📅 2018-yil 18-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 18 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 18 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Мактабгача таълимни ривожлантириш жамғармаси фаолиятини ташкил этиш тўғрисида
Ўзбекистон Республикаси Президентининг «Мактабгача таълим тизимини бошқаришни такомиллаштириш чора-тадбирлари тўғрисида» 2018 йил 30 сентябрдаги ПҚ-3955-сон қарори ижросини таъминлаш ҳамда Мактабгача таълимни ривожлантириш жамғармаси фаолиятини ташкил этиш мақсадида Вазирлар Маҳкамаси қарор қилади:
1. Мактабгача таълимни ривожлантириш жамғармаси тўғрисидаги низом иловага мувофиқ тасдиқлансин.
2. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда бир ой муддатда улар қабул қилган норматив-ҳуқуқий ҳужжатларни ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдуҳакимов ва Ўзбекистон Республикаси Мактабгача таълим вазири А.В. Шин зиммасига юклансин.
Вазирлар Маҳкамасининг 2018 йил 18 декабрдаги 1027-сон қарорига ИЛОВА
Мактабгача таълимни ривожлантириш жамғармаси тўғрисида
1-боб. Умумий қоидалар
1. Ушбу Низом Мактабгача таълимни ривожлантириш жамғармаси (кейинги ўринларда Жамғарма деб аталади) фаолиятини ташкил этиш тартибини белгилайди.
2. Жамғарма юридик шахс ҳисобланмайди ва унинг маблағлари Ўзбекистон Республикаси Мактабгача таълим вазирлигининг (кейинги ўринларда Вазирлик деб аталади) шахсий ғазна ҳисобварағида жамланади.
2-боб. Жамғарма маблағларини шакллантириш ва улардан фойдаланиш тартиби
3. Қуйидагилар Жамғарма маблағларини шакллантириш манбалари ҳисобланади:
Республика бюджети маблағлари, шу жумладан, 2018-2019 йилларга мўлжалланган, ҳар чоракда ажратилиб, ҳар йили бюджет қоидаларига мувофиқ индексацияланадиган жами 100 миллиард сўм миқдорида;
давлат мактабгача таълим ташкилотларининг фойдаланилмаётган кўчмас мулкини сотишдан тушган маблағлар — 100 фоиз миқдорида;
Вазирлик тузилмасига кирадиган ташкилотлар ва муассасалар фаолиятини текшириш натижалари бўйича Вазирлик ички аудит хизматлари томонидан аниқланган ҳамда Ўзбекистон Республикаси Давлат бюджети, давлат мақсадли жамғармалари ва бюджетдан ташқари жамғармалари даромадига ундирилган бюджет маблағларининг ноқонуний харажатлари, ўғирлик, камомад суммаларининг 50 фоизи;
Жамғарманинг вақтинча бўш турган маблағларини жойлаштиришдан олинган даромадлар;
жисмоний ва юридик шахсларнинг, шу жумладан, Ўзбекистон Республикаси норезидентларининг хайрия эҳсонлари;
халқаро молия ташкилотлари, хорижий давлатлар ва бошқа донорларнинг кредитлари (қарзи), грантлари ва техник кўмаклашиш маблағлари;
қонун ҳужжатларида тақиқланмаган бошқа манбалар.
4. Жамғарма маблағлари:
мактабгача таълим ташкилотларини белгиланган тартибда қурилишларнинг манзилли рўйхатига киритиб, уларнинг тармоғини кенгайтиришга;
мактабгача таълим тизими ходимларини моддий рағбатлантириш ва ижтимоий қўллаб-қувватлашга;
юқори малакали мутахассисларни, шу жумладан, хорижий мутахассисларни, шунингдек, хорижда фаолият юритаётган ватандошларимизни фуқаролик-ҳуқуқий шартномалар асосида Вазирликка ишлаш учун жалб қилишга;
Вазирликка юкланган вазифалар ва функцияларни бажариш доирасида давлат органлари ва ташкилотлари, лойиҳа институтлари, илмий ва олий таълим муассасалари, етакчи халқаро ва хорижий ташкилотлар мутахассисларини, шунингдек, экспертларни маслаҳатчилар сифатида жалб қилишга;
Вазирлик ходимларини, жумладан, хорижда ўқитиш, қайта тайёрлаш ва малакасини оширишни ташкил қилишга;
Вазирлик, Қорақалпоғистон Республикаси Мактабгача таълим вазирлиги, вилоят мактабгача таълим бошқармалари ва Тошкент шаҳар мактабгача таълим бош бошқармаси, мактабгача таълим туман (шаҳар) бўлимлари ва Вазирлик тизимидаги ташкилотларни жиҳозлаш, таъмирлаш, ободонлаштириш ва кўкаламзорлаштиришга;
таълим-тарбия жараёнига илғор педагогика ва ахборот технологияларини жорий этишга, шунингдек, Вазирлик фаолиятини такомиллаштиришга йўналтирилган бошқа тадбирларга сарфланади.
