📅 2018-yil 30-noyabr · Vazirlik va idoralar hujjatlari · Davlat bojxona qoʻmitasi Moliya vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 30 ноябрь · Вазирлик ва идоралар ҳужжатлари · Давлат божхона қўмитаси Молия вазирлиги
Расмий матн. Расмий ҳужжат. Таҳририй изоҳлар киритилмаган.
📅 30 ноября 2018 г. · Документы министерств и ведомств · Государственного таможенного комитета Министерства финансов
Официальный текст. Официальный документ. Редакционные примечания не включены.
📅 30 November 2018 · Ministry and agency documents · Davlat bojxona qoʻmitasi Moliya vazirligi
Official text. Official document. Editorial notes are not included.
Ўзбекистон Республикаси Давлат божхона қўмитаси Ўзбекистон Республикаси Молия вазирлигининг
Қарори
НИЗОМ
Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2018 йил 2 ноябрдаги ПҚ-3995-сон «Ўзбекистон Республикаси божхона органлари кадрларини тайёрлаш тизимини тубдан такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Давлат божхона қўмитаси ҳамда Молия вазирлиги қарор қилади:
1. Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Давлат божхона қўмитаси ва Молия вазирлигининг 2018 йил 30 ноябрдаги 01-02/13-70 ва 155-сон қарорига ИЛОВА
Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги
Мазкур Низом Ўзбекистон Республикаси Президентининг 2018 йил 2 ноябрдаги ПҚ-3995-сон «Ўзбекистон Республикаси божхона органлари кадрларини тайёрлаш тизимини тубдан такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институтига (бундан буён матнда Институт деб юритилади) ўқишга қабул қилинган фуқаролар (бундан буён матнда курсант деб юритилади) билан давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартибини белгилайди.
1-боб. Умумий қоидалар
1. Мазкур Низом Институтда Ўзбекистон Республикаси Давлат бюджети (бундан буён матнда давлат бюджети деб юритилади) ва Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (бундан буён матнда Божхона қўмитаси деб юритилади) маблағлари ҳисобидан ўқиётган, уни тамомлаб мажбурий хизмат ўташ учун давлат божхона хизмати органларига, шунингдек Божхона қўмитаси томонидан бошқа давлат идораларига юборилган шахсларга нисбатан татбиқ этилади.
2. Курсант ўқишни тамомлагандан кейин беш календарь йил мобайнида давлат божхона хизмати органларида, шунингдек Божхона қўмитаси томонидан бошқа давлат идораларига юборилганда мажбурий хизмат ўташга мажбур.
3. Курсант ўқишга қабул қилиниши билан Божхона қўмитаси ўртасида ўқишни тамомлагандан кейин беш календарь йил мобайнида давлат божхона хизмати органларида, шунингдек бошқа давлат идораларида мажбурий хизмат ўталиши ҳақида шартнома тузилади.
4. Институтга ўқишга киришидан олдин (дастлабки танлов даврида) номзодлар ва уларнинг ота-оналари ёки уларнинг ўрнини босувчи шахслар номзод Институтга ўқишга қабул қилингандан сўнг давлат божхона хизмати органларида мажбурий хизматни ўташ ҳақида шартнома имзолаши, шартнома шартларини бажариши, шунингдек, курсантлар сафидан чиқарилса ёки ўқишни тамомлагандан сўнг беш йил ичида хизматдан бўшатилса, шартномани муддатдан илгари бекор қилса ёки жиноят содир этиб жавобгарликка тортилса, ўқиш даврида унга сарфланган барча бюджет маблағларини қоплаши бўйича моддий жавобгарлик тўғрисида ёзма равишда огоҳлантирилади.
Бунда, Божхона қўмитасининг Қорақалпоғистон Республикаси, вилоятлар, Тошкент шаҳри бўйича бошқармалари ҳамда «Тошкент-АЭРО» ихтисослаштирилган божхона комплексида тузиладиган ишчи гуруҳлар томонидан номзод ва унинг ота-онаси (фарзандликка олувчи, васийси) ёзма равишда огоҳлантирилади ва улардан мазкур Низомнинг 1-иловасига мувофиқ шаклда тилхат олинади.
2-боб. Шартнома тузиш
5. Ўқиш тамомлагандан кейин беш календарь йил мобайнида давлат божхона хизмати органларида, шунингдек бошқа давлат идораларида мажбурий хизматни ўташи ҳақида, мазкур Низомнинг 2-иловасига мувофиқ шаклда Божхона қўмитаси номидан Институт ҳамда курсантлар ва уларнинг ота-онаси (фарзандликка олувчи, васийи) ўртасида шартнома тузилади.
Курсантлар курсантлар сафидан чиқарилиб ўқишга қайта тикланган тақдирда ёки ходим мажбурий хизмат ўташ даврида хизматга қайта тикланганда, шартнома қайта тузилиши шарт.
6. Шартнома икки нусхада давлат тили ёки рус тилида тузилади. Шартномани тузиш томонларнинг имзолашлари орқали амалга оширилади.
7. Курсант шартнома тузишни рад қилган тақдирда, мазкур ҳолат бўйича божхона органи масъул ходими томонидан шартнома тузишни рад этиш сабаблари, курсант ўқишга кирганлигини тасдиқловчи ҳужжатнинг рақами ва санаси кўрсатилган ҳолда баённома расмийлаштирилади.
Шартнома тузишни рад этган курсант курсантлар сафидан чиқарилади.
8. Тузилган шартноманинг бир нусхаси курсантга берилади, иккинчи нусхаси курсантнинг шахсий ҳужжатлар йиғмажилдига тикилади.
3-боб. Ўқитишга сарфланган маблағларни қоплаш
9. Ўқиш учун сарфланган маблағлар бир ўқув йили учун, календарь йил ҳисобида курсантлар сафидан чиқарилган (хизматдан бўшатилган) санада амалда бўлган базавий ҳисоблаш миқдорининг 100 баробари миқдорида ундирилади.
10. Шартнома муддатидан олдин бекор қилинганда, қопланиши лозим бўлган маблағлар, курсант (ходим):
давлат божхона хизмати органларида хизматни ўтаган бўлса, тегишли Божхона қўмитасининг таркибий тузилмалари;
бошқа давлат идораларида хизматни ўтаган тақдирда Божхона қўмитаси томонидан ҳисобланади.
11. Курсант (ходим) томонидан шартнома шартлари бажарилмаса, ўқишга сарфланган маблағлар:
тўрт йиллик ўқиш даврининг курсантлар сафидан чиқарилгунга қадар бўлган даврига;
беш йиллик мажбурий хизматни ўтамаган даврига нисбатан мос равишда ундирилади.
