📅 2019-yil 4-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 4 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 4 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
схемаси
«ЙЎЛ ХАРИТА»си
Тошкент шаҳрининг уй-жой коммунал инфратузилмасини бошқаришни такомиллаштириш бўйича қўшимча чора-тадбирлар тўғрисида
Тошкент шаҳрида уй-жой коммунал хизматлари кўрсатиш сифатини, давлат-хусусий шериклик асосида соҳа корхоналари фаолиятининг самарадорлигини янада ошириш мақсадида Вазирлар Маҳкамаси қарор қилади:
1. Қуйидагилар Тошкент шаҳрининг уй-жой коммунал соҳасини янада ривожлантиришнинг устувор йўналишлари этиб белгилансин:
кўп квартирали уй-жой фондини сақлаш, ундан фойдаланиш ва таъмирлаш соҳасидаги бозор механизмларини, жумладан, давлат-хусусий шериклик шартлари асосида босқичма-босқич жорий этиш;
илғор хорижий тажрибани инобатга олган ҳолда, уй-жой коммунал хизмат кўрсатиш бозорининг жозибадорлигини ошириш, шунингдек, нарх белгилашнинг рақобат механизмларига ўтиш;
уй-жой коммунал хизмат кўрсатиш тизимига энергия тежайдиган технологиялар ҳамда ускуналарни жорий этиш, шунингдек, уй-жой коммунал хўжалик объектларини замонавий ҳисобга олиш асбоблари билан жиҳозлаш;
коммунал хизматлар ягона биллинг тизимини яратиш ва истеъмолчининг унификация қилинган шахсий ҳисобрақамини жорий этиш;
уй-жой коммунал хизмат кўрсатиш соҳаси мутахассисларини тайёрлаш, қайта тайёрлаш ва уларнинг малакасини ошириш тизимини такомиллаштириш.
2. Тошкент шаҳар ҳокимлиги ва Ўзбекистон Республикаси Уй-жой коммунал хизмат кўрсатиш вазирлигининг 2019 йилда Тошкент шаҳрининг Юнусобод ва Чилонзор туманларида кўп квартирали уй-жой фондини профессионал бошқарув компаниялари (кейинги ўринларда бошқарув компаниялари деб аталади) томонидан бошқариш бўйича тажриба ўтказиш тўғрисидаги таклифига розилик берилсин.
3. Қуйидагилар:
Кўп квартирали уй-жой фондини бошқарув компаниялари томонидан бошқариш схемаси 1-иловага мувофиқ;
Тошкент шаҳрининг уй-жой коммунал инфратузилмасини бошқаришни такомиллаштириш бўйича қўшимча чора-тадбирларни амалга оширишнинг «Йўл харита»си 2-иловага мувофиқ тасдиқлансин.
4. Тажриба доирасида қуйидагилар белгилансин:
кўп квартирали уй-жой фондини бошқариш учун бошқарув компаниялари туман ҳокимлиги томонидан кўп квартирали уйлардаги турар-жойлар мулкдорларининг ишончли шахслари билан биргаликда ўтказиладиган танлов асосида танлаб олинади;
кўп квартирали уй-жой фондининг умумий фойдаланишдаги мулкини сақлаш, ундан фойдаланиш ва таъмирлаш бошқарув компанияси томонидан кўп квартирали уйдаги турар-жойлар мулкдорларининг умумий йиғилиши қарорига кўра, кўп квартирали уйдаги турар-жойлар мулкдорлари ёки уларнинг ишончли шахслари билан тузиладиган шартнома асосида амалга оширилади. Бунда тузилган шартнома шартларини бажариш кўп квартирали уйдаги турар-жойларнинг барча мулкдорлари учун мажбурий ҳисобланади;
кўп квартирали уйдаги турар-жойлар мулкдорларининг мажбурий бадаллари ва нотурар-жойлар мулкдорларининг тўловлари миқдори кўп квартирали уйдаги турар-жойлар мулкдорларининг умумий йиғилишида туман халқ депутатлари Кенгаши томонидан белгиланадиган энг кам миқдордан паст бўлмаган миқдорда белгиланади;
кўп квартирали уйдаги турар-жойлар мулкдорлари шартномага мувофиқ умумий фойдаланишдаги мулкни сақлаш, ундан фойдаланиш ва таъмирлаш бўйича мажбурий бадалларни ҳар ой тўлаши шарт;
бошқарув компанияси ўз фаолиятини турар-жойлар мулкдорлари олдида ҳисобдорлик ва ошкоралик асосида амалга оширади ҳамда ҳар чоракда ҳисобот бериб боради;
бошқарув компанияси мулкдорларнинг қонуний ҳуқуқ ва манфаатларини ҳимоя қилиш мақсадида тегишли ташкилотларга мулкдорлар номидан коммунал хизматлар кўрсатиш сифати ва етказиб бериш масалалари бўйича мурожаат этишга ҳақли;
кўп квартирали уйда турар-жойларни сотиб олувчи шахслар мулкдорлик ҳуқуқи юзага келган вақтдан бошлаб, умумий мулкни сақлаш харажатларини амалга оширади;
бошқарув компанияси турар-жойлар мулкдорларидан умумий мулкни сақлаш бўйича ўз вақтида тўланмаган мажбурий бадалларни белгиланган тартибда ундириш ҳуқуқига эга;
мулкдорнинг унга тегишли бўлган турар-жойдан фойдаланмаслиги ёки умумий мулкдан фойдаланишни рад этиши уни мажбурий тўловларни тўлиқ ёки қисман тўлашдан озод этмайди.
5. Тошкент шаҳар ҳокимлиги Ўзбекистон Республикаси Қурилиш вазирлиги, Уй-жой коммунал хизмат кўрсатиш вазирлиги ҳамда Ер ресурслари, геодезия, картография ва давлат кадастри давлат қўмитаси билан биргаликда 2019 йилнинг 1 апрелига қадар ёнғин хавфсизлиги, шаҳарсозлик ва санитария нормаларини таъминлаш шартларидан келиб чиққан ҳолда, кўп квартирали уйга туташ бўлган ер участкаларининг ўлчамлари ҳамда чегаралари нормативларини белгилаш бўйича Ўзбекистон Республикаси Вазирлар Маҳкамасига таклифлар киритсин.
6. Тошкент шаҳар ҳокимлиги 2019 йилнинг 31 январигача бўлган муддатда:
кўп квартирали уй-жой фондини сақлаш, ундан фойдаланиш ва таъмирлаш учун бошқарув компаниясини аниқлаш бўйича танлов ўтказиш тартибини тасдиқласин;
танловга қўйиладиган кўп квартирали уй-жой фонди лотларининг рўйхатини аниқласин ва ушбу рўйхатни очиқ ҳолда, шу жумладан Тошкент шаҳар ҳокимлигининг расмий веб-сайтида эълон қилсин;
кўп квартирали уйни сақлаш, ундан фойдаланиш ва таъмирлаш учун бошқарув компанияси билан намунавий шартнома ишлаб чиқсин.
7. Ўзбекистон Республикаси Уй-жой коммунал хизмат кўрсатиш вазирлиги Тошкент шаҳар ҳокимлиги ва бошқа манфаатдор вазирликлар, идоралар билан биргаликда кўп квартирали уйни ва унинг олдидаги участкаларни сақлаш ҳамда улардан фойдаланиш талабларини уч ой муддатда тасдиқласин.
