📅 2019-yil 4-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 4 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 января 2019 г. · Постановления Президента
Официальный текст. Официальный документ. Редакционные примечания не включены.
📅 4 January 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Электротехника саноатининг экспорт салоҳиятини янада ривожлантириш ва ошириш чора-тадбирлари тўғрисида
Ўтган давр мобайнида электротехника саноати ташкилотлари фаолияти самарадорлигини ошириш бўйича салмоқли ишлар бажарилди, бу эса ишлаб чиқаришнинг янги турларини ўзлаштирган ҳолда маҳсулотни ишлаб чиқариш ва экспорт қилиш ҳажмини сезиларли даражада ошириш имконини яратди.
Шу билан бирга, 2017 йилда электротехника саноатига киритилган инвестицияларнинг салмоғи республика бўйича умумий инвестицияларнинг атиги 0,8 фоизини, ЯИМ таркибида электротехника маҳсулоти ишлаб чиқариш ҳажми эса 1,5 фоизни ташкил этди.
Саноатда хом ашё базасининг чегараланганлиги хорижий аналоглари билан солиштирганда унинг таннархи ошишига сабаб бўлмоқда. Шу билан бирга, хом ашё, материаллар ва бутловчи буюмларнинг импортида қўшилган қиймат солиғи муддатини кечиктиришга имкон яратиш ва ҳисобга олиш механизмининг мавжуд эмаслиги экспорт қилувчи ташкилотларнинг айланма маблағлари бошқа мақсадларга жалб қилинишига ва харажатларнинг ошишига олиб келмоқда.
Электротехника саноати ташкилотларининг фаолият самарадорлигини янада ривожлантириш ва ошириш, замонавий технологияларни жорий этиш учун шарт-шароитлар яратиш мақсадида:
1. Электротехника саноати корхоналари, «Ўзэлтехсаноат» АК акциядорларининг умумий йиғилиши, Ўзбекистон Республикаси Молия вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
«Ўзэлтехсаноат» АК негизида унинг мол-мулки ва давлатга тегишли бошқа воситаларни, шунингдек, дебитор ва кредитор қарздорлигини («Ўзэлтехсаноат» АКга тегишли хўжалик жамиятларининг кўчмас мулки ва устав капиталидаги акциялар пакети (улуши) бундан мустасно) ўтказган ҳолда Ўзбекистон электротехника саноати корхоналари уюшмасини (кейинги ўринларда — «Ўзэлтехсаноат» уюшмаси) ташкил этиш;
«Ўзэлтехсаноат» АКга тегишли хўжалик жамиятларининг кўчмас мулки ва устав капиталидаги акциялар пакети (улуши)ни Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасига ўтказиш тўғрисидаги таклифларига розилик берилсин.
Бунда «Ўзэлтехсаноат» АК мол-мулки ва бошқа маблағларини топшириш-қабул қилиш далолатномасига мувофиқ «Ўзэлтехсаноат» уюшмасига ўтказиш солиқ солиш объекти ҳисобланмайди.
2. Қуйидагилар:
ихтиёрий асосда аъзо бўлган электротехника саноати корхоналари ва ташкилотлари «Ўзэлтехсаноат» уюшмаси аъзолари ҳисобланиши;
ижро аппаратининг тузилмасини тасдиқлаш «Ўзэлтехсаноат» уюшмаси таъсисчиларининг умумий йиғилиши қарори билан амалга оширилиши;
«Ўзэлтехсаноат» уюшмаси раиси ва унинг ўринбосарлари таъсисчиларнинг умумий йиғилиши қарори билан сайланиши;
«Ўзэлтехсаноат» уюшмаси фаолиятини жорий таъминлаш ва молиялаштириш «Ўзэлтехсаноат» уюшмаси аъзоларининг бадал ва ажратмалари ҳамда қонунчиликда тақиқланмаган бошқа манбалар ҳисобидан амалга оширилиши маълумот учун қабул қилинсин.
