining huquq va majburiyatlari
11. Ijaraga beruvchi ijarachiga qisqa muddatli ijaraga beriladigan transport vositasini oʻz vaqtida taqdim etmagan holda, ijarachi ushbu transport vositasini talab qilishi va bajarish muddati kechikishidan kelib chiqadigan zararni qoplashni yoki shartnomani bekor qilishi hamda shartnomani bajarmaslik oqibatida yetkazilgan zararni qoplashni talab qilish xuquqiga ega.
12. Ijarachi:
qisqa muddatli ijaraga beriladigan transport vositasidan foydalanish qoidalari bilan tanishib chiqishi;
transport vositasidan faqat belgilangan maqsadda, boshqa shaxsga bermagan holda foydalanishi;
qisqa muddatli ijara muddati tugagandan soʻng transport vositasini shartnoma va topshirish hamda qabul qilish dalolatnomasiga muvofiq texnik soz holatda qaytarishi;
ijaraga beruvchini transport vositasining egasi sifatida javobgarlikka tortish — maʼmuriy huquqbuzarliklar sodir etilganligi, transport vositasidan foydalanish natijasida transport vositasiga, uchinchi shaxslar hayoti yoki sogʻligʻiga zarar yetkazilganligi bilan bogʻliq ijaraga beruvchining barcha zarar (ziyon) va xarajatlarini qoplashi;
ijaraga olingan transport vositasida mamlakatni tark etmasligi;
shartnoma tuzilgandan soʻng ijara uchun toʻlovni amalga oshirishi shart.
13. Trasnport vositasiga zarar yetkazilsa va (yoki) ijaraga olingan transport vositasi ishtirokida yoʻl-transport hodisasi yuz bergan taqdirda:
ijarachi zudlik bilan ijaraga beruvchini xabar qilishi lozim;
ijaraga beruvchi ijarachi tomonidan taqdim etiladigan maʼlumotlarning toʻliqligi va haqqoniyligi uchun javobgardir.
14. Ijaraga berilgan transport vositasiga zarar yetkazilganligi aniqlangan taqdirda, yetkazilgan zarar miqdori uni baholash yoʻli bilan belgilanadi va qonun hujjatlarida belgilangan tartibda ayibdor shaxslardan undiriladi.
5-bob. Yakunlovchi qoidalar
15. Ijaraga beruvchilar va ijarachilar oʻrtasida transport vositalarining ijara shartnomasini tuzish, bajarish va tugatish yuzasidan munozarali masalalar amaldagi qonun hujjatlariga muvofiq hal etiladi.
16. Mazkur Nizom buzilishida aybdor shaxslar qonun hujjatlarida belgilangan tartibda javobgarlikka tortiladilar.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 14-dekabr,
1015-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о порядке предоставления в краткосрочную аренду легковых автомобилей и мототранспортных средств
В соответствии с Законом Республики Узбекистан от 26 июля 2018 года № ЗРУ-488 «О внесении изменений и дополнений в некоторые законодательные акты Республики Узбекистан в связи с принятием дополнительных мер по обеспечению ускоренного развития экономики», а также в целях эффективной реализации Плана практических мер по реализации Программы развития внутреннего туризма «Узбекистон буйлаб саёхат кил!», утвержденного постановлением Президента Республики Узбекистан от 7 февраля 2018 года № ПП-3514, Кабинет Министров постановляет:
1. Утвердить Положение о порядке предоставления в краткосрочную аренду легковых автомобилей и мототранспортных средств согласно приложению .
2. Узбекскому агенству автомобильного транспорта совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и начальника Узбекского агентства автомобильного транспорта Д.Т. Дехканова.
ПРИЛОЖЕНИЕ к постановлению Кабинета Министров от 14 декабря 2018 года № 1015
о порядке предоставления в краткосрочную аренду легковых автомобилей и мототранспортных средств
Глава 1. Общие положения
1. Настоящее Положение определяет порядок предоставления в краткосрочную аренду для потребительских целей легковых автомобилей и мототранспортных средств (далее — транспортные средства), а также права, обязанности и ответственность арендодателей и арендаторов.
2. Аренда транспортных средств регулируется Гражданским кодексом Республики Узбекистан, Законом Республики Узбекистан «Об аренде», настоящим Положением и иными актами законодательства.
3. В настоящем Положении применяются следующие основные понятия:
арендатор — физическое или юридическое лицо, имеющее соответствующее право на управление транспортным средством и принявшее за определенную плату на основании договора краткосрочной аренды транспортное средство;
арендодатель — юридическое лицо, зарегистрированное в установленном законодательством порядке, предоставляющее за определенную плату на основании договора краткосрочной аренды транспортные средства арендаторам;
договор краткосрочной аренды (далее — договор) — письменное соглашение краткосрочной аренды транспортного средства, заключаемое между арендодателем и арендатором на срок, не превышающий 30 дней, не требующее нотариального оформления и регистрации в органах Государственной службы безопасности дорожного движения Министерства внутренних дел Республики Узбекистан.