8. Тошкент шаҳар ҳокимлиги ва Ўзбекистон Республикаси Уй-жой коммунал хизмат кўрсатиш вазирлигининг Тошкент шаҳар Уй-жой коммунал хизмат кўрсатиш бош бошқармасида Уй-жой коммунал хўжалигини ривожлантириш жамғармасини (кейинги ўринларда Жамғарма деб аталади) ташкил этиш тўғрисидаги таклифи маъқуллансин.
Қуйидагилар Жамғарма маблағларини шакллантириш манбалари этиб белгилансин:
уй-жой коммунал соҳани ривожлантириш учун жалб этиладиган кредитлар, шу жумладан халқаро молия институтлари ва Ўзбекистон Республикаси тижорат банкларининг имтиёзли кредитлари;
хайрия маблағлари;
Жамғарманинг бўш маблағларини банклардаги депозитларда жойлаштиришдан олинадиган даромадлар;
қонун ҳужжатларида тақиқланмаган бошқа тушумлар.
Тошкент шаҳар ҳокимлиги Ўзбекистон Республикаси Уй-жой коммунал хизмат кўрсатиш вазирлиги ва Молия вазирлиги билан келишган ҳолда, Тошкент шаҳар Уй-жой коммунал хизмат кўрсатиш бош бошқармасидаги Уй-жой коммунал хўжалигини ривожлантириш жамғармасининг маблағларини шакллантириш ва улардан фойдаланиш тартиби тўғрисидаги низомни бир ой муддатда тасдиқласин.
9. Ўзбекистон Республикаси Уй-жой коммунал хизмат кўрсатиш вазирлиги, Олий ва ўрта махсус таълим вазирлигининг Касб-ҳунар таълими маркази хорижий тажриба асосида уй-жой коммунал хизмат кўрсатиш соҳаси мутахассисларини тайёрлаш ва малакасини ошириш бўйича ўқув курсларини икки ой муддатда ташкил этсин.
10. Тошкент шаҳар ҳокимлиги:
Бошқарув компанияларининг буюртманомаларига асосан уларни жойлаштириш ва самарали фаолият юритишини ташкил этиш учун бинолар ёки белгиланган тартибда қурилиш учун ер участкалари ажратсин;
Ўзбекистон Республикаси Уй-жой коммунал хизмат кўрсатиш вазирлиги билан биргаликда тажриба натижалари асосида 2020 йил 1 январгача бўлган муддатда Тошкент шаҳрининг бошқа туманларида ҳам ушбу тажрибани жорий этиш мақсадга мувофиқлиги тўғрисида Ўзбекистон Республикаси Вазирлар Маҳкамасига таклифлар киритсин.
11. Бошқарув компанияларининг шартнома доирасида кўп квартирали уй-жой фондини сақлаш, ундан фойдаланиш ва таъмирлаш учун олинган даромадлари қўшилган қиймат солиғи ва фойда солиғидан озод этилсин.
12. Тошкент шаҳар ҳокимлиги тижорат банклари ва Ўзбекистон Республикаси Уй-жой коммунал хизмат кўрсатиш вазирлиги билан биргаликда тажриба доирасида хусусий уй-жой мулкдорлари ширкатларининг кредитларини икки ой муддатда бошқарув компанияларига қайта расмийлаштирсин ҳамда дебиторлик қарзлар ва кредитлар бўйича қарзларни белгиланган тартибда ўтказсин.
Тижорат банкларига Ўзбекистон Республикаси Марказий банкининг қайта молиялаштириш ставкасидан ошмайдиган ставкалар бўйича бошқарув компанияларига имтиёзли кредитлар ажратиш тавсия этилсин.
13. Тошкент шаҳар ҳокимлиги:
Ўзбекистон Республикаси Уй-жой коммунал хизмат кўрсатиш вазирлиги, Экология ва атроф муҳитни муҳофаза қилиш давлат қўмитаси, Инвестициялар бўйича давлат қўмитаси ҳамда Молия вазирлиги ҳузуридаги Давлат-хусусий шерикликни ривожлантириш агентлиги билан биргаликда Тошкент шаҳрининг сув таъминоти, канализация, иссиқлик таъминоти, ободонлаштириш ва санитар тозалаш тизимини, зарур ҳолларда хорижий компанияларни жалб этган ҳолда, модернизация қилиш ҳамда бошқаришга доир лойиҳаларни давлат-хусусий шериклик шартлари асосида амалга ошириш бўйича 2019 йилнинг 1 апрелигача бўлган муддатда таклифлар киритсин.
Инвестициялар бўйича давлат қўмитаси, Уй-жой коммунал хизмат кўрсатиш вазирлиги билан биргаликда 2020 — 2022 йилларда квартиралар ичига иссиқ ва ичимлик сувни ҳисобга олиш смарт-асбоблар ўрнатиш дастурини 2019 йил 1 августгача бўлган муддатда ишлаб чиқсин ва Ўзбекистон Республикаси Вазирлар Маҳкамасига киритсин.
14. Ўзбекистон Миллий ахборот агентлиги, Ўзбекистон Миллий телерадиокомпанияси тегишли мақолалар, теле ва радио дастурлар тайёрлаш орқали уй-жой коммунал соҳада давлат-хусусий шериклик механизмларини жорий этиш тўғрисида аҳоли ва тадбиркорлар ўртасида кенг тушунтириш ишлари ўтказилишини таъминласин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Тошкент шаҳар ҳокими Ж.А. Артикходжаев зиммасига юклансин.
