📅 2019-yil 17-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 17 января 2019 г. · Указы Президента
Официальный текст. Официальный документ. Редакционные примечания не включены.
📅 17 January 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
намунавий тузилмаси
намунавий тузилмаси
Аҳоли муаммолари билан ишлаш тизимини янада такомиллаштириш чора-тадбирлари тўғрисида
Ўзбекистон Республикаси Президентининг Халқ қабулхоналари (кейинги ўринларда Халқ қабулхоналари деб юритилади) давлат органлари билан аҳоли ўртасида очиқ мулоқотни йўлга қўйиш, долзарб муаммоларни аниқлаш, давлат органлари ва бошқа ташкилотлар томонидан мурожаатларнинг кўриб чиқилишини таъминлашда ўзига хос самарали механизмга айланди.
Халқ қабулхоналари ташкил этилиши аҳолини йиллар давомида қийнаб келган муаммоларнинг аниқланишига, уларнинг аксарияти жойида ҳал этилишига замин яратди.
Шу билан бирга, икки йил мобайнида Ўзбекистон Республикаси Президенти номига 2,5 миллиондан ортиқ мурожаатлар келиб тушганлиги, республика ишчи гуруҳлари томонидан уйма-уй юриш, ижтимоий ва бошқа объектларни ўрганиш натижасида қўшимча 1,1 миллиондан ортиқ турли муаммолар аниқланганлиги жойларда ечимини кутаётган масалалар кўплигини, айримлари ўрта ва қуйи бўғиндаги ташкилотлар даражасида ҳал этилмаётганлигини кўрсатмоқда.
Аҳолининг мурожаатлари билан ишлаш, уларни қийнаб келаётган муаммоларни аниқлаш ва бартараф этиш бўйича олиб борилаётган ишлар таҳлили эса бу йўналишда бир қатор тизимли камчиликлар мавжудлигини кўрсатди. Хусусан:
биринчидан, мурожаатлар билан ишлашнинг амалдаги тизими аҳолининг мавжуд муаммоларини тўлиқ қамраб олиш ва тезкорлик билан ҳал қилиш имконини бермаяпти;
иккинчидан, аниқланган муаммоларни тизимли таҳлил қилиш ва ҳал этишда Вазирлар Маҳкамаси, вазирлик ва идоралар, маҳаллий давлат ҳокимияти органлари, Халқ қабулхоналари ва бошқа ташкилотлар фаолиятини мувофиқлаштиришнинг ягона механизми мавжуд эмас;
учинчидан, тегишли ижтимоий-иқтисодий дастурлар лойиҳаларини ишлаб чиқишда Ўзбекистон Республикаси Президентининг Виртуал ва Халқ қабулхоналарига келиб тушаётган мурожаатлар ҳамда жойларда аниқланган бошқа муаммолар етарли даражада акс эттирилмаяпти;
тўртинчидан, Халқ қабулхоналари ходимларининг меҳнатига ҳақ тўлаш ва моддий рағбатлантиришнинг амалдаги тизими, уларнинг етарли ваколатларга эга эмаслиги иш сифати ва самарадорлигига салбий таъсир қилмоқда;
бешинчидан, жойлардаги давлат органлари ва бошқа ташкилотлар раҳбарлари аҳоли билан бевосита мулоқот қилиш ҳамда уйма-уй юриш орқали муаммоларни аниқлаш ва ҳал этишга, зиммасига юклатилган вазифаларни тўлиқ ва сифатли бажаришга етарли эътибор қаратмаяпти.
Давлат органлари ва бошқа ташкилотларнинг бевосита фуқаролар билан ишлашга ўтишини, уларнинг халққа, жумладан тадбиркорлик субъектларига яқин кўмакчи бўлишини, шунингдек Ўзбекистон Республикаси Президентининг Ўзбекистон Республикаси Олий Мажлисига Мурожаатномасида белгиланган вазифалар ижросини таъминлаш мақсадида:
1. 2019 йил 1 февралдан Халқ қабулхоналарининг аҳоли мурожаатлари билан ишлаш бўйича амалдаги тизими билан бир қаторда, Халқ қабулхоналарининг муаммоларни уйма-уй юриш орқали аниқлаш ва ҳал қилишни, давлат органларининг аҳоли билан бевосита ишлашини назарда тутувчи янги тизим жорий қилинсин.
2. Белгилаб қўйилсинки:
Халқ қабулхоналари ҳудудларни комплекс ижтимоий-иқтисодий ривожлантириш бўйича секторлар (кейинги ўринларда секторлар деб юритилади), давлат органлари ва бошқа ташкилотлар билан биргаликда уйма-уй юриш, ижтимоий ва бошқа объектларни ўрганиш орқали муаммоларни аниқлайди ҳамда ҳал қилинишини таъминлайди;
туман (шаҳар) Халқ қабулхоналари бошчилик қиладиган секторлар штаблари аъзоларидан иборат ишчи гуруҳлар ҳудудларни маҳаллалар ва хонадонлар (оилалар) кесимида таҳлил қилади, аниқланган камчилик ва муаммоларни бартараф этиш юзасидан қисқа (1 йиллик) ва ўрта муддатли манзилли тадбирлар режаларини шакллантиради;
қисқа муддатли манзилли тадбирлар режалари ижроси туман (шаҳар) ҳокимликлари, Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари, Ўзбекистон Республикаси Вазирлар Маҳкамасининг Ҳудудларни комплекс ривожлантириш ва коммунал соҳа, экология, атроф-муҳитни муҳофаза қилиш, транспорт, капитал қурилиш, қурилиш индустрияси ва мудофаа саноати масалалари комплекси (А.Раматов) томонидан таъминланади;
қисқа муддатли манзилли тадбирлар режалари ижроси тегишли Халқ қабулхоналари ва Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмалари томонидан назорат қилинади;
ўрта муддатли манзилли тадбирлар режалари, шунингдек Ўзбекистон Республикаси Президентининг Виртуал қабулхонасига келиб тушган мурожаатларда акс этган тизимли муаммолар давлат инвестиция дастурлари ҳамда ижтимоий-иқтисодий соҳадаги ҳудудий, тармоқ ва давлат дастурларини, халқаро молия институтлари иштирокида амалга ошириладиган лойиҳаларни ишлаб чиқишда инобатга олинади. Ушбу дастур ва лойиҳалар Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмалари билан келишилади;
Халқ қабулхоналари жамоатчилик вакиллари, оммавий ахборот воситалари ва бошқа ташкилотларни жалб қилган ҳолда ҳудудлардаги ижтимоий муҳитни ўрганиш, аҳоли муаммоларини ҳал қилишда очиқлик, шаффофлик ва холисликни таъминлаш чораларини кўради;
« Обод қишлоқ » ва « Обод маҳалла » дастурлари доирасида қурилиш ва ободонлаштириш ишлари амалга ошириладиган аҳоли пунктлари рўйхати Халқ қабулхоналари билан келишилган ҳолда шакллантирилади;
Халқ қабулхоналари секторлар ва ҳудуддаги ташкилотлар раҳбарлари фаолияти, мурожаатлар билан ишлаш ҳолати юзасидан тегишли халқ депутатлари Кенгашлари мажлисида муҳокама қилиш учун ҳар чоракда ахборот киритади ҳамда ушбу ахборот юзасидан мутасадди ташкилотлар раҳбарларининг ҳисоботи эшитилади;
республика даражасида ҳал этиладиган муаммолар тўғрисида маълумотлар Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси томонидан Вазирлар Маҳкамасига ҳал қилиш учун киритилади.