3-боб. Жамғарма фаолиятини бошқариш
5. Жамғарма фаолиятини бошқариш ва унинг маблағларини тақсимлаш Жамғарма фаолиятини бошқариш кенгаши (кейинги ўринларда Кенгаш деб аталади) томонидан амалга оширилади. Ўзбекистон Республикаси мактабгача таълим вазири Кенгаш раиси ҳисобланади.
Кенгаш Ўзбекистон Республикаси мактабгача таълим вазирининг буйруғи билан камида етти нафар кишидан иборат таркибда тасдиқланади ва вазир ўринбосарлари, вазирликнинг бошқармалари ва бўлим бошлиқларидан шакллантирилади.
Кенгаш мажлиси аъзоларнинг ярмидан кўпи қатнашган тақдирда ваколатли ҳисобланади. Кўриб чиқилаётган масалалар бўйича қарорлар оддий кўпчилик овоз билан қабул қилинади. Қабул қилинган қарор баённома шаклида расмийлаштирилади.
6. Кенгаш мажлиси ҳар чоракда ёхуд зарур бўлганда навбатдан ташқари ўтказилади.
7. Кенгаш:
ҳар йили 25 декабргача Жамғарманинг келгуси йил учун даромадлари ва харажатлари сметаларини тасдиқлайди;
зарур ҳолларда тасдиқланган даромадлар ва харажатлар сметаларига тегишли ўзгартиришлар киритади;
ушбу Низомнинг 4-бандига мувофиқ Жамғарма маблағлари ҳисобига молиялаштириладиган тадбирларни белгилайди;
Жамғарма маблағларидан мақсадли ва самарали фойдаланилишини назорат қилади;
йил чораклари якунлари бўйича Жамғарманинг маблағларидан фойдаланиш тўғрисидаги ҳисоботларни кўриб чиқади ва тасдиқлайди;
Жамғармага халқаро молия ташкилотлари, хорижий давлатлар ва бошқа донорларнинг кредитлари (қарзи), грантлари ва техник кўмаклашиш маблағлари жалб этилишига кўмаклашади;
Жамғарма маблағларини шакллантириш ва улардан фойдаланиш билан боғлиқ бошқа ваколатларни амалга оширади.
8. Вазирликнинг Молиявий-иқтисодий ривожлантиришни режалаштириш бошқармаси Жамғарманинг ишчи органи ҳисобланади.
9. Ишчи орган:
Жамғарманинг келгуси йил учун даромадлари ва харажатлари прогноз кўрсаткичларини ишлаб чиқади;
Жамғарманинг даромадлари ва харажатлари сметаларини тайёрлайди;
Жамғарма тушумларини кўпайтириш ва унинг маблағларидан самарали фойдаланиш бўйича таклифлар тайёрлайди;
тушумлар манбалари бўйича Жамғарманинг даромадлари ҳамда харажатларнинг асосий йўналишлари ҳисобини юритади;
ҳар чоракда камида бир марта Жамғарма маблағларидан фойдаланилиши тўғрисида ҳисобот тайёрлайди ва Кенгашга тақдим этади.
4-боб. Жамғарма маблағларидан фойдаланиш юзасидан ҳисоб, ҳисобот ва назорат
10. Жамғарма маблағларидан фойдаланиш бўйича ҳисоб ва ҳисоботлар Вазирликнинг бюджетдан ташқари бошқа маблағларидан алоҳида юритилади.
11. Жамғарманинг даромадлари ва харажатлари сметаси бюджет ташкилотлари учун бюджетдан ташқари маблағлар бўйича қонун ҳужжатларида белгиланган тартибда тузилади (чораклар, тушумлар манбалари ва улардан фойдаланиш йўналишлари бўйича) ва Кенгаш томонидан тасдиқланади.
