📅 2019-yil 1-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 1 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жиззах вилоятининг Зафаробод туманида цемент заводи қурилишини ташкил этиш чора-тадбирлари тўғрисида
Ички ва ташқи бозорларда барқарор талаби бўлган замонавий қурилиш материаллари ишлаб чиқаришни кўпайтириш, маҳсулотларнинг янги турларини ишлаб чиқаришни ўзлаштириш, экспорт салоҳиятини янада кенгайтиришни таъминлаш ҳамда Жиззах вилоятида янги иш ўринлари ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «2018-2019 йилларда инвестициявий ва инфратузилмавий лойиҳаларни амалга оширишни жадаллаштиришга оид қўшимча чора-тадбирлар тўғрисида» 2018 йил 19 июлдаги ПҚ-3874-сон қарорига мувофиқ «Нuaxin Cement» Co LTD (XXP) компанияси (кейинги ўринларда инвестор деб аталади) томонидан умумий қиймати 150,0 млн АҚШ долларилик бир йилда 1,2 млн тонна портландцемент ишлаб чиқариш қувватига эга бўлган цемент заводи (кейинги ўринларда инвестиция лойиҳаси деб аталади) қурилиши назарда тутилганлиги маълумот учун қабул қилинсин. Инвестиция лойиҳасини амалга ошириш доирасида «Нuaxin Cement» Co LTD (XXP) компанияси томонидан масъулияти чекланган жамият шаклида «Нuaxin Cement Jizzakh» хорижий корхона ташкил этилган.
2. Ўзбекистон Республикаси Инвестициялар ва ташқи савдо вазирлиги:
бир ой муддатда инвестор билан инвестиция шартномаси белгиланган тартибда тузилишини таъминласин, унда инвесторнинг ҳуқуқ ва мажбуриятларини, инвестициялар ҳажмини, ташкил этиладиган иш ўринларининг режалаштириладиган сонини, инвесторга бериладиган имтиёзлар ва преференцияларпи ҳамда иловага * мувофиқ дастлабки техник-иқтисодий параметрларни ҳисобга олган ҳолда бошқа инвестиция мажбуриятларини ва ижтимоий мажбуриятларни назарда тутсин;
инвестиция шартномасидан келиб чиқадиган мажбуриятлар инвестор томонидан бажарилиши юзасидан назоратни таъминласин.
3. Жиззах вилояти ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ой муддатда инвестиция лойиҳасини амалга ошириш доирасида цемент заводи қурилиши учун Жиззах вилоятининг Зафаробод тумани ҳудудида 81 га қишлоқ хўжалигида фойдаланилмайдиган ер участкаси ажратилишини таъминласин.
4. «Нuaxin Cement Jizzakh» МЧЖ ХКга инвестиция лойиҳасини амалга ошириш доирасида қурилиш-монтаж ишларини 2019 йил 1 июлгача муддатда лойиҳа-смета ҳужжатларини бир вақтнинг ўзида ишлаб чиқиш билан амалга оширишга истисно тариқасида рухсат берилсин.
5. Ўзбекистон Республикаси Автомобиль йўллари давлат қўмитаси, Уй-жой-коммунал хизмат кўрсатиш вазирлиги, «Ўзбекэнерго» АЖ, «Ўзбекистон темир йўллари» АЖ ва «Ўзтрансгаз» АЖ қурилаётган цемент заводи ташқи муҳандислик ва транспорт коммуникацияларига уланишида «Нuaxin Cement Jizzakh» МЧЖ ХКга зарур ёрдам берсин.
6. Ўзбекистон Республикаси Давлат геология ва минерал ресурслар қўмитаси истисно тариқасида «Нuaxin Cement Jizzakh» МЧЖ ХКга норуда фойдали қазилмалар мавжуд бўлган ер қаъри участкаларидан фойдаланиш ҳуқуқига, шу жумладан, Фориш конида глина қазиш ва Жиззах вилоятида жойлашган Шарқий Учқўрғон конида оҳактош қазиш учун тўғридан-тўғри музокаралар асосида лицензиялар берилишини таъминласин.
