📅 2019-yil 16-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 16 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 января 2019 г. · Постановления Президента
Официальный текст. Официальный документ. Редакционные примечания не включены.
📅 16 January 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Ёғ-мой тармоғини янада ривожлантириш бўйича қўшимча чора-тадбирлар ва соҳани бошқаришда бозор механизмларини жорий этиш тўғрисида
Мамлакатда ёғ-мой тармоғини ривожлантириш, аҳоли эҳтиёжини янада тўлароқ қондириш мақсадида ишлаб чиқариш ҳажмларини ошириш ва тайёр маҳсулотлар ассортиментларини кўпайтириш бўйича комплекс чора-тадбирлар амалга оширилмоқда.
Шу билан бирга, ҳақиқий ҳолат шуни кўрсатадики, ёғ-мой тармоғини бошқаришнинг ягона тизимининг йўлга қўйилмаганлиги, ишлаб чиқарилаётган маҳсулотлар сифатини назорат қилиш механизмининг самарасизлиги билан боғлиқ муаммоларнинг мавжудлиги илғор технологияларни ўзлаштиришга, инвестицияларни жалб қилиш ва тармоқнинг жадал ривожланишига салбий таъсир кўрсатмоқда.
Хом ашё базасининг чегараланганлиги оқибатида тармоқ корхоналарининг ишлаб чиқариш қувватларидан фойдаланиш даражаси 50 фоиздан ошмайди, бу давлат иштирокидаги ёғ-мой корхоналар фаолиятининг самарадорлиги ва рақобатбардошлигининг пасайишига олиб келмоқда.
Иқтисодиётда давлатнинг иштирокини янада қисқартириш, республика ёғ-мой тармоғининг инвестициявий жозибадорлигини ошириш ва соҳага замонавий технологияларни жорий қилиш учун шароит яратиш мақсадида:
1. Ёғ-мой саноати корхоналари, «Ўзпахтаёғ» АЖ, Ўзбекистон Республикаси Иқтисодиёт ва саноат вазирлиги, Молия вазирлиги, Давлат активларини бошқариш агентлигининг (кейинги ўринларда — Агентлик):
«Ўзпахтаёғ» АЖ негизида Ўзбекистон Республикаси ёғ-мой саноати корхоналари уюшмасини (кейинги ўринларда — «Ўзёғмойсаноат» уюшмаси) ташкил этиш ҳамда унга «Ўзпахтаёғ» АЖга тегишли бўлган мол-мулк ва бошқа маблағларни, шунингдек дебитор ва кредитор қарздорликларни ўтказиш, «Ўзпахтаёғ» АЖга тегишли хўжалик жамиятларининг устав капиталидаги кўчмас мулк ва акциялар пакети (улуши) бундан мустасно;
хўжалик жамиятларининг устав капиталидаги «Ўзпахтаёғ» АЖнинг акциялар пакети (улуши)ни 1-иловага мувофиқ Агентликка ўтказиш тўғрисидаги таклифларига розилик берилсин.
2. Қуйидагилар маълумот учун қабул қилинсин:
ихтиёрий равишда аъзо бўлган ёғ-мой саноати корхоналари ва ташкилотлари «Ўзёғмойсаноат» уюшмаси аъзолари ҳисобланади;
«Ўзёғмойсаноат» уюшмаси ижро аппаратининг тузилмасини тасдиқлаш унинг таъсисчиларининг умумий йиғилиши қарори билан амалга оширилади;
«Ўзёғмойсаноат» уюшмаси раиси ва унинг ўринбосарлари Ўзбекистон Республикаси Иқтисодиёт ва саноат вазирлигининг тақдимномасига асосан унинг таъсисчиларининг умумий йиғилиши қарори билан сайланади;
«Ўзёғмойсаноат» уюшмаси фаолиятини жорий таъминлаш ва молиялаштириш унинг аъзоларининг бадаллари ва ажратмалари ҳамда қонунчиликда тақиқланмаган бошқа манбалар ҳисобидан амалга оширилади.
3. «Ўзёғмойсаноат» уюшмасининг асосий вазифалари этиб қуйидагилар белгилансин:
ёғ-мой хом ашёларини қайта ишлаш ва ёғ-мой маҳсулотларини ишлаб чиқариш бўйича ягона комплекс сифатида ёғ-мой саноатини ривожлантириш стратегиясини ишлаб чиқиш, шунингдек замонавий бозор муносабатларини тармоққа кенг жорий қилиш;
«Ўзёғмойсаноат» уюшмаси аъзо — ташкилотларининг ҳуқуқ ва манфаатларининг ҳимоя қилинишини таъминлаш;
ички ва ташқи бозорда маркетинг тадқиқотларини ташкил қилиш, тармоқни ривожлантиришнинг ўрта ва узоқ муддатли дастурларини ишлаб чиқиш ҳамда амалга оширишда иштирок этиш, хом ашёни чуқур қайта ишлашда ва сифатли рақобатбардош маҳсулотлар ишлаб чиқаришни ўзлаштириш, озуқа-ем базасини кенгайтириш, ички бозорни ёғ-мой маҳсулотлари билан тўлақонли таъминлашда тармоқ корхоналарига кўмаклашиш;
ёғ-мой маҳсулотларини ишлаб чиқариш бўйича илғор хорижий тажрибани ҳар томонлама ўрганиш, ишлаб чиқаришни модернизациялаш ҳамда техник жиҳатдан қайта жиҳозлашда, юқори унумли замонавий инновацион технологияларни жорий этишда, мазкур мақсадлар учун инвестицияларни, шу жумладан тўғридан-тўғри хорижий инвестицияларни кенг жалб этишда тармоқ корхоналарига кўмаклашиш;
ёғ-мой тармоғининг стандартлаштириш ва сертификатлаштириш тизимларини халқаро талаблар ва стандартларга уйғунлаштириш орқали уни такомиллаштириш бўйича комплекс чора-тадбирларни қабул қилиш;
хом ашё базасини ривожлантириш ҳамда ёғ-мой тармоғи ташкилотларининг мойли ўсимлик уруғларини етиштирувчилар билан ўзаро муносабатлари механизмини такомиллаштириш;
ёғ-мой саноати соҳасида кадрларни тайёрлашга бўлган реал эҳтиёжни ва истиқболли йўналишларни аниқлаш, мутахассисларни тайёрлаш, қайта тайёрлаш ва малакасини ошириш бўйича ўқув дастурларини такомиллаштиришда иштирок этиш, мазкур соҳада илмий-тадқиқот ишларини чуқурлаштириш;
тармоқни жадал ривожлантириш ва ёғ-мой саноатининг барқарор фаолият кўрсатишига тўсқинлик қилаётган тизимли муаммоларни таҳлил қилиш ва уларни бартараф этиш, шунингдек мазкур соҳадаги қонун ҳужжатларини янада такомиллаштириш бўйича таклифлар тайёрлаш.