12. Жамғарманинг даромадлари ва харажатлари сметаларининг бажарилиши бўйича йиллик ҳисобот Вазирлик ҳайъати мажлисида кўриб чиқилади ва ҳар йили 15 мартгача Кенгаш томонидан тасдиқланади.
13. Жамғарманинг жорий йилда фойдаланилмай қолган маблағлари кейинги йилга ўтади ва олиб қўйилмайди.
14. Жамғарма маблағларидан мақсадли фойдаланилиши бўйича назорат Давлат молиявий назорати инспекцияси томонидан амалга оширилади.
5-боб. Якунловчи қоидалар
15. Кенгаш Жамғарма маблағларидан мақсадли ва самарали фойдаланиш учун жавоб беради.
16. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2018 йил 18 декабрь,
1027-сон
Oʻzbekiston Respublikasi Vazirlar Mahkamasining
qarori
NIZOM
Maktabgacha taʼlimni rivojlantirish jamgʻarmasi faoliyatini tashkil etish toʻgʻrisida
Oʻzbekiston Respublikasi Prezidentining “Maktabgacha taʼlim tizimini boshqarishni takomillashtirish chora-tadbirlari toʻgʻrisida” 2018-yil 30-sentabrdagi PQ-3955-son qarori ijrosini taʼminlash hamda Maktabgacha taʼlimni rivojlantirish jamgʻarmasi faoliyatini tashkil etish maqsadida Vazirlar Mahkamasi qaror qiladi:
1. Maktabgacha taʼlimni rivojlantirish jamgʻarmasi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Maktabgacha taʼlim vazirligi manfaatdor vazirliklar va idoralar bilan birgalikda bir oy muddatda ular qabul qilgan normativ-huquqiy hujjatlarni ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov va Oʻzbekiston Respublikasi Maktabgacha taʼlim vaziri A.V. Shin zimmasiga yuklansin.
Vazirlar Mahkamasining 2018-yil 18-dekabrdagi 1027-son qaroriga ILOVA
Maktabgacha taʼlimni rivojlantirish jamgʻarmasi toʻgʻrisida
1-bob. Umumiy qoidalar
1. Ushbu Nizom Maktabgacha taʼlimni rivojlantirish jamgʻarmasi (keyingi oʻrinlarda Jamgʻarma deb ataladi) faoliyatini tashkil etish tartibini belgilaydi.
2. Jamgʻarma yuridik shaxs hisoblanmaydi va uning mablagʻlari Oʻzbekiston Respublikasi Maktabgacha taʼlim vazirligining (keyingi oʻrinlarda Vazirlik deb ataladi) shaxsiy gʻazna hisobvaragʻida jamlanadi.
2-bob. Jamgʻarma mablagʻlarini shakllantirish va ulardan foydalanish tartibi
3. Quyidagilar Jamgʻarma mablagʻlarini shakllantirish manbalari hisoblanadi:
Respublika budjeti mablagʻlari, shu jumladan, 2018-2019-yillarga moʻljallangan, har chorakda ajratilib, har yili budjet qoidalariga muvofiq indeksatsiyalanadigan jami 100 milliard soʻm miqdorida;
davlat maktabgacha taʼlim tashkilotlarining foydalanilmayotgan koʻchmas mulkini sotishdan tushgan mablagʻlar — 100 foiz miqdorida;
Vazirlik tuzilmasiga kiradigan tashkilotlar va muassasalar faoliyatini tekshirish natijalari boʻyicha Vazirlik ichki audit xizmatlari tomonidan aniqlangan hamda Oʻzbekiston Respublikasi Davlat budjeti, davlat maqsadli jamgʻarmalari va budjetdan tashqari jamgʻarmalari daromadiga undirilgan budjet mablagʻlarining noqonuniy xarajatlari, oʻgʻirlik, kamomad summalarining 50 foizi;
Jamgʻarmaning vaqtincha boʻsh turgan mablagʻlarini joylashtirishdan olingan daromadlar;
jismoniy va yuridik shaxslarning, shu jumladan, Oʻzbekiston Respublikasi norezidentlarining xayriya ehsonlari;
xalqaro moliya tashkilotlari, xorijiy davlatlar va boshqa donorlarning kreditlari (qarzi), grantlari va texnik koʻmaklashish mablagʻlari;
qonun hujjatlarida taqiqlanmagan boshqa manbalar.
