📅 2018-yil 29-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 29 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 29 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга ўзгартириш ва қўшимчалар киритиш тўғрисида
«Жисмоний ва юридик шахсларнинг мурожаатлари тўғрисида»ги Ўзбекистон Республикасининг Қонунига ўзгартиш ва қўшимчалар киритиш ҳақида» 2017 йил 11 сентябрдаги ЎРҚ-445-сон Ўзбекистон Республикаси Қонунига мувофиқ Вазирлар Маҳкамаси қарор қилади:
1. Вазирлар Маҳкамасининг 2018 йил 7 майдаги 341-сон қарори (Ўзбекистон Республикаси ҚТ, 2018 йил, 5-сон, 107-модда) билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга иловага мувофиқ ўзгартириш ва қўшимчалар киритилсин.
2. Вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар, шаҳарлар ва туманлар ҳокимликлари ўзлари қабул қилган норматив-ҳуқуқий ва бошқа ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари зиммасига юклансин.
Вазирлар Маҳкамасининг 2018 йил 29 декабрдаги 1061-сон қарорига ИЛОВА
Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга киритилаётган ўзгартириш ва қўшимчалар
1. 3-бандга қуйидаги мазмундаги ўн иккинчи хатбоши қўшилсин:
« сайёр қабул — давлат органлари ва давлат ташкилотлари раҳбарларининг тасдиқланган жадвал асосида жойларга чиққан ҳолда жисмоний шахсларни ва юридик шахсларнинг вакилларини қабул қилиши билан боғлиқ ташкилий ва бошқа чора-тадбирлар мажмуи».
2. 26-банднинг биринчи хатбошиси қуйидаги таҳрирда баён этилсин:
«Ёзма ва электрон (агар давлат органлари, ташкилотлари ва маҳаллий ижро этувчи органларда жисмоний ва юридик шахсларнинг мурожаатлари билан ишлашда электрон ҳужжат айланиш дастури жорий этилмаган бўлса, қоғозга босиб чиқарилган) мурожаатлар мурожаатларни рўйхатга олиш журналига тегишли ёзувларни киритиш, ушбу Низомга 2-иловага мувофиқ шакл бўйича ҳисобга олиш карточкасини тўлдириш ва мурожаатнинг биринчи саҳифаси қуйи ўнг қисмида рўйхатга олиш штампини қўйиш йўли билан мурожаатлар билан ишлаш бўйича бўлинмада рўйхатга олинади».
3. 38-банднинг иккинчи хатбошиси қуйидаги таҳрирда баён этилсин:
«Электрон мурожаатлар иш вақти тамом бўлгандан кейин тушган тақдирда навбатдаги иш кунида рўйхатга олинади».
4. 55-банднинг иккинчи хатбошисидан «шахсий» сўзи чиқариб ташлансин.
5. Қуйидаги мазмундаги 55 1 -банд қўшилсин:
«55 1 . Барча даражадаги давлат органлари ва ташкилотлари, маҳаллий ижро этувчи ҳокимият органлари раҳбарларининг жисмоний шахсларни ва юридик шахсларнинг вакилларини жойларда сайёр қабул қилиш бўйича жадваллари (йиллик ёки ярим йиллик) ишлаб чиқилиб, мос равишда юқори турувчи давлат органлари ва ташкилотлари раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан тасдиқланади».
6. 56-банд қуйидаги таҳрирда баён этилсин:
«56. Давлат органлари, ташкилотлари раҳбарлари томонидан жисмоний шахсларни ва юридик шахсларнинг вакилларини шахсий, сайёр ва оммавий қабул қилиш белгиланган кун ва соатларда, қабул қилиш жадвалига мувофиқ ўтказилади.
Шахсий, сайёр ва оммавий қабул қилиш жадвали ва уни ўтказиш вақти, жойи ҳамда қабулга олдиндан ёзилиш тўғрисидаги ахборот, қабул қилиш тартиби уларни давлат органлари, ташкилотларининг расмий веб-сайтларида эълон қилиш, шунингдек, уларнинг маъмурий биносида ҳамма кириши мумкин бўлган жойлардаги стендларга ёки бошқа техник воситаларга жойлаштириш орқали манфаатдор шахслар эътиборига етказилади.
Сайёр ва оммавий қабул ўтказиладиган вилоят, шаҳар ва туманлардаги тегишли давлат органлари, ташкилотлари ҳамда фуқароларнинг ўзини ўзи бошқариш органлари томонидан бир ҳафта олдин аҳоли билан тарғибот ишлари амалга оширилади».
7. 63-банддаги «шахсан» сўзи «шахсий, сайёр ва оммавий» сўзлари билан алмаштирилсин.