7. Ўзбекистон Республикаси Қурилиш вазирлиги лойиҳа-смета ҳужжатлари белгиланган тартибда давлат экспертизасидан ўтказилишини таъминласин ва инвестиция лойиҳасини амалга ошириш доирасида қурилиш-монтаж ишлари бажарилиши сифати устидан зарур давлат архитектура-қурилиш назоратини ўрнатсин.
8. Ўзбекистон Республикаси Экология ва атроф муҳитни муҳофаза қилиш давлат қўмитаси инвестиция лойиҳаси давлат экология экспертизасидан ўтказилишини ва уни амалга оширишда табиатни муҳофаза қилиш тўғрисидаги қонун ҳужжатларига риоя этилиши устидан зарур назоратни белгиланган тартибда таъминласин.
9. «Нuaxin Cement Jizzakh» МЧЖ ХК инвестиция лойиҳасини амалга ошириш доирасида:
а) ишлаб чиқариш бошлангандан кейин 2021 йил 1 январгача бўлган муддатда юридик шахслардан олинадиган фойда солиғини, юридик шахслардан олинадиган мол-мулк солиғини тўлашдан;
б) 2020 йил 1 октябргача бўлган муддатда:
«Нuaxin Cement Jizzakh» МЧЖ ХК ва унинг субпудрат ташкилотлари томонидан, шу жумладан, «вақтинча олиб кириш» божхона режимида белгиланган тартибда шакллантириладиган рўйхатлар бўйича четдан олиб келинадиган асбоб-ускуналар, хомашё ва материаллар, машина ва механизмлар, махсус транспорт воситалари, эҳтиёт қисмлар ва бутловчи узеллар, приборлар ва инструментлар, техник ва лойиҳа ҳужжатлари божхона тўловларидан (божхона йиғимлари бундан мустасно);
Ўзбекистон Республикаси норезидентлари томонидан бажариладиган ишлар (хизматлар) бўйича қўшилган қиймат солиғи тўлашдан;
кўрсатиладиган хизматлар, четдан олиб келинадиган товарлар, материаллар, асбоб-ускуналар, машина ва механизмлар, бутловчи буюмлар ва узеллар, технологик жиҳозлар, транспорт воситалари приборлари, эҳтиёт қисмлар, инструментлар, ёқилғи-мойлаш материаллари Ўзбекистон Республикасининг ваколатли органларида лицензияланиши ва сертификатланишида йиғимлар, давлат божлари ва тўловлар тўлашдан;
республикада тегишли аккредитация қилинган синов лабораториялари мавжуд бўлмаган тақдирда импорт қилинадиган материаллар, асбоб-ускуналар, машина ва механизмлар, бутловчи буюмлар ва узеллар, технологик жиҳозлар, приборлар, эҳтиёт қисмлар, инструментлар — мажбурий сертификатлаш тартиботидан озод қилинсин.
10. Ўзбекистон Республикаси Ташқи ишлар вазирлиги «Нuaxin Cement Jizzakh» МЧЖ ХКнинг буюртманомалари бўйича инвестиция лойиҳасини амалга оширишда иштирок этувчи хорижий мутахассисларга кўп марталик кириш визалари консуллик йиғимлари ва бошқа йиғимлар ундирилмасдан, зарурат бўлганда эса — Ислом Каримов номидаги Тошкент шаҳар халқаро аэропортида белгиланган тартибда расмийлаштирилишини таъминласин.
11. Ўзбекистон Республикаси Ички ишлар вазирлиги «Нuaxin Cement Jizzakh» МЧЖ ХКнинг буюртманомалари бўйича инвестиция лойиҳасини амалга оширишда иштирок этувчи хорижий мутахассисларга кўп марталик кириш визалари давлат божи ундирилмасдан берилишини ва узайтирилишини, шунингдек, улар вақтинча яшаш жойи бўйича вақтинча турган жойи бўйича рўйхатга олинишини ва муддатини узайтирилишини белгиланган тартибда таъминласин.
12. Ўзбекистон Республикаси Бандлик ва меҳнат муносабатлари вазирлиги «Нuaxin Cement Jizzakh» МЧЖ ХКнинг буюртманомалари бўйича инвестиция лойиҳасини амалга оширишда иштирок этувчи хорижий мутахассислар (Ўзбекистон Республикаси фуқаролари орасида мавжуд бўлмаган) Ўзбекистон Республикасига жалб этилишига рухсатномалар берилишини (узайтирилишини), шунингдек, ушбу хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) таъминласин.
13. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.М. Ғаниев ва Жиззах вилоятининг ҳокими Э.А. Салиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 1 февраль,
81-сон
Oʻzbekiston Respublikasi Vazirlar Mahkamasining
qarori
Jizzax viloyatining Zafarobod tumanida sement zavodi qurilishini tashkil etish chora-tadbirlari toʻgʻrisida
Ichki va tashqi bozorlarda barqaror talabi boʻlgan zamonaviy qurilish materiallari ishlab chiqarishni koʻpaytirish, mahsulotlarning yangi turlarini ishlab chiqarishni oʻzlashtirish, eksport salohiyatini yanada kengaytirishni taʼminlash hamda Jizzax viloyatida yangi ish oʻrinlari tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “2018-2019-yillarda investitsiyaviy va infratuzilmaviy loyihalarni amalga oshirishni jadallashtirishga oid qoʻshimcha chora-tadbirlar toʻgʻrisida” 2018-yil 19-iyuldagi PQ-3874-son qaroriga muvofiq “Nuaxin Cement” Co LTD (XXP) kompaniyasi (keyingi oʻrinlarda investor deb ataladi) tomonidan umumiy qiymati 150,0 mln AQSh dollarilik bir yilda 1,2 mln tonna portlandsement ishlab chiqarish quvvatiga ega boʻlgan sement zavodi (keyingi oʻrinlarda investitsiya loyihasi deb ataladi) qurilishi nazarda tutilganligi maʼlumot uchun qabul qilinsin. Investitsiya loyihasini amalga oshirish doirasida “Nuaxin Cement” Co LTD (XXP) kompaniyasi tomonidan masʼuliyati cheklangan jamiyat shaklida “Nuaxin Cement Jizzakh” xorijiy korxona tashkil etilgan.
2. Oʻzbekiston Respublikasi Investitsiyalar va tashqi savdo vazirligi:
bir oy muddatda investor bilan investitsiya shartnomasi belgilangan tartibda tuzilishini taʼminlasin, unda investorning huquq va majburiyatlarini, investitsiyalar hajmini, tashkil etiladigan ish oʻrinlarining rejalashtiriladigan sonini, investorga beriladigan imtiyozlar va preferensiyalarpi hamda ilovaga * muvofiq dastlabki texnik-iqtisodiy parametrlarni hisobga olgan holda boshqa investitsiya majburiyatlarini va ijtimoiy majburiyatlarni nazarda tutsin;
investitsiya shartnomasidan kelib chiqadigan majburiyatlar investor tomonidan bajarilishi yuzasidan nazoratni taʼminlasin.
3. Jizzax viloyati hokimligi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir oy muddatda investitsiya loyihasini amalga oshirish doirasida sement zavodi qurilishi uchun Jizzax viloyatining Zafarobod tumani hududida 81 ga qishloq xoʻjaligida foydalanilmaydigan yer uchastkasi ajratilishini taʼminlasin.
4. “Nuaxin Cement Jizzakh” MChJ XKga investitsiya loyihasini amalga oshirish doirasida qurilish-montaj ishlarini 2019-yil 1-iyulgacha muddatda loyiha-smeta hujjatlarini bir vaqtning oʻzida ishlab chiqish bilan amalga oshirishga istisno tariqasida ruxsat berilsin.
5. Oʻzbekiston Respublikasi Avtomobil yoʻllari davlat qoʻmitasi, Uy-joy-kommunal xizmat koʻrsatish vazirligi, “Oʻzbekenergo” AJ, “Oʻzbekiston temir yoʻllari” AJ va “Oʻztransgaz” AJ qurilayotgan sement zavodi tashqi muhandislik va transport kommunikatsiyalariga ulanishida “Nuaxin Cement Jizzakh” MChJ XKga zarur yordam bersin.
6. Oʻzbekiston Respublikasi Davlat geologiya va mineral resurslar qoʻmitasi istisno tariqasida “Nuaxin Cement Jizzakh” MChJ XKga noruda foydali qazilmalar mavjud boʻlgan yer qaʼri uchastkalaridan foydalanish huquqiga, shu jumladan, Forish konida glina qazish va Jizzax viloyatida joylashgan Sharqiy Uchqoʻrgʻon konida ohaktosh qazish uchun toʻgʻridan-toʻgʻri muzokaralar asosida litsenziyalar berilishini taʼminlasin.
