📅 2019-yil 31-yanvar · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 31 январь · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 31 января 2019 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 31 January 2019 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
Медиаторларни тайёрлаш дастури ва касбий малакасини ошириш тартиби тўғрисидаги низомни тасдиқлаш ҳақида
Ўзбекистон Республикасининг «Медиация тўғрисида»ги Қонуни ҳамда Ўзбекистон Республикаси Президентининг 2018 йил 13 апрелдаги ПҚ-3666-сон «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги қарорига мувофиқ, буюраман:
1. Медиаторларни тайёрлаш дастури ва касбий малакасини ошириш тартиби тўғрисидаги низом иловага мувофиқ тасдиқлансин.
2. Мазкур буйруқ давлат рўйхатидан ўтказилсин ва бу ҳақда Ҳукумат баённома қарорлари ва идоравий норматив ҳужжатларни ҳуқуқий экспертизадан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.
3. Юридик таълим ва суд-экспертиза фаолиятини мувофиқлаштириш бошқармаси ҳамда Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни барча манфаатдор шахсларга етказилишини, «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.
4. Мазкур буйруқ расмий эълон қилинган кундан эътиборан кучга киради.
5. Мазкур буйруқнинг ижросини назорат қилиш вазирнинг биринчи ўринбосари М. Истамов зиммасига юклансин.
Ўзбекистон Республикаси адлия вазирининг 2019 йил 31 январдаги 54-мҳ-сон буйруғига ИЛОВА
Медиаторларни тайёрлаш дастури ва касбий малакасини ошириш тартиби тўғрисидаги низом
Мазкур Низом медиаторларни тайёрлаш дастури ва касбий малакасини ошириш тартибини белгилайди.
1-боб. Умумий қоидалар
1. Медиаторларни тайёрлаш дастури ва медиаторларнинг касбий малакасини ошириш бўйича махсус ўқув курслари профессионал медиаторларнинг ўзаро бирлашувига асосланган Медиация маркази, профессионал медиаторлар, ҳакамлик судлари ва халқаро арбитражларнинг ўзаро бирлашувига асосланган Низоларни муқобил усулда ҳал этиш маркази (бундан буён матнда Марказлар деб юритилади), шунингдек Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти (бундан буён матнда Институт деб юритилади) томонидан ташкил этилади.
2. Махсус ўқув курсларида таълим олиш кундузги шаклда шартнома асосида давомийлиги 36 соатдан 72 соатгача бўлган ўқув курслари бўйича амалга оширилади.
2 1 . Медиаторлар медиаторларнинг касбий малакасини ошириш бўйича махсус ўқув курсларда ўқиш орқали уч йилда камида бир марта касбий малакасини ошириши шарт, бундан нотариус ва адвокат мақомига эга бўлган медиаторлар мустасно.
3. Махсус ўқув курсларида ўқиш учун фуқаролар Марказларга ва Институтга ариза билан бевосита ўзлари келган ҳолда ёки электрон шаклда мурожаат қиладилар.
4. Махсус ўқув курсларини муваффақиятли якунлаган тингловчиларга ушбу Низомнинг тегишлилигига кўра 1 ва 2-иловаларида келтирилган намуналар ва тавсифларга мувофиқ сертификат берилади.
2-боб. Махсус ўқув курсларини ташкил этиш
5. Махсус ўқув курсларидаги ўқув жараёни, қоида тариқасида, кўпи билан 15 нафаргача тингловчилардан шакллантирилган академик гуруҳларда ташкил этилади.
7. Медиаторларни тайёрлаш дастури қуйидаги мавзуларни қамраб олиши керак:
Ўзбекистон Республикасининг медиация тўғрисидаги қонунчилик ҳужжатларининг мазмун-моҳияти;
медиациянинг моҳияти ва принциплари ҳамда ҳуқуқий асослари;
медиаторнинг касбий кўникмалари, касб этикаси ва жавобгарлиги;
музокаралар медиациянинг асоси сифатида;
медиация босқичлари ва унда медиаторнинг роли ва функциялари;
медиацияда тарафлар вакилларининг иштироки ва уларнинг мақоми;
медиация жараёни;
медиация жараёнининг натижаси ва у билан боғлиқ ҳужжатларни Ўзбекистон Республикасининг қонунчилик ҳужжатларига мувофиқ расмийлаштириш кўникмалари;
медиатив келишувни ижро этишнинг ҳуқуқий асослари;
медиацияда ахборот технологиялари ютуқлари ва сунъий интеллектдан фойдаланиш қоидалари, онлайн медиация ўтказиш тартиби;
оилавий, меҳнат, иқтисодий ва бошқа муносабатлардан келиб чиқадиган низоларни медиация орқали ҳал этишнинг ўзига хос хусусиятлари.
