📅 2019-yil 7-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 января 2019 г. · Постановления Президента
Официальный текст. Официальный документ. Редакционные примечания не включены.
📅 7 January 2019 · Presidential resolutions
Official text. Official document. Editorial notes are not included.
Ўзбекистон Республикаси Президенти ҳузуридаги Лойиҳа бошқаруви миллий агентлигининг
буйруғи
НИЗОМ
Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби профессор-ўқитувчилари таркибини танлаб олиш тартиби тўғрисидаги низомни тасдиқлаш ҳақида
Ўзбекистон Республикаси Президентининг 2018 йил 5 сентябрдаги № ПҚ-3930-сонли «Корпоратив, лойиҳа бошқаруви ва давлат харидлари соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида»ги қарорига асосан буюраман:
1. Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби профессор-ўқитувчилари таркибини танлаб олиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Ўзбекистон Республикаси Президенти ҳузуридаги Лойиҳа бошқаруви миллий агентлигининг 2019 йил 7 январдаги 4-сон буйруғига ИЛОВА
Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби профессор-ўқитувчилари таркибини танлаб олиш тартиби тўғрисидаги
Мазкур Низом Ўзбекистон Республикаси Президентининг 2018 йил 5 сентябрдаги ПҚ-3930-сон «Корпоратив, лойиҳа бошқаруви ва давлат харидлари соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида»ги қарорига мувофиқ Ўзбекистон Республикаси Вазирлар Маҳкамаси ҳузуридаги Бизнес ва тадбиркорлик олий мактаби (бундан буён матнда Олий мактаб деб юритилади) профессор-ўқитувчилари (бундан буён матнда педагог ходимлар деб юритилади) таркибини танлаб олиш тартибини белгилайди.
1-боб. Умумий қоидалар
1. Чуқур касбий билимларга ва илмий ютуқларга, ижодий, илмий салоҳиятга, юксак интеллектуал қобилият ва ахлоқий фазилатларга эга бўлган, Кадрлар тайёрлаш миллий дастури талаблари даражасида мутахассислар тайёрлаш билан шуғулланишга муносиб бўлган энг малакали педагог ходимларни танлаш учун рақобат муҳитини яратиш ва таъминлаш танловнинг мақсади ҳисобланади.
2. Олий мактабнинг педагог ходимлари тоифасига кафедра мудири, профессор, доцент, катта ўқитувчи лавозимини эгаллаб турган шахслар киради.
3. Олий мактабнинг педагог ходимлар таркибини танлаб олиш беш йил муддатга танлов асосида амалга оширилади.
4. Беш йиллик муддат тамом бўлгандан кейин кўрсатиб ўтилган лавозимлар мазкур Низомга мувофиқ танлов асосида эгалланади.
Бир таркибий бўлинманинг икки ва ундан ортиқ тенг лавозимларига бир вақтда танлов ўтказилмайди.
5. Педагог ходимлар лавозимларини эгаллашнинг беш йиллик муддати даврида Олий мактабнинг илмий кенгаши (бундан буён матнда Илмий кенгаш деб юритилади) томонидан ҳар бир ўқув йили якунлари бўйича педагог ходимлар фаолияти ҳар томонлама ўрганиб чиқилади.
Педагог ходимлар фаолиятини ўрганиш тартиби ва мезонлари Илмий кенгаш томонидан тасдиқланади. Педагог ходимлар фаолиятини ўрганиш натижалари Илмий кенгаш йиғилишида кўриб чиқилади.
Педагог ходимлар фаолиятини ўрганиш натижаларига кўра Илмий кенгаш педагог ходимларни рағбатлантириш, меҳнат шартномасининг амал қилиш муддатини узайтириш ёки уни бекор қилиш, бирлаштирилган кафедра мудири лавозимига тайинлаш ҳамда қонунчилик ҳужжатларида белгиланган тартибда бошқа қарорлар қабул қилиши мумкин.
2-боб. Лавозимлари танлов бўйича эгалланадиган педагог ходимлар ва танлов иштирокчиларига қўйиладиган малака талаблари
6. Кафедра мудири лавозимини эгаллаш учун танловда профессор ёки доцент илмий унвонига, фан номзоди, фалсафа доктори (Ph.D), фан доктори ёки фан доктори (Doctor of Science) илмий даражасига, шунингдек хорижий мамлакатларнинг тегишли мутахассислик бўйича уларга тенглаштирилган бошқа илмий даражаларига эга бўлган шахс иштирок этиши мумкин.
Доцент (фан номзоди, фалсафа доктори (Ph.D) ёки хорижий мамлакатларнинг тегишли мутахассислик бўйича унга тенглаштирилган бошқа илмий даражалари) кафедра мудири лавозимини эгаллашга бир беш йиллик муддатга қўйилади.
Бир муддат тамом бўлгандан кейин кафедра мудири лавозимини эгаллаб турган ва фан доктори илмий даражасини олмаган доцент (фан номзоди, фалсафа доктори (Ph.D) ёки хорижий мамлакатларнинг тегишли мутахассислик бўйича унга тенглаштирилган бошқа илмий даражалари) танловда иштирок этишига йўл қўйилмайди.
Фан номзоди, фалсафа доктори (Ph.D) ёки хорижий мамлакатларнинг тегишли мутахассислик бўйича унга тенглаштирилган бошқа илмий даражаларига ёки доцент илмий унвонига эга бўлган айнан бир шахснинг кафедра мудири лавозимига танловда учинчи муддатга иштирок этишига йўл қўйилмайди.
Чет тиллари кафедраси мудири лавозимини эгаллаш учун танловда иштирок этишга доцент илмий унвонига (фан номзоди, фалсафа доктори (Ph.D) ёки хорижий мамлакатларнинг тегишли мутахассислик бўйича унга тенглаштирилган бошқа илмий даражаларига) эга бўлмаган, бироқ камида беш йил методик, илмий-педагогик ва ташкилий фаолият тажрибасига эга бўлган шахс қўйилиши мумкин.
7. Профессор лавозимини эгаллаш учун танловда, қоидага кўра, профессор илмий унвонига ёки фан доктори ёки фан доктори (Doctor of Science) илмий даражасига, шунингдек хорижий мамлакатларнинг тегишли мутахассислик бўйича унга тенглаштирилган бошқа илмий даражаларига эга бўлган шахс иштирок этиши мумкин.