Вазирлар Маҳкамасининг 2019 йил 4 январдаги 5-сон қарорига 1-ИЛОВА
Кўп квартирали уй-жой фондини бошқарув компаниялари томонидан бошқариш
Вазирлар Маҳкамасининг 2019 йил 4 январдаги 5-сон қарорига 2-ИЛОВА
Тошкент шаҳрининг уй-жой коммунал инфратузилмасини бошқаришни такомиллаштириш бўйича қўшимча чора-тадбирларни амалга оширишнинг
Т/р Чора-тадбирлар номи Амалга ошириш механизми Ижро муддатлари Масъуллар 1. Кўп квартирали уй-жой фондини бошқариш учун бошқарув компаниясини (кейинги ўринларда бошқарув компанияси деб аталади) аниқлаш учун танлов ўтказиш тартибини ишлаб чиқиш. Кўп квартирали уйни сақлаш, ундан фойдаланиш ва таъмирлаш бўйича танлов ўтказиш ҳамда бошқарув компаниясини аниқлаш тартиби тўғрисидаги низомни тасдиқлаш. 2019 йил 31 январгача Тошкент шаҳар ҳокимлиги 2. Бошқарув компанияси билан намунавий шартномани ишлаб чиқиш. Кўп квартирали уйни таъмирлаш, фойдаланиш ва сақлаш учун бошқарув компанияси билан намунавий шартномани ишлаб чиқиш. 2019 йил 31 январгача Тошкент шаҳар ҳокимлиги 3. Кўп квартирали уйдаги турар-жойлар мулкдорлари томонидан тўланадиган мажбурий бадалларнинг энг кам миқдорини тасдиқлаш. Юнусобод тумани халқ депутатлари Кенгашининг қарори. 2019 йил 31 январгача Тошкент шаҳар ҳокимлиги 4. Кўп квартирали уйни сақлаш ва ундан фойдаланиш талабларини ишлаб чиқиш. Кўп квартирали уйни ва унинг олдидаги участкаларни сақлаш ҳамда улардан фойдаланиш талабларини ишлаб чиқиш ҳамда тасдиқлаш. 2019 йил 1 апрелгача Уй-жой коммунал хизмат кўрсатиш вазирлиги, Қурилиш вазирлиги, «Ўзстандарт» агентлиги, Тошкент шаҳар ҳокимлиги, лойиҳа институтлари 5. Кўп квартирали уйга туташ бўлган ер участкаларининг ҳажмлари ва чегаралари нормативларини белгилаш. 1. Ёнғин хавфсизлиги, шаҳарсозлик ва санитария нормаларини таъминлаш шартларидан келиб чиққан ҳолда, кўп квартирали уйга туташ бўлган ер участкаларининг ҳажмлари ҳамда чегаралари нормативларини ишлаб чиқиш ҳамда тасдиқлаш. 2. Кўп квартирали уйга туташ бўлган ер участкасини кўрсатган ҳолда, ҳар бир кўп квартирали уйга кадастр ҳужжатларини бериш. 2019 йил 1 апрелгача 2019 йил мобайнида Тошкент шаҳар ҳокимлиги, Қурилиш вазирлиги, Давергеодезкадастр, Уй-жой коммунал хизмат кўрсатиш вазирлиги, ИИВ, Соғлиқни сақлаш вазирлиги 6. Хорижий тажриба асосида уй-жой коммунал хизмат кўрсатиш соҳаси мутахассисларини тайёрлаш ва малакасини ошириш бўйича ўқув курсларини ташкил этиш. 1. Уй-жой коммунал соҳа мутахассисларини тайёрлаш бўйича хорижий тажрибани ўрганиш. 2. Ўқув дастурлари ва услубий қўлланмалар ишлаб чиқиш. 3. Уй-жой коммунал соҳа мутахассисларини тайёрлаш бўйича ўқув курсларини ташкил этиш. 2019 йил 20 январгача 2019 йил 1 февралгача доимий Уй-жой коммунал хизмат кўрсатиш вазирлиги, Олий таълим вазирлиги, Касб-ҳунар таълим маркази 7. Кўп квартирали уйларни бошқариш учун бошқарув компанияларини танлов асосида танлаш. 1. Танловга қўйиладиган кўп квартирали уй-жой фонди лотларининг рўйхатини аниқлаш. 2. Танлов шартларини очиқ ҳолда, шу жумладан Тошкент шаҳар ҳокимлигининг расмий веб-сайтида эълон қилиш. 3. Танлов ўтказиш ва бошқарув компанияларини танлаш. 2019 йил 31 январгача 2019 йил 31 январгача 2019 йил 15 февралгача Тошкент шаҳар ҳокимлиги 8. Кўп квартирали уйнинг умумий фойдаланишдаги мулкини сақлаш, ундан фойдаланиш ва таъмирлаш учун шартнома тузиш. Бошқарув компанияси ва кўп квартирали уй-жой фондининг турар-жойлари мулкдорлари ёки уларнинг ишончли шахси билан кўп квартирали уйни сақлаш, ундан фойдаланиш ва таъмирлаш учун шартнома тузиш. 2019 йил 1 мартгача Тошкент шаҳар ҳокимлиги, бошқарув компаниялари 9. Тузилган шартнома доирасида кўп квартирали уйни сақлаш, ундан фойдаланиш ва таъмирлаш ишларини ўз вақтида ва сифатли бажариш. 1. Амалдаги шаҳарсозлик қоидалари ва нормаларига қатъий мувофиқ ҳолда ишларни ташкил этиш. 2. Бажарилган иш тўғрисида турар-жойлар мулкдорларига мунтазам ҳисоботлар бериш. 2019 йил мобайнида Юнусобод тумани ҳокимлиги, бошқарув компаниялари 10. Бошқарув компанияларини бинолар ва ер участкалари билан таъминлаш. Бошқарув компанияларининг асослантирилган буюртманомалари бўйича бинолар, иншоотлар ва ер участкалари ажратиш. Бошқарув компанияларининг буюртманомалари бўйича Тошкент шаҳар ҳокимлиги 11. Тошкент шаҳрининг сув таъминоти, канализация, иссиқлик таъминоти, ободонлаштириш ва санитар тозалаш тизимини, зарур ҳолларда хорижий компанияларни жалб этган ҳолда, модернизация қилиш ҳамда бошқаришга доир лойиҳаларни давлат-хусусий шериклик шартлари асосида амалга ошириш. 1. Вазирлар Маҳкамасига коммунал объектларни давлат-хусусий шериклик шартларида топшириш, шунингдек, норматив-ҳуқуқий ҳужжатларга ва қонунчиликка ўзгартиришлар киритиш тўғрисида таклифлар киритиш. 2. Коммунал тизимнинг ҳар бир объектидан техник фойдаланиш шартларини аниқлаш. 2019 йил 1 апрелгача Тошкент шаҳар ҳокимлиги, Инвестициялар давлат қўмитаси, Уй-жой коммунал хизмат кўрсатиш вазирлиги, Молия вазирлиги ҳузуридаги Давлат-хусусий шериклик агентлиги, «Сувсоз» ДУК, «Тошиссиққуввати» ДУК, «Махсустранс» ДУК 12. Коммунал хизматлар ягона биллинг тизимини яратиш ва истеъмолчининг унификация қилинган шахсий ҳисобрақамини жорий этиш. 1. Коммунал хизматлар ягона биллинг тизимини ишлаб чиқиш учун техник топшириқ ишлаб чиқиш. 2. Ягона биллинг тизимини яратиш учун молиялаштириш манбаларини аниқлаш. 2019 йил 1 апрелгача Тошкент шаҳар ҳокимлиги, Уй-жой коммунал хизмат кўрсатиш вазирлиги, Ахборот технологиялари ва коммуникациялари вазирлиги 13. Квартиралар ичига иссиқ ва ичимлик сувни ҳисобга олиш смарт-асбоблар ўрнатиш дастурини ишлаб чиқиш. 1. Коммунал хизматлар ягона биллинг тизимини ишлаб чиқиш учун техник талаблар ишлаб чиқиш ва топшириқ белгилаш. 2. 2020 — 2022 йилларда квартиралар ичига иссиқ ва ичимлик сувни ҳисобга олиш смарт-асбоблар ўрнатиш дастурини 2019 йил 1 августгача бўлган муддатда ишлаб чиқиш ва Ўзбекистон Республикаси Вазирлар Маҳкамасига киритиш. 2019 йил 1 апрелгача Тошкент шаҳар ҳокимлиги, Уй-жой коммунал хизмат кўрсатиш вазирлиги, Инвестициялар давлат қўмитаси, «Ўзбекэнерго» АЖ, «Ўзтрансгаз» АЖ. 14. Уй-жой коммунал соҳага давлат-ҳуқуқий шериклик жорий қилиш тўғрисида аҳоли ва тадбиркорлар ўртасида соҳа мутахассислари ва экспертлари иштирокида кенг тушунтириш ишларини ўтказиш. 1. Бошқарув компанияларини ташкил қилиш ва уларнинг фаолияти тўғрисида тегишли мақолалар, теле, радиодастурлар, роликлар тайёрлаш. 2. Тошкент шаҳар ҳокимлигининг веб-сайтида бошқарув компаниялари фаолияти тўғрисида маълумот жойлаштириш. 2019 йил мобайнида Ўзбекистон Миллий ахборот агентлиги, Ўзбекистон Миллий телерадиокомпанияси, Тошкент шаҳар ҳокимлиги
Ўзбекистон Республикасининг Бош вазири А. АРИПОВ
Тошкент ш.,
2019 йил 4 январь,
5-сон
Oʻzbekiston Respublikasi Vazirlar Mahkamasining
qarori
sxemasi
“YOʻL XARITA”si
Toshkent shahrining uy-joy kommunal infratuzilmasini boshqarishni takomillashtirish boʻyicha qoʻshimcha chora-tadbirlar toʻgʻrisida
Toshkent shahrida uy-joy kommunal xizmatlari koʻrsatish sifatini, davlat-xususiy sheriklik asosida soha korxonalari faoliyatining samaradorligini yanada oshirish maqsadida Vazirlar Mahkamasi qaror qiladi:
1. Quyidagilar Toshkent shahrining uy-joy kommunal sohasini yanada rivojlantirishning ustuvor yoʻnalishlari etib belgilansin:
koʻp kvartirali uy-joy fondini saqlash, undan foydalanish va taʼmirlash sohasidagi bozor mexanizmlarini, jumladan, davlat-xususiy sheriklik shartlari asosida bosqichma-bosqich joriy etish;
ilgʻor xorijiy tajribani inobatga olgan holda, uy-joy kommunal xizmat koʻrsatish bozorining jozibadorligini oshirish, shuningdek, narx belgilashning raqobat mexanizmlariga oʻtish;
uy-joy kommunal xizmat koʻrsatish tizimiga energiya tejaydigan texnologiyalar hamda uskunalarni joriy etish, shuningdek, uy-joy kommunal xoʻjalik obyektlarini zamonaviy hisobga olish asboblari bilan jihozlash;
kommunal xizmatlar yagona billing tizimini yaratish va isteʼmolchining unifikatsiya qilingan shaxsiy hisobraqamini joriy etish;
uy-joy kommunal xizmat koʻrsatish sohasi mutaxassislarini tayyorlash, qayta tayyorlash va ularning malakasini oshirish tizimini takomillashtirish.