3. «Ўзэлтехсаноат» уюшмасининг асосий вазифалари этиб қуйидагилар белгилансин:
хом ашёни қайта ишлаш, юқори қўшилган қийматли тайёр маҳсулот ишлаб чиқариш ва экспорт қилиш бўйича ягона комплекс сифатида, шу жумладан саноат кооперациясини кенгайтириш ва қўллаб-қувватлаш асосида саноатни барқарор ривожлантириш стратегиясини ишлаб чиқиш;
ички ва ташқи бозорларда электротехника маҳсулотларига бўлган талаб конъюнктурасини ўрганиш ва шу асосда маҳсулотнинг янги турларини ўзлаштиришда кўмаклашиш, ички бозорни юқори сифатли миллий электротехника маҳсулотлари билан тўлдириш ва унинг экспорт географиясини, шу жумладан турли ахборот ресурслари ва кўргазма тадбирларида миллий брендларни илгари суриш ва электротехника саноати корхоналари салоҳиятини намоён этиш орқали кенгайтириш бўйича комплекс чора-тадбирларни амалга ошириш;
электротехника маҳсулотларини ишлаб чиқариш бўйича юқори технологик ишлаб чиқаришни ўзлаштириш учун инвестициялар, биринчи навбатда, чет эл инвестицияларини кенг жалб қилишга кўмаклашиш, саноатни модернизация қилиш, техник ва технологик қайта жиҳозлаш, ихтисослашган етакчи хорижий компаниялар билан қўшма ишлаб чиқаришни ташкил этиш;
электротехника саноати соҳасидаги стандартлаштириш ва сертификатлаштириш тизимини халқаро талаблар ва стандартлар билан уйғунлаштириш орқали уни такомиллаштириш бўйича комплекс чора-тадбирларни қабул қилиш;
ҳудудлар салоҳиятини янада ривожлантириш истиқболлари, хом ашё базаси, инфратузилма, меҳнат ресурслари ва бозорларнинг мавжудлигидан келиб чиққан ҳолда электротехника саноати корхоналарини жойлаштиришга кўмаклашиш;
электротехника саноати соҳасида кадрларни тайёрлашга бўлган реал эҳтиёж ва истиқболли йўналишларни аниқлаш, мутахассисларни тайёрлаш, қайта тайёрлаш ва малакасини ошириш бўйича ўқув дастурларни такомиллаштиришда иштирок этиш, мазкур соҳада илмий-тадқиқот ишларини чуқурлаштириш;
саноатни жадал ривожлантиришга ва электротехника саноати корхоналарининг барқарор фаолият кўрсатишига тўсқинлик қилувчи тизимли муаммоларни аниқлаш ва бартараф этиш, мазкур соҳадаги қонунчиликни янада такомиллаштириш бўйича таклифлар ишлаб чиқиш.
4. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг «Сино» АЖ давлат акциялари пакетини инвесторларга танлов асосида «ноль» харид қиймати бўйича корхонанинг кредиторлар олдидаги қарзини тўлаш билан бир вақтда корхонанинг фаолиятини соғломлаштириш учун инвестициялар киритиш шарти билан топшириш тўғрисидаги таклифига розилик берилсин.
6. «Ўзэлтехсаноат» уюшмаси таркибига кирадиган электротехника ва электр-маиший маҳсулотлар ишлаб чиқарувчи корхоналарга 2022 йилнинг 1 январига қадар ўзининг асосий ва ёрдамчи ишлаб чиқариши учун бутловчи буюмлар, хом ашё ва материаллар, шунингдек, улар томонидан амалга ошириладиган инвестиция лойиҳалари доирасида олиб келинадиган қурилиш материаллари импортида божхона декларацияси қабул қилинган кундан бошлаб қўшилган қиймат солиғини тўлашни 120 кунга кечиктириш имконияти берилсин.
Ўзбекистон Республикаси Молия вазирлиги, Давлат божхона қўмитаси ва Давлат солиқ қўмитаси икки ой муддатда қўшилган қиймат солиғини тўлашни кечиктириш бўйича қарздорлик суммасини қўшилган қиймат солиғи юзасидан умумий ҳисоб-китобда ёпишни назарда тутувчи «Ўзэлтехсаноат» уюшмаси таркибига кирадиган электротехника ва электр-маиший маҳсулотлар ишлаб чиқарувчи корхоналарга кечиктириш имкониятини бериш тартибини ишлаб чиқсин ва тасдиқласин.
7. Белгилаб қўйилсинки, 2022 йилнинг 1 январига қадар:
«Ўзэлтехсаноат» уюшмаси мол-мулк солиғи ва юридик шахслардан олинадиган фойда солиғи тўлашдан озод этилади;
шартномалар бўйича ташкилотларнинг «Ўзэлтехсаноат» уюшмасига ажратмалари юридик шахслардан олинадиган фойда солиғи бўйича солиқ солинадиган базадан чиқарилади.
8. Ўзбекистон Республикасининг Бош вазири А.Н. Арипов бир ҳафта муддатда қуйидагиларни назарда тутувчи Электротехника саноатида амалдаги ишлаб чиқаришларни техник ва технологик жиҳатдан янгилаш ва янгиларини ташкил этиш бўйича инвестиция лойиҳаларини амалга ошириш «Йўл харитаси»ни тасдиқласин:
амалдаги электротехника корхоналарини техник ва технологик жиҳатдан янгилаш ва янгиларини ташкил этиш бўйича 153,8 млн. АҚШ доллари миқдоридаги 22 та инвестиция лойиҳаларини 2019 — 2021 йилларда амалга ошириш;
2021 йилга юқори қўшилган қийматли тайёр электротехника ва электр-маиший маҳсулотларни ишлаб чиқариш ҳажмларини 2 бараварга ошириш;
2021 йилда тайёр электротехника ва электр-маиший маҳсулотларнинг экспорт ҳажмини 400 млн. АҚШ доллари миқдорига эришиш;
лойиҳа қиймати 500 млн. АҚШ доллари бўлган истиқболли инновация лойиҳаларини биргаликда амалга ошириш учун хорижий инвесторларни жалб этиш.