Профессор лавозимини эгаллаш учун танловда шунингдек фан номзоди, фалсафа доктори (Ph.D) илмий даражасига ёки хорижий мамлакатларнинг тегишли мутахассислик бўйича унга тенглаштирилган бошқа илмий даражаларига ёки доцент илмий унвонига эга бўлган, шахс камида беш йил илмий-педагогик иш стажига эга бўлиш, ушбу кафедранинг таълим йўналишлари бўйича дарсликлар ва ўқув қўлланмалари муаллифи бўлиш шарти билан бир муддатга иштирок этиши мумкин.
8. Доцент лавозимини эгаллаш учун танловда доцент илмий унвонига, катта илмий ходим ёки фан номзоди, фалсафа доктори (Ph.D), фан доктори ёки фан доктори (Doctor of Science) илмий даражасига, шунингдек хорижий мамлакатларнинг тегишли мутахассислик бўйича уларга тенглаштирилган бошқа илмий даражаларига эга бўлган шахс иштирок этиши мумкин.
Бир муддатга доцент лавозимини эгаллаш учун танловда, шунингдек тегишли илмий унвонга ва илмий даражага эга бўлмаган, бироқ ушбу мутахассислик бўйича камида беш йиллик амалий иш тажрибасига эга бўлган юқори малакали мутахассис иштирок этиши мумкин.
9. Катта ўқитувчи лавозимини эгаллаш учун танловда олий маълумотга эга бўлган шахс (магистр, дипломли мутахассис), шу жумладан хорижий мамлакатларда олинган олий маълумотга эга, илмий даража (шу жумладан, фалсафа доктори (Ph.D) даражасига ёки хорижий мамлакатларнинг тегишли мутахассислик бўйича унга тенглаштирилган бошқа илмий даражаларига) ва илмий унвонга эга бўлган ҳамда бундай даража ва унвонга эга бўлмаган, бироқ камида беш йиллик ўқитувчилик, илмий-тадқиқот ва ишлаб чиқариш ишлари тажрибасига эга бўлган шахслар ҳам қатнашиши мумкин.
10. Ҳомиладор аёллар, шунингдек уч ёшгача болалари бўлган аёллар эгаллаб турган лавозимларга танлов эълон қилинмайди.
11. Олий мактабга ўқитувчи лавозимига соатбай ҳақ тўлаш шартларида ишга кираётган шахслар танловсиз директорнинг буйруғи билан белгиланган тартибда мансаб йўриқномаси талаблари асосида қабул қилинади.
3-боб. Танловларни ўтказиш тартиби
12. Олий мактаб сайлаш муддати ушбу ўқув йилида тамом бўладиган, шунингдек бўш лавозимларга кафедра мудирлари, профессорлар, доцентлар, катта ўқитувчилар лавозимларини эгаллашга танлов эълон қилади.
13. Танлов бўйича сайлов Илмий кенгашда ўтказилади.
Илмий кенгашда сайланадиган лавозимларнинг рўйхатини директор белгилайди.
14. Танловлар матбуотда ёки бошқа оммавий ахборот воситаларида ҳамда Олий мактабнинг расмий веб-сайтида эълон қилинади. Танловда қатнашиш учун аризалар эълон чиққан кундан бошлаб бир ойдан кечиктирмай берилиши керак.
15. Танловда қатнашишни хоҳловчилар директор номига Олий мактабнинг расмий веб-сайти орқали қуйидаги ҳужжатларни илова қилган ҳолда ариза берадилар:
Олий мактабнинг расмий веб-сайтида жойлаштирилган намунада тузилган резюме (анкета);
олий маълумот тўғрисидаги дипломларнинг нусхалари.
Танловда қатнашишни хоҳловчи шахсда илмий даража (шу жумладан, фалсафа доктори (Ph.D) ёки хорижий мамлакатларнинг даражасига унга тенглаштирилган бошқа илмий даражалари), илмий унвон, ҳамда илмий ишлар ва ихтиролар мавжуд бўлган тақдирда тегишли дипломлар, аттестатлар, илмий ишлар рўйхати, малака ошириш тўғрисидаги гувоҳномалар ҳам илова қилиниши лозим.
Нотўғри маълумотларнинг тақдим этилиши танловда қатнашишни рад этишга асос бўлади.
16. Илмий кенгаш котиби томонидан танловда қатнашиш учун келиб тушган аризалар ва барча зарур ҳужжатлар илова қилинганлиги, шу жумладан уларнинг мазкур Низом талабларига мувофиқлиги ўрганиб чиқилганидан сўнг, Илмий кенгашга кўриб чиқиш учун киритилади.
17. Ҳужжатларни кўриб чиқишдан олдин:
илгари Олий мактабда ишламаган, шунингдек, Олий мактабнинг бошқа кафедраларида ишлаган шахслар томонидан синов лекциялари ўтказилади;
танлов ўтказилаётган кафедрада ишлаб келаётган шахслар томонидан очиқ машғулотлар ўтказилади.
Синов лекциялари ва очиқ машғулотлар мавзулари кафедра предметлари бўйича ўқув дастури талабларига мувофиқ бўлиши керак.
18. Илмий кенгаш йиғилишида ҳар бир номзоднинг аризаси ҳамда унга илова қилинган ҳужжатлар ўрганилади, шунингдек, номзоднинг мазкур Низом билан ўрнатилган талабларга мувофиқлиги, илгари эгаллаб турган лавозим бўйича танловда қатнашаётган шахслар бўйича эса уларнинг ўтган даврдаги педагогик фаолияти натижалари кўриб чиқилади.
19. Илмий кенгаш қарори очиқ овоз бериш йўли билан қабул қилинади ҳамда йиғилишда иштирок этган Илмий кенгаш аъзоларининг имзолари билан тасдиқланадиган баённома кўринишида расмийлаштирилади. Овоз бериш натижалари баённомада Илмий кенгашнинг ҳар бир аъзоси кесимида кўрсатилади.
Ҳар бир Илмий кенгаш аъзоси битта овоз ҳуқуқига эга.
Эгаллаш учун танлов эълон қилинган лавозимни эгаллаб турган шахс материалларни кўриб чиқиш чоғида овоз беришда қатнашмайди.
20. Танловни ўтказишда Илмий кенгаш қарори, агар овоз беришда илмий кенгашнинг таркибидаги аъзоларининг камида учдан икки қисми қатнашган бўлса ваколатли ҳисобланади. Илмий кенгашнинг овоз беришда қатнашган аъзоларининг кўпчилик овозини, бироқ 50 фоиздан кам бўлмаган овозини олган номзод танловдан ўтган ҳисобланади.
