📅 2019-yil 15-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 15 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
РЎЙХАТИ
Ўзбекистон Республикаси Ҳукуматининг айрим қарорларига мамлакатимизда жисмоний тарбия ва спортни қўллаб-қувватлаш тизимини янада такомиллаштиришга қаратилган ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида
Мамлакатимизда жисмоний тарбия ва спортни қўллаб-қувватлаш тизимини самарали ташкил этиш, замонавий спорт инфратузилмасини яратиш, шунингдек, жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш учун зарур шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг 1-иловага мувофиқ айрим қарорларига ўзгартириш ва қўшимчалар киритилсин.
2. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
3. Ўзбекистон Республикаси Жисмоний тарбия ва спорт вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдухакимов ҳамда Ўзбекистон Республикаси жисмоний тарбия ва спорт вазири Д.Х. Набиев зиммасига юклансин.
Вазирлар Маҳкамасининг 2019 йил 15 январдаги 32-сон қарорига 1-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2005 йил 21 декабрдаги 275-сон қарори (Ўзбекистон Республикаси ҚҲТ, 2005 й., 51-сон, 379-модда) билан тасдиқланган Халқ таълими муассасалари раҳбар ходимлари меҳнатига ҳақ тўлаш бўйича базавий тариф ставкалари миқдорларининг 2.1-банди «Лавозимлар номи» устунидаги «мактаб директорининг маънавий-маърифий ишлар бўйича ўринбосари,» сўзларидан кейин «мактаб директорининг спорт ишлари бўйича ўринбосари» сўзлари қўшилсин.
2. Вазирлар Маҳкамасининг «Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида» 2010 йил 23 сентябрдаги 211-сон қарорида (Ўзбекистон Республикаси ҚТ, 2010 й., 9-сон, 50-модда):
а) 1-илованинг 64-бандига қуйидаги мазмундаги иккинчи ва учинчи хатбошилар қўшилсин:
«Шунингдек, тренер-ўқитувчилар таркиби спортнинг олимпия ва паралимпия турлари бўйича Олимпия ва Паралимпия ўйинлари, Осиё ўйинлари, жаҳон ва Осиё чемпионатлари мусобақаларининг тренерлик фаолияти билан шуғулланиш учун тегишли рухсатномага эга бўлган ғолиб ва совриндор спортчиларидан бутланиши мумкин.
Тренерлик фаолияти билан шуғулланиш учун тегишли рухсатномага эга бўлган умумтаълим мактабларининг жисмоний тарбия фани ўқитувчилари спорт мактабларига ўриндошлик асосида оммавий спорт турлари бўйича тренер-инструктор лавозимига ишга қабул қилиниши мумкин»;
иккинчи ва учинчи хатбошилар тегишли равишда тўртинчи ва бешинчи хатбошилар деб ҳисоблансин;
б) 2-иловада :
7-банднинг иккинчи хатбошидаги «олимпия захиралари ихтисослаштирилган болалар ва ўсмирлар спорт мактабларида,» сўзларидан кейин «спорт турлари бўйича ихтисослаштирилган давлат мактаб-интернатларида,» сўзлари қўшилсин;
23-бандда :
биринчи хатбошидаги «ўқув ишлари бўйича ўринбосарлари,» сўзларидан кейин «спорт ишлари бўйича ўринбосарлари,» сўзлари қўшилсин;
жадвалдаги «директорларнинг ўқув ишлари бўйича ўринбосарларига, инструктор-методистларга» сўзлари «директорларнинг ўқув ишлари бўйича ва спорт ишлари бўйича ўринбосарларига, инструктор-методистларга» сўзлари билан алмаштирилсин.