3. Халқ қабулхоналарига қуйидаги қўшимча вазифалар юклансин:
секторлар, давлат органлари ва бошқа ташкилотларнинг уйма-уй юриш, ижтимоий ва бошқа объектларни ўрганиш орқали ижтимоий-иқтисодий муаммоларни аниқлаш ва ҳал қилиш фаолиятини доимий равишда мувофиқлаштириб бориш;
ҳудудларда жисмоний ва юридик шахсларнинг мурожаатлари билан ишлаш, оммавий ва сайёр қабуллар ўтказиш тизимини мувофиқлаштириш ва назорат қилиш;
маҳаллалар ҳудудларининг ижтимоий-иқтисодий ҳолатини баҳолашда иштирок этиш;
ижтимоий-иқтисодий соҳадаги ҳудудий, тармоқ ва давлат дастурларини ишлаб чиқиш ва ижросини назорат қилишда иштирок этиш;
давлат органлари ва бошқа ташкилотларнинг ногиронлиги бўлган шахслар, кам таъминланган ва ижтимоий ҳимояга муҳтож аҳоли қатламларига кўмаклашиш билан боғлиқ ишларини мувофиқлаштириш;
давлат хизматлари кўрсатиш фаолиятини мувофиқлаштириш;
фаолият йўналишлари бўйича жамоат ва нодавлат нотижорат ташкилотлари, оммавий ахборот воситалари билан ҳамкорлик қилиш.
4. Шундай тартиб ўрнатилсинки, унга кўра:
Ўзбекистон Республикаси Президентининг Қорақалпоғистон Республикаси, Тошкент шаҳри ва вилоятлардаги Халқ қабулхоналари мудирлари — Ўзбекистон Республикаси Президентининг розилиги билан Ўзбекистон Республикаси Президенти Администрацияси раҳбари томонидан;
Ўзбекистон Республикаси Президентининг туман (шаҳар) Халқ қабулхоналари мудирлари — Ўзбекистон Республикаси Президенти Администрацияси раҳбари томонидан;
Халқ қабулхоналарининг бошқа ходимлари — Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмалари билан келишилган ҳолда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан лавозимга тайинланади ва лавозимдан озод этилади.
Халқ қабулхоналарининг бошқарув ходимлари Ўзбекистон Республикаси Президенти Администрациясининг ходимлари ҳисобланади.
5. Халқ қабулхоналарига қуйидаги қўшимча ҳуқуқлар берилсин:
секторлар, давлат органлари ва бошқа ташкилотларнинг уйма-уй юриш, мурожаатлар билан ишлаш, ижтимоий ва бошқа объектларда аниқланган муаммоларни ҳал қилиш борасидаги фаолиятини тизимли ўрганиш, кўриб чиқилиши мажбурий бўлган тақдимномалар киритиш, шунингдек секторлар фаолиятини баҳолашда иштирок этиш;
секторлар штаби таркибига киритилган давлат органлари ҳудудий бўлинмаларининг мансабдор шахслари ва ходимларини рағбатлантириш ёки йўл қўйилган жиддий камчиликлар учун уларни лавозимидан озод этишгача бўлган интизомий жавобгарликка тортиш бўйича юқори турувчи давлат органларига таклифлар киритиш;
давлат органлари ва бошқа ташкилотлардан фаолияти учун зарур бўлган ахборотлар ҳамда ҳужжатларни сўраш ва олиш, уларнинг мутахассисларини жалб қилиш;
давлат органлари ва бошқа ташкилотлар томонидан улар фаолияти ва кўрсатадиган хизматларига оид тартиб-қоидаларнинг аҳолига тўлиқ ва тезкор етказилишини таъминлашга қаратилган чоралар кўриш.
6. Қорақалпоғистон Республикаси, вилоятлар, Тошкент шаҳри ҳамда туманлар ва шаҳарлардаги Ўзбекистон Республикаси Президентининг Халқ қабулхоналари ходимлари меҳнатига ҳақ тўлаш разрядлари кўрсатилган янгиланган намунавий тузилмалари 1 ва 2-иловаларга мувофиқ тасдиқлансин.
Белгилансинки, 2019 йил 20 январдан Ягона тариф сеткаси бўйича меҳнатга ҳақ тўлашнинг тасдиқланган разрядларига кўра Халқ қабулхоналари барча ходимларининг лавозим маошини аниқлашда тариф коэффициентлари бир ярим баравар миқдорда қўлланилади.
Йил якунларига кўра фаолиятида юқори кўрсаткичларга эришган Халқ қабулхоналари ходимлари Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси тақдимномасига асосан маҳаллий бюджет маблағлари ва қонун ҳужжатларида тақиқланмаган бошқа манбалар ҳисобидан бир марталик пул мукофоти ва қимматбаҳо совғалар билан мукофотланади.
7. Халқ қабулхоналари бошқарув ходимларига нисбатан Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрацияси тўғрисидаги низомнинг 26-бандида назарда тутилган қоидалар татбиқ этилсин.
8. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Молия вазирлиги:
Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмалари билан биргаликда икки ҳафта муддатда Халқ қабулхоналарининг харажатлар сметаси ва штатлар жадвалини белгиланган тартибда тасдиқласин ҳамда тегишли молия органларида рўйхатдан ўтказилишини таъминласин;
мунтазам равишда чекка ва олис ҳудудларда оммавий қабуллар ўтказиш, аҳоли муаммоларини бевосита жойига чиққан ҳолда ўрганишларни ташкил этиш мақсадида уч ой муддатда барча туман (шаҳар) Халқ қабулхоналарини маҳаллий бюджет маблағлари ҳисобидан хизмат автотранспорт воситалари билан таъминласин ва уларни сақлашга лимит ажратсин.
9. Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмалари:
аҳолининг ижтимоий муаммоларини аниқлаш ва ҳал қилишга қаратилган чора-тадбирларнинг ҳудудларда амалга оширилишини, шу жумладан 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурида ижтимоий соҳани ривожлантиришнинг устувор йўналишлари бўйича белгиланган вазифаларнинг бажарилишини мувофиқлаштирсин ва назорат қилиб борсин;
Ўзбекистон Республикаси Президенти ҳузуридаги Давлат бошқаруви академияси билан биргаликда Халқ қабулхоналари ходимлари учун махсус малака ошириш курсларини ташкил этсин;
Халқ қабулхоналари кадрлари таркиби аҳоли билан бевосита ишлаш учун зарур бўлган билимга, ташкилотчилик ва таҳлил қилиш қобилиятига, шунингдек маънавий-ахлоқий ва психологик фазилатларга эга бўлган малакали мутахассислар билан тўлдирилишини таъминласин;
Ўзбекистон Республикаси Адлия вазирлиги билан биргаликда бир ой муддатда Халқ қабулхоналарининг янгиланган низоми, Халқ қабулхоналарининг секторлар, давлат органлари ва бошқа ташкилотлар билан ўзаро ҳамкорлиги тартиби, Халқ қабулхоналари фаолиятини баҳолаш тартиби ва мезонлари, маҳаллалар ҳудудлари ҳолатини «намунали», «яхши» ва «қониқарсиз» тоифаларга ажратиш мезонларини белгиловчи норматив-ҳуқуқий ҳужжатлар лойиҳаларини ишлаб чиқсин.
10. Ўзбекистон Республикаси Вазирлар Маҳкамаси:
« Обод қишлоқ », « Обод маҳалла », « Ёшлар — келажагимиз », « Ҳар бир оила — тадбиркор » ва бошқа давлат дастурлари ижроси тўғрисидаги маълумотларни ҳар чоракда Ўзбекистон Республикаси Президентининг Фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси бўлинмаларига тақдим қилиб борилишини;
уй-жой қурилиши, йўл қурилиши, электр, табиий газ, ичимлик суви, канализация ва бошқа коммунал хўжалик объектлари, ижтимоий соҳа объектларини қуриш ва таъмирлаш ҳамда бошқа давлат дастурлари, шунингдек аҳолини ижтимоий ҳимоя қилиш учун ажратилган маблағлар тўғрисидаги маълумотларни Ўзбекистон Республикаси Ягона интерактив давлат хизматлари порталида туман (шаҳар) кесимида жойлаштирилиши ва мунтазам равишда янгилаб борилишини таъминласин.
11. Ўзбекистон Республикаси Президенти ҳузуридаги Лойиҳа бошқаруви миллий агентлиги, Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор вазирлик ва идоралар билан биргаликда икки ой муддатда:
«Нudud» ахборот тизими такомиллаштирилиши ва унга барча Халқ қабулхоналари, давлат органлари ва бошқа ташкилотларнинг интеграция қилинишини ҳамда тизим фаолиятининг доимий равишда техник қўллаб-қувватлаб борилишини таъминласин;
давлат органлари ва бошқа ташкилотларнинг ҳудудий бўлимлари фаолияти ва кўрсатадиган хизматларига оид тартиб-қоидаларнинг замонавий ахборот-коммуникация технологиялари (мобил иловалар, веб-сайтлар, электрон тўлов воситалари ва бошқалар) орқали аҳолига тўлиқ ва тезкор етказилишини таъминлаш юзасидан чора-тадбирлар ишлаб чиқсин;
барча давлат органлари ва бошқа ташкилотларнинг вилоят бўлинмалари веб-сайтларини 2019 йилнинг 1 июлига қадар, туман (шаҳар) бўлинмалари веб-сайтларини 2020 йилнинг 1 январига қадар ташкил қилиш орқали фуқароларнинг ҳар бир давлат органи ҳудудий бўлинмаларига бевосита электрон мурожаат қилиш имконияти яратилишини таъминласин.
12. Ўзбекистон Миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги ва бошқа оммавий ахборот воситаларига мазкур Фармоннинг мазмун-моҳияти ҳамда унда белгиланган чора-тадбирларнинг амалга оширилишини ёритиш, шунингдек ҳудудларда аҳолини қийнаб келаётган муаммолар ҳақида доимий равишда танқидий-таҳлилий материаллар бериб бориш тавсия этилсин.
13. Ўзбекистон Республикаси Адлия вазирлиги бир ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчиси Т.А. Худайбергенов зиммасига юклансин.
Ўзбекистон Республикаси Президентининг 2019 йил 17 январдаги ПФ-5633-сон Фармонига 1-ИЛОВА
Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳридаги Халқ қабулхоналари
Т/р Лавозимнинг номланиши Штат бирликлари сони Разряд Гуруҳдан ташқари 1-гуруҳ 2-гуруҳ 3-гуруҳ 1. Мудир 1 19 18 17 16 2. Бош мутахассис 1 14 13 12 11 3. Етакчи мутахассис 1 13 12 11 10 4. Мутахассис 2 12 11 10 9 5. Референт 1 8 8 8 8 6. Хўжалик ишлари мудири 1 7 7 7 7
Ўзбекистон Республикаси Президентининг 2019 йил 17 январдаги ПФ-5633-сон Фармонига 2-ИЛОВА
Ўзбекистон Республикаси Президентининг туманлар ва шаҳарлардаги Халқ қабулхоналари
Т/р Лавозимнинг номланиши Штат бирликлари сони Разряд 1-гуруҳ 2-гуруҳ 1. Мудир 1 15 14 2. Етакчи мутахассис 1 11 10 3. Мутахассис * 1-2 10 9
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 17 январь,
ПФ-5633-сон
Oʻzbekiston Respublikasi Prezidentining
Farmoni
namunaviy tuzilmasi
namunaviy tuzilmasi
Aholi muammolari bilan ishlash tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining Xalq qabulxonalari (keyingi oʻrinlarda Xalq qabulxonalari deb yuritiladi) davlat organlari bilan aholi oʻrtasida ochiq muloqotni yoʻlga qoʻyish, dolzarb muammolarni aniqlash, davlat organlari va boshqa tashkilotlar tomonidan murojaatlarning koʻrib chiqilishini taʼminlashda oʻziga xos samarali mexanizmga aylandi.
