📅 2018-yil 26-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 26 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 26 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ички ишлар органларининг муайян яшаш жойига эга бўлмаган шахсларни реабилитация қилиш марказлари тўғрисидаги низомга ўзгартиришлар ва қўшимчалар киритиш ҳақида
Муайян яшаш жойига эга бўлмаган шахсларнинг ҳуқуқлари, эркинликлари ва қонуний манфаатларини ҳимоя қилиш тизимини янада такомиллаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2018 йил 26 апрелдаги 309-сон қарори (Ўзбекистон Республикаси ҚТ, 2018 й., 4-сон, 95-модда) билан тасдиқланган Ички ишлар органларининг муайян яшаш жойига эга бўлмаган шахсларни реабилитация қилиш марказлари тўғрисидаги низомга иловага мувофиқ ўзгартириш ва қўшимчалар киритилсин.
2. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин..
Вазирлар Маҳкамасининг 2018 йил 26 декабрдаги 1043-сон қарорига ИЛОВА
Ички ишлар органларининг муайян яшаш жойига эга бўлмаган шахсларни реабилитация қилиш марказлари тўғрисидаги низомга киритилаётган ўзгартириш ва қўшимчалар
1. 36-банднинг биринчи хатбошидаги «миграция ва фуқароликни расмийлаштириш ҳамда эксперт-криминалистика хизматларининг» сўзлари «миграция ва фуқароликни расмийлаштириш бўлинмалари, шунингдек, эксперт-криминалистика хизматининг» сўзлари билан алмаштирилсин.
2. 38-банднинг биринчи хатбошидаги «миграция ва фуқароликни расмийлаштириш хизмати» сўзлари «миграция ва фуқароликни расмийлаштириш бўлинмаси» сўзлари билан алмаштирилсин.
3. 42-бандда :
иккинчи хатбошидаги «миграция ва фуқароликни расмийлаштириш хизматига» сўзлари «миграция ва фуқароликни расмийлаштириш бўлинмасига» сўзлари билан алмаштирилсин;
учинчи хатбошидаги «миграция ва фуқароликни расмийлаштириш хизмати» сўзлари «миграция ва фуқароликни расмийлаштириш бўлинмаси» сўзлари билан алмаштирилсин.
4. Қуйидаги мазмундаги 42 1 — 42 3 -бандлар қўшилсин:
«42 1 . Муайян яшаш жойига эга бўлмаган шахслар шахсини тасдиқловчи вақтинчалик маълумотнома билан туман (шаҳар) ички ишлар органларининг миграция ва фуқароликни расмийлаштириш бўлинмаларига мурожаат этганда қуйидагилар амалга оширилади:
муайян яшаш жойига эга бўлмаган шахснинг Ўзбекистон Республикаси фуқаролигига мансублиги унинг туғилган вақти ва жойи, қаерда яшаганлиги, туғилганлик ҳақидаги гувоҳнома ёки шахсини тасдиқловчи бошқа ҳужжатлар мавжудлиги ёки мавжуд эмаслиги, ота-онаси, турмуш ўртоғи, фарзандлари ва бошқа яқин қариндошлари, аввалги доимий прописка қилинган манзили ҳақидаги маълумотларни аниқлаш орқали ўрганиб чиқилади;
Ўзбекистон Республикаси ёки бошқа давлат фуқаролигига мансублиги аниқланмаган тақдирда, туман (шаҳар) ички ишлар органларининг миграция ва фуқароликни расмийлаштириш бўлинмалари шахсини тасдиқловчи вақтинча маълумотномани белгиланган тартибда беради, шунингдек, маҳаллий хокимликлар билан биргаликда доимий пропискани рамийлаштириш, яшаш гувоҳномасини ҳужжатлаштириш чораларини кўради.
42 2 . Ўзбекистон Республикасининг фуқаролик паспорти билан аввал ҳужжатлаштирилган, аммо уни йўқотиб қўйган ва доимий пропискаси бўлмаган (суд қарори билан доимий пропискадан чиқариб юборилган ва/ёки доимий пропискага қўйишга асослари мавжуд бўлмаган) муайян яшаш жойига эга бўлмаган шахсларга истисно тариқасида, вақтинчалик прописка асосида Ўзбекистон Республикасининг фуқаролик паспорти қайта расмийлаштирилади.
