📅 2019-yil 1-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2019 г. · Постановления Президента
Официальный текст. Официальный документ. Редакционные примечания не включены.
📅 1 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Банкротлик таомилларини янада соддалаштириш ва суд бошқарувчилари фаолиятини тубдан такомиллаштириш чора-тадбирлари тўғрисида
Банкротлик таомилларини янада соддалаштириш, суд бошқарувчилари фаолиятини такомиллаштириш, халқаро рейтингларда Ўзбекистон Республикасининг позициясини яхшилаш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастурида белгиланган вазифалар ижроси юзасидан:
1. Ўзбекистон Республикаси Давлат активларини бошқариш агентлиги, Давлат солиқ қўмитаси, Ўзбекистон суд бошқарувчилари ассоциациясининг 2019 йил 1 июлдан қуйидаги тартибни ўрнатиш ҳақидаги таклифи маъқуллансин:
солиқ хизмати органлари солиқлар ва йиғимлар бўйича қарздорликни ундириш имконияти бўлмаганлиги сабабли ижро ҳужжатлари қайтарилган кундан бошлаб 30 кундан кечиктирмасдан қарздорга нисбатан тўловга қобилиятсизлик тўғрисида иш қўзғатиш тўғрисидаги ариза билан судга мурожаат қилади;
тугатишга доир иш юритиш тартиб-таомили муддати ўн икки ойдан ошмаслиги лозим, алоҳида ҳолларда ушбу муддат тўловга қобилиятсизлик тўғрисидаги ишда иштирок этаётган шахсларнинг илтимосномасига асосан суд қарори билан уч ойдан ошмаган муддатга узайтирилиши мумкин;
юридик шахс учун мажбурий кўрсатмаларни бериш ҳуқуқига эга бўлган муассис (иштирокчи) сифатидаги шахснинг ёки юридик шахс мол-мулки мулкдорининг ёхуд қонун ҳужжатларида бошқарув вазифалари юклатилган шахсларнинг хатти-ҳаракатлари оқибатида сохта тўловга қобилиятсизлик, тўловга қобилиятсизликни яшириш ёки қасддан тўловга қобилиятсизликка олиб келиш аломатлари аниқланганлиги тўғрисида суднинг қонуний кучга кирган ҳукми мазкур шахсларни қонун ҳужжатларида белгиланган тартибда субсидиар жавобгарликка тортиш учун асос ҳисобланади;
тўловга қобилиятсизлик тартиб-таомиллари қўлланилган қарздорларнинг мол-мулки суд бошқарувчилари томонидан «E-auksion» электрон савдо платформасида электрон онлайн-аукцион орқали ёки қонун ҳужжатларида белгиланган ҳолларда мазкур платформанинг танлов савдолари орқали сотилади.
2. 2019 йил 1 мартдан Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактабида (кейинги ўринларда — Республика олий мактаби) қуйидагиларни назарда тутувчи махсус курслар ташкил этилсин:
суд бошқарувчиси аттестатини олишга талабгорларни махсус дастур бўйича шартнома асосида ўқитиш;
тегишли тоифадаги суд бошқарувчиси аттестатини олиш учун асос бўладиган ўқишни тугатганлик тўғрисидаги гувоҳномани бериш;
суд бошқарувчиларининг касбий даражаси ва малакасини ошириш.
