📅 2018-yil 26-dekabr · Vazirlik va idoralar hujjatlari · Xalq taʼlimi vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 декабрь · Вазирлик ва идоралар ҳужжатлари · Халқ таълими вазири
Расмий матн. Расмий ҳужжат. Таҳририй изоҳлар киритилмаган.
📅 26 декабря 2018 г. · Документы министерств и ведомств · Министр народного образования
Официальный текст. Официальный документ. Редакционные примечания не включены.
📅 26 December 2018 · Ministry and agency documents · Xalq taʼlimi vaziri
Official text. Official document. Editorial notes are not included.
Ўзбекистон Республикаси Халқ таълими вазирининг
буйруғи
НАМУНАВИЙ НИЗОМ
Умумий ўрта таълим муассасасининг кузатув кенгаши ҳақидаги намунавий низомни тасдиқлаш тўғрисида
Ўзбекистон Республикаси Президентининг 2018 йил 5 сентябрдаги ПФ-5538-сон «Халқ таълимини бошқариш тизимини такомиллаштириш бўйича қўшимча чора-тадбирлар тўғрисида»ги Фармонига мувофиқ буюраман:
1. Умумий ўрта таълим муассасасининг кузатув кенгаши ҳақидаги намунавий низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси халқ таълими вазирининг 2018 йил 26 декабрдаги 16-мҳ-сон буйруғига ИЛОВА
Умумий ўрта таълим муассасасининг кузатув кенгаши ҳақидаги
Мазкур Низом Ўзбекистон Республикаси Президентининг 2018 йил 5 сентябрдаги ПФ-5538-сон «Халқ таълимини бошқариш тизимини такомиллаштириш бўйича қўшимча чора-тадбирлар тўғрисида»ги Фармонига мувофиқ умумий ўрта таълим муассасаси кузатув кенгашининг (бундан буён матнда Кенгаш деб юритилади) мақсади, вазифалари, ваколатлари ҳамда фаолиятини ташкил этиш тартибини белгилайди.
1-боб. Умумий қоидалар
1. Мазкур Низом давлат умумий ўрта таълим муассасаларига (бундан буён матнда таълим муассасаси деб юритилади) татбиқ этилади.
Мазкур Низом нодавлат умумтаълим ташкилотлари учун тавсиявий хусусиятга эга.
2. Кенгаш юридик шахс ҳисобланмайди ва давлат рўйхатидан ўтказилмайди.
3. Кенгашнинг асосий мақсадлари қуйидагилардан иборат:
таълим муассасасини ривожлантиришнинг устувор йўналишларини белгилаш;
таълим муассасасининг мақсадлари ва вазифаларини ҳамда уларга эришиш режаларини тасдиқлаш;
таълим муассасасида амалга оширилиши белгиланган вазифаларнинг бажарилиши ва мақсадли кўрсаткичларга эришилиши устидан назорат олиб бориш.
4. Кенгаш ўз фаолиятини Ўзбекистон Республикасининг Конституцияси , қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг қарорлари, фармонлари ва фармойишлари, Ўзбекистон Республикаси Вазирлар Маҳкамасининг қарорлари ҳамда бошқа қонунчилик ҳужжатлари, шунингдек, таълим муассасасининг Устави ҳамда мазкур Низом асосида амалга оширади.
2-боб. Кенгашнинг вазифалари
5. Кенгашнинг асосий вазифалари қуйидагилардан иборат:
таълим муассасасини ривожлантиришнинг устувор йўналишларини белгилаш;
таълим муассасаси раҳбарининг муассаса фаолиятини такомиллаштириш, молиявий-хўжалик ҳолати, даромадлар ва харажатлар, бюджет, бюджетдан ташқари, ҳомийлик ва бошқа маблағлардан фойдаланиш бўйича кўрилган чора-тадбирлар тўғрисидаги ҳисоботларини вақти-вақти билан тинглаш;
таълим муассасаси раҳбарининг тақдимномаси бўйича йиллик молиявий режаларни, кўрсатилаётган пуллик хизматлар нархининг миқдорларини ва муассаса мулкидан фойдаланганлик учун ижара ҳақи миқдорини, шу жумладан аукциондаги бошланғич нархни кўриб чиқиш ва тасдиқлаш;
ўқувчилар учун яратилган шароитлар устидан тизимли равишда мониторинг ўрнатиш;
ўқувчилар ва улар ота-оналарининг мурожаатларини кўриб чиқиш, таълим муассасасининг педагог ва раҳбар ходимлари фаолияти тўғрисида ижтимоий сўровларни ўтказиш;
таълим муассасасининг фаолиятини ташкил этишга тааллуқли бошқа масалаларни ҳал қилишда иштирок этиш.
3-боб. Кенгаш фаолиятини ташкил этиш ва таркибини шакллантириш
6. Таълим жараёнининг шаффофлигини таъминлаш, жамоатчилик таъсирини кучайтириш, ўқувчиларнинг сифатли таълим олишлари, уларга тегишли шарт-шароитлар яратиш ҳамда таълим-тарбия жараёнларини қўллаб-қувватлаш мақсадида ҳар бир таълим муассасасида Кенгаш ташкил этилади.
7. Кенгаш 7 кишидан кам бўлмаган тоқ сондан иборат таркибда тузилади. Бунда, Кенгаш таркибига ўқувчиларнинг ота-оналари орасидан камида 2 нафар, собиқ битирувчилар орасидан 2 нафар ва нафақадаги собиқ педагоглар орасидан 1 нафар ҳамда ҳомийлар орасидан 2 нафар аъзо киритилади.
Кенгаш аъзоларининг сони чекланмайди.
8. Кенгаш аъзолари тегишли таълим муассасаси умумий йиғилишида ўқувчиларнинг ота-оналари ёки уларнинг ўрнини босувчи шахслар томонидан очиқ овоз бериш орқали сайланади.
Кенгашнинг биринчи йиғилишида иштирок этаётган аъзолар умумий сонининг оддий кўпчилик очиқ овоз бериши орқали Кенгаш раиси ва котиби сайланади. Бунда, Кенгаш раиси ва котиби Кенгаш аъзолари томонидан сайланади.
9. Таълим муассасаси директори ёки унинг ўринбосарлари, шунингдек, уларнинг яқин қариндошлари Кенгаш аъзолари сифатида сайланишига йўл қўйилмайди.
10. Кенгаш таркиби 3 йил муддатга сайланади. Бунда Кенгаш таркиби ҳар ўқув йили бошида кўриб чиқилиши мумкин.
11. Кенгаш аъзоси этиб сайланган ота-оналарнинг фарзандлари бошқа таълим муассасасига ўтказилганда ёки битириб кетганда, Кенгашнинг ушбу аъзоси Кенгаш аъзолари қаторидан чиқарилади ва унинг ўрнига ота-оналар орасидан бошқа аъзо сайланади.
Кенгаш аъзоси кенгашнинг йиғилишларида сурункали 3 марта узрли сабабларсиз иштирок этмаган тақдирда, у Кенгаш аъзолари таркибидан чиқарилади.
4-боб. Кенгаш йиғилишларини ташкил қилиш ва ўтказиш
12. Кенгашнинг биринчи йиғилиши туман (шаҳар) мактабгача ва мактаб таълими бўлими томонидан тегишли таълим муассасасида ташкил этилади.
Бевосита Ўзбекистон Республикаси Мактабгача ва мактаб таълими вазирлиги ёки Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳар мактабгача ва мактаб таълими бошқармаларига (бундан буён матнда ҳудудий бошқармалар деб юритилади) бўйсунадиган таълим муассасаларида Кенгашнинг биринчи йиғилиши тегишлича Ўзбекистон Республикаси Мактабгача ва мактаб таълими вазирлиги ёки унинг ҳудудий бошқармалари томонидан тегишли таълим муассасасида ташкил этилади.
13. Кенгаш ҳар чоракда камида бир марта йиғилади. Зарур ҳолларда навбатдан ташқари йиғилишлар ўтказилиши мумкин.
14. Кенгаш йиғилиши баённома билан расмийлаштирилади.
15. Кенгаш йиғилишида унинг умумий аъзоларининг учдан икки қисми иштирок этганда Кенгаш қарор қабул қилиши мумкин.
16. Кенгаш ўз фаолиятини дахлсизлик, ошкоралик, шаффофлилик, адолатлилик тамойилларига мувофиқ олиб боради.
17. Кенгаш қарорлари аъзоларнинг тенг ҳуқуқлилиги асосида очиқ овоз бериш йўли билан қабул қилинади. Ҳар бир Кенгаш аъзоси битта овоз ҳуқуқига эга. Овозлар тенг бўлган ҳолларда Кенгаш раисининг овози ҳал қилувчи ҳисобланади.
18. Кенгаш йиғилишларига Кенгаш раиси раислик қилади.
19. Кенгаш раиси ўз ваколатини вақтинчалик бажариш имконияти бўлмаган ҳолларда (хизмат сафари, таътил ва касаллик даврида), унинг вазифасини бажариш Кенгаш аъзоларидан бирига вақтинча юклатилади.
20. Кенгаш йиғилишлари мазкур Низом талабларига мувофиқ ташкиллаштирилиши ва ўтказилиши ҳамда ҳужжатларнинг тўғри ва тўлиқ расмийлаштирилиши учун Кенгаш раиси масъул ҳисобланади.
21. Кенгаш йиғилиши ўтказилишидан камида 10 кун олдин йиғилиш ўтказиладиган кун, вақти, жойи ва муҳокама этиладиган масалалар ҳақида кенгаш аъзолари хабардор қилиниши лозим. Кенгаш аъзоларини хабардор қилиш учун Кенгаш раиси масъул ҳисобланади.
22. Таълим муассасаси раҳбари Кенгаш ишини ташкил қилиш (ҳужжатларни расмийлаштириш ва сақлаш учун зарур бўлган хона, таълим муассасаси фаолияти билан боғлиқ маълумотлар ва канцелярия жиҳозлари билан таъминлаш) учун масъул ҳисобланади.
23. Кенгаш йиғилишлари ўтказилганлиги ҳақида баённомалар йиғилиш ўтказилган кундан бошлаб 3 кундан кечиктирмай тегишлича Ўзбекистон Республикаси Мактабгача ва мактаб таълими вазирлиги ҳамда унинг ҳудудий бошқармаларига тақдим этилиши лозим.
24. Кенгаш фаолиятига туман (шаҳар) мактабгача ва мактаб таълими бўлими аралашмайди ва унга ҳисобдор эмас.
25. Кенгашнинг фаолияти бўйича маълумотларни ҳар чоракда таълим муассасасининг расмий веб-сайтида, оммавий ахборот воситаларида ёки таълим муассасасининг барча кўриши мумкин бўлган жойига жойлаштириш тавсия этилади.
5-боб. Кенгашнинг ҳуқуқ ва ваколатлари
26. Кенгаш ўзига юклатилган вазифаларни амалга оширишда қуйидаги ҳуқуқларга эга:
таълим муассасасининг тегишли давридаги фаолияти бўйича таълим муассасаси директоридан маълумотларни сўраш ва олиш;
таълим муассасасининг молиявий ҳисоботлари билан танишиш;
ҳомийлик ва хайрия маблағларининг кирим қилиниши ҳамда сарфланиши ҳақидаги маълумотлар билан танишиш;
таълим муассасаси педагогларининг шаъни, қадр-қиммати, обрўсини ҳимоя қилиш бўйича таклифлар киритиш.
27. Кенгаш қуйидаги ваколатларга эга:
таълим муассасаси директори ва директор ўринбосарларининг бошқарув фаолияти, таълим-тарбия жараёнини сифатли ташкил этилиши ҳамда ўқувчилар, уларнинг ота-оналаридан ноқонуний пул йиғимлари ундирилмаслиги бўйича жамоатчилик назоратини ўрнатади;
таълим муассасасининг умумий йиғилишларида қатнашади, ўқувчилар ва ота-оналарнинг манфаатларини ҳимоя қилади;
таълим муассасасида ижтимоий-маънавий муҳитнинг бузилиши, таълим сифатининг пасайиб кетиши, тизимли муаммоларнинг келиб чиқиши, педагоглар билан маъмурият ўртасида ёки ота-оналар билан маъмурият ўртасида низоли ҳолатлар келиб чиққан тақдирда, таълим муассасаси директорини лавозимидан озод этиш бўйича ҳудудий бошқармаларга таклиф киритади.
6-боб. Якуний қоидалар
28. Кенгаш аъзоларига мазкур Низомда белгиланмаган ваколатларига эга бўлишларига, таълим муассасаси директорининг қонунда белгиланган ваколатларига аралашишига йўл қўйилмайди.
29. Кенгаш ўз ваколати доирасига кирмайдиган ишларга аралашса ёки ўз вазифаларини тўлиқ таъминлай олмаса, Ўзбекистон Республикаси Мактабгача ва мактаб таълими вазирлиги ёки унинг ҳудудий бошқармалари томонидан тарқатилиб юборилади. Бунда, Кенгашнинг янги таркиби мазкур Низомнинг 3-бобида назарда тутилган талаблар асосида қайта шакллантирилади.
30. Кенгашнинг фаолиятига таълим муассасаси раҳбари, ҳудудий бошқармалар, маҳаллий ҳокимликлар ва бошқа ташкилотлар аралашувига йўл қўйилмайди.
31. Таълим муассасасида ўқувчилар ва уларнинг ота-оналаридан турли хил сабаблар билан Кенгаш аъзолари, таълим муассасаси раҳбари ва бошқа ходимлари томонидан пул маблағларини йиғиш қатъиян тақиқланади.
32. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.
33. Кенгаш раиси, котиби ва аъзолари жамоатчилик асосида амалга оширадиган Кенгашдаги фаолияти юзасидан интизомий жавобгарликка тортилиши мумкин эмас.
34. Мазкур Низом Ўзбекистон Республикаси Бандлик ва меҳнат муносабатлари вазирлиги ҳамда Ўзбекистон Касаба уюшмалари Федерацияси Кенгаши билан келишилган.
Вазир Ш. ШЕРМАТОВ
Ўзбекистон Республикаси Бандлик ва меҳнат муносабатлари вазири Ш. КУДБИЕВ
Ўзбекистон Касаба уюшмалари Федерацияси Кенгаши раиси К. РАФИКОВ
Тошкент ш.,
2018 йил 26 декабрь,
2018 йил 26 декабрь
2018 йил 26 декабрь
16-мҳ-сон
Oʻzbekiston Respublikasi Xalq taʼlimi vazirining
buyrugʻi
NAMUNAVIY NIZOM
Umumiy oʻrta taʼlim muassasasining kuzatuv kengashi haqidagi namunaviy nizomni tasdiqlash toʻgʻrisida
Oʻzbekiston Respublikasi Prezidentining 2018-yil 5-sentabrdagi PF-5538-son “Xalq taʼlimini boshqarish tizimini takomillashtirish boʻyicha qoʻshimcha chora-tadbirlar toʻgʻrisida”gi Farmoniga muvofiq buyuraman:
1. Umumiy oʻrta taʼlim muassasasining kuzatuv kengashi haqidagi namunaviy nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi xalq taʼlimi vazirining 2018-yil 26-dekabrdagi 16-mh-son buyrugʻiga ILOVA
Umumiy oʻrta taʼlim muassasasining kuzatuv kengashi haqidagi
Mazkur Nizom Oʻzbekiston Respublikasi Prezidentining 2018-yil 5-sentabrdagi PF-5538-son “Xalq taʼlimini boshqarish tizimini takomillashtirish boʻyicha qoʻshimcha chora-tadbirlar toʻgʻrisida”gi Farmoniga muvofiq umumiy oʻrta taʼlim muassasasi kuzatuv kengashining (bundan buyon matnda Kengash deb yuritiladi) maqsadi, vazifalari, vakolatlari hamda faoliyatini tashkil etish tartibini belgilaydi.
1-bob. Umumiy qoidalar
1. Mazkur Nizom davlat umumiy oʻrta taʼlim muassasalariga (bundan buyon matnda taʼlim muassasasi deb yuritiladi) tatbiq etiladi.
Mazkur Nizom nodavlat umumtaʼlim tashkilotlari uchun tavsiyaviy xususiyatga ega.
2. Kengash yuridik shaxs hisoblanmaydi va davlat roʻyxatidan oʻtkazilmaydi.
3. Kengashning asosiy maqsadlari quyidagilardan iborat:
taʼlim muassasasini rivojlantirishning ustuvor yoʻnalishlarini belgilash;
taʼlim muassasasining maqsadlari va vazifalarini hamda ularga erishish rejalarini tasdiqlash;
taʼlim muassasasida amalga oshirilishi belgilangan vazifalarning bajarilishi va maqsadli koʻrsatkichlarga erishilishi ustidan nazorat olib borish.
4. Kengash oʻz faoliyatini Oʻzbekiston Respublikasining Konstitutsiyasi , qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining qarorlari, farmonlari va farmoyishlari, Oʻzbekiston Respublikasi Vazirlar Mahkamasining qarorlari hamda boshqa qonunchilik hujjatlari, shuningdek, taʼlim muassasasining Ustavi hamda mazkur Nizom asosida amalga oshiradi.
2-bob. Kengashning vazifalari
5. Kengashning asosiy vazifalari quyidagilardan iborat:
taʼlim muassasasini rivojlantirishning ustuvor yoʻnalishlarini belgilash;
taʼlim muassasasi rahbarining muassasa faoliyatini takomillashtirish, moliyaviy-xoʻjalik holati, daromadlar va xarajatlar, budjet, budjetdan tashqari, homiylik va boshqa mablagʻlardan foydalanish boʻyicha koʻrilgan chora-tadbirlar toʻgʻrisidagi hisobotlarini vaqti-vaqti bilan tinglash;
taʼlim muassasasi rahbarining taqdimnomasi boʻyicha yillik moliyaviy rejalarni, koʻrsatilayotgan pullik xizmatlar narxining miqdorlarini va muassasa mulkidan foydalanganlik uchun ijara haqi miqdorini, shu jumladan auksiondagi boshlangʻich narxni koʻrib chiqish va tasdiqlash;
oʻquvchilar uchun yaratilgan sharoitlar ustidan tizimli ravishda monitoring oʻrnatish;
oʻquvchilar va ular ota-onalarining murojaatlarini koʻrib chiqish, taʼlim muassasasining pedagog va rahbar xodimlari faoliyati toʻgʻrisida ijtimoiy soʻrovlarni oʻtkazish;
taʼlim muassasasining faoliyatini tashkil etishga taalluqli boshqa masalalarni hal qilishda ishtirok etish.
3-bob. Kengash faoliyatini tashkil etish va tarkibini shakllantirish
6. Taʼlim jarayonining shaffofligini taʼminlash, jamoatchilik taʼsirini kuchaytirish, oʻquvchilarning sifatli taʼlim olishlari, ularga tegishli shart-sharoitlar yaratish hamda taʼlim-tarbiya jarayonlarini qoʻllab-quvvatlash maqsadida har bir taʼlim muassasasida Kengash tashkil etiladi.
7. Kengash 7 kishidan kam boʻlmagan toq sondan iborat tarkibda tuziladi. Bunda, Kengash tarkibiga oʻquvchilarning ota-onalari orasidan kamida 2 nafar, sobiq bitiruvchilar orasidan 2 nafar va nafaqadagi sobiq pedagoglar orasidan 1 nafar hamda homiylar orasidan 2 nafar aʼzo kiritiladi.
Kengash aʼzolarining soni cheklanmaydi.
8. Kengash aʼzolari tegishli taʼlim muassasasi umumiy yigʻilishida oʻquvchilarning ota-onalari yoki ularning oʻrnini bosuvchi shaxslar tomonidan ochiq ovoz berish orqali saylanadi.
Kengashning birinchi yigʻilishida ishtirok etayotgan aʼzolar umumiy sonining oddiy koʻpchilik ochiq ovoz berishi orqali Kengash raisi va kotibi saylanadi. Bunda, Kengash raisi va kotibi Kengash aʼzolari tomonidan saylanadi.
9. Taʼlim muassasasi direktori yoki uning oʻrinbosarlari, shuningdek, ularning yaqin qarindoshlari Kengash aʼzolari sifatida saylanishiga yoʻl qoʻyilmaydi.
10. Kengash tarkibi 3 yil muddatga saylanadi. Bunda Kengash tarkibi har oʻquv yili boshida koʻrib chiqilishi mumkin.
11. Kengash aʼzosi etib saylangan ota-onalarning farzandlari boshqa taʼlim muassasasiga oʻtkazilganda yoki bitirib ketganda, Kengashning ushbu aʼzosi Kengash aʼzolari qatoridan chiqariladi va uning oʻrniga ota-onalar orasidan boshqa aʼzo saylanadi.
Kengash aʼzosi kengashning yigʻilishlarida surunkali 3-marta uzrli sabablarsiz ishtirok etmagan taqdirda, u Kengash aʼzolari tarkibidan chiqariladi.
4-bob. Kengash yigʻilishlarini tashkil qilish va oʻtkazish
12. Kengashning birinchi yigʻilishi tuman (shahar) maktabgacha va maktab taʼlimi boʻlimi tomonidan tegishli taʼlim muassasasida tashkil etiladi.
Bevosita Oʻzbekiston Respublikasi Maktabgacha va maktab taʼlimi vazirligi yoki Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalariga (bundan buyon matnda hududiy boshqarmalar deb yuritiladi) boʻysunadigan taʼlim muassasalarida Kengashning birinchi yigʻilishi tegishlicha Oʻzbekiston Respublikasi Maktabgacha va maktab taʼlimi vazirligi yoki uning hududiy boshqarmalari tomonidan tegishli taʼlim muassasasida tashkil etiladi.
13. Kengash har chorakda kamida bir marta yigʻiladi. Zarur hollarda navbatdan tashqari yigʻilishlar oʻtkazilishi mumkin.
14. Kengash yigʻilishi bayonnoma bilan rasmiylashtiriladi.
15. Kengash yigʻilishida uning umumiy aʼzolarining uchdan ikki qismi ishtirok etganda Kengash qaror qabul qilishi mumkin.
16. Kengash oʻz faoliyatini daxlsizlik, oshkoralik, shaffoflilik, adolatlilik tamoyillariga muvofiq olib boradi.
17. Kengash qarorlari aʼzolarning teng huquqliligi asosida ochiq ovoz berish yoʻli bilan qabul qilinadi. Har bir Kengash aʼzosi bitta ovoz huquqiga ega. Ovozlar teng boʻlgan hollarda Kengash raisining ovozi hal qiluvchi hisoblanadi.
18. Kengash yigʻilishlariga Kengash raisi raislik qiladi.
19. Kengash raisi oʻz vakolatini vaqtinchalik bajarish imkoniyati boʻlmagan hollarda (xizmat safari, taʼtil va kasallik davrida), uning vazifasini bajarish Kengash aʼzolaridan biriga vaqtincha yuklatiladi.
20. Kengash yigʻilishlari mazkur Nizom talablariga muvofiq tashkillashtirilishi va oʻtkazilishi hamda hujjatlarning toʻgʻri va toʻliq rasmiylashtirilishi uchun Kengash raisi masʼul hisoblanadi.
21. Kengash yigʻilishi oʻtkazilishidan kamida 10 kun oldin yigʻilish oʻtkaziladigan kun, vaqti, joyi va muhokama etiladigan masalalar haqida kengash aʼzolari xabardor qilinishi lozim. Kengash aʼzolarini xabardor qilish uchun Kengash raisi masʼul hisoblanadi.
22. Taʼlim muassasasi rahbari Kengash ishini tashkil qilish (hujjatlarni rasmiylashtirish va saqlash uchun zarur boʻlgan xona, taʼlim muassasasi faoliyati bilan bogʻliq maʼlumotlar va kanselyariya jihozlari bilan taʼminlash) uchun masʼul hisoblanadi.
23. Kengash yigʻilishlari oʻtkazilganligi haqida bayonnomalar yigʻilish oʻtkazilgan kundan boshlab 3 kundan kechiktirmay tegishlicha Oʻzbekiston Respublikasi Maktabgacha va maktab taʼlimi vazirligi hamda uning hududiy boshqarmalariga taqdim etilishi lozim.
24. Kengash faoliyatiga tuman (shahar) maktabgacha va maktab taʼlimi boʻlimi aralashmaydi va unga hisobdor emas.
25. Kengashning faoliyati boʻyicha maʼlumotlarni har chorakda taʼlim muassasasining rasmiy veb-saytida, ommaviy axborot vositalarida yoki taʼlim muassasasining barcha koʻrishi mumkin boʻlgan joyiga joylashtirish tavsiya etiladi.
5-bob. Kengashning huquq va vakolatlari
26. Kengash oʻziga yuklatilgan vazifalarni amalga oshirishda quyidagi huquqlarga ega:
taʼlim muassasasining tegishli davridagi faoliyati boʻyicha taʼlim muassasasi direktoridan maʼlumotlarni soʻrash va olish;
taʼlim muassasasining moliyaviy hisobotlari bilan tanishish;
homiylik va xayriya mablagʻlarining kirim qilinishi hamda sarflanishi haqidagi maʼlumotlar bilan tanishish;
taʼlim muassasasi pedagoglarining shaʼni, qadr-qimmati, obroʻsini himoya qilish boʻyicha takliflar kiritish.
27. Kengash quyidagi vakolatlarga ega:
taʼlim muassasasi direktori va direktor oʻrinbosarlarining boshqaruv faoliyati, taʼlim-tarbiya jarayonini sifatli tashkil etilishi hamda oʻquvchilar, ularning ota-onalaridan noqonuniy pul yigʻimlari undirilmasligi boʻyicha jamoatchilik nazoratini oʻrnatadi;
taʼlim muassasasining umumiy yigʻilishlarida qatnashadi, oʻquvchilar va ota-onalarning manfaatlarini himoya qiladi;
taʼlim muassasasida ijtimoiy-maʼnaviy muhitning buzilishi, taʼlim sifatining pasayib ketishi, tizimli muammolarning kelib chiqishi, pedagoglar bilan maʼmuriyat oʻrtasida yoki ota-onalar bilan maʼmuriyat oʻrtasida nizoli holatlar kelib chiqqan taqdirda, taʼlim muassasasi direktorini lavozimidan ozod etish boʻyicha hududiy boshqarmalarga taklif kiritadi.
6-bob. Yakuniy qoidalar
28. Kengash aʼzolariga mazkur Nizomda belgilanmagan vakolatlariga ega boʻlishlariga, taʼlim muassasasi direktorining qonunda belgilangan vakolatlariga aralashishiga yoʻl qoʻyilmaydi.
29. Kengash oʻz vakolati doirasiga kirmaydigan ishlarga aralashsa yoki oʻz vazifalarini toʻliq taʼminlay olmasa, Oʻzbekiston Respublikasi Maktabgacha va maktab taʼlimi vazirligi yoki uning hududiy boshqarmalari tomonidan tarqatilib yuboriladi. Bunda, Kengashning yangi tarkibi mazkur Nizomning 3-bobida nazarda tutilgan talablar asosida qayta shakllantiriladi.
30. Kengashning faoliyatiga taʼlim muassasasi rahbari, hududiy boshqarmalar, mahalliy hokimliklar va boshqa tashkilotlar aralashuviga yoʻl qoʻyilmaydi.
31. Taʼlim muassasasida oʻquvchilar va ularning ota-onalaridan turli xil sabablar bilan Kengash aʼzolari, taʼlim muassasasi rahbari va boshqa xodimlari tomonidan pul mablagʻlarini yigʻish qatʼiyan taqiqlanadi.
32. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
33. Kengash raisi, kotibi va aʼzolari jamoatchilik asosida amalga oshiradigan Kengashdagi faoliyati yuzasidan intizomiy javobgarlikka tortilishi mumkin emas.
34. Mazkur Nizom Oʻzbekiston Respublikasi Bandlik va mehnat munosabatlari vazirligi hamda Oʻzbekiston Kasaba uyushmalari Federatsiyasi Kengashi bilan kelishilgan.
Vazir Sh. SHERMATOV
Oʻzbekiston Respublikasi Bandlik va mehnat munosabatlari vaziri Sh. KUDBIYEV
Oʻzbekiston Kasaba uyushmalari Federatsiyasi Kengashi raisi K. RAFIKOV
Toshkent sh.,
2018-yil 26-dekabr,
2018-yil 26-dekabr
2018-yil 26-dekabr
16-mh-son