12. Ўқиш учун сарфланган маблағлар ўқишдан четлаштириш ёки хизматдан бўшатиш ҳақида буйруқ имзоланган санадан бошлаб 30 календарь кун ичида қопланиши лозим.
13. Қопланиши лозим бўлган маблағлар ҳар қандай манфаатдор шахс томонидан тўлаб берилиши мумкин. Бунда маблағлар Ўзбекистон Республикаси Давлат бюджети ҳисобидан қопланишига йўл қўйилмайди.
14. Қопланиши лозим бўлган маблағлар тўланганлигини тасдиқловчи ҳужжат нусхаси ходимнинг сўнгги иш жойидаги кадрлар тузилмасига тақдим қилинади ва шахсий йиғма жилдига тикиб қўйилади.
15. Белгиланган муддатда қопланмаган маблағлар суд орқали ундирилади.
16. Қопланиши лозим бўлган маблағларни тўлаган ходим (курсант) хизматга тикланган (курсантлар сафига қайтарилган) ёки қайта қабул қилинган тақдирда ундан ундирилган пул маблағлари тўлиқ қайтарилади.
17. Қўйидаги ҳолларда курсантга сарфланган маблағлар қопланмайди:
курсант (ходим) вафот этиши, бедарак йўқолган деб топилганлиги ёки вафот этган деб эълон қилинганлиги муносабати билан давлат божхона хизмати органлари шахсий таркиби рўйхатидан чиқарилган кунидан бошлаб;
курсант (ходим) давлат божхона хизмати органларидан ҳарбий-тиббий комиссия хулосаси асосида ёки ташкилий-штат ўзгаришлари сабабли бўшатилганда;
курсант (ходим)нинг ота-онаси, ака-укалари ёки опа-сингилларидан бири назорат ёки ҳуқуқни муҳофаза қилувчи органлар ходими ёхуд Ўзбекистон Республикаси Қуролли Кучларининг ҳарбий хизматчиси бўлиб, хизмат вазифаларини бажариш чоғида ҳалок бўлган тақдирда;
курсантларнинг ўқиши бошқа олий ҳарбий ёки ҳарбийлаштирилган таълим муассасаларига кўчирилганда.
4-боб. Якуний қоидалар
18. Ушбу Низомда қайд этилган масалалар юзасидан келиб чиқадиган низолар қонунчилик ҳужжатларига мувофиқ ҳал этилади.
19. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга 1-ИЛОВА
Т И Л Х А Т Мен, _______________________________________________________________________________ (Ф.И.О.) Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институтига ўқишга қабул қилинсам, давлат божхона хизмати органларида мажбурий хизматни ўташ ҳақида шартнома имзолаш, шартнома шартларини бажариш, шунингдек курсантлар сафидан чиқарилсам ёки ўқишни тамомлаганимдан сўнг беш йил ичида интизомий жазо чораси сифатида хизматдан бўшатилсам, шартномани муддатидан илгари бекор қилсам ёки жиноят содир этиб жавобгарликка тортилсам, ўқиш даврида менга сарфланган барча маблағларни қоплаш бўйича моддий жавобгарлигим тўғрисида огоҳлантирилдим. _______________________ ________________________ (Имзо) (Ф.И.О.) 20_____ йил «_____» ______________ Биз, ________________________________________________________________________________ (Ф.И.О.) Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институтига ўқишга киришга номзоднинг ота-онаси (фарзандликка олувчи ва васийи), фарзандимиз ___ ___________________________________________________________________________________ (Ф.И.О.) ўқишга қабул қилинса, давлат божхона хизмати органларида мажбурий хизматни ўташ ҳақида шартнома имзолаш, шартнома шартларини бажариш, шунингдек курсантлар сафидан чиқарилса ёки ўқишни тамомлаганидан сўнг беш йил ичида интизомий жазо чораси сифатида хизматдан бўшатилса, шартномани муддатидан илгари бекор қилса ёки жиноят содир этиб жавобгарликка тортилса, ўқиш даврида унга сарфланган барча маблағларни қоплаш бўйича моддий жавобгарлигимиз тўғрисида огоҳлантирилдик. ________________________ ________________________ (имзо) (Ф.И.О.) ________________________ ________________________ (имзо) (Ф.И.О.) 20____ йил «_____» ______________».
Давлат божхона хизмати органларида мажбурий хизматни ўташ ҳақидаги шартномаларни тузиш ҳамда шартнома шартлари бажарилмаганда харажатларни қоплаш тартиби тўғрисидаги низомга 2-ИЛОВА
Давлат божхона хизмати органларида мажбурий хизматни ўташ ҳақида ШАРТНОМА 20___ йил «___» ______________ __________-сон _______________________ шаҳри Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (бундан буён матнда Божхона қўмитаси деб юритилади) номидан _____________________________________________________________________________________________ (лавозими ва Ф.И.О.) бир томондан Божхона қўмитасининг Божхона институтига (бундан буён матнда Институт деб юритилади) ўқишга қабул қилинган _______________________________________________________________________________ (Ф.И.О. туғилган йили, ой ва куни) (бундан буён матнда курсант деб юритилади) иккинчи томондан ____________________________________ _____________________________________________________________________________________________ (асос бўлувчи ҳужжат) асосида қуйидагилар тўғрисида ушбу шартномани туздилар: 1. Шартнома предмети 1.1. Институтда 20_____ — 20_____ ўқиш ва ўқишни тамомлагандан кейин беш календарь йил мобайнида Давлат божхона хизмати органларида, шунингдек бошқа давлат идораларида мажбурий хизматни ўташ тўғрисида шартнома тузилади. 2. Шартнома тарафлари 2.1. Божхона қўмитаси — ўз ваколатлари доирасида божхона сиёсати ўтказилишини, божхона ишлари тўғрисидаги қонунчиликка риоя этилишини, божхона органлари тизимининг самарали фаолият кўрсатишини таъминловчи давлат бошқаруви органи. 2.2. Институт — хавфсизлик ва ҳуқуқни муҳофаза қилиш фаолияти соҳасида таълим олувчиларни ихтисослик (мутахассислик) фанларига касбий йўналтириш ҳамда мақсадли тайёрлашни назарда тутадиган, давлат таълим стандартлари, малака талаблари, ўқув режалари ва дастурлари талабларига мувофиқ равишда ўқув-тарбия жараёнини амалга оширадиган олий ҳарбийлаштирилган таълим муассаса. 2.3. Курсант — амалдаги қонунчилик ҳужжатларида белгиланган талаблар асосида Институтнинг бакалавриат таълим йўналишига ўқишга қабул қилинган фуқаро. 