2. Toshkent shahar hokimligi va Oʻzbekiston Respublikasi Uy-joy kommunal xizmat koʻrsatish vazirligining 2019-yilda Toshkent shahrining Yunusobod va Chilonzor tumanlarida koʻp kvartirali uy-joy fondini professional boshqaruv kompaniyalari (keyingi oʻrinlarda boshqaruv kompaniyalari deb ataladi) tomonidan boshqarish boʻyicha tajriba oʻtkazish toʻgʻrisidagi taklifiga rozilik berilsin.
3. Quyidagilar:
Koʻp kvartirali uy-joy fondini boshqaruv kompaniyalari tomonidan boshqarish sxemasi 1-ilovaga muvofiq;
Toshkent shahrining uy-joy kommunal infratuzilmasini boshqarishni takomillashtirish boʻyicha qoʻshimcha chora-tadbirlarni amalga oshirishning “Yoʻl xarita”si 2-ilovaga muvofiq tasdiqlansin.
4. Tajriba doirasida quyidagilar belgilansin:
koʻp kvartirali uy-joy fondini boshqarish uchun boshqaruv kompaniyalari tuman hokimligi tomonidan koʻp kvartirali uylardagi turar-joylar mulkdorlarining ishonchli shaxslari bilan birgalikda oʻtkaziladigan tanlov asosida tanlab olinadi;
koʻp kvartirali uy-joy fondining umumiy foydalanishdagi mulkini saqlash, undan foydalanish va taʼmirlash boshqaruv kompaniyasi tomonidan koʻp kvartirali uydagi turar-joylar mulkdorlarining umumiy yigʻilishi qaroriga koʻra, koʻp kvartirali uydagi turar-joylar mulkdorlari yoki ularning ishonchli shaxslari bilan tuziladigan shartnoma asosida amalga oshiriladi. Bunda tuzilgan shartnoma shartlarini bajarish koʻp kvartirali uydagi turar-joylarning barcha mulkdorlari uchun majburiy hisoblanadi;
koʻp kvartirali uydagi turar-joylar mulkdorlarining majburiy badallari va noturar-joylar mulkdorlarining toʻlovlari miqdori koʻp kvartirali uydagi turar-joylar mulkdorlarining umumiy yigʻilishida tuman xalq deputatlari Kengashi tomonidan belgilanadigan eng kam miqdordan past boʻlmagan miqdorda belgilanadi;
koʻp kvartirali uydagi turar-joylar mulkdorlari shartnomaga muvofiq umumiy foydalanishdagi mulkni saqlash, undan foydalanish va taʼmirlash boʻyicha majburiy badallarni har oy toʻlashi shart;
boshqaruv kompaniyasi oʻz faoliyatini turar-joylar mulkdorlari oldida hisobdorlik va oshkoralik asosida amalga oshiradi hamda har chorakda hisobot berib boradi;
boshqaruv kompaniyasi mulkdorlarning qonuniy huquq va manfaatlarini himoya qilish maqsadida tegishli tashkilotlarga mulkdorlar nomidan kommunal xizmatlar koʻrsatish sifati va yetkazib berish masalalari boʻyicha murojaat etishga haqli;
koʻp kvartirali uyda turar-joylarni sotib oluvchi shaxslar mulkdorlik huquqi yuzaga kelgan vaqtdan boshlab, umumiy mulkni saqlash xarajatlarini amalga oshiradi;
boshqaruv kompaniyasi turar-joylar mulkdorlaridan umumiy mulkni saqlash boʻyicha oʻz vaqtida toʻlanmagan majburiy badallarni belgilangan tartibda undirish huquqiga ega;
mulkdorning unga tegishli boʻlgan turar-joydan foydalanmasligi yoki umumiy mulkdan foydalanishni rad etishi uni majburiy toʻlovlarni toʻliq yoki qisman toʻlashdan ozod etmaydi.
5. Toshkent shahar hokimligi Oʻzbekiston Respublikasi Qurilish vazirligi, Uy-joy kommunal xizmat koʻrsatish vazirligi hamda Yer resurslari, geodeziya, kartografiya va davlat kadastri davlat qoʻmitasi bilan birgalikda 2019-yilning 1-apreliga qadar yongʻin xavfsizligi, shaharsozlik va sanitariya normalarini taʼminlash shartlaridan kelib chiqqan holda, koʻp kvartirali uyga tutash boʻlgan yer uchastkalarining oʻlchamlari hamda chegaralari normativlarini belgilash boʻyicha Oʻzbekiston Respublikasi Vazirlar Mahkamasiga takliflar kiritsin.
6. Toshkent shahar hokimligi 2019-yilning 31-yanvarigacha boʻlgan muddatda:
koʻp kvartirali uy-joy fondini saqlash, undan foydalanish va taʼmirlash uchun boshqaruv kompaniyasini aniqlash boʻyicha tanlov oʻtkazish tartibini tasdiqlasin;
tanlovga qoʻyiladigan koʻp kvartirali uy-joy fondi lotlarining roʻyxatini aniqlasin va ushbu roʻyxatni ochiq holda, shu jumladan Toshkent shahar hokimligining rasmiy veb-saytida eʼlon qilsin;
koʻp kvartirali uyni saqlash, undan foydalanish va taʼmirlash uchun boshqaruv kompaniyasi bilan namunaviy shartnoma ishlab chiqsin.
7. Oʻzbekiston Respublikasi Uy-joy kommunal xizmat koʻrsatish vazirligi Toshkent shahar hokimligi va boshqa manfaatdor vazirliklar, idoralar bilan birgalikda koʻp kvartirali uyni va uning oldidagi uchastkalarni saqlash hamda ulardan foydalanish talablarini uch oy muddatda tasdiqlasin.