Бирортаси ҳам талаб қилинган миқдорда овоз ололмаган икки нафардан кўп номзодлар қатнашган тақдирда Илмий кенгашнинг айнан шу мажлисида дастлабки икки талабгор ўртасида такрорий овоз бериш ўтказилади. Агар икки номзод қатнашган танловни ўтказишда овозлар сони тенг бўлиб қолса раиснинг овози ҳал қилувчи ҳисобланади. Илмий кенгаш қарори директорнинг буйруғи билан тасдиқланади.
Танловда қатнашиш учун аризалар мавжуд бўлмаган тақдирда, танлов ўтказилмаган ҳисобланади.
21. Танлов иштирокчиларига уларнинг номзодлари муҳокама қилинаётган Илмий кенгаш йиғилишида қатнашиш ёки уларнинг хоҳишларига кўра Илмий кенгаш қарори билан танишиш ҳуқуқи берилади.
22. Илмий кенгаш котиби танлов натижалари тўғрисида ўн кун муддатда унда қатнашган шахсларни ёзма равишда хабардор қилади.
4-боб. Меҳнат шартномаси (контракт)ни тузиш, ўзгартириш ва бекор қилиш
23. Олий мактабда ишлайдиган ва танловдан ўтган шахсларнинг меҳнат шартномаларига қуйидагилар киритилади:
а) улар илгари эгаллаб келган лавозим учун — меҳнат муносабатларини янги муддатга узайтириш тўғрисидаги маълумотлар ёзилади ва тегишли буйруқ чиқарилади;
б) бошқа лавозимлар учун — танловдан ўтганлик тўғрисида Илмий кенгаш қарорига хавола қилган ҳолда тегишли ўзгартиришлар ва бошқа лавозимга ўтказиш тўғрисида буйруқ чиқарилади.
Давлат бошқаруви органи қарорига кўра педагог ходимлар аттестациядан ўтказилган тақдирда аттестация якунларига кўра иш берувчи ва ходимлар ўртасидаги меҳнат муносабатлари масалалари, шахснинг танлов бўйича эгалланадиган лавозимда бўлиш муддатидан қатъи назар, қонунчилик ҳужжатларида белгиланган тартибда ҳал қилинади.
24. Илгари эгаллаб келган лавозими учун танловдан ўтмаган, шунингдек танловда қатнашиш учун ариза бермаган шахслар билан меҳнат шартномаси янги муддатга танловдан ўтмаганлиги ёхуд танловда қатнашишни рад этганлиги сабабли директор томонидан белгиланган муддатларда (қоидага кўра, ўқув семестри, йили тамом бўлгандан кейин) меҳнат қонунчилигига мувофиқ бекор қилинади.
25. Кафедралар бирлаштирилганда ёки кафедра бўлинганда педагог ходимлар бўйича муддатидан илгари танловлар ўтказишга йўл қўйилмайди.
Кафедралар бирлаштирилган тақдирда янгидан ташкил этилган кафедра мудири лавозимини вақтинча эгаллаш масаласини Илмий кенгаш олдиндан танлов эълон қилмасдан, ушбу Низомнинг 5-бандига асосан, бирлаштирилган кафедралар педагог ходимлари фаолиятини ўрганиш натижаларини инобатга олган ҳолда ҳал қилади.
Кафедра бўлинган тақдирда унинг мудири сайланган муддати ўтгунгача, директорнинг буйруғи билан янгидан ташкил этилган кафедралардан бирининг мудири лавозимига тайинланади. Бошқа кафедранинг мудири лавозимига танлов бўйича мудир тайинланади.
26. Директорга танлов ўтказилгунга қадар кафедранинг ўқитувчиларидан биттасига бўш кафедра мудири лавозими бўйича вазифаларни бажаришни юклашга рухсат этилади.
Вакиллик органларида сайлаб қўйиладиган лавозимга сайлангани муносабати билан меҳнат шартномаси бекор қилинган ўқитувчи сайлаб қўйиладиган лавозимдаги ваколати тугаганидан кейин танлов натижаларига кўра сайланган муддати тугагунгача Олий мактабда илгари эгаллаб келган ёки унга тенг бўлган педагог ходими лавозимига тайинланади.
27. Директор педагог ходимларнинг эгаллаб турган лавозимларига мувофиқлиги тўғрисидаги масалани Илмий кенгашда кўриб чиқиш учун киритиш ҳуқуқига эга.
Илмий кенгашда педагог ходимнинг эгаллаб турган лавозимига мувофиқлиги тўғрисидаги масалани кўриб чиқишдан олдин унинг фаолияти ўрганиб чиқилиши керак.
Илмий кенгаш қарори асосида педагог ходимни эгаллаб турган лавозимига номувофиқлиги бўйича вазифасидан озод қилишга унинг малакаси етарли бўлмаганлиги сабабли илмий-методик ва ташкилий ишлар, шунингдек лекция ва семинар машғулотлари ўтказиш даражаси паст бўлган тақдирда йўл қўйилади.
Агар Илмий кенгаш қарорига кўра кафедра мудири, профессор, доцент, катта ўқитувчи эгаллаб турган лавозимига номувофиқ деб топилса, у билан тузилган меҳнат шартномаси қонунчилик ҳужжатларида белгиланган тартибда бекор қилинади.
Кафедра мудири билан тузилган меҳнат шартномаси у томонидан кафедрага раҳбарлик қилиш бўйича ўз функционал вазифаларини бажарилмаганлиги ёки зарур даражада бажарилмаганлиги сабабли ҳам Илмий кенгаш қарорига мувофиқ бекор қилиниши мумкин.
5-боб. Якуний қоидалар
28. Педагог ходимлар билан тузилган меҳнат шартномасини бекор қилиш масалаларига доир меҳнат низолари қонунчилик ҳужжатларида белгиланган тартибда ҳал этилади.
29. Мазкур Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўладилар.
