📅 2019-yil 21-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 21 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳридаги коммунал соҳа корхоналарининг активларидан самарали фойдаланишга доир қўшимча чора-тадбирлар тўғрисида
Тошкент шаҳридаги коммунал соҳа корхоналарининг активларидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Давлат активларини бошқариш агентлиги, Уй-жой коммунал хизмат кўрсатиш вазирлиги, Иқтисодиёт вазирлиги, Молия вазирлиги ва Тошкент шаҳар ҳокимлигининг «Sergeli tumani kommunal ta`mirlash-avariyani tiklash xizmati» МЧЖ, «Bektemir tumani kommunal ta`mirlash-avariyani tiklash xizmati» МЧЖ, «Mirzo-Ulugbek tumani kommunal ta`mirlash-avariyani tiklash xizmati» МЧЖ, «Chilonzor tumani kommunal ta`mirlash-avariyani tiklash xizmati» МЧЖ ва «Yashnobod tumani kommunal ta`mirlash-avariyani tiklash xizmati» МЧЖлар устав капиталидаги давлат улушлари бўйича иштирокчи функциясини Тошкент шаҳар ҳокимлигига бериш ва кейинчалик уларни белгиланган тартибда тугатиш ҳақидаги таклифлари маъқуллансин.
2. Ўзбекистон Республикаси Давлат активларини бошқариш агентлиги ушбу қарорнинг 1-бандида кўрсатилган хўжалик жамиятлари устав капиталидаги давлат улушлари бўйича иштирокчи функцияси белгиланган тартибда Тошкент шаҳар ҳокимлигига берилишини таъминласин.
3. Тошкент шаҳар ҳокимлиги белгиланган тартибда:
Ўзбекистон Республикаси Давлат активларини бошқариш агентлиги билан биргаликда ушбу қарорнинг 1-бандида кўрсатилган хўжалик жамиятлари таъсис ҳужжатларига тегишли ўзгартиришлар киритилишини;
ушбу қарорнинг 1-бандида кўрсатилган хўжалик жамиятларининг тугатилишини ва тугатиш жараёнлари якунлангандан сўнг уларнинг мол-мулкидан самарали фойдаланилишини таъминласин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Тошкент шаҳар ҳокими Ж.А. Артикходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 21 январь,
50-сон
Oʻzbekiston Respublikasi Vazirlar Mahkamasining
qarori
Toshkent shahridagi kommunal soha korxonalarining aktivlaridan samarali foydalanishga doir qoʻshimcha chora-tadbirlar toʻgʻrisida
Toshkent shahridagi kommunal soha korxonalarining aktivlaridan samarali foydalanish maqsadida Vazirlar Mahkamasi qaror qiladi:
1. Oʻzbekiston Respublikasi Davlat aktivlarini boshqarish agentligi, Uy-joy kommunal xizmat koʻrsatish vazirligi, Iqtisodiyot vazirligi, Moliya vazirligi va Toshkent shahar hokimligining “Sergeli tumani kommunal ta`mirlash-avariyani tiklash xizmati” MChJ, “Bektemir tumani kommunal ta`mirlash-avariyani tiklash xizmati” MChJ, “Mirzo-Ulugbek tumani kommunal ta`mirlash-avariyani tiklash xizmati” MChJ, “Chilonzor tumani kommunal ta`mirlash-avariyani tiklash xizmati” MChJ va “Yashnobod tumani kommunal ta`mirlash-avariyani tiklash xizmati” MChJlar ustav kapitalidagi davlat ulushlari boʻyicha ishtirokchi funksiyasini Toshkent shahar hokimligiga berish va keyinchalik ularni belgilangan tartibda tugatish haqidagi takliflari maʼqullansin.
2. Oʻzbekiston Respublikasi Davlat aktivlarini boshqarish agentligi ushbu qarorning 1-bandida koʻrsatilgan xoʻjalik jamiyatlari ustav kapitalidagi davlat ulushlari boʻyicha ishtirokchi funksiyasi belgilangan tartibda Toshkent shahar hokimligiga berilishini taʼminlasin.
3. Toshkent shahar hokimligi belgilangan tartibda:
Oʻzbekiston Respublikasi Davlat aktivlarini boshqarish agentligi bilan birgalikda ushbu qarorning 1-bandida koʻrsatilgan xoʻjalik jamiyatlari taʼsis hujjatlariga tegishli oʻzgartirishlar kiritilishini;
ushbu qarorning 1-bandida koʻrsatilgan xoʻjalik jamiyatlarining tugatilishini va tugatish jarayonlari yakunlangandan soʻng ularning mol-mulkidan samarali foydalanilishini taʼminlasin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Toshkent shahar hokimi J.A. Artikxodjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 21-yanvar,
50-son
Кабинета Министров Республики Узбекистан
Постановление
О дополнительных мерах по эффективному использованию активов предприятий коммунальной сферы города Ташкента
В целях эффективного использования активов предприятий коммунальной сферы города Ташкента Кабинет Министров постановляет:
1. Согласиться с предложением Агентства по управлению государственными активами, Министерства жилищно-коммунального обслуживания, Министерства экономики, Министерства финансов Республики Узбекистан и хокимията города Ташкента о передаче хокимияту' города Ташкента функций участника по государственной доле в уставных капиталах ООО «Sergeli tumani kommunal ta'mirlash-avariyani tiklash xizmati», ООО «Bektemir tumani kommunal ta'mirlash- avariyani tiklash xizmati», ООО «Mirzo-Ulugbek tumani kommunal ta'mirlash-avariyani tiklash xizmati», ООО «Chilonzor tumani kommunal ta'mirlash-avariyani tiklash xizmati» и ООО «Yashnobod tumani kommunal ta'mirlash-avariyani tiklash xizmati» с последующей их ликвидацией в установленном порядке.
2. Агентству по управлению государственными активами Республики Узбекистан в установленном порядке обеспечить передачу хокимияту города Ташкента функций участника по государственной доле в уставных капиталах хозяйственных обществ, указанных в пункте 1 настоящего постановления.
3. Хокимияту города Ташкента обеспечить в установленном порядке:
совместно с Агентством по управлению государственными активами Республики Узбекистан внесение соответствующих изменений в учредительные документы хозяйственных обществ, указанных в пункте 1 настоящего постановления;
ликвидацию хозяйственных обществ, указанных в пункте 1 настоящего постановления, и эффективное использование их имущества после завершения процедур ликвидации.
4. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и хокима города Ташкента Ж.А. Артикходжаева.
Премьер-министр Республики Узбекистан А. АРИПОВ
г. Ташкент,
21 января 2019 г.,
№ 50