3. Тарафларнинг ҳуқуқ ва мажбуриятлари 3.1. Курсантнинг ҳуқуқлари: а) қонунчилик ҳужжатларида белгиланган ҳуқуқ ва эркинликлардан давлат божхона хизмати органлари ходимлари учун белгиланган чекловлар ва тақиқларни ҳисобга олган ҳолда фойдаланиш; б) бошлиқлар ва бошқа мансабдор шахслар томонидан ўзига нисбатан адолатли муносабатда бўлишлари ҳамда шаъни ва қадр-қимматининг ҳурмат қилиниши; в) Ўзбекистон Республикаси қонунчилик ҳужжатларида назарда тутилган тартибда давлат ҳисобидан пул ва моддий таъминланиш; г) Ўзбекистон Республикасида белгиланган таълим стандартларига мувофиқ таълим олиш; д) ҳаёти ва соғлигини ҳимоялаш; е) Ўзбекистон Республикаси қонунларида назарда тутилган тартибда ва шартларда хизмат ўташ ҳақида шартнома тузиш ва уни бекор қилиш; ж) хавфсизлик техникаси ва гигиена талабларига мос келадиган хизмат шароитларига эга бўлиш; з) давлат томонидан суғурталаниш; и) хизмат мажбуриятларини бажариш муносабати билан юзага келган тортишувларни томонлар келишуви ёки суд тартибида ҳал қилиш; к) қонунчилик ҳужжатларида назарда тутилган бошқа кафолатлар ва компенсацияларни олиш. 3.2. Курсантнинг мажбуриятлари: а) келгусида Ўзбекистон Республикаси суверенитети ва ҳудудий яхлитлигини, фуқароларнинг ҳуқуқлари, эркинликлари ва қонуний манфаатларини, жисмоний ва юридик шахсларнинг мулкини, жамият ва давлатнинг хавфсизлигини, конституциявий тузумни ҳимоячиси — офицер сифатида хизмат олиб бориш учун зарур бўлган билим ҳамда кўникмаларни сидқидилдан ва қунт билан эгаллаш; б) ўқиш даври мобайнида курсант (ходим) сифатида хизмат олиб бориш, Ўзбекистон Республикаси қонунлари ва бошқа норматив-ҳуқуқий ҳужжатлари, Божхона қўмитаси ва Институт бошлиғининг ички идоравий ҳужжатлари билан белгиланган умуммажбурий, функционал ва махсус мажбуриятларни виждонан адо этиш; в) ўқишни тамомлаганидан кейин беш календарь йили мобайнида тақсимот бўйича ўзи юборилган Божхона қўмитаси ва бошқа давлат идораси билан офицерлар таркиби лавозимларида хизматни ўташ; г) ўқишни тамомлаганидан кейин беш календарь йили мобайнида давлат божхона хизмати органларида, шунингдек Божхона қўмитаси томонидан бошқа давлат идораларига юборилганда мажбурий узлуксиз хизматни ўташ; д) курсантлар сафидан чиқарилганда (хизматдан бўшатилганда) ота-онаси (фарзандликка олувчи, васий)га хабар қилиш; е) шартнома шартларини бажармаганлик учун ўқитишга сарфланган харажатлар бўйича Низомда белгиланган муддатда ва миқдордаги маблағларни тўлаш; ж) ўқишни тамомлаганидан кейин беш календарь йили ичида бўшаганда ўқиш учун сарфланган маблағларни қоплаш. 3.3. Божхона қўмитасининг ҳуқуқлари: а) хизмат ўташ тартиби ва шартларидан келиб чиққан ҳолда курсант (ходим)ни қонунчиликда назарда тутилган айрим ҳуқуқ ва эркинликларидан чеклаш; б) Ўзбекистон Республикаси қонунчилигида назарда тутилган тартибда ва шартлар асосида курсант билан шартнома тузиш ва уни бекор қилиш; в) курсант (ходим) билан юзага келган низоларни тарафлар келишуви ёки суд тартибида ҳал қилиш; г) курсант (ходим)ни Ўзбекистон Республикаси суверенитети ва ҳудудий яхлитлигини, фуқароларнинг ҳуқуқлари, эркинликлари ва қонуний манфаатларини, жисмоний ва юридик шахсларнинг мулкини, жамият ва давлатнинг хавфсизлигини, конституциявий тузумни ҳимоялаш ҳамда жамоат тартибини сақлаш бўйича хизмат-жанговар вазифаларни бажаришга юбориш; д) олий таълим муассасасини тамомлаганидан кейин ходимни давлат божхона хизмати органлари ва Қуролли Кучлари манфаатларидан келиб чиққан ҳолда тақсимот бўйича республиканинг ҳар қандай минтақасига хизматни ўташ учун юбориш. 3.4. Божхона қўмитасининг мажбуриятлари: а) Институтга ўқишга қабул қилинадиган номзодни таълим олиши ва келгусида хизматни ўташи шартлари билан таништириш; б) номзодни хизматни ўташнинг зарарли ва хавфли шароитлари, касбий касалликка дучор бўлиши мумкинлиги, шунингдек хизмат мажбуриятларини бажариш муносабати билан баъзи ҳуқуқ ва эркинликларининг чекланиши ҳақида огоҳлантириш; в) мазкур шартномани тузган курсант (ходим) ва унинг оила аъзолари ҳуқуқларини қонунчиликда белгиланган тартибда таъминлаш; г) курсант (ходим)ни мажбурий суғурта қилишни таъминлаш; д) курсант (ходим)ни белгиланган пул ва моддий таъминот билан таъминлаш; е) курсантга таълим стандартлари бўйича билим ва кўникмалар берилишини кафолатлаш; ж) курсантга тегишли таълим олиш ва яшаш шароитларини яратиш; з) курсант (ходим)га хизмат мажбуриятларини бажаришда соғлигига етказилган зарарнинг қопланишини таъминлаш; и) Институтда якуний давлат аттестацияси имтиҳонлари ҳамда битирув малакавий ишини муваффақиятли топшириб ўқишни тамомлаган курсантга офицер унвони берилганидан кейин, офицерлар таркибидаги лавозимларда хизматни ўташ имкониятини бериш. 4. Тарафларнинг жавобгарлиги 4.1. Тарафлар зиммасига юклатилган мажбуриятларни бажариши шарт. 4.2. Курсант (ходим) томонидан шартнома шартлари бажарилмаган тақдирда мазкур шартноманинг иловасига мувофиқ кафил (курсантнинг ота-онаси (фарзандликка олувчи ва васий))дан Низомда белгиланган муддатда ва миқдорда курсантни ўқитишга сарфланган харажатлар тўла ёки қисман ундирилади. 4.3. Тарафлар ўртасидаги низо қонунчиликда белгиланган тартибда суд орқали ҳал этилади. 4.4. Мазкур шартномада назарда тутилмаган тарафларнинг жавобгарлиги Ўзбекистон Республикасининг амалдаги қонунчилик ҳужжатларига мувофиқ белгиланади. 5. Шартномани бекор қилиш тартиби 5.1. Курсант Институтдан шартнома амал қилиш муддати тугашидан аввал курсантлар сафидан четлаштирилганида; 5.2. Курсант (ходим) вафот этиши, бедарак йўқолган деб топилганлиги ёки вафот этган деб эълон қилинганлиги муносабати билан давлат божхона хизмати органлари шахсий таркиби рўйхатидан чиқарилиши кунидан бошлаб; 5.3. Курсант (ходим) давлат божхона хизмати органларидан ҳарбий-тиббий комиссия хулосаси асосида ёки ташкилий-штат ўзгаришлари сабабли бўшатилганда; 5.4. Курсант (ходим)нинг ота-онаси, ака-укалари ёки опа-сингилларидан бири назорат ёки ҳуқуқни муҳофаза қилувчи органлар ходими ёхуд Ўзбекистон Республикаси Қуролли Кучларининг ҳарбий хизматчиси бўлиб, хизмат вазифаларини бажариш чоғида ҳалок бўлган тақдирда; 5.5. Мазкур шартноманинг амал қилиш муддати тугаганида. 