4. Белгилансинки, 2022 йил 1 январга қадар:
«Ўзёғмойсаноат» уюшмаси мол-мулк солиғи ва юридик шахслардан олинадиган фойда солиғи тўлашдан озод этилади;
ташкилотларнинг шартномалар асосида «Ўзёғмойсаноат» уюшмасига ажратмалари юридик шахслар фойда солиғининг солиққа тортиладиган базасидан чиқарилади.
5. Корхоналар 2021 йил 1 январга қадар ўсимлик ёғи ишлаб чиқариш мақсадида ТИФ ТН кодлари 1201 — 1207 гуруҳи бўйича импорт қилинадиган ёғ-мой хом ашёси ҳажми (соя данаги, кунгабоқар ва бошқа мойли ўсимликлар уруғлари) учун божхона тўловларини (қўшилган қиймат солиғи ва божхона расмийлаштируви йиғимлари бундан мустасно) тўлашдан озод қилинсин.
6. «Ўзёғмойсаноат» уюшмаси таркибига кирадиган ёғ-мой саноати корхоналарига 2022 йил 1 январга қадар республикада ишлаб чиқарилмайдиган, ёғ-мой маҳсулотлари ишлаб чиқаришда фойдаланиладиган ТИФ ТН кодлари 2815, 3802, 3815 гуруҳи бўйича ускуналар, бутловчи буюмлар, материаллар (каустик сода, активлаштирилган табиий минерал маҳсулотлар ва катализаторлар) импортида божхона декларацияси қабул қилинган кундан бошлаб қўшилган қиймат солиғини тўлашни 90 кунга кечиктириш имконияти берилсин.
Ўзбекистон Республикаси Молия вазирлиги, Давлат божхона қўмитаси ва Давлат солиқ қўмитаси икки ой муддатда қўшилган қиймат солиғини тўлашни кечиктириш бўйича қарздорлик суммасини қўшилган қиймат солиғи юзасидан умумий ҳисоб-китобда ёпишни назарда тутувчи «Ўзёғмойсаноат» уюшмаси таркибига кирадиган ёғ-мой саноати корхоналарга қўшилган қиймат солиғини тўлаш бўйича кечиктириш бериш тартибини ишлаб чиқсин ва тасдиқласин.
7. Ўзбекистон Республикасининг Бош вазири А.Н. Арипов бир ой муддатда:
а) қуйидагиларни назарда тутувчи Ёғ-мой саноатида амалдаги ишлаб чиқаришларни техник ва технологик жиҳатдан янгилаш ва янгиларини ташкил этиш бўйича инвестиция лойиҳаларини амалга ошириш юзасидан «Йўл харитаси»ни тасдиқласин:
амалдаги ишлаб чиқаришларни техник ва технологик жиҳатдан янгилаш ва янгиларини ташкил этиш бўйича 150,0 млн. АҚШ доллари миқдоридаги 37 та инвестиция лойиҳаларини 2019-2020 йилларда амалга ошириш;
тайёр ўсимлик ёғи импортини босқичма-босқич қисқартириш билан бир вақтда мавжуд ишлаб чиқариш қувватларидан фойдаланишни 90 фоизгача етказиш ва юқори қўшилган қийматли ёғ-мой маҳсулотларини ишлаб чиқариш мақсадида ёғ-мой хом ашёлари олиб кириш ҳажмларини кўпайтириш;
2021 йилга қадар республикада муқобил мойли ўсимликлар етиштириш ҳажмларини кўпайтириш ҳисобига ёғ-мой хом ашёлари жамғариш миқдорини 100 минг тоннага етказиш;
2021 йилга қадар ўсимлик ёғи ишлаб чиқариш ҳажмларини 400 минг тоннагача етказиш;
лойиҳа қиймати 100 млн. АҚШ доллари бўлган истиқболли инвестиция лойиҳаларини амалга ҳамкорликда ошириш учун хорижий инвесторларни жалб қилиш.
б) нархлар барқарорлигини ва ички бозорнинг ёғ-мой маҳсулотларига бўлган эҳтиёжини бир маромда таъминлаш мақсадида 50 минг тонна ҳажмли замонавий ёғ-мой хом ашёлари сақлаш сиғимларини ташкил қилиш бўйича «Йўл харитаси»ни тасдиқласин.
8. Агентлик 2019 йил 1 сентябрга қадар бўлган муддатда сотиладиган акция пакетлари (улушлари)ни баҳолаш жараёнларининг шаффофлигини, уларнинг бошланғич нархини, шунингдек савдони ташкил этиш ва ўтказиш шартларини таъминлаган ҳолда ушбу қарорнинг 1-иловасига мувофиқ ўтказиладиган хўжалик жамиятларининг устав капиталидаги давлат акция пакетлари (улушлари)ни белгиланган тартибда сотиш чораларини кўрсин.
9. Инвестициялар ва ташқи савдо вазирлиги «Ўзёғмойсаноат» уюшмаси ва Агентлик билан биргаликда ёғ-мой тармоғига корхоналарнинг узлуксиз ишлаб чиқариш фаолиятини таъминлаш учун етарли хом ашё базасига эга бўлган хорижий инвесторларни ва етакчи ёғ-мой маҳсулотлари ишлаб чиқарувчиларини жалб қилиш чораларини кўрсин.
10. Ўзбекистон Республикаси Иқтисодиёт ва саноат вазирлиги:
Агентлик, «Ўзёғмойсаноат» уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда устав жамғармасида давлат улуши мавжуд бўлган ёғ-мой тармоғи корхоналарининг бўш турган ер участкаларини инвентаризациядан ўтказсин ва уларни ихтисослашган кичик саноат зоналарини ташкил этиш учун маҳаллий давлат ҳокимияти органлари захирасига ўтказиш бўйича таклиф киритсин;
икки ой муддатда ушбу қарорнинг 2-иловасида кўрсатилган ёғ-мой корхоналарининг бўшайдиган ҳудудларида ихтисослашган кичик саноат зоналарини ташкил қилиш бўйича таклиф киритсин.
11. Қуйидагилар:
Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков — ёғ-мой тармоғига корхоналарнинг узлуксиз ишлаб чиқариш фаолиятини таъминлаш учун етарли хом ашё базасига эга бўлган хорижий инвесторларни ва етакчи ёғ-мой маҳсулотлари ишлаб чиқарувчиларини жалб қилиш;
Ўзбекистон Республикаси қишлоқ хўжалиги вазири Б.Т. Юсуповга — фермер хўжаликлари томонидан соя ва муқобил мойли ўсимликлар уруғларини етиштиришни ташкил қилиш чораларини кўриш, уларнинг ҳисобини юритиш ва уларга ҳар томонлама кўмаклашиш учун шахсий жавобгарлик юклансин.
