📅 2019-yil 17-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 января 2019 г. · Постановления Президента
Официальный текст. Официальный документ. Редакционные примечания не включены.
📅 17 January 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Кон-металлургия тармоғи корхоналари фаолиятини янада такомиллаштириш чора-тадбирлари тўғрисида
Республикада тоғ-кон ва қайта ишлаш корхоналари қувватларини ошириш мақсадида минерал-хом ашё базасидан фойдаланиш ва қайта ишлаш самарадорлигини ошириш, инвестицияларни фаол жалб этиш бўйича тизимли чора-тадбирлар амалга оширилмоқда.
Кон-металлургия тармоғининг йирик корхоналари — «Навоий кон-металлургия комбинати» ДК (кейинги ўринларда — «Навоий КМК» ДК), «Олмалиқ кон-металлургия комбинати» АЖ (кейинги ўринларда — «Олмалиқ КМК» АЖ) ва «Ўзбекистон металлургия комбинати» АЖда стратегик турдаги маҳсулотлар, жумладан олтин, кумуш, мис, рух ва пўлат прокати каби маҳсулотлар, шунингдек 20 дан ортиқ турдаги бошқа саноат маҳсулотлари ишлаб чиқарилмоқда.
Сўнгги икки йил давомида кон-металлургия тармоғининг йирик корхоналарини жадал ривожлантириш, модернизация қилиш ва ишлаб чиқаришни кенгайтиришга қаратилган узоқ муддатли дастурлар қабул қилинди. 2026 йилгача «Навоий КМК» ДКда маҳсулот ишлаб чиқариш ҳажмини 30 фоизга, «Олмалиқ КМК» АЖга 2,9 млрд. АҚШ доллари миқдорида инвестициялар жалб этиш ва 2023 йилгача мис ишлаб чиқариш ҳажмини 28 фоизга, рух ишлаб чиқариш ҳажмини 75 фоизга ошириш кўзда тутилган.
Шу билан бирга, кон-металлургия тармоғининг йирик корхоналаридаги мавжуд бошқарув тузилмаси, фойдали қазилмалар захираларининг ҳисобини юритиш ва баҳолаш услублари, молиявий ҳисоботларнинг эскирган шакллари ишлаб чиқаришнинг ўсишига ва инвестициявий жозибадорликнинг ошишига тўсқинлик қилмоқда.
Кон-металлургия тармоғининг йирик корхоналари рақобатбардошлигини ошириш, ишлаб чиқаришни модернизация қилиш мақсадида инвестицияларни жалб этишга қўшимча шароитлар яратиш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни амалга ошириш мақсадида:
1. Белгилансинки, кон-металлургия тармоғининг йирик корхоналари:
а) 2019 йил якунидан бошлаб:
молиявий ҳисоботларни мажбурий тартибда молиявий ҳисоботларнинг халқаро стандартлари асосида тузади ва халқаро аудиторлик компанияларини жалб этган ҳолда мустақил ташқи аудитни ўтказади;
активларни сотиш рентабеллиги, актив ва мажбуриятларнинг айланиши, шунингдек халқаро фонд биржалари ва молия институтлари талабларига асосан белгиланадиган бошқа кўрсаткичлар даражаси бўйича минимал талабларни амалиётга жорий қилади;
б) 2020 йил якунидан бошлаб:
Ҳисоб ва ҳисобот бўйича халқаро стандартлар (ISAR) принциплари ва талаблари асосида корпоратив ошкораликни татбиқ этади;
Глобал ташаббускорлик ҳисоботига (GRI) мувофиқ ҳисоботларни, шу жумладан иқтисодий, ижтимоий ва экологик масалалар бўйича чоп этади.
2. Ўзбекистон Республикаси Вазирлар Маҳкамасининг «Навоий КМК» ДК негизида қимматбаҳо металлар қазиб чиқариш ва қайта ишлаш бўйича акциядорлик жамиятини, шунингдек, ишлаб чиқариш жараёнларига жалб этилмаган ва асосий фаолият тури билан боғлиқ бўлмаган активлардан самарали ва оқилона фойдаланиш учун давлат муассасасини ташкил қилиш, кейинчалик «Навоий КМК» ДКни уран ва ноёб металлар қазиб чиқариш ва қайта ишлаш бўйича давлат корхонаси этиб ўзгартириш тўғрисидаги таклифига розилик берилсин.
3. Кон-металлургия тармоғини ислоҳ қилиш бўйича Республика комиссияси (кейинги ўринларда — Республика комиссияси) иловага мувофиқ таркибда ташкил этилсин.
