UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Ўзбекистон Республикаси Президентининг «Жисмоний тарбия ва спорт соҳасида давлат бошқаруви тизимини тубдан такомиллаштириш чора-тадбирлари тўғрисида» 2018 йил 5 мартдаги ПФ-5368-сон Фармонига мувофиқ мамлакатимизнинг барча ҳудудларида оммавий спортнинг инсон ҳаётидаги муҳим аҳамияти, унинг жисмоний ва маънавий соғломликнинг асоси эканлигини тарғиб қилиш мақсадида Вазирлар Маҳкамаси қарор қилади:

1. Ўзбекистон Республикаси Жисмоний тарбия ва спорт вазирлиги, Молия вазирлиги ҳамда Ўзбекистон Касаба уюшмалари Федерацияси Кенгашининг давлат ва хўжалик бошқаруви органлари ҳамда маҳаллий давлат ҳокимияти органлари ходимларининг жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун ушбу ташкилотлар раҳбарларини рағбатлантириш мақсадида ҳар йили танлов ўтказиш тўғрисидаги таклифи маъқуллансин.

2. Давлат ва хўжалик бошқаруви органлари ҳамда маҳаллий давлат ҳокимияти органлари ходимларининг жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун ушбу ташкилотлар раҳбарларини рағбатлантириш тартиби тўғрисидаги низом иловага мувофиқ тасдиқлансин.

3. Белгилансинки:

Ўзбекистон Республикаси Жисмоний тарбия ва спорт вазирлиги танловни ташкил этиш ва ўтказиш бўйича масъул ҳисобланади;

танлов ғолибларини тақдирлаш билан боғлиқ харажатлар Ўзбекистон Республикаси Жисмоний тарбия ва спорт вазирлигининг бюджетдан ташқари «Спорт» махсус ҳисоб рақами маблағлари ҳисобидан қопланади.

4. Ўзбекистон Республикаси Жисмоний тарбия ва спорт вазирлигига бир ой муддатда:

танловнинг ўтказилишини таъминлаш юзасидан тегишли чора-тадбирларни белгилаш;

танлов ғолибларига топшириладиган сертификат намуналарини ишлаб чиқиш ва тасдиқлаш вазифалари юклансин.

5. Ўзбекистон матбуот ва ахборот агентлиги, Ўзбекистон миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига танловнинг мазмун ва моҳияти, шунингдек, уни ўтказиш бўйича амалга оширилаётган ишларни кенг ёритиб бориш тавсия этилсин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси жисмоний тарбия ва спорт вазири Д.Х. Набиев ҳамда Қорақалпоғистон Республикаси Вазирлар Кенгаши Раиси Қ.Р. Сариев, вилоятлар ва Тошкент шаҳар ҳокимлари зиммасига юклансин.

Вазирлар Маҳкамасининг 2019 йил 7 январдаги 6-сон қарорига ИЛОВА

Давлат ва хўжалик бошқаруви органлари ҳамда маҳаллий давлат ҳокимияти органлари ходимларининг жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун ушбу ташкилотлар раҳбарларини рағбатлантириш тартиби тўғрисида

1-боб. Умумий қоидалар

1. Ушбу Низом давлат ва хўжалик бошқаруви органлари ҳамда маҳаллий давлат ҳокимияти органларининг (кейинги ўринларда ташкилотлар деб аталади) ходимларини жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун ушбу ташкилотлар раҳбарларини рағбатлантириш тартибини белгилайди.

2. Ташкилотларнинг ходимларини жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун рағбатлантириш танлов ўтказиш йўли билан амалга оширилади.

3. Давлат ва хўжалик бошқаруви органлари ҳамда маҳаллий давлат ҳокимияти органлари ходимларини жисмоний тарбия ва спорт билан мунтазам шуғулланишини ташкил этиш чора-тадбирларини амалга оширганлиги учун танлов ўтказиш мазкур Низомнинг иловасида келтирилган схемага мувофиқ амалга оширилади.

4. Танлов ҳар йили ташкилотларнинг ходимларини жисмоний тарбия ва спорт билан мунтазам шуғулланишга жалб қилганлиги ва соғлом турмуш тарзини яхшилашга қўшган ҳиссасини рағбатлантириш мақсадида ўтказилади.

