📅 2019-yil 30-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 30 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 января 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 30 January 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ташувчининг фуқаролик жавобгарлигини мажбурий суғурта қилиш қоидаларига ўзгартиришлар ва қўшимча киритиш тўғрисида
Ўзбекистон Республикасининг «Ташувчининг фуқаролик жавобгарлигини мажбурий суғурта қилиш тўғрисида»ги Қонунига мувофиқ Вазирлар Маҳкамаси қарор қилади:
1. Вазирлар Маҳкамасининг 2015 йил 15 сентябрдаги 266-сон қарори (Ўзбекистон Республикаси ҚТ, 2015 й., 9-сон, 82-модда) билан тасдиқланган Ташувчининг фуқаролик жавобгарлигини мажбурий суғурта қилиш қоидаларига иловага мувофиқ ўзгартиришлар ва қўшимча киритилсин.
2. Ўзбекистон Республикаси Молия вазирлиги манфаатдор вазирликлар ва идоралар билан биргаликда улар томонидан қабул қилинган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Вазирлар Маҳкамасининг 2019 йил 30 январдаги 66-сон қарорига ИЛОВА
Ташувчининг фуқаролик жавобгарлигини мажбурий суғурта қилиш қоидаларига киритилаётган ўзгартиришлар ва қўшимча
1. 8-банд қуйидаги мазмундаги хатбоши қўшилсин:
«Ташувчининг фуқаролик жавобгарлигини мажбурий суғурта қилиш полиси (кейинги ўринларда суғурта полиси деб аталади) тегишли бланкада ва ташувчининг фуқаролик жавобгарлигини мажбурий суғурта қилиш шартномасига киритилган транспорт воситаларининг сонига тенг нусхаларда расмийлаштирилади».
2. 9-банд қуйидаги таҳрирда баён этилсин:
«9. Ташувчининг фуқаролик жавобгарлигини мажбурий суғурта қилиш шартномаси оммавий ҳисобланади ва ташувчи ҳамда суғурталовчи ўртасида ушбу Қоидаларга 2-иловага мувофиқ шакл бўйича, ушбу банднинг иккинчи хатбошида назарда тутилган ҳолатлардан ташқари, бир йил муддатга тузилади.
Йўловчиларни ва уларнинг мол-мулкини автомобилда ташишни амалга оширадиган ташувчининг фуқаролик жавобгарлигини мажбурий суғурта қилиш шартномаси уч ойдан бир йилгача бўлган муддатга тузилиши мумкин».
3. 13-банднинг биринчи ва иккинчи хатбошилардаги , 14-банднинг биринчи хатбошидаги ва 16-банддаги «ташувчининг фуқаролик жавобгарлигини мажбурий суғурта қилиш бўйича» сўзлари чиқариб ташлансин.
4. 30-банднинг тўртинчи хатбоши қуйидаги таҳрирда баён этилсин:
«ташиш кунида амалда бўлган суғурта полисининг нусхасини ташувчининг фуқаролик жавобгарлигини мажбурий суғурта қилиш шартномасига киритилган барча транспорт воситаларига ва (ёки) ўзининг расмий веб-сайтига жойлаштириши».
5. Қоидага 4-илованинг 6-банди қуйидаги таҳрирда баён этилсин:
«6. Суғурта даври: 20__ йил «___» _______ дан 20__ йил «___» ________ гача.
Транспорт воситалари (вагонлар) ҳақида МАЪЛУМОТЛАР
Тури Русуми ва модели Рақамли (танитувчи) белгиси Ишлаб чиқарувчи завод паспорти бўйича йўловчи сиғими (нафар) ».
Ўзбекистон Республикасининг Бош вазири А. АРИПОВ
Тошкент ш.,
2019 йил 30 январь,
66-сон
Oʻzbekiston Respublikasi Vazirlar Mahkamasining
qarori
Tashuvchining fuqarolik javobgarligini majburiy sugʻurta qilish qoidalariga oʻzgartirishlar va qoʻshimcha kiritish toʻgʻrisida
Oʻzbekiston Respublikasining “Tashuvchining fuqarolik javobgarligini majburiy sugʻurta qilish toʻgʻrisida”gi Qonuniga muvofiq Vazirlar Mahkamasi qaror qiladi:
1. Vazirlar Mahkamasining 2015-yil 15-sentabrdagi 266-son qarori (Oʻzbekiston Respublikasi QT, 2015-y., 9-son, 82-modda) bilan tasdiqlangan Tashuvchining fuqarolik javobgarligini majburiy sugʻurta qilish qoidalariga ilovaga muvofiq oʻzgartirishlar va qoʻshimcha kiritilsin.
2. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda ular tomonidan qabul qilingan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Vazirlar Mahkamasining 2019-yil 30-yanvardagi 66-son qaroriga ILOVA
Tashuvchining fuqarolik javobgarligini majburiy sugʻurta qilish qoidalariga kiritilayotgan oʻzgartirishlar va qoʻshimcha
1. 8-band quyidagi mazmundagi xatboshi qoʻshilsin:
“Tashuvchining fuqarolik javobgarligini majburiy sugʻurta qilish polisi (keyingi oʻrinlarda sugʻurta polisi deb ataladi) tegishli blankada va tashuvchining fuqarolik javobgarligini majburiy sugʻurta qilish shartnomasiga kiritilgan transport vositalarining soniga teng nusxalarda rasmiylashtiriladi”.
2. 9-band quyidagi tahrirda bayon etilsin:
“9. Tashuvchining fuqarolik javobgarligini majburiy sugʻurta qilish shartnomasi ommaviy hisoblanadi va tashuvchi hamda sugʻurtalovchi oʻrtasida ushbu Qoidalarga 2-ilovaga muvofiq shakl boʻyicha, ushbu bandning ikkinchi xatboshida nazarda tutilgan holatlardan tashqari, bir yil muddatga tuziladi.
Yoʻlovchilarni va ularning mol-mulkini avtomobilda tashishni amalga oshiradigan tashuvchining fuqarolik javobgarligini majburiy sugʻurta qilish shartnomasi uch oydan bir yilgacha boʻlgan muddatga tuzilishi mumkin”.
3. 13-bandning birinchi va ikkinchi xatboshilardagi , 14-bandning birinchi xatboshidagi va 16-banddagi “tashuvchining fuqarolik javobgarligini majburiy sugʻurta qilish boʻyicha” soʻzlari chiqarib tashlansin.
4. 30-bandning toʻrtinchi xatboshi quyidagi tahrirda bayon etilsin:
“tashish kunida amalda boʻlgan sugʻurta polisining nusxasini tashuvchining fuqarolik javobgarligini majburiy sugʻurta qilish shartnomasiga kiritilgan barcha transport vositalariga va (yoki) oʻzining rasmiy veb-saytiga joylashtirishi”.
5. Qoidaga 4-ilovaning 6-bandi quyidagi tahrirda bayon etilsin:
“6. Sugʻurta davri: 20__ yil “___” _______ dan 20__ yil “___” ________ gacha.
Transport vositalari (vagonlar) haqida MAʼLUMOTLAR
Turi Rusumi va modeli Raqamli (tanituvchi) belgisi Ishlab chiqaruvchi zavod pasporti boʻyicha yoʻlovchi sigʻimi (nafar) ”.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 30-yanvar,
66-son
Кабинета Министров Республики Узбекистан
Постановление
О внесении изменений и дополнения в Правила обязательного страхования гражданской ответственности перевозчика
В соответствии с Законом Республики Узбекистан «Об обязательном страховании гражданской ответственности перевозчика» Кабинет Министров постановляет:
1. Внести изменения и дополнение в Правила обязательного страхования гражданской ответственности перевозчика, утвержденные постановлением Кабинета Министров от 15 сентября 2015 года № 266 (СП Республики Узбекистан, 2015 г., № 9, ст. 82) согласно приложению .
2. Министерству финансов Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова.
ПРИЛОЖЕНИЕ к постановлению Кабинета Министров от 30 января 2019 года № 66
Изменения и дополнение, вносимые в Правила обязательного страхования гражданской ответственности перевозчика
1. Пункт 8 дополнить абзацем следующего содержания:
«Страховой полис по обязательному страхованию гражданской ответственности перевозчика (далее — страховой полис) оформляется на соответствующем бланке и в экземплярах, равных количеству транспортных средств, включенных в договор обязательного страхования гражданской ответственности перевозчика».
2. Пункт 9 изложить в следующей редакции:
«9. Договор обязательного страхования гражданской ответственности перевозчика является публичным и заключается между перевозчиком и страховщиком сроком на один год за исключением случаев, предусмотренных в абзаце второй данного пункта по форме согласно приложению № 2 к настоящим Правилам.
Договор обязательного страхования гражданской ответственности перевозчика, осуществляющего автомобильные перевозки пассажиров и их имущества, может быть заключен сроком от трех месяцев до одного года».
3. Из абзацев первого и второго пункта 13, абзаца первого пункта 14 и пункта 16 слова «по обязательному страхованию гражданской ответственности перевозчика» исключить;
4. Абзац четвертый пункта 30 изложить в следующей редакции:
«размещать экземпляр страхового полиса, действующего на день перевозки, во всех транспортных средствах, включенных в договор обязательного страхования гражданской ответственности перевозчика, и (или) на своем веб-сайте».
5. Пункт 6 приложения № 4 к Правилам изложить в следующей редакции:
«6. Период страхования: с «___» ________ 20__ г. по «___» ________ 20__ г.
СВЕДЕНИЯ о транспортных средствах (вагонах)
Вид Марка и модель Номерной (опознавательный) знак Пассажир вместимость по паспорту завода- изготовителя (ед.) ».
Премьер-министр Республики Узбекистан А. АРИПОВ
г. Ташкент,
30 января 2019 г.,
№ 66