6. Якуний қоидалар 6.1. Мазкур шартнома билан тартибга солинмаган масалалар қонунчилик ҳужжатларида белгиланган тартибда ҳал этилади. 6.2. Ушбу шартнома 20____ йил «_____» _________________ гача амал қилади. 6.3. Шартнома томонларнинг ҳар бири учун икки нусхада тузилди ва улар бир хил юридик кучга эга. 7. Тарафларнинг манзили ва реквизитлари: «Курсант» ____________________________________ ____________________________________ ____________________________________ ____________________________________ (Ф.И.О. имзо) «Божхона қўмитаси» ____________________________________ ____________________________________ ____________________________________ ____________________________________ (лавозим, Ф.И.О., имзо, МЎ)
20 __ йил «___» ________ даги ______ сон шартномага ИЛОВА КАФИЛЛИК ШАРТНОМАСИ «____» ______________ 20____ йил _________-сон Тошкент шаҳри Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институти курсанти ________________________________________________________________________________ нинг (Ф.И.О) ота-онаси (фарзандликка олувчи ва васий) (келгусида «Кафил» деб юритилади) номидан _______________ _______________________________________________________________________ бир томондан, (Ф.И.О) Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси (бундан буён матнда Божхона қўмитаси деб юритилади) номидан ____________________________________________________________________________________ (лавозими ва Ф.И.О) иккинчи томондан ушбу шартномани қуйидагилар тўғрисида туздилар: 1. Шартноманинг моҳияти 1.1. Ушбу шартномага мувофиқ «Кафил», курсант (ходим) ва Иқтисодиёт ва молия вазирлиги ҳузуридаги Божхона қўмитаси ўртасида 20__ йил «____» _____________ да тузилган _____________ -сонли шартнома мажбуриятлари курсант (ходим) томонидан шартномада белгиланган муддатларда ва миқдорларда бажарилмаган ёки тўлиқ бажарилмаган тақдирда, унинг харажатларни қоплаш мажбуриятларини тўлаб беришни ўз зиммасига олади. 2. Тарафларнинг ҳуқуқ ва мажбуриятлари 2.1. «Кафил»нинг ҳуқуқлари: 2.1.1. Курсант курсантлар сафидан чиқарилиши (хизматдан бўшатилиши) сабаблари ҳақида маълумот олади; 2.1.2. Курсантнинг ҳуқуқлари бузилганлиги ҳолатлари бўйича юқори турувчи идораларга мурожаат қилади. 2.2. «Кафил»нинг мажбуриятлари: 2.2.1. Курсант томонидан шартнома шартлари бажарилмаган ҳолларда уни ўқитишга сарфланган харажатлар бўйича Низомда белгиланган муддатда ва миқдордаги маблағларни тўлаб беради. 2.3. Божхона қўмитасининг ҳуқуқлари: 2.3.1. Курсантга сарфланган харажатлар бўйича ўз вақтида қопланмаган суммани «Кафил»дан талаб қилади; 2.4. Божхона қўмитасининг мажбуриятлари: 2.4.1. Курсантга сарфланган харажатларни ўз вақтида қоплашни талаб қилиш; 2.4.2. Курсантга сарфланган харажатлар ўз вақтида қопланмаган тақдирда судга мурожаат қилиш; 2.4.3. Зарурият туғилган ҳолатларда ҳамда «Кафил»нинг талабига кўра, курсант (ходим) томонидан қопланган миқдор тўғрисидаги маълумотлар билан таништиради. 3. Низоларни ҳал қилиш тартиби 3.1. Ушбу шартномани амалга ошириш жараёнида юзага келадиган низолар Ўзбекистон Республикасининг қонунчилик нормалари асосида ҳал этилади. 4. Кафилликнинг тўхтатилиши 4.1. Кафиллик, ушбу шартнома бўйича белгиланган мажбуриятлар тўлиқ бажарилганда тўхтатилади. 5. Бошқа шартлар 5.1. Ушбу шартномада кўзда тутилмаган ҳолатларда Тарафлар Ўзбекистон Республикасининг амалдаги қонунчилик ҳужжатларига амал қиладилар. 5.2. Мазкур шартнома икки нусхада тузилган бўлиб, иккаласи ҳам бир хил юридик кучга эга ва тарафларга бир нусхадан берилади. ТОМОНЛАРНИНГ ЮРИДИК МАНЗИЛЛАРИ ВА РЕКВИЗИТЛАРИ: Иқтисодиёт ва молия вазирлиги ҳузуридаги Божхона қўмитаси ________________________________ ________________________________ ________________________________ ________________________________ Имзо _____________________ м. ў. Бош бухгалтер _________________ Юрист ________________ КАФИЛ __________________________вилояти ____________________________туман __________________________________ Ҳ/р: ______________________________ МФО: _____________________ СТИР: _____________________ Имзо _____________________
Давлат Божхона қўмитаси раиси М. АЗИМОВ
Молия вазири Д. ҚЎЧҚОРОВ
Тошкент ш.,
2018 йил 30 ноябрь,
Тошкент ш.,
2018 йил 30 ноябрь,
01-02/13-70-сон
155-сон
Oʻzbekiston Respublikasi Davlat bojxona qoʻmitasi Oʻzbekiston Respublikasi Moliya vazirligining
Qarori
NIZOM
Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2018-yil 2-noyabrdagi PQ-3995-son “Oʻzbekiston Respublikasi bojxona organlari kadrlarini tayyorlash tizimini tubdan takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Davlat bojxona qoʻmitasi hamda Moliya vazirligi qaror qiladi:
1. Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Davlat bojxona qoʻmitasi va Moliya vazirligining 2018-yil 30-noyabrdagi 01-02/13-70 va 155-son qaroriga ILOVA
Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi
Mazkur Nizom Oʻzbekiston Respublikasi Prezidentining 2018-yil 2-noyabrdagi PQ-3995-son “Oʻzbekiston Respublikasi bojxona organlari kadrlarini tayyorlash tizimini tubdan takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona institutiga (bundan buyon matnda Institut deb yuritiladi) oʻqishga qabul qilingan fuqarolar (bundan buyon matnda kursant deb yuritiladi) bilan davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibini belgilaydi.