5. Танловнинг асосий вазифалари қуйидагилардан иборат:

аҳолининг кенг қатламлари ўртасида соғломлаштириш, жисмоний тарбия ва оммавий спорт ишларини ташкил этиш;

ташкилотларда ишловчи ходимлар ўртасида дўстлик алоқаларини янада мустаҳкамлаш ва соғлом турмуш тарзини олиб боришга кўмаклашиш;

ташкилотларда жисмоний тарбия ва спортнинг нуфузини янада ошириш ва кенг тарғиб қилиш;

ташкилотларда оммавий спортни тарғиб қилиш ва ходимларнинг жисмоний тарбия билан шуғулланишлари учун шарт-шароитлар яратиш.

2-боб. Танловни ташкил этиш ва ўтказиш

6. Танлов иштирокчиларининг амалга оширган ишларини баҳолаш учун Ўзбекистон Республикаси Жисмоний тарбия ва спорт вазирлигида (кейинги ўринларда Вазирлик деб аталади) 5 кишидан иборат бўлган ташкилот раҳбарларининг ўз жамоасини жисмоний тарбия ва спорт билан шуғулланишга жалб қилгани учун рағбатлантириш танловини баҳолаш ишчи гуруҳи (кейинги ўринларда Ишчи гуруҳ деб аталади) тузилади.

7. Қуйидагилар Ишчи гуруҳнинг асосий вазифалари ҳисобланади:

танлов иштирокчилари томонидан тақдим этилган ҳужжатларни ўрганиб чиқиш;

танлов ғолиблигига муносиб номзодларни танлашни таъминлаш;

танлов шартларини такомиллаштиришга оид таклифларни тайёрлаш;

танлов иштирокчилари томонидан киритилган тақдимномаларни кўриб чиқиш;

танловга тавсия этилган номзодларнинг маълумотларини ҳамда уларнинг фаолият кўрсатаётган соҳада эришган ютуқларини ўрганиш;

танловга оид масалалар юзасидан ахборот-таҳлилий маълумотларни тайёрлаш;

танловга оид масалалар бўйича хулосаларни тайёрлаш ва ваколат доирасида танлов билан боғлиқ тегишли ҳужжатларга изоҳ бериш;

танловга оид бўлган масалалар бўйича тавсияларни ишлаб чиқиш ва услубий ёрдам кўрсатиш;

танлов шартлари ва уни ўтказиш тартибига оид масалалар бўйича халқаро тажрибани ўрганиш, шунингдек, уни такомиллаштириш бўйича таклифларни ишлаб чиқиш.

8. Ишчи гуруҳ қарори баённома билан расмийлаштирилади.

9. Танловда иштирок этиш истагини билдирган ташкилотлар ҳар йили 1 августгача Вазирликка қуйидаги ҳужжатларни тақдим этади:

танлов иштирокчилари томонидан охирги йилнинг ҳар чорак якуни бўйича ушбу Низомнинг 14-бандида кўрсатилган мезонларга мувофиқ амалга оширилган ишлар бўйича тақдимнома орқали маълумот, видео- ва фотолавҳалар;

ҳар бир танлов иштирокчилари томонидан жисмоний тарбия ва спорт соҳаси бўйича амалга оширилган ишлар (амалга оширилган ишларнинг бошланиш муддати, давомийлиги, эришилган натижалар ва бошқалар) юзасидан иштирокчининг ёзма ахбороти.

10. Вазирлик ҳар йили 20 августга қадар танлов иштирокчилари томонидан тақдим этилган ҳужжатларни умумлаштиради ва Ишчи гуруҳга тақдим этади.

11. Ишчи гуруҳ:

тақдим этилган ҳужжатларни кўриб чиқади ва ҳар бир номинацияда ҳар йили 10 сентябрга қадар ғолибларни аниқлайди;

ғолибларга сертификат, пул мукофоти ва қимматбаҳо совғалар ҳамда «Жисмоний тарбия ва спорт аълочиси» кўкрак нишонини ҳар йили 20 сентябрга қадар топширади.