«Ўзёғмойсаноат» уюшмаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда мавжуд хом ашё ресурсларидан, инфратузилмалар, меҳнат ресурслари ва бозор эҳтиёжидан ҳамда ҳудуддаги мавжуд қувватлардан келиб чиққан ҳолда ёғ-мой маҳсулотларини ишлаб чиқариш бўйича янги қувватларни лойиҳалаштиришда тадбиркорлик субъектларига ҳар томонлама амалий ёрдам кўрсатсин.
12. Ўзбекистон Миллий ахборот агентлиги ва Ўзбекистон Миллий телерадиокомпаниясига «Ўзёғмойсаноат» уюшмаси билан ҳамкорликда ёғ-мой саноати тармоғида амалга оширилаётган ислоҳотларни оммавий ахборот воситаларида мунтазам равишда ёритиб бориш тавсия қилинсин.
13. «Ўзёғмойсаноат» уюшмаси Ўзбекистон Республикаси Олий ва ўрта махсус таълим вазирлиги, Бандлик ва меҳнат муносабатлари вазирлиги, Қишлоқ хўжалик вазирлиги ва Инновацион ривожланиш вазирлиги билан биргаликда икки ой муддатда ёғ-мой саноати тармоғи кадрларини қайта тайёрлаш ва малакасини ошириш бўйича илмий-амалий марказни ташкил этиш чораларини кўрсин.
14. Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги, Давлат статистика қўмитаси, Давлат божхона қўмитаси бошқа манфаатдор вазирликлар ва идоралар билан биргаликда «Ўзёғмойсаноат» уюшмаси зиммасига юкланган вазифаларни сифатли ва ўз вақтида бажаришда амалий ёрдам кўрсатсин.
15. Ўзбекистон Республикаси Давлат статистика қўмитаси «Ўзёғмойсаноат» уюшмасини статистик маълумотларни мажбурий тарқатиш реестрига киритсин.
16. «Ўзёғмойсаноат» уюшмаси Тошкент шаҳри, Шота Руставели кўчаси, 8-уй манзили бўйича бепул фойдаланиш ҳуқуқи асосида жойлаштирилсин.
17. Ўзбекистон Республикаси Адлия вазирлиги «Ўзёғмойсаноат» уюшмаси ва бошқа манфаатдор идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
18. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг ўринбосарлари Б.М. Мавлонов ва Г.К. Саидова зиммасига юклансин.
Ўзбекистон Республикаси Президентининг 2019 йил 16 январдаги ПҚ-4118-сон қарорига 1-ИЛОВА
Ўзбекистон Республикаси Давлат активларини бошқариш агентлигига акция улушлари ўтказиб бериладиган хўжалик бирлашмаларининг
Т/р Корхона номи «Ўзпахтаёғ» АЖ улуши (фоизда) 1. «Турон Хожейли» АЖ 79,7 2. «Ёғгар-Беруний» АЖ 89,3 3. «Андижон ёғ-мой» АЖ 58,4 4. «Асака ёғ» АЖ 51,1 5. «Когон ёғ экстракция» АЖ 51 6. «Қарши ёғ экстракция» АЖ 51 7. «Косон ёғ экстракция» АЖ 51 8. «Сурхонозиқовқатсаноат» АЖ 59,9 9. «Каттақўрғон ёғ-мой» АЖ 64,9 10. «Учқўрғон ёғ-мой» АЖ 51,7 11. «Гулистон экстракт ёғ» АЖ 58,9 12. «Янгийўл ёғ-мой» АЖ 56,3 13. «Қўқон ёғ-мой» АЖ 51 14. «Фарғона ёғ-мой» АЖ 84,5 15. «Урганч ёғ-мой» АЖ 60,3 16. «Тошкент ёғ-мой комбинати» АЖ 56 17. «Евроснар» МЧЖ 51 18. «Нурли дон» МЧЖ 51 19. «Бўстон олами» МЧЖ 51 20. «Ванғози Агроэкспорт» МЧЖ 51 21. «Континент-Н ёғ-мой» МЧЖ 51 22. «Агрохизмат шиндон» МЧЖ ҚК 51 23. «Наманган тола текстиль» МЧЖ 51 24. «МТ Инвест-Импекс» МЧЖ 36,7 25. «Моддий-техника таъминоти базаси» МЧЖ 21,9
Ўзбекистон Республикаси Президентининг 2019 йил 16 январдаги ПҚ-4118-сон қарорига 2-ИЛОВА
Ҳудудларида кичик саноат зоналари ташкил этилиши режалаштирилаётган «Ўзпахтаёғ» АЖ ёғ-мой корхоналари рўйхати
Т/р Корхона номи Умумий ер майдони, га Шу жумладан: асосий ишлаб чиқариш объектлари ёрдамчи бино ва иншоотлар бошқа туташ ҳудудлар 1. «Андижон ёғ-мой» АЖ 12,0 7,2 1,9 2,9 2. «Асака ёғ» АЖ 12,8 7,9 4,1 0,8 3. «Когон ёғ экстракция» АЖ 15,0 7,9 3,8 3,3 4. «Қарши ёғ экстракция» АЖ 14,9 7,4 1,7 5,8 5. «Косон ёғ экстракция» АЖ 17,1 9,1 2,7 5,3 6. «Учқўрғон ёғ-мой» АЖ 15,0 10,8 1,2 3,0 7. «Каттақўрғон ёғ-мой» АЖ 26,8 15,8 3,1 7,9 8. «Сурхонозиқовқатсаноат» АЖ 17,2 14,0 2,2 1,0 9. «Гулистон экстракт ёғ» АЖ 17,1 9,1 2,1 5,9 10. «Тошкент ёғ-мой комбинати» АЖ 19,2 10,9 5,9 2,5 11. «Янгийўл ёғ-мой» АЖ 10,0 8,0 1,6 0,4 12. «Қўқон ёғ-мой» АЖ 17,2 10,8 4,1 2,3 13. «Урганч ёғ-мой» АЖ 20,9 11,2 7,2 2,5 Жами 215,2 130,0 41,6 43,6
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 16 январь,
ПҚ-4118-сон
Oʻzbekiston Respublikasi Prezidentining
Qarori
ROʻYXATI
Yogʻ-moy tarmogʻini yanada rivojlantirish boʻyicha qoʻshimcha chora-tadbirlar va sohani boshqarishda bozor mexanizmlarini joriy etish toʻgʻrisida
Mamlakatda yogʻ-moy tarmogʻini rivojlantirish, aholi ehtiyojini yanada toʻlaroq qondirish maqsadida ishlab chiqarish hajmlarini oshirish va tayyor mahsulotlar assortimentlarini koʻpaytirish boʻyicha kompleks chora-tadbirlar amalga oshirilmoqda.