Қуйидагилар Республика комиссиясининг (А.Н. Арипов) асосий вазифалари этиб белгилансин:
а) 2019 йил 1 мартга қадар «Навоий КМК» ДКни қайта ташкил этиш ва корпоратив бошқаришнинг замонавий усулларини татбиқ этиш, шунингдек мазкур қарорда назарда тутилган талабларни амалга ошириш бўйича «Йўл харитаси»ни тасдиқлаш;
б) кон-металлургия тармоғининг йирик корхоналарини ривожлантириш, модернизация қилиш ва ишлаб чиқариш ҳажмларини кўпайтиришнинг узоқ муддатли дастурларини жадал амалга ошириш бўйича вазирликлар, идоралар ва хўжалик бошқаруви органлари фаолиятини мувофиқлаштириш;
в) 2019 йил 1 майга қадар кон-металлургия тармоғининг йирик корхоналарига берилган солиқ ва божхона имтиёзларини қайта кўриб чиқиш ва унификация қилиш бўйича таклифлар тайёрлаш;
г) 2019 йил 1 июлга қадар халқаро молия институтлари ва консалтинг ташкилотларини жалб этган ҳолда қуйидагиларнинг акцияларини маҳаллий ва халқаро фонд бозорларида оммавий равишда бирламчи ва иккиламчи жойлаштириш орқали инвесторларни жалб этишни назарда тутувчи Кон-металлургия тармоғининг йирик корхоналарини ислоҳ қилиш ва ривожлантириш концепциясини ишлаб чиқиш:
«Ўзбекистон металлургия комбинати» АЖ — 2022 йилда;
«Олмалиқ КМК» АЖ — 2023 йилда;
«Навоий КМК» ДК негизида ташкил қилинаётган қимматбаҳо металларни қазиб чиқариш ва қайта ишлаш бўйича акциядорлик жамияти — 2023 йилда.
д) 2019 йил 1 декабрга қадар «Навоий КМК» ДКни қайта ташкил этиш билан боғлиқ жараёнларни якунлаш ҳамда янги ташкил этиладиган акциядорлик жамиятидаги давлат улушини профессионал бошқарув компанияларига танлов асосида ишончли бошқарувга бериш бўйича таклиф киритиш.
Республика комиссияси аъзоларига мазкур қарорда белгиланган тадбирларнинг самарали бажарилиши учун шахсий жавобгарлик юклансин.
4. «Навоий КМК» ДК Кузатув кенгаши:
а) Ўзбекистон Республикаси Давлат активларини бошқариш агентлиги (кейинги ўринларда — Агентлик) билан биргаликда:
бир ой муддатда халқаро маслаҳатчи ва экспертларни жалб этган ҳолда «Навоий КМК» ДК мулкларини инвентаризация қилиш бўйича комиссия ва «Навоий КМК» ДК тизимига кирувчи алоҳида таркибий бўлинмалар бўйича ишчи гуруҳларни шакллантирсин, уларнинг вазифалари сифатида «Навоий КМК» ДКнинг барча актив ва мажбуриятларини инвентаризациядан ўтказиш, шунингдек «Навоий КМК» ДК Кузатув кенгашига ва Агентликка 2019 йил 1 майга қадар муддатда ишчи гуруҳларнинг оралиқ ҳисоботларини ҳамда 2019 йил 1 июлга қадар ишчи гуруҳлар ва комиссиянинг якуний ҳисоботини тақдим этишни белгиласин;
инвентаризация якунлари бўйича икки ой муддатда халқаро амалиётда умумэътироф этилган услублар асосида «Навоий КМК» ДКнинг ишлаб чиқариш ва бошқа активлари қийматини баҳолаш, шунингдек «Навоий КМК» ДК меҳнат жамоаси яшаши учун зарур шароитлар яратилишини ва уларга хизмат кўрсатилишини таъминлаган ҳолда ишлаб чиқариш жараёнларида иштирок этмайдиган инфратузилма, ижтимоий ва бошқа ихтисослашмаган объектларни хусусий тадбиркорлик субъектларига сотиш ва ихтисослашган давлат ташкилотларига топшириш орқали улардан самарали фойдаланиш бўйича таклифлар киритсин;
б) Ўзбекистон Республикаси Давлат геология ва минерал ресурслар қўмитаси билан биргаликда 2019 йил 1 мартга қадар халқаро маслаҳатчи ва экспертларни жалб қилган ҳолда «Навоий КМК» ДКнинг балансида бўлган ва захиралари Қидирув натижалари, минерал ресурслар ва руда захиралари ҳисоботи Австралия кодекси (JORC Code) стандартларига мувофиқ қайта баҳоланадиган конлар рўйхатини тасдиқласин;
в) 2019 йил 1 майга қадар «Навоий КМК» ДКнинг Кузатув кенгаши таркибига етарли тажриба ва малакага эга бўлган мутахассисларни жалб этиш бўйича Ўзбекистон Республикаси Вазирлар Маҳкамасига таклиф киритсин.