Директорнинг биринчи ўринбосари Д. ЛИ
Тошкент ш.,
2019 йил 7 январь,
4-сон
Oʻzbekiston Respublikasi Prezidenti huzuridagi Loyiha boshqaruvi milliy agentligining
buyrugʻi
NIZOM
Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi professor-oʻqituvchilari tarkibini tanlab olish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining 2018-yil 5-sentabrdagi № PQ-3930-sonli “Korporativ, loyiha boshqaruvi va davlat xaridlari sohasida kadrlarni tayyorlash, qayta tayyorlash va ularning malakasini oshirish tizimini takomillashtirish boʻyicha qoʻshimcha chora-tadbirlar toʻgʻrisida”gi qaroriga asosan buyuraman:
1. Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi professor-oʻqituvchilari tarkibini tanlab olish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Prezidenti huzuridagi Loyiha boshqaruvi milliy agentligining 2019-yil 7-yanvardagi 4-son buyrugʻiga ILOVA
Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi professor-oʻqituvchilari tarkibini tanlab olish tartibi toʻgʻrisidagi
Mazkur Nizom Oʻzbekiston Respublikasi Prezidentining 2018-yil 5-sentabrdagi PQ-3930-son “Korporativ, loyiha boshqaruvi va davlat xaridlari sohasida kadrlarni tayyorlash, qayta tayyorlash va ularning malakasini oshirish tizimini takomillashtirish boʻyicha qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Vazirlar Mahkamasi huzuridagi Biznes va tadbirkorlik oliy maktabi (bundan buyon matnda Oliy maktab deb yuritiladi) professor-oʻqituvchilari (bundan buyon matnda pedagog xodimlar deb yuritiladi) tarkibini tanlab olish tartibini belgilaydi.
1-bob. Umumiy qoidalar
1. Chuqur kasbiy bilimlarga va ilmiy yutuqlarga, ijodiy, ilmiy salohiyatga, yuksak intellektual qobiliyat va axloqiy fazilatlarga ega boʻlgan, Kadrlar tayyorlash milliy dasturi talablari darajasida mutaxassislar tayyorlash bilan shugʻullanishga munosib boʻlgan eng malakali pedagog xodimlarni tanlash uchun raqobat muhitini yaratish va taʼminlash tanlovning maqsadi hisoblanadi.
2. Oliy maktabning pedagog xodimlari toifasiga kafedra mudiri, professor, dotsent, katta oʻqituvchi lavozimini egallab turgan shaxslar kiradi.
3. Oliy maktabning pedagog xodimlar tarkibini tanlab olish besh yil muddatga tanlov asosida amalga oshiriladi.
4. Besh yillik muddat tamom boʻlgandan keyin koʻrsatib oʻtilgan lavozimlar mazkur Nizomga muvofiq tanlov asosida egallanadi.
Bir tarkibiy boʻlinmaning ikki va undan ortiq teng lavozimlariga bir vaqtda tanlov oʻtkazilmaydi.
5. Pedagog xodimlar lavozimlarini egallashning besh yillik muddati davrida Oliy maktabning ilmiy kengashi (bundan buyon matnda Ilmiy kengash deb yuritiladi) tomonidan har bir oʻquv yili yakunlari boʻyicha pedagog xodimlar faoliyati har tomonlama oʻrganib chiqiladi.
Pedagog xodimlar faoliyatini oʻrganish tartibi va mezonlari Ilmiy kengash tomonidan tasdiqlanadi. Pedagog xodimlar faoliyatini oʻrganish natijalari Ilmiy kengash yigʻilishida koʻrib chiqiladi.
Pedagog xodimlar faoliyatini oʻrganish natijalariga koʻra Ilmiy kengash pedagog xodimlarni ragʻbatlantirish, mehnat shartnomasining amal qilish muddatini uzaytirish yoki uni bekor qilish, birlashtirilgan kafedra mudiri lavozimiga tayinlash hamda qonunchilik hujjatlarida belgilangan tartibda boshqa qarorlar qabul qilishi mumkin.
2-bob. Lavozimlari tanlov boʻyicha egallanadigan pedagog xodimlar va tanlov ishtirokchilariga qoʻyiladigan malaka talablari
6. Kafedra mudiri lavozimini egallash uchun tanlovda professor yoki dotsent ilmiy unvoniga, fan nomzodi, falsafa doktori (Ph.D), fan doktori yoki fan doktori (Doctor of Science) ilmiy darajasiga, shuningdek xorijiy mamlakatlarning tegishli mutaxassislik boʻyicha ularga tenglashtirilgan boshqa ilmiy darajalariga ega boʻlgan shaxs ishtirok etishi mumkin.
Dotsent (fan nomzodi, falsafa doktori (Ph.D) yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalari) kafedra mudiri lavozimini egallashga bir besh yillik muddatga qoʻyiladi.
Bir muddat tamom boʻlgandan keyin kafedra mudiri lavozimini egallab turgan va fan doktori ilmiy darajasini olmagan dotsent (fan nomzodi, falsafa doktori (Ph.D) yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalari) tanlovda ishtirok etishiga yoʻl qoʻyilmaydi.
Fan nomzodi, falsafa doktori (Ph.D) yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan aynan bir shaxsning kafedra mudiri lavozimiga tanlovda uchinchi muddatga ishtirok etishiga yoʻl qoʻyilmaydi.
Chet tillari kafedrasi mudiri lavozimini egallash uchun tanlovda ishtirok etishga dotsent ilmiy unvoniga (fan nomzodi, falsafa doktori (Ph.D) yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalariga) ega boʻlmagan, biroq kamida besh yil metodik, ilmiy-pedagogik va tashkiliy faoliyat tajribasiga ega boʻlgan shaxs qoʻyilishi mumkin.
7. Professor lavozimini egallash uchun tanlovda, qoidaga koʻra, professor ilmiy unvoniga yoki fan doktori yoki fan doktori (Doctor of Science) ilmiy darajasiga, shuningdek xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalariga ega boʻlgan shaxs ishtirok etishi mumkin.
Professor lavozimini egallash uchun tanlovda shuningdek fan nomzodi, falsafa doktori (Ph.D) ilmiy darajasiga yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalariga yoki dotsent ilmiy unvoniga ega boʻlgan, shaxs kamida besh yil ilmiy-pedagogik ish stajiga ega boʻlish, ushbu kafedraning taʼlim yoʻnalishlari boʻyicha darsliklar va oʻquv qoʻllanmalari muallifi boʻlish sharti bilan bir muddatga ishtirok etishi mumkin.
8. Dotsent lavozimini egallash uchun tanlovda dotsent ilmiy unvoniga, katta ilmiy xodim yoki fan nomzodi, falsafa doktori (Ph.D), fan doktori yoki fan doktori (Doctor of Science) ilmiy darajasiga, shuningdek xorijiy mamlakatlarning tegishli mutaxassislik boʻyicha ularga tenglashtirilgan boshqa ilmiy darajalariga ega boʻlgan shaxs ishtirok etishi mumkin.