8. Toshkent shahar hokimligi va Oʻzbekiston Respublikasi Uy-joy kommunal xizmat koʻrsatish vazirligining Toshkent shahar Uy-joy kommunal xizmat koʻrsatish bosh boshqarmasida Uy-joy kommunal xoʻjaligini rivojlantirish jamgʻarmasini (keyingi oʻrinlarda Jamgʻarma deb ataladi) tashkil etish toʻgʻrisidagi taklifi maʼqullansin.
Quyidagilar Jamgʻarma mablagʻlarini shakllantirish manbalari etib belgilansin:
uy-joy kommunal sohani rivojlantirish uchun jalb etiladigan kreditlar, shu jumladan xalqaro moliya institutlari va Oʻzbekiston Respublikasi tijorat banklarining imtiyozli kreditlari;
xayriya mablagʻlari;
Jamgʻarmaning boʻsh mablagʻlarini banklardagi depozitlarda joylashtirishdan olinadigan daromadlar;
qonun hujjatlarida taqiqlanmagan boshqa tushumlar.
Toshkent shahar hokimligi Oʻzbekiston Respublikasi Uy-joy kommunal xizmat koʻrsatish vazirligi va Moliya vazirligi bilan kelishgan holda, Toshkent shahar Uy-joy kommunal xizmat koʻrsatish bosh boshqarmasidagi Uy-joy kommunal xoʻjaligini rivojlantirish jamgʻarmasining mablagʻlarini shakllantirish va ulardan foydalanish tartibi toʻgʻrisidagi nizomni bir oy muddatda tasdiqlasin.
9. Oʻzbekiston Respublikasi Uy-joy kommunal xizmat koʻrsatish vazirligi, Oliy va oʻrta maxsus taʼlim vazirligining Kasb-hunar taʼlimi markazi xorijiy tajriba asosida uy-joy kommunal xizmat koʻrsatish sohasi mutaxassislarini tayyorlash va malakasini oshirish boʻyicha oʻquv kurslarini ikki oy muddatda tashkil etsin.
10. Toshkent shahar hokimligi:
Boshqaruv kompaniyalarining buyurtmanomalariga asosan ularni joylashtirish va samarali faoliyat yuritishini tashkil etish uchun binolar yoki belgilangan tartibda qurilish uchun yer uchastkalari ajratsin;
Oʻzbekiston Respublikasi Uy-joy kommunal xizmat koʻrsatish vazirligi bilan birgalikda tajriba natijalari asosida 2020-yil 1-yanvargacha boʻlgan muddatda Toshkent shahrining boshqa tumanlarida ham ushbu tajribani joriy etish maqsadga muvofiqligi toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Boshqaruv kompaniyalarining shartnoma doirasida koʻp kvartirali uy-joy fondini saqlash, undan foydalanish va taʼmirlash uchun olingan daromadlari qoʻshilgan qiymat soligʻi va foyda soligʻidan ozod etilsin.
12. Toshkent shahar hokimligi tijorat banklari va Oʻzbekiston Respublikasi Uy-joy kommunal xizmat koʻrsatish vazirligi bilan birgalikda tajriba doirasida xususiy uy-joy mulkdorlari shirkatlarining kreditlarini ikki oy muddatda boshqaruv kompaniyalariga qayta rasmiylashtirsin hamda debitorlik qarzlar va kreditlar boʻyicha qarzlarni belgilangan tartibda oʻtkazsin.
Tijorat banklariga Oʻzbekiston Respublikasi Markaziy bankining qayta moliyalashtirish stavkasidan oshmaydigan stavkalar boʻyicha boshqaruv kompaniyalariga imtiyozli kreditlar ajratish tavsiya etilsin.
13. Toshkent shahar hokimligi:
Oʻzbekiston Respublikasi Uy-joy kommunal xizmat koʻrsatish vazirligi, Ekologiya va atrof muhitni muhofaza qilish davlat qoʻmitasi, Investitsiyalar boʻyicha davlat qoʻmitasi hamda Moliya vazirligi huzuridagi Davlat-xususiy sheriklikni rivojlantirish agentligi bilan birgalikda Toshkent shahrining suv taʼminoti, kanalizatsiya, issiqlik taʼminoti, obodonlashtirish va sanitar tozalash tizimini, zarur hollarda xorijiy kompaniyalarni jalb etgan holda, modernizatsiya qilish hamda boshqarishga doir loyihalarni davlat-xususiy sheriklik shartlari asosida amalga oshirish boʻyicha 2019-yilning 1-apreligacha boʻlgan muddatda takliflar kiritsin.
Investitsiyalar boʻyicha davlat qoʻmitasi, Uy-joy kommunal xizmat koʻrsatish vazirligi bilan birgalikda 2020 — 2022-yillarda kvartiralar ichiga issiq va ichimlik suvni hisobga olish smart-asboblar oʻrnatish dasturini 2019-yil 1-avgustgacha boʻlgan muddatda ishlab chiqsin va Oʻzbekiston Respublikasi Vazirlar Mahkamasiga kiritsin.
14. Oʻzbekiston Milliy axborot agentligi, Oʻzbekiston Milliy teleradiokompaniyasi tegishli maqolalar, tele va radio dasturlar tayyorlash orqali uy-joy kommunal sohada davlat-xususiy sheriklik mexanizmlarini joriy etish toʻgʻrisida aholi va tadbirkorlar oʻrtasida keng tushuntirish ishlari oʻtkazilishini taʼminlasin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Toshkent shahar hokimi J.A. Artikxodjayev zimmasiga yuklansin.