9. «Ўзэлтехсаноат» уюшмаси Ўзбекистон Республикаси Иқтисодий тараққиёт ва камбағалликни қисқартириш вазирлиги, Молия вазирлиги ва Инвестициялар ва ташқи савдо вазирлиги билан биргаликда электротехника саноати корхоналарининг алоҳида сарф-харажатларини, шу жумладан ўзларида ишлаб чиқарилган маҳсулотларни экспорт қилишдаги транспорт харажатларини субсидиялаш механизмини қўллаш бўйича хорижий мамлакатларнинг тажрибасини татбиқ этиш имкониятини ўрганиб чиқсин.
10. Ўзбекистон Республикаси Инвестициялар ва ташқи савдо вазирлиги «Ўзэлтехсаноат» уюшмаси билан биргаликда электротехника саноатига инвесторларни ва хорижнинг етакчи электротехника ва электр-маиший маҳсулотлар ишлаб чиқарувчиларини жалб қилиш чораларини кўрсин.
11. Ўзбекистон Республикаси Интеллектуал мулк агентлиги икки ой муддатда маҳаллий ишлаб чиқарувчиларга интеллектуал мулкка бўлган ҳуқуқларини оператив тарзда рўйхатга олишда кўмаклашиш ва соҳани янада такомиллаштириш бўйича таклифлар киритсин.
12. Ўзбекистон Республикаси Иқтисодиёт вазирлиги:
«Ўзиккиламчиранглиметалл» АЖ ва «Ўзэлтехсаноат» уюшмаси билан биргаликда бир ой муддатда ўз қуйма қувватларида ёки тегишли рангли металларни ишлаб чиқарувчи ихтисослаштирилган корхоналарда маҳсулот таннархини пасайтириш учун ишлаб чиқаришга қайта ишланган хом ашёни такроран жалб этган ҳолда электротехника маҳсулотларини ишлаб чиқариш натижасида ҳосил бўладиган рангли металлар парчалари ва чиқиндиларини қайта ишлаш механизмини яратиш бўйича таклифларни Ўзбекистон Республикаси Вазирлар Маҳкамасига киритсин;
«Ўзэлтехсаноат» уюшмаси ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда уч ой муддатда бўш турган ишлаб чиқариш объектлари негизида электротехника саноати ихтисослаштирилган кичик саноат зоналари (технопарклари)ни ташкил этиш бўйича таклифлар киритсин.
13. Ўзбекистон Республикаси Президентининг «2017 — 2021 йилларда электротехника саноатини бошқаришни янада такомиллаштириш, уни жадал ривожлантириш ва диверсификациялаш чора-тадбирлари тўғрисида»ги 2017 йил 13 февралдаги ПҚ-2772-сон қарорининг 13-бандида белгиланган имтиёзларнинг амал қилиши маҳсулот ва бутловчи қисмлар ишлаб чиқариш бўйича амалга оширилаётган лойиҳалар доирасида, хом ашё товарлари ишлаб чиқарувчи корхоналардан ташқари, республиканинг барча электротехника саноати корхоналарига татбиқ этилсин.
14. «Ўзэлтехсаноат» уюшмаси электротехника саноати корхоналари билан биргаликда 2019 йил 1 февралга қадар кадрлар тайёрлаш эҳтиёжидан келиб чиқиб, электротехника саноати учун кадрлар тайёрлаш тизимини такомиллаштириш, шу жумладан таълимнинг талаб юқори бўлган янги йўналишларини очиш ҳамда таҳсил олаётганларнинг электротехника саноати корхоналари ва тадқиқот муассасалари негизида малака амалиёти ўташи бўйича таклифларни Олий ва ўрта махсус таълим вазирлигига киритсин.
15. Ўзбекистон Республикаси Вазирлар Маҳкамаси икки ой муддатда товарлар (ишлар, хизматлар)нинг давлат харидлари доирасида ўтказиладиган тендерлар, танловларда маҳаллий ишлаб чиқарувчилар учун 20 фоизгача бўлган нарх преференцияси механизмини жорий этишни назарда тутувчи давлат харидларини амалга ошириш тартибини такомиллаштириш бўйича таклифлар киритсин.
16. «Ўзэлтехсаноат» уюшмаси Тошкент шаҳар, Шайхонтоҳур тумани, Кўкча дарвоза кўчаси, 1-боши берк кўча, 10-уйда бепул фойдаланиш ҳуқуқи билан жойлаштирилсин.
Бунда «Ўзэлтехсаноат» уюшмаси мазкур объектни реконструкция қилиш ва мукаммал таъмирлашни илгари белгиланган манбалар ҳисобидан тугатишни таъминласин.
17. Адлия вазирлиги «Ўзэлтехсаноат» уюшмаси ва бошқа манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
18. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Бош вазирининг ўринбосари Н.С. Отажонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 4 январь,
ПҚ-4090-сон
Oʻzbekiston Respublikasi Prezidentining
Qarori
Elektrotexnika sanoatining eksport salohiyatini yanada rivojlantirish va oshirish chora-tadbirlari toʻgʻrisida
Oʻtgan davr mobaynida elektrotexnika sanoati tashkilotlari faoliyati samaradorligini oshirish boʻyicha salmoqli ishlar bajarildi, bu esa ishlab chiqarishning yangi turlarini oʻzlashtirgan holda mahsulotni ishlab chiqarish va eksport qilish hajmini sezilarli darajada oshirish imkonini yaratdi.