5. Ўзбекистон Республикаси Вазирлар Маҳкамаси Ахборотлаштириш ва телекоммуникациялар соҳасида назорат бўйича давлат инспекцияси ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда бир ой муддатда кон-металлургия тармоғи йирик корхоналарининг режим-махфий бўлимлари ходимларининг штат бирликларини оптималлаштиришни назарда тутувчи ишлаб чиқариладиган ва сотиладиган олтин ҳажмлари кўрсаткичлари билан боғлиқ махфийлик режимини бекор қилиш чораларини кўрсин.
6. Белгилансинки, кон-металлургия тармоғи йирик корхоналарининг оддий акциялари бўйича дивидендларни ҳисоблаш Молия вазирлиги томонидан Ўзбекистон Республикаси Вазирлар Маҳкамаси билан келишилган ҳолда белгиланадиган миқдорларда ҳар чоракда амалга оширилади.
7. Агентлик:
а) зарур бўлганда, мазкур қарор талабларидан келиб чиқиб, кон-металлургия соҳасидаги йирик корхоналарнинг давлат улушини ишончли бошқариш бўйича инвестиция активларини ишончли бошқарувчилар билан аввал тузилган шартномаларнинг қайта кўриб чиқилишини ҳамда қайта расмийлаштирилишини таъминласин;
б) Ўзбекистон Республикаси Вазирлар Маҳкамасига:
икки ой муддатда қонун ҳужжатларига портловчи моддаларни ҳамда уларни ишлаб чиқариш учун махсус материаллар ва асбоб-ускуналарни ишлаб чиқариш ва сотиш билан шуғулланадиган давлат корхоналарини давлат тасарруфидан чиқариш ва хусусийлаштириш имкониятини кўзда тутувчи ўзгартириш ва қўшимчалар киритиш бўйича таклифларни;
2019 йил 30 августга қадар халқаро экспертлар иштирокида ишлаб чиқилган «Давлат мулкини бошқариш тўғрисида»ги Ўзбекистон Республикасининг Қонуни лойиҳасини киритсин.
8. Ўзбекистон Республикаси Молия вазирлиги Иқтисодиёт ва саноат вазирлиги, Адлия вазирлиги ҳамда бошқа манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Бош вазирининг ўринбосарлари Ж.А. Қўчқоров ва А.С. Султанов зиммасига юклансин.
Ўзбекистон Республикаси Президентининг 2019 йил 17 январдаги ПҚ-4124-сон қарорига ИЛОВА
Кон-металлургия тармоғини ислоҳ қилиш бўйича Республика комиссияси
А.Н. Арипов — Ўзбекистон Республикаси Бош вазири Комиссия раиси Ж.А. Қўчқоров — Ўзбекистон Республикаси Бош вазирининг ўринбосари — молия вазири, Комиссия раисининг ўринбосари Б.М. Мавлонов — Ўзбекистон Республикаси Президенти маслаҳатчисининг биринчи ўринбосари Г.К. Саидова — Ўзбекистон Республикаси Президенти маслаҳатчисининг ўринбосари Б.А. Ходжаев — Ўзбекистон Республикаси иқтисодиёт ва саноат вазири Б.Ф. Исламов — Ўзбекистон Республикаси Давлат геология ва минерал ресурслар қўмитаси раиси Б.А. Мусаев — Ўзбекистон Республикаси Давлат солиқ қўмитаси раиси А.Х. Абдуллаев — Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси М.Ш. Истамов — Ўзбекистон Республикаси адлия вазирининг биринчи ўринбосари Н.С. Жўраев — Ўзбекистон Республикаси Давлат активларини бошқариш агентлиги директори Ш.А. Вафаев — Ўзбекистон Республикаси инвестициялар ва ташқи савдо вазирининг ўринбосари, Тикланиш ва тараққиёт жамғармаси ижро этувчи директори К.С. Санакулов — «Навоий КМК» ДК бош директори А. Хурсанов — «Олмалиқ КМК» АЖ бошқаруви раиси Т.Т. Азаматов — «Ўзметкомбинат» АЖ бошқаруви раиси в.б. Б.Б. Сидиков — Вазирлар Маҳкамаси ахборот-таҳлил департаменти мудири, Комиссия масъул котиби
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 17 январь,
ПҚ-4124-сон
Oʻzbekiston Respublikasi Prezidentining
Qarori
TARKIBI
Kon-metallurgiya tarmogʻi korxonalari faoliyatini yanada takomillashtirish chora-tadbirlari toʻgʻrisida
Respublikada togʻ-kon va qayta ishlash korxonalari quvvatlarini oshirish maqsadida mineral-xom ashyo bazasidan foydalanish va qayta ishlash samaradorligini oshirish, investitsiyalarni faol jalb etish boʻyicha tizimli chora-tadbirlar amalga oshirilmoqda.