1-bob. Umumiy qoidalar
1. Mazkur Nizom Institutda Oʻzbekiston Respublikasi Davlat budjeti (bundan buyon matnda davlat budjeti deb yuritiladi) va Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi (bundan buyon matnda Bojxona qoʻmitasi deb yuritiladi) mablagʻlari hisobidan oʻqiyotgan, uni tamomlab majburiy xizmat oʻtash uchun davlat bojxona xizmati organlariga, shuningdek Bojxona qoʻmitasi tomonidan boshqa davlat idoralariga yuborilgan shaxslarga nisbatan tatbiq etiladi.
2. Kursant oʻqishni tamomlagandan keyin besh kalendar yil mobaynida davlat bojxona xizmati organlarida, shuningdek Bojxona qoʻmitasi tomonidan boshqa davlat idoralariga yuborilganda majburiy xizmat oʻtashga majbur.
3. Kursant oʻqishga qabul qilinishi bilan Bojxona qoʻmitasi oʻrtasida oʻqishni tamomlagandan keyin besh kalendar yil mobaynida davlat bojxona xizmati organlarida, shuningdek boshqa davlat idoralarida majburiy xizmat oʻtalishi haqida shartnoma tuziladi.
4. Institutga oʻqishga kirishidan oldin (dastlabki tanlov davrida) nomzodlar va ularning ota-onalari yoki ularning oʻrnini bosuvchi shaxslar nomzod Institutga oʻqishga qabul qilingandan soʻng davlat bojxona xizmati organlarida majburiy xizmatni oʻtash haqida shartnoma imzolashi, shartnoma shartlarini bajarishi, shuningdek, kursantlar safidan chiqarilsa yoki oʻqishni tamomlagandan soʻng besh yil ichida xizmatdan boʻshatilsa, shartnomani muddatdan ilgari bekor qilsa yoki jinoyat sodir etib javobgarlikka tortilsa, oʻqish davrida unga sarflangan barcha budjet mablagʻlarini qoplashi boʻyicha moddiy javobgarlik toʻgʻrisida yozma ravishda ogohlantiriladi.
Bunda, Bojxona qoʻmitasining Qoraqalpogʻiston Respublikasi, viloyatlar, Toshkent shahri boʻyicha boshqarmalari hamda “Toshkent-AERO” ixtisoslashtirilgan bojxona kompleksida tuziladigan ishchi guruhlar tomonidan nomzod va uning ota-onasi (farzandlikka oluvchi, vasiysi) yozma ravishda ogohlantiriladi va ulardan mazkur Nizomning 1-ilovasiga muvofiq shaklda tilxat olinadi.
2-bob. Shartnoma tuzish
5. Oʻqish tamomlagandan keyin besh kalendar yil mobaynida davlat bojxona xizmati organlarida, shuningdek boshqa davlat idoralarida majburiy xizmatni oʻtashi haqida, mazkur Nizomning 2-ilovasiga muvofiq shaklda Bojxona qoʻmitasi nomidan Institut hamda kursantlar va ularning ota-onasi (farzandlikka oluvchi, vasiyi) oʻrtasida shartnoma tuziladi.
Kursantlar kursantlar safidan chiqarilib oʻqishga qayta tiklangan taqdirda yoki xodim majburiy xizmat oʻtash davrida xizmatga qayta tiklanganda, shartnoma qayta tuzilishi shart.
6. Shartnoma ikki nusxada davlat tili yoki rus tilida tuziladi. Shartnomani tuzish tomonlarning imzolashlari orqali amalga oshiriladi.
7. Kursant shartnoma tuzishni rad qilgan taqdirda, mazkur holat boʻyicha bojxona organi masʼul xodimi tomonidan shartnoma tuzishni rad etish sabablari, kursant oʻqishga kirganligini tasdiqlovchi hujjatning raqami va sanasi koʻrsatilgan holda bayonnoma rasmiylashtiriladi.
Shartnoma tuzishni rad etgan kursant kursantlar safidan chiqariladi.
8. Tuzilgan shartnomaning bir nusxasi kursantga beriladi, ikkinchi nusxasi kursantning shaxsiy hujjatlar yigʻmajildiga tikiladi.
3-bob. Oʻqitishga sarflangan mablagʻlarni qoplash
9. Oʻqish uchun sarflangan mablagʻlar bir oʻquv yili uchun, kalendar yil hisobida kursantlar safidan chiqarilgan (xizmatdan boʻshatilgan) sanada amalda boʻlgan bazaviy hisoblash miqdorining 100 barobari miqdorida undiriladi.
10. Shartnoma muddatidan oldin bekor qilinganda, qoplanishi lozim boʻlgan mablagʻlar, kursant (xodim):
davlat bojxona xizmati organlarida xizmatni oʻtagan boʻlsa, tegishli Bojxona qoʻmitasining tarkibiy tuzilmalari;
boshqa davlat idoralarida xizmatni oʻtagan taqdirda Bojxona qoʻmitasi tomonidan hisoblanadi.
11. Kursant (xodim) tomonidan shartnoma shartlari bajarilmasa, oʻqishga sarflangan mablagʻlar:
toʻrt yillik oʻqish davrining kursantlar safidan chiqarilgunga qadar boʻlgan davriga;
besh yillik majburiy xizmatni oʻtamagan davriga nisbatan mos ravishda undiriladi.
12. Oʻqish uchun sarflangan mablagʻlar oʻqishdan chetlashtirish yoki xizmatdan boʻshatish haqida buyruq imzolangan sanadan boshlab 30 kalendar kun ichida qoplanishi lozim.
13. Qoplanishi lozim boʻlgan mablagʻlar har qanday manfaatdor shaxs tomonidan toʻlab berilishi mumkin. Bunda mablagʻlar Oʻzbekiston Respublikasi Davlat budjeti hisobidan qoplanishiga yoʻl qoʻyilmaydi.