3. Вазирлар Маҳкамасининг 2012 йил 14 июндаги 173-сон қарори (Ўзбекистон Республикаси ҚТ, 2012 й., 6-сон, 44-модда) билан тасдиқланган Спорт ва оммавий жисмоний тарбия тадбирларининг календарь режасини шакллантириш тартиби тўғрисида низомда :
а) 23-банднинг иккинчи хатбошига қуйидаги мазмундаги жумла қўшилсин:
«Спорт ва оммавий жисмоний тарбия тадбирларининг республика календарь режасини шакллантириш ва спорт турлари бўйича молиявий маблағларни тақсимлаш комиссияси ушбу Низомга 3-иловага мувофиқ таркибда шакллантирилади»;
б) қуйидаги мазмундаги 3-илова қўшилсин:
«Спорт ва оммавий жисмоний тарбия тадбирларининг календарь режасини шакллантириш тартиби тўғрисида низомга 3-ИЛОВА
Спорт ва оммавий жисмоний тарбия тадбирларининг республика календарь режасини шакллантириш ва спорт турлари бўйича молиявий маблағларни тақсимлаш комиссияси
Абдухакимов А.А. — Ўзбекистон Республикаси Бош вазирининг ўринбосари, комиссия раиси Набиев Д.Х. — жисмоний тарбия ва спорт вазири, комиссия раиси ўринбосари Ахматджанов У.М. — Ўзбекистон Миллий олимпия қўмитаси раиси лавозим бўйича — молия вазири ўринбосари Матчанов Ж.М. — Ўзбекистон Миллий олимпия қўмитаси бош котиби Маҳмудов Ш.Ш. — Ўзбекистон оғир атлетика федерацияси раисининг биринчи ўринбосари Мамадалиев Ш.Ф. — Ўзбекистон спорт курашлари ассоциацияси бош котиби Мустаев Р.Б. — Ўзбекистон гимнастика федерацияси раисининг биринчи ўринбосари Мамадалиев У.О. — Жисмоний тарбия ва спорт вазирлиги Миллий терма жамоаларини саралаш (селекция), шакллантириш ва тайёрлаш бошқармаси бошлиғи в.в.б . Джураев И.Т. — Спорт ўйинлари бўйича Республика олий спорт маҳорати мактаби директори Маматназаров Б.И. — Жисмоний тарбия ва спорт вазирлиги Олий спорт ютуқлари бошқармаси бошлиғи ўринбосари, комиссия котиби
5. Вазирлар Маҳкамасининг «Спорт турлари бўйича ихтисослаштирилган давлат мактаб-интернатлари фаолиятини такомиллаштириш тўғрисида» 2018 йил 2 июндаги 410-сон қарори 4-бандининг «б» кичик банди тўртинчи хатбоши қуйидаги таҳрирда баён этилсин:
«мактаб-интернатлар директорлари, директорларнинг ўринбосарлари, ўқувчиларни чақириққа тайёрлаш раҳбари, тренер-ўқитувчилар, умумтаълим фанлари ўқитувчилари, тарбиячилар меҳнатига ҳақ тўлаш ҳамда мактаб-интернатлар директорларининг ўқув ишлари бўйича ўринбосарлари, маънавий-маърифий ишлар бўйича ўринбосарлари, ўқувчиларни чақириққа тайёрлаш раҳбари, умумтаълим фанлари ўқитувчилари, тарбиячилар меҳнатини рағбатлантириш Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорига, мактаб-интернатлар директорлари, директорларнинг спорт ишлари бўйича ўринбосарлари, тренер-ўқитувчилар, тиббиёт ходимлари меҳнатини рағбатлантириш Вазирлар Маҳкамасининг «Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида» 2010 йил 23 сентябрдаги 211-сон қарорига, тиббиёт ходимлари меҳнатига ҳақ тўлаш Вазирлар Маҳкамасининг «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 276-сон қарорига мувофиқ амалга оширилади».
Вазирлар Маҳкамасининг 2019 йил 15 январдаги 32-сон қарорига 2-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган қарорлари
1. Вазирлар Маҳкамасининг «Ўзбекистон болалар спортини ривожлантириш жамғармасининг минтақавий филиаллари тузилмасини такомиллаштириш тўғрисида» 2003 йил 1 августдаги 335-сон қарори (Ўзбекистон Республикаси ҚҲТ, 2003 й., 15-16-сон, 123-модда).
2. Вазирлар Маҳкамасининг «Болалар спортини ривожлантириш соҳасида бошқарувни янада такомиллаштириш чора-тадбирлари тўғрисида» 2009 йил 19 мартдаги 76-сон қарори (Ўзбекистон Республикаси ҚҲТ, 2009 й., 13-сон, 141-модда).