7 1 . Медиаторларнинг касбий малакасини ошириш ўқув дастури қуйидаги мавзуларни қамраб олиши керак:
Ўзбекистон Республикасининг медиация тўғрисидаги қонунчилик ҳужжатларининг, медиация соҳасида амалга оширилаётган ислоҳотларнинг мазмун-моҳияти;
медиатор томонидан Медиаторларнинг касб этикаси қоидаларига риоя қилиш масалалари;
медиацияда ахборот технологиялари ютуқлари ва сунъий интеллектдан фойдаланиш қоидалари, онлайн медиация ўтказиш тартиби;
медиацияда илғор ва кўп томонлама музокара ўтказиш кўникмалари;
медиацияда психология ва конфликтни бошқаришнинг чуқур асослари ва медиаторнинг мулоқот маҳоратини ошириш кўникмалари;
халқаро медиация низоларида медиаторларнинг роли, шунингдек медиация бўйича хорижий давлатлар тажрибаси.
9. Ўқиш жараёнида ўқув машғулотлари маъруза, амалий машғулот ва тренинг шаклида ташкил этилади.
Ўқув машғулотлари тингловчиларда медиация жараёнини юқори савияда ташкил этиш кўникмасини шакллантиришга йўналтирилади.
Ўқиш жараёнида клиник таълим, низоли жараёнларнинг имитацияси ҳамда сайёр машғулотлар қўлланилиши мумкин.
10. Ўқув жараёнида дарс машғулотларини ташкил этишнинг амалиётга йўналтирилган замонавий шакллари — муаммоли вазиятларни ҳал этиш (кейс-стади), жамоада ишлаш («ақлий ҳужум» интерфаол услубини қўллаган ҳолда ва ҳ.к.), ҳуқуқ нормаларини шарҳлаш, ҳуқуқни қўллаш ҳужжатлари лойиҳаларини тузиш кўникмаларини ривожлантириш машқлари ва бошқалар қўлланилади.
11. Тингловчилар ўқиш даврида электрон шаклдаги ўқув-методик материаллар билан таъминланади.
12. Тегишли ахборот-методик ва ташкилий-техник база мавжуд бўлган тақдирда махсус ўқув курслари масофадан ўқитиш усуллари қўлланилган ҳолда ташкил этилиши мумкин.
13. Тингловчилар қуйидаги ҳолатларда махсус ўқув курсидан четлаштирилади:
ўз хоҳишига кўра;
вафоти муносабати билан;
дарс машғулотларини сабабсиз 10 академик соатдан ортиқ қолдирганда;
ўқув режасидаги мавзуларни ўзлаштирмаганда;
Марказлар ва Институтнинг ички тартиб-қоидаларини қўпол равишда бузганда.
Тингловчилар дарс машғулотларини сабабсиз қолдирганлиги, ўқув дастуридаги мавзуларни ўзлаштирмаганлиги ёки Марказлар ва Институтнинг ички тартиб-қоидаларини бузганлиги сабабли тингловчилар сафидан чиқарилган тақдирда, мазкур тингловчи учун амалга оширилган тўлов миқдори қайтарилмайди.
14. Якуний имтиҳон тингловчининг билим ва кўникмаларини икки хил йўл билан баҳолашни ўз ичига олади:
назарий билимлар — оғзаки ёки ёзма шаклда имтиҳон олиш йўли билан;
амалий кўникмалар — низоли масалаларни медиация жараёнлари имитацияси натижалари бўйича.
15. Махсус ўқув курслари тингловчиларини баҳолашни ташкил этиш ва ўтказиш учун Марказлар ва Институтда уч нафардан иборат таркибдаги комиссия шакллантирилади.
Тингловчилар билими ва ўзлаштириш даражаси 100 баллик тизимда баҳоланади.
Тингловчи белгиланган максимал баллнинг 56 фоизидан кам бўлмаган балл тўплаганда махсус ўқув курсларини ўзлаштирган ҳисобланади.