12. Ишчи гуруҳ тақдим этилган ҳужжатларни ҳар йили 10 сентябрга қадар ўрганиб чиқади ва ушбу Низомнинг 14-бандига мувофиқ «100» баллик мезон асосида баҳолаб, танлов ғолибларини аниқлайди.

3-боб. Танлов ғолибини аниқлаш ва баҳолаш мезонлари

13. Танлов қуйидаги номинациялар бўйича ўтказилади:

ташкилотларнинг барча бўлинмалари миқёсида ташкил этилган соғломлаштириш, жисмоний тарбия ва спорт машғулотларини мунтазам равишда ўтказганлиги учун;

аҳолининг кенг қатламлари ўртасида оммавий спортни ривожлантириш, оммавий спорт тадбирларини ташкил этганлиги учун.

14. Танлов ғолибларини аниқлаш қуйидаги мезонлар асосида амалга оширилади:

а) «Ташкилотларнинг барча бўлинмалари миқёсида ташкил этилган соғломлаштириш, жисмоний тарбия ва спорт машғулотларини мунтазам равишда ўтказганлиги» номинациясида:

ходимларнинг иш вақти давомида 3 маҳал ишлаб чиқариш гимнастикаси билан шуғулланиши — 30 баллгача;

ташкилотлар тизимидаги муассасалар ўртасида оммавий спорт мусобақалари ташкил этилганлиги — 30 баллгача;

аҳолининг кенг қатламлари ўртасида соғломлаштириш, жисмоний тарбия, оммавий спорт ишларини ташкил этганлиги — 20 баллгача;

ташкилотларда оммавий спортни тарғиб қилиш ва ходимларнинг жисмоний тарбия билан шуғулланишларига шарт-шароитлар яратиш мақсадида тегишли ҳужжатлар ишлаб чиқилганлиги — 10 баллгача;

ташкилотларнинг Интернет жаҳон ахборот тармоғидаги веб-сайтларида соғлом турмуш тарзини тарғиб қилувчи роликлар жойлаштирилганлиги — 20 баллгача;

ташкилотларда ходимларнинг жисмоний тарбия билан шуғулланишлари учун махсус спорт комплексларини (тренажёр, фитнес заллар ва бошқалар) ташкил этилганлиги — 10 баллгача;

б) «Аҳолининг кенг қатламлари ўртасида оммавий спортни ривожлантириш, оммавий спорт тадбирларини ташкил этганлиги учун» номинациясида:

аҳолининг кенг қатламлари ўртасида соғломлаштириш, жисмоний тарбия, оммавий спорт ишларини ташкил этганлиги — 25 баллгача;

жисмоний тарбия ва спорт соҳасидаги давлат дастурларини ҳамда мақсадли дастурларни ишлаб чиқиш ва амалга оширишда иштирок этганлиги — 15 баллгача;

ҳаваскорлик жисмоний тарбия ва спорт ҳаракатини ривожлантириш учун фуқароларнинг иш жойи, яшаш жойи ҳамда дам олиш жойида шарт-шароитлар яратилганлиги — 20 баллгача;

ёшлар орасидан иқтидорли спортчиларни танлаб олиш (селекция)нинг самарали ва тизимли йўлга қуйганлиги — 15 баллгача.

Шунингдек, танлов ғолибларини аниқлашда ташкилот раҳбарларининг мамлакатимизда жисмоний тарбия ва спорт соҳасини ривожлантириш йўлидаги амалга оширилган ишлари ҳам инобатга олинади.

4-боб. Танлов ғолибини рағбатлантириш тартиби

15. Танлов якунлари Ишчи гуруҳ баённомаси билан тасдиқланади.

16. Ҳар йили 20 сентябрга қадар Вазирлик томонидан танлов ғолиблари (2 нафар) номинациялар бўйича сертификат ва базавий ҳисоблаш миқдорининг 50 баравари миқдоридаги пул мукофоти, қимматбаҳо совғалар, шунингдек, «Жисмоний тарбия ва спорт аълочиси» кўкрак нишони билан тақдирланади.