Kon-metallurgiya tarmogʻining yirik korxonalari — “Navoiy kon-metallurgiya kombinati” DK (keyingi oʻrinlarda — “Navoiy KMK” DK), “Olmaliq kon-metallurgiya kombinati” AJ (keyingi oʻrinlarda — “Olmaliq KMK” AJ) va “Oʻzbekiston metallurgiya kombinati” AJda strategik turdagi mahsulotlar, jumladan oltin, kumush, mis, rux va poʻlat prokati kabi mahsulotlar, shuningdek 20 dan ortiq turdagi boshqa sanoat mahsulotlari ishlab chiqarilmoqda.
Soʻnggi ikki yil davomida kon-metallurgiya tarmogʻining yirik korxonalarini jadal rivojlantirish, modernizatsiya qilish va ishlab chiqarishni kengaytirishga qaratilgan uzoq muddatli dasturlar qabul qilindi. 2026-yilgacha “Navoiy KMK” DKda mahsulot ishlab chiqarish hajmini 30 foizga, “Olmaliq KMK” AJga 2,9 mlrd. AQSH dollari miqdorida investitsiyalar jalb etish va 2023-yilgacha mis ishlab chiqarish hajmini 28 foizga, rux ishlab chiqarish hajmini 75 foizga oshirish koʻzda tutilgan.
Shu bilan birga, kon-metallurgiya tarmogʻining yirik korxonalaridagi mavjud boshqaruv tuzilmasi, foydali qazilmalar zaxiralarining hisobini yuritish va baholash uslublari, moliyaviy hisobotlarning eskirgan shakllari ishlab chiqarishning oʻsishiga va investitsiyaviy jozibadorlikning oshishiga toʻsqinlik qilmoqda.
Kon-metallurgiya tarmogʻining yirik korxonalari raqobatbardoshligini oshirish, ishlab chiqarishni modernizatsiya qilish maqsadida investitsiyalarni jalb etishga qoʻshimcha sharoitlar yaratish, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni amalga oshirish maqsadida:
1. Belgilansinki, kon-metallurgiya tarmogʻining yirik korxonalari:
a) 2019-yil yakunidan boshlab:
moliyaviy hisobotlarni majburiy tartibda moliyaviy hisobotlarning xalqaro standartlari asosida tuzadi va xalqaro auditorlik kompaniyalarini jalb etgan holda mustaqil tashqi auditni oʻtkazadi;
aktivlarni sotish rentabelligi, aktiv va majburiyatlarning aylanishi, shuningdek xalqaro fond birjalari va moliya institutlari talablariga asosan belgilanadigan boshqa koʻrsatkichlar darajasi boʻyicha minimal talablarni amaliyotga joriy qiladi;
b) 2020-yil yakunidan boshlab:
Hisob va hisobot boʻyicha xalqaro standartlar (ISAR) prinsiplari va talablari asosida korporativ oshkoralikni tatbiq etadi;
Global tashabbuskorlik hisobotiga (GRI) muvofiq hisobotlarni, shu jumladan iqtisodiy, ijtimoiy va ekologik masalalar boʻyicha chop etadi.
2. Oʻzbekiston Respublikasi Vazirlar Mahkamasining “Navoiy KMK” DK negizida qimmatbaho metallar qazib chiqarish va qayta ishlash boʻyicha aksiyadorlik jamiyatini, shuningdek, ishlab chiqarish jarayonlariga jalb etilmagan va asosiy faoliyat turi bilan bogʻliq boʻlmagan aktivlardan samarali va oqilona foydalanish uchun davlat muassasasini tashkil qilish, keyinchalik “Navoiy KMK” DKni uran va noyob metallar qazib chiqarish va qayta ishlash boʻyicha davlat korxonasi etib oʻzgartirish toʻgʻrisidagi taklifiga rozilik berilsin.
3. Kon-metallurgiya tarmogʻini isloh qilish boʻyicha Respublika komissiyasi (keyingi oʻrinlarda — Respublika komissiyasi) ilovaga muvofiq tarkibda tashkil etilsin.