Vazirlar Mahkamasining 2019-yil 4-yanvardagi 5-son qaroriga 1-ILOVA
Koʻp kvartirali uy-joy fondini boshqaruv kompaniyalari tomonidan boshqarish
Vazirlar Mahkamasining 2019-yil 4-yanvardagi 5-son qaroriga 2-ILOVA
Toshkent shahrining uy-joy kommunal infratuzilmasini boshqarishni takomillashtirish boʻyicha qoʻshimcha chora-tadbirlarni amalga oshirishning
T/r Chora-tadbirlar nomi Amalga oshirish mexanizmi Ijro muddatlari Masʼullar 1. Koʻp kvartirali uy-joy fondini boshqarish uchun boshqaruv kompaniyasini (keyingi oʻrinlarda boshqaruv kompaniyasi deb ataladi) aniqlash uchun tanlov oʻtkazish tartibini ishlab chiqish. Koʻp kvartirali uyni saqlash, undan foydalanish va taʼmirlash boʻyicha tanlov oʻtkazish hamda boshqaruv kompaniyasini aniqlash tartibi toʻgʻrisidagi nizomni tasdiqlash. 2019-yil 31-yanvargacha Toshkent shahar hokimligi 2. Boshqaruv kompaniyasi bilan namunaviy shartnomani ishlab chiqish. Koʻp kvartirali uyni taʼmirlash, foydalanish va saqlash uchun boshqaruv kompaniyasi bilan namunaviy shartnomani ishlab chiqish. 2019-yil 31-yanvargacha Toshkent shahar hokimligi 3. Koʻp kvartirali uydagi turar-joylar mulkdorlari tomonidan toʻlanadigan majburiy badallarning eng kam miqdorini tasdiqlash. Yunusobod tumani xalq deputatlari Kengashining qarori. 2019-yil 31-yanvargacha Toshkent shahar hokimligi 4. Koʻp kvartirali uyni saqlash va undan foydalanish talablarini ishlab chiqish. Koʻp kvartirali uyni va uning oldidagi uchastkalarni saqlash hamda ulardan foydalanish talablarini ishlab chiqish hamda tasdiqlash. 2019-yil 1-aprelgacha Uy-joy kommunal xizmat koʻrsatish vazirligi, Qurilish vazirligi, “Oʻzstandart” agentligi, Toshkent shahar hokimligi, loyiha institutlari 5. Koʻp kvartirali uyga tutash boʻlgan yer uchastkalarining hajmlari va chegaralari normativlarini belgilash. 1. Yongʻin xavfsizligi, shaharsozlik va sanitariya normalarini taʼminlash shartlaridan kelib chiqqan holda, koʻp kvartirali uyga tutash boʻlgan yer uchastkalarining hajmlari hamda chegaralari normativlarini ishlab chiqish hamda tasdiqlash. 2. Koʻp kvartirali uyga tutash boʻlgan yer uchastkasini koʻrsatgan holda, har bir koʻp kvartirali uyga kadastr hujjatlarini berish. 2019-yil 1-aprelgacha 2019-yil mobaynida Toshkent shahar hokimligi, Qurilish vazirligi, Davergeodezkadastr, Uy-joy kommunal xizmat koʻrsatish vazirligi, IIV, Sogʻliqni saqlash vazirligi 6. Xorijiy tajriba asosida uy-joy kommunal xizmat koʻrsatish sohasi mutaxassislarini tayyorlash va malakasini oshirish boʻyicha oʻquv kurslarini tashkil etish. 1. Uy-joy kommunal soha mutaxassislarini tayyorlash boʻyicha xorijiy tajribani oʻrganish. 2. Oʻquv dasturlari va uslubiy qoʻllanmalar ishlab chiqish. 3. Uy-joy kommunal soha mutaxassislarini tayyorlash boʻyicha oʻquv kurslarini tashkil etish. 2019-yil 20-yanvargacha 2019-yil 1-fevralgacha doimiy Uy-joy kommunal xizmat koʻrsatish vazirligi, Oliy taʼlim vazirligi, Kasb-hunar taʼlim markazi 7. Koʻp kvartirali uylarni boshqarish uchun boshqaruv kompaniyalarini tanlov asosida tanlash. 1. Tanlovga qoʻyiladigan koʻp kvartirali uy-joy fondi lotlarining roʻyxatini aniqlash. 2. Tanlov shartlarini ochiq holda, shu jumladan Toshkent shahar hokimligining rasmiy veb-saytida eʼlon qilish. 3. Tanlov oʻtkazish va boshqaruv kompaniyalarini tanlash. 2019-yil 31-yanvargacha 2019-yil 31-yanvargacha 2019-yil 15-fevralgacha Toshkent shahar hokimligi 8. Koʻp kvartirali uyning umumiy foydalanishdagi mulkini saqlash, undan foydalanish va taʼmirlash uchun shartnoma tuzish. Boshqaruv kompaniyasi va koʻp kvartirali uy-joy fondining turar-joylari mulkdorlari yoki ularning ishonchli shaxsi bilan koʻp kvartirali uyni saqlash, undan foydalanish va taʼmirlash uchun shartnoma tuzish. 2019-yil 1-martgacha Toshkent shahar hokimligi, boshqaruv kompaniyalari 9. Tuzilgan shartnoma doirasida koʻp kvartirali uyni saqlash, undan foydalanish va taʼmirlash ishlarini oʻz vaqtida va sifatli bajarish. 1. Amaldagi shaharsozlik qoidalari va normalariga qatʼiy muvofiq holda ishlarni tashkil etish. 2. Bajarilgan ish toʻgʻrisida turar-joylar mulkdorlariga muntazam hisobotlar berish. 2019-yil mobaynida Yunusobod tumani hokimligi, boshqaruv kompaniyalari 10. Boshqaruv kompaniyalarini binolar va yer uchastkalari bilan taʼminlash. Boshqaruv kompaniyalarining asoslantirilgan buyurtmanomalari boʻyicha binolar, inshootlar va yer uchastkalari ajratish. Boshqaruv kompaniyalarining buyurtmanomalari boʻyicha Toshkent shahar hokimligi 11. Toshkent shahrining suv taʼminoti, kanalizatsiya, issiqlik taʼminoti, obodonlashtirish va sanitar tozalash tizimini, zarur hollarda xorijiy kompaniyalarni jalb etgan holda, modernizatsiya qilish hamda boshqarishga doir loyihalarni davlat-xususiy sheriklik shartlari asosida amalga oshirish. 1. Vazirlar Mahkamasiga kommunal obyektlarni davlat-xususiy sheriklik shartlarida topshirish, shuningdek, normativ-huquqiy hujjatlarga va qonunchilikka oʻzgartirishlar kiritish toʻgʻrisida takliflar kiritish. 2. Kommunal tizimning har bir obyektidan texnik foydalanish shartlarini aniqlash. 2019-yil 1-aprelgacha Toshkent shahar hokimligi, Investitsiyalar davlat qoʻmitasi, Uy-joy kommunal xizmat koʻrsatish vazirligi, Moliya vazirligi huzuridagi Davlat-xususiy sheriklik agentligi, “Suvsoz” DUK, “Toshissiqquvvati” DUK, “Maxsustrans” DUK 12. Kommunal xizmatlar yagona billing tizimini yaratish va isteʼmolchining unifikatsiya qilingan shaxsiy hisobraqamini joriy etish. 1. Kommunal xizmatlar yagona billing tizimini ishlab chiqish uchun texnik topshiriq ishlab chiqish. 2. Yagona billing tizimini yaratish uchun moliyalashtirish manbalarini aniqlash. 2019-yil 1-aprelgacha Toshkent shahar hokimligi, Uy-joy kommunal xizmat koʻrsatish vazirligi, Axborot texnologiyalari va kommunikatsiyalari vazirligi 13. Kvartiralar ichiga issiq va ichimlik suvni hisobga olish smart-asboblar oʻrnatish dasturini ishlab chiqish. 1. Kommunal xizmatlar yagona billing tizimini ishlab chiqish uchun texnik talablar ishlab chiqish va topshiriq belgilash. 2. 2020 — 2022-yillarda kvartiralar ichiga issiq va ichimlik suvni hisobga olish smart-asboblar oʻrnatish dasturini 2019-yil 1-avgustgacha boʻlgan muddatda ishlab chiqish va Oʻzbekiston Respublikasi Vazirlar Mahkamasiga kiritish. 2019-yil 1-aprelgacha Toshkent shahar hokimligi, Uy-joy kommunal xizmat koʻrsatish vazirligi, Investitsiyalar davlat qoʻmitasi, “Oʻzbekenergo” AJ, “Oʻztransgaz” AJ. 14. Uy-joy kommunal sohaga davlat-huquqiy sheriklik joriy qilish toʻgʻrisida aholi va tadbirkorlar oʻrtasida soha mutaxassislari va ekspertlari ishtirokida keng tushuntirish ishlarini oʻtkazish. 1. Boshqaruv kompaniyalarini tashkil qilish va ularning faoliyati toʻgʻrisida tegishli maqolalar, tele, radiodasturlar, roliklar tayyorlash. 2. Toshkent shahar hokimligining veb-saytida boshqaruv kompaniyalari faoliyati toʻgʻrisida maʼlumot joylashtirish. 2019-yil mobaynida Oʻzbekiston Milliy axborot agentligi, Oʻzbekiston Milliy teleradiokompaniyasi, Toshkent shahar hokimligi
Oʻzbekiston Respublikasining Bosh vaziri A. ARIPOV
Toshkent sh.,
2019-yil 4-yanvar,
5-son
Кабинета Министров Республики Узбекистан
Постановление
Схема
«ДОРОЖНАЯ КАРТА»
О дополнительных мерах по совершенствованию управления жилищно-коммунальной инфраструктурой города Ташкента
В целях дальнейшего повышения качества жилищно-коммунальных услуг в городе Ташкенте, эффективности деятельности предприятий отрасли на основе государственно-частного партнерства Кабинет Министров постановляет:
1. Определить приоритетными направлениями дальнейшего развития жилищно-коммунальной сферы города Ташкента:
поэтапное внедрение рыночных механизмов в сфере содержания, эксплуатации и ремонта многоквартирного жилищного фонда, в том числе на условиях государственно-частного партнерства;
повышение привлекательности рынка жилищно-коммунальных услуг с учетом передового зарубежного опыта, а также переход на конкурентные механизмы ценообразования;
внедрение в систему жилищно-коммунального обслуживания энергосберегающих технологий и оборудования, а также оснащение объектов жилищно-коммунального хозяйства современными приборами учета;
создание Единой биллинговой системы коммунальных услуг, с внедрением унифицированного лицевого счета потребителя;
совершенствование системы подготовки, переподготовки и повышения квалификации специалистов жилищно-коммунальной сферы.