Shu bilan birga, 2017-yilda elektrotexnika sanoatiga kiritilgan investitsiyalarning salmogʻi respublika boʻyicha umumiy investitsiyalarning atigi 0,8 foizini, YAIM tarkibida elektrotexnika mahsuloti ishlab chiqarish hajmi esa 1,5 foizni tashkil etdi.
Sanoatda xom ashyo bazasining chegaralanganligi xorijiy analoglari bilan solishtirganda uning tannarxi oshishiga sabab boʻlmoqda. Shu bilan birga, xom ashyo, materiallar va butlovchi buyumlarning importida qoʻshilgan qiymat soligʻi muddatini kechiktirishga imkon yaratish va hisobga olish mexanizmining mavjud emasligi eksport qiluvchi tashkilotlarning aylanma mablagʻlari boshqa maqsadlarga jalb qilinishiga va xarajatlarning oshishiga olib kelmoqda.
Elektrotexnika sanoati tashkilotlarining faoliyat samaradorligini yanada rivojlantirish va oshirish, zamonaviy texnologiyalarni joriy etish uchun shart-sharoitlar yaratish maqsadida:
1. Elektrotexnika sanoati korxonalari, “Oʻzeltexsanoat” AK aksiyadorlarining umumiy yigʻilishi, Oʻzbekiston Respublikasi Moliya vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
“Oʻzeltexsanoat” AK negizida uning mol-mulki va davlatga tegishli boshqa vositalarni, shuningdek, debitor va kreditor qarzdorligini (“Oʻzeltexsanoat” AKga tegishli xoʻjalik jamiyatlarining koʻchmas mulki va ustav kapitalidagi aksiyalar paketi (ulushi) bundan mustasno) oʻtkazgan holda Oʻzbekiston elektrotexnika sanoati korxonalari uyushmasini (keyingi oʻrinlarda — “Oʻzeltexsanoat” uyushmasi) tashkil etish;
“Oʻzeltexsanoat” AKga tegishli xoʻjalik jamiyatlarining koʻchmas mulki va ustav kapitalidagi aksiyalar paketi (ulushi)ni Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasiga oʻtkazish toʻgʻrisidagi takliflariga rozilik berilsin.
Bunda “Oʻzeltexsanoat” AK mol-mulki va boshqa mablagʻlarini topshirish-qabul qilish dalolatnomasiga muvofiq “Oʻzeltexsanoat” uyushmasiga oʻtkazish soliq solish obyekti hisoblanmaydi.
2. Quyidagilar:
ixtiyoriy asosda aʼzo boʻlgan elektrotexnika sanoati korxonalari va tashkilotlari “Oʻzeltexsanoat” uyushmasi aʼzolari hisoblanishi;
ijro apparatining tuzilmasini tasdiqlash “Oʻzeltexsanoat” uyushmasi taʼsischilarining umumiy yigʻilishi qarori bilan amalga oshirilishi;
“Oʻzeltexsanoat” uyushmasi raisi va uning oʻrinbosarlari taʼsischilarning umumiy yigʻilishi qarori bilan saylanishi;
“Oʻzeltexsanoat” uyushmasi faoliyatini joriy taʼminlash va moliyalashtirish “Oʻzeltexsanoat” uyushmasi aʼzolarining badal va ajratmalari hamda qonunchilikda taqiqlanmagan boshqa manbalar hisobidan amalga oshirilishi maʼlumot uchun qabul qilinsin.
3. “Oʻzeltexsanoat” uyushmasining asosiy vazifalari etib quyidagilar belgilansin:
xom ashyoni qayta ishlash, yuqori qoʻshilgan qiymatli tayyor mahsulot ishlab chiqarish va eksport qilish boʻyicha yagona kompleks sifatida, shu jumladan sanoat kooperatsiyasini kengaytirish va qoʻllab-quvvatlash asosida sanoatni barqaror rivojlantirish strategiyasini ishlab chiqish;
ichki va tashqi bozorlarda elektrotexnika mahsulotlariga boʻlgan talab konyunkturasini oʻrganish va shu asosda mahsulotning yangi turlarini oʻzlashtirishda koʻmaklashish, ichki bozorni yuqori sifatli milliy elektrotexnika mahsulotlari bilan toʻldirish va uning eksport geografiyasini, shu jumladan turli axborot resurslari va koʻrgazma tadbirlarida milliy brendlarni ilgari surish va elektrotexnika sanoati korxonalari salohiyatini namoyon etish orqali kengaytirish boʻyicha kompleks chora-tadbirlarni amalga oshirish;
elektrotexnika mahsulotlarini ishlab chiqarish boʻyicha yuqori texnologik ishlab chiqarishni oʻzlashtirish uchun investitsiyalar, birinchi navbatda, chet el investitsiyalarini keng jalb qilishga koʻmaklashish, sanoatni modernizatsiya qilish, texnik va texnologik qayta jihozlash, ixtisoslashgan yetakchi xorijiy kompaniyalar bilan qoʻshma ishlab chiqarishni tashkil etish;
elektrotexnika sanoati sohasidagi standartlashtirish va sertifikatlashtirish tizimini xalqaro talablar va standartlar bilan uygʻunlashtirish orqali uni takomillashtirish boʻyicha kompleks chora-tadbirlarni qabul qilish;
hududlar salohiyatini yanada rivojlantirish istiqbollari, xom ashyo bazasi, infratuzilma, mehnat resurslari va bozorlarning mavjudligidan kelib chiqqan holda elektrotexnika sanoati korxonalarini joylashtirishga koʻmaklashish;
elektrotexnika sanoati sohasida kadrlarni tayyorlashga boʻlgan real ehtiyoj va istiqbolli yoʻnalishlarni aniqlash, mutaxassislarni tayyorlash, qayta tayyorlash va malakasini oshirish boʻyicha oʻquv dasturlarni takomillashtirishda ishtirok etish, mazkur sohada ilmiy-tadqiqot ishlarini chuqurlashtirish;
sanoatni jadal rivojlantirishga va elektrotexnika sanoati korxonalarining barqaror faoliyat koʻrsatishiga toʻsqinlik qiluvchi tizimli muammolarni aniqlash va bartaraf etish, mazkur sohadagi qonunchilikni yanada takomillashtirish boʻyicha takliflar ishlab chiqish.
4. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining “Sino” AJ davlat aksiyalari paketini investorlarga tanlov asosida “nol” xarid qiymati boʻyicha korxonaning kreditorlar oldidagi qarzini toʻlash bilan bir vaqtda korxonaning faoliyatini sogʻlomlashtirish uchun investitsiyalar kiritish sharti bilan topshirish toʻgʻrisidagi taklifiga rozilik berilsin.
6. “Oʻzeltexsanoat” uyushmasi tarkibiga kiradigan elektrotexnika va elektr-maishiy mahsulotlar ishlab chiqaruvchi korxonalarga 2022-yilning 1-yanvariga qadar oʻzining asosiy va yordamchi ishlab chiqarishi uchun butlovchi buyumlar, xom ashyo va materiallar, shuningdek, ular tomonidan amalga oshiriladigan investitsiya loyihalari doirasida olib kelinadigan qurilish materiallari importida bojxona deklaratsiyasi qabul qilingan kundan boshlab qoʻshilgan qiymat soligʻini toʻlashni 120 kunga kechiktirish imkoniyati berilsin.
Oʻzbekiston Respublikasi Moliya vazirligi, Davlat bojxona qoʻmitasi va Davlat soliq qoʻmitasi ikki oy muddatda qoʻshilgan qiymat soligʻini toʻlashni kechiktirish boʻyicha qarzdorlik summasini qoʻshilgan qiymat soligʻi yuzasidan umumiy hisob-kitobda yopishni nazarda tutuvchi “Oʻzeltexsanoat” uyushmasi tarkibiga kiradigan elektrotexnika va elektr-maishiy mahsulotlar ishlab chiqaruvchi korxonalarga kechiktirish imkoniyatini berish tartibini ishlab chiqsin va tasdiqlasin.
7. Belgilab qoʻyilsinki, 2022-yilning 1-yanvariga qadar:
“Oʻzeltexsanoat” uyushmasi mol-mulk soligʻi va yuridik shaxslardan olinadigan foyda soligʻi toʻlashdan ozod etiladi;
shartnomalar boʻyicha tashkilotlarning “Oʻzeltexsanoat” uyushmasiga ajratmalari yuridik shaxslardan olinadigan foyda soligʻi boʻyicha soliq solinadigan bazadan chiqariladi.
8. Oʻzbekiston Respublikasining Bosh vaziri A.N. Aripov bir hafta muddatda quyidagilarni nazarda tutuvchi Elektrotexnika sanoatida amaldagi ishlab chiqarishlarni texnik va texnologik jihatdan yangilash va yangilarini tashkil etish boʻyicha investitsiya loyihalarini amalga oshirish “Yoʻl xaritasi”ni tasdiqlasin:
amaldagi elektrotexnika korxonalarini texnik va texnologik jihatdan yangilash va yangilarini tashkil etish boʻyicha 153,8 mln. AQSH dollari miqdoridagi 22 ta investitsiya loyihalarini 2019 — 2021-yillarda amalga oshirish;
2021-yilga yuqori qoʻshilgan qiymatli tayyor elektrotexnika va elektr-maishiy mahsulotlarni ishlab chiqarish hajmlarini 2 baravarga oshirish;
2021-yilda tayyor elektrotexnika va elektr-maishiy mahsulotlarning eksport hajmini 400 mln. AQSH dollari miqdoriga erishish;
loyiha qiymati 500 mln. AQSH dollari boʻlgan istiqbolli innovatsiya loyihalarini birgalikda amalga oshirish uchun xorijiy investorlarni jalb etish.