Quyidagilar Respublika komissiyasining (A.N. Aripov) asosiy vazifalari etib belgilansin:
a) 2019-yil 1-martga qadar “Navoiy KMK” DKni qayta tashkil etish va korporativ boshqarishning zamonaviy usullarini tatbiq etish, shuningdek mazkur qarorda nazarda tutilgan talablarni amalga oshirish boʻyicha “Yoʻl xaritasi”ni tasdiqlash;
b) kon-metallurgiya tarmogʻining yirik korxonalarini rivojlantirish, modernizatsiya qilish va ishlab chiqarish hajmlarini koʻpaytirishning uzoq muddatli dasturlarini jadal amalga oshirish boʻyicha vazirliklar, idoralar va xoʻjalik boshqaruvi organlari faoliyatini muvofiqlashtirish;
v) 2019-yil 1-mayga qadar kon-metallurgiya tarmogʻining yirik korxonalariga berilgan soliq va bojxona imtiyozlarini qayta koʻrib chiqish va unifikatsiya qilish boʻyicha takliflar tayyorlash;
g) 2019-yil 1-iyulga qadar xalqaro moliya institutlari va konsalting tashkilotlarini jalb etgan holda quyidagilarning aksiyalarini mahalliy va xalqaro fond bozorlarida ommaviy ravishda birlamchi va ikkilamchi joylashtirish orqali investorlarni jalb etishni nazarda tutuvchi Kon-metallurgiya tarmogʻining yirik korxonalarini isloh qilish va rivojlantirish konsepsiyasini ishlab chiqish:
“Oʻzbekiston metallurgiya kombinati” AJ — 2022-yilda;
“Olmaliq KMK” AJ — 2023-yilda;
“Navoiy KMK” DK negizida tashkil qilinayotgan qimmatbaho metallarni qazib chiqarish va qayta ishlash boʻyicha aksiyadorlik jamiyati — 2023-yilda.
d) 2019-yil 1-dekabrga qadar “Navoiy KMK” DKni qayta tashkil etish bilan bogʻliq jarayonlarni yakunlash hamda yangi tashkil etiladigan aksiyadorlik jamiyatidagi davlat ulushini professional boshqaruv kompaniyalariga tanlov asosida ishonchli boshqaruvga berish boʻyicha taklif kiritish.
Respublika komissiyasi aʼzolariga mazkur qarorda belgilangan tadbirlarning samarali bajarilishi uchun shaxsiy javobgarlik yuklansin.
4. “Navoiy KMK” DK Kuzatuv kengashi:
a) Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik) bilan birgalikda:
bir oy muddatda xalqaro maslahatchi va ekspertlarni jalb etgan holda “Navoiy KMK” DK mulklarini inventarizatsiya qilish boʻyicha komissiya va “Navoiy KMK” DK tizimiga kiruvchi alohida tarkibiy boʻlinmalar boʻyicha ishchi guruhlarni shakllantirsin, ularning vazifalari sifatida “Navoiy KMK” DKning barcha aktiv va majburiyatlarini inventarizatsiyadan oʻtkazish, shuningdek “Navoiy KMK” DK Kuzatuv kengashiga va Agentlikka 2019-yil 1-mayga qadar muddatda ishchi guruhlarning oraliq hisobotlarini hamda 2019-yil 1-iyulga qadar ishchi guruhlar va komissiyaning yakuniy hisobotini taqdim etishni belgilasin;
inventarizatsiya yakunlari boʻyicha ikki oy muddatda xalqaro amaliyotda umumeʼtirof etilgan uslublar asosida “Navoiy KMK” DKning ishlab chiqarish va boshqa aktivlari qiymatini baholash, shuningdek “Navoiy KMK” DK mehnat jamoasi yashashi uchun zarur sharoitlar yaratilishini va ularga xizmat koʻrsatilishini taʼminlagan holda ishlab chiqarish jarayonlarida ishtirok etmaydigan infratuzilma, ijtimoiy va boshqa ixtisoslashmagan obyektlarni xususiy tadbirkorlik subyektlariga sotish va ixtisoslashgan davlat tashkilotlariga topshirish orqali ulardan samarali foydalanish boʻyicha takliflar kiritsin;
b) Oʻzbekiston Respublikasi Davlat geologiya va mineral resurslar qoʻmitasi bilan birgalikda 2019-yil 1-martga qadar xalqaro maslahatchi va ekspertlarni jalb qilgan holda “Navoiy KMK” DKning balansida boʻlgan va zaxiralari Qidiruv natijalari, mineral resurslar va ruda zaxiralari hisoboti Avstraliya kodeksi (JORC Code) standartlariga muvofiq qayta baholanadigan konlar roʻyxatini tasdiqlasin;
v) 2019-yil 1-mayga qadar “Navoiy KMK” DKning Kuzatuv kengashi tarkibiga yetarli tajriba va malakaga ega boʻlgan mutaxassislarni jalb etish boʻyicha Oʻzbekiston Respublikasi Vazirlar Mahkamasiga taklif kiritsin.