17. Танлов ғолибларини тақдирлаш билан боғлиқ харажатлар Ўзбекистон Республикаси Жисмоний тарбия ва спорт вазирлигининг бюджетдан ташқари «Спорт» махсус ҳисоб рақами маблағлари ҳисобидан қопланади.

5-боб. Якунловчи қоида

18. Мазкур Низом юзасидан келиб чиқадиган низоли масалалар қонунчилик ҳужжатларида белгиланган тартибда ҳал этилади.

Босқичлар Масъуллар Тадбирлар номи Бажариш муддатлари 1-босқич Давлат ва хўжалик бошқаруви органлари ҳамда маҳаллий давлат ҳокимияти органлари Танловда иштирок этиш истагини билдирган ташкилотлар Жисмоний тарбия ва спорт вазирлигига маълумотларни илова қилган ҳолда киритади ҳар йили 1 августга қадар 2-босқич Жисмоний тарбия ва спорт вазирлиги Танловда иштирок этиш учун тақдим этилган ҳужжатларни умумлаштиради ва танловни ўтказиш бўйича ишчи гуруҳга тақдим этади ҳар йили 20 августга қадар 3-босқич Танловни ўтказиш бўйича ишчи гуруҳ Тақдим этилган ҳужжатларини кўриб чиқади ва ҳар бир номинацияда ғолибларни аниқлайди ҳар йили 10 сентябрга қадар 4-босқич Танловни ўтказиш бўйича ишчи гуруҳ Ғолибларга сертификат, пул мукофоти ва қимматбаҳо совғаларни ҳамда «Жисмоний тарбия ва спорт аълочиси» кўкрак нишонини топширади ҳар йили 20 сентябрга қадар

Ўзбекистон Республикасининг Бош вазири А. АРИПОВ

Тошкент ш.,

2019 йил 7 январь,

6-сон

(Қонун ҳужжатлари маълумотлари миллий базаси, 07.01.2019 й., 09/19/6/2429-сон, 29.12.2019 й., 09/19/1046/4242-сон; 13.08.2020 й., 09/20/481/1169-сон; Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Oʻzbekiston Respublikasi Prezidentining “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari toʻgʻrisida” 2018-yil 5-martdagi PF-5368-son Farmoniga muvofiq mamlakatimizning barcha hududlarida ommaviy sportning inson hayotidagi muhim ahamiyati, uning jismoniy va maʼnaviy sogʻlomlikning asosi ekanligini targʻib qilish maqsadida Vazirlar Mahkamasi qaror qiladi:

1. Oʻzbekiston Respublikasi Jismoniy tarbiya va sport vazirligi, Moliya vazirligi hamda Oʻzbekiston Kasaba uyushmalari Federatsiyasi Kengashining davlat va xoʻjalik boshqaruvi organlari hamda mahalliy davlat hokimiyati organlari xodimlarining jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun ushbu tashkilotlar rahbarlarini ragʻbatlantirish maqsadida har yili tanlov oʻtkazish toʻgʻrisidagi taklifi maʼqullansin.

2. Davlat va xoʻjalik boshqaruvi organlari hamda mahalliy davlat hokimiyati organlari xodimlarining jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun ushbu tashkilotlar rahbarlarini ragʻbatlantirish tartibi toʻgʻrisidagi nizom ilovaga muvofiq tasdiqlansin.

3. Belgilansinki:

Oʻzbekiston Respublikasi Jismoniy tarbiya va sport vazirligi tanlovni tashkil etish va oʻtkazish boʻyicha masʼul hisoblanadi;

tanlov gʻoliblarini taqdirlash bilan bogʻliq xarajatlar Oʻzbekiston Respublikasi Jismoniy tarbiya va sport vazirligining budjetdan tashqari “Sport” maxsus hisob raqami mablagʻlari hisobidan qoplanadi.

4. Oʻzbekiston Respublikasi Jismoniy tarbiya va sport vazirligiga bir oy muddatda:

tanlovning oʻtkazilishini taʼminlash yuzasidan tegishli chora-tadbirlarni belgilash;

tanlov gʻoliblariga topshiriladigan sertifikat namunalarini ishlab chiqish va tasdiqlash vazifalari yuklansin.