3. Белгилаб қўйилсинки, 2019 йил 1 майдан:
а) давлат солиқ хизмати органларининг аризалари бўйича қўзғатилган тўловга қобилиятсизликнинг соддалаштирилган таомилларини ўтказишда суд бошқарувчиларини давлат солиқ хизмати органлари ходимлари орасидан тайинлаш амалиёти бекор қилинади;
б) шундай тартиб жорий қилинадики, унга мувофиқ давлат солиқ хизмати органларининг аризалари бўйича қўзғатилган тўловга қобилиятсизликнинг соддалаштирилган таомилларини ўтказишда:
тўртинчи тоифали суд бошқарувчиси аттестатига эга бўлган ва Ўзбекистон суд бошқарувчилари ассоциацияси (кейинги ўринларда — Ассоциация) аъзолари ҳисобланган шахслар суд бошқарувчиси этиб тайинланади;
қарздор жисмоний шахсга нисбатан тўловга қобилиятсизлик тартиб-таомили ва (ёки) бошқа қарздорга нисбатан тўловга қобилиятсизликнинг соддалаштирилган тартиби қўлланилганда, агар қарздор билан бошқача келишув белгиланган бўлмаса, суд бошқарувчисига ҳақ тўлаш харажатлари қарздорга нисбатан тўловга қобилиятсизлик ҳақида иш қўзғатиш тўғрисида ариза берган солиқ органи томонидан Давлат бюджети маблағлари ҳисобидан қопланади. Бунда, суд бошқарувчисига ҳақ тўлаш учун суднинг депозит ҳисобварағига базавий ҳисоблаш миқдорининг уч баравари миқдорида олдиндан тўлов амалга оширилади;
в) суд бошқарувчиларининг фаолияти «фуқаролик ва иқтисодий суд ишларини юритиш» ихтисослашуви бўйича лицензияга эга бўлган ва суд бошқарувчиси аттестатини олган адвокатлар томонидан ҳам амалга оширилиши мумкин;
г) суд бошқарувчиларини тайинлаш кредитор (кредиторларнинг умумий йиғилиши ёки қўмитаси) ёки тўловга қобилиятсизлик ишлари бўйича ваколатли давлат органи ёхуд Ассоциация ва унинг ҳудудий тузилмалари тақдимномаси бўйича суд бошқарувчилари фаолиятини рейтинг баҳолашни ҳисобга олган ҳолда суд томонидан амалга оширилади.
4. Белгилансинки, суд бошқарувчиларининг касбий малакасини оширишга кўмаклашиш, жисмоний ва юридик шахсларнинг қонуний манфаатларини ҳимоя қилишда уларнинг ролини кучайтириш мақсадида Ассоциация ва унинг ҳудудий тузилмалари:
суд бошқарувчилари фаолиятини тартибга солувчи норматив-ҳуқуқий ҳужжатлар лойиҳаларини ишлаб чиқишда иштирок этади;
давлат ҳокимияти ва бошқаруви органлари билан муносабатларда суд бошқарувчиларининг ҳуқуқлари ва қонуний манфаатларини ифодалаш ҳуқуқига эга;
суд бошқарувчиларининг касбий одоб-ахлоқ қоидаларини ишлаб чиқади ва тасдиқлайди;
суд бошқарувчилари фаолиятини рейтинг асосида баҳолайди, улар томонидан қонун ҳужжатларига, касбий одоб-ахлоқ қоидаларига риоя этилишини мониторинг қилади.
5. Давлат активларини бошқариш агентлиги:
бир ой муддатда Республика олий мактаби билан биргаликда замонавий талаблар ва халқаро стандартларни ҳисобга олган ҳолда суд бошқарувчиларини ўқитиш ва малакасини ошириш бўйича ўқув режалари ва дастурларини ишлаб чиқсин ва тасдиқласин;
бир ой муддатда Республика олий мактабида суд бошқарувчиларини ўқитиш ва малакасини оширишни ташкил этиш чораларини кўрсин;
икки ой муддатда Ассоциация билан биргаликда Суд бошқарувчилари фаолиятини рейтинг асосида баҳолаш тўғрисидаги низомни тасдиқласин;
2019 йил 1 апрелдан суд бошқарувчилари фаолиятини рейтинг асосида баҳолаш ҳақидаги маълумотларни ҳар чоракда оммавий ахборот воситаларида эълон қилиш ва расмий веб-сайтда жойлаштиришни таъминласин.
6. Ўзбекистон Республикаси Бош прокуратураси ҳузуридаги Мажбурий ижро бюроси Ахборот технологиялари ва коммуникацияларини ривожлантириш вазирлиги, Давлат активларини бошқариш агентлиги билан биргаликда икки ой муддатда Банкротлик таомиллари қўлланилган қарздорларнинг мол-мулкини «E-IJRO AUKSION» ягона электрон савдо майдончасида сотиш тартиби тўғрисидаги низомни ишлаб чиқсин ҳамда тасдиқлаш учун Вазирлар Маҳкамасига киритсин.
7. Ўзбекистон Республикаси Давлат активларини бошқариш агентлиги Давлат солиқ қўмитаси, Адлия вазирлиги билан биргаликда 2019 йил 1 апрелга қадар муддатда:
Суд бошқарувчиси аттестатини олишга талабгорларни ўқитиш ва суд бошқарувчилари малакасини ошириш тартиби тўғрисидаги низомни;
Суд бошқарувчилари, уларни аттестациядан ўтказиш ва малака аттестати бериш тартиби тўғрисидаги низомни ишлаб чиқсин ҳамда тасдиқлаш учун Вазирлар Маҳкамасига киритсин.