7. Oʻzbekiston Respublikasi Qurilish vazirligi loyiha-smeta hujjatlari belgilangan tartibda davlat ekspertizasidan oʻtkazilishini taʼminlasin va investitsiya loyihasini amalga oshirish doirasida qurilish-montaj ishlari bajarilishi sifati ustidan zarur davlat arxitektura-qurilish nazoratini oʻrnatsin.
8. Oʻzbekiston Respublikasi Ekologiya va atrof muhitni muhofaza qilish davlat qoʻmitasi investitsiya loyihasi davlat ekologiya ekspertizasidan oʻtkazilishini va uni amalga oshirishda tabiatni muhofaza qilish toʻgʻrisidagi qonun hujjatlariga rioya etilishi ustidan zarur nazoratni belgilangan tartibda taʼminlasin.
9. “Nuaxin Cement Jizzakh” MChJ XK investitsiya loyihasini amalga oshirish doirasida:
a) ishlab chiqarish boshlangandan keyin 2021-yil 1-yanvargacha boʻlgan muddatda yuridik shaxslardan olinadigan foyda soligʻini, yuridik shaxslardan olinadigan mol-mulk soligʻini toʻlashdan;
b) 2020-yil 1-oktabrgacha boʻlgan muddatda:
“Nuaxin Cement Jizzakh” MChJ XK va uning subpudrat tashkilotlari tomonidan, shu jumladan, “vaqtincha olib kirish” bojxona rejimida belgilangan tartibda shakllantiriladigan roʻyxatlar boʻyicha chetdan olib kelinadigan asbob-uskunalar, xomashyo va materiallar, mashina va mexanizmlar, maxsus transport vositalari, ehtiyot qismlar va butlovchi uzellar, priborlar va instrumentlar, texnik va loyiha hujjatlari bojxona toʻlovlaridan (bojxona yigʻimlari bundan mustasno);
Oʻzbekiston Respublikasi norezidentlari tomonidan bajariladigan ishlar (xizmatlar) boʻyicha qoʻshilgan qiymat soligʻi toʻlashdan;
koʻrsatiladigan xizmatlar, chetdan olib kelinadigan tovarlar, materiallar, asbob-uskunalar, mashina va mexanizmlar, butlovchi buyumlar va uzellar, texnologik jihozlar, transport vositalari priborlari, ehtiyot qismlar, instrumentlar, yoqilgʻi-moylash materiallari Oʻzbekiston Respublikasining vakolatli organlarida litsenziyalanishi va sertifikatlanishida yigʻimlar, davlat bojlari va toʻlovlar toʻlashdan;
respublikada tegishli akkreditatsiya qilingan sinov laboratoriyalari mavjud boʻlmagan taqdirda import qilinadigan materiallar, asbob-uskunalar, mashina va mexanizmlar, butlovchi buyumlar va uzellar, texnologik jihozlar, priborlar, ehtiyot qismlar, instrumentlar — majburiy sertifikatlash tartibotidan ozod qilinsin.
10. Oʻzbekiston Respublikasi Tashqi ishlar vazirligi “Nuaxin Cement Jizzakh” MChJ XKning buyurtmanomalari boʻyicha investitsiya loyihasini amalga oshirishda ishtirok etuvchi xorijiy mutaxassislarga koʻp martalik kirish vizalari konsullik yigʻimlari va boshqa yigʻimlar undirilmasdan, zarurat boʻlganda esa — Islom Karimov nomidagi Toshkent shahar xalqaro aeroportida belgilangan tartibda rasmiylashtirilishini taʼminlasin.
11. Oʻzbekiston Respublikasi Ichki ishlar vazirligi “Nuaxin Cement Jizzakh” MChJ XKning buyurtmanomalari boʻyicha investitsiya loyihasini amalga oshirishda ishtirok etuvchi xorijiy mutaxassislarga koʻp martalik kirish vizalari davlat boji undirilmasdan berilishini va uzaytirilishini, shuningdek, ular vaqtincha yashash joyi boʻyicha vaqtincha turgan joyi boʻyicha roʻyxatga olinishini va muddatini uzaytirilishini belgilangan tartibda taʼminlasin.