Ўзбекистон Республикасининг Бош вазири А. АРИПОВ
Тошкент ш.,
2019 йил 15 январь,
32-сон
Oʻzbekiston Respublikasi Vazirlar Mahkamasining
qarori
TARKIBI
ROʻYXATI
Oʻzbekiston Respublikasi Hukumatining ayrim qarorlariga mamlakatimizda jismoniy tarbiya va sportni qoʻllab-quvvatlash tizimini yanada takomillashtirishga qaratilgan oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida
Mamlakatimizda jismoniy tarbiya va sportni qoʻllab-quvvatlash tizimini samarali tashkil etish, zamonaviy sport infratuzilmasini yaratish, shuningdek, jismoniy tarbiya va sportni ommalashtirish, aholi, ayniqsa, yoshlar oʻrtasida sogʻlom turmush tarzini targʻib qilish uchun zarur shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
3. Oʻzbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduxakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Vazirlar Mahkamasining 2019-yil 15-yanvardagi 32-son qaroriga 1-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2005-yil 21-dekabrdagi 275-son qarori (Oʻzbekiston Respublikasi QHT, 2005-y., 51-son, 379-modda) bilan tasdiqlangan Xalq taʼlimi muassasalari rahbar xodimlari mehnatiga haq toʻlash boʻyicha bazaviy tarif stavkalari miqdorlarining 2.1-bandi “Lavozimlar nomi” ustunidagi “maktab direktorining maʼnaviy-maʼrifiy ishlar boʻyicha oʻrinbosari,” soʻzlaridan keyin “maktab direktorining sport ishlari boʻyicha oʻrinbosari” soʻzlari qoʻshilsin.
2. Vazirlar Mahkamasining “Sport maktablari faoliyatini hamda sport maktablari trenerlari va mutaxassislari mehnatini moddiy ragʻbatlantirish tizimini yanada takomillashtirish toʻgʻrisida” 2010-yil 23-sentabrdagi 211-son qarorida (Oʻzbekiston Respublikasi QT, 2010-y., 9-son, 50-modda):
a) 1-ilovaning 64-bandiga quyidagi mazmundagi ikkinchi va uchinchi xatboshilar qoʻshilsin:
“Shuningdek, trener-oʻqituvchilar tarkibi sportning olimpiya va paralimpiya turlari boʻyicha Olimpiya va Paralimpiya oʻyinlari, Osiyo oʻyinlari, jahon va Osiyo chempionatlari musobaqalarining trenerlik faoliyati bilan shugʻullanish uchun tegishli ruxsatnomaga ega boʻlgan gʻolib va sovrindor sportchilaridan butlanishi mumkin.
Trenerlik faoliyati bilan shugʻullanish uchun tegishli ruxsatnomaga ega boʻlgan umumtaʼlim maktablarining jismoniy tarbiya fani oʻqituvchilari sport maktablariga oʻrindoshlik asosida ommaviy sport turlari boʻyicha trener-instruktor lavozimiga ishga qabul qilinishi mumkin”;
ikkinchi va uchinchi xatboshilar tegishli ravishda toʻrtinchi va beshinchi xatboshilar deb hisoblansin;
b) 2-ilovada :
7-bandning ikkinchi xatboshidagi “olimpiya zaxiralari ixtisoslashtirilgan bolalar va oʻsmirlar sport maktablarida,” soʻzlaridan keyin “sport turlari boʻyicha ixtisoslashtirilgan davlat maktab-internatlarida,” soʻzlari qoʻshilsin;
23-bandda :
birinchi xatboshidagi “oʻquv ishlari boʻyicha oʻrinbosarlari,” soʻzlaridan keyin “sport ishlari boʻyicha oʻrinbosarlari,” soʻzlari qoʻshilsin;
jadvaldagi “direktorlarning oʻquv ishlari boʻyicha oʻrinbosarlariga, instruktor-metodistlarga” soʻzlari “direktorlarning oʻquv ishlari boʻyicha va sport ishlari boʻyicha oʻrinbosarlariga, instruktor-metodistlarga” soʻzlari bilan almashtirilsin.