Xalq qabulxonalari tashkil etilishi aholini yillar davomida qiynab kelgan muammolarning aniqlanishiga, ularning aksariyati joyida hal etilishiga zamin yaratdi.
Shu bilan birga, ikki yil mobaynida Oʻzbekiston Respublikasi Prezidenti nomiga 2,5 milliondan ortiq murojaatlar kelib tushganligi, respublika ishchi guruhlari tomonidan uyma-uy yurish, ijtimoiy va boshqa obyektlarni oʻrganish natijasida qoʻshimcha 1,1 milliondan ortiq turli muammolar aniqlanganligi joylarda yechimini kutayotgan masalalar koʻpligini, ayrimlari oʻrta va quyi boʻgʻindagi tashkilotlar darajasida hal etilmayotganligini koʻrsatmoqda.
Aholining murojaatlari bilan ishlash, ularni qiynab kelayotgan muammolarni aniqlash va bartaraf etish boʻyicha olib borilayotgan ishlar tahlili esa bu yoʻnalishda bir qator tizimli kamchiliklar mavjudligini koʻrsatdi. Xususan:
birinchidan, murojaatlar bilan ishlashning amaldagi tizimi aholining mavjud muammolarini toʻliq qamrab olish va tezkorlik bilan hal qilish imkonini bermayapti;
ikkinchidan, aniqlangan muammolarni tizimli tahlil qilish va hal etishda Vazirlar Mahkamasi, vazirlik va idoralar, mahalliy davlat hokimiyati organlari, Xalq qabulxonalari va boshqa tashkilotlar faoliyatini muvofiqlashtirishning yagona mexanizmi mavjud emas;
uchinchidan, tegishli ijtimoiy-iqtisodiy dasturlar loyihalarini ishlab chiqishda Oʻzbekiston Respublikasi Prezidentining Virtual va Xalq qabulxonalariga kelib tushayotgan murojaatlar hamda joylarda aniqlangan boshqa muammolar yetarli darajada aks ettirilmayapti;
toʻrtinchidan, Xalq qabulxonalari xodimlarining mehnatiga haq toʻlash va moddiy ragʻbatlantirishning amaldagi tizimi, ularning yetarli vakolatlarga ega emasligi ish sifati va samaradorligiga salbiy taʼsir qilmoqda;
beshinchidan, joylardagi davlat organlari va boshqa tashkilotlar rahbarlari aholi bilan bevosita muloqot qilish hamda uyma-uy yurish orqali muammolarni aniqlash va hal etishga, zimmasiga yuklatilgan vazifalarni toʻliq va sifatli bajarishga yetarli eʼtibor qaratmayapti.
Davlat organlari va boshqa tashkilotlarning bevosita fuqarolar bilan ishlashga oʻtishini, ularning xalqqa, jumladan tadbirkorlik subyektlariga yaqin koʻmakchi boʻlishini, shuningdek Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomasida belgilangan vazifalar ijrosini taʼminlash maqsadida:
1. 2019-yil 1-fevraldan Xalq qabulxonalarining aholi murojaatlari bilan ishlash boʻyicha amaldagi tizimi bilan bir qatorda, Xalq qabulxonalarining muammolarni uyma-uy yurish orqali aniqlash va hal qilishni, davlat organlarining aholi bilan bevosita ishlashini nazarda tutuvchi yangi tizim joriy qilinsin.
2. Belgilab qoʻyilsinki:
Xalq qabulxonalari hududlarni kompleks ijtimoiy-iqtisodiy rivojlantirish boʻyicha sektorlar (keyingi oʻrinlarda sektorlar deb yuritiladi), davlat organlari va boshqa tashkilotlar bilan birgalikda uyma-uy yurish, ijtimoiy va boshqa obyektlarni oʻrganish orqali muammolarni aniqlaydi hamda hal qilinishini taʼminlaydi;
tuman (shahar) Xalq qabulxonalari boshchilik qiladigan sektorlar shtablari aʼzolaridan iborat ishchi guruhlar hududlarni mahallalar va xonadonlar (oilalar) kesimida tahlil qiladi, aniqlangan kamchilik va muammolarni bartaraf etish yuzasidan qisqa (1 yillik) va oʻrta muddatli manzilli tadbirlar rejalarini shakllantiradi;
qisqa muddatli manzilli tadbirlar rejalari ijrosi tuman (shahar) hokimliklari, Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari, Oʻzbekiston Respublikasi Vazirlar Mahkamasining Hududlarni kompleks rivojlantirish va kommunal soha, ekologiya, atrof-muhitni muhofaza qilish, transport, kapital qurilish, qurilish industriyasi va mudofaa sanoati masalalari kompleksi (A.Ramatov) tomonidan taʼminlanadi;
qisqa muddatli manzilli tadbirlar rejalari ijrosi tegishli Xalq qabulxonalari va Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalari tomonidan nazorat qilinadi;
oʻrta muddatli manzilli tadbirlar rejalari, shuningdek Oʻzbekiston Respublikasi Prezidentining Virtual qabulxonasiga kelib tushgan murojaatlarda aks etgan tizimli muammolar davlat investitsiya dasturlari hamda ijtimoiy-iqtisodiy sohadagi hududiy, tarmoq va davlat dasturlarini, xalqaro moliya institutlari ishtirokida amalga oshiriladigan loyihalarni ishlab chiqishda inobatga olinadi. Ushbu dastur va loyihalar Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalari bilan kelishiladi;
Xalq qabulxonalari jamoatchilik vakillari, ommaviy axborot vositalari va boshqa tashkilotlarni jalb qilgan holda hududlardagi ijtimoiy muhitni oʻrganish, aholi muammolarini hal qilishda ochiqlik, shaffoflik va xolislikni taʼminlash choralarini koʻradi;
“ Obod qishloq ” va “ Obod mahalla ” dasturlari doirasida qurilish va obodonlashtirish ishlari amalga oshiriladigan aholi punktlari roʻyxati Xalq qabulxonalari bilan kelishilgan holda shakllantiriladi;
Xalq qabulxonalari sektorlar va hududdagi tashkilotlar rahbarlari faoliyati, murojaatlar bilan ishlash holati yuzasidan tegishli xalq deputatlari Kengashlari majlisida muhokama qilish uchun har chorakda axborot kiritadi hamda ushbu axborot yuzasidan mutasaddi tashkilotlar rahbarlarining hisoboti eshitiladi;
respublika darajasida hal etiladigan muammolar toʻgʻrisida maʼlumotlar Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi tomonidan Vazirlar Mahkamasiga hal qilish uchun kiritiladi.