3-боб. Якуний қоида
16. Мазкур Дастур талаблари бузилишида айбдор шахслар қонунчилик ҳужжатларига мувофиқ жавобгар бўлади.
Медиаторларни тайёрлаш дастури ва касбий малакасини ошириш тартиби тўғрисидаги низомга 1-ИЛОВА
Медиаторларни тайёрлаш бўйича махсус ўқув курсини тугатганлиги тўғрисидаги намунавий СЕРТИФИКАТ OʻZBEKISTON RESPUBLIKASI DAVLAT GERBI YOKI TASHKILOT RAMZINING TASVIRI (tashkilot nomlanishi) Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT MT № 000000 __________________________________________________________________________________ (tinglovchining familiyasi, ismi, otasining ismi) __________________________________________________________________________________ (tashkilotning nomi) __________________________________________________________________ soatga moʻljallangan __________________________________________________________________________________ (oʻquv kursning nomi) ______________________________________________________________ muvaffaqiyatli tamomladi. Rahbar: _ _________________ Muhr oʻrni (F.I.O., imzo) Sana ____________________ Qayd raqami № ___________
Медиаторларни тайёрлаш бўйича махсус ўқув курсини тугатганлиги тўғрисидаги намунавий сертификатнинг тавсифи
Сертификат А4 форматли оқ қоғозда офсет усулида босиб чиқарилади.
Сертификатда лотин ёзуви билан давлат тилида «Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT» сўзлари босилади. Сертификат икки лотин ҳарфи ― МT ва олти рақамли сондан иборат тартиб рақами билан таъминланган. Барча матн нақшли растрдан иборат оч кул ранг фонда босиб чиқарилади.
Сертификат:
босиб чиқаришнинг икки усули ― офсет ва юқори усули;
ёруғлик воситасида нусха кўчиришни қийинлаштириш учун очиқ ранглар;
нақшли растр;
ҳар хил рангли растрлардан фойдаланиш йўли билан турли рангларни ташкил этиш;
махсус қоғозлар;
ўзгарадиган рақамлардан иборат тартиб рақами қўлланган ҳолда олтита ҳимояга эга.
Медиаторларни тайёрлаш дастури ва касбий малакасини ошириш тартиби тўғрисидаги низомга 2-ИЛОВА
Медиаторларни касбий малакасини ошириш бўйича махсус ўқув курсини тугатганлиги тўғрисидаги намунавий СЕРТИФИКАТ ЎЗБЕКИСТОН РЕСПУБЛИКАСИ ДАВЛАТ ГЕРБИ ЁКИ ТАШКИЛОТ РАМЗИНИНГ ТАСВИРИ (ташкилот номланиши) Медиаторларни касбий малакасини ошириш махсус ўқув курсини тугатганлиги тўғрисидаги СЕРТИФИКАТ MT № 000000 _________________________________________________________________________________________ (тингловчининг фамилияси, исми, отасининг исми) _________________________________________________________________________________________ (ташкилотнинг номи) ________________________________________________________________________ соатга мўлжалланган _________________________________________________________________________________________ (ўқув курснинг номи) ___________________________________________________________________ муваффақиятли тамомлади. Раҳбар: _ _________________ Муҳр ўрни ________ (Ф.И.О., имзо) Сана ____________________ Қайд рақами № ___________
Медиаторларни касбий малакасини ошириш бўйича махсус ўқув курсини тугатганлиги тўғрисидаги намунавий сертификатнинг тавсифи
Сертификат А4 форматли оқ қоғозда офсет усулида босиб чиқарилади.
Сертификатда лотин ёзуви билан давлат тилида «Mediatorlarni kasbiy malakasini oshirish maxsus oʻquv kursini tugatganligi toʻgʻrisidagi SERTIFIKAT» сўзлари босилади. Сертификат икки лотин ҳарфи — МT ва олти рақамли сондан иборат тартиб рақами билан таъминланган. Барча матн нақшли растрдан иборат оч кул ранг фонда босиб чиқарилади.
Сертификат:
босиб чиқаришнинг икки усули — офсет ва юқори усули;
ёруғлик воситасида нусха кўчиришни қийинлаштириш учун очиқ ранглар;
нақшли растр;
ҳар хил рангли растрлардан фойдаланиш йўли билан турли рангларни ташкил этиш;
махсус қоғозлар;
ўзгарадиган рақамлардан иборат тартиб рақами қўлланган ҳолда олтита ҳимояга эга.