8. Ўзбекистон Республикаси Бош прокуратураси Олий суд билан биргаликда 2019 йил 1 мартга қадар муддатда сохта банкротлик, банкротликни яширганлик ва қасддан банкротликка олиб келганлик учун жавобгарликни кучайтиришни назарда тутувчи қонун лойиҳасини Олий Мажлис Қонунчилик палатасига киритсин.
9. Ўзбекистон Республикаси Вазирлар Маҳкамаси 2019 йил 1 майга қадар муддатда илғор хорижий тажрибани инобатга олган ҳолда, янги таҳрирдаги «Банкротлик тўғрисида»ги Ўзбекистон Республикаси қонуни лойиҳасини ишлаб чиқсин ва белгиланган тартибда Олий Мажлис Қонунчилик палатасига киритсин.
10. Ўзбекистон Миллий телерадиокомпанияси Давлат активларини бошқариш агентлиги билан биргаликда мазкур қарорнинг мазмун-моҳияти ва аҳамиятини оммавий ахборот воситаларида кенг ёритишни таъминласин.
11. Ўзбекистон Республикаси Давлат активларини бошқариш агентлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 1 февраль,
ПҚ-4146-сон
Oʻzbekiston Respublikasi Prezidentining
Qarori
Bankrotlik taomillarini yanada soddalashtirish va sud boshqaruvchilari faoliyatini tubdan takomillashtirish chora-tadbirlari toʻgʻrisida
Bankrotlik taomillarini yanada soddalashtirish, sud boshqaruvchilari faoliyatini takomillashtirish, xalqaro reytinglarda Oʻzbekiston Respublikasining pozitsiyasini yaxshilash maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturida belgilangan vazifalar ijrosi yuzasidan:
1. Oʻzbekiston Respublikasi Davlat aktivlarini boshqarish agentligi, Davlat soliq qoʻmitasi, Oʻzbekiston sud boshqaruvchilari assotsiatsiyasining 2019-yil 1-iyuldan quyidagi tartibni oʻrnatish haqidagi taklifi maʼqullansin:
soliq xizmati organlari soliqlar va yigʻimlar boʻyicha qarzdorlikni undirish imkoniyati boʻlmaganligi sababli ijro hujjatlari qaytarilgan kundan boshlab 30 kundan kechiktirmasdan qarzdorga nisbatan toʻlovga qobiliyatsizlik toʻgʻrisida ish qoʻzgʻatish toʻgʻrisidagi ariza bilan sudga murojaat qiladi;
tugatishga doir ish yuritish tartib-taomili muddati oʻn ikki oydan oshmasligi lozim, alohida hollarda ushbu muddat toʻlovga qobiliyatsizlik toʻgʻrisidagi ishda ishtirok etayotgan shaxslarning iltimosnomasiga asosan sud qarori bilan uch oydan oshmagan muddatga uzaytirilishi mumkin;
yuridik shaxs uchun majburiy koʻrsatmalarni berish huquqiga ega boʻlgan muassis (ishtirokchi) sifatidagi shaxsning yoki yuridik shaxs mol-mulki mulkdorining yoxud qonun hujjatlarida boshqaruv vazifalari yuklatilgan shaxslarning xatti-harakatlari oqibatida soxta toʻlovga qobiliyatsizlik, toʻlovga qobiliyatsizlikni yashirish yoki qasddan toʻlovga qobiliyatsizlikka olib kelish alomatlari aniqlanganligi toʻgʻrisida sudning qonuniy kuchga kirgan hukmi mazkur shaxslarni qonun hujjatlarida belgilangan tartibda subsidiar javobgarlikka tortish uchun asos hisoblanadi;
toʻlovga qobiliyatsizlik tartib-taomillari qoʻllanilgan qarzdorlarning mol-mulki sud boshqaruvchilari tomonidan “E-auksion” elektron savdo platformasida elektron onlayn-auksion orqali yoki qonun hujjatlarida belgilangan hollarda mazkur platformaning tanlov savdolari orqali sotiladi.