42 3 . Ушбу Низомнинг 42 1 ва 42 2 -бандларида назарда тутилган ҳолларда фуқаролик паспортларни расмийлаштиришда ички ишлар органлари томонидан муайян яшаш жойига эга бўлмаган шахсларни Ўзбекистон Республикаси Маъмурий жавобгарлик тўғрисидаги кодексининг 21 ва 308 1 -моддаларида назарда тутилган тартибда маъмурий жавобгарликдан озод этиш чоралари кўрилади.
Муайян яшаш жойига эга бўлмаган шахсларнинг фуқаролик паспортларини расмийлаштириш учун давлат божлари туман (шаҳар) ички ишлар органлари миграция ва фуқароликни расмийлаштириш бўлинмаларининг талабномасига асосан Қорақалпоғистон Республикаси, вилоятлар ва Тошкент шаҳар маҳаллий бюджет маблағлари ҳамда қонун ҳужжатларида тақиқланмаган бошқа манбалар ҳисобидан қопланади.
Муайян яшаш жойига эга бўлмаган шахсларни маъмурий жавобгарликдан озод этиш ва паспортни расмийлаштиришда давлат божини қоплаш учун тегишли ҳужжатларни расмийлаштириш ҳамда судларга ва маҳаллий ижро этувчи ҳокимият органларига тақдим этиш тартиби Ўзбекистон Республикаси Ички ишлар вазирлиги томонидан белгиланади».
5. 70-бандга қуйидаги мазмундаги жумла қўшилсин:
«Зарур бўлганда, реабилитация марказининг буюртманомасига асосан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан уларга маҳаллий бюджет маблағлари ҳисобидан йўл харажатлари учун пул берилади».
Ўзбекистон Республикасининг Бош вазири А. АРИПОВ
Тошкент ш.,
2018 йил 26 декабрь,
1043-сон
Oʻzbekiston Respublikasi Vazirlar Mahkamasining
qarori
Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlari toʻgʻrisidagi nizomga oʻzgartirishlar va qoʻshimchalar kiritish haqida
Muayyan yashash joyiga ega boʻlmagan shaxslarning huquqlari, erkinliklari va qonuniy manfaatlarini himoya qilish tizimini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2018-yil 26-apreldagi 309-son qarori (Oʻzbekiston Respublikasi QT, 2018-y., 4-son, 95-modda) bilan tasdiqlangan Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin..
Vazirlar Mahkamasining 2018-yil 26-dekabrdagi 1043-son qaroriga ILOVA
Ichki ishlar organlarining muayyan yashash joyiga ega boʻlmagan shaxslarni reabilitatsiya qilish markazlari toʻgʻrisidagi nizomga kiritilayotgan oʻzgartirish va qoʻshimchalar
1. 36-bandning birinchi xatboshidagi “migratsiya va fuqarolikni rasmiylashtirish hamda ekspert-kriminalistika xizmatlarining” soʻzlari “migratsiya va fuqarolikni rasmiylashtirish boʻlinmalari, shuningdek, ekspert-kriminalistika xizmatining” soʻzlari bilan almashtirilsin.
2. 38-bandning birinchi xatboshidagi “migratsiya va fuqarolikni rasmiylashtirish xizmati” soʻzlari “migratsiya va fuqarolikni rasmiylashtirish boʻlinmasi” soʻzlari bilan almashtirilsin.
3. 42-bandda :
ikkinchi xatboshidagi “migratsiya va fuqarolikni rasmiylashtirish xizmatiga” soʻzlari “migratsiya va fuqarolikni rasmiylashtirish boʻlinmasiga” soʻzlari bilan almashtirilsin;
uchinchi xatboshidagi “migratsiya va fuqarolikni rasmiylashtirish xizmati” soʻzlari “migratsiya va fuqarolikni rasmiylashtirish boʻlinmasi” soʻzlari bilan almashtirilsin.
