📅 2019-yil 29-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 января 2019 г. · Постановления Президента
Официальный текст. Официальный документ. Редакционные примечания не включены.
📅 29 January 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Сиёсий фанлар соҳасида кадрларни тайёрлаш, фундаментал ва амалий тадқиқотлар самарадорлигини ошириш чора-тадбирлари тўғрисида
Сиёсий фанлар соҳасида кадрлар тайёрлаш самарадорлигини ошириш, фуқаролик жамияти, миллий давлатчиликнинг сиёсий асосларининг шаклланиши ва ривожлантириш соҳасида комплекс тизимли тадқиқотлар олиб бориш, глобаллашув шароитида давлатнинг ички ва ташқи сиёсатини шакллантириш ва амалга ошириш, шу асосда ижтимоий-сиёсий ислоҳотларни чуқурлаштириш бўйича илмий асосланган тавсиялар ва дастурларни ишлаб чиқиш мақсадида:
1. Ўзбекистон Республикаси Ташқи ишлар вазирлиги, Иқтисодиёт ва саноат вазирлиги, Олий ва ўрта махсус таълим вазирлиги ҳамда Инновацион ривожланиш вазирлигининг Жаҳон иқтисодиёти ва дипломатия университетида (кейинги ўринларда — Университет) 2019/2020 ўқув йили учун қабул квоталарини:
«Сиёсатшунослик» бакалавриат таълим йўналиши бўйича 20 киши, шу жумладан, давлат гранти бўйича 5 киши.
«Амалий сиёсатшунослик» таълим мутахассислиги бўйича 10 киши, шу жумладан, давлат гранти бўйича 2 киши.
«Сиёсий фанлар» фани тармоғи ихтисосликлари бўйича таянч докторантурада 4 киши, ва докторантурада 2 киши миқдорида белгилаш тўғрисидаги таклифлари маъқуллансин.
2. Ўзбекистон Республикаси Ташқи ишлар вазирлиги ҳамда Олий ва ўрта махсус таълим вазирлигининг Университетда «Сиёсатшунослик» кафедрасини (кейинги ўринларда — кафедра) тузиш тўғрисидаги таклифи қабул қилинсин.
Кафедра фаолиятининг асосий йўналишлари этиб қуйидагилар белгилансин:
илғор хорижий тажриба ҳамда замонавий таълим технологияларидан фойдаланиш асосида сиёсатшунослик фанлари соҳасида юқори малакали кадрлар тайёрлашни таъминлаш;
жаҳон сиёсатидаги энг янги тренд ва йўналишларни ҳисобга олган ҳолда халқаро даражадаги илмий ва илмий-педагогик кадрларни тайёрлаш;
«Сиёсатшунослик» фани бўйича ўқув жараёнини мазмун жиҳатдан такомиллаштириш мақсадида янги авлод дарсликлари, ўқув қўлланмалари, ўқув дастурлари ва режаларини тайёрлаш;
Ташқи сиёсий ва ташқи иқтисодий фаолиятда Ўзбекистон Республикасининг миллий манфаатларини илгари суриш соҳасида Ташқи ишлар вазирлиги, бошқа вазирлик ва идоралар олдида турган мақсад ва вазифалардан келиб чиққан ҳолда таълим бериш, фундаментал ва амалий тадқиқотларнинг юқори даражасини таъминлаш;
сиёсатшунослик, халқаро муносабатлар ва жаҳон сиёсати, халқаро иқтисодиёт ва менежмент, халқаро ҳуқуқ соҳасида илмий тадқиқотлар олиб бориш, уларнинг натижаларини ўқув жараёнига ҳамда тегишли ўқув режалари ва дастурларига татбиқ этиш;
сиёсий фанлар соҳаси иқтисодий сиёсатшунослик, сиёсий маркетинг ва менежмент, сиёсий социология ва бошқа инновацион йўналишларни ривожлантириш учун зарур бўлган методологик ва ўқув-технологик шарт-шароитларни яратиш.
3. Ўзбекистон Республикаси Вазирлар Маҳкамаси бир ой муддатда Олий таълим йўналишлари ва мутахассисликлари классификаторига тегишли ўзгартириш ва қўшимчалар киритилишини таъминласин.
4. Ўзбекистон Республикаси Ташқи ишлар вазирлиги Олий ва ўрта махсус таълим вазирлиги билан биргаликда 2019/2020 ўқув йили бошлангунга қадар кафедрани сиёсатшунослик соҳасидаги маҳаллий ва хорижий етакчи мутахассислар билан таъминласин.
5. Ўзбекистон Республикаси Вазирлар Маҳкамаси ҳузуридаги Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси Ташқи ишлар вазирлиги билан биргаликда икки ой муддатда Университет таълим жараёнига хорижлик, шу жумладан, чет элда истиқомат қилаётган ватандошларимиз орасидан етакчи экспертларни жалб қилиш бўйича Ўзбекистон Республикаси Вазирлар Маҳкамасига таклифлар киритсин.
6. Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги давлат илмий-техникавий дастурлари доирасида сиёсатшунослик соҳасидаги тадқиқотлар учун грантлар ажратишни кўзда тутсин.
7. Ташқи ишлар вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчиси А.А. Абдувахитов ва ташқи ишлар вазири А.Ҳ. Камилов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 29 январь,
ПҚ-4139-сон
Oʻzbekiston Respublikasi Prezidentining
Qarori
Siyosiy fanlar sohasida kadrlarni tayyorlash, fundamental va amaliy tadqiqotlar samaradorligini oshirish chora-tadbirlari toʻgʻrisida
Siyosiy fanlar sohasida kadrlar tayyorlash samaradorligini oshirish, fuqarolik jamiyati, milliy davlatchilikning siyosiy asoslarining shakllanishi va rivojlantirish sohasida kompleks tizimli tadqiqotlar olib borish, globallashuv sharoitida davlatning ichki va tashqi siyosatini shakllantirish va amalga oshirish, shu asosda ijtimoiy-siyosiy islohotlarni chuqurlashtirish boʻyicha ilmiy asoslangan tavsiyalar va dasturlarni ishlab chiqish maqsadida:
1. Oʻzbekiston Respublikasi Tashqi ishlar vazirligi, Iqtisodiyot va sanoat vazirligi, Oliy va oʻrta maxsus taʼlim vazirligi hamda Innovatsion rivojlanish vazirligining Jahon iqtisodiyoti va diplomatiya universitetida (keyingi oʻrinlarda — Universitet) 2019/2020 oʻquv yili uchun qabul kvotalarini:
“Siyosatshunoslik” bakalavriat taʼlim yoʻnalishi boʻyicha 20 kishi, shu jumladan, davlat granti boʻyicha 5 kishi.
“Amaliy siyosatshunoslik” taʼlim mutaxassisligi boʻyicha 10 kishi, shu jumladan, davlat granti boʻyicha 2 kishi.
“Siyosiy fanlar” fani tarmogʻi ixtisosliklari boʻyicha tayanch doktoranturada 4 kishi, va doktoranturada 2 kishi miqdorida belgilash toʻgʻrisidagi takliflari maʼqullansin.
2. Oʻzbekiston Respublikasi Tashqi ishlar vazirligi hamda Oliy va oʻrta maxsus taʼlim vazirligining Universitetda “Siyosatshunoslik” kafedrasini (keyingi oʻrinlarda — kafedra) tuzish toʻgʻrisidagi taklifi qabul qilinsin.
Kafedra faoliyatining asosiy yoʻnalishlari etib quyidagilar belgilansin:
ilgʻor xorijiy tajriba hamda zamonaviy taʼlim texnologiyalaridan foydalanish asosida siyosatshunoslik fanlari sohasida yuqori malakali kadrlar tayyorlashni taʼminlash;
jahon siyosatidagi eng yangi trend va yoʻnalishlarni hisobga olgan holda xalqaro darajadagi ilmiy va ilmiy-pedagogik kadrlarni tayyorlash;
“Siyosatshunoslik” fani boʻyicha oʻquv jarayonini mazmun jihatdan takomillashtirish maqsadida yangi avlod darsliklari, oʻquv qoʻllanmalari, oʻquv dasturlari va rejalarini tayyorlash;
Tashqi siyosiy va tashqi iqtisodiy faoliyatda Oʻzbekiston Respublikasining milliy manfaatlarini ilgari surish sohasida Tashqi ishlar vazirligi, boshqa vazirlik va idoralar oldida turgan maqsad va vazifalardan kelib chiqqan holda taʼlim berish, fundamental va amaliy tadqiqotlarning yuqori darajasini taʼminlash;
siyosatshunoslik, xalqaro munosabatlar va jahon siyosati, xalqaro iqtisodiyot va menejment, xalqaro huquq sohasida ilmiy tadqiqotlar olib borish, ularning natijalarini oʻquv jarayoniga hamda tegishli oʻquv rejalari va dasturlariga tatbiq etish;
siyosiy fanlar sohasi iqtisodiy siyosatshunoslik, siyosiy marketing va menejment, siyosiy sotsiologiya va boshqa innovatsion yoʻnalishlarni rivojlantirish uchun zarur boʻlgan metodologik va oʻquv-texnologik shart-sharoitlarni yaratish.
3. Oʻzbekiston Respublikasi Vazirlar Mahkamasi bir oy muddatda Oliy taʼlim yoʻnalishlari va mutaxassisliklari klassifikatoriga tegishli oʻzgartirish va qoʻshimchalar kiritilishini taʼminlasin.
4. Oʻzbekiston Respublikasi Tashqi ishlar vazirligi Oliy va oʻrta maxsus taʼlim vazirligi bilan birgalikda 2019/2020 oʻquv yili boshlangunga qadar kafedrani siyosatshunoslik sohasidagi mahalliy va xorijiy yetakchi mutaxassislar bilan taʼminlasin.
