📅 2018-yil 31-dekabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 31 декабрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 декабря 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 31 December 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Қашқадарё вилоятининг Қарши шаҳрида тугатилган «Qarshi 16-son Avtobus Saroyi» очиқ акциядорлик жамиятининг мулкий комплекси негизида хом ипакни қайта ишлайдиган замонавий ишлаб чиқаришни ташкил этиш чора-тадбирлари тўғрисида» 2012 йил 5 ноябрдаги 315-сон қарорига ўзгартиришлар киритиш ҳақида
Тадбиркорликни ривожлантиришни қўллаб-қувватлаш, инвестицияларни фаол жалб қилиш учун қулай шарт-шароитлар яратиш, шунингдек юқори сифатли рақобатбардош ипак маҳсулотлари ишлаб чиқаришни янада кенгайтириш мақсадида Вазирлар Маҳкамаси қарор қилади:
1. Вазирлар Маҳкамасининг «Қашқадарё вилоятининг Қарши шаҳрида тугатилган «Qarshi 16-son Avtobus Saroyi» очиқ акциядорлик жамиятининг мулкий комплекси негизида хом ипакни қайта ишлайдиган замонавий ишлаб чиқаришни ташкил этиш чора-тадбирлари тўғрисида» 2012 йил 5 ноябрдаги 315-сон қарорига (Ўзбекистон Республикаси ҚҲТ, 2012 й., 45-сон, 513-модда) иловага мувофиқ ўзгартиришлар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси Инвестициялар бўйича давлат қўмитаси раиси С.Р. Холмурадов ва Қашқадарё вилояти ҳокими З.Ш. Рўзиев зиммасига юклатилсин.
Вазирлар Маҳкамасининг 2018 йил 31 декабрдаги 1063-сон қарорига ИЛОВА
Вазирлар Маҳкамасининг «Қашқадарё вилоятининг Қарши шаҳрида тугатилган «Qarshi 16-son Avtobus Saroyi» очиқ акциядорлик жамиятининг мулкий комплекси негизида хом ипакни қайта ишлайдиган замонавий ишлаб чиқаришни ташкил этиш чора-тадбирлари тўғрисида» 2012 йил 5 ноябрдаги 315-сон қарорига киритилаётган ўзгартиришлар
1. 2-бандда :
иккинчи хатбоши қуйидаги таҳрирда баён этилсин:
«2012 — 2019 йиллар мобайнида камида 3,0 млн. АҚШ долларини, шу жумладан I босқичда (2014 йил 1 январгача) — 1,8 млн. АҚШ долларини, II босқичда (2019 йил 1 июлгача) — 1,2 млн. АҚШ доллари миқдорида инвестиция киритиш»;
учинчи хатбошидаги «II босқич — 2014 йилда» сўзлари «II босқич – 2019 йилнинг 1 июлигача» сўзлари билан алмаштирилсин.
2. 3-бандда :
иккинчи хатбоши қуйидаги таҳрирда баён этилсин:
«Radiant Silk» масъулияти чекланган жамияти қўшма корхонаси томонидан лойиҳанинг ҳар бир босқичи бўйича қабул қилинган мажбуриятлар алоҳида бажарилгандан кейин Қашқадарё вилояти Қарши шаҳри ҳокимлигининг тугатилган «Qarshi 16-son Avtobus Saroyi» очиқ акциядорлик жамиятининг бинолари ва иншоотларини ишга туширилган қисмига мулкчилик ҳуқуқини расмийлаштириш (давлат ордерини бериш) шарти билан, истисно тариқасида тўғридан-тўғри шартнома бўйича инвестиция мажбуриятлари остида «Radiant Silk» масъулияти чекланган жамият қўшма корхонасига «ноль» харид қиймати бўйича сотсин»;
қуйидаги мазмундаги учинчи хатбоши билан тўлдирилсин:
«ишлаб чиқаришни ташкил этиш лойиҳасининг II босқичи ўз вақтида амалга оширилмаган тақдирда I босқич доирасида расмийлаштирилган мулк ҳуқуқини (давлат ордери) ўрнатилган тартибда бекор қилсин»;
учинчи хатбоши тўртинчи хатбоши деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 31 декабрь,