5. Oʻzbekiston matbuot va axborot agentligi, Oʻzbekiston milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga tanlovning mazmun va mohiyati, shuningdek, uni oʻtkazish boʻyicha amalga oshirilayotgan ishlarni keng yoritib borish tavsiya etilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi jismoniy tarbiya va sport vaziri D.X. Nabiyev hamda Qoraqalpogʻiston Respublikasi Vazirlar Kengashi Raisi Q.R. Sariyev, viloyatlar va Toshkent shahar hokimlari zimmasiga yuklansin.

Vazirlar Mahkamasining 2019-yil 7-yanvardagi 6-son qaroriga ILOVA

Davlat va xoʻjalik boshqaruvi organlari hamda mahalliy davlat hokimiyati organlari xodimlarining jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun ushbu tashkilotlar rahbarlarini ragʻbatlantirish tartibi toʻgʻrisida

1-bob. Umumiy qoidalar

1. Ushbu Nizom davlat va xoʻjalik boshqaruvi organlari hamda mahalliy davlat hokimiyati organlarining (keyingi oʻrinlarda tashkilotlar deb ataladi) xodimlarini jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun ushbu tashkilotlar rahbarlarini ragʻbatlantirish tartibini belgilaydi.

2. Tashkilotlarning xodimlarini jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun ragʻbatlantirish tanlov oʻtkazish yoʻli bilan amalga oshiriladi.

3. Davlat va xoʻjalik boshqaruvi organlari hamda mahalliy davlat hokimiyati organlari xodimlarini jismoniy tarbiya va sport bilan muntazam shugʻullanishini tashkil etish chora-tadbirlarini amalga oshirganligi uchun tanlov oʻtkazish mazkur Nizomning ilovasida keltirilgan sxemaga muvofiq amalga oshiriladi.

4. Tanlov har yili tashkilotlarning xodimlarini jismoniy tarbiya va sport bilan muntazam shugʻullanishga jalb qilganligi va sogʻlom turmush tarzini yaxshilashga qoʻshgan hissasini ragʻbatlantirish maqsadida oʻtkaziladi.

5. Tanlovning asosiy vazifalari quyidagilardan iborat:

aholining keng qatlamlari oʻrtasida sogʻlomlashtirish, jismoniy tarbiya va ommaviy sport ishlarini tashkil etish;

tashkilotlarda ishlovchi xodimlar oʻrtasida doʻstlik aloqalarini yanada mustahkamlash va sogʻlom turmush tarzini olib borishga koʻmaklashish;

tashkilotlarda jismoniy tarbiya va sportning nufuzini yanada oshirish va keng targʻib qilish;

tashkilotlarda ommaviy sportni targʻib qilish va xodimlarning jismoniy tarbiya bilan shugʻullanishlari uchun shart-sharoitlar yaratish.

2-bob. Tanlovni tashkil etish va oʻtkazish

6. Tanlov ishtirokchilarining amalga oshirgan ishlarini baholash uchun Oʻzbekiston Respublikasi Jismoniy tarbiya va sport vazirligida (keyingi oʻrinlarda Vazirlik deb ataladi) 5 kishidan iborat boʻlgan tashkilot rahbarlarining oʻz jamoasini jismoniy tarbiya va sport bilan shugʻullanishga jalb qilgani uchun ragʻbatlantirish tanlovini baholash ishchi guruhi (keyingi oʻrinlarda Ishchi guruh deb ataladi) tuziladi.

7. Quyidagilar Ishchi guruhning asosiy vazifalari hisoblanadi:

tanlov ishtirokchilari tomonidan taqdim etilgan hujjatlarni oʻrganib chiqish;

tanlov gʻolibligiga munosib nomzodlarni tanlashni taʼminlash;

tanlov shartlarini takomillashtirishga oid takliflarni tayyorlash;

tanlov ishtirokchilari tomonidan kiritilgan taqdimnomalarni koʻrib chiqish;

tanlovga tavsiya etilgan nomzodlarning maʼlumotlarini hamda ularning faoliyat koʻrsatayotgan sohada erishgan yutuqlarini oʻrganish;

tanlovga oid masalalar yuzasidan axborot-tahliliy maʼlumotlarni tayyorlash;

tanlovga oid masalalar boʻyicha xulosalarni tayyorlash va vakolat doirasida tanlov bilan bogʻliq tegishli hujjatlarga izoh berish;

tanlovga oid boʻlgan masalalar boʻyicha tavsiyalarni ishlab chiqish va uslubiy yordam koʻrsatish;

tanlov shartlari va uni oʻtkazish tartibiga oid masalalar boʻyicha xalqaro tajribani oʻrganish, shuningdek, uni takomillashtirish boʻyicha takliflarni ishlab chiqish.