4. Jamgʻarma mablagʻlari:
maktabgacha taʼlim tashkilotlarini belgilangan tartibda qurilishlarning manzilli roʻyxatiga kiritib, ularning tarmogʻini kengaytirishga;
maktabgacha taʼlim tizimi xodimlarini moddiy ragʻbatlantirish va ijtimoiy qoʻllab-quvvatlashga;
yuqori malakali mutaxassislarni, shu jumladan, xorijiy mutaxassislarni, shuningdek, xorijda faoliyat yuritayotgan vatandoshlarimizni fuqarolik-huquqiy shartnomalar asosida Vazirlikka ishlash uchun jalb qilishga;
Vazirlikka yuklangan vazifalar va funksiyalarni bajarish doirasida davlat organlari va tashkilotlari, loyiha institutlari, ilmiy va oliy taʼlim muassasalari, yetakchi xalqaro va xorijiy tashkilotlar mutaxassislarini, shuningdek, ekspertlarni maslahatchilar sifatida jalb qilishga;
Vazirlik xodimlarini, jumladan, xorijda oʻqitish, qayta tayyorlash va malakasini oshirishni tashkil qilishga;
Vazirlik, Qoraqalpogʻiston Respublikasi Maktabgacha taʼlim vazirligi, viloyat maktabgacha taʼlim boshqarmalari va Toshkent shahar maktabgacha taʼlim bosh boshqarmasi, maktabgacha taʼlim tuman (shahar) boʻlimlari va Vazirlik tizimidagi tashkilotlarni jihozlash, taʼmirlash, obodonlashtirish va koʻkalamzorlashtirishga;
taʼlim-tarbiya jarayoniga ilgʻor pedagogika va axborot texnologiyalarini joriy etishga, shuningdek, Vazirlik faoliyatini takomillashtirishga yoʻnaltirilgan boshqa tadbirlarga sarflanadi.
3-bob. Jamgʻarma faoliyatini boshqarish
5. Jamgʻarma faoliyatini boshqarish va uning mablagʻlarini taqsimlash Jamgʻarma faoliyatini boshqarish kengashi (keyingi oʻrinlarda Kengash deb ataladi) tomonidan amalga oshiriladi. Oʻzbekiston Respublikasi maktabgacha taʼlim vaziri Kengash raisi hisoblanadi.
Kengash Oʻzbekiston Respublikasi maktabgacha taʼlim vazirining buyrugʻi bilan kamida yetti nafar kishidan iborat tarkibda tasdiqlanadi va vazir oʻrinbosarlari, vazirlikning boshqarmalari va boʻlim boshliqlaridan shakllantiriladi.
Kengash majlisi aʼzolarning yarmidan koʻpi qatnashgan taqdirda vakolatli hisoblanadi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi. Qabul qilingan qaror bayonnoma shaklida rasmiylashtiriladi.
6. Kengash majlisi har chorakda yoxud zarur boʻlganda navbatdan tashqari oʻtkaziladi.
7. Kengash:
har yili 25-dekabrgacha Jamgʻarmaning kelgusi yil uchun daromadlari va xarajatlari smetalarini tasdiqlaydi;
zarur hollarda tasdiqlangan daromadlar va xarajatlar smetalariga tegishli oʻzgartirishlar kiritadi;
ushbu Nizomning 4-bandiga muvofiq Jamgʻarma mablagʻlari hisobiga moliyalashtiriladigan tadbirlarni belgilaydi;
Jamgʻarma mablagʻlaridan maqsadli va samarali foydalanilishini nazorat qiladi;
yil choraklari yakunlari boʻyicha Jamgʻarmaning mablagʻlaridan foydalanish toʻgʻrisidagi hisobotlarni koʻrib chiqadi va tasdiqlaydi;
Jamgʻarmaga xalqaro moliya tashkilotlari, xorijiy davlatlar va boshqa donorlarning kreditlari (qarzi), grantlari va texnik koʻmaklashish mablagʻlari jalb etilishiga koʻmaklashadi;
Jamgʻarma mablagʻlarini shakllantirish va ulardan foydalanish bilan bogʻliq boshqa vakolatlarni amalga oshiradi.