1063-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Qashqadaryo viloyatining Qarshi shahrida tugatilgan “Qarshi 16-son Avtobus Saroyi” ochiq aksiyadorlik jamiyatining mulkiy kompleksi negizida xom ipakni qayta ishlaydigan zamonaviy ishlab chiqarishni tashkil etish chora-tadbirlari toʻgʻrisida” 2012-yil 5-noyabrdagi 315-son qaroriga oʻzgartirishlar kiritish haqida
Tadbirkorlikni rivojlantirishni qoʻllab-quvvatlash, investitsiyalarni faol jalb qilish uchun qulay shart-sharoitlar yaratish, shuningdek yuqori sifatli raqobatbardosh ipak mahsulotlari ishlab chiqarishni yanada kengaytirish maqsadida Vazirlar Mahkamasi qaror qiladi:
1. Vazirlar Mahkamasining “Qashqadaryo viloyatining Qarshi shahrida tugatilgan “Qarshi 16-son Avtobus Saroyi” ochiq aksiyadorlik jamiyatining mulkiy kompleksi negizida xom ipakni qayta ishlaydigan zamonaviy ishlab chiqarishni tashkil etish chora-tadbirlari toʻgʻrisida” 2012-yil 5-noyabrdagi 315-son qaroriga (Oʻzbekiston Respublikasi QHT, 2012-y., 45-son, 513-modda) ilovaga muvofiq oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Qashqadaryo viloyati hokimi Z.Sh. Roʻziyev zimmasiga yuklatilsin.
Vazirlar Mahkamasining 2018-yil 31-dekabrdagi 1063-son qaroriga ILOVA
Vazirlar Mahkamasining “Qashqadaryo viloyatining Qarshi shahrida tugatilgan “Qarshi 16-son Avtobus Saroyi” ochiq aksiyadorlik jamiyatining mulkiy kompleksi negizida xom ipakni qayta ishlaydigan zamonaviy ishlab chiqarishni tashkil etish chora-tadbirlari toʻgʻrisida” 2012-yil 5-noyabrdagi 315-son qaroriga kiritilayotgan oʻzgartirishlar
1. 2-bandda :
ikkinchi xatboshi quyidagi tahrirda bayon etilsin:
“2012 — 2019-yillar mobaynida kamida 3,0 mln. AQSh dollarini, shu jumladan I bosqichda (2014-yil 1-yanvargacha) — 1,8 mln. AQSh dollarini, II bosqichda (2019-yil 1-iyulgacha) — 1,2 mln. AQSh dollari miqdorida investitsiya kiritish”;
uchinchi xatboshidagi “II bosqich — 2014-yilda” soʻzlari “II bosqich – 2019-yilning 1-iyuligacha” soʻzlari bilan almashtirilsin.
2. 3-bandda :
ikkinchi xatboshi quyidagi tahrirda bayon etilsin:
“Radiant Silk” masʼuliyati cheklangan jamiyati qoʻshma korxonasi tomonidan loyihaning har bir bosqichi boʻyicha qabul qilingan majburiyatlar alohida bajarilgandan keyin Qashqadaryo viloyati Qarshi shahri hokimligining tugatilgan “Qarshi 16-son Avtobus Saroyi” ochiq aksiyadorlik jamiyatining binolari va inshootlarini ishga tushirilgan qismiga mulkchilik huquqini rasmiylashtirish (davlat orderini berish) sharti bilan, istisno tariqasida toʻgʻridan-toʻgʻri shartnoma boʻyicha investitsiya majburiyatlari ostida “Radiant Silk” masʼuliyati cheklangan jamiyat qoʻshma korxonasiga “nol” xarid qiymati boʻyicha sotsin”;
quyidagi mazmundagi uchinchi xatboshi bilan toʻldirilsin:
“ishlab chiqarishni tashkil etish loyihasining II bosqichi oʻz vaqtida amalga oshirilmagan taqdirda I bosqich doirasida rasmiylashtirilgan mulk huquqini (davlat orderi) oʻrnatilgan tartibda bekor qilsin”;
uchinchi xatboshi toʻrtinchi xatboshi deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 31-dekabr,
1063-son