2. Согласиться с предложением хокимията города Ташкента и Министерства жилищно-коммунального обслуживания Республики Узбекистан о проведении в 2019 году в Юнусабадском и Чиланзарском районах города Ташкента эксперимента по управлению многоквартирным жилищным фондом профессиональными управляющими компаниями (далее — управляющие компании).
3. Утвердить:
Схему управления многоквартирным жилищным фондом управляющими компаниями согласно приложению № 1 .
«Дорожную карту» реализации дополнительных мер по совершенствованию управления жилищно-коммунальной инфраструктурой города Ташкента согласно приложению № 2 .
4. Установить, что в рамках эксперимента:
отбор управляющих компаний для управления многоквартирным жилищным фондом осуществляется посредством конкурса, проводимого хокимиятом района совместно с доверенными лицами собственников помещений многоквартирных домов;
содержание, эксплуатация и ремонт имущества общего пользования многоквартирного жилищного фонда осуществляются управляющей компанией на основе договора, заключаемого с собственниками помещений многоквартирного дома или их доверенным лицом по решению общего собрания собственников помещений многоквартирного дома. При этом исполнение условий заключенного договора является обязательным для всех собственников помещений многоквартирного дома;
размер обязательных взносов собственников жилых помещений многоквартирного дома и платежей собственников нежилых помещений устанавливается общим собранием собственников помещений многоквартирного дома, но не ниже минимального размера, устанавливаемого Кенгашем народных депутатов района;
в соответствии с договором собственники помещений многоквартирного дома обязаны ежемесячно оплачивать обязательные взносы за содержание, эксплуатацию и ремонт имущества общего пользования;
управляющая компания осуществляет свою деятельность на основе прозрачности и подотчетности перед собственниками помещений, с предоставлением ежеквартального отчета о своей деятельности;
управляющая компания вправе от имени собственников обращаться в соответствующие организации по вопросам поставки и качества оказания коммунальных услуг с целью защиты законных прав и интересов собственников;
лица, приобретающие помещения в многоквартирном доме, несут расходы за содержание общего имущества с момента возникновения у них права собственности;
управляющая компания имеет право взымать своевременно неуплаченные собственниками помещений обязательные взносы за содержание общего имущества в установленном порядке;
неиспользование собственником принадлежащего ему помещения либо отказ от пользования общим имуществом не освобождает его полностью или частично от оплаты обязательных взносов.
5. Хокимияту города Ташкента совместно с Министерством строительства, Министерством жилищно-коммунального обслуживания Республики Узбекистан и Государственным комитетом Республики Узбекистан по земельным ресурсам, геодезии, картографии и государственному кадастру в срок до 1 апреля 2019 года внести в Кабинет Министров Республики Узбекистан предложения об установлении нормативов размеров и границ земельных участков, прилегающих к многоквартирному дому, исходя из условий обеспечения противопожарных, градостроительных и санитарных норм.
6. Хокимияту города Ташкента в срок до 31 января 2019 года:
утвердить порядок проведения конкурса на определение управляющей компании по содержанию, эксплуатации и ремонту многоквартирного жилищного фонда;
определить перечень лотов многоквартирного жилищного фонда, выставляемых на конкурс, с его публикацией в открытом доступе, в том числе на официальном веб-сайте хокимията города Ташкента;
разработать типовой договор с управляющей компанией на содержание, эксплуатацию и ремонт многоквартирного дома.
7. Министерству жилищно-коммунального обслуживания Республики Узбекистан совместно с хокимиятом города Ташкента и другими заинтересованными министерствами, ведомствами в трехмесячный срок утвердить требования к содержанию и эксплуатации многоквартирного жилого дома и придомовых участков.
8. Одобрить предложение хокимията города Ташкента и Министерства жилищно-коммунального обслуживания Республики Узбекистан о создании Фонда развития жилищно-коммунального хозяйства в Главном управлении жилищно-коммунального обслуживания города Ташкента (далее — Фонд).
Определить источниками формирования средств Фонда:
кредиты, привлекаемые на развитие жилищно-коммунальной сферы, в том числе льготные кредиты международных финансовых институтов и коммерческих банков Республики Узбекистан;
благотворительные пожертвования;
доходы от размещения свободных средств Фонда на депозитах банков;
другие поступления, не запрещенные законодательством.
Хокимияту города Ташкента по согласованию с Министерством жилищно-коммунального обслуживания и Министерством финансов Республики Узбекистан в месячный срок утвердить Положение о порядке формирования и использования средств Фонда развития жилищно-коммунального хозяйства в Главном управлении жилищно-коммунального обслуживания города Ташкента.
9. Министерству жилищно-коммунального обслуживания Республики Узбекистан, Центру профессионального образования Министерства высшего и среднего специального образования Республики Узбекистан в двухмесячный срок организовать учебные курсы на основе зарубежного опыта по подготовке и повышению квалификации специалистов жилищно-коммунальной сферы.
10. Хокимияту города Ташкента:
выделять для размещения и организации эффективной деятельности управляющих компаний на основе их заявок помещения или в установленном порядке — земельные участки под строительство;
совместно с Министерством жилищно-коммунального обслуживания Республики Узбекистан по результатам эксперимента в срок до 1 января 2020 года внести в Кабинет Министров Республики Узбекистан предложения о целесообразности его внедрения в других районах города Ташкента.
11. Освободить доходы управляющих компаний, полученные в рамках договора на содержание, эксплуатацию и ремонт многоквартирного жилищного фонда, от уплаты налога на добавленную стоимость и налога на прибыль.
12. Хокимияту города Ташкента совместно с коммерческими банками и Министерством жилищно-коммунального обслуживания Республики Узбекистан в рамках эксперимента в двухмесячный срок обеспечить переоформление кредитов товариществ частных собственников жилья на управляющие компании с передачей им дебиторской задолженности и задолженности по кредитам в установленном порядке.
Рекомендовать коммерческим банкам выделять управляющим компаниям льготные кредиты по ставке, не превышающей ставку рефинансирования Центрального банка Республики Узбекистан.