2. 2019-yil 1-martdan Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Abu Rayhon Beruniy nomidagi Biznes va boshqaruv respublika oliy maktabida (keyingi oʻrinlarda — Respublika oliy maktabi) quyidagilarni nazarda tutuvchi maxsus kurslar tashkil etilsin:
sud boshqaruvchisi attestatini olishga talabgorlarni maxsus dastur boʻyicha shartnoma asosida oʻqitish;
tegishli toifadagi sud boshqaruvchisi attestatini olish uchun asos boʻladigan oʻqishni tugatganlik toʻgʻrisidagi guvohnomani berish;
sud boshqaruvchilarining kasbiy darajasi va malakasini oshirish.
3. Belgilab qoʻyilsinki, 2019-yil 1-maydan:
a) davlat soliq xizmati organlarining arizalari boʻyicha qoʻzgʻatilgan toʻlovga qobiliyatsizlikning soddalashtirilgan taomillarini oʻtkazishda sud boshqaruvchilarini davlat soliq xizmati organlari xodimlari orasidan tayinlash amaliyoti bekor qilinadi;
b) shunday tartib joriy qilinadiki, unga muvofiq davlat soliq xizmati organlarining arizalari boʻyicha qoʻzgʻatilgan toʻlovga qobiliyatsizlikning soddalashtirilgan taomillarini oʻtkazishda:
toʻrtinchi toifali sud boshqaruvchisi attestatiga ega boʻlgan va Oʻzbekiston sud boshqaruvchilari assotsiatsiyasi (keyingi oʻrinlarda — Assotsiatsiya) aʼzolari hisoblangan shaxslar sud boshqaruvchisi etib tayinlanadi;
qarzdor jismoniy shaxsga nisbatan toʻlovga qobiliyatsizlik tartib-taomili va (yoki) boshqa qarzdorga nisbatan toʻlovga qobiliyatsizlikning soddalashtirilgan tartibi qoʻllanilganda, agar qarzdor bilan boshqacha kelishuv belgilangan boʻlmasa, sud boshqaruvchisiga haq toʻlash xarajatlari qarzdorga nisbatan toʻlovga qobiliyatsizlik haqida ish qoʻzgʻatish toʻgʻrisida ariza bergan soliq organi tomonidan Davlat budjeti mablagʻlari hisobidan qoplanadi. Bunda, sud boshqaruvchisiga haq toʻlash uchun sudning depozit hisobvaragʻiga bazaviy hisoblash miqdorining uch baravari miqdorida oldindan toʻlov amalga oshiriladi;
v) sud boshqaruvchilarining faoliyati “fuqarolik va iqtisodiy sud ishlarini yuritish” ixtisoslashuvi boʻyicha litsenziyaga ega boʻlgan va sud boshqaruvchisi attestatini olgan advokatlar tomonidan ham amalga oshirilishi mumkin;
g) sud boshqaruvchilarini tayinlash kreditor (kreditorlarning umumiy yigʻilishi yoki qoʻmitasi) yoki toʻlovga qobiliyatsizlik ishlari boʻyicha vakolatli davlat organi yoxud Assotsiatsiya va uning hududiy tuzilmalari taqdimnomasi boʻyicha sud boshqaruvchilari faoliyatini reyting baholashni hisobga olgan holda sud tomonidan amalga oshiriladi.
4. Belgilansinki, sud boshqaruvchilarining kasbiy malakasini oshirishga koʻmaklashish, jismoniy va yuridik shaxslarning qonuniy manfaatlarini himoya qilishda ularning rolini kuchaytirish maqsadida Assotsiatsiya va uning hududiy tuzilmalari:
sud boshqaruvchilari faoliyatini tartibga soluvchi normativ-huquqiy hujjatlar loyihalarini ishlab chiqishda ishtirok etadi;
davlat hokimiyati va boshqaruvi organlari bilan munosabatlarda sud boshqaruvchilarining huquqlari va qonuniy manfaatlarini ifodalash huquqiga ega;
sud boshqaruvchilarining kasbiy odob-axloq qoidalarini ishlab chiqadi va tasdiqlaydi;
sud boshqaruvchilari faoliyatini reyting asosida baholaydi, ular tomonidan qonun hujjatlariga, kasbiy odob-axloq qoidalariga rioya etilishini monitoring qiladi.
