📅 2019-yil 16-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 16 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 16 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикасининг халқаро облигацияларини чиқариш ва жойлаштириш бўйича чора-тадбирлар тўғрисида
Ўзбекистон Республикаси Президентининг «Ташқи молиялаштириш манбаларини диверсификациялаш бўйича қўшимча чора-тадбирлар тўғрисида» 2018 йил 21 июлдаги ПҚ-3877-сон қарорига мувофиқ Ўзбекистон Республикасининг халқаро облигацияларини чиқариш ва жойлаштириш мақсадида Вазирлар Маҳкамаси қарор қилади:
1. Ўзбекистон Республикаси Молия вазирлиги Ўзбекистон Республикаси Президентининг «Ташқи молиялаштириш манбаларини диверсификациялаш бўйича қўшимча чора-тадбирлар тўғрисида» 2018 йил 21 июлдаги ПҚ-3877-сон қарорига мувофиқ ваколатли орган бўлиб, қуйидаги операцияларни амалга ошириши белгилансин:
халқаро молия бозорларида Ўзбекистон Республикаси номидан халқаро облигациялар эмитенти бўлиб иштирок этиш;
эмиссия рисоласини, Ўзбекистон Республикаси халқаро облигацияларини чиқариш ва жойлаштириш дастурини, ҳамда эмиссия шартларини мустақил равишда белгилаш, шу жумладан эмиссия ҳажмини ва фоиз ставкаларини халқаро молия бозорлари шароитидан келиб чиқиб мустақил равишда тасдиқлаш;
Ўзбекистон Республикаси халқаро облигацияларини чиқариш ва жойлаштиришга оид шартнома ва битимларни тузиш;
Ўзбекистон Республикаси халқаро облигациялари бўйича тегишли тўловларни амалга ошириш;
Ўзбекистон Республикаси халқаро облигацияларини чиқариш ва жойлаштириш жараёнида керак бўладиган тегишли банк ҳисоб варақларини очиш ва юритиш;
Ўзбекистон Республикаси халқаро облигацияларини чиқариш ва жойлаштиришга тегишли бошқа барча ҳаракатларни амалга ошириш.
2. Ўзбекистон Республикаси молия вазирига Ўзбекистон Республикаси номидан халқаро облигацияларни чиқариш ва жойлаштириш учун тегишли битимлар ва шартномаларни имзолаш ваколати берилсин.
3. Ўзбекистон Республикаси Адлия вазирлиги Ўзбекистон Республикаси Молия вазирлиги томонидан тақдим қилинадиган Ўзбекистон Республикаси халқаро облигацияларини чиқариш ва жойлаштириш учун тегишли битимлар ва шартномалар лойиҳасига юридик хулоса беришни ташкил этсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 16 январь,
35-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasining xalqaro obligatsiyalarini chiqarish va joylashtirish boʻyicha chora-tadbirlar toʻgʻrisida
Oʻzbekiston Respublikasi Prezidentining “Tashqi moliyalashtirish manbalarini diversifikatsiyalash boʻyicha qoʻshimcha chora-tadbirlar toʻgʻrisida” 2018-yil 21-iyuldagi PQ-3877-son qaroriga muvofiq Oʻzbekiston Respublikasining xalqaro obligatsiyalarini chiqarish va joylashtirish maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi Oʻzbekiston Respublikasi Prezidentining “Tashqi moliyalashtirish manbalarini diversifikatsiyalash boʻyicha qoʻshimcha chora-tadbirlar toʻgʻrisida” 2018-yil 21-iyuldagi PQ-3877-son qaroriga muvofiq vakolatli organ boʻlib, quyidagi operatsiyalarni amalga oshirishi belgilansin:
xalqaro moliya bozorlarida Oʻzbekiston Respublikasi nomidan xalqaro obligatsiyalar emitenti boʻlib ishtirok etish;
emissiya risolasini, Oʻzbekiston Respublikasi xalqaro obligatsiyalarini chiqarish va joylashtirish dasturini, hamda emissiya shartlarini mustaqil ravishda belgilash, shu jumladan emissiya hajmini va foiz stavkalarini xalqaro moliya bozorlari sharoitidan kelib chiqib mustaqil ravishda tasdiqlash;
Oʻzbekiston Respublikasi xalqaro obligatsiyalarini chiqarish va joylashtirishga oid shartnoma va bitimlarni tuzish;
Oʻzbekiston Respublikasi xalqaro obligatsiyalari boʻyicha tegishli toʻlovlarni amalga oshirish;
Oʻzbekiston Respublikasi xalqaro obligatsiyalarini chiqarish va joylashtirish jarayonida kerak boʻladigan tegishli bank hisob varaqlarini ochish va yuritish;
Oʻzbekiston Respublikasi xalqaro obligatsiyalarini chiqarish va joylashtirishga tegishli boshqa barcha harakatlarni amalga oshirish.
2. Oʻzbekiston Respublikasi moliya vaziriga Oʻzbekiston Respublikasi nomidan xalqaro obligatsiyalarni chiqarish va joylashtirish uchun tegishli bitimlar va shartnomalarni imzolash vakolati berilsin.
3. Oʻzbekiston Respublikasi Adliya vazirligi Oʻzbekiston Respublikasi Moliya vazirligi tomonidan taqdim qilinadigan Oʻzbekiston Respublikasi xalqaro obligatsiyalarini chiqarish va joylashtirish uchun tegishli bitimlar va shartnomalar loyihasiga yuridik xulosa berishni tashkil etsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 16-yanvar,
35-son