📅 2018-yil 24-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 24 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 декабря 2018 г. · Указы Президента
Официальный текст. Официальный документ. Редакционные примечания не включены.
📅 24 December 2018 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАВСИФИ
ТАВСИФИ
Ўзбекистон Республикаси Ички ишлар вазирлигининг байроғи ва эмблемаси намуналарини тасдиқлаш тўғрисида
Ички ишлар органлари бирдамлигини, ходимларни Ватанга садоқат руҳида тарбиялаш, улар томонидан «Халқ манфаатларига хизмат қилиш» хизмат бурчи сўзсиз бажарилишини таъминлаш, шунингдек, Ўзбекистон Республикаси Президентининг «Ички ишлар органлари фаолиятини янада такомиллаштиришга доир ташкилий чора-тадбирлар тўғрисида» 2017 йил 12 апрелдаги ПҚ-2883-сон қарорига мувофиқ:
1. Ўзбекистон Республикаси Ички ишлар вазирлигининг байроғи ва эмблемаси намуналари 1 ва 2-иловаларга мувофиқ тасдиқлансин.
2. Белгилансинки, байроқ ва эмблемани тайёрлаш, фойдаланиш ва сақлаш тартиби Ўзбекистон Республикаси ички ишлар вазири томонидан тасдиқланади.
3. Мазкур Фармоннинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2018 йил 24 декабрдаги ПФ-5602-сон Фармонига 1-ИЛОВА
Ўзбекистон Республикаси Ички ишлар вазирлигининг байроғи
Ўзбекистон Республикаси Ички ишлар вазирлиги байроғи (кейинги ўринларда — байроқ) тўқ кулранг тўғрибурчакли матодир.
Байроқнинг олд ва орқа томонлари марказида геральдик белги — Ўзбекистон Республикаси Ички ишлар вазирлиги эмблемаси тасвирланган. Эмблема диаметри 98 сантиметрли айлана ичига чизилган.
Байроқнинг узунлиги 250 сантиметрга, кенглиги 125 сантиметрга тенг.
Байроқ бошқа ўлчамларда ҳам бўлиши мумкин, бироқ барча ҳолатларда байроқнинг кенглиги ва узунлиги 1:2 нисбатда бўлиши шарт.
Ўзбекистон Республикаси Президентининг 2018 йил 24 декабрдаги ПФ-5602-сон Фармонига 2-ИЛОВА
Ўзбекистон Республикаси Ички ишлар вазирлигининг геральдик белгиси — эмблемаси
Ўзбекистон Республикаси Ички ишлар вазирлиги геральдик белгиси — эмблемаси четлари бронза рангда ҳошияланган ҳалқали тўқ кумуш айлана кўринишига эга. Ички чизиқ марказида ҳаётий кучни ифодаловчи қизил рангли йўл-йўл чизиқ туширилган.
Ҳалқали чизиқнинг тепа қисмида бронза рангли тўғри босма ҳарфларда лотин алифбосида «OʻZBEKISTON RESPUBLIKASI», пастки қисмида «ICHKI ISHLAR VAZIRLIGI» сўзлари ёзилган. Ёзувлар қатъият, матонат ва шон-шарафни ифодаловчи иккита саккиз қиррали юлдуз билан бир-биридан ажратилган.
Айлана ўртасида Амир Темур қўшинлари томонидан фойдаланилган ҳамда ички ва ташқи таҳдидлардан ҳимояни ифодаловчи доирасимон қалқон тасвирланган. Қалқон марказида доира ичига чизилган ўнгга айланишни акс эттирувчи октограмма бўлиб, у тартиб, мувозанат ва камолотга етишишни англатади. Қалқон четлари миллий орнамент билан безатилган.
Қалқон ортида — тиғи пастга қаратилган ва диагональ тарзда кесишган икки шамшир — куч ва ҳимоянинг қадимий рамзи жойлашган. Шамширларнинг дастаси Ўзбекистон Республикаси ички ишлар органлари фаолиятининг асосий принциплари — қонунийлик, ягоналик, фуқароларнинг ҳуқуқлари, эркинликлари ва қонуний манфаатларига риоя этиш ҳамда ҳурмат қилиш, очиқлик ва шаффофликни ифодаловчи тўртта ҳошиядан иборат.
Қалқон ҳошияси графит кулранг, шамширлар кумуш рангда.
