📅 2019-yil 1-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 1 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Айрим маълумотларни расман эълон қилиш бўйича чекловларни олиб ташлаш тўғрисида
[Кўчирма]
Ўзбекистон Республикаси Президентининг «Ташқи молиялаштириш манбаларини диверсификациялаш бўйича қўшимча чора-тадбирлар тўғрисида» 2018 йил 21 июлдаги ПҚ-3877-сон қарорига мувофиқ ҳамда халқаро рейтинг агентликлари ва инвесторларга мамлакатимиз иқтисодий салоҳияти ва инвестицион жозибадорлигини тўлақонли намойиш этиш мақсадида Вазирлар Маҳкамаси қарор қилади:
1. Қуйидаги маълумотларни расман эълон қилиш бўйича чекловлар олиб ташлансин:
Ўзбекистон Республикаси фойдали қазилмаларининг захира ва ресурслари, уларнинг қазиб олиш (ишлаб чиқариш) ва сотиш ҳажмлари, маблағларнинг тақсимланиши тўғрисидаги маълумотлар;
Ўзбекистон Республикасининг Тикланиш ва тараққиёт жамғармаси, «Олмалиқ КМК» АЖ ва «Навоий КМК» ДКнинг 2013 йилдан бошлаб миллий ва халқаро стандартлар асосидаги молиявий ҳисоботлари;
2017 йил 1 январь ҳолатигача давлат олтин валюта-захираларининг йиллик ҳажмлари ва уларнинг таркиби;
давлат ва давлат томонидан кафолатланган (ички ва ташқи) қарзларнинг умумий ҳажми, уларнинг манбалари, валюталари, фоиз ставкалари, сўндириш муддатлари, шунингдек, қарздор ташкилотлар кесимида ўзлаштирилиши ва қайтарилиши бўйича маълумотлар.
3. Молия вазирлиги бошқа манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
4. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига ушбу қарорнинг мазмун-моҳиятини кенг ёритиш тавсия этилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Давлат статистика қўмитаси раиси Б.А. Бегалов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 1 февраль,
77-сон
Oʻzbekiston Respublikasi Vazirlar Mahkamasining
qarori
Ayrim maʼlumotlarni rasman eʼlon qilish boʻyicha cheklovlarni olib tashlash toʻgʻrisida
[Koʻchirma]
Oʻzbekiston Respublikasi Prezidentining “Tashqi moliyalashtirish manbalarini diversifikatsiyalash boʻyicha qoʻshimcha chora-tadbirlar toʻgʻrisida” 2018-yil 21-iyuldagi PQ-3877-son qaroriga muvofiq hamda xalqaro reyting agentliklari va investorlarga mamlakatimiz iqtisodiy salohiyati va investitsion jozibadorligini toʻlaqonli namoyish etish maqsadida Vazirlar Mahkamasi qaror qiladi:
1. Quyidagi maʼlumotlarni rasman eʼlon qilish boʻyicha cheklovlar olib tashlansin:
Oʻzbekiston Respublikasi foydali qazilmalarining zaxira va resurslari, ularning qazib olish (ishlab chiqarish) va sotish hajmlari, mablagʻlarning taqsimlanishi toʻgʻrisidagi maʼlumotlar;
Oʻzbekiston Respublikasining Tiklanish va taraqqiyot jamgʻarmasi, “Olmaliq KMK” AJ va “Navoiy KMK” DKning 2013-yildan boshlab milliy va xalqaro standartlar asosidagi moliyaviy hisobotlari;
2017-yil 1-yanvar holatigacha davlat oltin valyuta-zaxiralarining yillik hajmlari va ularning tarkibi;
davlat va davlat tomonidan kafolatlangan (ichki va tashqi) qarzlarning umumiy hajmi, ularning manbalari, valyutalari, foiz stavkalari, soʻndirish muddatlari, shuningdek, qarzdor tashkilotlar kesimida oʻzlashtirilishi va qaytarilishi boʻyicha maʼlumotlar.
3. Moliya vazirligi boshqa manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga ushbu qarorning mazmun-mohiyatini keng yoritish tavsiya etilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Davlat statistika qoʻmitasi raisi B.A. Begalov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 1-fevral,
77-son
Кабинета Министров Республики Узбекистан
Постановление
О снятии ограничений по официальной публикации некоторых данных
[Извлечение]
В соответствии с постановлением Президента Республики Узбекистан от 21 июля 2018 года № ПП-3877 «О дополнительных мерах по диверсификации источников внешнего финансирования», а также в целях полноценной демонстрации экономической и инвестиционной привлекательности страны для международных рейтинговых агентств и инвесторов Кабинет Министров постановляет:
1. Снять ограничения по официальной публикации следующих данных:
информация о запасах и ресурсах полезных ископаемых Республики Узбекистан, объемах их добычи (производства), реализации и распределении средств от реализации;
финансовая отчетность Фонда реконструкции и развития Республики Узбекистан, АО «Алмалыкский ГМК» и ГП «Навоийский ГМК», начиная с 2013 года на основании национальных и международных стандартов;
годовые объемы золото-валютных резервов и их структура до 1 сентября 2017 года;
информация об общих объемах государственного и гарантированного государством долга (внутренний и внешний), их источниках, валюте, процентных ставках, сроках погашения, а также об их освоении и возврате в разрезе организаций — должников.
3. Министерству финансов совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
4. Рекомендовать Национальной телерадиокомпании Узбекистана, Национальному информационному агентству Узбекистана и другим средствам массовой информации широкое освещение сути настоящего постановления.
5. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и председателя Государственного комитета Республики Узбекистан по статистике Б.А. Бегалова.
Премьер-министр Республики Узбекистан А. АРИПОВ
г. Ташкент,
1 февраля 2019 г.,
№ 77