UzbekAI

Ўзбекистон Республикаси Президентининг

Фармони

«Андижон-фарм» эркин иқтисодий зонасини ташкил этиш тўғрисида

Республикамизда юқори технологияли фармацевтика корхоналарини ташкил этиш бўйича инвестиция лойиҳаларини амалга оширишга инвестицияларни, энг аввало, Ҳиндистон Республикасидан тўғридан-тўғри инвестицияларни фаол жалб этиш учун қулай шарт-шароитлар яратиш, ички бозорни ўзимизда, шу жумладан маҳаллий доривор ўсимликлар хом ашёсини чуқур қайта ишлаш асосида ишлаб чиқарилган юқори сифатли дори воситалари билан тўлдириш, шунингдек, Андижон вилоятининг ишлаб чиқариш ва ресурс салоҳиятидан комплекс ҳамда самарали фойдаланиш асосида янги иш ўринларини яратиш ва республикамиз аҳолиси даромадларини ошириш мақсадида:

1. Ўзбекистон Республикаси Иқтисодиёт ва саноат вазирлиги, Молия вазирлиги, Соғлиқни сақлаш вазирлиги, Инвестициялар бўйича давлат қўмитаси, Андижон вилояти ҳокимлигининг Андижон вилояти Андижон туманида «Андижон-фарм» эркин иқтисодий зонасини (кейинги ўринларда — «Андижон-фарм» ЭИЗ) ташкил этиш тўғрисидаги таклифи қабул қилинсин.

2. Қуйидагилар «Андижон-фарм» ЭИЗнинг асосий вазифалари ва фаолият йўналишлари этиб белгилансин:

юқори қўшилган қийматли, шу жумладан «in-bulk» шаклида фармацевтика маҳсулотлари ва дори воситаларини ишлаб чиқарувчи замонавий корхоналарни ташкил этиш учун энг аввало Ҳиндистон Республикаси етакчи компанияларининг тўғридан-тўғри инвестициялари ва илғор технологияларини жалб этиш;

доривор ўсимликлар хом ашёсини қайта ишлаш ва тайёр дори воситалари, тиббиёт буюмлари, тиббий техникалар, ёрдамчи ва қадоқлаш материаллари ишлаб чиқариш бўйича янги замонавий ишлаб чиқариш ва қувватларни ташкил этиш;

доривор ўсимликлар хом ашёсини ўзига хос табиий шароитларда етиштириш ва кейинчалик қайта ишлаш борасида Андижон вилоятининг ишлаб чиқариш ва ресурс салоҳиятидан комплекс ҳамда самарали фойдаланишни таъминлаш;

эркин иқтисодий зоналар ташкилотлари ҳамда республикамизнинг бошқа корхоналари ўртасида мустаҳкам кооперация алоқаларини ўрнатиш ва саноат кооперациясини ривожлантириш орқали маҳаллий доривор ўсимликлар хом ашёси ва материаллари негизида фармацевтика маҳсулотлари ишлаб чиқаришни маҳаллийлаштириш жараёнларини чуқурлаштириш;

«Андижон-фарм» ЭИЗ ҳудудида муҳандислик-коммуникация, йўл-транспорт ва ижтимоий инфратузилмани жадал ривожлантириш, шунингдек унинг ҳудудида сифатли логистика хизматлари кўрсатиш бўйича замонавий инфратузилмани шакллантириш;

«Андижон-фарм» ЭИЗнинг соҳа кадрларига бўлган жорий ва истиқболдаги эҳтиёжларидан келиб чиқиб, юқори малакали мутахассисларни, шу жумладан уларнинг «Андижон-фарм» ЭИЗ ҳудудида жойлашган корхоналарда ишлаб чиқариш амалиётини ўташини ташкил этиш орқали тайёрлашда қатнашиш.

3. Белгилансинки:

«Андижон-фарм» ЭИЗнинг фаолият юритиш муддати 30 йилни ташкил этади ва ушбу муддат кейинчалик узайтирилиши мумкин;

«Андижон-фарм» ЭИЗ фаолият юритадиган муддат давомида унинг ҳудудида алоҳида солиқ ва божхона тартиблари амал қилади.