8. Ishchi guruh qarori bayonnoma bilan rasmiylashtiriladi.

9. Tanlovda ishtirok etish istagini bildirgan tashkilotlar har yili 1-avgustgacha Vazirlikka quyidagi hujjatlarni taqdim etadi:

tanlov ishtirokchilari tomonidan oxirgi yilning har chorak yakuni boʻyicha ushbu Nizomning 14-bandida koʻrsatilgan mezonlarga muvofiq amalga oshirilgan ishlar boʻyicha taqdimnoma orqali maʼlumot, video- va fotolavhalar;

har bir tanlov ishtirokchilari tomonidan jismoniy tarbiya va sport sohasi boʻyicha amalga oshirilgan ishlar (amalga oshirilgan ishlarning boshlanish muddati, davomiyligi, erishilgan natijalar va boshqalar) yuzasidan ishtirokchining yozma axboroti.

10. Vazirlik har yili 20-avgustga qadar tanlov ishtirokchilari tomonidan taqdim etilgan hujjatlarni umumlashtiradi va Ishchi guruhga taqdim etadi.

11. Ishchi guruh:

taqdim etilgan hujjatlarni koʻrib chiqadi va har bir nominatsiyada har yili 10-sentabrga qadar gʻoliblarni aniqlaydi;

gʻoliblarga sertifikat, pul mukofoti va qimmatbaho sovgʻalar hamda “Jismoniy tarbiya va sport aʼlochisi” koʻkrak nishonini har yili 20-sentabrga qadar topshiradi.

12. Ishchi guruh taqdim etilgan hujjatlarni har yili 10-sentabrga qadar oʻrganib chiqadi va ushbu Nizomning 14-bandiga muvofiq “100” ballik mezon asosida baholab, tanlov gʻoliblarini aniqlaydi.

3-bob. Tanlov gʻolibini aniqlash va baholash mezonlari

13. Tanlov quyidagi nominatsiyalar boʻyicha oʻtkaziladi:

tashkilotlarning barcha boʻlinmalari miqyosida tashkil etilgan sogʻlomlashtirish, jismoniy tarbiya va sport mashgʻulotlarini muntazam ravishda oʻtkazganligi uchun;

aholining keng qatlamlari oʻrtasida ommaviy sportni rivojlantirish, ommaviy sport tadbirlarini tashkil etganligi uchun.

14. Tanlov gʻoliblarini aniqlash quyidagi mezonlar asosida amalga oshiriladi:

a) “Tashkilotlarning barcha boʻlinmalari miqyosida tashkil etilgan sogʻlomlashtirish, jismoniy tarbiya va sport mashgʻulotlarini muntazam ravishda oʻtkazganligi” nominatsiyasida:

xodimlarning ish vaqti davomida 3 mahal ishlab chiqarish gimnastikasi bilan shugʻullanishi — 30 ballgacha;

tashkilotlar tizimidagi muassasalar oʻrtasida ommaviy sport musobaqalari tashkil etilganligi — 30 ballgacha;

aholining keng qatlamlari oʻrtasida sogʻlomlashtirish, jismoniy tarbiya, ommaviy sport ishlarini tashkil etganligi — 20 ballgacha;

tashkilotlarda ommaviy sportni targʻib qilish va xodimlarning jismoniy tarbiya bilan shugʻullanishlariga shart-sharoitlar yaratish maqsadida tegishli hujjatlar ishlab chiqilganligi — 10 ballgacha;

tashkilotlarning Internet jahon axborot tarmogʻidagi veb-saytlarida sogʻlom turmush tarzini targʻib qiluvchi roliklar joylashtirilganligi — 20 ballgacha;