12. Oʻzbekiston Respublikasi Bandlik va mehnat munosabatlari vazirligi “Nuaxin Cement Jizzakh” MChJ XKning buyurtmanomalari boʻyicha investitsiya loyihasini amalga oshirishda ishtirok etuvchi xorijiy mutaxassislar (Oʻzbekiston Respublikasi fuqarolari orasida mavjud boʻlmagan) Oʻzbekiston Respublikasiga jalb etilishiga ruxsatnomalar berilishini (uzaytirilishini), shuningdek, ushbu xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.
13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev va Jizzax viloyatining hokimi E.A. Saliyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 1-fevral,
81-son
Кабинета Министров Республики Узбекистан
Постановление
О мерах по организации строительства цементного завода в Зафарабадском районе Джизакской области
В целях увеличения производства современных строительных материалов, пользующихся устойчивым спросом на внутреннем и внешнем рынках, освоения выпуска новых видов продукции, обеспечения дальнейшего расширения экспортного потенциала, а также создания новых рабочих мест в Джизакской области Кабинет Министров постановляет:
1. Принять к сведению, что в соответствии с постановлением Президента Республики Узбекистан от 19 июля 2018 года № ПП-3874 «О дополнительных мерах по ускорению реализации инвестиционных и инфраструктурных проектов в 2018-2019 годах» предусмотрено строительство компанией «Нuaxin Cement» Со LTD (КНР) (далее — инвестор) цементного завода мощностью 1,2 млн. тонн портландцемента в год с общей стоимостью 150,0 млн. долларов США (далее — инвестиционный проект). В рамках реализации инвестиционного проекта компанией «Нuaxin Cement» Со LTD (КНР) создано иностранное предприятие в форме общества с ограниченной ответственностью «Нuaxin Cement Jizzakh».
2. Министерству инвестиций и внешней торговли Республики Узбекистан обеспечить:
в месячный срок в установленном порядке заключение инвестиционного договора с инвестором, предусмотрев в нем права и обязанности инвестора, объемы инвестиций, планируемое количество создаваемых рабочих мест, предоставляемые инвестору льготы и преференции, а также другие инвестиционные и социальные обязательства с учетом предварительных технико-экономических параметров, согласно приложению ;
контроль за исполнением инвестором обязательств, вытекающих из инвестиционного договора.
3. Хокимияту Джизакской области совместно с Государственным комитетом Республики Узбекистан по земельным ресурсам, геодезии, картографии и государственному кадастру в месячный срок обеспечить в установленном порядке выделение па территории Зафарабадского района Джизакской области земельного участка несельскохозяйственного назначения площадью 81 га для строительства цементного завода в рамках реализации инвестиционного проекта.
4. Разрешить, в порядке исключения, ИП ООО «Нuaxin Cement Jizzakh» в рамках реализации инвестиционного проекта осуществлять строительно-монтажные работы с параллельной разработкой проектно-сметной документации сроком до 1 июля 2019 года.
5. Государственному комитету Республики Узбекистан по автомобильным дорогам, Министерству жилищно-коммунального обслуживания Республики Узбекистан, АО «Узбекэнерго», АО «Узбекистан темир йуллари» и АО «Узтрансгаз» оказать необходимое содействие ИП ООО «Нuaxin Cement Jizzakh» в подключении строящегося цементного завода к внешним инженерным и транспортным коммуникациям.
6. Государственному комитету Республики Узбекистан по геологии и минеральным ресурсам обеспечить, в порядке исключения, выдачу ИП ООО «Нuaxin Cement Jizzakh» лицензий на право пользования участками недр, содержащими нерудные полезные ископаемые, в том числе для добычи глин на Форишском месторождении и известняка на месторождении Восточный Учкурган, расположенных в Джизакской области, на основе прямых переговоров.
7. Министерству строительства Республики Узбекистан обеспечить проведение в установленном порядке государственной экспертизы проектно-сметной документации и установить надлежащий государственный архитектурно-строительный надзор за качеством выполнения строительно-монтажных работ в рамках реализации инвестиционного проекта.
8. Государственному комитету Республики Узбекистан по экологии и охране окружающей среды в установленном порядке обеспечить проведение государственной экологической экспертизы инвестиционного проекта и надлежащий контроль за соблюдением природоохранного законодательства при его реализации.