8. 64-банддан «шахсий» сўзи чиқариб ташлансин.
9. 65-банддаги «сайёр шахсий қабуллар» сўзи «сайёр ва оммавий қабуллар» сўзлари билан алмаштирилсин.
10. Қуйидаги мазмундаги 65 1 ва 65 2 -бандлар қўшилсин:
«65 1 . Жойларда учрашувларни ўтказиш мавзусига мамлакатнинг стратегик мақсадларини амалга оширишда устувор бўлган фуқаролик жамиятини ва халқ билан очиқ мулоқотни ривожлантириш, инсон ҳуқуқ ва манфаатларини, давлат ва маҳаллий ижро этувчи ҳокимият органлари фаолиятининг очиқлигини таъминлаш, амалга оширилаётган ислоҳотларнинг туб моҳияти ва ҳудудларни комплекс ривожлантиришнинг истиқболли режалари тўғрисида аҳолига етказиш, жойлардаги тизимли муаммоларни аниқлаш ва уларни ечимларини топиш, жисмоний шахсларни ва юридик шахсларнинг вакилларини қабул қилиш, мурожаатларни кўриб чиқиш каби долзарб масалалар киритилиши лозим.
65 2 . Сайёр ва оммавий қабулни ўтказиш натижалари бўйича тегишли баён тўлдирилади, чора-тадбирлар режаси ишлаб чиқилади».
11. 79-бандда :
қуйидаги мазмундаги учинчи хатбоши қўшилсин:
«Ҳар ой якуни бўйича давлат органлари, давлат муассасалари ва давлат иштирокидаги ташкилотлар ва маҳаллий ижро этувчи ҳокимият органларининг раҳбарлари томонидан жисмоний ва юридик шахсларнинг вакиллари билан ўтказилган учрашувлар натижалари тўғрисида маълумотлар умумлаштириб, таҳлил қилинган ҳолда муҳокама этиш учун киритилади»;
учинчи ва тўртинчи хатбошилар тегишлича тўртинчи ва бешинчи хатбошилар деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 29 декабрь,
1061-сон
Oʻzbekiston Respublikasi Vazirlar Mahkamasining
qarori
Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga oʻzgartirish va qoʻshimchalar kiritish toʻgʻrisida
“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasining Qonuniga oʻzgartish va qoʻshimchalar kiritish haqida” 2017-yil 11-sentabrdagi OʻRQ-445-son Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. Vazirlar Mahkamasining 2018-yil 7-maydagi 341-son qarori (Oʻzbekiston Respublikasi QT, 2018-yil, 5-son, 107-modda) bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga ilovaga muvofiq oʻzgartirish va qoʻshimchalar kiritilsin.
2. Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar, shaharlar va tumanlar hokimliklari oʻzlari qabul qilgan normativ-huquqiy va boshqa hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.
Vazirlar Mahkamasining 2018-yil 29-dekabrdagi 1061-son qaroriga ILOVA
Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomga kiritilayotgan oʻzgartirish va qoʻshimchalar
1. 3-bandga quyidagi mazmundagi oʻn ikkinchi xatboshi qoʻshilsin:
“ sayyor qabul — davlat organlari va davlat tashkilotlari rahbarlarining tasdiqlangan jadval asosida joylarga chiqqan holda jismoniy shaxslarni va yuridik shaxslarning vakillarini qabul qilishi bilan bogʻliq tashkiliy va boshqa chora-tadbirlar majmui”.
2. 26-bandning birinchi xatboshisi quyidagi tahrirda bayon etilsin:
“Yozma va elektron (agar davlat organlari, tashkilotlari va mahalliy ijro etuvchi organlarda jismoniy va yuridik shaxslarning murojaatlari bilan ishlashda elektron hujjat aylanish dasturi joriy etilmagan boʻlsa, qogʻozga bosib chiqarilgan) murojaatlar murojaatlarni roʻyxatga olish jurnaliga tegishli yozuvlarni kiritish, ushbu Nizomga 2-ilovaga muvofiq shakl boʻyicha hisobga olish kartochkasini toʻldirish va murojaatning birinchi sahifasi quyi oʻng qismida roʻyxatga olish shtampini qoʻyish yoʻli bilan murojaatlar bilan ishlash boʻyicha boʻlinmada roʻyxatga olinadi”.
3. 38-bandning ikkinchi xatboshisi quyidagi tahrirda bayon etilsin:
“Elektron murojaatlar ish vaqti tamom boʻlgandan keyin tushgan taqdirda navbatdagi ish kunida roʻyxatga olinadi”.