14. Qoplanishi lozim boʻlgan mablagʻlar toʻlanganligini tasdiqlovchi hujjat nusxasi xodimning soʻnggi ish joyidagi kadrlar tuzilmasiga taqdim qilinadi va shaxsiy yigʻma jildiga tikib qoʻyiladi.
15. Belgilangan muddatda qoplanmagan mablagʻlar sud orqali undiriladi.
16. Qoplanishi lozim boʻlgan mablagʻlarni toʻlagan xodim (kursant) xizmatga tiklangan (kursantlar safiga qaytarilgan) yoki qayta qabul qilingan taqdirda undan undirilgan pul mablagʻlari toʻliq qaytariladi.
17. Qoʻyidagi hollarda kursantga sarflangan mablagʻlar qoplanmaydi:
kursant (xodim) vafot etishi, bedarak yoʻqolgan deb topilganligi yoki vafot etgan deb eʼlon qilinganligi munosabati bilan davlat bojxona xizmati organlari shaxsiy tarkibi roʻyxatidan chiqarilgan kunidan boshlab;
kursant (xodim) davlat bojxona xizmati organlaridan harbiy-tibbiy komissiya xulosasi asosida yoki tashkiliy-shtat oʻzgarishlari sababli boʻshatilganda;
kursant (xodim)ning ota-onasi, aka-ukalari yoki opa-singillaridan biri nazorat yoki huquqni muhofaza qiluvchi organlar xodimi yoxud Oʻzbekiston Respublikasi Qurolli Kuchlarining harbiy xizmatchisi boʻlib, xizmat vazifalarini bajarish chogʻida halok boʻlgan taqdirda;
kursantlarning oʻqishi boshqa oliy harbiy yoki harbiylashtirilgan taʼlim muassasalariga koʻchirilganda.
4-bob. Yakuniy qoidalar
18. Ushbu Nizomda qayd etilgan masalalar yuzasidan kelib chiqadigan nizolar qonunchilik hujjatlariga muvofiq hal etiladi.
19. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga 1-ILOVA
T I L X A T Men, _______________________________________________________________________________ (F.I.O.) Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona institutiga oʻqishga qabul qilinsam, davlat bojxona xizmati organlarida majburiy xizmatni oʻtash haqida shartnoma imzolash, shartnoma shartlarini bajar�sh, shuningdek kursantlar safidan chiqarilsam yoki oʻqishni tamomlaganimdan soʻng besh yil ichida intizomiy jazo chorasi sifatida xizmatdan boʻshatilsam, shartnomani muddatidan ilgari bekor qilsam yoki jinoyat sodir etib javobgarlikka tortilsam, oʻqish davrida menga sarflangan barcha mablagʻlarni qoplash boʻyicha moddiy javobgarligim toʻgʻrisida ogohlantirildim. _______________________ ________________________ (Imzo) (F.I.O.) 20_____ yil “_____” ______________ Biz, ________________________________________________________________________________ (F.I.O.) Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona institutiga oʻqishga kirishga nomzodning ota-onasi (farzandlikka oluvchi va vasiyi), farzandimiz ___ ___________________________________________________________________________________ (F.I.O.) oʻqishga qabul qilinsa, davlat bojxona xizmati organlarida majburiy xizmatni oʻtash haqida shartnoma imzolash, shartnoma shartlarini bajarish, shuningdek kursantlar safidan chiqarilsa yoki oʻqishni tamomlaganidan soʻng besh yil ichida intizomiy jazo chorasi sifatida xizmatdan boʻshatilsa, shartnomani muddatidan ilgari bekor qilsa yoki jinoyat sodir etib javobgarlikka tortilsa, oʻqish davrida unga sarflangan barcha mablagʻlarni qoplash boʻyicha moddiy javobgarligimiz toʻgʻrisida ogohlantirildik. ________________________ ________________________ (imzo) (F.I.O.) ________________________ ________________________ (imzo) (F.I.O.) 20____ yil “_____” ______________”.
Davlat bojxona xizmati organlarida majburiy xizmatni oʻtash haqidagi shartnomalarni tuzish hamda shartnoma shartlari bajarilmaganda xarajatlarni qoplash tartibi toʻgʻrisidagi nizomga 2-ILOVA
Davlat bojxona xizmati organlarida majburiy xizmatni oʻtash haqida ShARTNOMA 20___ yil “___” ______________ __________-son _______________________ shahri Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi (bundan buyon matnda Bojxona qoʻmitasi deb yuritiladi) nomidan _____________________________________________________________________________________________ (lavozimi va F.I.O.) bir tomondan Bojxona qoʻmitasining Bojxona institutiga (bundan buyon matnda Institut deb yuritiladi) oʻqishga qabul qilingan _______________________________________________________________________________ �� (F.I.O. tugʻilgan yili, oy va kuni) (bundan buyon matnda kursant deb yuritiladi) ikkinchi tomondan ____________________________________ _____________________________________________________________________________________________ (asos boʻluvchi hujjat) asosida quyidagilar toʻgʻrisida ushbu shartnomani tuzdilar: 1. Shartnoma predmeti 1.1. Institutda 20_____ — 20_____ oʻqish va oʻqishni tamomlagandan keyin besh kalendar yil mobaynida Davlat bojxona xizmati organlarida, shuningdek boshqa davlat idoralarida majburiy xizmatni oʻtash toʻgʻrisida shartnoma tuziladi. 2. Shartnoma taraflari 2.1. Bojxona qoʻmitasi — oʻz vakolatlari doirasida bojxona siyosati oʻtkazilishini, bojxona ishlari toʻgʻrisidagi qonunchilikka rioya etilishini, bojxona organlari tizimining samarali faoliyat koʻrsatishini taʼminlovchi davlat boshqaruvi organi. 2.2. Institut — xavfsizlik va huquqni muhofaza qilish faoliyati sohasida taʼlim oluvchilarni ixtisoslik (mutaxassislik) fanlariga kasbiy yoʻnaltirish hamda maqsadli tayyorlashni nazarda tutadigan, davlat taʼlim standartlari, malaka talablari, oʻquv rejalari va dasturlari talablariga muvofiq ravishda oʻquv-tarbiya jarayonini amalga oshiradigan oliy harbiylashtirilgan taʼlim muassasa. 