9. “Oʻzeltexsanoat” uyushmasi Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi va Investitsiyalar va tashqi savdo vazirligi bilan birgalikda elektrotexnika sanoati korxonalarining alohida sarf-xarajatlarini, shu jumladan oʻzlarida ishlab chiqarilgan mahsulotlarni eksport qilishdagi transport xarajatlarini subsidiyalash mexanizmini qoʻllash boʻyicha xorijiy mamlakatlarning tajribasini tatbiq etish imkoniyatini oʻrganib chiqsin.
10. Oʻzbekiston Respublikasi Investitsiyalar va tashqi savdo vazirligi “Oʻzeltexsanoat” uyushmasi bilan birgalikda elektrotexnika sanoatiga investorlarni va xorijning yetakchi elektrotexnika va elektr-maishiy mahsulotlar ishlab chiqaruvchilarini jalb qilish choralarini koʻrsin.
11. Oʻzbekiston Respublikasi Intellektual mulk agentligi ikki oy muddatda mahalliy ishlab chiqaruvchilarga intellektual mulkka boʻlgan huquqlarini operativ tarzda roʻyxatga olishda koʻmaklashish va sohani yanada takomillashtirish boʻyicha takliflar kiritsin.
12. Oʻzbekiston Respublikasi Iqtisodiyot vazirligi:
“Oʻzikkilamchiranglimetall” AJ va “Oʻzeltexsanoat” uyushmasi bilan birgalikda bir oy muddatda oʻz quyma quvvatlarida yoki tegishli rangli metallarni ishlab chiqaruvchi ixtisoslashtirilgan korxonalarda mahsulot tannarxini pasaytirish uchun ishlab chiqarishga qayta ishlangan xom ashyoni takroran jalb etgan holda elektrotexnika mahsulotlarini ishlab chiqarish natijasida hosil boʻladigan rangli metallar parchalari va chiqindilarini qayta ishlash mexanizmini yaratish boʻyicha takliflarni Oʻzbekiston Respublikasi Vazirlar Mahkamasiga kiritsin;
“Oʻzeltexsanoat” uyushmasi va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda uch oy muddatda boʻsh turgan ishlab chiqarish obyektlari negizida elektrotexnika sanoati ixtisoslashtirilgan kichik sanoat zonalari (texnoparklari)ni tashkil etish boʻyicha takliflar kiritsin.
13. Oʻzbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, uni jadal rivojlantirish va diversifikatsiyalash chora-tadbirlari toʻgʻrisida”gi 2017-yil 13-fevraldagi PQ-2772-son qarorining 13-bandida belgilangan imtiyozlarning amal qilishi mahsulot va butlovchi qismlar ishlab chiqarish boʻyicha amalga oshirilayotgan loyihalar doirasida, xom ashyo tovarlari ishlab chiqaruvchi korxonalardan tashqari, respublikaning barcha elektrotexnika sanoati korxonalariga tatbiq etilsin.
14. “Oʻzeltexsanoat” uyushmasi elektrotexnika sanoati korxonalari bilan birgalikda 2019-yil 1-fevralga qadar kadrlar tayyorlash ehtiyojidan kelib chiqib, elektrotexnika sanoati uchun kadrlar tayyorlash tizimini takomillashtirish, shu jumladan taʼlimning talab yuqori boʻlgan yangi yoʻnalishlarini ochish hamda tahsil olayotganlarning elektrotexnika sanoati korxonalari va tadqiqot muassasalari negizida malaka amaliyoti oʻtashi boʻyicha takliflarni Oliy va oʻrta maxsus taʼlim vazirligiga kiritsin.
15. Oʻzbekiston Respublikasi Vazirlar Mahkamasi ikki oy muddatda tovarlar (ishlar, xizmatlar)ning davlat xaridlari doirasida oʻtkaziladigan tenderlar, tanlovlarda mahalliy ishlab chiqaruvchilar uchun 20 foizgacha boʻlgan narx preferensiyasi mexanizmini joriy etishni nazarda tutuvchi davlat xaridlarini amalga oshirish tartibini takomillashtirish boʻyicha takliflar kiritsin.
16. “Oʻzeltexsanoat” uyushmasi Toshkent shahar, Shayxontohur tumani, Koʻkcha darvoza koʻchasi, 1-boshi berk koʻcha, 10-uyda bepul foydalanish huquqi bilan joylashtirilsin.
Bunda “Oʻzeltexsanoat” uyushmasi mazkur obyektni rekonstruksiya qilish va mukammal taʼmirlashni ilgari belgilangan manbalar hisobidan tugatishni taʼminlasin.
17. Adliya vazirligi “Oʻzeltexsanoat” uyushmasi va boshqa manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
18. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Bosh vazirining oʻrinbosari N.S. Otajonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 4-yanvar,
PQ-4090-son
Президента Республики Узбекистан
Постановление
О мерах по дальнейшему развитию и повышению экспортного потенциала электротехнической промышленности
За прошедший период проделана значительная работа по повышению эффективности деятельности организаций электротехнической промышленности, что позволило существенно увеличить объем производства и экспорта продукции с освоением новых видов производств.
Вместе с тем, в 2017 году удельный вес инвестиций в электротехническую промышленность составил всего 0,8 процента от общих инвестиций по республике, а объем производства электротехнической продукции в структуре ВВП — 1,5 процента.
