📅 2019-yil 9-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 9 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 9 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 9 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
рўйхати
Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг «Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси фаолиятини ташкил этиш чора-тадбирлари тўғрисида» 2018 йил 7 майдаги ПҚ-3699-сон қарори ижросини таъминлаш, қишлоқ хўжалиги ва мелиорация техникаларини тезкор синовдан ўтказиш ҳамда синовдан ижобий ўтган қишлоқ хўжалиги ва мелиорация техникаларини қишлоқ хўжалигида қўллашга тавсия қилинган техникалар реестрини юритиш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази қўлланиладиган (кейинги ўринда Марказ деб юритилади) қишлоқ хўжалик техникаларини тезкор синовини ўтказиш учун зарур бўлган замонавий синов қурилмалари ва ўлчов воситаларининг рўйхати 1-иловага мувофиқ тасдиқлансин.
2. Ўзбекистон Республикаси Молия вазирлиги Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзагротехсаноатхолдинг» акциядорлик жамияти ушбу қарорга 1-иловага мувофиқ қишлоқ хўжалик техникаларини тезкор синовини ўтказиш учун зарур бўлган замонавий синов қурилмалари ва ўлчов воситаларини харид қилиш учун талаб этиладиган маблағларнинг:
1,0 млрд. сўмини Ўзбекистон Республикаси Вазирлар Маҳкамасининг захира жамғармаси маблағлари ҳисобидан;
2,0 млрд. сўмини «Ўзагротехсаноатхолдинг» акциядорлик жамиятининг 2018 йил якуни бўйича давлат улушига ҳисобланадиган дивидендлар ҳисобидан молиялаштирилиши ҳақидаги таклифига розилик берилсин.
Ўзбекистон Республикаси Молия вазирлиги, «Ўзагротехсаноатхолдинг» акциядорлик жамияти белгиланган маблағларни 2019 йил 1 майга қадар Марказга ажратилишини таъминласин.
3. Марказ ушбу қарорнинг 1-иловасига мувофиқ замонавий синов қурилмалари ва ўлчов воситаларини қонун ҳужжатларида белгиланган тартибда харид қилинишини таъминласин.
4. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалик техникаси ва технологияларини сертификатлаш ва синаш давлат маркази фаолиятини такомиллаштириш тўғрисида» 2013 йил 1 августдаги 214-сон қарорига (Ўзбекистон Республикаси ҚТ, 2013 й., 8-сон, 49-модда) 2-иловага мувофиқ ўзгартиришлар ва қўшимча киритилсин.
5. Ўзбекистон Республикаси Қишлоқ хўжалиги вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
6. Мазкур қарорнинг ижросини назорат қилиш Ўзбекистон Республикаси Бош вазир ўринбосари Н.С. Отажонов зиммасига ҳамда Вазирлар Маҳкамасининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари ахборот-таҳлил департаментига юклансин.