4. Қуйидагилар:

«Андижон-фарм» ЭИЗ иштирокчиларига Ўзбекистон Республикаси Президентининг «Эркин иқтисодий зоналар фаолиятини мувофиқлаштириш ва бошқариш тизимини янада такомиллаштириш чора-тадбирлари тўғрисида» 2018 йил 21 декабрдаги ПФ-5600-сон Фармони талабларини ҳисобга олган ҳолда Ўзбекистон Республикаси Президентининг «Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида» 2016 йил 26 октябрдаги ПФ-4853-сон Фармонининг 3 , 4 ва 5-бандлари қоидалари;

«Андижон-фарм» ЭИЗ дирекциясига Ўзбекистон Республикаси Президентининг «Ургут», «Ғиждувон», «Қўқон» ва «Ҳазорасп» эркин иқтисодий зоналарини ташкил этиш тўғрисида» 2017 йил 12 январдаги ПФ-4931-сон Фармонининг 8-банди қоидалари татбиқ этилсин.

5. Андижон вилояти эркин иқтисодий зоналар ва кичик саноат зоналари маъмурий кенгаши Ўзбекистон Республикаси Инвестициялар бўйича давлат қўмитаси, Ер ресурслари, геодезия, картография ва давлат кадастри давлат қўмитаси, Қурилиш вазирлиги, Экология ва атроф-муҳитни муҳофаза қилиш давлат қўмитаси билан биргаликда икки ой муддатда «Андижон-фарм» ЭИЗга кирувчи ҳудудлар чегараларини белгилашни ва «Андижон-фарм» ЭИЗ дирекцияси фаолиятини ташкил этишни назарда тутувчи ҳукумат қарори лойиҳасини Ўзбекистон Республикаси Вазирлар Маҳкамасига киритсин.

6. Белгилансинки, «Андижон-фарм» ЭИЗ дирекциясининг функциялари Ўзбекистон Республикаси Инвестициялар бўйича давлат қўмитаси ҳамда Ўзбекистон Республикаси Ташқи ишлар вазирлигининг тавсияларини инобатга олган ҳолда Андижон вилояти эркин иқтисодий зоналар ва кичик саноат зоналари маъмурий кенгашининг қарорига асосан эркин иқтисодий зоналарни ривожлантириш ва бошқариш тажрибасига эга бўлган хорижий компанияларга, биринчи навбатда ҳинд компанияларига берилиши мумкин.

7. Ўзбекистон Республикаси Фанлар академияси, Ўзбекистон Республикаси Соғлиқни сақлаш вазирлиги Тошкент фармацевтика институти билан биргаликда Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлигига Андижон вилоятининг тупроқ-иқлим шароитларидан келиб чиққан ҳолда саноат плантациялари ташкил қилиш учун доривор ўсимлик турлари рўйхатини, шунингдек, маҳаллий доривор ўсимликлар хом ашёсидан фойдаланган ҳолда доривор моддалар (субстанциялар) ва дори воситалари ишлаб чиқариш соҳасидаги янги илмий тадқиқотлар натижаларини тизимли равишда тақдим этиб борсин.

8. Ўзбекистон Республикаси Ахборот технологиялари ва коммуникацияларини ривожлантириш вазирлиги, Уй-жой коммунал хизмат кўрсатиш вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ «Андижон-фарм» ЭИЗ ҳудудини, шунингдек унинг иштирокчиларини ташқи муҳандислик-коммуникация инфратузилмаси билан кафолатли таъминласин.

9. Андижон вилояти ҳокимлиги Ўзбекистон Республикаси Иқтисодиёт ва саноат вазирлиги, Ахборот технологиялари ва коммуникацияларини ривожлантириш вазирлиги, Уй-жой коммунал хизмат кўрсатиш вазирлиги, Қурилиш вазирлиги, Инвестициялар бўйича давлат қўмитаси, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ, «Ўзбекистон темир йўллари» АЖ билан биргаликда уч ой муддатда белгиланган тартибда ишлаб чиқилган ва тасдиқланган «Андижон-фарм» ЭИЗнинг бош режасига асосан «Андижон-фарм» ЭИЗ ҳудудида муҳандислик-коммуникация ва ишлаб чиқариш инфратузилмасини жадал ривожлантириш дастури лойиҳасини тасдиқлаш учун Ўзбекистон Республикаси Вазирлар Маҳкамасига киритсин.