Ограниченность сырьевой базы в промышленности приводит к увеличению себестоимости продукции по сравнению с зарубежными аналогами. Вместе с тем, отсутствие механизма предоставления отсрочки и зачета по налогу на добавленную стоимость при импорте сырья, материалов и комплектующих приводит к отвлечению оборотных средств и росту расходов организаций-экспортеров.
В целях дальнейшего развития и повышения эффективности деятельности организаций электротехнической промышленности, создания условий для внедрения современных технологий:
1. Согласиться с предложениями предприятий электротехнической промышленности, общего собрания акционеров АК «Узэлтехсаноат», Министерства финансов и Государственного комитета Республики Узбекистан по содействию приватизированным предприятиям и развитию конкуренции о:
создании на базе АК «Узэлтехсаноат» Ассоциации предприятий электротехнической промышленности Узбекистана (далее — Ассоциация «Узэлтехсаноат») с передачей ей имущества и других средств, принадлежащих государству, а также дебиторской и кредиторской задолженности, за исключением недвижимого имущества и пакетов акций (долей) в уставных капиталах хозяйственных обществ, принадлежащих АК «Узэлтехсаноат»;
передаче недвижимого имущества и пакетов акций (долей) в уставных капиталах хозяйственных обществ, принадлежащих АК «Узэлтехсаноат», Государственному комитету Республики Узбекистан по содействию приватизированным предприятиям и развитию конкуренции.
При этом передача Ассоциации «Узэлтехсаноат» имущества и других средств АК «Узэлтехсаноат», согласно акту приема-передачи, не является объектом налогообложения.
2. Принять к сведению, что:
членами Ассоциации «Узэлтехсаноат» являются предприятия и организации электротехнической промышленности, вступающие на добровольной основе;
утверждение структуры исполнительного аппарата осуществляется решением общего собрания учредителей Ассоциации «Узэлтехсаноат»;
председатель Ассоциации «Узэлтехсаноат» и его заместители избираются решением общего собрания ее учредителей;
текущее содержание и финансирование деятельности Ассоциации «Узэлтехсаноат» осуществляются за счет взносов и отчислений членов Ассоциации «Узэлтехсаноат» и иных источников, не запрещенных законодательством.
3. Основными задачами Ассоциации «Узэлтехсаноат» определить:
выработку стратегии устойчивого развития промышленности в качестве единого комплекса по переработке сырья, производству и экспорту готовой продукции с высокой добавленной стоимостью, в том числе на основе расширения и поддержки промышленной кооперации;
проведение изучения конъюнктуры спроса на электротехническую продукцию на внутреннем и внешних рынках сбыта и на этой основе осуществление комплексных мер по содействию в освоении новых видов продукции, насыщению внутреннего рынка отечественной электротехнической продукцией высокого качества и расширению географии ее экспорта, в том числе посредством продвижения национальных брендов и представления потенциала предприятий электротехнической промышленности на различных информационных ресурсах и выставочных мероприятиях;
содействие в широком привлечении инвестиций, в первую очередь иностранных, для освоения высокотехнологичных производств по выпуску электротехнической продукции, модернизации, техническому и технологическому переоснащению промышленности, организации с ведущими профильными зарубежными компаниями совместных производств;
принятие комплексных мер по совершенствованию системы стандартизации и сертификации в области электротехнической промышленности посредством ее гармонизации с международными требованиями и стандартами;
оказание содействия в размещении предприятий электротехнической промышленности исходя из перспектив дальнейшего развития потенциала территорий, наличия сырьевой базы, инфраструктуры, трудовых ресурсов и рынков сбыта;
определение реальной потребности и перспективных направлений подготовки кадров в сфере электротехнической промышленности, участие в совершенствовании учебных программ по подготовке, переподготовке и повышению квалификации специалистов, углубление научно-исследовательской работы в данной сфере;
выявление и устранение системных проблем, препятствующих ускоренному развитию промышленности и стабильному функционированию предприятий электротехнической промышленности, выработку предложений по дальнейшему совершенствованию законодательства в данной сфере.
4. Согласиться с предложением Государственного комитета Республики Узбекистан по содействию приватизированным предприятиям и развитию конкуренции о передаче инвесторам на конкурсной основе пакетов государственных акций АО «Сино» по «нулевой» выкупной стоимости с условием внесения инвестиций для оздоровления деятельности предприятия с одновременной выплатой долгов предприятия перед кредиторами.
6. Предоставить сроком до 1 января 2022 года предприятиям по производству электротехнической и электробытовой продукции, входящим в состав Ассоциации «Узэлтехсаноат», отсрочку по уплате налога на добавленную стоимость сроком на 120 дней со дня принятия таможенной декларации при импорте комплектующих изделий, сырья и материалов для собственного основного и вспомогательного производства, а также строительных материалов, завозимых в рамках реализуемых ими инвестиционных проектов.