4. Quyidagi mazmundagi 42 1 — 42 3 -bandlar qoʻshilsin:
“42 1 . Muayyan yashash joyiga ega boʻlmagan shaxslar shaxsini tasdiqlovchi vaqtinchalik maʼlumotnoma bilan tuman (shahar) ichki ishlar organlarining migratsiya va fuqarolikni rasmiylashtirish boʻlinmalariga murojaat etganda quyidagilar amalga oshiriladi:
muayyan yashash joyiga ega boʻlmagan shaxsning Oʻzbekiston Respublikasi fuqaroligiga mansubligi uning tugʻilgan vaqti va joyi, qayerda yashaganligi, tugʻilganlik haqidagi guvohnoma yoki shaxsini tasdiqlovchi boshqa hujjatlar mavjudligi yoki mavjud emasligi, ota-onasi, turmush oʻrtogʻi, farzandlari va boshqa yaqin qarindoshlari, avvalgi doimiy propiska qilingan manzili haqidagi maʼlumotlarni aniqlash orqali oʻrganib chiqiladi;
Oʻzbekiston Respublikasi yoki boshqa davlat fuqaroligiga mansubligi aniqlanmagan taqdirda, tuman (shahar) ichki ishlar organlarining migratsiya va fuqarolikni rasmiylashtirish boʻlinmalari shaxsini tasdiqlovchi vaqtincha maʼlumotnomani belgilangan tartibda beradi, shuningdek, mahalliy xokimliklar bilan birgalikda doimiy propiskani ramiylashtirish, yashash guvohnomasini hujjatlashtirish choralarini koʻradi.
42 2 . Oʻzbekiston Respublikasining fuqarolik pasporti bilan avval hujjatlashtirilgan, ammo uni yoʻqotib qoʻygan va doimiy propiskasi boʻlmagan (sud qarori bilan doimiy propiskadan chiqarib yuborilgan va/yoki doimiy propiskaga qoʻyishga asoslari mavjud boʻlmagan) muayyan yashash joyiga ega boʻlmagan shaxslarga istisno tariqasida, vaqtinchalik propiska asosida Oʻzbekiston Respublikasining fuqarolik pasporti qayta rasmiylashtiriladi.
42 3 . Ushbu Nizomning 42 1 va 42 2 -bandlarida nazarda tutilgan hollarda fuqarolik pasportlarni rasmiylashtirishda ichki ishlar organlari tomonidan muayyan yashash joyiga ega boʻlmagan shaxslarni Oʻzbekiston Respublikasi Maʼmuriy javobgarlik toʻgʻrisidagi kodeksining 21 va 308 1 -moddalarida nazarda tutilgan tartibda maʼmuriy javobgarlikdan ozod etish choralari koʻriladi.
Muayyan yashash joyiga ega boʻlmagan shaxslarning fuqarolik pasportlarini rasmiylashtirish uchun davlat bojlari tuman (shahar) ichki ishlar organlari migratsiya va fuqarolikni rasmiylashtirish boʻlinmalarining talabnomasiga asosan Qoraqalpogʻiston Respublikasi, viloyatlar va Toshkent shahar mahalliy budjet mablagʻlari hamda qonun hujjatlarida taqiqlanmagan boshqa manbalar hisobidan qoplanadi.
Muayyan yashash joyiga ega boʻlmagan shaxslarni maʼmuriy javobgarlikdan ozod etish va pasportni rasmiylashtirishda davlat bojini qoplash uchun tegishli hujjatlarni rasmiylashtirish hamda sudlarga va mahalliy ijro etuvchi hokimiyat organlariga taqdim etish tartibi Oʻzbekiston Respublikasi Ichki ishlar vazirligi tomonidan belgilanadi”.