8. Vazirlikning Moliyaviy-iqtisodiy rivojlantirishni rejalashtirish boshqarmasi Jamgʻarmaning ishchi organi hisoblanadi.
9. Ishchi organ:
Jamgʻarmaning kelgusi yil uchun daromadlari va xarajatlari prognoz koʻrsatkichlarini ishlab chiqadi;
Jamgʻarmaning daromadlari va xarajatlari smetalarini tayyorlaydi;
Jamgʻarma tushumlarini koʻpaytirish va uning mablagʻlaridan samarali foydalanish boʻyicha takliflar tayyorlaydi;
tushumlar manbalari boʻyicha Jamgʻarmaning daromadlari hamda xarajatlarning asosiy yoʻnalishlari hisobini yuritadi;
har chorakda kamida bir marta Jamgʻarma mablagʻlaridan foydalanilishi toʻgʻrisida hisobot tayyorlaydi va Kengashga taqdim etadi.
4-bob. Jamgʻarma mablagʻlaridan foydalanish yuzasidan hisob, hisobot va nazorat
10. Jamgʻarma mablagʻlaridan foydalanish boʻyicha hisob va hisobotlar Vazirlikning budjetdan tashqari boshqa mablagʻlaridan alohida yuritiladi.
11. Jamgʻarmaning daromadlari va xarajatlari smetasi budjet tashkilotlari uchun budjetdan tashqari mablagʻlar boʻyicha qonun hujjatlarida belgilangan tartibda tuziladi (choraklar, tushumlar manbalari va ulardan foydalanish yoʻnalishlari boʻyicha) va Kengash tomonidan tasdiqlanadi.
12. Jamgʻarmaning daromadlari va xarajatlari smetalarining bajarilishi boʻyicha yillik hisobot Vazirlik hayʼati majlisida koʻrib chiqiladi va har yili 15-martgacha Kengash tomonidan tasdiqlanadi.
13. Jamgʻarmaning joriy yilda foydalanilmay qolgan mablagʻlari keyingi yilga oʻtadi va olib qoʻyilmaydi.
14. Jamgʻarma mablagʻlaridan maqsadli foydalanilishi boʻyicha nazorat Davlat moliyaviy nazorati inspeksiyasi tomonidan amalga oshiriladi.
5-bob. Yakunlovchi qoidalar
15. Kengash Jamgʻarma mablagʻlaridan maqsadli va samarali foydalanish uchun javob beradi.
16. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 18-dekabr,
1027-son
Кабинета Министров Республики Узбекистан
Постановление
Положение
Об организации деятельности Фонда развития дошкольного образования
Во исполнение постановления Президента Республики Узбекистан от 30 сентября 2018 года № ПП-3955 «О мерах по совершенствованию системы управления дошкольным образованием», а также в целях организации деятельности Фонда развития дошкольного образования Кабинет Министров постановляет:
1. Утвердить Положение о Фонде развития дошкольного образования согласно приложению .
2. Министерству дошкольного образования Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствии с настоящим постановлением.
3. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и министра дошкольного образования Республики Узбекистан А.В. Шин.
ПРИЛОЖЕНИЕ к постановлению Кабинета Министров от 18 декабря 2018 года № 1027
о Фонде развития дошкольного образования
Глава 1. Общие положения
1. Настоящее Положение определяет порядок организации деятельности Фонда развития дошкольного образования (далее ― Фонд).
2. Фонд не является юридическим лицом и его средства аккумулируются на казначейском лицевом счете Министерства дошкольного образования Республики Узбекистан (далее ― Министерство).
Глава 2. Порядок формирования и использования средств Фонда
3. Источниками формирования средств Фонда являются:
средства республиканского бюджета, в том числе на 2018-2019 годы в совокупности в размере 100 миллиардов сум с их ежеквартальным выделением, индексируемые ежегодно в соответствии с бюджетными правилами;
100 процентов средств от реализации неиспользуемого недвижимого имущества государственных дошкольных образовательных организаций;
50 процентов от незаконных расходов бюджетных средств, сумм хищений, растрат, недостач, выявленных службами внутреннего аудита Министерства по результатам проверок деятельности организаций и учреждений, входящих в структуру Министерства, и взысканных в доход Государственного бюджета, государственных целевых фондов Республики Узбекистан и внебюджетных фондов;
доходы, получаемые от размещения временно свободных средств Фонда;
благотворительные пожертвования физических и юридических лиц, в том числе нерезидентов Республики Узбекистан;
кредиты (займы), гранты и средства технического содействия международных финансовых организаций, зарубежных государств и других доноров;
другие источники, не запрещенные законодательством.