4. 55-bandning ikkinchi xatboshisidan “shaxsiy” soʻzi chiqarib tashlansin.
5. Quyidagi mazmundagi 55 1 -band qoʻshilsin:
“55 1 . Barcha darajadagi davlat organlari va tashkilotlari, mahalliy ijro etuvchi hokimiyat organlari rahbarlarining jismoniy shaxslarni va yuridik shaxslarning vakillarini joylarda sayyor qabul qilish boʻyicha jadvallari (yillik yoki yarim yillik) ishlab chiqilib, mos ravishda yuqori turuvchi davlat organlari va tashkilotlari rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan tasdiqlanadi”.
6. 56-band quyidagi tahrirda bayon etilsin:
“56. Davlat organlari, tashkilotlari rahbarlari tomonidan jismoniy shaxslarni va yuridik shaxslarning vakillarini shaxsiy, sayyor va ommaviy qabul qilish belgilangan kun va soatlarda, qabul qilish jadvaliga muvofiq oʻtkaziladi.
Shaxsiy, sayyor va ommaviy qabul qilish jadvali va uni oʻtkazish vaqti, joyi hamda qabulga oldindan yozilish toʻgʻrisidagi axborot, qabul qilish tartibi ularni davlat organlari, tashkilotlarining rasmiy veb-saytlarida eʼlon qilish, shuningdek, ularning maʼmuriy binosida hamma kirishi mumkin boʻlgan joylardagi stendlarga yoki boshqa texnik vositalarga joylashtirish orqali manfaatdor shaxslar eʼtiboriga yetkaziladi.
Sayyor va ommaviy qabul oʻtkaziladigan viloyat, shahar va tumanlardagi tegishli davlat organlari, tashkilotlari hamda fuqarolarning oʻzini oʻzi boshqarish organlari tomonidan bir hafta oldin aholi bilan targʻibot ishlari amalga oshiriladi”.
7. 63-banddagi “shaxsan” soʻzi “shaxsiy, sayyor va ommaviy” soʻzlari bilan almashtirilsin.
8. 64-banddan “shaxsiy” soʻzi chiqarib tashlansin.
9. 65-banddagi “sayyor shaxsiy qabullar” soʻzi “sayyor va ommaviy qabullar” soʻzlari bilan almashtirilsin.
10. Quyidagi mazmundagi 65 1 va 65 2 -bandlar qoʻshilsin:
“65 1 . Joylarda uchrashuvlarni oʻtkazish mavzusiga mamlakatning strategik maqsadlarini amalga oshirishda ustuvor boʻlgan fuqarolik jamiyatini va xalq bilan ochiq muloqotni rivojlantirish, inson huquq va manfaatlarini, davlat va mahalliy ijro etuvchi hokimiyat organlari faoliyatining ochiqligini taʼminlash, amalga oshirilayotgan islohotlarning tub mohiyati va hududlarni kompleks rivojlantirishning istiqbolli rejalari toʻgʻrisida aholiga yetkazish, joylardagi tizimli muammolarni aniqlash va ularni yechimlarini topish, jismoniy shaxslarni va yuridik shaxslarning vakillarini qabul qilish, murojaatlarni koʻrib chiqish kabi dolzarb masalalar kiritilishi lozim.
65 2 . Sayyor va ommaviy qabulni oʻtkazish natijalari boʻyicha tegishli bayon toʻldiriladi, chora-tadbirlar rejasi ishlab chiqiladi”.
11. 79-bandda :
quyidagi mazmundagi uchinchi xatboshi qoʻshilsin:
“Har oy yakuni boʻyicha davlat organlari, davlat muassasalari va davlat ishtirokidagi tashkilotlar va mahalliy ijro etuvchi hokimiyat organlarining rahbarlari tomonidan jismoniy va yuridik shaxslarning vakillari bilan oʻtkazilgan uchrashuvlar natijalari toʻgʻrisida maʼlumotlar umumlashtirib, tahlil qilingan holda muhokama etish uchun kiritiladi”;
uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 29-dekabr,
1061-son
Кабинета Министров Республики Узбекистан
Постановление
О внесении изменений и дополнений в образцовый устав о порядке работы с обращениями физических и юридических лиц в государственных органах, государственных учреждениях и организациях с государственным участием
В соответствии с Законом Республики Узбекистан «О внесении изменений и дополнений в Закон Республики Узбекистан «Об обращениях физических и юридических лиц» от 11 сентября 2017 года № ЗРУ-445 Кабинет Министров постановляет:
1. Внести изменения и дополнения в типовой устав о порядке работы с обращениями физических и юридических лиц в государственных органах, государственных учреждениях и организациях с государственным участием, утвержденный постановлением Кабинета Министров Республики Узбекистан от 7 мая 2018 года № 341 (СП Республики Узбекистан, 2018 год, № 5, 107 статья) согласно приложению .
