📅 2018-yil 20-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 20 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 20 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Судьяларни ижтимоий қўллаб-қувватлашга доир қўшимча чора-тадбирлар тўғрисида
Ўзбекистон Республикаси Президентининг «Суд-ҳуқуқ тизимини янада такомиллаштириш ва суд ҳокимияти органларига ишончни ошириш чора-тадбирлари тўғрисида» 2018 йил 13 июлдаги ПФ-5482-сон Фармонининг ижросини таъминлаш, шунингдек, судьяларни янада ижтимоий қўллаб-қувватлаш мақсадида Вазирлар Маҳкамаси қарор қилади:
1. Ўзбекистон Республикаси Олий суди ва АТ «Халқ банки»нинг судьялар ва уларга тенглаштирилган шахсларга мамлакатимизда ишлаб чиқарилган бюджет енгил автотранспорт воситаларини (кейинги ўринларда автотранспорт воситалари деб аталади) сотиб олиш учун қуйидаги шартларда кредитлар бериш ҳақидаги таклифларига розилик берилсин:
кредит муддати — уч ойлик имтиёзли давр билан 5 йил;
дастлабки бадал — сотиб олинадиган автотранспорт воситаси қийматининг 25 фоизи;
кредит бўйича фоиз ставкаси — 2019 йил 31 декабрига қадар кредит бериш санасида амалда бўлган Ўзбекистон Республикаси Марказий банкининг қайта молиялаштириш ставкасидан ошмаган миқдорда, 2020 йил 1 январдан бошлаб — тижорат банклари томонидан бозор тамойиллари асосида мустақил равишда белгиланадиган ставкаларда, фоиз харажатларнинг бир қисмини компенсация қилиш механизмидан фойдаланиш имконияти билан.
2. «Ўзавтосаноат» АЖ Ўзбекистон Республикаси Олий судининг тақдимномаси бўйича судьялар ва уларга тенглаштирилган шахсларга имтиёзли кредитлар асосида сотиб олиши учун тегишли автотранспорт воситаларининг зарур миқдорда ўз вақтида ажратилишини таъминласин.
3. Қуйидагиларга:
АТ «Халқ банки»га Ўзбекистон Республикаси Олий суди билан биргаликда судьялар ва уларга тенглаштирилган шахсларга автотранспорт воситаларини сотиб олиш учун имтиёзли кредитлар берилишини таъминлаш мақсадида Суд ҳокимияти органларини ривожлантириш жамғармасининг бўш турган маблағларини депозит ҳисоб рақамларга келишилган йиллик фоиз ставкасида жойлаштириш масаласини ишлаб чиқиш;
Ўзбекистон Республикаси Олий судига:
автотранспорт воситаларини имтиёзли кредитлар асосида сотиб олишни хоҳловчи судьялар ва уларга тенглаштирилган шахсларнинг эҳтиёжини аниқлаш ва уларга имтиёзли кредитлар расмийлаштирилиши учун тақдимномалар бериш;
АТ «Халқ банки» билан биргаликда банкнинг ҳудудий филиаллари жойлашишидан келиб чиқиб, салоҳиятли қарз берувчиларни тақсимлаш;
судьялар ва уларга тенглаштирилган шахслар ўртасида автотранспорт воситаларини сотиб олиш учун имтиёзли кредитлар олиш шартлари ва тартиби тўғрисида тушунтириш ишлари олиб борилишини ташкил этиш тавсия этилсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 20 декабрь,
1036-сон
Oʻzbekiston Respublikasi Vazirlar Mahkamasining
qarori
Sudyalarni ijtimoiy qoʻllab-quvvatlashga doir qoʻshimcha chora-tadbirlar toʻgʻrisida
Oʻzbekiston Respublikasi Prezidentining “Sud-huquq tizimini yanada takomillashtirish va sud hokimiyati organlariga ishonchni oshirish chora-tadbirlari toʻgʻrisida” 2018-yil 13-iyuldagi PF-5482-son Farmonining ijrosini taʼminlash, shuningdek, sudyalarni yanada ijtimoiy qoʻllab-quvvatlash maqsadida Vazirlar Mahkamasi qaror qiladi:
1. Oʻzbekiston Respublikasi Oliy sudi va AT “Xalq banki”ning sudyalar va ularga tenglashtirilgan shaxslarga mamlakatimizda ishlab chiqarilgan budjet yengil avtotransport vositalarini (keyingi oʻrinlarda avtotransport vositalari deb ataladi) sotib olish uchun quyidagi shartlarda kreditlar berish haqidagi takliflariga rozilik berilsin:
kredit muddati — uch oylik imtiyozli davr bilan 5 yil;
dastlabki badal — sotib olinadigan avtotransport vositasi qiymatining 25 foizi;
kredit boʻyicha foiz stavkasi — 2019-yil 31-dekabriga qadar kredit berish sanasida amalda boʻlgan Oʻzbekiston Respublikasi Markaziy bankining qayta moliyalashtirish stavkasidan oshmagan miqdorda, 2020-yil 1-yanvardan boshlab — tijorat banklari tomonidan bozor tamoyillari asosida mustaqil ravishda belgilanadigan stavkalarda, foiz xarajatlarning bir qismini kompensatsiya qilish mexanizmidan foydalanish imkoniyati bilan.