3. Vazirlar Mahkamasining 2012-yil 14-iyundagi 173-son qarori (Oʻzbekiston Respublikasi QT, 2012-y., 6-son, 44-modda) bilan tasdiqlangan Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisida nizomda :
a) 23-bandning ikkinchi xatboshiga quyidagi mazmundagi jumla qoʻshilsin:
“Sport va ommaviy jismoniy tarbiya tadbirlarining respublika kalendar rejasini shakllantirish va sport turlari boʻyicha moliyaviy mablagʻlarni taqsimlash komissiyasi ushbu Nizomga 3-ilovaga muvofiq tarkibda shakllantiriladi”;
b) quyidagi mazmundagi 3-ilova qoʻshilsin:
“Sport va ommaviy jismoniy tarbiya tadbirlarining kalendar rejasini shakllantirish tartibi toʻgʻrisida nizomga 3-ILOVA
Sport va ommaviy jismoniy tarbiya tadbirlarining respublika kalendar rejasini shakllantirish va sport turlari boʻyicha moliyaviy mablagʻlarni taqsimlash komissiyasi
Abduxakimov A.A. — Oʻzbekiston Respublikasi Bosh vazirining oʻrinbosari, komissiya raisi Nabiyev D.X. — jismoniy tarbiya va sport vaziri, komissiya raisi oʻrinbosari Axmatdjanov U.M. — Oʻzbekiston Milliy olimpiya qoʻmitasi raisi lavozim boʻyicha — moliya vaziri oʻrinbosari Matchanov J.M. — Oʻzbekiston Milliy olimpiya qoʻmitasi bosh kotibi Mahmudov Sh.Sh. — Oʻzbekiston ogʻir atletika federatsiyasi raisining birinchi oʻrinbosari Mamadaliyev Sh.F. — Oʻzbekiston sport kurashlari assotsiatsiyasi bosh kotibi Mustayev R.B. — Oʻzbekiston gimnastika federatsiyasi raisining birinchi oʻrinbosari Mamadaliyev U.O. — Jismoniy tarbiya va sport vazirligi Milliy terma jamoalarini saralash (seleksiya), shakllantirish va tayyorlash boshqarmasi boshligʻi v.v.b . Djurayev I.T. — Sport oʻyinlari boʻyicha Respublika oliy sport mahorati maktabi direktori Mamatnazarov B.I. — Jismoniy tarbiya va sport vazirligi Oliy sport yutuqlari boshqarmasi boshligʻi oʻrinbosari, komissiya kotibi
5. Vazirlar Mahkamasining “Sport turlari boʻyicha ixtisoslashtirilgan davlat maktab-internatlari faoliyatini takomillashtirish toʻgʻrisida” 2018-yil 2-iyundagi 410-son qarori 4-bandining “b” kichik bandi toʻrtinchi xatboshi quyidagi tahrirda bayon etilsin:
“maktab-internatlar direktorlari, direktorlarning oʻrinbosarlari, oʻquvchilarni chaqiriqqa tayyorlash rahbari, trener-oʻqituvchilar, umumtaʼlim fanlari oʻqituvchilari, tarbiyachilar mehnatiga haq toʻlash hamda maktab-internatlar direktorlarining oʻquv ishlari boʻyicha oʻrinbosarlari, maʼnaviy-maʼrifiy ishlar boʻyicha oʻrinbosarlari, oʻquvchilarni chaqiriqqa tayyorlash rahbari, umumtaʼlim fanlari oʻqituvchilari, tarbiyachilar mehnatini ragʻbatlantirish Vazirlar Mahkamasining “Xalq taʼlimi xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 275-son qaroriga, maktab-internatlar direktorlari, direktorlarning sport ishlari boʻyicha oʻrinbosarlari, trener-oʻqituvchilar, tibbiyot xodimlari mehnatini ragʻbatlantirish Vazirlar Mahkamasining “Sport maktablari faoliyatini hamda sport maktablari trenerlari va mutaxassislari mehnatini moddiy ragʻbatlantirish tizimini yanada takomillashtirish toʻgʻrisida” 2010-yil 23-sentabrdagi 211-son qaroriga, tibbiyot xodimlari mehnatiga haq toʻlash Vazirlar Mahkamasining “Tibbiyot xodimlari mehnatiga haq toʻlashning takomillashtirilgan tizimini tasdiqlash toʻgʻrisida” 2005-yil 21-dekabrdagi 276-son qaroriga muvofiq amalga oshiriladi”.