Shu bilan birga, haqiqiy holat shuni koʻrsatadiki, yogʻ-moy tarmogʻini boshqarishning yagona tizimining yoʻlga qoʻyilmaganligi, ishlab chiqarilayotgan mahsulotlar sifatini nazorat qilish mexanizmining samarasizligi bilan bogʻliq muammolarning mavjudligi ilgʻor texnologiyalarni oʻzlashtirishga, investitsiyalarni jalb qilish va tarmoqning jadal rivojlanishiga salbiy taʼsir koʻrsatmoqda.
Xom ashyo bazasining chegaralanganligi oqibatida tarmoq korxonalarining ishlab chiqarish quvvatlaridan foydalanish darajasi 50 foizdan oshmaydi, bu davlat ishtirokidagi yogʻ-moy korxonalar faoliyatining samaradorligi va raqobatbardoshligining pasayishiga olib kelmoqda.
Iqtisodiyotda davlatning ishtirokini yanada qisqartirish, respublika yogʻ-moy tarmogʻining investitsiyaviy jozibadorligini oshirish va sohaga zamonaviy texnologiyalarni joriy qilish uchun sharoit yaratish maqsadida:
1. Yogʻ-moy sanoati korxonalari, “Oʻzpaxtayogʻ” AJ, Oʻzbekiston Respublikasi Iqtisodiyot va sanoat vazirligi, Moliya vazirligi, Davlat aktivlarini boshqarish agentligining (keyingi oʻrinlarda — Agentlik):
“Oʻzpaxtayogʻ” AJ negizida Oʻzbekiston Respublikasi yogʻ-moy sanoati korxonalari uyushmasini (keyingi oʻrinlarda — “Oʻzyogʻmoysanoat” uyushmasi) tashkil etish hamda unga “Oʻzpaxtayogʻ” AJga tegishli boʻlgan mol-mulk va boshqa mablagʻlarni, shuningdek debitor va kreditor qarzdorliklarni oʻtkazish, “Oʻzpaxtayogʻ” AJga tegishli xoʻjalik jamiyatlarining ustav kapitalidagi koʻchmas mulk va aksiyalar paketi (ulushi) bundan mustasno;
xoʻjalik jamiyatlarining ustav kapitalidagi “Oʻzpaxtayogʻ” AJning aksiyalar paketi (ulushi)ni 1-ilovaga muvofiq Agentlikka oʻtkazish toʻgʻrisidagi takliflariga rozilik berilsin.
2. Quyidagilar maʼlumot uchun qabul qilinsin:
ixtiyoriy ravishda aʼzo boʻlgan yogʻ-moy sanoati korxonalari va tashkilotlari “Oʻzyogʻmoysanoat” uyushmasi aʼzolari hisoblanadi;
“Oʻzyogʻmoysanoat” uyushmasi ijro apparatining tuzilmasini tasdiqlash uning taʼsischilarining umumiy yigʻilishi qarori bilan amalga oshiriladi;
“Oʻzyogʻmoysanoat” uyushmasi raisi va uning oʻrinbosarlari Oʻzbekiston Respublikasi Iqtisodiyot va sanoat vazirligining taqdimnomasiga asosan uning taʼsischilarining umumiy yigʻilishi qarori bilan saylanadi;
“Oʻzyogʻmoysanoat” uyushmasi faoliyatini joriy taʼminlash va moliyalashtirish uning aʼzolarining badallari va ajratmalari hamda qonunchilikda taqiqlanmagan boshqa manbalar hisobidan amalga oshiriladi.
3. “Oʻzyogʻmoysanoat” uyushmasining asosiy vazifalari etib quyidagilar belgilansin:
yogʻ-moy xom ashyolarini qayta ishlash va yogʻ-moy mahsulotlarini ishlab chiqarish boʻyicha yagona kompleks sifatida yogʻ-moy sanoatini rivojlantirish strategiyasini ishlab chiqish, shuningdek zamonaviy bozor munosabatlarini tarmoqqa keng joriy qilish;
“Oʻzyogʻmoysanoat” uyushmasi aʼzo — tashkilotlarining huquq va manfaatlarining himoya qilinishini taʼminlash;
ichki va tashqi bozorda marketing tadqiqotlarini tashkil qilish, tarmoqni rivojlantirishning oʻrta va uzoq muddatli dasturlarini ishlab chiqish hamda amalga oshirishda ishtirok etish, xom ashyoni chuqur qayta ishlashda va sifatli raqobatbardosh mahsulotlar ishlab chiqarishni oʻzlashtirish, ozuqa-yem bazasini kengaytirish, ichki bozorni yogʻ-moy mahsulotlari bilan toʻlaqonli taʼminlashda tarmoq korxonalariga koʻmaklashish;
yogʻ-moy mahsulotlarini ishlab chiqarish boʻyicha ilgʻor xorijiy tajribani har tomonlama oʻrganish, ishlab chiqarishni modernizatsiyalash hamda texnik jihatdan qayta jihozlashda, yuqori unumli zamonaviy innovatsion texnologiyalarni joriy etishda, mazkur maqsadlar uchun investitsiyalarni, shu jumladan toʻgʻridan-toʻgʻri xorijiy investitsiyalarni keng jalb etishda tarmoq korxonalariga koʻmaklashish;
yogʻ-moy tarmogʻining standartlashtirish va sertifikatlashtirish tizimlarini xalqaro talablar va standartlarga uygʻunlashtirish orqali uni takomillashtirish boʻyicha kompleks chora-tadbirlarni qabul qilish;
xom ashyo bazasini rivojlantirish hamda yogʻ-moy tarmogʻi tashkilotlarining moyli oʻsimlik urugʻlarini yetishtiruvchilar bilan oʻzaro munosabatlari mexanizmini takomillashtirish;
yogʻ-moy sanoati sohasida kadrlarni tayyorlashga boʻlgan real ehtiyojni va istiqbolli yoʻnalishlarni aniqlash, mutaxassislarni tayyorlash, qayta tayyorlash va malakasini oshirish boʻyicha oʻquv dasturlarini takomillashtirishda ishtirok etish, mazkur sohada ilmiy-tadqiqot ishlarini chuqurlashtirish;
tarmoqni jadal rivojlantirish va yogʻ-moy sanoatining barqaror faoliyat koʻrsatishiga toʻsqinlik qilayotgan tizimli muammolarni tahlil qilish va ularni bartaraf etish, shuningdek mazkur sohadagi qonun hujjatlarini yanada takomillashtirish boʻyicha takliflar tayyorlash.
4. Belgilansinki, 2022-yil 1-yanvarga qadar:
“Oʻzyogʻmoysanoat” uyushmasi mol-mulk soligʻi va yuridik shaxslardan olinadigan foyda soligʻi toʻlashdan ozod etiladi;
tashkilotlarning shartnomalar asosida “Oʻzyogʻmoysanoat” uyushmasiga ajratmalari yuridik shaxslar foyda soligʻining soliqqa tortiladigan bazasidan chiqariladi.
5. Korxonalar 2021-yil 1-yanvarga qadar oʻsimlik yogʻi ishlab chiqarish maqsadida TIF TN kodlari 1201 — 1207 guruhi boʻyicha import qilinadigan yogʻ-moy xom ashyosi hajmi (soya danagi, kungaboqar va boshqa moyli oʻsimliklar urugʻlari) uchun bojxona toʻlovlarini (qoʻshilgan qiymat soligʻi va bojxona rasmiylashtiruvi yigʻimlari bundan mustasno) toʻlashdan ozod qilinsin.
6. “Oʻzyogʻmoysanoat” uyushmasi tarkibiga kiradigan yogʻ-moy sanoati korxonalariga 2022-yil 1-yanvarga qadar respublikada ishlab chiqarilmaydigan, yogʻ-moy mahsulotlari ishlab chiqarishda foydalaniladigan TIF TN kodlari 2815, 3802, 3815 guruhi boʻyicha uskunalar, butlovchi buyumlar, materiallar (kaustik soda, aktivlashtirilgan tabiiy mineral mahsulotlar va katalizatorlar) importida bojxona deklaratsiyasi qabul qilingan kundan boshlab qoʻshilgan qiymat soligʻini toʻlashni 90 kunga kechiktirish imkoniyati berilsin.
Oʻzbekiston Respublikasi Moliya vazirligi, Davlat bojxona qoʻmitasi va Davlat soliq qoʻmitasi ikki oy muddatda qoʻshilgan qiymat soligʻini toʻlashni kechiktirish boʻyicha qarzdorlik summasini qoʻshilgan qiymat soligʻi yuzasidan umumiy hisob-kitobda yopishni nazarda tutuvchi “Oʻzyogʻmoysanoat” uyushmasi tarkibiga kiradigan yogʻ-moy sanoati korxonalarga qoʻshilgan qiymat soligʻini toʻlash boʻyicha kechiktirish berish tartibini ishlab chiqsin va tasdiqlasin.
7. Oʻzbekiston Respublikasining Bosh vaziri A.N. Aripov bir oy muddatda:
a) quyidagilarni nazarda tutuvchi Yogʻ-moy sanoatida amaldagi ishlab chiqarishlarni texnik va texnologik jihatdan yangilash va yangilarini tashkil etish boʻyicha investitsiya loyihalarini amalga oshirish yuzasidan “Yoʻl xaritasi”ni tasdiqlasin:
amaldagi ishlab chiqarishlarni texnik va texnologik jihatdan yangilash va yangilarini tashkil etish boʻyicha 150,0 mln. AQSH dollari miqdoridagi 37 ta investitsiya loyihalarini 2019-2020-yillarda amalga oshirish;
tayyor oʻsimlik yogʻi importini bosqichma-bosqich qisqartirish bilan bir vaqtda mavjud ishlab chiqarish quvvatlaridan foydalanishni 90 foizgacha yetkazish va yuqori qoʻshilgan qiymatli yogʻ-moy mahsulotlarini ishlab chiqarish maqsadida yogʻ-moy xom ashyolari olib kirish hajmlarini koʻpaytirish;
2021-yilga qadar respublikada muqobil moyli oʻsimliklar yetishtirish hajmlarini koʻpaytirish hisobiga yogʻ-moy xom ashyolari jamgʻarish miqdorini 100 ming tonnaga yetkazish;
2021-yilga qadar oʻsimlik yogʻi ishlab chiqarish hajmlarini 400 ming tonnagacha yetkazish;
loyiha qiymati 100 mln. AQSH dollari boʻlgan istiqbolli investitsiya loyihalarini amalga hamkorlikda oshirish uchun xorijiy investorlarni jalb qilish.
b) narxlar barqarorligini va ichki bozorning yogʻ-moy mahsulotlariga boʻlgan ehtiyojini bir maromda taʼminlash maqsadida 50 ming tonna hajmli zamonaviy yogʻ-moy xom ashyolari saqlash sigʻimlarini tashkil qilish boʻyicha “Yoʻl xaritasi”ni tasdiqlasin.
8. Agentlik 2019-yil 1-sentabrga qadar boʻlgan muddatda sotiladigan aksiya paketlari (ulushlari)ni baholash jarayonlarining shaffofligini, ularning boshlangʻich narxini, shuningdek savdoni tashkil etish va oʻtkazish shartlarini taʼminlagan holda ushbu qarorning 1-ilovasiga muvofiq oʻtkaziladigan xoʻjalik jamiyatlarining ustav kapitalidagi davlat aksiya paketlari (ulushlari)ni belgilangan tartibda sotish choralarini koʻrsin.
9. Investitsiyalar va tashqi savdo vazirligi “Oʻzyogʻmoysanoat” uyushmasi va Agentlik bilan birgalikda yogʻ-moy tarmogʻiga korxonalarning uzluksiz ishlab chiqarish faoliyatini taʼminlash uchun yetarli xom ashyo bazasiga ega boʻlgan xorijiy investorlarni va yetakchi yogʻ-moy mahsulotlari ishlab chiqaruvchilarini jalb qilish choralarini koʻrsin.
10. Oʻzbekiston Respublikasi Iqtisodiyot va sanoat vazirligi:
Agentlik, “Oʻzyogʻmoysanoat” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda ustav jamgʻarmasida davlat ulushi mavjud boʻlgan yogʻ-moy tarmogʻi korxonalarining boʻsh turgan yer uchastkalarini inventarizatsiyadan oʻtkazsin va ularni ixtisoslashgan kichik sanoat zonalarini tashkil etish uchun mahalliy davlat hokimiyati organlari zaxirasiga oʻtkazish boʻyicha taklif kiritsin;
ikki oy muddatda ushbu qarorning 2-ilovasida koʻrsatilgan yogʻ-moy korxonalarining boʻshaydigan hududlarida ixtisoslashgan kichik sanoat zonalarini tashkil qilish boʻyicha taklif kiritsin.
11. Quyidagilar:
Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov — yogʻ-moy tarmogʻiga korxonalarning uzluksiz ishlab chiqarish faoliyatini taʼminlash uchun yetarli xom ashyo bazasiga ega boʻlgan xorijiy investorlarni va yetakchi yogʻ-moy mahsulotlari ishlab chiqaruvchilarini jalb qilish;
Oʻzbekiston Respublikasi qishloq xoʻjaligi vaziri B.T. Yusupovga — fermer xoʻjaliklari tomonidan soya va muqobil moyli oʻsimliklar urugʻlarini yetishtirishni tashkil qilish choralarini koʻrish, ularning hisobini yuritish va ularga har tomonlama koʻmaklashish uchun shaxsiy javobgarlik yuklansin.
“Oʻzyogʻmoysanoat” uyushmasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mavjud xom ashyo resurslaridan, infratuzilmalar, mehnat resurslari va bozor ehtiyojidan hamda hududdagi mavjud quvvatlardan kelib chiqqan holda yogʻ-moy mahsulotlarini ishlab chiqarish boʻyicha yangi quvvatlarni loyihalashtirishda tadbirkorlik subyektlariga har tomonlama amaliy yordam koʻrsatsin.
12. Oʻzbekiston Milliy axborot agentligi va Oʻzbekiston Milliy teleradiokompaniyasiga “Oʻzyogʻmoysanoat” uyushmasi bilan hamkorlikda yogʻ-moy sanoati tarmogʻida amalga oshirilayotgan islohotlarni ommaviy axborot vositalarida muntazam ravishda yoritib borish tavsiya qilinsin.
13. “Oʻzyogʻmoysanoat” uyushmasi Oʻzbekiston Respublikasi Oliy va oʻrta maxsus taʼlim vazirligi, Bandlik va mehnat munosabatlari vazirligi, Qishloq xoʻjalik vazirligi va Innovatsion rivojlanish vazirligi bilan birgalikda ikki oy muddatda yogʻ-moy sanoati tarmogʻi kadrlarini qayta tayyorlash va malakasini oshirish boʻyicha ilmiy-amaliy markazni tashkil etish choralarini koʻrsin.
14. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, Davlat statistika qoʻmitasi, Davlat bojxona qoʻmitasi boshqa manfaatdor vazirliklar va idoralar bilan birgalikda “Oʻzyogʻmoysanoat” uyushmasi zimmasiga yuklangan vazifalarni sifatli va oʻz vaqtida bajarishda amaliy yordam koʻrsatsin.
15. Oʻzbekiston Respublikasi Davlat statistika qoʻmitasi “Oʻzyogʻmoysanoat” uyushmasini statistik maʼlumotlarni majburiy tarqatish reyestriga kiritsin.
16. “Oʻzyogʻmoysanoat” uyushmasi Toshkent shahri, Shota Rustaveli koʻchasi, 8-uy manzili boʻyicha bepul foydalanish huquqi asosida joylashtirilsin.
17. Oʻzbekiston Respublikasi Adliya vazirligi “Oʻzyogʻmoysanoat” uyushmasi va boshqa manfaatdor idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
18. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining oʻrinbosarlari B.M. Mavlonov va G.K. Saidova zimmasiga yuklansin.
Oʻzbekiston Respublikasi Prezidentining 2019-yil 16-yanvardagi PQ-4118-son qaroriga 1-ILOVA
Oʻzbekiston Respublikasi Davlat aktivlarini boshqarish agentligiga aksiya ulushlari oʻtkazib beriladigan xoʻjalik birlashmalarining
T/r Korxona nomi “Oʻzpaxtayogʻ” AJ ulushi (foizda) 1. “Turon Xojeyli” AJ 79,7 2. “Yogʻgar-Beruniy” AJ 89,3 3. “Andijon yogʻ-moy” AJ 58,4 4. “Asaka yogʻ” AJ 51,1 5. “Kogon yogʻ ekstraksiya” AJ 51 6. “Qarshi yogʻ ekstraksiya” AJ 51 7. “Koson yogʻ ekstraksiya” AJ 51 8. “Surxonoziqovqatsanoat” AJ 59,9 9. “Kattaqoʻrgʻon yogʻ-moy” AJ 64,9 10. “Uchqoʻrgʻon yogʻ-moy” AJ 51,7 11. “Guliston ekstrakt yogʻ” AJ 58,9 12. “Yangiyoʻl yogʻ-moy” AJ 56,3 13. “Qoʻqon yogʻ-moy” AJ 51 14. “Fargʻona yogʻ-moy” AJ 84,5 15. “Urganch yogʻ-moy” AJ 60,3 16. “Toshkent yogʻ-moy kombinati” AJ 56 17. “Yevrosnar” MCHJ 51 18. “Nurli don” MCHJ 51 19. “Boʻston olami” MCHJ 51 20. “Vangʻozi Agroeksport” MCHJ 51 21. “Kontinent-N yogʻ-moy” MCHJ 51 22. “Agroxizmat shindon” MCHJ QK 51 23. “Namangan tola tekstil” MCHJ 51 24. “MT Invest-Impeks” MCHJ 36,7 25. “Moddiy-texnika taʼminoti bazasi” MCHJ 21,9
Oʻzbekiston Respublikasi Prezidentining 2019-yil 16-yanvardagi PQ-4118-son qaroriga 2-ILOVA
Hududlarida kichik sanoat zonalari tashkil etilishi rejalashtirilayotgan “Oʻzpaxtayogʻ” AJ yogʻ-moy korxonalari roʻyxati
T/r Korxona nomi Umumiy yer maydoni, ga Shu jumladan: asosiy ishlab chiqarish obyektlari yordamchi bino va inshootlar boshqa tutash hududlar 1. “Andijon yogʻ-moy” AJ 12,0 7,2 1,9 2,9 2. “Asaka yogʻ” AJ 12,8 7,9 4,1 0,8 3. “Kogon yogʻ ekstraksiya” AJ 15,0 7,9 3,8 3,3 4. “Qarshi yogʻ ekstraksiya” AJ 14,9 7,4 1,7 5,8 5. “Koson yogʻ ekstraksiya” AJ 17,1 9,1 2,7 5,3 6. “Uchqoʻrgʻon yogʻ-moy” AJ 15,0 10,8 1,2 3,0 7. “Kattaqoʻrgʻon yogʻ-moy” AJ 26,8 15,8 3,1 7,9 8. “Surxonoziqovqatsanoat” AJ 17,2 14,0 2,2 1,0 9. “Guliston ekstrakt yogʻ” AJ 17,1 9,1 2,1 5,9 10. “Toshkent yogʻ-moy kombinati” AJ 19,2 10,9 5,9 2,5 11. “Yangiyoʻl yogʻ-moy” AJ 10,0 8,0 1,6 0,4 12. “Qoʻqon yogʻ-moy” AJ 17,2 10,8 4,1 2,3 13. “Urganch yogʻ-moy” AJ 20,9 11,2 7,2 2,5 Jami 215,2 130,0 41,6 43,6
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 16-yanvar,
PQ-4118-son
Президента Республики Узбекистан
Постановление
ПЕРЕЧЕНЬ
О дополнительных мерах по дальнейшему развитию масложировой отрасли и внедрению рыночных механизмов управления отраслью
В стране принимаются комплексные меры по развитию масложировой отрасли, увеличению объемов производства и расширению ассортимента готовой продукции для наиболее полноценного обеспечения потребностей населения.
Вместе с тем, фактическое положение дел в отрасли свидетельствует о наличии проблем, связанных с отсутствием единой системы управления предприятиями масложировой промышленности, неэффективностью механизмов контроля за качеством продукции, что отрицательно влияет на внедрение передовых технологий, привлечение инвестиций и развитие отрасли в целом.
Вследствие ограниченности сырьевой базы, загруженность имеющихся производственных мощностей не превышает 50 процентов, что приводит к неэффективности работы предприятий масложировой промышленности с государственным участием и снижению их конкурентоспособности.
В целях дальнейшего сокращения участия государства в экономике, повышения инвестиционной привлекательности масложировой отрасли республики и создания условий для внедрения современных технологий:
1. Согласиться с предложениями предприятий масложировой промышленности, АО «Узпахтаёг», Министерства экономики и промышленности, Министерства финансов, Агентства по управлению государственными активами Республики Узбекистан (далее — Агентство) о:
создании на базе АО «Узпахтаёг» Ассоциации предприятий масложировой промышленности Республики Узбекистан (далее — Ассоциация «Узёгмойсаноат») с передачей ей имущества и других средств, принадлежащих АО «Узпахтаёг», а также дебиторской и кредиторской задолженностей, за исключением недвижимого имущества и пакетов акций (долей) в уставных капиталах хозяйственных обществ, принадлежащих АО «Узпахтаёг»;
передаче пакетов акций (долей) АО «Узпахтаёг» в уставных капиталах хозяйственных обществ Агентству согласно приложению № 1 .
2. Принять к сведению, что:
членами Ассоциации «Узёгмойсаноат» являются предприятия и организации масложировой промышленности, вступающие на добровольной основе;
утверждение структуры исполнительного аппарата Ассоциации «Узёгмойсаноат» осуществляется решением общего собрания ее учредителей;
председатель Ассоциации «Узёгмойсаноат» и его заместители избираются решением общего собрания ее учредителей по представлению Министерства экономики и промышленности Республики Узбекистан;
текущее содержание и финансирование деятельности Ассоциации «Узёгмойсаноат» осуществляются за счет взносов и отчислений ее членов и иных источников, не запрещенных законодательством.
3. Основными задачами Ассоциации «Узёгмойсаноат» определить:
разработку стратегии развития масложировой промышленности в качестве единого комплекса по переработке масличного сырья и производству масложировой продукции, а также реализацию мер по широкому внедрению в отрасль современных рыночных механизмов;
обеспечение представления интересов и защиты прав организаций — членов Ассоциации «Узёгмойсаноат»;
организацию маркетинговых исследований внутреннего и внешних рынков, участие в разработке и реализации среднесрочных и долгосрочных программ развития отрасли, оказание содействия организациям отрасли в углубленной переработке сырья, освоении производства качественной конкурентоспособной продукции и наиболее полном насыщении ею внутреннего рынка, а также расширении кормовой базы;
всестороннее изучение передового зарубежного опыта производства масложировой продукции, оказание содействия предприятиям отрасли в модернизации и техническом перевооружении производства, внедрении современных высокопроизводительных инновационных технологий, широком привлечении для этих целей инвестиций, в том числе прямых иностранных;
принятие комплексных мер по совершенствованию системы стандартизации и сертификации в масложировой отрасли посредством ее гармонизации с международными требованиями и стандартами;
развитие сырьевой базы и дальнейшее совершенствование механизма взаимоотношений организаций масложировой отрасли с производителями масличных семян;
определение реальной потребности и перспективных направлений подготовки кадров в сфере масложировой промышленности, участие в совершенствовании учебных программ по подготовке, переподготовке и повышению квалификации специалистов, углубление научно-исследовательской работы в данной сфере;
анализ и подготовку предложений по устранению системных проблем, препятствующих ускоренному развитию отрасли и стабильному функционированию масложировой промышленности, а также по дальнейшему совершенствованию законодательства в данной сфере.
4. Установить, что сроком до 1 января 2022 года:
Ассоциация «Узёгмойсаноат» освобождается от уплаты налога на имущество, а также налога на прибыль юридических лиц;
отчисления организаций по договорам в Ассоциацию «Узёгмойсаноат» исключаются из налогооблагаемой базы по налогу на прибыль юридических лиц.
5. Освободить сроком до 1 января 2021 года предприятия от уплаты таможенных платежей (за исключением налога на добавленную стоимость и сборов за таможенное оформление) за ввозимые по импорту объемы масличного сырья по группе 1201 — 1207 кодов ТН ВЭД (бобы сои, семена подсолнечника и других масличных культур) для производства растительных масел.
6. Предоставить сроком до 1 января 2022 года предприятиям масложировой промышленности, входящим в состав Ассоциации «Узёгмойсаноат», отсрочку по уплате налога на добавленную стоимость сроком на 90 дней со дня принятия таможенной декларации при импорте оборудования, комплектующих изделий, материалов по группе 2815, 3802, 3815 кодов ТН ВЭД (каустическая сода, продукты минеральные природные активированные и катализаторы), не производимых в республике и используемых при производстве масложировой продукции.
Министерству финансов, Государственному таможенному комитету и Государственному налоговому комитету Республики Узбекистан в двухмесячный срок разработать и утвердить порядок предоставления отсрочки по уплате налога на добавленную стоимость предприятиям масложировой промышленности, входящим в состав Ассоциации «Узёгмойсаноат», предусматривающий перекрытие сумм задолженностей по данной отсрочке в общем расчете по налогу на добавленную стоимость.
7. Премьер-министру Республики Узбекистан А.Н. Арипову в месячный срок утвердить:
а) «Дорожную карту» по реализации инвестиционных проектов по техническому и технологическому обновлению действующих и созданию новых производств в масложировой отрасли, предусматривающую:
реализацию 37 инвестиционных проектов в период 2019-2020 годов по техническому и технологическому обновлению действующих и созданию новых производств на сумму 150 млн долларов США;
поэтапное сокращение импорта готового растительного масла с одновременным увеличением завоза масличного сырья в целях доведения уровня загрузки имеющихся мощностей до 90 процентов и производства масложировой продукции с высокой добавленной стоимостью;
увеличение объёмов выращивания альтернативных масличных культур в республике с доведением объёмов заготовки масличного сырья до 100 тыс. тонн в 2021 году;
доведение объемов производства растительного масла к 2021 году до 400 тыс. тонн;
привлечение иностранных инвесторов для совместной реализации перспективных инвестиционных проектов стоимостью 100 млн долларов США.
б) «Дорожную карту» по созданию современных хранилищ масличного сырья общим объёмом 50 тыс. тонн для стабилизации цен на масложировую продукцию и равномерного обеспечения потребности на внутреннем рынке.
8. Агентству в срок до 1 сентября 2019 года принять меры по реализации в установленном порядке государственных пакетов акций (долей) в уставных капиталах хозяйственных обществ, передаваемых в соответствии с приложением № 1 к настоящему постановлению, обеспечив прозрачность процессов оценки реализуемых пакетов акций (долей), определения их стартовой цены, а также условий организации и проведения торгов.
9. Министерству инвестиций и внешней торговли совместно с Ассоциацией «Узёгмойсаноат» и Агентством принять меры по привлечению в масложировую отрасль иностранных инвесторов и ведущих производителей масложировой продукции, имеющих необходимую сырьевую базу, для обеспечения бесперебойной производственной деятельности масложировых предприятий.
10. Министерству экономики и промышленности Республики Узбекистан:
совместно с Агентством, Ассоциацией «Узёгмойсаноат» и Советом Министров Республики Каракалпакстан, хокимиятами областей и г. Ташкента в месячный срок произвести инвентаризацию пустующих земельных участков предприятий масложировой отрасли с государственной долей в уставном капитале и внести предложения по их передаче в резерв органов государственной власти на местах для создания специализированных малых промышленных зон;
в двухмесячный срок внести предложения по созданию специализированных малых промышленных зон на высвобождаемых территориях масложировых предприятий, указанных в приложении № 2 к настоящему постановлению.
11. Возложить персональную ответственность на:
заместителя Премьер-министра по вопросам инвестиций и внешнеэкономических связей — министра инвестиций и внешней торговли С.У. Умурзакова — за привлечение в масложировую отрасль иностранных инвесторов и ведущих производителей масложировой продукции, имеющих необходимую сырьевую базу для обеспечения бесперебойной производственной деятельности масложировых предприятий;
министра сельского хозяйства Республики Узбекистан Б.Т. Юсупова — за проведение мероприятий по организации выращивания сои и семян альтернативных масличных культур фермерскими хозяйствами, ведение их учета и оказание им всемерного содействия.
Ассоциации «Узёгмойсаноат» совместно с Советом Министров Республики Каракалпакстан, хокимиятами областей и г. Ташкента оказывать всемерную практическую помощь субъектам предпринимательства при проектировании новых мощностей по производству масложировой продукции, исходя из наличия сырьевой базы, инфраструктуры, трудовых ресурсов и рынков сбыта, а также имеющихся производственных мощностей в регионе.
12. Рекомендовать Национальному информационному агентству Узбекистана и Национальной телерадиокомпании Узбекистана совместно с Ассоциацией «Узёгмойсаноат» регулярно освещать в средствах массовой информации осуществляемые преобразования в сфере масложировой отрасли.
13. Ассоциации «Узёгмойсаноат» совместно с Министерством высшего и среднего специального образования, Министерством занятости и трудовых отношений, Министерством сельского хозяйства и Министерством инновационного развития Республики Узбекистан в двухмесячный срок принять меры по организации научно-практического центра по переподготовке и повышению квалификации кадров в сфере масложировой отрасли.
14. Министерству сельского хозяйства, Министерству экономики и промышленности, Государственному комитету по статистике, Государственному таможенному комитету Республики Узбекистан совместно с другими заинтересованными министерствами и ведомствами оказывать Ассоциации «Узёгмойсаноат» всемерную практическую помощь в качественном и своевременном выполнении возложенных задач.
15. Государственному комитету Республики Узбекистан по статистике внести Ассоциацию «Узёгмойсаноат» в реестр обязательной рассылки статистической информации.
16. Разместить Ассоциацию «Узёгмойсаноат» по адресу: город Ташкент, улица Шота Руставели, дом 8 на праве безвозмездного пользования.
17. Министерству юстиции совместно с Ассоциацией «Узёгмойсаноат» и другими заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
18. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и заместителей советника Президента Республики Узбекистан Б.М. Мавлонова и Г.К. Саидову.
ПРИЛОЖЕНИЕ № 1 к постановлению Президента Республики Узбекистан от 18 января 2019 года № ПП-4118
хозяйственных обществ, пакеты акций которых передаются Агентству по управлению государственными активами Республики Узбекистан
№ Наименование предприятий Доля АО «Узпахтаёг» (в процентах) 1. АО «Турон Хожейли» 79,7 2. АО «Ёггар -Беруний » 89,3 3. АО « Андижон ёг-мой » 58,4 4. АО « Асака ёг » 51,1 5. АО « Когон ёг экстракция » 51 6. АО « Карши ёг экстракция » 51 7. АО « Косон ёг экстракция » 51 8. АО « Сурхонозиковкатсаноат » 59,9 9. АО « Каттакургон ёг-мой » 64,9 10. АО « Учкургон ёг-мой » 51,7 11. АО « Гулистон экстракт ёг » 58,9 12. АО « Янгийул ёг-мой » 56,3 13. АО «Кукон ёг-мой » 51 14. АО « Фаргона ёг-мой » 84,5 15. АО « Ургенч ёг-мой » 60,3 16. АО « Тошкент ёг-мой комбинати » 56 17. ООО « Евроснар » 51 18. ООО « Нурли дон » 51 19. ООО « Бустон олами » 51 20. ООО « Вангози Агроэкспорт » 51 21. ООО « Континент-Н ёг-мой » 51 22. СП ООО « Агрохизмат шиндон » 51 23. ООО « Наманган тола текстиль » 51 24. ООО «МТ Инвест-Импекс» 36,7 25. ООО «Моддий-техника таъминоти базаси» 21,9
ПРИЛОЖЕНИЕ № 2 к постановлению Президента Республики Узбекистан от 16 января 2019 года № ПП-4118
Перечень масложировых предприятий АО «Узпахтаёг», на территории которых предусматривается организация малых промышленных зон
№ Наименование предприятия Общая земельная площадь (га) В том числе земельные площади под: объекты основного производства вспомогательные здания и сооружения прочие прилегающие территории 1. АО «Андижан ёг-мой» 12,0 7,2 1,9 2,9 2. АО «Асака ёг» 12,8 7,9 4,1 0,8 3. АО «Когон ёг экстракция» 15,0 7,9 3,8 3,3 4. АО «Карши ёг экстракция» 14,9 7,4 1,7 5,8 5. АО «Косон ёг экстракция» 17,1 9,1 2,7 5,3 6. АО «Учкургон ёг-мой» 15,0 10,8 1,2 3,0 7. АО «Каттакургон ёг-мой» 26,8 15,8 3,1 7,9 8. АО «Сурхонозиковкатсаноат» 17,2 14,0 2,2 1,0 9. АО «Гулистон экстракт ёг» 17,1 9,1 2,1 5,9 10. АО «Тошкент ёг-мой комбинати» 19,2 10,9 5,9 2,5 11. АО «Янгиюль ёг-мой» 10,0 8,0 1,6 0,4 12. АО «Кукон ёг-мой» 17,2 10,8 4,1 2,3 13. АО «Урганч ёг-мой» 20,9 11,2 7,2 2,5 Всего 215,2 130,0 41,6 43,6
Президент Республики Узбекистан Ш. МИРЗИЁЕВ
г. Ташкент,
16 января 2019 г.,
№ ПП-4118