13. Хокимияту города Ташкента:
совместно с Министерством жилищно-коммунального обслуживания Республики Узбекистан, Государственным комитетом Республики Узбекистан по экологии и охране окружающей среды, Государственным комитетом Республики Узбекистан по инвестициям и Агентством по развитию государственно-частного партнерства при Министерстве финансов Республики Узбекистан в срок до 1 апреля 2019 года внести предложения о реализации проектов по модернизации и управлению системой водоснабжения, канализации, теплоснабжения, благоустройства и санитарной очистки города Ташкента на условиях государственно-частного партнерства, при необходимости с привлечением зарубежных компаний;
совместно с Государственным комитетом Республики Узбекистан по инвестициям, Министерством жилищно-коммунального обслуживания Республики Узбекистан в срок до 1 августа 2019 года разработать и внести в Кабинет Министров Республики Узбекистан программу установки внутриквартирных смарт-приборов учета горячей и питьевой воды 2020 — 2022 годы.
14. Национальному информационному агентству Республики Узбекистан, Национальной телерадиокомпании Узбекистана обеспечить проведение широкой разъяснительной работы среди населения и предпринимателей о внедрении механизмов государственно-частного партнерства в жилищно-коммунальную сферу путем подготовки соответствующих статей, цикла теле- и радиопрограмм.
15. Контроль за исполнением настоящего постановления возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и хокима города Ташкента Ж.А. Артикходжаева
ПРИЛОЖЕНИЕ № 1 к постановлению Кабинета Министров от 4 января 2019 года № 5
управления многоквартирным жилищным фондом управляющими компаниями
ПРИЛОЖЕНИЕ № 2 к постановлению Кабинета Министров от 4 января 2019 года № 5
реализации дополнительных мер по совершенствованию управления жилищно-коммунальной инфраструктурой города Ташкента
№ Наименование мероприятия Механизм реализации Сроки исполнения Ответственные 1. Разработка порядка проведения конкурса на определение управляющей компании по управлению многоквартирным жилищным фондом (далее — управляющая компания). Утверждение положения о порядке проведения конкурса и определения управляющей компании по содержанию, эксплуатации и ремонту многоквартирного дома. до 31 января 2019 года Хокимият г. Ташкента 2. Разработка типового договора с управляющей компанией. Разработка типового договора с управляющей компанией на содержание, эксплуатацию и ремонт многоквартирного дома. до 31 января 2019 года Хокимият г. Ташкента 3. Утверждение минимального размера обязательных взносов, оплачиваемых собственниками помещений многоквартирного дома. Решение Кенгаша народных депутатов Юнусабадского района. до 31 января 2019 года Хокимият г. Ташкента 4. Разработка требований к содержанию и эксплуатации многоквартирного дома. Разработка и утверждение требований к содержанию и эксплуатации многоквартирного жилого фонда и придомовых участков. до 1 апреля 2019 года Минжилкомобслуживания, Минстрой, Агентство «Узстандарт», хокимият г. Ташкента, проектные институты 5. Установление нормативов размеров и границ земельных участков, прилегающих к многоквартирному дому. 1. Разработка и утверждение нормативов размеров и границ земельных участков, прилегающих к многоквартирному дому, исходя из условий обеспечения противопожарных, градостроительных и санитарных норм. 2. Выдача кадастровых документов на каждый многоквартирный дом с указанием земельного участка, прилегающего к многоквартирному дому. до 1 апреля 2019 года в течение 2019 года Хокимият г. Ташкента, Минстрой, Госкомземгеодезкадастр, Минжилкомобслуживания, МВД, Минздрав 6. Организация на основе зарубежного опыта учебных курсов по подготовке и повышении квалификации специалистов жилищно-коммунальной сферы. 1. Изучение зарубежного опыта подготовки специалистов жилищно-коммунальной сферы. 2. Разработка учебных программ и методических пособий. 3. Организация учебных курсов по подготовке специалистов жилищно-коммунальной сферы. до 20 января 2019 года до 1 февраля 2019 года постоянно Минжилкомобслуживания, Минвуз, ЦПО 7. Отбор управляющих компаний на конкурсной основе для управления многоквартирными домами. 1. Определение перечня лотов многоквартирного жилищного фонда, выставляемых на конкурс. 2. Публикация в открытом доступе, в том числе на официальном веб-сайте хокимията города Ташкента, условий конкурса. 3. Проведение конкурса и отбор управляющих компаний. до 31 января 2019 года до 31 января 2019 года до 15 февраля 2019 года Хокимият г. Ташкента 8. Заключение договора на содержание, эксплуатацию и ремонт имущества общего пользования многоквартирного дома. Заключение договора управляющей компании и собственников помещений многоквартирного жилищного фонда или их доверенным лицом на содержание, эксплуатацию и ремонт имущества общего пользования многоквартирного дома. до 1 марта 2019 года Хокимият г. Ташкента, управляющие компании 9. Своевременное и качественное выполнение работ по содержанию, эксплуатации и ремонту многоквартирного дома в рамках заключенного договора. 1. Организация работ в строгом соответствии с действующими градостроительными правилами и нормами. 2. Предоставление периодических отчетов собственникам помещений о проделанной работе. в течение 2019 года Хокимият Юнусабадского района, управляющие компании, 10. Обеспечение управляющих компаний помещениями и земельными участками. По обоснованным заявкам управляющих компаний выделении зданий, сооружений и земельных участков. по заявкам управляющих компаний Хокимият г. Ташкента 11. Реализация проектов на условиях государственно-частного партнерства по модернизации и управлению системами водоснабжения и канализации, теплоснабжения, благоустройства и санитарной очистки города Ташкента, при необходимости с привлечением зарубежных компаний. 1. Внесение в Кабинет Министров предложений о передаче коммунальных объектов на условиях государственно-частного партнерства, а также о внесении изменений в нормативно-правовые документы и законодательство. 2. Определение условий технической эксплуатации по каждому объекту коммунальной системы. до 1 апреля 2019 года Хокимият г. Ташкента, Госкоминвестиций, Минжилкомобслуживания, Агентство ГЧП при Министерстве финансов, ГУП «Сувсоз», ГУП «Таштеплоэнерго», ГУП «Махсустранс» 12. Создание Единой биллинговой системы коммунальных услуг, с внедрением унифицированного лицевого счета потребителя. 1. Разработка технического задания на создание единой биллинговой системы коммунальных услуг. 2. Определение источников финансирования создания единой биллинговой системы. до 1 апреля 2019 года Хокимият г. Ташкента, Минжилкомобслуживания, Мининфоком 13. Разработка Программы установки внутриквартирных смарт-приборов учета горячей и питьевой воды. 1. Разработка технических требований и определение задания на разработку единой биллинговой системы коммунальных услуг. 2. Разработка Программы установки внутриквартирных смарт-приборов учета горячей и питьевой воды в 2020 — 2022 годы и внесение в Кабинет Министров. до 1 апреля 2019 года Хокимият г. Ташкента, Минжилкомобслуживания, Госкоминвестиций, АО «Узбекэнерго», АО «Узтрансгаз» 14. Проведение широкой разъяснительной работы среди населения и предпринимателей о внедрении государственно-частного партнерства в жилищно-коммунальной сферу, с участием экспертов и специалистов отрасли. 1. Формирование и подготовка соответствующих статей, теле-, радиопрограмм, роликов с информацией о создании и деятельности управляющих компаний. 2. Размещение на веб-сайте хокимията города Ташкента информации о деятельности управляющих компаний. в течение 2019 года Национальное информационное агентство Узбекистана, Национальная телерадиокомпания Узбекистана, хокимият г. Ташкента
Премьер-министр Республики Узбекистан А. АРИПОВ
г. Ташкент,
4 января 2019 г.,
№ 5