Глава 2. Краткосрочная аренда транспортных средств
4. Для заключения договора арендатор предоставляет арендодателю следующие документы:
паспорт или идентификационная ID-карта;
водительское удостоверение лица, которое будет эксплуатировать транспортное средство (национального либо международного образца);
справка о прохождении медицинского осмотра (по усмотрению арендодателя);
подтверждение внесения залогового депозита (по усмотрению арендодателя).
4 1 . Арендодатель при необходимости получает в установленном порядке сведения о государственной регистрации юридического лица от соответствующих организаций.
5. В договоре предусматриваются следующие условия:
права, обязательства и ответственность сторон;
рыночная стоимость передаваемого транспортного средства;
порядок передачи транспортного средства в краткосрочную аренду;
конкретный срок краткосрочной аренды;
условия и размер арендной платы, сроки ее внесения;
размер залогового депозита (по соглашению арендодателя и арендатора);
порядок возврата транспортного средства арендодателю по истечении действия договора;
форс-мажорные обстоятельства.
Договором могут быть закреплены и другие условия, не противоречащие законодательству Республики Узбекистан.
Глава 3. Права и обязанности арендодателя
6. Арендодатель предоставляет в краткосрочную аренду транспортные средства, принадлежащие ему на праве собственности или иных вещных правах технически исправные, оснащенные видеорегистраторами и GPS-навигаторами, прошедшие в установленном законодательством порядке технический осмотр, а также имеющие специальный опознавательный знак в соответствии с требованиями, утверждаемыми Министерством транспорта и Министерством внутренних дел.
7. Арендодатель имеет следующие права:
отказаться от заключения договора при наличии у физического лица явных признаков алкогольного, наркотического или иного опьянения;
на условиях, указанных в договоре, требовать внесения залогового депозита, который служит гарантией оплаты нанесенного транспортному средству ущерба, требующего возмещения со стороны арендатора, штрафов за нарушение правил дорожного движения;
открыть посредством обращения персональный кабинет в комплексной автоматизированной информационной системе «Административная практика» Главного управления безопасности дорожного движения Министерства внутренних дел;
определять наличие сведений о нарушениях правил дорожного движения, совершенных арендованными транспортными средствами через персональный кабинет в комплексной автоматизированной информационной системе «Административная практика»;
оказывать дополнительные услуги (специальное детское сиденье, навигатор, дополнительное страхование, выделение отдельного места на крупных стоянках и др.).
8. В случае отсутствия претензий со стороны арендодателя сумма залогового депозита подлежит возврату арендатору после окончания срока договора.
9. Арендодатель обязан:
иметь собственное или арендуемое помещение, предназначенное для хранения, осуществления технического обслуживания транспортных средств, передаваемых в краткосрочную аренду;
ознакомить арендатора с правилами эксплуатации предоставляемого в краткосрочную аренду транспортного средства;
передавать транспортные средства в установленные сроки и время согласно акту приема-передачи в технически исправном состоянии, укомплектованными в соответствии с требованиями правил дорожного движения и безопасности, и имеющими специальный опознавательный знак;
застраховать свою гражданскую ответственность за причинение вреда жизни, здоровью и (или) имуществу иных лиц при использовании транспортных средств.
10. По истечении срока краткосрочной аренды транспортное средство принимается арендодателем на основании акта приема-передачи.
Глава 4. Права и обязанности арендатора
11. Если арендодатель своевременно не передал сданное в краткосрочную аренду транспортное средство в пользование арендатору, арендатор имеет право истребовать от него это транспортное средство и потребовать возмещения убытка, причиненного задержкой исполнения, либо отказаться от договора и взыскать убытки, причиненные ему неисполнением договора.
12. Арендатор обязан:
ознакомиться с правилами эксплуатации предоставляемого в краткосрочную аренду транспортного средства;
эксплуатировать транспортное средство исключительно по его прямому назначению, без передачи третьим лицам;
после окончания срока аренды транспортного средства вернуть транспортное средство в технически исправном состоянии согласно договору и акту приема-передачи;
возместить арендодателю все убытки и расходы, связанные с привлечением арендодателя к ответственности как владельца транспортного средства — совершение административного правонарушения, нанесение арендатором вреда, как транспортному средству, так и жизни или здоровью третьих лиц вследствие пользования транспортным средством;
не покидать страну на арендованном транспортном средстве;
осуществлять оплату аренды согласно условиям заключенного договора.
13. В случаях повреждения транспортного средства и (или) дорожно-транспортных происшествий с участием арендованного транспортного средства:
арендатор обязан незамедлительно информировать арендодателя;
арендодатель несет ответственность за полноту и достоверность информации, предоставляемой со стороны арендатора.
14. При выявлении признаков нанесения ущерба переданному в аренду транспортному средству сумма нанесенного ущерба определяется путем проведения его оценки и взыскивается с виновных лиц в установленном законодательством порядке.
Глава 5. Заключительные положения
15. Споры между арендаторами и арендодателями по вопросам заключения, исполнения и прекращения договора аренды транспортных средств разрешаются в соответствии с законодательством.
16. Лица, виновные в нарушении настоящего Положения, несут ответственность в установленном законодательством порядке.
Премьер-министр Республики Узбекистан А. АРИПОВ
г. Ташкент,
14 декабря 2018 г.,
№ 1015