Bir muddatga dotsent lavozimini egallash uchun tanlovda, shuningdek tegishli ilmiy unvonga va ilmiy darajaga ega boʻlmagan, biroq ushbu mutaxassislik boʻyicha kamida besh yillik amaliy ish tajribasiga ega boʻlgan yuqori malakali mutaxassis ishtirok etishi mumkin.
9. Katta oʻqituvchi lavozimini egallash uchun tanlovda oliy maʼlumotga ega boʻlgan shaxs (magistr, diplomli mutaxassis), shu jumladan xorijiy mamlakatlarda olingan oliy maʼlumotga ega, ilmiy daraja (shu jumladan, falsafa doktori (Ph.D) darajasiga yoki xorijiy mamlakatlarning tegishli mutaxassislik boʻyicha unga tenglashtirilgan boshqa ilmiy darajalariga) va ilmiy unvonga ega boʻlgan hamda bunday daraja va unvonga ega boʻlmagan, biroq kamida besh yillik oʻqituvchilik, ilmiy-tadqiqot va ishlab chiqarish ishlari tajribasiga ega boʻlgan shaxslar ham qatnashishi mumkin.
10. Homilador ayollar, shuningdek uch yoshgacha bolalari boʻlgan ayollar egallab turgan lavozimlarga tanlov eʼlon qilinmaydi.
11. Oliy maktabga oʻqituvchi lavozimiga soatbay haq toʻlash shartlarida ishga kirayotgan shaxslar tanlovsiz direktorning buyrugʻi bilan belgilangan tartibda mansab yoʻriqnomasi talablari asosida qabul qilinadi.
3-bob. Tanlovlarni oʻtkazish tartibi
12. Oliy maktab saylash muddati ushbu oʻquv yilida tamom boʻladigan, shuningdek boʻsh lavozimlarga kafedra mudirlari, professorlar, dotsentlar, katta oʻqituvchilar lavozimlarini egallashga tanlov eʼlon qiladi.
13. Tanlov boʻyicha saylov Ilmiy kengashda oʻtkaziladi.
Ilmiy kengashda saylanadigan lavozimlarning roʻyxatini direktor belgilaydi.
14. Tanlovlar matbuotda yoki boshqa ommaviy axborot vositalarida hamda Oliy maktabning rasmiy veb-saytida eʼlon qilinadi. Tanlovda qatnashish uchun arizalar eʼlon chiqqan kundan boshlab bir oydan kechiktirmay berilishi kerak.
15. Tanlovda qatnashishni xohlovchilar direktor nomiga Oliy maktabning rasmiy veb-sayti orqali quyidagi hujjatlarni ilova qilgan holda ariza beradilar:
Oliy maktabning rasmiy veb-saytida joylashtirilgan namunada tuzilgan rezyume (anketa);
oliy maʼlumot toʻgʻrisidagi diplomlarning nusxalari.
Tanlovda qatnashishni xohlovchi shaxsda ilmiy daraja (shu jumladan, falsafa doktori (Ph.D) yoki xorijiy mamlakatlarning darajasiga unga tenglashtirilgan boshqa ilmiy darajalari), ilmiy unvon, hamda ilmiy ishlar va ixtirolar mavjud boʻlgan taqdirda tegishli diplomlar, attestatlar, ilmiy ishlar roʻyxati, malaka oshirish toʻgʻrisidagi guvohnomalar ham ilova qilinishi lozim.
Notoʻgʻri maʼlumotlarning taqdim etilishi tanlovda qatnashishni rad etishga asos boʻladi.
16. Ilmiy kengash kotibi tomonidan tanlovda qatnashish uchun kelib tushgan arizalar va barcha zarur hujjatlar ilova qilinganligi, shu jumladan ularning mazkur Nizom talablariga muvofiqligi oʻrganib chiqilganidan soʻng, Ilmiy kengashga koʻrib chiqish uchun kiritiladi.
17. Hujjatlarni koʻrib chiqishdan oldin:
ilgari Oliy maktabda ishlamagan, shuningdek, Oliy maktabning boshqa kafedralarida ishlagan shaxslar tomonidan sinov leksiyalari oʻtkaziladi;
tanlov oʻtkazilayotgan kafedrada ishlab kelayotgan shaxslar tomonidan ochiq mashgʻulotlar oʻtkaziladi.
Sinov leksiyalari va ochiq mashgʻulotlar mavzulari kafedra predmetlari boʻyicha oʻquv dasturi talablariga muvofiq boʻlishi kerak.
18. Ilmiy kengash yigʻilishida har bir nomzodning arizasi hamda unga ilova qilingan hujjatlar oʻrganiladi, shuningdek, nomzodning mazkur Nizom bilan oʻrnatilgan talablarga muvofiqligi, ilgari egallab turgan lavozim boʻyicha tanlovda qatnashayotgan shaxslar boʻyicha esa ularning oʻtgan davrdagi pedagogik faoliyati natijalari koʻrib chiqiladi.
19. Ilmiy kengash qarori ochiq ovoz berish yoʻli bilan qabul qilinadi hamda yigʻilishda ishtirok etgan Ilmiy kengash aʼzolarining imzolari bilan tasdiqlanadigan bayonnoma koʻrinishida rasmiylashtiriladi. Ovoz berish natijalari bayonnomada Ilmiy kengashning har bir aʼzosi kesimida koʻrsatiladi.
Har bir Ilmiy kengash aʼzosi bitta ovoz huquqiga ega.
Egallash uchun tanlov eʼlon qilingan lavozimni egallab turgan shaxs materiallarni koʻrib chiqish chogʻida ovoz berishda qatnashmaydi.
20. Tanlovni oʻtkazishda Ilmiy kengash qarori, agar ovoz berishda ilmiy kengashning tarkibidagi aʼzolarining kamida uchdan ikki qismi qatnashgan boʻlsa vakolatli hisoblanadi. Ilmiy kengashning ovoz berishda qatnashgan aʼzolarining koʻpchilik ovozini, biroq 50 foizdan kam boʻlmagan ovozini olgan nomzod tanlovdan oʻtgan hisoblanadi.
Birortasi ham talab qilingan miqdorda ovoz ololmagan ikki nafardan koʻp nomzodlar qatnashgan taqdirda Ilmiy kengashning aynan shu majlisida dastlabki ikki talabgor oʻrtasida takroriy ovoz berish oʻtkaziladi. Agar ikki nomzod qatnashgan tanlovni oʻtkazishda ovozlar soni teng boʻlib qolsa raisning ovozi hal qiluvchi hisoblanadi. Ilmiy kengash qarori direktorning buyrugʻi bilan tasdiqlanadi.
