📅 2019-yil 10-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 10 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 10 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Дастурий маҳсулотлар ва ахборот технологиялари технологик паркини ташкил этиш чора-тадбирлари тўғрисида
Ўзбекистон Республикаси Президентининг «Ўзбекистон Республикаси билан Ҳиндистон Республикаси ўртасида стратегик шерикликни янада кенгайтириш ва мустаҳкамлаш чора-тадбирлари тўғрисида» 2018 йил 4 октябрдаги ПҚ-3958-сон қарорига мувофиқ, шунингдек, ахборот технологиялари соҳасини ва дастурий маҳсулотлар ишлаб чиқаришни янада ривожлантириш учун қулай шарт-шароитлар яратиш, ушбу соҳадаги стартап-лойиҳаларни ҳар томонлама қўллаб-қувватлаш, ички ва ташқи бозорларда дастурий ва юқори технологияли маҳсулотлар ва хизматларни тарғиб қилишга кўмаклашиш мақсадида Вазирлар Маҳкамаси қарор қилади:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги билан Ҳиндистон Республикасининг Электроника ва ахборот технологиялари вазирлиги қошидаги Дастурий технологиялар парклари жамияти ўртасида Ҳиндистоннинг илғор тажрибаси асосида Дастурий маҳсулотлар ва ахборот технологиялари технологик паркини (кейинги ўринларда Технопарк деб аталади) ташкил этиш бўйича келишувга эришилганлиги маълумот учун қабул қилинсин.
2. Қуйидагилар Технопаркнинг асосий вазифалари ва фаолияти йўналишлари этиб белгилансин:
ахборот технологиялари соҳасида рақобатбардош маҳсулотлар ва хизматларни ривожлантириш учун қулай шарт-шароитлар яратиш, уларни ички ва ташқи бозорларда илгари суриш, инновацион ишланмаларни рағбатлантириш;
Технопарк резидентларини ўз фаолиятини ривожлантириш учун зарур бўлган юқори технологик инфратузилма ва замонавий лабораториялар билан таъминлаш, уларга молиявий, маркетинг, ҳуқуқий ва бошқа консалтинг хизматлари, шунингдек, бизнес-акселератор хизматлари кўрсатиш;
ахборот технологиялари соҳасида янгидан иш бошлаган ва кичик корхоналарга стартап-лойиҳаларни амалга оширишда, инновация фаолияти натижаларини тижоратлаштиришда, шу жумладан, венчур молиялаштириш асосида кўмаклашиш;
резидентларга лойиҳаларни биргаликда амалга ошириш учун маҳаллий ва хорижий инвесторларни жалб қилишда, шу жумладан, замонавий технологиялар ва дастурий маҳсулотлар трансферини амалга ошириш орқали кўмаклашиш;
юқори технологияли маҳсулот ва хизматларни ишлаб чиқариш тармоғини амалга ошириш учун илмий, таълим ва ишлаб чиқариш ташкилотлари фаолиятини интеграциялашга кўмаклашиш;
ахборот технологиялари соҳасида юқори малакали мутахассислар синфини яратиш мақсадида ёш мутахассисларни ўқитишни ташкил этиш;
етакчи компаниялар ва мутахассислар иштирокида ахборот технологиялари соҳасида маҳорат дарслари, тренинглар ва малака ошириш курслари, шунингдек, илмий-амалий конференциялар ва семинарлар ўтказиш.
3. Белгилаб қўйилсинки, Технопаркнинг фаолиятини бошқариш Ўзбекистон Республикаси Ахборот технологиялари ва коммуникацияларини ривожлантириш вазирлиги муассислигида масъулияти чекланган жамият шаклида ташкил этиладиган Дастурий маҳсулотлар ва ахборот технологиялари технологик парки дирекцияси (кейинги ўринларда Дирекция деб аталади) томонидан амалга оширилади.
4. Белгилансинки:
а) хўжалик шартномалари асосида Технопаркнинг фаолияти ихтисослигига тегишли ишлар бажарилишидан олинган маблағлар:
халқаро молия ташкилотлари ва институтларидан ажратилган грантлар ва кредитлар;
Технопаркни молиялаштиришнинг етишмаётган қисми юзасидан — Рақамли технологияларни ривожлантириш жамғармаси ва Ўзбекистон Республикаси Рақамли технологиялар вазирлигининг идоравий мансуб ташкилотлари маблағлари Технопаркнинг фаолиятини ташкил этиш ва амалга ошириш билан боғлиқ чораларни молиялаштириш манбалари ҳисобланади;
б) Технопарк резидентлари томонидан амалга ошириладиган истиқболли стартап-лойиҳалар улар белгиланган тартибда танлаб олингандан кейин Рақамли технологияларни ривожлантириш жамғармаси ва Ўзбекистон Республикаси Рақамли технологиялар вазирлигининг идоравий мансуб ташкилотлари маблағлари ҳисобига молиялаштирилади.