5. Oʻzbekiston Respublikasi Vazirlar Mahkamasi Axborotlashtirish va telekommunikatsiyalar sohasida nazorat boʻyicha davlat inspeksiyasi hamda Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda bir oy muddatda kon-metallurgiya tarmogʻi yirik korxonalarining rejim-maxfiy boʻlimlari xodimlarining shtat birliklarini optimallashtirishni nazarda tutuvchi ishlab chiqariladigan va sotiladigan oltin hajmlari koʻrsatkichlari bilan bogʻliq maxfiylik rejimini bekor qilish choralarini koʻrsin.
6. Belgilansinki, kon-metallurgiya tarmogʻi yirik korxonalarining oddiy aksiyalari boʻyicha dividendlarni hisoblash Moliya vazirligi tomonidan Oʻzbekiston Respublikasi Vazirlar Mahkamasi bilan kelishilgan holda belgilanadigan miqdorlarda har chorakda amalga oshiriladi.
7. Agentlik:
a) zarur boʻlganda, mazkur qaror talablaridan kelib chiqib, kon-metallurgiya sohasidagi yirik korxonalarning davlat ulushini ishonchli boshqarish boʻyicha investitsiya aktivlarini ishonchli boshqaruvchilar bilan avval tuzilgan shartnomalarning qayta koʻrib chiqilishini hamda qayta rasmiylashtirilishini taʼminlasin;
b) Oʻzbekiston Respublikasi Vazirlar Mahkamasiga:
ikki oy muddatda qonun hujjatlariga portlovchi moddalarni hamda ularni ishlab chiqarish uchun maxsus materiallar va asbob-uskunalarni ishlab chiqarish va sotish bilan shugʻullanadigan davlat korxonalarini davlat tasarrufidan chiqarish va xususiylashtirish imkoniyatini koʻzda tutuvchi oʻzgartirish va qoʻshimchalar kiritish boʻyicha takliflarni;
2019-yil 30-avgustga qadar xalqaro ekspertlar ishtirokida ishlab chiqilgan “Davlat mulkini boshqarish toʻgʻrisida”gi Oʻzbekiston Respublikasining Qonuni loyihasini kiritsin.
8. Oʻzbekiston Respublikasi Moliya vazirligi Iqtisodiyot va sanoat vazirligi, Adliya vazirligi hamda boshqa manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Bosh vazirining oʻrinbosarlari J.A. Qoʻchqorov va A.S. Sultanov zimmasiga yuklansin.
Oʻzbekiston Respublikasi Prezidentining 2019-yil 17-yanvardagi PQ-4124-son qaroriga ILOVA
Kon-metallurgiya tarmogʻini isloh qilish boʻyicha Respublika komissiyasi
A.N. Aripov — Oʻzbekiston Respublikasi Bosh vaziri Komissiya raisi J.A. Qoʻchqorov — Oʻzbekiston Respublikasi Bosh vazirining oʻrinbosari — moliya vaziri, Komissiya raisining oʻrinbosari B.M. Mavlonov — Oʻzbekiston Respublikasi Prezidenti maslahatchisining birinchi oʻrinbosari G.K. Saidova — Oʻzbekiston Respublikasi Prezidenti maslahatchisining oʻrinbosari B.A. Xodjayev — Oʻzbekiston Respublikasi iqtisodiyot va sanoat vaziri B.F. Islamov — Oʻzbekiston Respublikasi Davlat geologiya va mineral resurslar qoʻmitasi raisi B.A. Musayev — Oʻzbekiston Respublikasi Davlat soliq qoʻmitasi raisi A.X. Abdullayev — Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi M.Sh. Istamov — Oʻzbekiston Respublikasi adliya vazirining birinchi oʻrinbosari N.S. Joʻrayev — Oʻzbekiston Respublikasi Davlat aktivlarini boshqarish agentligi direktori Sh.A. Vafayev — Oʻzbekiston Respublikasi investitsiyalar va tashqi savdo vazirining oʻrinbosari, Tiklanish va taraqqiyot jamgʻarmasi ijro etuvchi direktori K.S. Sanakulov — “Navoiy KMK” DK bosh direktori A. Xursanov — “Olmaliq KMK” AJ boshqaruvi raisi T.T. Azamatov — “Oʻzmetkombinat” AJ boshqaruvi raisi v.b. B.B. Sidikov — Vazirlar Mahkamasi axborot-tahlil departamenti mudiri, Komissiya masʼul kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 17-yanvar,
PQ-4124-son
Президента Республики Узбекистан
Постановление
СОСТАВ
О мерах по дальнейшему совершенствованию деятельности предприятий горно-металлургической отрасли
В республике последовательно принимаются меры по повышению эффективности использования и воспроизводства минерально-сырьевой базы, активному привлечению инвестиций с целью наращивания мощностей горнодобывающих и перерабатывающих предприятий.