Tanlovda qatnashish uchun arizalar mavjud boʻlmagan taqdirda, tanlov oʻtkazilmagan hisoblanadi.
21. Tanlov ishtirokchilariga ularning nomzodlari muhokama qilinayotgan Ilmiy kengash yigʻilishida qatnashish yoki ularning xohishlariga koʻra Ilmiy kengash qarori bilan tanishish huquqi beriladi.
22. Ilmiy kengash kotibi tanlov natijalari toʻgʻrisida oʻn kun muddatda unda qatnashgan shaxslarni yozma ravishda xabardor qiladi.
4-bob. Mehnat shartnomasi (kontrakt)ni tuzish, oʻzgartirish va bekor qilish
23. Oliy maktabda ishlaydigan va tanlovdan oʻtgan shaxslarning mehnat shartnomalariga quyidagilar kiritiladi:
a) ular ilgari egallab kelgan lavozim uchun — mehnat munosabatlarini yangi muddatga uzaytirish toʻgʻrisidagi maʼlumotlar yoziladi va tegishli buyruq chiqariladi;
b) boshqa lavozimlar uchun — tanlovdan oʻtganlik toʻgʻrisida Ilmiy kengash qaroriga xavola qilgan holda tegishli oʻzgartirishlar va boshqa lavozimga oʻtkazish toʻgʻrisida buyruq chiqariladi.
Davlat boshqaruvi organi qaroriga koʻra pedagog xodimlar attestatsiyadan oʻtkazilgan taqdirda attestatsiya yakunlariga koʻra ish beruvchi va xodimlar oʻrtasidagi mehnat munosabatlari masalalari, shaxsning tanlov boʻyicha egallanadigan lavozimda boʻlish muddatidan qatʼi nazar, qonunchilik hujjatlarida belgilangan tartibda hal qilinadi.
24. Ilgari egallab kelgan lavozimi uchun tanlovdan oʻtmagan, shuningdek tanlovda qatnashish uchun ariza bermagan shaxslar bilan mehnat shartnomasi yangi muddatga tanlovdan oʻtmaganligi yoxud tanlovda qatnashishni rad etganligi sababli direktor tomonidan belgilangan muddatlarda (qoidaga koʻra, oʻquv semestri, yili tamom boʻlgandan keyin) mehnat qonunchiligiga muvofiq bekor qilinadi.
25. Kafedralar birlashtirilganda yoki kafedra boʻlinganda pedagog xodimlar boʻyicha muddatidan ilgari tanlovlar oʻtkazishga yoʻl qoʻyilmaydi.
Kafedralar birlashtirilgan taqdirda yangidan tashkil etilgan kafedra mudiri lavozimini vaqtincha egallash masalasini Ilmiy kengash oldindan tanlov eʼlon qilmasdan, ushbu Nizomning 5-bandiga asosan, birlashtirilgan kafedralar pedagog xodimlari faoliyatini oʻrganish natijalarini inobatga olgan holda hal qiladi.
Kafedra boʻlingan taqdirda uning mudiri saylangan muddati oʻtgungacha, direktorning buyrugʻi bilan yangidan tashkil etilgan kafedralardan birining mudiri lavozimiga tayinlanadi. Boshqa kafedraning mudiri lavozimiga tanlov boʻyicha mudir tayinlanadi.
26. Direktorga tanlov oʻtkazilgunga qadar kafedraning oʻqituvchilaridan bittasiga boʻsh kafedra mudiri lavozimi boʻyicha vazifalarni bajarishni yuklashga ruxsat etiladi.
Vakillik organlarida saylab qoʻyiladigan lavozimga saylangani munosabati bilan mehnat shartnomasi bekor qilingan oʻqituvchi saylab qoʻyiladigan lavozimdagi vakolati tugaganidan keyin tanlov natijalariga koʻra saylangan muddati tugagungacha Oliy maktabda ilgari egallab kelgan yoki unga teng boʻlgan pedagog xodimi lavozimiga tayinlanadi.
27. Direktor pedagog xodimlarning egallab turgan lavozimlariga muvofiqligi toʻgʻrisidagi masalani Ilmiy kengashda koʻrib chiqish uchun kiritish huquqiga ega.
Ilmiy kengashda pedagog xodimning egallab turgan lavozimiga muvofiqligi toʻgʻrisidagi masalani koʻrib chiqishdan oldin uning faoliyati oʻrganib chiqilishi kerak.
Ilmiy kengash qarori asosida pedagog xodimni egallab turgan lavozimiga nomuvofiqligi boʻyicha vazifasidan ozod qilishga uning malakasi yetarli boʻlmaganligi sababli ilmiy-metodik va tashkiliy ishlar, shuningdek leksiya va seminar mashgʻulotlari oʻtkazish darajasi past boʻlgan taqdirda yoʻl qoʻyiladi.
Agar Ilmiy kengash qaroriga koʻra kafedra mudiri, professor, dotsent, katta oʻqituvchi egallab turgan lavozimiga nomuvofiq deb topilsa, u bilan tuzilgan mehnat shartnomasi qonunchilik hujjatlarida belgilangan tartibda bekor qilinadi.
Kafedra mudiri bilan tuzilgan mehnat shartnomasi u tomonidan kafedraga rahbarlik qilish boʻyicha oʻz funksional vazifalarini bajarilmaganligi yoki zarur darajada bajarilmaganligi sababli ham Ilmiy kengash qaroriga muvofiq bekor qilinishi mumkin.
5-bob. Yakuniy qoidalar
28. Pedagog xodimlar bilan tuzilgan mehnat shartnomasini bekor qilish masalalariga doir mehnat nizolari qonunchilik hujjatlarida belgilangan tartibda hal etiladi.
29. Mazkur Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.
Direktorning birinchi oʻrinbosari D. LI
Toshkent sh.,
2019-yil 7-yanvar,
4-son
Национального агентство проектного управления при Президенте Республики Узбекистан
Приказ
ПОЛОЖЕНИЕ
Об утверждении Положения о порядке отбора профессорско-преподавательского состава Высшей школы бизнеса и предпринимательства при Кабинете Министров Республики Узбекистан
Во исполнение постановления Президента Республики Узбекистан от 5 сентября 2018 года № ПП-3930 «О дополнительных мерах по совершенствованию системы подготовки, переподготовки и повышения квалификации кадров в области корпоративного, проектного управления и государственных закупок» приказываю:
1. Утвердить Положение о порядке отбора профессорско-преподавательского состава Высшей школы бизнеса и предпринимательства при Кабинете Министров Республики Узбекистан согласно приложению .
