📅 2019-yil 1-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 1 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фуқароларнинг пенсияларини ҳисоблаш учун зарур бўлган ҳисобланган иш ҳақининг якка тартибдаги ҳисобини юритишни жорий этиш чора-тадбирлари ҳақида
Ўзбекистон Республикаси Президентининг «Ўзбекистон Республикасининг солиқ сиёсатини такомиллаштириш концепцияси тўғрисида» 2018 йил 29 июндаги ПФ-5468-сон Фармонига мувофиқ ҳамда фуқароларнинг пенсияларини ҳисоблаш учун зарур бўлган ҳисобланган иш ҳақининг якка тартибдаги ҳисобини юритишни жорий қилиш, шунингдек давлат пенсияларини тайинлаш жараёнини соддалаштириш мақсадида Вазирлар Маҳкамаси қарор қилади:
1. Ўзбекистон Республикаси Молия вазирлиги ва Давлат солиқ қўмитасининг фуқароларнинг пенсияларини ҳисоблаш учун зарур бўлган ҳисобланган иш ҳақининг якка тартибдаги ҳисобини юритиш (кейинги ўринларда Иш ҳақини ҳисобга олиш реестри деб аталади) фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадалларини якка тартибда ҳисобга олишнинг марказлаштирилган электрон реестри базаси асосида ташкил этиш тўғрисидаги таклифига розилик берилсин.
2. Белгилансинки, фуқароларнинг пенсияларини ҳисоблаш учун зарур бўлган ҳисобланган иш ҳақи суммалари тўғрисидаги маълумотлар 2019 йил 1 январдан бошлаб ҳар бир жисмоний шахс бўйича иш берувчилар томонидан давлат солиқ органларига жисмоний шахслардан олинадиган даромад солиғи бўйича солиқ ҳисоботи таркибида белгиланган тартибда электрон шаклда тақдим этилади.
3. Ўзбекистон Республикаси Давлат солиқ қўмитаси:
2019 йил 10 февралга қадар Молия вазирлиги билан биргаликда фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадалларини якка тартибда ҳисобга олишнинг марказлаштирилган электрон реестрини юритиш бўйича дастурий таъминотга Иш ҳақини ҳисобга олиш реестрини юритишни назарда тутувчи ўзгартиришлар киритсин ва уни солиқ органларининг ягона интеграциялаштирилган ахборот ресурс базасига жорий этсин;
Фуқароларнинг пенсияларини ҳисоблаш учун зарур бўлган ҳисобланган иш ҳақининг якка тартибдаги ҳисобини юритишнинг марказлаштирилган электрон реестрини шакллантириш ва юритиш тўғрисидаги низомни ишлаб чиқсин ва белгиланган тартибда тасдиқласин;
Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2019 йил 1 мартдан бошлаб фуқароларга Ягона интерактив давлат хизматлари портали орқали фуқароларнинг ҳисобланган иш ҳақи суммалари тўғрисидаги маълумотларни тақдим этиш бўйича давлат интерактив хизматини жорий этсин.
4. Ўзбекистон Республикаси Молия вазирлиги, Бандлик ва меҳнат муносабатлари вазирлиги, Давлат солиқ қўмитаси, Марказий банк, акциядорлик тижорат Халқ банки, «Ўзархив» агентлиги ва Ахборот технологиялари ва коммуникацияларни ривожлантириш вазирлиги иш ҳақининг якка тартибдаги ҳисобини юритишнинг марказлаштирилган электрон реестри, фуқароларнинг шахсий жамғариб бориладиган пенсия ҳисобварақлари маълумотлар электрон базаси, ишловчиларнинг иш стажи ва уларнинг меҳнат дафтарчаларидаги меҳнат фаолиятига оид маълумотларнинг бир бирига узвий боғлаш ва уларнинг негизида ягона (интеграллашган) тизим яратиш юзасидан таклифларни бир ой муддатда Вазирлар Маҳкамасига киритсин.