В крупных предприятиях горно-металлургической отрасли — ГП «Навоийский горно-металлургический комбинат» (далее — ГП «Навоийский ГМК»), АО «Алмалыкский горно-металлургический комбинат (далее — АО «Алмалыкский ГМК») и АО «Узбекский металлургический комбинат» производятся такие стратегические виды продукции как золото, серебро, медь, цинк и стальной прокат, а также более 20 видов другой промышленной продукции.
Принятые за последние два года долгосрочные программы направлены на ускоренное развитие, модернизацию и расширение производства крупных предприятий горно-металлургической отрасли. Предусмотрено увеличение к 2026 году производства продукции в ГП «Навоийский ГМК» на 30 процентов, в АО «Алмалыкский ГМК» привлечение инвестиций в объеме 2,9 млрд. долларов США и увеличение к 2023 году производства меди на 28 процентов, цинка на 75 процентов.
Вместе с тем, сложившаяся структура управления, методы оценки и учета запасов полезных ископаемых, устаревшие формы финансовой отчетности препятствуют росту производства на крупных предприятиях горно-металлургической отрасли и повышению их инвестиционной привлекательности.
В целях создания дополнительных условий для привлечения инвестиций в модернизацию производства, повышения конкурентоспособности крупных предприятий горно-металлургической отрасли, а также реализации задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Установить, что крупные предприятия горно-металлургической отрасли:
а) начиная с итогов 2019 года:
в обязательном порядке составляют финансовую отчетность в соответствии с международными стандартами финансовой отчетности и проводят независимый внешний аудит с привлечением международных аудиторских компаний;
внедряют в практику минимальные требования по уровню рентабельности продаж, активов, оборачиваемости активов и обязательств, а также других показателей, определяемых в соответствии с требованиями международных фондовых бирж и финансовых институтов;
б) начиная с итогов 2020 года осуществляют:
внедрение корпоративных раскрытий в соответствии с принципами и требованиями Международных стандартов по учету и отчетности (ISAR);
публикацию отчетности, в том числе по экономическим, социальным и экологическим вопросам, в соответствии с Глобальной инициативой отчетности (GRI).
2. Согласиться с предложением Кабинета Министров Республики Узбекистан о создании на базе ГП «Навоийский ГМК» акционерного общества по добыче и переработке драгоценных металлов, а также государственного учреждения для эффективного и рационального использования непрофильных активов, не задействованных в производственных процессах, с последующим переименованием ГП «Навоийский ГМК» в государственное предприятие по добыче и переработке урана и редких металлов.
3. Образовать Республиканскую комиссию по реформированию горно-металлургической отрасли (далее — Республиканская комиссия) в составе согласно приложению .
Определить основными задачами Республиканской комиссии (А.Н. Арипов):
а) утверждение в срок до 1 марта 2019 года «Дорожной карты» по реорганизации ГП «Навоийский ГМК» и внедрению современных методов корпоративного управления, а также реализации требований, предусмотренных настоящим постановлением;
б) координацию деятельности министерств, ведомств и органов хозяйственного управления по ускоренной реализации долгосрочных программ развития, модернизации и увеличения объемов производства крупных предприятий горно-металлургической отрасли;
в) подготовку в срок до 1 мая 2019 года предложений по пересмотру и унификации налоговых и таможенных льгот, предоставленных крупным предприятиям горно-металлургической отрасли;
г) разработку в срок до 1 июля 2019 года с привлечением международных финансовых институтов и консалтинговых организаций Концепции реформирования и развития крупных предприятий горно-металлургической отрасли, предусматривающей в том числе привлечение инвесторов исключительно путем первичного и вторичного публичного размещения на отечественном и международных фондовых рынках акций:
АО «Узбекский металлургический комбинат» — в 2022 году;
АО «Алмалыкский ГМК» — в 2023 году;
акционерного общества по добыче и переработке драгоценных металлов, создаваемого на базе ГП «Навоийский ГМК», — в 2023 году.
д) завершение в срок до 1 декабря 2019 года процедур по реорганизации ГП «Навоийский ГМК» и внесение предложений по вопросу передачи государственной доли вновь созданного акционерного общества в доверительное управление профессиональным управляющим компаниям на конкурсной основе.
Возложить на членов Республиканской комиссии персональную ответственность за эффективную реализацию мероприятий, предусмотренных настоящим постановлением.