2. Настоящий приказ вступает в силу со дня его официального опубликования.
ПРИЛОЖЕНИЕ к приказу Национального агентства проектного управления при Президенте Республики Узбекистан от 7 января 2019 года № 4
о порядке отбора профессорско-преподавательского состава Высшей школы бизнеса и предпринимательства при Кабинете Министров Республики Узбекистан
Настоящее Положение в соответствии с постановлением Президента Республики Узбекистан от 5 сентября 2018 года № ПП-3930 «О дополнительных мерах по совершенствованию системы подготовки, переподготовки и повышения квалификации кадров в области корпоративного, проектного управления и государственных закупок» определяет порядок отбора профессорско-преподавательского состава (далее ― педагогические работники) Высшей школы бизнеса и предпринимательства при Кабинете Министров Республики Узбекистан (далее — Высшая школа).
Глава 1. Общие положения
1. Целью отбора является создание и обеспечение конкурентной среды для подбора наиболее квалифицированных педагогических работников, имеющих глубокие профессиональные знания и научные достижения, обладающих творческим, научным потенциалом, высокими интеллектуальными способностями и нравственными качествами, достойных заниматься подготовкой специалистов на уровне требований Национальной программы по подготовке кадров.
2. В категорию педагогических работников включаются лица, занимающие должности заведующего кафедрой, профессора, доцента, старшего преподавателя.
3. Отбор состава педагогических работников Высшей школы осуществляется на пятилетний срок на основании конкурса.
4. По истечении пятилетнего срока указанные должности замещаются на конкурсной основе в соответствии с настоящим Положением.
Конкурс на две и более эквивалентные должности в одном структурном подразделении одновременно не проводится.
5. В период пятилетнего срока замещения должностей педагогических работников, Ученым советом Высшей школы (далее — Ученый совет), по итогам каждого учебного года проводится всестороннее изучение деятельности педагогических работников.
Критерии изучения деятельности педагогических работников и его порядок утверждаются Ученым советом. Результаты изучения деятельности педагогических работников рассматриваются на заседании Ученого совета.
По итогам изучения деятельности педагогических работников, Ученый совет может принять решение о поощрении педагогических работников, продлении срока действия или прекращении трудового договора с ними, назначении на должность заведующего объединенных кафедр, а также другие решения в порядке, установленном законодательством.
Глава 2. Педагогические работники, должности которых замещаются по конкурсу, и квалификационные требования к участникам конкурса
6. В конкурсе на замещение должности заведующего кафедрой может принять участие лицо, имеющее ученое звание профессора или доцента, ученую степень кандидата наук, доктора философии (Ph.D), доктора наук или доктора наук (Doctor of Science), а также приравненные к ним другие ученые степени зарубежных стран по соответствующей специальности.
Доцент (кандидат наук, доктор философии (Ph.D) или приравненные к нему другие ученые степени зарубежных стран по соответствующей специальности) допускается к замещению должности заведующего кафедрой на один пятилетний срок.
По истечении одного срока не допускается принятие участия в конкурсе на замещение должности заведующего кафедрой доцента (кандидата наук, доктора философии (Ph.D) или приравненных к нему других ученых степеней зарубежных стран по соответствующей специальности), занимающего должность заведующего кафедрой и не получившего ученой степени доктора наук.
Участие в конкурсе одного и того же лица, имеющего ученую степень кандидата наук, доктора философии (Ph.D) или приравненные к нему другие ученые степени зарубежных стран по соответствующей специальности или ученое звание доцента, на должность заведующего кафедрой на третий срок не допускается.
К участию в конкурсе на замещение должности заведующего кафедрой иностранных языков может допускаться лицо без ученого звания доцента (ученой степени кандидата наук, доктора философии (Ph.D) или приравненных к нему других ученых степеней зарубежных стран по соответствующей специальности), но имеющее опыт методической, научно-педагогической и организационной деятельности не менее пяти лет.
7. В конкурсе на замещение должности профессора может принять участие лицо, имеющее ученое звание профессора или ученую степень доктора наук или доктора наук (Doctor of Science), а также приравненные к нему другие ученые степени зарубежных стран по соответствующей специальности.
В конкурсе на замещение должности профессора также может принять участие на один срок лицо, имеющее ученую степень кандидата наук, доктора философии (Ph.D) или приравненные к нему другие ученые степени зарубежных стран по соответствующей специальности или ученое звание доцента, при наличии не менее пяти лет стажа научно-педагогической работы, являющееся автором учебников и учебных пособий по образовательным направлениям данной кафедры.
8. В конкурсе на замещение должности доцента может принять участие лицо, имеющее ученое звание доцента, старшего научного сотрудника или ученую степень кандидата наук, доктора философии (Ph.D), доктора наук или доктора наук (Doctor of Science), а также приравненные к ним другие ученые степени зарубежных стран по соответствующей специальности.
В конкурсе на замещение должности доцента на один срок может принять участие также высококвалифицированный специалист без соответствующих ученого звания и ученой степени, но обладающий опытом практической работы по данной специальности не менее пяти лет.
9. В конкурсе на замещение должности старшего преподавателя может принять участие лицо с высшим образованием (магистр, дипломированный специалист), в том числе полученным в зарубежных странах, как имеющее, так и не имеющее ученую степень (в том числе, степень доктора философии (Ph.D) или приравненные к нему другие ученые степени зарубежных стран по соответствующей специальности) и ученое звание, но имеющее опыт преподавательской, научно-исследовательской и производственной работы не менее пяти лет.
10. Конкурс не объявляется на должности, занятые беременными женщинами, а также женщинами, имеющими детей в возрасте до трех лет.
11. Лица, поступающие в Высшую школу на преподавательскую работу на условиях почасовой оплаты, зачисляются без проведения конкурса приказом директора Высшей школы (далее — Директор) в установленном порядке на основе требований должностной инструкции.
Глава 3. Порядок проведения конкурсов
12. Высшая школа объявляет конкурс на замещение должностей заведующих кафедрами, профессоров, доцентов, старших преподавателей, срок избрания которых истекает в данном учебном году, а также на вакантные должности.
13. Отбор по конкурсу проводится на Ученом совете.
Директор определяет перечень должностей, подлежащих отбору на Ученом совете.
14. Конкурсы объявляются через периодическую печать или другие средства массовой информации, а также официальный веб-сайт Высшей школы. Заявления для участия в конкурсе должны быть поданы не позднее одного месяца со дня опубликования объявления.