tashkilotlarda xodimlarning jismoniy tarbiya bilan shugʻullanishlari uchun maxsus sport komplekslarini (trenajyor, fitnes zallar va boshqalar) tashkil etilganligi — 10 ballgacha;

b) “Aholining keng qatlamlari oʻrtasida ommaviy sportni rivojlantirish, ommaviy sport tadbirlarini tashkil etganligi uchun” nominatsiyasida:

aholining keng qatlamlari oʻrtasida sogʻlomlashtirish, jismoniy tarbiya, ommaviy sport ishlarini tashkil etganligi — 25 ballgacha;

jismoniy tarbiya va sport sohasidagi davlat dasturlarini hamda maqsadli dasturlarni ishlab chiqish va amalga oshirishda ishtirok etganligi — 15 ballgacha;

havaskorlik jismoniy tarbiya va sport harakatini rivojlantirish uchun fuqarolarning ish joyi, yashash joyi hamda dam olish joyida shart-sharoitlar yaratilganligi — 20 ballgacha;

yoshlar orasidan iqtidorli sportchilarni tanlab olish (seleksiya)ning samarali va tizimli yoʻlga quyganligi — 15 ballgacha.

Shuningdek, tanlov gʻoliblarini aniqlashda tashkilot rahbarlarining mamlakatimizda jismoniy tarbiya va sport sohasini rivojlantirish yoʻlidagi amalga oshirilgan ishlari ham inobatga olinadi.

4-bob. Tanlov gʻolibini ragʻbatlantirish tartibi

15. Tanlov yakunlari Ishchi guruh bayonnomasi bilan tasdiqlanadi.

16. Har yili 20-sentabrga qadar Vazirlik tomonidan tanlov gʻoliblari (2 nafar) nominatsiyalar boʻyicha sertifikat va bazaviy hisoblash miqdorining 50 baravari miqdoridagi pul mukofoti, qimmatbaho sovgʻalar, shuningdek, “Jismoniy tarbiya va sport aʼlochisi” koʻkrak nishoni bilan taqdirlanadi.

17. Tanlov gʻoliblarini taqdirlash bilan bogʻliq xarajatlar Oʻzbekiston Respublikasi Jismoniy tarbiya va sport vazirligining budjetdan tashqari “Sport” maxsus hisob raqami mablagʻlari hisobidan qoplanadi.

5-bob. Yakunlovchi qoida

18. Mazkur Nizom yuzasidan kelib chiqadigan nizoli masalalar qonunchilik hujjatlarida belgilangan tartibda hal etiladi.

Bosqichlar Masʼullar Tadbirlar nomi Bajarish muddatlari 1-bosqich Davlat va xoʻjalik boshqaruvi organlari hamda mahalliy davlat hokimiyati organlari Tanlovda ishtirok etish istagini bildirgan tashkilotlar Jismoniy tarbiya va sport vazirligiga maʼlumotlarni ilova qilgan holda kiritadi har yili 1-avgustga qadar 2-bosqich Jismoniy tarbiya va sport vazirligi Tanlovda ishtirok etish uchun taqdim etilgan hujjatlarni umumlashtiradi va tanlovni oʻtkazish boʻyicha ishchi guruhga taqdim e�adi har yili 20-avgustga qadar 3-bosqich Tanlovni oʻtkazish boʻyicha ishchi guruh Taqdim etilgan hujjatlarini koʻrib chiqadi va har bir nominatsiyada gʻoliblarni aniqlaydi har yili 10-sentabrga qadar 4-bosqich Tanlovni oʻtkazish boʻyicha ishchi guruh Gʻoliblarga sertifikat, pul mukofoti va qimmatbaho sovgʻalarni hamda “Jismoniy tarbiya va sport aʼlochisi” koʻkrak nishonini topshiradi har yili 20-sentabrga qadar

Oʻzbekiston Respublikasining Bosh vaziri A. ARIPOV

Toshkent sh.,

2019-yil 7-yanvar,

6-son

(Qonun hujjatlari maʼlumotlari milliy bazasi, 07.01.2019-y., 09/19/6/2429-son, 29.12.2019-y., 09/19/1046/4242-son; 13.08.2020-y., 09/20/481/1169-son; Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz