📅 2019-yil 14-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 14 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
Ўзбекистон Республикаси Дин ишлари бўйича қўмитаси ҳузуридаги Диний-маърифий соҳада малака ошириш ва қайта тайёрлаш институти ва Ўзбекистон халқаро ислом академияси ҳузурида «Зиё» медиа марказини ташкил этиш ҳамда уларнинг фаолиятини қўллаб-қувватлаш чора-тадбирлари тўғрисида
Ўзбекистон Республикаси Президентининг «Диний-маърифий соҳа фаолиятини тубдан такомиллаштириш чора-тадбирлари тўғрисида» 2018 йил 16 апрелдаги ПФ-5416-сон Фармони ижросини таъминлаш, шунингдек, диний соҳа ходимлари, олий, ўрта махсус, умумий ўрта таълим муассасаларининг педагог кадрларини қайта тайёрлаш ва малакасини ошириш, аждодларимизнинг ислом ва жаҳон цивилизациясига қўшган бой диний-илмий меросини кенг тарғиб қилиш, диний-маърифий ҳаётдаги янгиликларни жамоатчиликка етказиш учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Президентининг 2025 йил 21 апрелдаги ПФ-68-сон ҳамда 2018 йил 16 апрелдаги ПФ-5416-сон фармонларига мувофиқ:
Ўзбекистон Республикаси Дин ишлари бўйича қўмитаси ҳузурида Самарқанд ва Наманган вилоятлари минтақавий филиалларига эга бўлган муассаса шаклидаги Диний-маърифий соҳада малака ошириш ва қайта тайёрлаш институти (кейинги ўринларда — Институт) ташкил этилганлиги;
Ўзбекистон халқаро исломшунослик академияси (кейинги ўринларда — Академия) ҳузуридаги «Зиё» медиа маркази мамлакатимизда диннинг асл инсонпарварлик моҳиятини, аждодларимизнинг ислом ва жаҳон цивилизациясига қўшган бой диний-илмий меросини кенг тарғиб қилувчи, диний-маърифий ҳаётдаги янгиликларни жамоатчиликка етказувчи муассаса шаклидаги асосий медиа тузилма сифатида шакллантирилганлиги маълумот учун қабул қилинсин.
3. Қуйидагилар:
б) «Зиё» медиа марказининг асосий вазифалари этиб белгилансин:
мамлакатимизда ислом маданияти, илм-фани ривожига беқиёс ҳисса қўшган буюк алломаларимиз меросини, муқаддас қадамжолар ва зиёратгоҳларни обод этиш, муқаддас динимиз мусаффолигини асраш, аҳоли, айниқса, ёшларни Ватанга садоқат, миллий-диний қадриятларимизга ҳурмат ҳамда турли миллат ва эътиқод вакилларига нисбатан бағрикенглик руҳида тарбиялаш борасида амалга оширилаётган ишларни кенг тарғиб этиш;
халқимизнинг диний саводхонлигини ошириш, мамлакатимизда амалга оширилаётган диний-маърифий соҳадаги ислоҳотлар ва бунёдкорлик ишлари билан аҳолини яқиндан таништириб бориш, ёшларни ватанпарварлик руҳида тарбиялашга қаратилган чуқур фалсафий ва ибратга йўғрилган илмий-оммабоп ва бадиий кўрсатувлар тайёрлаш;
бугунги глобаллашув даврида инсоният ҳаётига хавф солаётган муаммолар ҳамда оилавий, одоб-ахлоқ ва ёш авлод тарбиясининг долзарб масалаларга оид ток-шоулар ҳамда дин соҳаси вакиллари, соҳа мутахассислари ва олимлари билан давра суҳбатлари, баҳс-мунозаралар, мулоқотлар, учрашувлар ташкил этиш ва уларни телерадиоканалларда эфирга узатиб борилишини таъминлаш;
аҳоли, хусусан ёшларни ғаразли кучлар ва оқимларнинг таъсиридан асраш, терроризм ва экстремизм ғояларининг асл мақсадларини фош этиш, ҳар хил оқимлардан, шу жумладан, «оммавий маданият»нинг зарарли иллатларидан ҳимоя этишга йўналтирилган махсус кўрсатув ва роликлар тайёрлаш.
4. Қуйидагилар:
Ўзбекистон халқаро ислом академияси ҳузуридаги «Зиё» медиа марказининг тузилмаси 3-иловага мувофиқ маъқуллансин.
Академия ректорига, зарур ҳолларда, Ўзбекистон Республикаси Дин ишлари бўйича қўмитаси (кейинги ўринларда Дин ишлари қўмитаси деб аталади) ва Ўзбекистон мусулмонлари идораси билан келишилган ҳолда мазкур қарорга 1 , 2 ва 3-иловаларда назарда тутилган тузилмаларга ходимларнинг умумий чекланган сони ҳамда меҳнатга ҳақ тўлаш фонди доирасида ўзгартиришлар киритиш ҳуқуқи берилсин.
5. Белгилансинки:
Институт ва унинг минтақавий филиаллари ходимларига олий таълим муассасаларининг тегишли лавозимлари учун белгиланган меҳнатга ҳақ тўлаш миқдорлари ва шартлари татбиқ этилади. Бунда, бир нафар ўқитувчи ҳисобига тўғри келадиган тингловчилар нисбатининг чекланган нормативлари олий таълим муассасалари учун белгиланган бир нафар ўқитувчи ҳисобига талабалар сони нисбатининг чекланган нормативларидан 25 фоиз паст этиб белгиланади;
қонун ҳужжатларига мувофиқ таълим жараёнига олий таълим муассасаларининг профессор-ўқитувчилари ҳамда диний-маърифий соҳадаги етакчи мутахассислар жалб этилганда, уларга белгиланган тартибда соатбай асосида иш ҳақи тўланади;
«Зиё» медиа маркази ходимларига Ўзбекистон миллий телерадиокомпанияси ходимлари учун назарда тутилган меҳнатга ҳақ тўлаш ва моддий рағбатлантириш шартлари татбиқ этилади.
7. Ўзбекистон Республикаси Молия вазирлиги:
Институт ва унинг минтақавий филиалларини сақлаш харажатларини 2019 йилда ижтимоий соҳа бўйича тасдиқланган бюджет параметрлари доирасида ажратсин, 2020 йилдан бошлаб эса Ўзбекистон Республикасининг Давлат бюджети параметрларида назарда тутсин.
Марказга 2 та, шу жумладан 1 та хизмат ва 1 та махсус автотранспорт воситасини сақлаш учун лимит ажратсин;
Академия ҳузуридаги «Зиё» медиа марказида замонавий телевизион ва овоз ёзиш ускуналари билан жиҳозланган телестудия ҳамда овоз ёзиш студиясини ташкил этиш учун зарур маблағлар ажратсин;
Белгилаб қўйилсинки, Академия ҳузуридаги «Зиё» медиа маркази фаолиятини сақлаш харажатлари Ўзбекистон Республикаси Давлат бюджети параметрларининг тегишли йилга «Маданият ва оммавий ахборот воситалари» соҳаси учун ажратиладиган маблағлари доирасида амалга оширилади.
8. Қуйидагилар:
Дин ишлари бўйича қўмита Ўзбекистон мусулмонлари идораси билан биргаликда Марказ ва унинг минтақавий филиаллари уставларини ишлаб чиқиб, белгиланган тартибда тасдиқласин ва уларнинг давлат рўйхатидан ўтказилишини таъминласин;
Дин ишлари бўйича қўмита ҳамда Ўзбекистон мусулмонлари идораси икки ой муддатда Ўзбекистон Республикаси Олий ва ўрта махсус таълим вазирлиги билан биргаликда Марказ ва унинг минтақавий филиалларида ўқув машғулотларини ўтказиш учун салоҳиятли ва юқори малакали профессор-ўқитувчиларни жалб этиш, уларни ўқув режалари ва дастурлари, ўқув-услубий қўлланмалар ва материаллар билан таъминлашда амалий ёрдам кўрсатсин;
Ўзбекистон Республикаси Ахборот технологиялари ва коммуникацияларини ривожлантириш вазирлиги Академия ҳузуридаги «Зиё» медиа маркази, Марказ ва унинг минтақавий филиаллари мурожаатларига асосан уларни белгиланган тартибда зарур алоқа воситалари билан таъминлаш ҳамда интерактив ва масофадан ўқитиш услубларини татбиқ этиши мақсадида кенг қамровли Интернет тармоғи улаш чораларини кўрсин.
9. Ўзбекистон Республикаси Парвозлар хавфсизлигини назорат қилиш давлат инспекцияси зарур ҳужжатлар тақдим этилгандан кейин бир ой муддатда Академия ҳузуридаги «Зиё» медиа марказига учувчисиз учиш аппаратларидан белгиланган тартибда фойдаланишга рухсат бериш тўғрисида хулоса тақдим этсин.
10. Институт ва «Зиё» медиа маркази Академия биносида текин фойдаланиш ҳуқуқи асосида жойлаштирилиши инобатга олинсин.
Қорақалпоғистон Республикаси Вазирлар Кенгаши, Самарқанд, Наманган ва Сурхондарё вилоятлари ҳокимликлари бир ой муддатда Институтнинг минтақавий филиалларини ўқув жараёнини ташкил этиш учун мос биноларга жойлаштириш чораларини кўрсин.
11. Дин ишлари бўйича қўмита манфаатдор вазирлик ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларини ушбу қарорга мувофиқлаштирсинлар.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов, Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси Ж.К. Акрамов зиммасига ҳамда Вазирлар Маҳкамасининг Маданият, санъат ва ёшлар сиёсати масалалари ахборот-таҳлил департаментига юклансин.
Вазирлар Маҳкамасининг 2019 йил 14 январдаги 25-сон қарорига 3-ИЛОВА
Ўзбекистон халқаро ислом академияси ҳузуридаги «Зиё» медиа марказининг
Ўзбекистон Республикасининг Бош вазири А. АРИПОВ
Тошкент ш.,
2019 йил 14 январь,
25-сон
Oʻzbekiston Respublikasi Vazirlar Mahkamasining
qarori
TUZILMASI
Oʻzbekiston Respublikasi Din ishlari boʻyicha qoʻmitasi huzuridagi Diniy-maʼrifiy sohada malaka oshirish va qayta tayyorlash instituti va Oʻzbekiston xalqaro islom akademiyasi huzurida “Ziyo” media markazini tashkil etish hamda ularning faoliyatini qoʻllab-quvvatlash chora-tadbirlari toʻgʻrisida
Oʻzbekiston Respublikasi Prezidentining “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida” 2018-yil 16-apreldagi PF-5416-son Farmoni ijrosini taʼminlash, shuningdek, diniy soha xodimlari, oliy, oʻrta maxsus, umumiy oʻrta taʼlim muassasalarining pedagog kadrlarini qayta tayyorlash va malakasini oshirish, ajdodlarimizning islom va jahon sivilizatsiyasiga qoʻshgan boy diniy-ilmiy merosini keng targʻib qilish, diniy-maʼrifiy hayotdagi yangiliklarni jamoatchilikka yetkazish uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining 2025-yil 21-apreldagi PF-68-son hamda 2018-yil 16-apreldagi PF-5416-son farmonlariga muvofiq:
Oʻzbekiston Respublikasi Din ishlari boʻyicha qoʻmitasi huzurida Samarqand va Namangan viloyatlari mintaqaviy filiallariga ega boʻlgan muassasa shaklidagi Diniy-maʼrifiy sohada malaka oshirish va qayta tayyorlash instituti (keyingi oʻrinlarda — Institut) tashkil etilganligi;
Oʻzbekiston xalqaro islomshunoslik akademiyasi (keyingi oʻrinlarda — Akademiya) huzuridagi “Ziyo” media markazi mamlakatimizda dinning asl insonparvarlik mohiyatini, ajdodlarimizning islom va jahon sivilizatsiyasiga qoʻshgan boy diniy-ilmiy merosini keng targʻib qiluvchi, diniy-maʼrifiy hayotdagi yangiliklarni jamoatchilikka yetkazuvchi muassasa shaklidagi asosiy media tuzilma sifatida shakllantirilganligi maʼlumot uchun qabul qilinsin.
3. Quyidagilar:
b) “Ziyo” media markazining asosiy vazifalari etib belgilansin:
mamlakatimizda islom madaniyati, ilm-fani rivojiga beqiyos hissa qoʻshgan buyuk allomalarimiz merosini, muqaddas qadamjolar va ziyoratgohlarni obod etish, muqaddas dinimiz musaffoligini asrash, aholi, ayniqsa, yoshlarni Vatanga sadoqat, milliy-diniy qadriyatlarimizga hurmat hamda turli millat va eʼtiqod vakillariga nisbatan bagʻrikenglik ruhida tarbiyalash borasida amalga oshirilayotgan ishlarni keng targʻib etish;
xalqimizning diniy savodxonligini oshirish, mamlakatimizda amalga oshirilayotgan diniy-maʼrifiy sohadagi islohotlar va bunyodkorlik ishlari bilan aholini yaqindan tanishtirib borish, yoshlarni vatanparvarlik ruhida tarbiyalashga qaratilgan chuqur falsafiy va ibratga yoʻgʻrilgan ilmiy-ommabop va badiiy koʻrsatuvlar tayyorlash;
bugungi globallashuv davrida insoniyat hayotiga xavf solayotgan muammolar hamda oilaviy, odob-axloq va yosh avlod tarbiyasining dolzarb masalalarga oid tok-shoular hamda din sohasi vakillari, soha mutaxassislari va olimlari bilan davra suhbatlari, bahs-munozaralar, muloqotlar, uchrashuvlar tashkil etish va ularni teleradiokanallarda efirga uzatib borilishini taʼminlash;
aholi, xususan yoshlarni gʻarazli kuchlar va oqimlarning taʼsiridan asrash, terrorizm va ekstremizm gʻoyalarining asl maqsadlarini fosh etish, har xil oqimlardan, shu jumladan, “ommaviy madaniyat”ning zararli illatlaridan himoya etishga yoʻnaltirilgan maxsus koʻrsatuv va roliklar tayyorlash.
4. Quyidagilar:
Oʻzbekiston xalqaro islom akademiyasi huzuridagi “Ziyo” media markazining tuzilmasi 3-ilovaga muvofiq maʼqullansin.
Akademiya rektoriga, zarur hollarda, Oʻzbekiston Respublikasi Din ishlari boʻyicha qoʻmitasi (keyingi oʻrinlarda Din ishlari qoʻmitasi deb ataladi) va Oʻzbekiston musulmonlari idorasi bilan kelishilgan holda mazkur qarorga 1 , 2 va 3-ilovalarda nazarda tutilgan tuzilmalarga xodimlarning umumiy cheklangan soni hamda mehnatga haq toʻlash fondi doirasida oʻzgartirishlar kiritish huquqi berilsin.
5. Belgilansinki:
Institut va uning mintaqaviy filiallari xodimlariga oliy taʼlim muassasalarining tegishli lavozimlari uchun belgilangan mehnatga haq toʻlash miqdorlari va shartlari tatbiq etiladi. Bunda, bir nafar oʻqituvchi hisobiga toʻgʻri keladigan tinglovchilar nisbatining cheklangan normativlari oliy taʼlim muassasalari uchun belgilangan bir nafar oʻqituvchi hisobiga talabalar soni nisbatining cheklangan normativlaridan 25 foiz past etib belgilanadi;
qonun hujjatlariga muvofiq taʼlim jarayoniga oliy taʼlim muassasalarining professor-oʻqituvchilari hamda diniy-maʼrifiy sohadagi yetakchi mutaxassislar jalb etilganda, ularga belgilangan tartibda soatbay asosida ish haqi toʻlanadi;
“Ziyo” media markazi xodimlariga Oʻzbekiston milliy teleradiokompaniyasi xodimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etiladi.
7. Oʻzbekiston Respublikasi Moliya vazirligi:
Institut va uning mintaqaviy filiallarini saqlash xarajatlarini 2019-yilda ijtimoiy soha boʻyicha tasdiqlangan budjet parametrlari doirasida ajratsin, 2020-yildan boshlab esa Oʻzbekiston Respublikasining Davlat budjeti parametrlarida nazarda tutsin.
Markazga 2 ta, shu jumladan 1 ta xizmat va 1 ta maxsus avtotransport vositasini saqlash uchun limit ajratsin;
Akademiya huzuridagi “Ziyo” media markazida zamonaviy televizion va ovoz yozish uskunalari bilan jihozlangan telestudiya hamda ovoz yozish studiyasini tashkil etish uchun zarur mablagʻlar ajratsin;
Belgilab qoʻyilsinki, Akademiya huzuridagi “Ziyo” media markazi faoliyatini saqlash xarajatlari Oʻzbekiston Respublikasi Davlat budjeti parametrlarining tegishli yilga “Madaniyat va ommaviy axborot vositalari” sohasi uchun ajratiladigan mablagʻlari doirasida amalga oshiriladi.
8. Quyidagilar:
Din ishlari boʻyicha qoʻmita Oʻzbekiston musulmonlari idorasi bilan birgalikda Markaz va uning mintaqaviy filiallari ustavlarini ishlab chiqib, belgilangan tartibda tasdiqlasin va ularning davlat roʻyxatidan oʻtkazilishini taʼminlasin;
Din ishlari boʻyicha qoʻmita hamda Oʻzbekiston musulmonlari idorasi ikki oy muddatda Oʻzbekiston Respublikasi Oliy va oʻrta maxsus taʼlim vazirligi bilan birgalikda Markaz va uning mintaqaviy filiallarida oʻquv mashgʻulotlarini oʻtkazish uchun salohiyatli va yuqori malakali professor-oʻqituvchilarni jalb etish, ularni oʻquv rejalari va dasturlari, oʻquv-uslubiy qoʻllanmalar va materiallar bilan taʼminlashda amaliy yordam koʻrsatsin;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Akademiya huzuridagi “Ziyo” media markazi, Markaz va uning mintaqaviy filiallari murojaatlariga asosan ularni belgilangan tartibda zarur aloqa vositalari bilan taʼminlash hamda interaktiv va masofadan oʻqitish uslublarini tatbiq etishi maqsadida keng qamrovli Internet tarmogʻi ulash choralarini koʻrsin.
9. Oʻzbekiston Respublikasi Parvozlar xavfsizligini nazorat qilish davlat inspeksiyasi zarur hujjatlar taqdim etilgandan keyin bir oy muddatda Akademiya huzuridagi “Ziyo” media markaziga uchuvchisiz uchish apparatlaridan belgilangan tartibda foydalanishga ruxsat berish toʻgʻrisida xulosa taqdim etsin.
10. Institut va “Ziyo” media markazi Akademiya binosida tekin foydalanish huquqi asosida joylashtirilishi inobatga olinsin.
Qoraqalpogʻiston Respublikasi Vazirlar Kengashi, Samarqand, Namangan va Surxondaryo viloyatlari hokimliklari bir oy muddatda Institutning mintaqaviy filiallarini oʻquv jarayonini tashkil etish uchun mos binolarga joylashtirish choralarini koʻrsin.
11. Din ishlari boʻyicha qoʻmita manfaatdor vazirlik va idoralar bilan birgalikda bir oy muddatda oʻzlari qabul qilgan normativ-huquqiy hujjatlarini ushbu qarorga muvofiqlashtirsinlar.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov, Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita raisi J.K. Akramov zimmasiga hamda Vazirlar Mahkamasining Madaniyat, sanʼat va yoshlar siyosati masalalari axborot-tahlil departamentiga yuklansin.
Vazirlar Mahkamasining 2019-yil 14-yanvardagi 25-son qaroriga 3-ILOVA
Oʻzbekiston xalqaro islom akademiyasi huzuridagi “Ziyo” media markazining
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-yanvar,
25-son