10. Ўзбекистон Республикаси Инвестициялар бўйича давлат қўмитаси Молия вазирлиги, Иқтисодиёт ва саноат вазирлиги билан биргаликда ҳар йили келгуси йилга Ўзбекистон Республикасининг ривожланиш давлат дастурларини шакллантиришда «Андижон-фарм» ЭИЗнинг белгиланган тартибда ишлаб чиқилган ва тасдиқланган бош режаси асосида «Андижон-фарм» ЭИЗнинг транспорт, ишлаб чиқариш ва муҳандислик-коммуникация инфратузилмасини ривожлантириш учун капитал қўйилмалар лимитларини ҳамда зарур марказлаштирилган инвестициялар ажратилишини назарда тутсин.

11. «Андижон-фарм» ЭИЗнинг бош режасини ишлаб чиқиш бўйича қуйидагилар:

Андижон вилояти ҳокимлиги ҳузуридаги «Ягона буюртмачи хизмати» ИК» ДУК — буюртмачи этиб;

танлов асосида аниқланган лойиҳа ташкилоти — бош лойиҳа ташкилоти этиб;

Андижон вилоятининг маҳаллий бюджети маблағлари, шунингдек қонунчиликда тақиқланмаган бошқа манбалар — молиялаштириш манбалари этиб белгилансин.

12. Ўзбекистон Республикаси Инвестициялар бўйича давлат қўмитаси Андижон вилояти ҳокимлиги, Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги, Ташқи ишлар вазирлиги билан биргаликда бир ой муддатда «Андижон-фарм» ЭИЗга, энг аввало Ҳиндистон Республикасидан тўғридан-тўғри хорижий инвестицияларни ва илғор технологияларни жалб этиш бўйича «Йўл харитаси»ни ишлаб чиқсин ва Вазирлар Маҳкамасига тасдиқлаш учун киритсин ҳамда 2019 йилнинг биринчи чорагида «Андижон-фарм» ЭИЗ тўғрисида Ҳиндистон Республикаси ва хорижий мамлакатларда тақдимот ўтказилишини таъминласин.

13. Ўзбекистон Республикаси Ташқи ишлар вазирлиги Андижон вилояти ҳокимлиги буюртманомаларига биноан «Андижон-фарм» ЭИЗда жойлашадиган корхоналарнинг инвестициявий ходимлари ва уларнинг оила аъзоларига кириш, шу жумладан кўп марталик визаларни консуллик ва бошқа йиғимларни ундирмасдан белгиланган тартибда расмийлаштирсин.

14. Ўзбекистон Республикаси Ички ишлар вазирлиги Андижон вилояти ҳокимлиги буюртманомаларига биноан «Андижон-фарм» ЭИЗдаги инвестиция лойиҳаларини амалга оширишга жалб этиладиган хорижий мутахассисларга белгиланган тартибда кўп марталик визаларни бериш ва муддатини узайтириш ҳамда турган жойи бўйича рўйхатдан ўтказиш ва муддатини узайтириш давлат божи ундирмасдан амалга оширилишини таъминласин.

15. Ўзбекистон Республикаси Бандлик ва меҳнат муносабатлари вазирлиги Андижон вилояти ҳокимлиги буюртманомаларига биноан республикага (Ўзбекистон Республикаси фуқаролари орасида мавжуд бўлмаган) ишчи кучини жалб этишга рухсат берилиши (узайтирилиши)ни, шунингдек ушбу фуқароларга Ўзбекистон Республикаси ҳудудида меҳнат фаолиятини олиб бориш ҳуқуқининг белгиланган тартибда берилиши (узайтирилиши)ни таъминласин.

16. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Андижон вилояти ҳокими Ш.Қ. Абдурахманов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 14 январь,

ПФ-5629-сон

lex.uz

Oʻzbekiston Respublikasi Prezidentining

Farmoni

“Andijon-farm” erkin iqtisodiy zonasini tashkil etish toʻgʻrisida

Respublikamizda yuqori texnologiyali farmatsevtika korxonalarini tashkil etish boʻyicha investitsiya loyihalarini amalga oshirishga investitsiyalarni, eng avvalo, Hindiston Respublikasidan toʻgʻridan-toʻgʻri investitsiyalarni faol jalb etish uchun qulay shart-sharoitlar yaratish, ichki bozorni oʻzimizda, shu jumladan mahalliy dorivor oʻsimliklar xom ashyosini chuqur qayta ishlash asosida ishlab chiqarilgan yuqori sifatli dori vositalari bilan toʻldirish, shuningdek, Andijon viloyatining ishlab chiqarish va resurs salohiyatidan kompleks hamda samarali foydalanish asosida yangi ish oʻrinlarini yaratish va respublikamiz aholisi daromadlarini oshirish maqsadida:

1. Oʻzbekiston Respublikasi Iqtisodiyot va sanoat vazirligi, Moliya vazirligi, Sogʻliqni saqlash vazirligi, Investitsiyalar boʻyicha davlat qoʻmitasi, Andijon viloyati hokimligining Andijon viloyati Andijon tumanida “Andijon-farm” erkin iqtisodiy zonasini (keyingi oʻrinlarda — “Andijon-farm” EIZ) tashkil etish toʻgʻrisidagi taklifi qabul qilinsin.

2. Quyidagilar “Andijon-farm” EIZning asosiy vazifalari va faoliyat yoʻnalishlari etib belgilansin:

yuqori qoʻshilgan qiymatli, shu jumladan “in-bulk” shaklida farmatsevtika mahsulotlari va dori vositalarini ishlab chiqaruvchi zamonaviy korxonalarni tashkil etish uchun eng avvalo Hindiston Respublikasi yetakchi kompaniyalarining toʻgʻridan-toʻgʻri investitsiyalari va ilgʻor texnologiyalarini jalb etish;

dorivor oʻsimliklar xom ashyosini qayta ishlash va tayyor dori vositalari, tibbiyot buyumlari, tibbiy texnikalar, yordamchi va qadoqlash materiallari ishlab chiqarish boʻyicha yangi zamonaviy ishlab chiqarish va quvvatlarni tashkil etish;

dorivor oʻsimliklar xom ashyosini oʻziga xos tabiiy sharoitlarda yetishtirish va keyinchalik qayta ishlash borasida Andijon viloyatining ishlab chiqarish va resurs salohiyatidan kompleks hamda samarali foydalanishni taʼminlash;

erkin iqtisodiy zonalar tashkilotlari hamda respublikamizning boshqa korxonalari oʻrtasida mustahkam kooperatsiya aloqalarini oʻrnatish va sanoat kooperatsiyasini rivojlantirish orqali mahalliy dorivor oʻsimliklar xom ashyosi va materiallari negizida farmatsevtika mahsulotlari ishlab chiqarishni mahalliylashtirish jarayonlarini chuqurlashtirish;

“Andijon-farm” EIZ hududida muhandislik-kommunikatsiya, yoʻl-transport va ijtimoiy infratuzilmani jadal rivojlantirish, shuningdek uning hududida sifatli logistika xizmatlari koʻrsatish boʻyicha zamonaviy infratuzilmani shakllantirish;

“Andijon-farm” EIZning soha kadrlariga boʻlgan joriy va istiqboldagi ehtiyojlaridan kelib chiqib, yuqori malakali mutaxassislarni, shu jumladan ularning “Andijon-farm” EIZ hududida joylashgan korxonalarda ishlab chiqarish amaliyotini oʻtashini tashkil etish orqali tayyorlashda qatnashish.

3. Belgilansinki:

“Andijon-farm” EIZning faoliyat yuritish muddati 30 yilni tashkil etadi va ushbu muddat keyinchalik uzaytirilishi mumkin;

“Andijon-farm” EIZ faoliyat yuritadigan muddat davomida uning hududida alohida soliq va bojxona tartiblari amal qiladi.