5. 2019 йил 1 январдан бошлаб Ўзбекистон Республикаси Вазирлар Маҳкамасининг «Фуқароларнинг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига ўтказилган суғурта бадаллари тўғрисидаги маълумотларни якка тартибда ҳисобга олишни жорий этиш чора-тадбирлари ҳақида» 2015 йил 14 апрелдаги 90-сон қарори (Ўзбекистон Республикаси ҚТ, 2015 й., 4-сон, 28-модда) ўз кучини йўқотган деб ҳисоблансин.
6. Ўзбекистон Республикаси Молия вазирлиги ва Давлат солиқ қўмитаси манфаатдор вазирлик ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 1 февраль,
80-сон
Oʻzbekiston Respublikasi Vazirlar Mahkamasining
qarori
Fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritishni joriy etish chora-tadbirlari haqida
Oʻzbekiston Respublikasi Prezidentining “Oʻzbekiston Respublikasining soliq siyosatini takomillashtirish konsepsiyasi toʻgʻrisida” 2018-yil 29-iyundagi PF-5468-son Farmoniga muvofiq hamda fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritishni joriy qilish, shuningdek davlat pensiyalarini tayinlash jarayonini soddalashtirish maqsadida Vazirlar Mahkamasi qaror qiladi:
1. Oʻzbekiston Respublikasi Moliya vazirligi va Davlat soliq qoʻmitasining fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritish (keyingi oʻrinlarda Ish haqini hisobga olish reyestri deb ataladi) fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan sugʻurta badallarini yakka tartibda hisobga olishning markazlashtirilgan elektron reyestri bazasi asosida tashkil etish toʻgʻrisidagi taklifiga rozilik berilsin.
2. Belgilansinki, fuqarolarning pensiyalarini hisoblash uchun zarur boʻlgan hisoblangan ish haqi summalari toʻgʻrisidagi maʼlumotlar 2019-yil 1-yanvardan boshlab har bir jismoniy shaxs boʻyicha ish beruvchilar tomonidan davlat soliq organlariga jismoniy shaxslardan olinadigan daromad soligʻi boʻyicha soliq hisoboti tarkibida belgilangan tartibda elektron shaklda taqdim etiladi.
3. Oʻzbekiston Respublikasi Davlat soliq qoʻmitasi:
2019-yil 10-fevralga qadar Moliya vazirligi bilan birgalikda fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan sugʻurta badallarini yakka tartibda hisobga olishning markazlashtirilgan elektron reyestrini yuritish boʻyicha dasturiy taʼminotga Ish haqini hisobga olish reyestrini yuritishni nazarda tutuvchi oʻzgartirishlar kiritsin va uni soliq organlarining yagona integratsiyalashtirilgan axborot resurs bazasiga joriy etsin;
Fuqarolarning pensiyalarini hisoblash uchun zarur boʻlgan hisoblangan ish haqining yakka tartibdagi hisobini yuritishning markazlashtirilgan elektron reyestrini shakllantirish va yuritish toʻgʻrisidagi nizomni ishlab chiqsin va belgilangan tartibda tasdiqlasin;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 1-martdan boshlab fuqarolarga Yagona interaktiv davlat xizmatlari portali orqali fuqarolarning hisoblangan ish haqi summalari toʻgʻrisidagi maʼlumotlarni taqdim etish boʻyicha davlat interaktiv xizmatini joriy etsin.
4. Oʻzbekiston Respublikasi Moliya vazirligi, Bandlik va mehnat munosabatlari vazirligi, Davlat soliq qoʻmitasi, Markaziy bank, aksiyadorlik tijorat Xalq banki, “Oʻzarxiv” agentligi va Axborot texnologiyalari va kommunikatsiyalarni rivojlantirish vazirligi ish haqining yakka tartibdagi hisobini yuritishning markazlashtirilgan elektron reyestri, fuqarolarning shaxsiy jamgʻarib boriladigan pensiya hisobvaraqlari maʼlumotlar elektron bazasi, ishlovchilarning ish staji va ularning mehnat daftarchalaridagi mehnat faoliyatiga oid maʼlumotlarning bir biriga uzviy bogʻlash va ularning negizida yagona (integrallashgan) tizim yaratish yuzasidan takliflarni bir oy muddatda Vazirlar Mahkamasiga kiritsin.