Вазирлар Маҳкамасининг 2019 йил 9 январдаги 10-сон қарорига 1-ИЛОВА
Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш марказида қўлланиладиган қишлоқ хўжалик техникаларини тезкор синовини ўтказиш учун зарур бўлган замонавий синов қурилмалари ва ўлчов воситаларининг
1. Металл ва қуймаларни таҳлил қилиш учун мобил спектрометр 2. Металларни қаттиқлигини аниқловчи асбоб 3. Двигательдан чиққан газларнинг зарарли миқдорини аниқловчи асбоб 4. Фильтрларни (ёқилғи ва мой) синаш учун стенд 5. Тракторларни қишлоқ хўжалик машиналари билан агрегатланишида энергетик баҳолаш учун ўлчов аппаратураси (ўлчагич, симсиз моментўлчагичлар, тензоваллар комплекти билан): компьютерлаштирилган тарировка стендлари билан биргаликда 6. Тракторларнинг қувват олиш валидан қувват кўрсаткичларини аниқлаш стенди, ўлчов воситалари комплекти билан биргаликда 7. Пуркагич ва чанглатгичларнинг сепиш сифатини аниқловчи қурилма 8. Дисплейли автоном ёқилғи сарфини ўлчагич 9. Электрон тахеометр 10. Пахтани лаборатор қуритиш қурилмаси 11. Пенетрометр 12. Пахта ва дон экиш сеялкаларини синаш учун стенд 13. Пуркагичларни синаш учун стенд 14. Ўғит сочгичларни синаш учун стенд 15. Тракторларни гидроосма тизимини 90 кН гача юк кўтарувчанлигини аниқлаш учун стенд 16. Тортиш синовларини ўтказиш учун махсус динамотерик юкловчи машина 17. Тиркамаларнинг пневматик тормоз тизимларини синаш учун имитатор 18. Трактор кабиналарининг хавфсизлик каркаси ёки ёйини синаш учун стенд 19. Қишлоқ хўжалик машиналарини кабиналарини параметрлари ва кўрувчанлик кўрсаткичларини аниқлаш мосламалари комплекти билан, оператор ўриндиғини назорат нуқтаси жойлашувини аниқлаш учун қурилма
Вазирлар Маҳкамасининг 2019 йил 9 январдаги 10-сон қарорига 2-ИЛОВА
Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалик техникаси ва технологияларини сертификатлаш ва синаш давлат маркази фаолиятини такомиллаштириш тўғрисида» 2013 йил 1 августдаги 214-сон қарорига киритилаётган ўзгартиришлар ва қўшимча
1. 1-иловада :
а) 6-банднинг еттинчи хатбошидаги «норматив-техник ҳужжатларга мувофиқлигини аниқлаш мақсадида сертификатлаш синовларини» сўзлари «техник жиҳатдан тартибга солиш соҳасидаги норматив ҳужжатларга мувофиқлигини аниқлаш мақсадида сертификатлаш ишлари ва синовларини» сўзлари билан алмаштирилсин;
б) 8-бандда :
иккинчи хатбошидаги «миллий ва халқаро» сўзлари «халқаро ва техник жиҳатдан тартибга солиш соҳасидаги» сўзлари билан алмаштирилсин;
олтинчи хатбошидаги «стандартларга ва норматив-техник» сўзлари «техник жиҳатдан тартибга солиш соҳасидаги норматив» сўзлари билан алмаштирилсин;
еттинчи хатбошидаги «стандартлар ва норматив-техник» сўзлари «техник жиҳатдан тартибга солиш соҳасидаги норматив» сўзлари билан алмаштирилсин;
2. 2-иловада :
а) 1-банднинг биринчи хатбошидаги «норматив-техник» сўзлари «техник жиҳатдан тартибга солиш соҳасидаги норматив» сўзлари билан алмаштирилсин;
б) 2-банднинг биринчи хатбошидаги «Низом» сўзи « Мазкур Низом ўз эҳтиёжлари учун ишлаб чиқарилган ёки импорт қилинадиган якка қишлоқ хўжалик ва мелиорация техникаларидан ташқари,» сўзлари билан алмаштирилсин;
в) 5-бандда :
бешинчи хатбошидаги «норматив-техник» сўзлари «техник жиҳатдан тартибга солиш соҳасидаги норматив» сўзлари билан алмаштирилсин;
еттинчи хатбошидаги «буюртмачини қизиқтирадиган буюмнинг тавсифини аниқлаш» сўзлари «серияли намуналар конструкцияси ёки технологик жараёнга киритилган ўзгартиришларни самарадорлигини ва мақсадга мувофиқлигини баҳолаш» сўзлари билан алмаштирилсин;
саккизинчи хатбошидаги «стандартларга» сўзи «техник жиҳатдан тартибга солиш соҳасида норматив ҳужжатларга» сўзлари билан алмаштирилсин;
г) 12-банд қуйидаги таҳрирда баён этилсин:
«12. Синов 2 ва 3-иловаларга биноан техник жиҳатдан тартибга солиш соҳасидаги норматив ҳужжатларнинг белгиланган талабларига қатъий мувофиқ равишда ўтказилади.
Синов икки босқичда ўтказилади:
биринчи босқич — қишлоқ хўжалик техникаларини функционал ва фойдаланиш-технологик кўрсаткичларини Марказда аниқлаш;
иккинчи босқич — хўжалик шароитлари фойдаланишда пухталик кўрсаткичларини аниқлашдан иборат»;
д) 13-банд қуйидаги мазмундаги хатбоши билан тўлдирилсин:
«Марказ ўрнатилган тартибда синовдан ижобий ўтган қишлоқ хўжалик ва мелиорация техникаларини Ўзбекистон Республикаси қишлоқ хўжалиги ишлаб чиқаришида қўллаш учун қишлоқ хўжалик ва мелиоратив техникалар реестрини юритади»;
е) 18-банднинг учинчи хатбошидаги «миллий ва халқаро» сўзлари «халқаро ва техник жиҳатдан тартибга солиш соҳасидаги» сўзлари билан алмаштирилсин;
ж) Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалиги техникаси ва технологияларини сертификатлаш ва синаш давлат маркази томонидан синовларни ўтказиш тартиби тўғрисидаги Низомнинг 2-иловасининг матни қуйидаги таҳрирда баён этилсин:
«Қишлоқ хўжалиги ва мелиорация техникасини синовдан ўтказиш (давлат синови, дастлабки синов, қабул қилиш синови, даврий синов, малака синови, турга оид синов, такрорий синов)
МЕХАНИЗМИ
»
з) Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалиги техникаси ва технологияларини сертификатлаш ва синаш давлат маркази томонидан синовларни ўтказиш тартиби тўғрисидаги Низомнинг 4-иловаси чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 9 январь,
10-сон
Oʻzbekiston Respublikasi Vazirlar Mahkamasining
qarori
roʻyxati
Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi faoliyatini tashkil etish chora-tadbirlari toʻgʻrisida” 2018-yil 7-maydagi PQ-3699-son qarori ijrosini taʼminlash, qishloq xoʻjaligi va melioratsiya texnikalarini tezkor sinovdan oʻtkazish hamda sinovdan ijobiy oʻtgan qishloq xoʻjaligi va melioratsiya texnikalarini qishloq xoʻjaligida qoʻllashga tavsiya qilingan texnikalar reyestrini yuritish maqsadida Vazirlar Mahkamasi qaror qiladi:
1. Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi qoʻllaniladigan (keyingi oʻrinda Markaz deb yuritiladi) qishloq xoʻjalik texnikalarini tezkor sinovini oʻtkazish uchun zarur boʻlgan zamonaviy sinov qurilmalari va oʻlchov vositalarining roʻyxati 1-ilovaga muvofiq tasdiqlansin.
2. Oʻzbekiston Respublikasi Moliya vazirligi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzagrotexsanoatxolding” aksiyadorlik jamiyati ushbu qarorga 1-ilovaga muvofiq qishloq xoʻjalik texnikalarini tezkor sinovini oʻtkazish uchun zarur boʻlgan zamonaviy sinov qurilmalari va oʻlchov vositalarini xarid qilish uchun talab etiladigan mablagʻlarning:
1,0 mlrd. soʻmini Oʻzbekiston Respublikasi Vazirlar Mahkamasining zaxira jamgʻarmasi mablagʻlari hisobidan;
2,0 mlrd. soʻmini “Oʻzagrotexsanoatxolding” aksiyadorlik jamiyatining 2018-yil yakuni boʻyicha davlat ulushiga hisoblanadigan dividendlar hisobidan moliyalashtirilishi haqidagi taklifiga rozilik berilsin.
Oʻzbekiston Respublikasi Moliya vazirligi, “Oʻzagrotexsanoatxolding” aksiyadorlik jamiyati belgilangan mablagʻlarni 2019-yil 1-mayga qadar Markazga ajratilishini taʼminlasin.
3. Markaz ushbu qarorning 1-ilovasiga muvofiq zamonaviy sinov qurilmalari va oʻlchov vositalarini qonun hujjatlarida belgilangan tartibda xarid qilinishini taʼminlasin.
4. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjalik texnikasi va texnologiyalarini sertifikatlash va sinash davlat markazi faoliyatini takomillashtirish toʻgʻrisida” 2013-yil 1-avgustdagi 214-son qaroriga (Oʻzbekiston Respublikasi QT, 2013-y., 8-son, 49-modda) 2-ilovaga muvofiq oʻzgartirishlar va qoʻshimcha kiritilsin.
5. Oʻzbekiston Respublikasi Qishloq xoʻjaligi vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
6. Mazkur qarorning ijrosini nazorat qilish Oʻzbekiston Respublikasi Bosh vazir oʻrinbosari N.S. Otajonov zimmasiga hamda Vazirlar Mahkamasining Qishloq va suv xoʻjaligi, qishloq xoʻjaligi va oziq-ovqat mahsulotlarini qayta ishlash masalalari axborot-tahlil departamentiga yuklansin.
Vazirlar Mahkamasining 2019-yil 9-yanvardagi 10-son qaroriga 1-ILOVA
Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazida qoʻllaniladigan qishloq xoʻjalik texnikalarini tezkor sinovini oʻtkazish uchun zarur boʻlgan zamonaviy sinov qurilmalari va oʻlchov vositalarining
1. Metall va quymalarni tahlil qilish uchun mobil spektrometr 2. Metallarni qattiqligini aniqlovchi asbob 3. Dvigateldan chiqqan gazlarning zararli miqdorini aniqlovchi asbob 4. Filtrlarni (yoqilgʻi va moy) sinash uchun stend 5. Traktorlarni qishloq xoʻjalik mashinalari bilan agregatlanishida energetik baholash uchun oʻlchov apparaturasi (oʻlchagich, simsiz momentoʻlchagichlar, tenzovallar komplekti bilan): kompyuterlashtirilgan tarirovka stendlari bilan birgalikda 6. Traktorlarning quvvat olish validan quvvat koʻrsatkichlarini aniqlash stendi, oʻlchov vositalari komplekti bilan birgalikda 7. Purkagich va changlatgichlarning sepish sifatini aniqlovchi qurilma 8. Displeyli avtonom yoqilgʻi sarfini oʻlchagich 9. Elektron taxeometr 10. Paxtani laborator quritish qurilmasi 11. Penetrometr 12. Paxta va don ekish seyalkalarini sinash uchun stend 13. Purkagichlarni sinash uchun stend 14. Oʻgʻit sochgichlarni sinash uchun stend 15. Traktorlarni gidroosma tizimini 90 kN gacha yuk koʻtaruvchanligini aniqlash uchun stend 16. Tortish sinovlarini oʻtkazish uchun maxsus dinamoterik yuklovchi mashina 17. Tirkamalarning pnevmatik tormoz tizimlarini sinash uchun imitator 18. Traktor kabinalarining xavfsizlik karkasi yoki yoyini sinash uchun stend 19. Qishloq xoʻjalik mashinalarini kabinalarini parametrlari va koʻruvchanlik koʻrsatkichlarini aniqlash moslamalari komplekti bilan, operator oʻrindigʻini nazorat nuqtasi joylashuvini aniqlash uchun qurilma
Vazirlar Mahkamasining 2019-yil 9-yanvardagi 10-son qaroriga 2-ILOVA
Vazirlar Mahkamasining “Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjalik texnikasi va texnologiyalarini sertifikatlash va sinash davlat markazi faoliyatini takomillashtirish toʻgʻrisida” 2013-yil 1-avgustdagi 214-son qaroriga kiritilayotgan oʻzgartirishlar va qoʻshimcha
1. 1-ilovada :
a) 6-bandning yettinchi xatboshidagi “normativ-texnik hujjatlarga muvofiqligini aniqlash maqsadida sertifikatlash sinovlarini” soʻzlari “texnik jihatdan tartibga solish sohasidagi normativ hujjatlarga muvofiqligini aniqlash maqsadida sertifikatlash ishlari va sinovlarini” soʻzlari bilan almashtirilsin;