Вазир Р. ДАВЛЕТОВ
Тошкент ш.,
2019 йил 31 январь,
54-мҳ-сон
Oʻzbekiston Respublikasi Adliya vazirining
buyrugʻi
Mediatorlarni tayyorlash dasturi va kasbiy malakasini oshirish tartibi toʻgʻrisidagi nizomni tasdiqlash haqida
Oʻzbekiston Respublikasining “Mediatsiya toʻgʻrisida”gi Qonuni hamda Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq, buyuraman:
1. Mediatorlarni tayyorlash dasturi va kasbiy malakasini oshirish tartibi toʻgʻrisidagi nizom ilovaga muvofiq tasdiqlansin.
2. Mazkur buyruq davlat roʻyxatidan oʻtkazilsin va bu haqda Hukumat bayonnoma qarorlari va idoraviy normativ hujjatlarni huquqiy ekspertizadan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.
3. Yuridik taʼlim va sud-ekspertiza faoliyatini muvofiqlashtirish boshqarmasi hamda Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishini, “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.
4. Mazkur buyruq rasmiy eʼlon qilingan kundan eʼtiboran kuchga kiradi.
5. Mazkur buyruqning ijrosini nazorat qilish vazirning birinchi oʻrinbosari M. Istamov zimmasiga yuklansin.
Oʻzbekiston Respublikasi adliya vazirining 2019-yil 31-yanvardagi 54-mh-son buyrugʻiga ILOVA
Mediatorlarni tayyorlash dasturi va kasbiy malakasini oshirish tartibi toʻgʻrisidagi nizom
Mazkur Nizom mediatorlarni tayyorlash dasturi va kasbiy malakasini oshirish tartibini belgilaydi.
1-bob. Umumiy qoidalar
1. Mediatorlarni tayyorlash dasturi va mediatorlarning kasbiy malakasini oshirish boʻyicha maxsus oʻquv kurslari professional mediatorlarning oʻzaro birlashuviga asoslangan Mediatsiya markazi, professional mediatorlar, hakamlik sudlari va xalqaro arbitrajlarning oʻzaro birlashuviga asoslangan Nizolarni muqobil usulda hal etish markazi (bundan buyon matnda Markazlar deb yuritiladi), shuningdek Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti (bundan buyon matnda Institut deb yuritiladi) tomonidan tashkil etiladi.
2. Maxsus oʻquv kurslarida taʼlim olish kunduzgi shaklda shartnoma asosida davomiyligi 36 soatdan 72 soatgacha boʻlgan oʻquv kurslari boʻyicha amalga oshiriladi.
2 1 . Mediatorlar mediatorlarning kasbiy malakasini oshirish boʻyicha maxsus oʻquv kurslarda oʻqish orqali uch yilda kamida bir marta kasbiy malakasini oshirishi shart, bundan notarius va advokat maqomiga ega boʻlgan mediatorlar mustasno.
3. Maxsus oʻquv kurslarida oʻqish uchun fuqarolar Markazlarga va Institutga ariza bilan bevosita oʻzlari kelgan holda yoki elektron shaklda murojaat qiladilar.
4. Maxsus oʻquv kurslarini muvaffaqiyatli yakunlagan tinglovchilarga ushbu Nizomning tegishliligiga koʻra 1 va 2-ilovalarida keltirilgan namunalar va tavsiflarga muvofiq sertifikat beriladi.
2-bob. Maxsus oʻquv kurslarini tashkil etish
5. Maxsus oʻquv kurslaridagi oʻquv jarayoni, qoida tariqasida, koʻpi bilan 15 nafargacha tinglovchilardan shakllantirilgan akademik guruhlarda tashkil etiladi.
7. Mediatorlarni tayyorlash dasturi quyidagi mavzularni qamrab olishi kerak:
Oʻzbekiston Respublikasining mediatsiya toʻgʻrisidagi qonunchilik hujjatlarining mazmun-mohiyati;
mediatsiyaning mohiyati va prinsiplari hamda huquqiy asoslari;
mediatorning kasbiy koʻnikmalari, kasb etikasi va javobgarligi;
muzokaralar mediatsiyaning asosi sifatida;
mediatsiya bosqichlari va unda mediatorning roli va funksiyalari;
mediatsiyada taraflar vakillarining ishtiroki va ularning maqomi;
mediatsiya jarayoni;
mediatsiya jarayonining natijasi va u bilan bogʻliq hujjatlarni Oʻzbekiston Respublikasining qonunchilik hujjatlariga muvofiq rasmiylashtirish koʻnikmalari;
mediativ kelishuvni ijro etishning huquqiy asoslari;
mediatsiyada axborot texnologiyalari yutuqlari va sunʼiy intellektdan foydalanish qoidalari, onlayn mediatsiya oʻtkazish tartibi;
oilaviy, mehnat, iqtisodiy va boshqa munosabatlardan kelib chiqadigan nizolarni mediatsiya orqali hal etishning oʻziga xos xususiyatlari.