2. Министерствам и ведомствам, Совету Министров Республики Каракалпакстан, хокимиятам областей и г. Ташкента, городов и районов в месячный срок привести принятые ими нормативно-правовые и другие документы в соответствие с настоящим постановлением.
3. Контроль за исполнением настоящего постановления возложить на заместителей Премьер-министра Республики Узбекистан.
ПРИЛОЖЕНИЕ к постановлению Кабинета Министров от 29 декабря 2018 года № 1061
Изменения и дополнения, вносимые в образцовый устав о порядке работы с обращениями физических и юридических лиц в государственных органах, государственных учреждениях и организациях с государственным участием
1. Пункт 3 дополнить абзацем двенадцатом следующего содержания:
« выездной прием — комплекс организационных и других мероприятий, связанных с приемом физических лиц и представителей юридических лиц, осуществляемых с выездом на места руководителей государственных органов и государственных организаций на основе утвержденных графиков».
2. Абзац первый пункта 26 изложить в следующей редакции:
«Письменные и электронные (в случае если в государственных органах, организациях и местных исполнительных органах не внедрен электронный документооборот при работе с обращениями физических и юридических лиц — распечатанные на бумаге) обращения регистрируются в подразделении по работе с обращениями путем внесения соответствующей записи в журнал регистрации, заполнения карточки учета по форме согласно приложению № 2 к настоящему типовому уставу и заверяются штампом регистрации, который ставится в правой нижней части первой страницы обращения».
3. Абзац второй пункта 38 изложить в следующей редакции:
«В случае поступления электронных обращений после завершения рабочего дня, они регистрируются в следующий рабочий день».
4. Из абзаца второго пункта 55 исключить слово «личные» .
5. Дополнить пунктом 55 1 следующего содержания:
«55 1 . Руководителями государственных органов и организации, органов исполнительной власти на местах всех уровней разрабатываются графики (годовые или полугодовые) выездных приемов на местах физических лиц и представителей юридических лиц, который утверждаются соответсвенно руководителями вышестоящих государственных органов, Председателем Совета Министров Республики Каракалпакстан, хокимами областей и г. Ташкента».
6. Пункт 56 изложить в следующей редакции:
«56. Руководителями государственных органов и организаций личные, выездные и массовые приемы физических лиц и представителей юридических лиц проводятся в установленный дни и часы в соответствии с графиком приема.
Информация о графике личных, выездных и массовых приемов, времени и месте их проведения и заблаговременных записи на прием, порядке приема доводится до заинтересованных лиц путем размещения объявления на официальных веб-сайтах государственных органов и организаций, а также на стендах в общедоступных местах административных зданий и технических средствах.
За неделю до выездных и публичных приемов государственными органами, организациями и органами самоуправления граждан в соответствующих областях, городах и районах, где предусматривается проведения приемов, осуществляются агитационно-пропагандистские работы среди населения».
7. В пункте 63 слово «личного» заменить словами «личного, выездного и публичного».
8. Из пункта 64 исключить слово «личные».
9. В пункте 65 слова «выездных личных приемов» заменить словами «выездных и публичных приемов».
10. Дополнить пунктами 65 1 и 65 2 следующего содержания:
«65 1 . В тему тематическую повестку проводимых встреч на местах включаются такие актуальные вопросы, как являющиеся приоритетами в реализации стратегических целей государства развитие гражданского общества и открытого диалога с населением, обеспечение прав и интересов человека и прозрачности деятельности государственных органов и местных органов исполнительной власти, доведение до населения сути проводимых реформ и информации о перспективных планах комплексного развития регионов, выявление существующих системных проблем на местах и поиск их решений, ведение приема физических лиц и представителей юридических лиц, рассмотрение обращений.
65 2 . По итогам проведения выездных и публичнных приемов составляются соответсвующие протоколы и разрабатывается план мероприятий».
11. В пункте 79 :
дополнить абзацем третьим следующего содержания:
«По итогам каждого месяца информация о результатах встреч с физическими лицами и представителями юридических лиц, проведенных руководителями государственных органов, государственных учреждений и организаций с государственным участием и местных органов исполнительных власти, обобщается с проведением анализа и представляется для обсуждения»;
абзацы третий и четвертый считать соответственно абзацами четвертым и пятым.
Премьер-министр Республики Узбекистан А. АРИПОВ
г. Ташкент,
29 декабря 2018 г.,
№ 1061