2. “Oʻzavtosanoat” AJ Oʻzbekiston Respublikasi Oliy sudining taqdimnomasi boʻyicha sudyalar va ularga tenglashtirilgan shaxslarga imtiyozli kreditlar asosida sotib olishi uchun tegishli avtotransport vositalarining zarur miqdorda oʻz vaqtida ajratilishini taʼminlasin.
3. Quyidagilarga:
AT “Xalq banki”ga Oʻzbekiston Respublikasi Oliy sudi bilan birgalikda sudyalar va ularga tenglashtirilgan shaxslarga avtotransport vositalarini sotib olish uchun imtiyozli kreditlar berilishini taʼminlash maqsadida Sud hokimiyati organlarini rivojlantirish jamgʻarmasining boʻsh turgan mablagʻlarini depozit hisob raqamlarga kelishilgan yillik foiz stavkasida joylashtirish masalasini ishlab chiqish;
Oʻzbekiston Respublikasi Oliy sudiga:
avtotransport vositalarini imtiyozli kreditlar asosida sotib olishni xohlovchi sudyalar va ularga tenglashtirilgan shaxslarning ehtiyojini aniqlash va ularga imtiyozli kreditlar rasmiylashtirilishi uchun taqdimnomalar berish;
AT “Xalq banki” bilan birgalikda bankning hududiy filiallari joylashishidan kelib chiqib, salohiyatli qarz beruvchilarni taqsimlash;
sudyalar va ularga tenglashtirilgan shaxslar oʻrtasida avtotransport vositalarini sotib olish uchun imtiyozli kreditlar olish shartlari va tartibi toʻgʻrisida tushuntirish ishlari olib borilishini tashkil etish tavsiya etilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 20-dekabr,
1036-son
Кабинета Министров Республики Узбекистан
Постановление
О дополнительных мерах по социальной поддержке судей
Во исполнение Указа Президента Республики Узбекистан от 13 июля 2018 года № УП-5482 «О мерах по дальнейшему совершенствованию судебно-правовой системы и повышению доверия к органам судебной власти», а также в целях дальнейшей социальной поддержки судей Кабинет Министров постановляет:
1. Согласиться с предложениями Верховного суда Республики Узбекистан и АК «Народный банк» о предоставлении судьям и приравненным к ним лицам кредитов для приобретения бюджетных легковых автотранспортных средств отечественного производства (далее — автотранспортные средства) на следующих условиях:
срок кредита — 5 лет с трехмесячным льготным периодом;
первоначальный взнос — 25 процентов от стоимости приобретаемого автотранспортного средства;
процентная ставка по кредиту — до 31 декабря 2019 года по ставке, не превышающей ставки рефинансирования Центрального банка Республики Узбекистан на дату выдачи кредита, а с 1 января 2020 года — по ставкам, устанавливаемым коммерческими банками самостоятельно на основе рыночных принципов, с возможностью использования компенсационного механизма в части процентных расходов.
2. АО «Узавтосаноат» обеспечить своевременное выделение необходимого количества соответствующих автотранспортных средств для последующего их приобретения на основании льготных кредитов для судей и приравненных к ним лицам по представлению Верховного суда Республики Узбекистан.
3. Рекомендовать:
АК «Народный банк» совместно с Верховным судом Республики Узбекистан проработать вопрос размещения свободных средств Фонда развития органов судебной власти на депозитные счета по согласованной годовой процентной ставке, для последующего предоставления льготных кредитов судьям и приравненным к ним лицам для приобретения автотранспортных средств;
Верховному суду Республики Узбекистан:
определить потребность судей и приравненных к ним лиц, желающих приобрести автотранспортные средства на основании льготных кредитов, с выдачей им представлений для последующего оформления льготных кредитов;
совместно с АК «Народный банк» распределить потенциальных заемщиков, исходя из местонахождения территориальных филиалов банка;
организовать проведение среди судей и приравненных к ним лиц разъяснительной работы об условиях и о порядке получения льготных кредитов для приобретения автотранспортных средств.
4. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
20 декабря 2018 г.,
№ 1036