5. Ўзбекистон Республикаси Президентининг «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида» 2017 йил 30 июндаги ПФ-5099-сон Фармони билан берилган имтиёзларнинг амал қилиши Технопарк резидентларига ҳам татбиқ этилсин.
Тошкент шаҳар ҳокимлиги Технопаркка туташ ҳудудларни ободонлаштиришда Ўзбекистон Республикаси Ахборот технологиялари ва коммуникацияларини ривожлантириш вазирлигига кўмаклашсин.
7. Технопаркни ташкил этиш доирасида Ўзбекистон Республикаси Ахборот технологиялари ва коммуникацияларини ривожлантириш вазирлигига истисно тариқасида:
Технопарк бинолари ва иншоотларини қуриш ва реконструкция қилишни белгиланган шаҳарсозлик нормалари ва қоидаларига риоя қилган ҳолда бир вақтда лойиҳалаш ва молиялаштириш шартлари асосида бажаришга;
Технопарк фаолиятини ташкил этиш учун лойиҳалаш ва пудрат ташкилотларини, шунингдек, асбоб-ускуналар, компьютер ва бошқа техника, ўқитишнинг техник воситалари, адабиётлар, мультимедиа маҳсулотлари, дастурий маҳсулотлар, инвентарь ва бошқа моддий-техника ресурсларини етказиб берувчиларни тендер (танлов) савдолари ўтказмасдан энг яхши таклифларни танлаб олиш асосида аниқлашга рухсат берилсин.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Вазирлар Маҳкамасига уч ой муддатда Технопарк резидентларини рўйхатга олиш, истиқболли стартап-лойиҳаларни танлаш ва молиялаштириш тартибини назарда тутадиган Дастурий маҳсулотлар ва ахборот технологиялари технологик парки фаолиятини ташкил этиш тартиби тўғрисидаги низомни тасдиқлаш учун киритсин.
9. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири Ш.М. Садиков зиммасига ва Ўзбекистон Республикаси Вазирлар Маҳкамасининг Электрон ҳукумат, телекоммуникация инфратузилмасини ривожлантириш ва ахборот хавфсизлигини таъминлаш масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 10 январь,
17-сон
Oʻzbekiston Respublikasi Vazirlar Mahkamasining
qarori
Dasturiy mahsulotlar va axborot texnologiyalari texnologik parkini tashkil etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi bilan Hindiston Respublikasi oʻrtasida strategik sheriklikni yanada kengaytirish va mustahkamlash chora-tadbirlari toʻgʻrisida” 2018-yil 4-oktabrdagi PQ-3958-son qaroriga muvofiq, shuningdek, axborot texnologiyalari sohasini va dasturiy mahsulotlar ishlab chiqarishni yanada rivojlantirish uchun qulay shart-sharoitlar yaratish, ushbu sohadagi startap-loyihalarni har tomonlama qoʻllab-quvvatlash, ichki va tashqi bozorlarda dasturiy va yuqori texnologiyali mahsulotlar va xizmatlarni targʻib qilishga koʻmaklashish maqsadida Vazirlar Mahkamasi qaror qiladi:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan Hindiston Respublikasining Elektronika va axborot texnologiyalari vazirligi qoshidagi Dasturiy texnologiyalar parklari jamiyati oʻrtasida Hindistonning ilgʻor tajribasi asosida Dasturiy mahsulotlar va axborot texnologiyalari texnologik parkini (keyingi oʻrinlarda Texnopark deb ataladi) tashkil etish boʻyicha kelishuvga erishilganligi maʼlumot uchun qabul qilinsin.
2. Quyidagilar Texnoparkning asosiy vazifalari va faoliyati yoʻnalishlari etib belgilansin:
axborot texnologiyalari sohasida raqobatbardosh mahsulotlar va xizmatlarni rivojlantirish uchun qulay shart-sharoitlar yaratish, ularni ichki va tashqi bozorlarda ilgari surish, innovatsion ishlanmalarni ragʻbatlantirish;
Texnopark rezidentlarini oʻz faoliyatini rivojlantirish uchun zarur boʻlgan yuqori texnologik infratuzilma va zamonaviy laboratoriyalar bilan taʼminlash, ularga moliyaviy, marketing, huquqiy va boshqa konsalting xizmatlari, shuningdek, biznes-akselerator xizmatlari koʻrsatish;
axborot texnologiyalari sohasida yangidan ish boshlagan va kichik korxonalarga startap-loyihalarni amalga oshirishda, innovatsiya faoliyati natijalarini tijoratlashtirishda, shu jumladan, venchur moliyalashtirish asosida koʻmaklashish;
rezidentlarga loyihalarni birgalikda amalga oshirish uchun mahalliy va xorijiy investorlarni jalb qilishda, shu jumladan, zamonaviy texnologiyalar va dasturiy mahsulotlar transferini amalga oshirish orqali koʻmaklashish;
yuqori texnologiyali mahsulot va xizmatlarni ishlab chiqarish tarmogʻini amalga oshirish uchun ilmiy, taʼlim va ishlab chiqarish tashkilotlari faoliyatini integratsiyalashga koʻmaklashish;
axborot texnologiyalari sohasida yuqori malakali mutaxassislar sinfini yaratish maqsadida yosh mutaxassislarni oʻqitishni tashkil etish;
yetakchi kompaniyalar va mutaxassislar ishtirokida axborot texnologiyalari sohasida mahorat darslari, treninglar va malaka oshirish kurslari, shuningdek, ilmiy-amaliy konferensiyalar va seminarlar oʻtkazish.