2.3. Kursant — amaldagi qonunchilik hujjatlarida belgilangan talablar asosida Institutning bakalavriat taʼlim yoʻnalishiga oʻqishga qabul qilingan fuqaro. 3. Taraflarning huquq va majburiyatlari 3.1. Kursantning huquqlari: a) qonunchilik hujjatlarida belgilangan huquq va erkinliklardan davlat bojxona xizmati organlari xodimlari u�un belgilangan cheklovlar va taqiqlarni hisobga olgan holda foydalanish; b) boshliqlar va boshqa mansabdor shaxslar tomonidan oʻziga nisbatan adolatli munosabatda boʻlishlari hamda shaʼni va qadr-qimmatining hurmat qilinishi; v) Oʻzbekiston Respublikasi qonunchilik hujjatlarida nazarda tutilgan tartibda davlat hisobidan pul va moddiy taʼminlanish; g) Oʻzbekiston Respublikasida belgilangan taʼlim standartlariga muvofiq taʼlim olish; d) hayoti va sogʻligini himoyalash; e) Oʻzbekiston Respublikasi qonunlarida nazarda tutilgan tartibda va shartlarda xizmat oʻtash haqida shartnoma tuzish va uni bekor qilish; j) xavfsizlik texnikasi va gigiyena talablariga mos keladigan xizmat sharoitlariga ega boʻlish; z) davlat tomonidan sugʻurtalanish; i) xizmat majburiyatlarini bajarish munosabati bilan yuzaga kelgan tortishuvlarni tomonlar kelishuvi yoki sud tartibida hal qilish; k) qonunchilik hujjatlarida nazarda tutilgan boshqa kafolatlar va kompensatsiyalarni olish. 3.2. Kursantning majburiyatlari: a) kelgusida Oʻzbekiston Respublikasi suvereniteti va hududiy yaxlitligini, fuqarolarning huquqlari, erkinliklari va qonuniy manfaatlarini, jismoniy va yuridik shaxslarning mulkini, jamiyat va davlatning xavfsizligini, konstitutsiyaviy tuzumni himoyachisi — ofitser sifatida xizmat olib borish uchun zarur boʻlgan bilim hamda koʻnikmalarni sidqidildan va qunt bilan egallash; b) oʻqish davri mobaynida kursant (xodim) sifatida xizmat olib borish, Oʻzbekiston Respublikasi qonunlari va boshqa normativ-huquqiy hujjatlari, Bojxona qoʻmitasi va Institut boshligʻining ichki idoraviy hujjatlari bilan belgilangan umummajburiy, funksional va maxsus majburiyatlarni vijdonan ado etish; v) oʻqishni tamomlaganidan keyin besh kalendar yili mobaynida taqsimot boʻyicha oʻzi yuborilgan Bojxona qoʻmitasi va boshqa davlat idorasi bilan ofitserlar tarkibi lavozimlarida xizmatni oʻtash; g) oʻqishni tamomlaganidan keyin besh kalendar yili mobaynida davlat bojxona xizmati organlarida, shuningdek Bojxona qoʻmitasi tomonidan boshqa davlat idoralariga yuborilganda majburiy uzluksiz xizmatni oʻtash; d) kursantlar safidan chiqarilganda (xizmatdan boʻshatilganda) ota-onasi (farzandlikka oluvchi, vasiy)ga xabar qilish; e) shartnoma shartlarini bajarmaganlik uchun oʻqitishga sarflangan xarajatlar boʻyicha Nizomda belgilangan muddatda va miqdordagi mablagʻlarni toʻlash; j) oʻqishni tamomlaganidan keyin besh kalendar yili ichida boʻshaganda oʻqish uchun sarflangan mablagʻlarni qoplash. 3.3. Bojxona qoʻmitasining huquqlari: a) xizmat oʻtash tartibi va shartlaridan kelib chiqqan holda kursant (xodim)ni qonunchilikda nazarda tutilgan ayrim huquq va erkinliklaridan cheklash; b) Oʻzbekiston Respublikasi qonunchiligida nazarda tutilgan tartibda va shartlar asosida kursant bilan shartnoma tuzish va uni bekor qilish; v) kursant (xodim) bilan yuzaga kelgan nizolarni taraflar kelishuvi yoki sud tartibida hal qilish; g) kursant (xodim)ni Oʻzbekiston Respublikasi suvereniteti va hududiy yaxlitligini, fuqarolarning huquqlari, erkinliklari va qonuniy manfaatlarini, jismoniy va yuridik shaxslarning mulkini, jamiyat va davlatning xavfsizligini, konstitutsiyaviy tuzumni himoyalash hamda jamoat tartibini saqlash boʻyicha xizmat-jangovar vazifalarni bajarishga yuborish; d) oliy taʼlim muassasasini tamomlaganidan keyin xodimni davlat bojxona xizmati organlari va Qurolli Kuchlari manfaatlaridan kelib chiqqan holda taqsimot boʻyicha respublikaning har qanday mintaqasiga xizmatni oʻtash uchun yuborish. 3.4. Bojxona qoʻmitasining majburiyatlari: a) Institutga oʻqishga qabul qilinadigan nomzodni taʼlim olishi va kelgusida xizmatni oʻtashi shartlari bilan tanishtirish; b) nomzodni xizmatni oʻtashning zararli va xavfli sharoitlari, kasbiy kasallikka duchor boʻlishi mumkinligi, shuningdek xizmat majburiyatlarini bajarish munosabati bilan baʼzi huquq va erkinliklarining cheklanishi haqida ogohlantirish; v) mazkur shartnomani tuzgan kursant (xodim) va uning oila aʼzolari huquqlarini qonunchilikda belgilangan tartibda taʼminlash; g) kursant (xodim)ni majburiy sugʻurta qilishni taʼminlash; d) kursant (xodim)ni belgilangan pul va moddiy taʼminot bilan taʼminlash; e) kursantga taʼlim standartlari boʻyicha bilim va koʻnikmalar berilishini kafolatlash; j) kursantga tegishli taʼlim olish va yashash sharoitlarini yaratish; z) kursant (xodim)ga xizmat majburiyatlarini bajarishda sogʻligiga yetkazilgan zararning qoplanishini taʼminlash; i) Institutda yakuniy davlat attestatsiyasi imtihonlari hamda bitiruv malakaviy ishini muvaffaqiyatli topshirib oʻqishni tamomlagan kursantga ofitser unvoni berilganidan keyin, ofitserlar tarkibidagi lavozimlarda xizmatni oʻtash imkoniyatini berish. 4. Taraflarning javobgarligi 4.1. Taraflar zimmasiga yuklatilgan majburiyatlarni bajarishi shart. 4.2. Kursant (xodim) tomonidan shartnoma shartlari bajarilmagan taqdirda mazkur shartnomaning ilovasiga muvofiq kafil (kursantning ota-onasi (farzandlikka oluvchi va vasiy))dan Nizomda belgilangan muddatda va miqdorda kursantni oʻqitishga sarflangan xarajatlar toʻla yoki qisman undiriladi. 