b) 8-bandda :
ikkinchi xatboshidagi “milliy va xalqaro” soʻzlari “xalqaro va texnik jihatdan tartibga solish sohasidagi” soʻzlari bilan almashtirilsin;
oltinchi xatboshidagi “standartlarga va normativ-texnik” soʻzlari “texnik jihatdan tartibga solish sohasidagi normativ” soʻzlari bilan almashtirilsin;
yettinchi xatboshidagi “standartlar va normativ-texnik” soʻzlari “texnik jihatdan tartibga solish sohasidagi normativ” soʻzlari bilan almashtirilsin;
2. 2-ilovada :
a) 1-bandning birinchi xatboshidagi “normativ-texnik” soʻzlari “texnik jihatdan tartibga solish sohasidagi normativ” soʻzlari bilan almashtirilsin;
b) 2-bandning birinchi xatboshidagi “Nizom” soʻzi “ Mazkur Nizom oʻz ehtiyojlari uchun ishlab chiqarilgan yoki import qilinadigan yakka qishloq xoʻjalik va melioratsiya texnikalaridan tashqari,” soʻzlari bilan almashtirilsin;
v) 5-bandda :
beshinchi xatboshidagi “normativ-texnik” soʻzlari “texnik jihatdan tartibga solish sohasidagi normativ” soʻzlari bilan almashtirilsin;
yettinchi xatboshidagi “buyurtmachini qiziqtiradigan buyumning tavsifini aniqlash” soʻzlari “seriyali namunalar konstruksiyasi yoki texnologik jarayonga kiritilgan oʻzgartirishlarni samaradorligini va maqsadga muvofiqligini baholash” soʻzlari bilan almashtirilsin;
sakkizinchi xatboshidagi “standartlarga” soʻzi “texnik jihatdan tartibga solish sohasida normativ hujjatlarga” soʻzlari bilan almashtirilsin;
g) 12-band quyidagi tahrirda bayon etilsin:
“12. Sinov 2 va 3-ilovalarga binoan texnik jihatdan tartibga solish sohasidagi normativ hujjatlarning belgilangan talablariga qatʼiy muvofiq ravishda oʻtkaziladi.
Sinov ikki bosqichda oʻtkaziladi:
birinchi bosqich — qishloq xoʻjalik texnikalarini funksional va foydalanish-texnologik koʻrsatkichlarini Markazda aniqlash;
ikkinchi bosqich — xoʻjalik sharoitlari foydalanishda puxtalik koʻrsatkichlarini aniqlashdan iborat”;
d) 13-band quyidagi mazmundagi xatboshi bilan toʻldirilsin:
“Markaz oʻrnatilgan tartibda sinovdan ijobiy oʻtgan qishloq xoʻjalik va melioratsiya texnikalarini Oʻzbekiston Respublikasi qishloq xoʻjaligi ishlab chiqarishida qoʻllash uchun qishloq xoʻjalik va meliorativ texnikalar reyestrini yuritadi”;
e) 18-bandning uchinchi xatboshidagi “milliy va xalqaro” soʻzlari “xalqaro va texnik jihatdan tartibga solish sohasidagi” soʻzlari bilan almashtirilsin;
j) Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjaligi texnikasi va texnologiyalarini sertifikatlash va sinash davlat markazi tomonidan sinovlarni oʻtkazish tartibi toʻgʻrisidagi Nizomning 2-ilovasining matni quyidagi tahrirda bayon etilsin:
“Qishloq xoʻjaligi va melioratsiya texnikasini sinovdan oʻtkazish (davlat sinovi, dastlabki sinov, qabul qilish sinovi, davriy sinov, malaka sinovi, turga oid sinov, takroriy sinov)
MEXANIZMI
”
z) Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjaligi texnikasi va texnologiyalarini sertifikatlash va sinash davlat markazi tomonidan sinovlarni oʻtkazish tartibi toʻgʻrisidagi Nizomning 4-ilovasi chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 9-yanvar,
10-son