7 1 . Mediatorlarning kasbiy malakasini oshirish oʻquv dasturi quyidagi mavzularni qamrab olishi kerak:
Oʻzbekiston Respublikasining mediatsiya toʻgʻrisidagi qonunchilik hujjatlarining, mediatsiya sohasida amalga oshirilayotgan islohotlarning mazmun-mohiyati;
mediator tomonidan Mediatorlarning kasb etikasi qoidalariga rioya qilish masalalari;
mediatsiyada axborot texnologiyalari yutuqlari va sunʼiy intellektdan foydalanish qoidalari, onlayn mediatsiya oʻtkazish tartibi;
mediatsiyada ilgʻor va koʻp tomonlama muzokara oʻtkazish koʻnikmalari;
mediatsiyada psixologiya va konfliktni boshqarishning chuqur asoslari va mediatorning muloqot mahoratini oshirish koʻnikmalari;
xalqaro mediatsiya nizolarida mediatorlarning roli, shuningdek mediatsiya boʻyicha xorijiy davlatlar tajribasi.
9. Oʻqish jarayonida oʻquv mashgʻulotlari maʼruza, amaliy mashgʻulot va trening shaklida tashkil etiladi.
Oʻquv mashgʻulotlari tinglovchilarda mediatsiya jarayonini yuqori saviyada tashkil etish koʻnikmasini shakllantirishga yoʻnaltiriladi.
Oʻqish jarayonida klinik taʼlim, nizoli jarayonlarning imitatsiyasi hamda sayyor mashgʻulotlar qoʻllanilishi mumkin.
10. Oʻquv jarayonida dars mashgʻulotlarini tashkil etishning amaliyotga yoʻnaltirilgan zamonaviy shakllari — muammoli vaziyatlarni hal etish (keys-stadi), jamoada ishlash (“aqliy hujum” interfaol uslubini qoʻllagan holda va h.k.), huquq normalarini sharhlash, huquqni qoʻllash hujjatlari loyihalarini tuzish koʻnikmalarini rivojlantirish mashqlari va boshqalar qoʻllaniladi.
11. Tinglovchilar oʻqish davrida elektron shakldagi oʻquv-metodik materiallar bilan taʼminlanadi.
12. Tegishli axborot-metodik va tashkiliy-texnik baza mavjud boʻlgan taqdirda maxsus oʻquv kurslari masofadan oʻqitish usullari qoʻllanilgan holda tashkil etilishi mumkin.
13. Tinglovchilar quyidagi holatlarda maxsus oʻquv kursidan chetlashtiriladi:
oʻz xohishiga koʻra;
vafoti munosabati bilan;
dars mashgʻulotlarini sababsiz 10 akademik soatdan ortiq qoldirganda;
oʻquv rejasidagi mavzularni oʻzlashtirmaganda;
Markazlar va Institutning ichki tartib-qoidalarini qoʻpol ravishda buzganda.
Tinglovchilar dars mashgʻulotlarini sababsiz qoldirganligi, oʻquv dasturidagi mavzularni oʻzlashtirmaganligi yoki Markazlar va Institutning ichki tartib-qoidalarini buzganligi sababli tinglovchilar safidan chiqarilgan taqdirda, mazkur tinglovchi uchun amalga oshirilgan toʻlov miqdori qaytarilmaydi.
14. Yakuniy imtihon tinglovchining bilim va koʻnikmalarini ikki xil yoʻl bilan baholashni oʻz ichiga oladi:
nazariy bilimlar — ogʻzaki yoki yozma shaklda imtihon olish yoʻli bilan;
amaliy koʻnikmalar — nizoli masalalarni mediatsiya jarayonlari imitatsiyasi natijalari boʻyicha.
15. Maxsus oʻquv kurslari tinglovchilarini baholashni tashkil etish va oʻtkazish uchun Markazlar va Institutda uch nafardan iborat tarkibdagi komissiya shakllantiriladi.