9. Освободить в рамках реализации инвестиционного проекта ИП ООО «Нuaxin Cement Jizzakh»:
а) сроком до 1 января 2021 года после начала производства от уплаты налога на прибыль юридических лиц, налога на имущество юридических лиц;
б) сроком до 1 октября 2020 года:
от таможенных платежей (за исключением таможенных сборов) оборудование, сырье и материалы, машины и механизмы, специальные транспортные средства, запасные части и комплектующие узлы, приборы и инструменты, техническую и проектную документацию, ввозимые ИП ООО «Нuaxin Cement Jizzakh» и ее субподрядными организациями, в том числе в таможенном режиме «временный ввоз», по перечням, формируемым в установленном порядке;
от уплаты налога на добавленную стоимость по работам (услугам), выполняемым нерезидентами Республики Узбекистан;
от уплаты сборов, государственных пошлин и платежей при лицензировании и сертификации в уполномоченных органах Республики Узбекистан предоставляемых услуг, ввозимых товаров, материалов, оборудования, машин и механизмов комплектующих изделий и узлов, технологической оснастки, приборов транспортных средств, запасных частей, инструментов, горюче-смазочных материалов;
от процедуры обязательной сертификации — импортируемых материалов, оборудования, машин и механизмов, комплектующих изделий и узлов, технологической оснастки, приборов, запасных частей, инструментов, в случае отсутствия в республике соответствующих аккредитованных испытательных лабораторий.
10. Министерству иностранных дел Республики Узбекистан по заявкам ИП ООО «Нuaxin Cement Jizzakh» обеспечить в установленном порядке оформление многократных въездных виз иностранным специалистам, принимающим участие в реализации инвестиционного проекта, а в случае необходимости — в Международном аэропорту г. Ташкента имени Ислама Каримова без взимания консульских и иных сборов.
11. Министерству внутренних дел Республики Узбекистан по заявкам ИП ООО «Нuaxin Cement Jizzakh» в установленном порядке обеспечить выдачу и продление многократных въездных виз, а также регистрацию по месту временного пребывания и ее продление иностранным специалистам, участвующим в реализации инвестиционного проекта, без взимания государственной пошлины.
12. Министерству занятости и трудовых отношений Республики Узбекистан обеспечить по заявкам ИП ООО «Нuaxin Cement Jizzakh» выдачу (продление) разрешений на привлечение в Республику Узбекистан иностранных специалистов (не имеющихся из числа граждан Республики Узбекистан), участвующих в реализации инвестиционного проекта, а также выдачу (продление) данным иностранным гражданам подтверждений на право трудовой деятельности на территории Республики Узбекистан.
13. Контроль за исполнением настоящего постановления возложить на заместителя Премьер-министра Республики Узбекистан Э.М. Ганиева и хокима Джизакской области Э.А. Салиева.
ПРИЛОЖЕНИЕ к постановлению Кабинета Министров от 1 февраля 2019 года № 81
Предварительные технико-экономические параметры инвестиционного проекта «Организация производства цемента в Зафарабадском районе Джизакской области» *
тыс. долл. США № Наименование показателей Источники финансирования Всего в т.ч. прямые иностранные инвестиции и заемные средства инвестора 1. Общая стоимость проекта 150 000,0 150 000,0 2. Сумма капитальных вложений 150 000,0 150 000,0 в том числе: 2.1. машины и оборудование 78 000,0 78 000,0 2.2. строительно-монтажные работы 67 000,0 67 000,0 2.3. финансовые издержки в инвестиционный период 3 000,0 3 000.0 2.4. первоначальный оборотный капитал 1 000,0 1 000.0 2.5. прочие затраты 1 000.0 1 000,0 3. Мощность предприятия, в том числе: годовой объем производимой продукции 480 тыс. тонн М400 и 720 тыс. тонн М500 портландцемента 4. Предполагаемый годовой объем экспорта 48 тыс. тонн М400 и 72 тыс. тонн М500 портландцемента 5. Создаваемые рабочие места 300 человек 6. Срок реализации проекта 12 месяцев (срок ввода мощности — декабрь 2019 года)
Премьер-министр Республики Узбекистан А. АРИПОВ
г. Ташкент,
1 февраля 2019 г.,
№ 81