Қалқон ва шамширлар ортида тилла рангда ишланган, қанотлари ёйилган, омад ва бахт рамзи бўлган Хумо қуши тасвирланган. Бундай жойлашув мамлакатда тинчлик ва осойишталик ҳимояланганлигини, ички ишлар органлари халқ манфаатларига хизмат қилишини ифодалайди.
Геральдик белги бир рангли (силуэт) тасвирда бажарилиши мумкин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 24 декабрь,
ПФ-5602-сон
Oʻzbekiston Respublikasi Prezidentining
Farmoni
TAVSIFI
TAVSIFI
Oʻzbekiston Respublikasi Ichki ishlar vazirligining bayrogʻi va emblemasi namunalarini tasdiqlash toʻgʻrisida
Ichki ishlar organlari birdamligini, xodimlarni Vatanga sadoqat ruhida tarbiyalash, ular tomonidan “Xalq manfaatlariga xizmat qilish” xizmat burchi soʻzsiz bajarilishini taʼminlash, shuningdek, Oʻzbekiston Respublikasi Prezidentining “Ichki ishlar organlari faoliyatini yanada takomillashtirishga doir tashkiliy chora-tadbirlar toʻgʻrisida” 2017-yil 12-apreldagi PQ-2883-son qaroriga muvofiq:
1. Oʻzbekiston Respublikasi Ichki ishlar vazirligining bayrogʻi va emblemasi namunalari 1 va 2-ilovalarga muvofiq tasdiqlansin.
2. Belgilansinki, bayroq va emblemani tayyorlash, foydalanish va saqlash tartibi Oʻzbekiston Respublikasi ichki ishlar vaziri tomonidan tasdiqlanadi.
3. Mazkur Farmonning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2018-yil 24-dekabrdagi PF-5602-son Farmoniga 1-ILOVA
Oʻzbekiston Respublikasi Ichki ishlar vazirligining bayrogʻi
Oʻzbekiston Respublikasi Ichki ishlar vazirligi bayrogʻi (keyingi oʻrinlarda — bayroq) toʻq kulrang toʻgʻriburchakli matodir.
Bayroqning old va orqa tomonlari markazida geraldik belgi — Oʻzbekiston Respublikasi Ichki ishlar vazirligi emblemasi tasvirlangan. Emblema diametri 98 santimetrli aylana ichiga chizilgan.
Bayroqning uzunligi 250 santimetrga, kengligi 125 santimetrga teng.
Bayroq boshqa oʻlchamlarda ham boʻlishi mumkin, biroq barcha holatlarda bayroqning kengligi va uzunligi 1:2 nisbatda boʻlishi shart.
Oʻzbekiston Respublikasi Prezidentining 2018-yil 24-dekabrdagi PF-5602-son Farmoniga 2-ILOVA
Oʻzbekiston Respublikasi Ichki ishlar vazirligining geraldik belgisi — emblemasi
Oʻzbekiston Respublikasi Ichki ishlar vazirligi geraldik belgisi — emblemasi chetlari bronza rangda hoshiyalangan halqali toʻq kumush aylana koʻrinishiga ega. Ichki chiziq markazida hayotiy kuchni ifodalovchi qizil rangli yoʻl-yoʻl chiziq tushirilgan.
Halqali chiziqning tepa qismida bronza rangli toʻgʻri bosma harflarda lotin alifbosida “OʻZBEKISTON RESPUBLIKASI”, pastki qismida “ICHKI ISHLAR VAZIRLIGI” soʻzlari yozilgan. Yozuvlar qatʼiyat, matonat va shon-sharafni ifodalovchi ikkita sakkiz qirrali yulduz bilan bir-biridan ajratilgan.
Aylana oʻrtasida Amir Temur qoʻshinlari tomonidan foydalanilgan hamda ichki va tashqi tahdidlardan himoyani ifodalovchi doirasimon qalqon tasvirlangan. Qalqon markazida doira ichiga chizilgan oʻngga aylanishni aks ettiruvchi oktogramma boʻlib, u tartib, muvozanat va kamolotga yetishishni anglatadi. Qalqon chetlari milliy ornament bilan bezatilgan.
Qalqon ortida — tigʻi pastga qaratilgan va diagonal tarzda kesishgan ikki shamshir — kuch va himoyaning qadimiy ramzi joylashgan. Shamshirlarning dastasi Oʻzbekiston Respublikasi ichki ishlar organlari faoliyatining asosiy prinsiplari — qonuniylik, yagonalik, fuqarolarning huquqlari, erkinliklari va qonuniy manfaatlariga rioya etish hamda hurmat qilish, ochiqlik va shaffoflikni ifodalovchi toʻrtta hoshiyadan iborat.