Tinglovchilar bilimi va oʻzlashtirish darajasi 100 ballik tizimda baholanadi.
Tinglovchi belgilangan maksimal ballning 56 foizidan kam boʻlmagan ball toʻplaganda maxsus oʻquv kurslarini oʻzlashtirgan hisoblanadi.
3-bob. Yakuniy qoida
16. Mazkur Dastur talablari buzilishida aybdor shaxslar qonunchilik hujjatlariga muvofiq javobgar boʻladi.
Mediatorlarni tayyorlash dasturi va kasbiy malakasini oshirish tartibi toʻgʻrisidagi nizomga 1-ILOVA
Mediatorlarni tayyorlash boʻyicha maxsus oʻquv kursini tugatganligi toʻgʻrisidagi namunaviy SERTIFIKAT OʻZBEKISTON RESPUBLIKASI DAVLAT GERBI YOKI TASHKILOT RAMZINING TASVIRI (tashkilot nomlanishi) Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT MT № 000000 __________________________________________________________________________________ (tinglovchining familiyasi, ismi, otasining ismi) __________________________________________________________________________________ (tashkilotning nomi) __________________________________________________________________ soatga moʻljallangan __________________________________________________________________________________ (oʻquv kursning nomi) ______________________________________________________________ muvaffaqiyatli tamomladi. Rahbar: _ _________________ Muhr oʻrni (F.I.O., imzo) Sana ____________________ Qayd raqami № ___________
Mediatorlarni tayyorlash boʻyicha maxsus oʻquv kursini tugatganligi toʻgʻrisidagi namunaviy sertifikatning tavsifi
Sertifikat A4 formatli oq qogʻozda ofset usulida bosib chiqariladi.
Sertifikatda lotin yozuvi bilan davlat tilida “Mediatorlarni tayyorlash maxsus oʻquv kursini tugatganligi toʻgrisidagi SERTIFIKAT” soʻzlari bosiladi. Sertifikat ikki lotin harfi ― MT va olti raqamli sondan iborat tartib raqami bilan taʼminlangan. Barcha matn naqshli rastrdan iborat och kul rang fonda bosib chiqariladi.
Sertifikat:
bosib chiqarishning ikki usuli ― ofset va yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.
Mediatorlarni tayyorlash dasturi va kasbiy malakasini oshirish tartibi toʻgʻrisidagi nizomga 2-ILOVA
Mediatorlarni kasbiy malakasini oshirish boʻyicha maxsus oʻquv kursini tugatganligi toʻgʻrisidagi namunaviy SERTIFIKAT OʻZBEKISTON RESPUBLIKASI DAVLAT GERBI YOKI TASHKILOT RAMZINING TASVIRI (tashkilot nomlanishi) Mediatorlarni kasbiy malakasini oshirish maxsus oʻquv kursini tugatganligi toʻgʻrisidagi SERTIFIKAT MT № 000000 _________________________________________________________________________________________ (tinglovchining familiyasi, ismi, otasining ismi) _________________________________________________________________________________________ (tashkilotning nomi) ________________________________________________________________________ soatga moʻljallangan _________________________________________________________________________________________ (oʻquv kursning nomi) ___________________________________________________________________ muvaffaqiyatli tamomladi. Rahbar: _ _________________ Muhr oʻrni ________ (F.I.O., imzo) Sana ____________________ Qayd raqami № ___________
Mediatorlarni kasbiy malakasini oshirish boʻyicha maxsus oʻquv kursini tugatganligi toʻgʻrisidagi namunaviy sertifikatning tavsifi
Sertifikat A4 formatli oq qogʻozda ofset usulida bosib chiqariladi.
Sertifikatda lotin yozuvi bilan davlat tilida “Mediatorlarni kasbiy malakasini oshirish maxsus oʻquv kursini tugatganligi toʻgʻrisidagi SERTIFIKAT” soʻzlari bosiladi. Sertifikat ikki lotin harfi — MT va olti raqamli sondan iborat tartib raqami bilan taʼminlangan. Barcha matn naqshli rastrdan iborat och kul rang fonda bosib chiqariladi.
Sertifikat:
bosib chiqarishning ikki usuli — ofset va yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.
Vazir R. DAVLETOV
Toshkent sh.,
2019-yil 31-yanvar,
54-mh-son