4. Quyidagilar:

“Andijon-farm” EIZ ishtirokchilariga Oʻzbekiston Respublikasi Prezidentining “Erkin iqtisodiy zonalar faoliyatini muvofiqlashtirish va boshqarish tizimini yanada takomillashtirish chora-tadbirlari toʻgʻrisida” 2018-yil 21-dekabrdagi PF-5600-son Farmoni talablarini hisobga olgan holda Oʻzbekiston Respublikasi Prezidentining “Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida” 2016-yil 26-oktabrdagi PF-4853-son Farmonining 3 , 4 va 5-bandlari qoidalari;

“Andijon-farm” EIZ direksiyasiga Oʻzbekiston Respublikasi Prezidentining “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarini tashkil etish toʻgʻrisida” 2017-yil 12-yanvardagi PF-4931-son Farmonining 8-bandi qoidalari tatbiq etilsin.

5. Andijon viloyati erkin iqtisodiy zonalar va kichik sanoat zonalari maʼmuriy kengashi Oʻzbekiston Respublikasi Investitsiyalar boʻyicha davlat qoʻmitasi, Yer resurslari, geodeziya, kartografiya va davlat kadastri davlat qoʻmitasi, Qurilish vazirligi, Ekologiya va atrof-muhitni muhofaza qilish davlat qoʻmitasi bilan birgalikda ikki oy muddatda “Andijon-farm” EIZga kiruvchi hududlar chegaralarini belgilashni va “Andijon-farm” EIZ direksiyasi faoliyatini tashkil etishni nazarda tutuvchi hukumat qarori loyihasini Oʻzbekiston Respublikasi Vazirlar Mahkamasiga kiritsin.

6. Belgilansinki, “Andijon-farm” EIZ direksiyasining funksiyalari Oʻzbekiston Respublikasi Investitsiyalar boʻyicha davlat qoʻmitasi hamda Oʻzbekiston Respublikasi Tashqi ishlar vazirligining tavsiyalarini inobatga olgan holda Andijon viloyati erkin iqtisodiy zonalar va kichik sanoat zonalari maʼmuriy kengashining qaroriga asosan erkin iqtisodiy zonalarni rivojlantirish va boshqarish tajribasiga ega boʻlgan xorijiy kompaniyalarga, birinchi navbatda hind kompaniyalariga berilishi mumkin.

7. Oʻzbekiston Respublikasi Fanlar akademiyasi, Oʻzbekiston Respublikasi Sogʻliqni saqlash vazirligi Toshkent farmatsevtika instituti bilan birgalikda Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligiga Andijon viloyatining tuproq-iqlim sharoitlaridan kelib chiqqan holda sanoat plantatsiyalari tashkil qilish uchun dorivor oʻsimlik turlari roʻyxatini, shuningdek, mahalliy dorivor oʻsimliklar xom ashyosidan foydalangan holda dorivor moddalar (substansiyalar) va dori vositalari ishlab chiqarish sohasidagi yangi ilmiy tadqiqotlar natijalarini tizimli ravishda taqdim etib borsin.

8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Uy-joy kommunal xizmat koʻrsatish vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ “Andijon-farm” EIZ hududini, shuningdek uning ishtirokchilarini tashqi muhandislik-kommunikatsiya infratuzilmasi bilan kafolatli taʼminlasin.

9. Andijon viloyati hokimligi Oʻzbekiston Respublikasi Iqtisodiyot va sanoat vazirligi, Axborot texnologiyalari va kommunikatsiyalarini rivojlantirish vazirligi, Uy-joy kommunal xizmat koʻrsatish vazirligi, Qurilish vazirligi, Investitsiyalar boʻyicha davlat qoʻmitasi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ, “Oʻzbekiston temir yoʻllari” AJ bilan birgalikda uch oy muddatda belgilangan tartibda ishlab chiqilgan va tasdiqlangan “Andijon-farm” EIZning bosh rejasiga asosan “Andijon-farm” EIZ hududida muhandislik-kommunikatsiya va ishlab chiqarish infratuzilmasini jadal rivojlantirish dasturi loyihasini tasdiqlash uchun Oʻzbekiston Respublikasi Vazirlar Mahkamasiga kiritsin.

10. Oʻzbekiston Respublikasi Investitsiyalar boʻyicha davlat qoʻmitasi Moliya vazirligi, Iqtisodiyot va sanoat vazirligi bilan birgalikda har yili kelgusi yilga Oʻzbekiston Respublikasining rivojlanish davlat dasturlarini shakllantirishda “Andijon-farm” EIZning belgilangan tartibda ishlab chiqilgan va tasdiqlangan bosh rejasi asosida “Andijon-farm” EIZning transport, ishlab chiqarish va muhandislik-kommunikatsiya infratuzilmasini rivojlantirish uchun kapital qoʻyilmalar limitlarini hamda zarur markazlashtirilgan investitsiyalar ajratilishini nazarda tutsin.

11. “Andijon-farm” EIZning bosh rejasini ishlab chiqish boʻyicha quyidagilar:

Andijon viloyati hokimligi huzuridagi “Yagona buyurtmachi xizmati” IK” DUK — buyurtmachi etib;

tanlov asosida aniqlangan loyiha tashkiloti — bosh loyiha tashkiloti etib;

Andijon viloyatining mahalliy budjeti mablagʻlari, shuningdek qonunchilikda taqiqlanmagan boshqa manbalar — moliyalashtirish manbalari etib belgilansin.

12. Oʻzbekiston Respublikasi Investitsiyalar boʻyicha davlat qoʻmitasi Andijon viloyati hokimligi, Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi, Tashqi ishlar vazirligi bilan birgalikda bir oy muddatda “Andijon-farm” EIZga, eng avvalo Hindiston Respublikasidan toʻgʻridan-toʻgʻri xorijiy investitsiyalarni va ilgʻor texnologiyalarni jalb etish boʻyicha “Yoʻl xaritasi”ni ishlab chiqsin va Vazirlar Mahkamasiga tasdiqlash uchun kiritsin hamda 2019-yilning birinchi choragida “Andijon-farm” EIZ toʻgʻrisida Hindiston Respublikasi va xorijiy mamlakatlarda taqdimot oʻtkazilishini taʼminlasin.

13. Oʻzbekiston Respublikasi Tashqi ishlar vazirligi Andijon viloyati hokimligi buyurtmanomalariga binoan “Andijon-farm” EIZda joylashadigan korxonalarning investitsiyaviy xodimlari va ularning oila aʼzolariga kirish, shu jumladan koʻp martalik vizalarni konsullik va boshqa yigʻimlarni undirmasdan belgilangan tartibda rasmiylashtirsin.

14. Oʻzbekiston Respublikasi Ichki ishlar vazirligi Andijon viloyati hokimligi buyurtmanomalariga binoan “Andijon-farm” EIZdagi investitsiya loyihalarini amalga oshirishga jalb etiladigan xorijiy mutaxassislarga belgilangan tartibda koʻp martalik vizalarni berish va muddatini uzaytirish hamda turgan joyi boʻyicha roʻyxatdan oʻtkazish va muddatini uzaytirish davlat boji undirmasdan amalga oshirilishini taʼminlasin.

15. Oʻzbekiston Respublikasi Bandlik va mehnat munosabatlari vazirligi Andijon viloyati hokimligi buyurtmanomalariga binoan respublikaga (Oʻzbekiston Respublikasi fuqarolari orasida mavjud boʻlmagan) ishchi kuchini jalb etishga ruxsat berilishi (uzaytirilishi)ni, shuningdek ushbu fuqarolarga Oʻzbekiston Respublikasi hududida mehnat faoliyatini olib borish huquqining belgilangan tartibda berilishi (uzaytirilishi)ni taʼminlasin.

16. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Andijon viloyati hokimi Sh.Q. Abduraxmanov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 14-yanvar,

PF-5629-son

lex.uz

Президента Республики Узбекистан

Указ

О создании свободной экономической зоны «Андижон-фарм»

В целях формирования благоприятных условий для активного привлечения инвестиций, прежде всего, прямых иностранных инвестиций из Республики Индия к реализации инвестиционных проектов по созданию высокотехнологичных фармацевтических предприятий в республике, насыщения местного рынка высококачественными лекарственными препаратами отечественного производства, в том числе на основе глубокой переработки местного растительного сырья, а также комплексного и эффективного использования производственного и ресурсного потенциала Андижанской области, создания на этой основе новых рабочих мест и повышения доходов населения республики:

1. Принять предложение Министерства экономики и промышленности, Министерства финансов, Министерства здравоохранения Республики Узбекистан, Государственного комитета Республики Узбекистан по инвестициям, хокимията Андижанской области о создании в Андижанском районе Андижанской области свободной экономической зоны «Андижон-фарм» (далее — СЭЗ «Андижон-фарм»).

2. Определить основными задачами и направлениями деятельности СЭЗ «Андижон-фарм»:

привлечение инвестиций и передовых технологий, прежде всего ведущих компаний из Республики Индия, для создания современных производств по выпуску фармацевтической продукции и лекарственных средств с высокой добавленной стоимостью, в том числе в форме «in-bulk»;

создание новых современных производств и мощностей по переработке лекарственного растительного сырья и производству готовых лекарственных средств, изделий медицинского назначения, медицинской техники, вспомогательных и упаковочных материалов;

обеспечение комплексного и эффективного использования производственного и ресурсного потенциала Андижанской области в части выращивания лекарственного растительного сырья в природных условиях для последующей его переработки;

углубление процессов локализации производства фармацевтической продукции на базе местного лекарственного растительного сырья и материалов путем установления тесных кооперационных связей и развития промышленной кооперации между организациями свободной фармацевтической зоны и республики в целом;

опережающее развитие инженерно-коммуникационной, дорожно-транспортной и социальной инфраструктуры СЭЗ «Андижон-фарм», а также формирование на ее территории современной инфраструктуры качественных логистических услуг;

участие в подготовке высококвалифицированных специалистов исходя из текущих и перспективных потребностей СЭЗ «Андижон-фарм» в профильных кадрах, в том числе путем прохождения ими производственной практики на предприятиях, расположенных на территории СЭЗ «Андижон-фарм».

3. Установить, что:

срок функционирования СЭЗ «Андижон-фарм» составляет 30 лет с возможностью его последующего продления;

в течение срока функционирования на территории СЭЗ «Андижон-фарм» действуют особые налоговый и таможенный режимы.

4. Распространить:

на участников СЭЗ «Андижон-фарм» действие пунктов 3 , 4 , 5 Указа Президента Республики Узбекистан от 26 октября 2016 года № УП-4853 «О дополнительных мерах по активизации и расширению деятельности свободных экономических зон» с учетом требований Указа Президента Республики Узбекистан от 21 декабря 2018 года № УП-5600 «О мерах по дальнейшему совершенствованию системы координации и управления деятельностью свободных экономических зон»;

на Дирекцию СЭЗ «Андижон-фарм» положения пункта 8 Указа Президента Республики Узбекистан от 12 января 2017 года № УП-4931 «О создании свободных экономических зон «Ургут», «Гиждуван», «Коканд» и «Хазарасп».

5. Административному совету свободных экономических зон и малых промышленных зон Андижанской области совместно с Государственным комитетом Республики Узбекистан по инвестициям, Государственным комитетом Республики Узбекистан по земельным ресурсам, геодезии, картографии и государственному кадастру, Министерством строительства Республики Узбекистан, Государственным комитетом Республики Узбекистан по экологии и охране окружающей среды в двухмесячный срок внести в Кабинет Министров Республики Узбекистан проект правительственного решения, предусматривающего определение границ территории, входящей в СЭЗ «Андижон-фарм», и организацию деятельности Дирекции СЭЗ «Андижон-фарм».

6. Определить что, функции Дирекции СЭЗ «Андижон-фарм» могут быть переданы иностранным компаниям, прежде всего индийским, имеющим опыт в развитии и управлении экономическими зонами на основе решения Административного совета свободных экономических зон и малых промышленных зон Андижанской области, с учетом рекомендации Государственного комитета Республики Узбекистан по инвестициям, а также Министерства иностранных дел Республики Узбекистан.

7. Академии наук Республики Узбекистан, Министерству здравоохранения Республики Узбекистан совместно с Ташкентским фармацевтическим институтом на системной основе предоставлять Агентству по развитию фармацевтической отрасли при Министерстве здравоохранения Республики Узбекистан перечни лекарственных растений для создания промышленных плантаций, исходя из почвенно-климатических условий Андижанской области, а также результаты новых научных исследований в области разработки лекарственных веществ (субстанций) и лекарственных средств на основе преимущественного использования местного лекарственного растительного сырья.