4.3. Taraflar oʻrtasidagi nizo qonunchilikda belgilangan tartibda sud orqali hal etiladi. 4.4. Mazkur shartnomada nazarda tutilmagan taraflarning javobgarligi Oʻzbekiston Respublikasining amaldagi qonunchilik hujjatlariga muvofiq belgilanadi. 5. Shartnomani bekor qilish tartibi 5.1. Kursant Institutdan shartnoma amal qilish muddati tugashidan avval kursantlar safidan chetlashtirilganida; 5.2. Kursant (xodim) vafot etishi, bedarak yoʻqolgan deb topilganligi yoki vafot etgan deb eʼlon qilinganligi munosabati bilan davlat bojxona xizmati organlari shaxsiy tarkibi roʻyxatidan chiqarilishi kunidan boshlab; 5.3. Kursant (xodim) davlat bojxona xizmati organlaridan harbiy-tibbiy komissiya xulosasi asosida yoki tashkiliy-shtat oʻzgarishlari sababli boʻshatilganda; 5.4. Kursant (xodim)ning ota-onasi, aka-ukalari yoki opa-singillaridan biri nazorat yoki huquqni muhofaza qiluvchi organlar xodimi yoxud Oʻzbekiston Respublikasi Qurolli Kuchlarining harbiy xizmatchisi boʻlib, xizmat vazifalarini bajarish chogʻida halok boʻlgan taqdirda; 5.5. Mazkur shartnomaning amal qilish muddati tugaganida. 6. Yakuniy qoidalar 6.1. Mazkur shartnoma bilan tartibga solinmagan masalalar qonunchilik hujjatlarida belgilangan tartibda hal etiladi. 6.2. Ushbu shartnoma 20____ yil “_____” _________________ gacha amal qiladi. 6.3. Shartnoma tomonlarning har biri uchun ikki nusxada tuzildi va ular bir xil yuridik kuchga ega. 7. Taraflarning manzili va rekvizitlari: “Kursant” ____________________________________ ____________________________________ ____________________________________ ____________________________________ (F.I.O. imzo) “Bojxona qoʻmitasi” ____________________________________ ____________________________________ ____________________________________ ____________________________________ (lavozim, F.I.O., imzo, MOʻ)
20 __ yil “___” ________ dagi ______ son shartnomaga ILOVA KAFILLIK ShARTNOMASI “____” ______________ 20____ yil _________-son Toshkent shahri Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona instituti kursanti ________________________________________________________________________________ ning (F.I.O) ota-onasi (farzandlikka oluvchi va vasiy) (kelgusida “Kafil” deb yuritiladi) nomidan _______________ _______________________________________________________________________ bir tomondan, (F.I.O) Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi (bundan buyon matnda Bojxona qoʻmitasi deb yuritiladi) nomidan ____________________________________________________________________________________ (lavozimi va F.I.O) ikkinchi tomondan ushbu shartnomani quyidagilar toʻgʻrisida tuzdilar: 1. Shartnomaning mohiyati 1.1. Ushbu shartnomaga muvofiq “Kafil”, kursant (xodim) va Iqtisodiyot va moliya vazirligi huzuridagi Bojxona qoʻmitasi oʻrtasida 20__ yil “____” _____________ da tuzilgan _____________ -sonli shartnoma majburiyatlari kursant (xodim) tomonidan shartnomada belgilangan muddatlarda va miqdorlarda bajarilmagan yoki toʻliq bajarilmagan taqdirda, uning xarajatlarni qoplash majburiyatlarini toʻlab berishni oʻz zimmasiga oladi. 2. Taraflarning huquq va majburiyatlari 2.1. “Kafil”ning huquqlari: 2.1.1. Kursant kursantlar safidan chiqarilishi (xizmatdan boʻshatilishi) sabablari haqida maʼlumot oladi; 2.1.2. Kursantning huquqlari buzilganligi holatlari boʻyicha yuqori turuvchi idoralarga murojaat qiladi. 2.2. “Kafil”ning majburiyatlari: 2.2.1. Kursant tomonidan shartnoma shartlari bajarilmagan hollarda uni oʻqitishga sarflangan xarajatlar boʻyicha Nizomda belgilangan muddatda va miqdordagi mablagʻlarni toʻlab beradi. 2.3. Bojxona qoʻmitasining huquqlari: 2.3.1. Kursantga sarflangan xarajatlar boʻyicha oʻz vaqtida qoplanmagan summani “Kafil”dan talab qiladi; 2.4. Bojxona qoʻmitasining majburiyatlari: 2.4.1. Kursantga sarflangan xarajatlarni oʻz vaqtida qoplashni talab qilish; 2.4.2. Kursantga sarflangan xarajatlar oʻz vaqtida qoplanmagan taqdirda sudga murojaat qilish; 2.4.3. Zaruriyat tugʻilgan holatlarda hamda “Kafil”ning talabiga koʻra, kursant (xodim) tomonidan qoplangan miqdor toʻgʻrisidagi maʼlumotlar bilan tanishtiradi. 3. Nizolarni hal qilish tartibi 3.1. Ushbu shartnomani amalga oshirish jarayonida yuzaga keladigan nizolar Oʻzbekiston Respublikasining qonunchilik normalari asosida hal etiladi. 4. Kafillikning toʻxtatilishi 4.1. Kafillik, ushbu shartnoma boʻyicha belgilangan majburiyatlar toʻliq bajarilganda toʻxtatiladi. 5. Boshqa shartlar 5.1. Ushbu shartnomada koʻzda tutilmagan holatlarda Taraflar Oʻzbekiston Respublikasining amaldagi qonunchilik hujjatlariga amal qiladilar. 5.2. Mazkur shartnoma ikki nusxada tuzilgan boʻlib, ikkalasi ham bir xil yuridik kuchga ega va taraflarga bir nusxadan beriladi. TOMONLARNING YuRIDIK MANZILLARI VA REKVIZITLARI: Iqtisodiyot va moliya vazirligi huzuridagi Bojxona qoʻmitasi ________________________________ ________________________________ ________________________________ ________________________________ Imzo _____________________ m. oʻ. Bosh buxgalter _________________ Yurist ________________ KAFIL __________________________viloyati ____________________________tuman __________________________________ H/r: ______________________________ MFO: _____________________ STIR: _____________________ Imzo _____________________
Davlat Bojxona qoʻmitasi raisi M. AZIMOV
Moliya vaziri D. QOʻChQOROV
Toshkent sh.,
2018-yil 30-noyabr,
Toshkent sh.,
2018-yil 30-noyabr,
01-02/13-70-son
155-son