4. Наблюдательному совету ГП «Навоийский ГМК»:
а) совместно с Агентством по управлению государственными активами Республики Узбекистан (далее — Агентство):
в месячный срок с привлечением международных консультантов и экспертов сформировать комиссию по инвентаризации имущества ГП «Навоийский ГМК» и рабочие группы по отдельным структурным подразделениям, входящим в структуру ГП «Навоийский ГМК», определив в качестве их задач проведение инвентаризации всех активов и обязательств ГП «Навоийский ГМК», а также представление Наблюдательному совету ГП «Навоийский ГМК» и Агентству в срок до 1 мая 2019 года промежуточных отчетов рабочих групп и в срок до 1 июля 2019 года — окончательного отчета рабочих групп и комиссии;
по итогам инвентаризации в двухмесячный срок обеспечить осуществление оценки стоимости производственных и других активов ГП «Навоийский ГМК» на основе общепринятых в международной практике методик, а также внесение предложений по эффективному использованию инфраструктурных, социальных и других непрофильных объектов, не задействованных в производственных процессах, в том числе путем их реализации субъектам частного предпринимательства и передачи профильным государственным организациям, с обеспечением надлежащих условий проживания и обслуживания трудового коллектива ГП «Навоийский ГМК»;
б) совместно с Государственным комитетом Республики Узбекистан по геологии и минеральным ресурсам в срок до 1 марта 2019 года утвердить перечень месторождений драгоценных металлов, находящихся на балансе ГП «Навоийский ГМК» и подлежащих переоценке запасов в соответствии со стандартами Австралийского кодекса отчетности о результатах разведки, минеральных ресурсах и запасах руды (JORC Code) с привлечением международных консультантов и экспертов;
в) в срок до 1 мая 2019 года внести в Кабинет Министров Республики Узбекистан предложения по привлечению в состав Наблюдательного совета ГП «Навоийский ГМК» специалистов, обладающих необходимым опытом и квалификацией.
5. Кабинету Министров совместно с Государственной инспекцией по контролю в сфере информатизации и телекоммуникаций и Национальным агентством проектного управления при Президенте Республики Узбекистан в месячный срок принять меры по снятию режима секретности с показателей производимых и реализуемых объемов золота, предусматривающие в том числе оптимизацию штатной численности работников режимно-секретных подразделений крупных предприятий горно-металлургической отрасли.
6. Определить, что начисление дивидендов по простым акциям крупных предприятий горно-металлургической отрасли осуществляется ежеквартально в размере, определяемом в установленном порядке Министерством финансов по согласованию с Кабинетом Министров Республики Узбекистан.
7. Агентству:
а) обеспечить, при необходимости, пересмотр и переоформление договоров о доверительном управлении государственной долей в крупных предприятиях горно-металлургической отрасли, ранее заключенных с доверительными управляющими инвестиционными активами, исходя из требований настоящего постановления;
б) внести в Кабинет Министров Республики Узбекистан:
в двухмесячный срок предложения по внесению изменений и дополнений в законодательство касательно возможности разгосударствления и приватизации государственных предприятий, занимающихся разработкой, производством и реализацией взрывчатых веществ, а также специальных материалов и оборудования для их производства;
в срок до 30 августа 2019 года проект Закона Республики Узбекистан «Об управлении государственным имуществом», разработанный с участием международных экспертов.
8. Министерству финансов совместно с Министерством экономики и промышленности, Министерством юстиции, другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, заместителей Премьер-министра Республики Узбекистан Д.А. Кучкарова и А.С. Султанова.
ПРИЛОЖЕНИЕ к постановлению Президента Республики Узбекистан от 17 января 2019 года № ПП-4124
Республиканской комиссии по реформированию горно-металлургической отрасли
Арипов А.Н. — Премьер-министр Республики Узбекистан, председатель Комиссии Кучкаров Д.А. — заместитель Премьер-министра Республики Узбекистан — министр финансов, заместитель председателя Комиссии Мавлонов Б.М. — первый заместитель советника Президента Республики Узбекистан Саидова Г.К. — заместитель советника Президента Республики Узбекистан Ходжаев Б.А. — министр экономики и промышленности Республики Узбекистан Исламов Б.Ф. — председатель Государственного комитета Республики Узбекистан по геологии и минеральным ресурсам Мусаев Б.А. — председатель Государственного налогового комитета Республики Узбекистан Абдуллаев А.Х. — председатель Государственного комитета Республики Узбекистан по земельным ресурсам, геодезии, картографии и государственному кадастру Истамов М.Ш. — первый заместитель министра юстиции Республики Узбекистан Жураев Н.С. — директор Агентства по управлению государственными активами Республики Узбекистан Вафаев Ш.А. — заместитель министра инвестиций и внешней торговли Республики Узбекистан, исполнительный директор Фонда реконструкции и развития Санакулов К.С. — генеральный директор ГП «Навоийский ГМК» Хурсанов А. — председатель правления АО «Алмалыкский ГМК» Азаматов Т.Т. — и.о. председателя правления АО «Узметкомбинат» Сидиков Б.Б. — заведующий Информационно-аналитическим департаментом Кабинета Министров, ответственный секретарь Комиссии
Президент Республики Узбекистан Ш. МИРЗИЁЕВ
г. Ташкент,
17 января 2019 г.,
№ ПП-4124