Qalqon hoshiyasi grafit kulrang, shamshirlar kumush rangda.
Qalqon va shamshirlar ortida tilla rangda ishlangan, qanotlari yoyilgan, omad va baxt ramzi boʻlgan Xumo qushi tasvirlangan. Bunday joylashuv mamlakatda tinchlik va osoyishtalik himoyalanganligini, ichki ishlar organlari xalq manfaatlariga xizmat qilishini ifodalaydi.
Geraldik belgi bir rangli (siluet) tasvirda bajarilishi mumkin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 24-dekabr,
PF-5602-son
Президента Республики Узбекистан
Указ
ОПИСАНИЕ
ОПИСАНИЕ
Об утверждении образцов флага и эмблемы Министерства внутренних дел Республики Узбекистан
В целях обеспечения сплоченности органов внутренних дел, воспитания сотрудников в духе преданности Родине, безусловного выполнения каждым из них своего служебного долга — «Служить интересам народа», а также в соответствии с постановлением Президента Республики Узбекистан от 12 апреля 2017 года № ПП-2883 «Об организационных мерах по дальнейшему совершенствованию деятельности органов внутренних дел»:
1. Утвердить образцы флага и эмблемы Министерства внутренних дел Республики Узбекистан согласно приложениям №№ 1 и 2 .
2. Установить, что порядок изготовления, использования и хранения флага и эмблемы утверждается министром внутренних дел Республики Узбекистан.
3. Контроль за исполнением настоящего Указа возложить на руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ № 1 к Указу Президента Республики Узбекистан от 24 декабря 2018 года № УП-5602
флага Министерства внутренних дел Республики Узбекистан
Флаг Министерства внутренних дел Республики Узбекистан (далее — флаг) представляет собой прямоугольное полотнище насыщенного серого цвета.
В центре флага на лицевой и оборотной сторонах изображен геральдический знак - эмблема Министерства внутренних дел Республики Узбекистан. Эмблема вписана в окружность диаметром 98 см.
Длина флага составляет — 250 см, ширина — 125 см.
Флаг может быть и других размеров, однако во всех случаях отношение ширины флага к его длине должно быть 1:2.
ПРИЛОЖЕНИЕ № 2 к Указу Президента Республики Узбекистан от 24 декабря 2018 года № УП-5602
геральдического знака — эмблемы Министерства внутренних дел Республики Узбекистан
Геральдический знак — эмблема Министерства внутренних дел Республики Узбекистан представляет собой круг темно-серебристого цвета с кольцевой полосой по краю, обрамленной линиями бронзового цвета. По центру внутренней линии нанесена полоса красного цвета, символизирующая жизненную силу.
На кольцевой полосе сверху надпись бронзовыми прямыми литерами латинского алфавита: «OʼZBEKISTON RESPUBLIKASI», снизу: «ICHKI ISHLAR VAZIRLIGI». Надписи разделены между собой двумя восьмиконечными звездами, символизирующими знак утверждения, непреклонность и честь.
В центре круга изображен круглый щит, символизирующий защиту от внешних и внутренних угроз, использовавшийся войсками Амира Темура. По центру щита изображена октограмма, вписанная в окружность, изображающая вращение направо, которая символизирует порядок, равновесие и самосовершенствование. Края щита украшены национальным орнаментом.
За щитом — две диагонально перекрещенные сабли остриями вниз — древний символ защиты и силы. Рукоять сабель состоит из четырех ободков, символизирующих основные принципы деятельности органов внутренних дел Республики Узбекистан — законность, единство, соблюдение и уважение прав, свобод и законных интересов граждан, открытость и прозрачность.
Поле щита графитового серого, сабли — серебристого цвета.
За щитом и саблями изображена птица Хумо с раскрытыми крыльями, выполненная в золотистом цвете, которая символизирует удачу и счастье. Данное расположение символизирует защищенность мира и спокойствия в стране, служение органов внутренних дел в интересах народа.
Геральдический знак может выполняться в одноцветном (силуэтном) изображении.
Президент Республики Узбекистан Ш. МИРЗИЁЕВ
г. Ташкент,
24 декабря 2018 г.,
№ УП-5602