15. Желающие принять участие в конкурсе подают заявление на имя директора через официальный веб-сайт Высшей школы, с приложением следующих документов:
резюме (анкета), составленное по образцу, размещенному на официальном веб-сайте Высшей школы;
копии дипломов о высшем образовании.
При наличии у лица, желающего принять участие в конкурсе, ученой степени (в том числе степени доктора философии (Ph.D) или приравненные к нему другие ученые степени зарубежных стран по соответствующей специальности), ученого звания, а также научных трудов и изобретений, копии соответствующих дипломов, аттестатов и списка трудов, свидетельств о повышении квалификации также должны быть приложены к заявлению.
Предоставление недостоверной информации является основанием для отказа лицу в доступе к конкурсу.
16. Рассмотренные секретарем Ученого совета заявления, поступившие для участия в конкурсе, в том числе на предмет полноты пакета необходимых документов в соответствии с требованиями настоящего Положения, вносятся на рассмотрение Ученого совета.
17. Рассмотрению документов:
лиц, ранее не работавших в Высшей школе, а также преподавателей, работающих на других кафедрах Высшей школы, предшествует проведение ими пробных лекций;
преподавателей, работающих на кафедре, на которую проводится конкурс, предшествует проведение ими открытых занятий.
Тематика пробных лекций и открытых занятий должна соответствовать требованиям учебной программы по дисциплинам кафедры.
18. На заседании Ученого совета по каждой кандидатуре рассматривается поданное им заявление, изучаются приложенные к заявлению документы, проверяется соответствие кандидата к требованиям, предъявляемым настоящим Положением, а по лицам, принимающим участие в конкурсе на ранее занимаемую должность, рассматриваются результаты их педагогической деятельности за истекший период.
19. Решения Ученого совета принимаются путем открытого голосования и оформляются в виде протоколов, заверяемых подписями членов Ученого совета, присутствовавших на заседании. Результаты голосования указываются в протоколе в разрезе каждого члена Ученого совета.
Каждый член Ученого совета имеет право одного голоса.
Лицо, занимающее должность, на которую объявлен конкурс, при рассмотрении материалов в голосовании не участвует.
20. Решение Ученого совета при проведении конкурса является правомочным, если в голосовании участвовало не менее 2/3 от общего числа членов Ученого совета. Прошедшим по конкурсу считается кандидат, получивший большинство, но не менее 50 процентов голосов присутствующих членов Ученого совета.
При участии более двух кандидатов, ни один из которых не набрал требуемого количества голосов, проводится повторное голосование между двумя первыми претендентами на этом же заседании Ученого совета. Если при проведении конкурса, в котором участвовали два кандидата, голоса разделились поровну, голос председателя является решающим. Решение Ученого совета утверждается приказом директора.
В случае отсутствия заявлений на конкурс, конкурс считается несостоявшимся.
21. Участвующим в конкурсе предоставляется право присутствовать на заседании Ученого совета, где обсуждаются их кандидатуры, или быть ознакомленными, по их желанию, с решением Ученого совета.
22. О результатах конкурса секретарь Ученого совета в десятидневный срок извещает лиц, участвовавших в нем, в письменной форме.
Глава 4. Заключение, изменение и прекращение трудового договора (контракта)
23. В трудовые договоры лиц, работающих в Высшей школе и избранных по конкурсу, вносятся:
а) на должности, ранее ими занимаемые, — сведения о продлении трудовых отношений на новый срок, и издается соответствующий приказ;
б) на другие должности — соответствующие изменения со ссылкой на решение Ученого совета о прохождении по конкурсу, и издается приказ о переводе на другую должность.
В случае проведения по решению государственного органа управления аттестации педагогических работников, вопросы трудовых отношений между работодателем и работниками по итогам аттестации решаются в установленном законодательством порядке, независимо от срока пребывания лица на занимаемой должности.
24. С лицами, не прошедшими по конкурсу на должности, ранее ими занимаемые, а также не подавшими заявления для участия в конкурсе, трудовой договор прекращается в сроки, определяемые директором (как правило, после окончания учебного семестра, года), в связи с непрохождением по конкурсу на новый срок либо отказом от участия в конкурсе, в соответствии с трудовым законодательством.
25. При объединении или разделении кафедр проведение досрочного отбора педагогических работников не допускается.
Вопрос временного замещения должности заведующего вновь организованной кафедры при объединении кафедр решает Ученый совет без предварительного объявления конкурса, с учетом результатов изучения деятельности педагогических работников объединенных кафедр, согласно пункту 5 настоящего Положения.
При разделении кафедры ее заведующий назначается на должность заведующего одной из вновь организованных кафедр приказом директора до истечения срока избрания. Должность заведующего другой кафедрой замещается по конкурсу.
26. При необходимости, директор вправе решать вопрос о возложении исполнения обязанностей по вакантной должности заведующего кафедрой на преподавателя кафедры до проведения конкурса.
Преподаватель, трудовой договор с которым был прекращен вследствие избрания на выборные должности в представительных органах, зачисляется по окончании его выборных полномочий на ранее занимаемую или равнозначную должность педагогического работника Высшей школы до истечения срока его избрания по результатам конкурса.
27. Директор вправе выносить на рассмотрение Ученого совета вопрос о соответствии педагогических работников занимаемым должностям.
Рассмотрению вопроса на Ученом совете о соответствии педагогического работника занимаемой должности должно предшествовать изучение его деятельности.
Освобождение педагогического работника по несоответствию занимаемой должности на основании решения Ученого совета допускается в случае его недостаточной квалификации ввиду низкого уровня научной, методической и организационной работы, а также проведения лекционных и семинарных занятий.
Если решением Ученого совета заведующий кафедрой, профессор, доцент, старший преподаватель будет признан несоответствующим занимаемой должности, то трудовой договор с ним прекращается в порядке, установленном законодательством.
С заведующим кафедрой трудовой договор может быть прекращен также по несоответствию занимаемой должности согласно решению Ученого совета ввиду невыполнения или ненадлежащего выполнения им своих функциональных обязанностей по руководству кафедрой.
Глава 5. Заключительные положения
28. Трудовые споры по вопросам прекращения трудового договора с педагогическими работниками разрешаются в установленном законодательством порядке.
29. Лица, виновные в нарушении требований настоящего Положения, несут ответственность в соответствии с законодательством.
Первый заместитель директора Д. ЛИ
г. Ташкент,
7 января 2019 г.,
№ 4