5. 2019-yil 1-yanvardan boshlab Oʻzbekiston Respublikasi Vazirlar Mahkamasining “Fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilgan sugʻurta badallari toʻgʻrisidagi maʼlumotlarni yakka tartibda hisobga olishni joriy etish chora-tadbirlari haqida” 2015-yil 14-apreldagi 90-son qarori (Oʻzbekiston Respublikasi QT, 2015-y., 4-son, 28-modda) oʻz kuchini yoʻqotgan deb hisoblansin.
6. Oʻzbekiston Respublikasi Moliya vazirligi va Davlat soliq qoʻmitasi manfaatdor vazirlik va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 1-fevral,
80-son
Кабинета Министров Республики Узбекистан
Постановление
О мерах по внедрению порядка персонализированного учета начисленной заработной платы, необходимого для исчисления пенсий граждан
В соответствии с Указом Президента Республики Узбекистан от 29 июня 2018 года № УП-5468 «О Концепции совершенствования налоговой политики Республики Узбекистан» и в целях внедрения персонализированного учета начисленной заработной платы, необходимого для исчисления пенсий граждан, а также упрощения процесса назначения государственных пенсий Кабинет Министров постановляет:
1. Согласиться с предложением Министерства финансов и Государственного налогового комитета Республики Узбекистан о создании персонализированного учета начисленной заработной платы, необходимого для исчисления пенсий граждан (далее — Реестр учета начисленной заработной платы) на базе электронного Централизованного реестра индивидуального учета начисленных страховых взносов граждан во внебюджетный Пенсионный фонд при Министерстве финансов Республики Узбекистан.
2. Установить, что 1 января 2019 года сведения о суммах начисленных заработных плат, необходимые для исчисления пенсий граждан, в разрезе каждого физического лица представляются работодателями в установленном порядке в налоговые органы в составе налоговой отчетности по налогу на прибыль физических лиц в электронной форме.
3. Государственному налоговому комитету Республики Узбекистан:
совместно с Министерством финансов Республики Узбекистан в срок до 10 февраля 2019 года внести изменения в программное обеспечение по ведению Централизованного электронного реестра индивидуального учета начисленных страховых взносов граждан во внебюджетный Пенсионный фонд при Министерстве финансов Республики Узбекистан, предусматривающие ведение Реестра учета начисленной заработной платы, необходимого для исчисления пенсии граждан, а также внедрить его в единую интегрированную информационную ресурсную базу налоговых органов;
разработать и утвердить в установленном порядке Положение о порядке формирования и ведения централизованного электронного реестра персонализированного учета начисленной заработной платы, необходимого для исчисления пенсии граждан;
совместно с Министерством по развитию информационных технологий и коммуникаций Республики Узбекистан начиная с 1 марта 2019 года внедрить государственную интерактивную услугу по предоставлению гражданам сведений о начисленной заработной плате.
4. Министерству финансов, Министерству занятости и трудовых отношений Республики Узбекистан, Государственному налоговому комитету, Центральному банку, Акционерно-коммерческому Народному банку, Агентству «Узархив» и Министерству по развитию информационных технологий и коммуникаций Республики Узбекистан в месячный срок внести предложения о внедрении механизма тесной взаимосвязи сведений о стаже работы работников и трудовом стаже из трудовых книжек, электронной базы индивидуальных накопительных пенсионных счетов граждан, централизованного реестра персонализированного учета начисленной заработной платы и создании на их базе единой (интегрированной) системы.
5. Признать утратившим силу с 1 января 2019 года постановление Кабинета Министров от 14 апреля 2015 г. № 90 «О мерах по внедрению индивидуального учета сведений о начисленных страховых взносах граждан во внебюджетный Пенсионный фонд при Министерстве финансов Республики Узбекистан» (СЗ Республики Узбекистан, 2015 г., № 4, ст. 28).
6. Министерству финансов Республики Узбекистан и Государственному налоговому комитету Республики Узбекистан в месячный срок привести принятые ими ведомственные нормативно-правовые акты в соответствие с настоящим постановлением.
7. Контроль за исполнением настоящего постановления возложить на заместителя Премьер-министра — министр финансов Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
1 февраля 2019 г.,
№ 80