Vazirlar Mahkamasining 2019-yil 15-yanvardagi 32-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari
1. Vazirlar Mahkamasining “Oʻzbekiston bolalar sportini rivojlantirish jamgʻarmasining mintaqaviy filiallari tuzilmasini takomillashtirish toʻgʻrisida” 2003-yil 1-avgustdagi 335-son qarori (Oʻzbekiston Respublikasi QHT, 2003-y., 15-16-son, 123-modda).
2. Vazirlar Mahkamasining “Bolalar sportini rivojlantirish sohasida boshqaruvni yanada takomillashtirish chora-tadbirlari toʻgʻrisida” 2009-yil 19-martdagi 76-son qarori (Oʻzbekiston Respublikasi QHT, 2009-y., 13-son, 141-modda).
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-yanvar,
32-son
Кабинета Министров Республики Узбекистан
Постановление
СОСТАВ
ПЕРЕЧЕНЬ
О внесении изменений и дополнений, а также признании утратившими силу некоторых решений Правительства Республики Узбекистан, направленных на совершенствование системы поддержки физической культуры и спорта в Республике Узбекистан
В целях дальнейшего совершенствования системы поддержки физической культуры и спорта, создания современной спортивной инфраструктуры, а также необходимых условий для популяризации физической культуры и спорта, пропаганды здорового образа жизни среди населения, особенно среди молодежи, Кабинет Министров постановляет:
1. Внести изменения и дополнения в некоторые решения Правительства Республики Узбекистан согласно приложению № 1 .
2. Признать утратившими силу некоторые решения Правительства Республики Узбекистан согласно приложению № 2 .
3. Министерству физической культуры и спорта Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
4. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова и министра физической культуры и спорта Республики Узбекистан Д.Х. Набиева.
ПРИЛОЖЕНИЕ № 1 к постановлению Кабинета Министров от 15 января 2019 года № 32
Изменения и дополнения, вносимые в некоторые решения Правительства Республики Узбекистан
1. В пункте 2.1 графы «Наименования должностей» Размеров базовых тарифных ставок по оплате труда руководящих работников учреждений народного образования, утвержденных постановлением Кабинета Министров от 21 декабря 2005 г. № 275 (СП Республики Узбекистан, 2005 г., № 51, ст. 379), после слов «заместитель директора школы по духовно-просветительской работе» дополнить словами «заместитель директора по спортивной работе».
2. В постановлении Кабинета Министров от 23 сентября 2010 г. № 211 «О дальнейшем совершенствовании деятельности спортивных школ и системы материального стимулирования труда тренеров и специалистов спортивных школ» (СП Республики Узбекистан, 2010 г., № 9, ст. 50):
а) пункт 64 приложения № 1 дополнить абзацами вторым и третьим следующего содержания:
«Также допускается укомплектование тренерско-преподавательского состава из числа спортсменов — победителей и призеров Олимпийских, Паралимпийских и Азиатских игр, чемпионатов мира по олимпийским и паралимпийским видам спорта, имеющих соответствующее разрешение на занятие тренерской деятельностью.
Преподаватели общеобразовательных школ, имеющие соответствующее разрешение на занятие тренерской деятельностью, могут быть приняты в спортивные школы по совместительству на должность тренеров-инструкторов по массовым видам спорта»;
абзацы второй и третий считать, соответственно, абзацами четвертым и пятым;
б) в приложении № 2 :
абзац второй пункта 7 после слов «специализированных детско-юношеских спортивных школах олимпийского резерва (далее — СДЮСШОР),» дополнить словами «специализированных государственных школах-интернатах по видам спорта,»;
в 23 пункте :
абзац первый после слов «заместителей директоров по учебной работе,» дополнить словами «заместителей директоров по спортивной работе,»;
в таблице слова «заместителям директоров по учебной работе, инструкторам-методистам» заменить словами «заместителям директоров по учебной работе и спортивной работе, инструкторам-методистам».