5. 70-bandga quyidagi mazmundagi jumla qoʻshilsin:
“Zarur boʻlganda, reabilitatsiya markazining buyurtmanomasiga asosan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan ularga mahalliy budjet mablagʻlari hisobidan yoʻl xarajatlari uchun pul beriladi”.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 26-dekabr,
1043-son
Кабинета Министров Республики Узбекистан
Постановление
О внесении изменений и дополнений в Положение о центрах органов внутренних дел по реабилитации лиц без определенного места жительства
В целях дальнейшего совершенствования системы защиты прав, свобод и законных интересов лиц без определенного места жительства Кабинет Министров постановляет:
1. Внести изменения и дополнения в Положение о центрах органов внутренних дел по реабилитации лиц без определенного места жительства, утвержденное постановлением Кабинета Министров от 26 апреля 2018 г. № 309 (СП Республики Узбекистан, 2018 г., № 4, ст. 95), согласно приложению .
2. Министерству внутренних дел Республики Узбекистан совместно с заинтерсованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 26 декабря 2018 года № 1043
Изменения и дополнения, вносимые в Положение о центрах органов внутренних дел по реабилитации лиц без определенного места жительства
1. В абзаце первом пункта 36 слова «служб миграции и регистрации гражданства, а также экспертно-криминалистической службы» заменить словами «подразделений миграции и оформления гражданства, а также экспертно-криминалистической службы».
2. В абзаце первом пункта 38 слова «службу миграции и регистрации гражданства» заменить словами «подразделение миграции и оформления гражданства».
3. В пункте 42 :
в абзаце втором слова «службу миграции и регистрации гражданства» заменить словами «подразделение миграции и оформления гражданства»;
в абзаце третьем слова «службой миграции и регистрации гражданства» заменить словами «подразделением миграции и оформления гражданства».
4. Дополнить пунктами 42 1 — 42 3 следующего содержания:
«42 1 . При обращении лиц без определенного места жительства в подразделении миграции и регистрации гражданства районных (городских) органов внутренних дел с временной справкой, удостоверяющей их личность, осуществляются следующие действия:
изучается принадлежность лица без определенного места жительства к гражданству Республики Узбекистан путем уточнения информации о дате и месте рождения и проживания, о наличии или отсутствии свидетельства о рождении или других документов, удостоверяющих личность, сведений о родителях, супруге (супруги), детях и других близких родственниках, о прежнем адресе постоянной прописки;
если не установлена принадлежность к гражданству Республики Узбекистан или другому государству, подразделения миграции и оформления гражданства районных (городских) органов внутренних дел в установленном порядке выдают справку, временно удостоверяющую личность лица без гражданства, а также совместно с местными хокимиятами принимают меры по оформлению постоянной прописки, документированию видом на жительство.
42 2 . Лицу без определенного места жительства, ранее документированному паспортом гражданина Республики Узбекистан, но утратившему его и не имеющему постоянной прописки (выписанному по решению суда из места постоянного жительства и/или не имеющему оснований для постоянной прописки), вновь оформляется паспорт гражданина Республики Узбекистан на основании временной прописки в виде исключения.
42 3 . При оформлении паспортов в случаях, предусмотренных пунктами 42 1 и 42 2 настоящего Положения, органами внутренних дел принимаются меры, предусмотренные статьями 21 и 308 1 Кодекса Республики Узбекистан об административной ответственности, с целью освобождения лиц без определенного места жительства от административной ответственности.
Государственные пошлины за оформление паспортов лицам без определенного места жительства покрываются за счет средств местного бюджета Республики Каракалпакстан, областей и города Ташкента и других источников, не запрещенных законодательством, на основании заявок подразделений миграции и оформления гражданства районных (городских) органов внутренних дел.
Порядок оформления соответствующих документов и представления их в суды и органы исполнительной власти на местах для освобождения лиц без определенного места жительства от административной ответственности и покрытия государственной пошлины при оформлении паспорта, соответственно, определяется Министерством внутренних дел Республики Узбекистан».
5. Пункт 70 дополнить предложением следующего содержания:
«При необходимости на основании заявки центра реабилитации Советом Министров Республики Каракалпакстан, хокимиятами областей и города Ташкента им предоставляются средства для проезда за счет местного бюджета».
Премьер-министр Республики Узбекистан А. АРИПОВ
г. Ташкент,
26 декабря 2018 г.,
№ 1043