3. Xalq qabulxonalariga quyidagi qoʻshimcha vazifalar yuklansin:
sektorlar, davlat organlari va boshqa tashkilotlarning uyma-uy yurish, ijtimoiy va boshqa obyektlarni oʻrganish orqali ijtimoiy-iqtisodiy muammolarni aniqlash va hal qilish faoliyatini doimiy ravishda muvofiqlashtirib borish;
hududlarda jismoniy va yuridik shaxslarning murojaatlari bilan ishlash, ommaviy va sayyor qabullar oʻtkazish tizimini muvofiqlashtirish va nazorat qilish;
mahallalar hududlarining ijtimoiy-iqtisodiy holatini baholashda ishtirok etish;
ijtimoiy-iqtisodiy sohadagi hududiy, tarmoq va davlat dasturlarini ishlab chiqish va ijrosini nazorat qilishda ishtirok etish;
davlat organlari va boshqa tashkilotlarning nogironligi boʻlgan shaxslar, kam taʼminlangan va ijtimoiy himoyaga muhtoj aholi qatlamlariga koʻmaklashish bilan bogʻliq ishlarini muvofiqlashtirish;
davlat xizmatlari koʻrsatish faoliyatini muvofiqlashtirish;
faoliyat yoʻnalishlari boʻyicha jamoat va nodavlat notijorat tashkilotlari, ommaviy axborot vositalari bilan hamkorlik qilish.
4. Shunday tartib oʻrnatilsinki, unga koʻra:
Oʻzbekiston Respublikasi Prezidentining Qoraqalpogʻiston Respublikasi, Toshkent shahri va viloyatlardagi Xalq qabulxonalari mudirlari — Oʻzbekiston Respublikasi Prezidentining roziligi bilan Oʻzbekiston Respublikasi Prezidenti Administratsiyasi rahbari tomonidan;
Oʻzbekiston Respublikasi Prezidentining tuman (shahar) Xalq qabulxonalari mudirlari — Oʻzbekiston Respublikasi Prezidenti Administratsiyasi rahbari tomonidan;
Xalq qabulxonalarining boshqa xodimlari — Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalari bilan kelishilgan holda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan lavozimga tayinlanadi va lavozimdan ozod etiladi.
Xalq qabulxonalarining boshqaruv xodimlari Oʻzbekiston Respublikasi Prezidenti Administratsiyasining xodimlari hisoblanadi.
5. Xalq qabulxonalariga quyidagi qoʻshimcha huquqlar berilsin:
sektorlar, davlat organlari va boshqa tashkilotlarning uyma-uy yurish, murojaatlar bilan ishlash, ijtimoiy va boshqa obyektlarda aniqlangan muammolarni hal qilish borasidagi faoliyatini tizimli oʻrganish, koʻrib chiqilishi majburiy boʻlgan taqdimnomalar kiritish, shuningdek sektorlar faoliyatini baholashda ishtirok etish;
sektorlar shtabi tarkibiga kiritilgan davlat organlari hududiy boʻlinmalarining mansabdor shaxslari va xodimlarini ragʻbatlantirish yoki yoʻl qoʻyilgan jiddiy kamchiliklar uchun ularni lavozimidan ozod etishgacha boʻlgan intizomiy javobgarlikka tortish boʻyicha yuqori turuvchi davlat organlariga takliflar kiritish;
davlat organlari va boshqa tashkilotlardan faoliyati uchun zarur boʻlgan axborotlar hamda hujjatlarni soʻrash va olish, ularning mutaxassislarini jalb qilish;
davlat organlari va boshqa tashkilotlar tomonidan ular faoliyati va koʻrsatadigan xizmatlariga oid tartib-qoidalarning aholiga toʻliq va tezkor yetkazilishini taʼminlashga qaratilgan choralar koʻrish.
6. Qoraqalpogʻiston Respublikasi, viloyatlar, Toshkent shahri hamda tumanlar va shaharlardagi Oʻzbekiston Respublikasi Prezidentining Xalq qabulxonalari xodimlari mehnatiga haq toʻlash razryadlari koʻrsatilgan yangilangan namunaviy tuzilmalari 1 va 2-ilovalarga muvofiq tasdiqlansin.
Belgilansinki, 2019-yil 20-yanvardan Yagona tarif setkasi boʻyicha mehnatga haq toʻlashning tasdiqlangan razryadlariga koʻra Xalq qabulxonalari barcha xodimlarining lavozim maoshini aniqlashda tarif koeffitsiyentlari bir yarim baravar miqdorda qoʻllaniladi.
Yil yakunlariga koʻra faoliyatida yuqori koʻrsatkichlarga erishgan Xalq qabulxonalari xodimlari Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi taqdimnomasiga asosan mahalliy budjet mablagʻlari va qonun hujjatlarida taqiqlanmagan boshqa manbalar hisobidan bir martalik pul mukofoti va qimmatbaho sovgʻalar bilan mukofotlanadi.
7. Xalq qabulxonalari boshqaruv xodimlariga nisbatan Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasi toʻgʻrisidagi nizomning 26-bandida nazarda tutilgan qoidalar tatbiq etilsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Moliya vazirligi:
Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalari bilan birgalikda ikki hafta muddatda Xalq qabulxonalarining xarajatlar smetasi va shtatlar jadvalini belgilangan tartibda tasdiqlasin hamda tegishli moliya organlarida roʻyxatdan oʻtkazilishini taʼminlasin;
muntazam ravishda chekka va olis hududlarda ommaviy qabullar oʻtkazish, aholi muammolarini bevosita joyiga chiqqan holda oʻrganishlarni tashkil etish maqsadida uch oy muddatda barcha tuman (shahar) Xalq qabulxonalarini mahalliy budjet mablagʻlari hisobidan xizmat avtotransport vositalari bilan taʼminlasin va ularni saqlashga limit ajratsin.
9. Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalari:
aholining ijtimoiy muammolarini aniqlash va hal qilishga qaratilgan chora-tadbirlarning hududlarda amalga oshirilishini, shu jumladan 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida ijtimoiy sohani rivojlantirishning ustuvor yoʻnalishlari boʻyicha belgilangan vazifalarning bajarilishini muvofiqlashtirsin va nazorat qilib borsin;
Oʻzbekiston Respublikasi Prezidenti huzuridagi Davlat boshqaruvi akademiyasi bilan birgalikda Xalq qabulxonalari xodimlari uchun maxsus malaka oshirish kurslarini tashkil etsin;
Xalq qabulxonalari kadrlari tarkibi aholi bilan bevosita ishlash uchun zarur boʻlgan bilimga, tashkilotchilik va tahlil qilish qobiliyatiga, shuningdek maʼnaviy-axloqiy va psixologik fazilatlarga ega boʻlgan malakali mutaxassislar bilan toʻldirilishini taʼminlasin;
Oʻzbekiston Respublikasi Adliya vazirligi bilan birgalikda bir oy muddatda Xalq qabulxonalarining yangilangan nizomi, Xalq qabulxonalarining sektorlar, davlat organlari va boshqa tashkilotlar bilan oʻzaro hamkorligi tartibi, Xalq qabulxonalari faoliyatini baholash tartibi va mezonlari, mahallalar hududlari holatini “namunali”, “yaxshi” va “qoniqarsiz” toifalarga ajratish mezonlarini belgilovchi normativ-huquqiy hujjatlar loyihalarini ishlab chiqsin.
10. Oʻzbekiston Respublikasi Vazirlar Mahkamasi:
“ Obod qishloq ”, “ Obod mahalla ”, “ Yoshlar — kelajagimiz ”, “ Har bir oila — tadbirkor ” va boshqa davlat dasturlari ijrosi toʻgʻrisidagi maʼlumotlarni har chorakda Oʻzbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari boʻyicha maslahatchisi boʻlinmalariga taqdim qilib borilishini;
uy-joy qurilishi, yoʻl qurilishi, elektr, tabiiy gaz, ichimlik suvi, kanalizatsiya va boshqa kommunal xoʻjalik obyektlari, ijtimoiy soha obyektlarini qurish va taʼmirlash hamda boshqa davlat dasturlari, shuningdek aholini ijtimoiy himoya qilish uchun ajratilgan mablagʻlar toʻgʻrisidagi maʼlumotlarni Oʻzbekiston Respublikasi Yagona interaktiv davlat xizmatlari portalida tuman (shahar) kesimida joylashtirilishi va muntazam ravishda yangilab borilishini taʼminlasin.
11. Oʻzbekiston Respublikasi Prezidenti huzuridagi Loyiha boshqaruvi milliy agentligi, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor vazirlik va idoralar bilan birgalikda ikki oy muddatda:
“Nudud” axborot tizimi takomillashtirilishi va unga barcha Xalq qabulxonalari, davlat organlari va boshqa tashkilotlarning integratsiya qilinishini hamda tizim faoliyatining doimiy ravishda texnik qoʻllab-quvvatlab borilishini taʼminlasin;
davlat organlari va boshqa tashkilotlarning hududiy boʻlimlari faoliyati va koʻrsatadigan xizmatlariga oid tartib-qoidalarning zamonaviy axborot-kommunikatsiya texnologiyalari (mobil ilovalar, veb-saytlar, elektron toʻlov vositalari va boshqalar) orqali aholiga toʻliq va tezkor yetkazilishini taʼminlash yuzasidan chora-tadbirlar ishlab chiqsin;
barcha davlat organlari va boshqa tashkilotlarning viloyat boʻlinmalari veb-saytlarini 2019-yilning 1-iyuliga qadar, tuman (shahar) boʻlinmalari veb-saytlarini 2020-yilning 1-yanvariga qadar tashkil qilish orqali fuqarolarning har bir davlat organi hududiy boʻlinmalariga bevosita elektron murojaat qilish imkoniyati yaratilishini taʼminlasin.
12. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi va boshqa ommaviy axborot vositalariga mazkur Farmonning mazmun-mohiyati hamda unda belgilangan chora-tadbirlarning amalga oshirilishini yoritish, shuningdek hududlarda aholini qiynab kelayotgan muammolar haqida doimiy ravishda tanqidiy-tahliliy materiallar berib borish tavsiya etilsin.
13. Oʻzbekiston Respublikasi Adliya vazirligi bir oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisi T.A. Xudaybergenov zimmasiga yuklansin.
Oʻzbekiston Respublikasi Prezidentining 2019-yil 17-yanvardagi PF-5633-son Farmoniga 1-ILOVA
Oʻzbekiston Respublikasi Prezidentining Qoraqalpogʻiston Respublikasi, viloyatlar va Toshkent shahridagi Xalq qabulxonalari
T/r Lavozimning nomlanishi Shtat birliklari soni Razryad Guruhdan tashqari 1-guruh 2-guruh 3-guruh 1. Mudir 1 19 18 17 16 2. Bosh mutaxassis 1 14 13 12 11 3. Yetakchi mutaxassis 1 13 12 11 10 4. Mutaxassis 2 12 11 10 9 5. Referent 1 8 8 8 8 6. Xoʻjalik ishlari mudiri 1 7 7 7 7
Oʻzbekiston Respublikasi Prezidentining 2019-yil 17-yanvardagi PF-5633-son Farmoniga 2-ILOVA
Oʻzbekiston Respublikasi Prezidentining tumanlar va shaharlardagi Xalq qabulxonalari
T/r Lavozimning nomlanishi Shtat birliklari soni Razryad 1-guruh 2-guruh 1. Mudir 1 15 14 2. Yetakchi mutaxassis 1 11 10 3. Mutaxassis * 1-2 10 9
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 17-yanvar,
PF-5633-son
Президента Республики Узбекистан
Указ
Типовая структура
Типовая структура
О мерах по дальнейшему совершенствованию системы работы с проблемами населения
Народные приемные Президента Республики Узбекистан (далее — Народные приемные) превратились в уникальный и эффективный механизм налаживания открытого диалога между государственными органами и населением, выявления актуальных проблем, обеспечения рассмотрения обращений государственными органами и иными организациями.
Организация Народных приемных создала условия для выявления вопросов, долгие годы волновавших население, решения большинства из них на месте.
Вместе с тем тот факт, что в течение двух лет на имя Президента Республики Узбекистан поступило более 2,5 миллиона обращений, а также республиканскими рабочими группами в ходе подворных обходов, в результате изучения социальных и других объектов выявлено еще свыше 1,1 миллиона различных проблем, свидетельствует о наличии на местах большого количества ожидающих своего решения вопросов, многие из которых не решаются на уровне организаций среднего и нижнего звеньев.
Анализ деятельности по работе с обращениями народа, обнаружению и решению волнующих его проблем показал наличие ряда системных недостатков в этом направлении. В частности:
во-первых, действующая система работы с обращениями не позволяет полностью охватить и оперативно решить имеющиеся проблемы населения;
во-вторых, отсутствует единый механизм координации деятельности Кабинета Министров, министерств и ведомств, органов государственной власти на местах, Народных приемных и иных организаций в сфере системного анализа и решения выявленных проблем;
в-третьих, при разработке проектов соответствующих социально-экономических программ не в достаточной степени отражаются обращения, поступающие в Виртуальную и Народные приемные Президента Республики Узбекистан, а также другие выявляемые на местах проблемы;
в-четвертых, действующая система оплаты труда и материального стимулирования работников Народных приемных, отсутствие у них достаточных полномочий отрицательно влияют на качество и эффективность деятельности;
в-пятых, руководителями государственных органов и иных организаций на местах не уделяется должное внимание непосредственному диалогу с населением, а также выявлению и решению проблем путем подворных обходов, полному и качественному выполнению возложенных на них задач.
В целях обеспечения перехода государственных органов и иных организаций на непосредственную работу с гражданами, их становления надежной опорой народа, в том числе субъектов предпринимательства, а также исполнения задач, определенных в Послании Президента Республики Узбекистан Олий Мажлису Республики Узбекистан:
1. Ввести с 1 февраля 2019 года наряду с действующей системой работы Народных приемных с обращениями населения новую систему, предусматривающую выявление и решение Народными приемными проблем путем подворного обхода, непосредственную работу государственных органов с населением.
2. Установить, что:
Народные приемные совместно с секторами по комплексному социально-экономическому развитию территорий (далее — секторы), государственными органами и иными организациями выявляют проблемы путем подворного обхода, изучения социальных и других объектов, а также обеспечивают их решение;
возглавляемые районными (городскими) Народными приемными рабочие группы, состоящие из членов штабов секторов, анализируют территории в разрезе махаллей и домов (семей), формируют краткосрочные (на 1 год) и среднесрочные адресные планы мероприятий по устранению выявленных недостатков и проблем;
исполнение краткосрочных адресных планов мероприятий обеспечивается хокимиятами районов (городов), Советом Министров Республики Каракалпакстан, хокимиятами города Ташкента и областей, Комплексом по вопросам комплексного развития территорий и коммунальной сферы, экологии, охраны окружающей среды, транспорта, капитального строительства, стройиндустрии и оборонной промышленности Кабинета Министров Республики Узбекистан (А. Раматов);
контроль за исполнением краткосрочных адресных планов мероприятий осуществляется соответствующими Народными приемными и подразделениями советника Президента Республики Узбекистан по вопросам защиты прав граждан, контроля и координации работы с обращениями;
среднесрочные адресные планы мероприятий, а также системные проблемы, изложенные в поступивших в Виртуальную приемную Президента Республики Узбекистан обращениях, учитываются при разработке государственных инвестиционных программ, региональных, отраслевых и государственных программ в социально-экономической сфере, проектов, реализуемых с участием международных финансовых институтов. Эти программы и проекты согласовываются с подразделениями советника Президента Республики Узбекистан по вопросам защиты прав граждан, контроля и координации работы с обращениями граждан;
Народные приемные с привлечением представителей общественности, средств массовой информации и иных организаций принимают меры по обеспечению открытости, прозрачности и беспристрастности при изучении социальной обстановки в регионах, решении проблем населения;
перечни населенных пунктов, в которых будут осуществлены работы по строительству и благоустройству в рамках программ « Обод кишлок » и « Обод махалла », формируются по согласованию с Народными приемными;
Народные приемные ежеквартально вносят для обсуждения на заседании соответствующего Кенгаша народных депутатов информацию о деятельности руководителей секторов и территориальных организаций, состоянии их работы с обращениями, по данной информации заслушиваются отчеты руководителей ответственных организаций;
информация о проблемах, подлежащих решению на республиканском уровне, вносится советником Президента Республики Узбекистан по вопросам защиты прав граждан, контроля и координации работы с обращениями в Кабинет Министров для их решения.
3. Возложить на Народные приемные следующие дополнительные задачи:
координацию на постоянной основе деятельности секторов, государственных органов и иных организаций по выявлению социально-экономических проблем путем подворного обхода, изучения социальных и других объектов, а также их решению;
координацию и контроль в регионах системы работы с обращениями физических и юридических лиц, проведения публичных и выездных приемов;
участие в оценке социально-экономического состояния территорий махаллей;
участие в разработке и контроле за исполнением региональных, отраслевых и государственных программ в социально-экономической сфере;
координацию работы государственных органов и иных организаций, связанной с содействием лицам с инвалидностью, малообеспеченным и социально уязвимым слоям населения;
координацию деятельности по оказанию государственных услуг;
осуществление взаимодействия с общественными и негосударственными некоммерческими организациями, средствами массовой информации по направлениям своей деятельности.
4. Установить порядок, в соответствии с которым назначаются на должность и освобождаются от должности:
заведующие Народными приемными Президента Республики Узбекистан в Республике Каракалпакстан, городе Ташкенте и областях — руководителем Администрации Президента Республики Узбекистан с согласия Президента Республики Узбекистан;
заведующие районными (городскими) Народными приемными Президента Республики Узбекистан — руководителем Администрации Президента Республики Узбекистан;
другие работники Народных приемных — Председателем Совета Министров Республики Каракалпакстан, хокимами областей и города Ташкента по согласованию с подразделениями советника Президента Республики Узбекистан по вопросам защиты прав граждан, контроля и координации работы с обращениями.
Работники управленческого персонала Народных приемных считаются работниками Администрации Президента Республики Узбекистан.