5. Oʻzbekiston Respublikasi Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish boʻyicha “El-yurt umidi” jamgʻarmasi Tashqi ishlar vazirligi bilan birgalikda ikki oy muddatda Universitet taʼlim jarayoniga xorijlik, shu jumladan, chet elda istiqomat qilayotgan vatandoshlarimiz orasidan yetakchi ekspertlarni jalb qilish boʻyicha Oʻzbekiston Respublikasi Vazirlar Mahkamasiga takliflar kiritsin.
6. Oʻzbekiston Respublikasi Oliy taʼlim, fan va innovatsiyalar vazirligi huzuridagi Innovatsion rivojlanish agentligi davlat ilmiy-texnikaviy dasturlari doirasida siyosatshunoslik sohasidagi tadqiqotlar uchun grantlar ajratishni koʻzda tutsin.
7. Tashqi ishlar vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisi A.A. Abduvaxitov va tashqi ishlar vaziri A.H. Kamilov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 29-yanvar,
PQ-4139-son
Президента Республики Узбекистан
Постановление
О мерах по повышению эффективности подготовки кадров, фундаментальных и прикладных исследований в области политических наук
В целях повышения эффективности подготовки кадров в сфере политических наук, проведения комплексных системных исследований в области становления и развития гражданского общества, политических основ национальной государственности, формирования и реализации внутренней и внешней политики государства в условиях глобализации, выработки на этой основе научно обоснованных рекомендаций и программ по углублению общественно-политических реформ:
1. Согласиться с предложением Министерства иностранных дел, Министерства экономики и промышленности, Министерства высшего и среднего специального образования и Министерства инновационного развития Республики Узбекистан об установлении на 2019/2020 учебный год квот приема по подготовке в Университете мировой экономики и дипломатии (далее — Университет):
бакалавров по направлению образования «Политология» в количестве 20 человек, в том числе по государственным грантам — 5 человек;
магистров по специальности образования «Прикладная политология» в количестве 10 человек, в том числе по государственным грантам — 2 человек;
базовых докторантов в количестве 4 человек и докторантов в количестве 2 человек по специальностям отрасли наук «Политические науки».
2. Принять предложение Министерства иностранных дел и Министерства высшего и среднего специального образования Республики Узбекистан о создании в Университете кафедры «Политология» (далее — кафедра).
Определить основными направлениями деятельности кафедры:
обеспечение подготовки высококвалифицированных кадров в сфере политических наук на основе использования передового зарубежного опыта и современных образовательных технологий;
подготовку научных и научно-педагогических кадров международного уровня с учетом новейших трендов и направлений в мировой политологии;
подготовку учебников и учебных пособий, учебных программ и планов нового поколения с целью обновления содержательных аспектов учебного процесса по предмету «Политология»;
обеспечение высокого уровня преподавания, фундаментальных и прикладных исследований исходя из целей и задач, стоящих перед Министерством иностранных дел, другими министерствами и ведомствами в сфере продвижения национальных интересов Республики Узбекистан во внешнеполитической и внешнеэкономической деятельности;
проведение научных исследований в сфере политологии, международных отношений и мировой политики, международной экономики и менеджмента, международного права, внедрение их результатов в учебный процесс и в соответствующие учебные планы и программы;
создание необходимых методологических и учебно-технологических условий для развития инновационных направлений в сфере политических наук: экономическая политология, политический маркетинг и менеджмент, политическая социология и другие.
3. Кабинету Министров Республики Узбекистан в месячный срок обеспечить внесение соответствующих изменений и дополнений в Классификатор направлений и специальностей высшего образования.
4. Министерству иностранных дел совместно с Министерством высшего и среднего специального образования Республики Узбекистан до начала 2019/2020 учебного года укомплектовать кафедру ведущими отечественными и зарубежными специалистами в сфере политологии.
5. Фонду «Эл-юрт умиди» по подготовке специалистов за рубежом и диалогу с соотечественниками при Кабинете Министров совместно с Министерством иностранных дел в двухмесячный срок внести в Кабинет Министров Республики Узбекистан предложения по привлечению в образовательный процесс Университета ведущих зарубежных экспертов, в том числе из числа соотечественников, проживающих за рубежом.
6. Агентству инновационного развития при Министерстве высшего образования, науки и инноваций Республики Узбекистан предусмотреть выделение в рамках государственных научно-технических программ грантов на исследования в сфере политологии.
7. Министерству иностранных дел совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, советника Президента Республики Узбекистан А.А. Абдувахитова и министра иностранных дел Республики Узбекистан А.Х. Камилова.
Президент Республики Узбекистан Ш. МИРЗИЁЕВ
г. Ташкент,
29 января 2019 г.,
№ ПП-4139