Министерству финансов, Государственному таможенному комитету и Государственному налоговому комитету Республики Узбекистан в двухмесячный срок разработать и утвердить порядок предоставления отсрочки по уплате налога на добавленную стоимость предприятиям по производству электротехнической и электробытовой продукции, входящим в состав Ассоциации «Узэлтехсаноат», предусматривающий перекрытие сумм задолженностей по данной отсрочке в общем расчете по налогу на добавленную стоимость.
7. Установить, что сроком до 1 января 2022 года:
Ассоциация «Узэлтехсаноат» освобождается от уплаты налога на имущество, а также налога на прибыль юридических лиц;
отчисления организаций по договорам в Ассоциацию «Узэлтехсаноат» исключаются из налогооблагаемой базы по налогу на прибыль юридических лиц.
8. Премьер-министру Республики Узбекистан А.Н. Арипову в недельный срок утвердить «Дорожную карту» по реализации инвестиционных проектов по техническому и технологическому обновлению действующих и созданию новых производств в электротехнической промышленности, предусматривающую:
реализацию 22 инвестиционных проектов в период 2019 — 2021 годов по техническому и технологическому обновлению действующих и созданию новых электротехнических производств на сумму 153,8 миллиона долларов США;
увеличение в 2 раза к 2021 году объемов производства готовой электротехнической и электробытовой продукции с высокой добавленной стоимостью;
достижение в 2021 году объема экспорта готовой электротехнической и электробытовой продукции в размере 400 миллионов долларов США;
привлечение иностранных инвесторов для совместной реализации перспективных инновационных проектов с проектной стоимостью 500 миллионов долларов США.
9. Ассоциации «Узэлтехсаноат» совместно с Министерством экономического развития и сокращения бедности, Министерством финансов и Министерством инвестиций и внешней торговли Республики Узбекистан изучить на предмет возможности внедрения опыта зарубежных стран по применению механизма субсидирования отдельных расходов предприятий электротехнической промышленности, в том числе транспортных расходов по экспорту продукции собственного производства.
10. Министерству инвестиций и внешней торговли Республики Узбекистан совместно с Ассоциацией «Узэлтехсаноат» принять меры по привлечению инвесторов и ведущих зарубежных производителей электротехнической и электробытовой продукции в электротехническую промышленность.
11. Агентству по интеллектуальной собственности Республики Узбекистан в двухмесячный срок внести предложения по оказанию содействия отечественным производителям в оперативной регистрации прав на интеллектуальную собственность и дальнейшему совершенствованию сферы.
12. Министерству экономики Республики Узбекистан:
совместно с АО «Узвторцветмет» и Ассоциацией «Узэлтехсаноат» в месячный срок внести в Кабинет Министров Республики Узбекистан предложения по созданию механизма переработки лома и отходов цветных металлов, образующихся в результате производства электротехнической продукции, на собственных литейных мощностях или на специализированных предприятиях — производителях соответствующих цветных металлов с повторным вовлечением переработанного сырья в производство для снижения себестоимости продукции;
совместно с Ассоциацией «Узэлтехсаноат» и Советом Министров Республики Каракалпакстан, хокимиятами областей и г. Ташкента в трехмесячный срок внести предложения по созданию на базе пустующих производственных объектов специализированных малых промышленных зон (технопарков) электротехнической промышленности.
13. Распространить действие льгот, установленных пунктом 13 постановления Президента Республики Узбекистан от 13 февраля 2017 года № ПП-2772 «О мерах по дальнейшему совершенствованию управления, ускоренному развитию и диверсификации электротехнической промышленности на 2017 — 2021 гг.», на все предприятия электротехнической промышленности республики в рамках осуществляемых ими проектов по производству продукции и комплектующих, кроме предприятий, производящих сырьевые товары.
14. Ассоциации «Узэлтехсаноат» совместно с предприятиями электротехнической промышленности в срок до 1 февраля 2019 года, исходя из потребностей в подготовке кадров, внести в Министерство высшего и среднего специального образования предложения по совершенствованию системы подготовки кадров для электротехнической промышленности, в том числе открытию востребованных новых направлений обучения, прохождению учащимися квалифицированных практик на базе предприятий электротехнической промышленности и исследовательских учреждений.
15. Кабинету Министров Республики Узбекистан в двухмесячный срок внести предложения по совершенствованию порядка осуществления государственных закупок, предусматривающие внедрение механизма ценовой преференции в размере до 20 процентов для отечественных производителей в тендерах, конкурсных отборах, проводимых в рамках государственных закупок товаров (работ, услуг).
16. Разместить Ассоциацию «Узэлтехсаноат» по адресу: город Ташкент, Шайхантохурский район, улица Кукча дарвоза, тупик 1, 10 на праве безвозмездного пользования.
При этом Ассоциации «Узэлтехсаноат» обеспечить завершение реконструкции и капитального ремонта данного объекта за счет ранее определенных источников.
17. Министерству юстиции совместно с Ассоциацией «Узэлтехсаноат» и другими заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
18. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и заместителя Премьер-министра Республики Узбекистан Н.С. Отажонова.
Президент Республики Узбекистан Ш. МИРЗИЁЕВ
г. Ташкент,
4 января 2019 г.,
№ ПП-4090