5. Предоставить Народным приемным следующие дополнительные права:
на системной основе проводить изучения деятельности секторов, государственных органов и иных организаций по подворному обходу, работе с обращениями, решению проблем, выявленных на социальных и других объектах, вносить обязательные для рассмотрения представления, а также участвовать в оценке деятельности секторов;
вносить в вышестоящие государственные органы предложения о поощрении должностных лиц и работников территориальных подразделений государственных органов, включенных в состав штаба секторов, или привлечении их к дисциплинарной ответственности за допущенные серьезные недостатки вплоть до освобождения от занимаемой должности;
запрашивать и получать от государственных органов и иных организаций необходимую для своей деятельности информацию, привлекать их специалистов;
принимать меры по обеспечению полного и оперативного доведения до населения информации о своей деятельности, порядке и правилах оказываемых услуг государственными органами и иными организациями.
6. Утвердить обновленные типовые структуры с разрядами оплаты труда работников Народных приемных Президента Республики Узбекистан в Республике Каракалпакстан, областях, городе Ташкенте, районах и городах согласно приложениям №№ 1 и 2 .
Определить, что с 20 января 2019 года при определении должностного оклада всех работников Народных приемных по утвержденным разрядам по оплате труда по Единой тарифной сетке тарифный коэффициент применяется в полуторакратном размере.
Работники Народных приемных, достигшие высоких результатов по итогам года, на основании представления советника Президента Республики Узбекистан по вопросам защиты прав граждан, контроля и координации работы с обращениями награждаются единовременным денежным вознаграждением и ценными подарками за счет средств местных бюджетов и других источников, не запрещенных законодательством.
7. Распространить на работников Народных приемных положения, предусмотренные в пункте 26 Положения об Администрации Президента Республики Узбекистан, утвержденного Указом Президента Республики Узбекистан от 26 августа 2018 года № УП-5519.
8. Совету Министров Республики Каракалпакстан, хокимиятам областей и города Ташкента, Министерству финансов Республики Узбекистан:
совместно с подразделениями советника Президента Республики Узбекистан по вопросам защиты прав граждан, контроля и координации работы с обращениями в двухнедельный срок утвердить в установленном порядке и обеспечить регистрацию в соответствующих финансовых органах сметы расходов и штатного расписания Народных приемных;
для регулярного проведения публичных приемов в отдаленных районах, организации изучения проблем населения непосредственно с выездом на места в трехмесячный срок обеспечить все районные (городские) Народные приемные служебными автотранспортными средствами за счет средств местных бюджетов и выделить лимиты на их содержание.
9. Подразделениям советника Президента Республики Узбекистан по вопросам защиты прав граждан, контроля и координации работы с обращениями:
осуществлять координацию и контроль за реализацией принимаемых в регионах мер по выявлению и решению социальных проблем населения, а также исполнением задач по приоритетным направлениям развития социальной сферы, определенным в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»;
организовать совместно с Академией государственного управления при Президенте Республики Узбекистан специальные курсы повышения квалификации для работников Народных приемных;
обеспечить укомплектование Народных приемных квалифицированными специалистами, обладающими необходимыми для непосредственной работы с населением знаниями, организаторскими и аналитическими способностями, а также высокими моральными и психологическими качествами;
совместно с Министерством юстиции Республики Узбекистан в месячный срок разработать обновленное Положение о Народных приемных, проекты нормативно-правовых актов, определяющих порядок взаимодействия Народных приемных с секторами, государственными органами и иными организациями, порядок и критерии оценки деятельности Народных приемных, критерии классификации состояния территорий махаллей по категориям «образцово», «хорошо» и «неудовлетворительно».
10. Кабинету Министров Республики Узбекистан обеспечить:
ежеквартальное предоставление информации об исполнении государственных программ « Обод кишлок », « Обод махалла », « Ёшлар — келажагимиз », « Каждая семья — предприниматель » и других подразделениям советника Президента Республики Узбекистан по вопросам защиты прав граждан, контроля и координации работы с обращениями;
размещение данных о выделенных в рамках государственных программ средствах на строительство жилья, дорог, возведение и ремонт объектов электро- и газоснабжения, канализации и других объектов коммунального хозяйства, а также на социальную защиту населения на Едином портале интерактивных государственных услуг в разрезе районов (городов) и их регулярное обновление.
11. Национальному агентству проектного управления при Президенте Республики Узбекистан, Министерству по развитию информационных технологий и коммуникаций Республики Узбекистан совместно с заинтересованными министерствами и ведомствами в двухмесячный срок:
обеспечить совершенствование информационной системы «Нudud» и ее интеграцию со всеми Народными приемными, государственными органами и иными организациями, а также постоянное техническое сопровождение деятельности системы;
разработать меры по обеспечению полного и оперативного доведения до населения информации о деятельности, порядке и правилах получения услуг территориальных подразделений государственных органов и иных организаций посредством современных информационно-коммуникационных технологий (мобильных приложений, веб-сайтов, средств электронного платежа и других);
обеспечить создание возможности для направления гражданами электронного обращения непосредственно в территориальные подразделения каждого государственного органа путем создания до 1 июля 2019 года веб-сайтов областных отделений, до 1 января 2020 года — веб-сайтов районных (городских) отделений всех государственных органов.
12. Рекомендовать Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана и другим средствам массовой информации освещать суть и значение настоящего Указа и реализацию предусмотренных в нем мер, а также выпуск критически-аналитических материалов о проблемах, волнующих жителей регионов.
13. Министерству юстиции Республики Узбекистан в месячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
14. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и советника Президента Республики Узбекистан Т.А. Худайбергенова.
ПРИЛОЖЕНИЕ № 1 к Указу Президента Республики Узбекистан от 17 января 2019 года № УП-5633
Народных приемных Президента Республики Узбекистан в Республике Каракалпакстан, областях и городе Ташкенте
№ Наименование должности Количество штатных единиц Разряд Вне группы 1-я группа 2-я группа 3-я группа 1. Заведующий 1 19 18 17 16 2. Главный специалист 1 14 13 12 11 3. Ведущий специалист 1 13 12 11 10 4. Специалист 2 12 11 10 9 5. Референт 1 8 8 8 8 6. Заведующий по хозяйственным вопросам 1 7 7 7 7
ПРИЛОЖЕНИЕ № 2 к Указу Президента Республики Узбекистан от 17 января 2019 года № УП-5633
Народных приемных Президента Республики Узбекистан в районах и городах
№ Наименование должности Количество штатных единиц Разряд 1-я группа 2-я группа 1. Заведующий 1 15 14 2. Ведущий специалист 1 11 10 3. Специалист * 1-2 10 9
Президент Республики Узбекистан Ш. МИРЗИЁЕВ
г. Ташкент,
17 января 2019 г.,
№ УП-5633