4. Средства Фонда расходуются на:
расширение сети дошкольных образовательных организаций с включением их в адресные списки строек в установленном порядке;
материальное стимулирование и социальную поддержку работников системы дошкольного образования;
привлечение на работу в Министерство на основе гражданско-правовых договоров высококвалифицированных специалистов, в том числе иностранных, а также соотечественников, осуществляющих деятельность за рубежом;
привлечение в качестве консультантов в рамках выполнения возложенных на Министерство задач и функций специалистов государственных органов и организаций, проектных институтов, научных и высших образовательных учреждений, ведущих международных и иностранных организаций, а также экспертов;
организацию обучения, переподготовки и повышения квалификации работников Министерства, в том числе за рубежом;
оснащение, ремонт, благоустройство и озеленение Министерства, Министерства дошкольного образования Республики Каракалпакстан, управлений дошкольного образования областей и Главного управления дошкольного образования г. Ташкента, районных (городских) отделов дошкольного образования и организаций в системе Министерства;
внедрение в образовательно-воспитательный процесс передовых педагогических и информационных технологий, а также другие мероприятия, направленные на совершенствование деятельности Министерства.
Глава 3. Управление деятельностью Фонда
5. Управление и распределение средств Фонда осуществляется Советом по управлению деятельностью Фонда (далее — Совет). Председателем Совета является министр дошкольного образования Республики Узбекистан.
Состав Совета утверждается приказом министра дошкольного образования Республики Узбекистан в количестве не менее семи человек и формируется из числа заместителей министра, руководителей управлений и отделов Министерства.
Заседание Совета считается правомочным, если на нем присутствуют более половины его членов. Решения по рассматриваемым вопросам принимаются простым большинством голосов. Принятое решение оформляется в виде протокола.
6. Заседание Совета проводится ежеквартально либо во внеплановом порядке по мере необходимости.
7. Совет:
утверждает до 25 декабря сметы доходов и расходов Фонда на каждый предстоящий год;
вносит при необходимости корректировки в утвержденные сметы доходов и расходов;
определяет мероприятия для финансирования за счет средств Фонда согласно пункту 4 настоящего Положения;
контролирует целевое и эффективное использование средств Фонда;
рассматривает и утверждает по итогам кварталов отчеты Фонда о доходах и расходах;
содействует привлечению в Фонд зарубежных кредитов (займов), грантов и средств технического содействия международных финансовых организаций, зарубежных государств и других доноров
осуществляет другие полномочия, связанные с формированием и использованием средств Фонда.
8. Рабочим органом Фонда является Управление планирования финансово-экономического развития Министерства.
9. Рабочий орган:
разрабатывает прогнозные показатели доходов и расходов Фонда на предстоящий год;
подготавливает сметы доходов и расходов Фонда;
подготавливает предложения по увеличению поступлений и эффективному использованию средств Фонда;
ведет учет доходов Фонда по источникам поступлений, а также по основным направлениям расходов Фонда;
подготавливает и представляет в Совет не менее одного раза в квартал отчет об использовании средств Фонда.
Глава 4. Учет, отчетность и контроль за использованием средств Фонда
10. Ведение учета и отчетности использования средств Фонда осуществляется раздельно от прочих внебюджетных средств Министерства.
11. Смета доходов и расходов Фонда составляется в порядке, установленном законодательством для бюджетных организаций по внебюджетным средствам (в разрезе кварталов, источников поступлений и направлений их использования), и утверждается Советом.
12. Годовой отчет об исполнении сметы доходов и расходов Фонда рассматривается на заседании коллегии Министерства и ежегодно до 15 марта утверждается Советом.
13. Средства Фонда, не израсходованные в текущем году, переходят на следующий год и изъятию не подлежат.
14. Контроль за целевым использованием средств Фонда осуществляется Инспекцией государственного финансового контроля.
Глава 5. Заключительные положения
15. Совет несет ответственность за целевое и эффективное использование средств Фонда.
16. Лица, виновные в нарушении требований настоящего Положения, несут ответственность в порядке, установленном законодательством.
Премьер-министр Республики Узбекистан А. АРИПОВ
г. Ташкент,
18 декабря 2018 г.,
№ 1027