3. Belgilab qoʻyilsinki, Texnoparkning faoliyatini boshqarish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi muassisligida masʼuliyati cheklangan jamiyat shaklida tashkil etiladigan Dasturiy mahsulotlar va axborot texnologiyalari texnologik parki direksiyasi (keyingi oʻrinlarda Direksiya deb ataladi) tomonidan amalga oshiriladi.
4. Belgilansinki:
a) xoʻjalik shartnomalari asosida Texnoparkning faoliyati ixtisosligiga tegishli ishlar bajarilishidan olingan mablagʻlar:
xalqaro moliya tashkilotlari va institutlaridan ajratilgan grantlar va kreditlar;
Texnoparkni moliyalashtirishning yetishmayotgan qismi yuzasidan — Raqamli texnologiyalarni rivojlantirish jamgʻarmasi va Oʻzbekiston Respublikasi Raqamli texnologiyalar vazirligining idoraviy mansub tashkilotlari mablagʻlari Texnoparkning faoliyatini tashkil etish va amalga oshirish bilan bogʻliq choralarni moliyalashtirish manbalari hisoblanadi;
b) Texnopark rezidentlari tomonidan amalga oshiriladigan istiqbolli startap-loyihalar ular belgilangan tartibda tanlab olingandan keyin Raqamli texnologiyalarni rivojlantirish jamgʻarmasi va Oʻzbekiston Respublikasi Raqamli texnologiyalar vazirligining idoraviy mansub tashkilotlari mablagʻlari hisobiga moliyalashtiriladi.
5. Oʻzbekiston Respublikasi Prezidentining “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida” 2017-yil 30-iyundagi PF-5099-son Farmoni bilan berilgan imtiyozlarning amal qilishi Texnopark rezidentlariga ham tatbiq etilsin.
Toshkent shahar hokimligi Texnoparkka tutash hududlarni obodonlashtirishda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga koʻmaklashsin.
7. Texnoparkni tashkil etish doirasida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga istisno tariqasida:
Texnopark binolari va inshootlarini qurish va rekonstruksiya qilishni belgilangan shaharsozlik normalari va qoidalariga rioya qilgan holda bir vaqtda loyihalash va moliyalashtirish shartlari asosida bajarishga;
Texnopark faoliyatini tashkil etish uchun loyihalash va pudrat tashkilotlarini, shuningdek, asbob-uskunalar, kompyuter va boshqa texnika, oʻqitishning texnik vositalari, adabiyotlar, multimedia mahsulotlari, dasturiy mahsulotlar, inventar va boshqa moddiy-texnika resurslarini yetkazib beruvchilarni tender (tanlov) savdolari oʻtkazmasdan eng yaxshi takliflarni tanlab olish asosida aniqlashga ruxsat berilsin.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oʻzbekiston Respublikasi Vazirlar Mahkamasiga uch oy muddatda Texnopark rezidentlarini roʻyxatga olish, istiqbolli startap-loyihalarni tanlash va moliyalashtirish tartibini nazarda tutadigan Dasturiy mahsulotlar va axborot texnologiyalari texnologik parki faoliyatini tashkil etish tartibi toʻgʻrisidagi nizomni tasdiqlash uchun kiritsin.
9. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Sh.M. Sadikov zimmasiga va Oʻzbekiston Respublikasi Vazirlar Mahkamasining Elektron hukumat, telekommunikatsiya infratuzilmasini rivojlantirish va axborot xavfsizligini taʼminlash masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 10-yanvar,
17-son
Кабинета Министров Республики Узбекистан
Постановление
О мерах по созданию Технологического парка программных продуктов и информационных технологий
В соответствии с постановлением Президента Республики Узбекистан от 4 октября 2018 года № ПП-3958 «О мерах по дальнейшему расширению и укреплению стратегического партнерства между Республикой Узбекистан и Республикой Индия», а также в целях создания благоприятных условий для дальнейшего развития сферы информационных технологий и производства программных продуктов, всесторонней поддержки стартап-проектов в данной сфере, содействия в продвижении программной и высокотехнологичной продукции и услуг на внутреннем и внешнем рынках Кабинет Министров постановляет:
1. Принять к сведению, что Министерством по развитию информационных технологий и коммуникаций Республики Узбекистан достигнута договоренность с Обществом парков программных технологий при Министерстве электроники и информационных технологий Республики Индия о создании Технологического парка программных продуктов и информационных технологий (далее — Технопарк) на основе передового индийского опыта.
2. Определить основными задачами и направлениями деятельности Технопарка:
создание благоприятных условий для развития разработки и производства конкурентоспособной продукции и услуг в сфере информационных технологий, продвижение их на внутреннем и внешнем рынках, стимулирование инновационных разработок;
предоставление резидентам Технопарка необходимой инфраструктуры и современных лабораторий для развития своей деятельности, оказания им финансовых, маркетинговых, юридических и иных консалтинговых услуг, а также услуг бизнес-акселератора;
оказание поддержки, в том числе на основе венчурного финансирования, в реализации стартап-проектов, содействие начинающим и малым предприятиям в сфере информационных технологий в коммерциализации результатов инновационной деятельности;
содействие резидентам в привлечении отечественных и зарубежных инвесторов для совместной реализации проектов, в том числе за счет трансфера современных технологий и программных продуктов;
содействие во взаимной интеграции деятельности научных, учебных и производственных организаций для обеспечения непрерывности цепочки производства высокотехнологичной продукции и услуг;
организацию обучения молодых специалистов с целью формирования современного класса высококвалифицированных специалистов в сфере информационных технологий;
проведение мастер-классов, тренингов и курсов повышения квалификации в сфере информационных технологий с привлечением ведущих компаний и специалистов, а также научно-практических конференций и семинаров.
3. Установить, что управление деятельностью Технопарка осуществляется Дирекцией Технологического парка программных продуктов и информационных технологий (далее — Дирекция), создаваемой в форме общества с ограниченной ответственностью, учредителем которого является Министерство по развитию информационных технологий и коммуникаций Республики Узбекистан.
4. Определить, что:
а) источниками финансирования мер, связанных с организацией и осуществлением деятельности Технопарка, являются:
средства, полученные за выполнение работ по профилю деятельности Технопарка на основе хозяйственных договоров;
гранты и кредиты международных финансовых организаций и институтов;
в недостающей части — средства Фонда развития цифровых технологий и подведомственных организаций Министерства цифровых технологий Республики Узбекистан;
б) финансирование перспективных стартап-проектов, реализуемых резидентами Технопарка, осуществляется за счет средств Фонда развития цифровых технологий и подведомственных организаций Министерства цифровых технологий Республики Узбекистан после их отбора в установленном порядке.
5. Распространить действие льгот, предоставленных Указом Президента Республики Узбекистан от 30 июня 2017 года № УП-5099 «О мерах по коренному улучшению условий для развития отрасли информационных технологий в республике», на резидентов Технопарка.
Хокимияту города Ташкента оказать содействие Министерству по развитию информационных технологий и коммуникаций Республики Узбекистан в благоустройстве прилегающих к Технопарку территорий.
7. Разрешить, в порядке исключения, Министерству по развитию информационных технологий и коммуникаций Республики Узбекистан в рамках создания Технопарка:
осуществлять строительство и реконструкцию зданий и сооружений Технопарка на условиях параллельного проектирования и финансирования, с соблюдением установленных градостроительных норм и правил;
определять проектные и подрядные организации, а также поставщиков оборудования, компьютерной и иной техники, технических средств обучения, литературы, мультимедийной продукции, программных продуктов, инвентаря и других материально-технических ресурсов, необходимых для организации деятельности Технопарка, без проведения тендерных (конкурсных) торгов, на основе отбора наилучших предложений.
8. Министерству по развитию информационных технологий и коммуникаций Республики Узбекистан в трехмесячный срок внести в Кабинет Министров Республики Узбекистан на утверждение Положение о порядке организации деятельности Технологического парка программных продуктов и информационных технологий, предусмотрев в нем порядок регистрации резидентов Технопарка, отбора и финансирования перспективных стартап-проектов.
9. Контроль за исполнением настоящего постановления возложить на министра по развитию информационных технологий и коммуникаций Республики Узбекистан Ш.М. Садикова и Информационно-аналитический департамент по вопросам развития электронного правительства, телекоммуникационной инфраструктуры и обеспечения информационной безопасности Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
10 января 2019 г.,
№ 17