8. Министерству по развитию информационных технологий и коммуникаций, Министерству жилищно-коммунального обслуживания Республики Узбекистан, Государственному комитету Республики Узбекистан по автомобильным дорогам, АО «Узбекэнерго», АО «Узтрансгаз» обеспечить гарантированную подводку к территории СЭЗ «Андижон-фарм» и ее участников соответствующей внешней инженерно-коммуникационной инфраструктуры.

9. Хокимияту Андижанской области совместно с Министерством экономики и промышленности, Министерством по развитию информационных технологий и коммуникаций, Министерством жилищно-коммунального обслуживания, Министерством строительства Республики Узбекистан, Государственным комитетом Республики Узбекистан по инвестициям, Государственным комитетом Республики Узбекистан по автомобильным дорогам, АО «Узбекэнерго», АО «Узтрансгаз», АО «Узбекистон темир йуллари» в трехмесячный срок на основании разработанного и утвержденного в установленном порядке генерального плана СЭЗ «Андижон-фарм» внести на утверждение в Кабинет Министров Республики Узбекистан проект программы опережающего развития инженерно-коммуникационной и производственной инфраструктуры на территории СЭЗ «Андижон-фарм».

10. Государственному комитету Республики Узбекистан по инвестициям совместно с Министерством финансов, Министерством экономики и промышленности Республики Узбекистан ежегодно при формировании государственных программ развития Республики Узбекистан на предстоящий год предусматривать в них лимиты капитальных вложений и выделение необходимых централизованных инвестиций для развития транспортной, производственной и инженерно-коммуникационной инфраструктуры СЭЗ «Андижон-фарм» на основании разработанного и утвержденного в установленном порядке генерального плана СЭЗ «Андижон-фарм».

11. Определить по разработке генерального плана СЭЗ «Андижон-фарм»:

заказчиком — ГУП «ИК «Служба единого заказчика» при хокимияте Андижанской области;

генеральной проектной организацией — проектную организацию на основе конкурса;

источником финансирования — средства местного бюджета Андижанской области, а также иные источники, не запрещенные законодательством.

12. Государственному комитету Республики Узбекистан по инвестициям совместно с хокимиятом Андижанской области, Агентством по развитию фармацевтической отрасли при Министерстве здравоохранения, Министерством иностранных дел Республики Узбекистан в месячный срок разработать и внести на утверждение в Кабинет Министров Республики Узбекистан «Дорожную карту» по привлечению в СЭЗ «Андижон-фарм» прямых иностранных инвестиций и передовых технологий, прежде всего из Республики Индия, а также обеспечить проведение в первом квартале 2019 года презентаций СЭЗ «Андижон-фарм» в Республике Индия и других странах.

13. Министерству иностранных дел Республики Узбекистан обеспечить в установленном порядке по заявкам хокимията Андижанской области оформление въездных виз, в том числе многократных, инвестиционному персоналу предприятий, размещаемых на территории СЭЗ «Андижон-фарм», а также членам их семей, без взимания консульских и иных сборов.

14. Министерству внутренних дел Республики Узбекистан обеспечить в установленном порядке по заявкам хокимията Андижанской области выдачу и продление многократных виз, а также регистрацию по месту пребывания и ее продление иностранным специалистам, привлекаемым к реализации инвестиционных проектов на территории СЭЗ «Андижон-фарм», без взимания государственной пошлины.

15. Министерству занятости и трудовых отношений Республики Узбекистан обеспечить в установленном порядке по заявкам хокимията Андижанской области выдачу (продление) разрешений на привлечение в республику рабочей силы (не имеющихся из числа граждан Республики Узбекистан), а также выдачу (продление) данным гражданам подтверждений на право трудовой деятельности на территории Республики Узбекистан.

16. Контроль за исполнением настоящего Указа возложить на Премьер-министра Республики Узбекистан А.Н. Арипова и хокима Андижанской области Ш.К. Абдурахманова.

Президент Республики Узбекистан Ш. МИРЗИЁЕВ

г. Ташкент,

14 января 2019 г.,

№ УП-5629

lex.uz