3. В Положении о порядке формирования Календарного плана спортивных и физкультурно-массовых мероприятий, утвержденном постановлением Кабинета Министров от 14 июня 2012 г. № 173 (СП Республики Узбекистан, 2012 г., № 6, ст. 44):
а) абзац второй пункта 23 дополнить предложением следующего содержания:
«Комиссия по формированию Календарного плана и распределению финансовых средств по видам спорта формируется в составе согласно приложению № 3 к настоящему Положению»;
б) дополнить приложением № 3 следующего содержания:
«ПРИЛОЖЕНИЕ № 3 к Положению о порядке формирования Календарного плана спортивных и физкультурно-массовых мероприятий
Комиссии по формированию республиканского календарного плана спортивных и физкультурно-массовых мероприятий
Абдухакимов А.А. — заместитель Премьер-министра Республики Узбекистан, председатель комиссии Набиев Д.Х. — министр физической культуры и спорта, заместитель председателя комиссии Ахматджанов У.М. — председатель Национального олимпийского комитета Узбекистана по должности — заместитель министра финансов Матчанов Ж.М. — генеральный секретарь Национального олимпийского комитета Узбекистана Махмудов Ш.Ш. — первый заместитель председателя Федерации тяжелой атлетики Узбекистана Мамадалиев Ш.Ф. — генеральный секретарь Ассоциации спортивной борьбы Узбекистана Мустаев Р.Б. — первый заместитель председателя Федерации гимнастики Узбекистана Мамадалиев У.О. — вр.и.о. начальника Управления селекции, формирования и подготовки национальных сборных команд Министерства физической культуры и спорта Джураев И.Т. — директор Республиканской школы высшего спортивного мастерства по спортивным играм Маматназаров Б.И. — заместитель начальника Управления спорта высших достижений Министерства физической культуры и спорта, секретарь комиссии
5. Абзац четвертый подпункта «б» пункта 4 текста на узбекском языке постановления Кабинета Министров от 2 июня 2018 г. № 410 «О совершенствовании деятельности государственных специализированных школ-интернатов по видам спорта» изложить в следующей редакции:
«мактаб-интернатлар директорлари, директорларнинг ўринбосарлари, ўқувчиларни чақириққа тайёрлаш раҳбари, тренер-ўқитувчилар, умумтаълим фанлари ўқитувчилари, тарбиячилар меҳнатига ҳақ тўлаш ҳамда мактаб-интернатлар директорларининг ўқув ишлари бўйича ўринбосарлари, маънавий-маърифий ишлар бўйича ўринбосарлари, ўқувчиларни чақириққа тайёрлаш раҳбари, умумтаълим фанлари ўқитувчилари, тарбиячилар меҳнатини рағбатлантириш Вазирлар Маҳкамасининг «Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 275-сон қарорига, мактаб-интернатлар директорлари, директорларнинг спорт ишлари бўйича ўринбосарлари, тренер-ўқитувчилар, тиббиёт ходимлари меҳнатини рағбатлантириш Вазирлар Маҳкамасининг «Спорт мактаблари фаолиятини ҳамда спорт мактаблари тренерлари ва мутахассислари меҳнатини моддий рағбатлантириш тизимини янада такомиллаштириш тўғрисида» 2010 йил 23 сентябрдаги 211-сон қарорига, тиббиёт ходимларини меҳнатига ҳақ тўлаш Вазирлар Маҳкамасининг «Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2005 йил 21 декабрдаги 276-сон қарорига мувофиқ амалга оширилади».
ПРИЛОЖЕНИЕ № 2 к постановлению Кабинета Министров от 15 января 2019 года № 32
некоторых решений Правительства Республики Узбекистан, признаваемых утратившими силу
1. Постановление Кабинета Министров от 1 августа 2003 г. № 335 «О совершенствовании структуры региональных филиалов фонда развития детского спорта Узбекистана» (СЗ Республики Узбекистан, 2003 г., № 15-16, ст. 123).
2. Постановление Кабинета Министров от 19 марта 2009 г. № 76 «О дополнительных мерах по дальнейшему совершенствованию управления в области развития детского спорта» (СЗ Республики Узбекистан, 2009 г., № 13, ст. 141)
Премьер-министр Республики Узбекистан А. АРИПОВ
г. Ташкент,
15 января 2019 г.,
№ 32