5. Davlat aktivlarini boshqarish agentligi:
bir oy muddatda Respublika oliy maktabi bilan birgalikda zamonaviy talablar va xalqaro standartlarni hisobga olgan holda sud boshqaruvchilarini oʻqitish va malakasini oshirish boʻyicha oʻquv rejalari va dasturlarini ishlab chiqsin va tasdiqlasin;
bir oy muddatda Respublika oliy maktabida sud boshqaruvchilarini oʻqitish va malakasini oshirishni tashkil etish choralarini koʻrsin;
ikki oy muddatda Assotsiatsiya bilan birgalikda Sud boshqaruvchilari faoliyatini reyting asosida baholash toʻgʻrisidagi nizomni tasdiqlasin;
2019-yil 1-apreldan sud boshqaruvchilari faoliyatini reyting asosida baholash haqidagi maʼlumotlarni har chorakda ommaviy axborot vositalarida eʼlon qilish va rasmiy veb-saytda joylashtirishni taʼminlasin.
6. Oʻzbekiston Respublikasi Bosh prokuraturasi huzuridagi Majburiy ijro byurosi Axborot texnologiyalari va kommunikatsiyalarini rivojlantirish vazirligi, Davlat aktivlarini boshqarish agentligi bilan birgalikda ikki oy muddatda Bankrotlik taomillari qoʻllanilgan qarzdorlarning mol-mulkini “E-IJRO AUKSION” yagona elektron savdo maydonchasida sotish tartibi toʻgʻrisidagi nizomni ishlab chiqsin hamda tasdiqlash uchun Vazirlar Mahkamasiga kiritsin.
7. Oʻzbekiston Respublikasi Davlat aktivlarini boshqarish agentligi Davlat soliq qoʻmitasi, Adliya vazirligi bilan birgalikda 2019-yil 1-aprelga qadar muddatda:
Sud boshqaruvchisi attestatini olishga talabgorlarni oʻqitish va sud boshqaruvchilari malakasini oshirish tartibi toʻgʻrisidagi nizomni;
Sud boshqaruvchilari, ularni attestatsiyadan oʻtkazish va malaka attestati berish tartibi toʻgʻrisidagi nizomni ishlab chiqsin hamda tasdiqlash uchun Vazirlar Mahkamasiga kiritsin.
8. Oʻzbekiston Respublikasi Bosh prokuraturasi Oliy sud bilan birgalikda 2019-yil 1-martga qadar muddatda soxta bankrotlik, bankrotlikni yashirganlik va qasddan bankrotlikka olib kelganlik uchun javobgarlikni kuchaytirishni nazarda tutuvchi qonun loyihasini Oliy Majlis Qonunchilik palatasiga kiritsin.
9. Oʻzbekiston Respublikasi Vazirlar Mahkamasi 2019-yil 1-mayga qadar muddatda ilgʻor xorijiy tajribani inobatga olgan holda, yangi tahrirdagi “Bankrotlik toʻgʻrisida”gi Oʻzbekiston Respublikasi qonuni loyihasini ishlab chiqsin va belgilangan tartibda Oliy Majlis Qonunchilik palatasiga kiritsin.
10. Oʻzbekiston Milliy teleradiokompaniyasi Davlat aktivlarini boshqarish agentligi bilan birgalikda mazkur qarorning mazmun-mohiyati va ahamiyatini ommaviy axborot vositalarida keng yoritishni taʼminlasin.
11. Oʻzbekiston Respublikasi Davlat aktivlarini boshqarish agentligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 1-fevral,
PQ-4146-son
Президента Республики Узбекистан
Постановление
О мерах по дальнейшему упрощению процедуры банкротства и коренному совершенствованию деятельности судебных управляющих
В целях дальнейшего упрощения процедуры банкротства, совершенствования деятельности судебных управляющих, улучшения позиции Республики Узбекистан в международных рейтингах, а также во исполнение задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
1. Одобрить предложение Агентства по управлению государственными активами, Государственного налогового комитета Республики Узбекистан, Ассоциации судебных управляющих Узбекистана об установлении с 1 июля 2019 года порядка, в соответствии с которым:
органы налоговой службы обращаются в суд с заявлением о возбуждении дела о неплатежеспособности в отношении должника не позднее 30 дней со дня возвращения исполнительных документов в связи с невозможностью взыскания задолженности по налогам и сборам;
срок процедуры ликвидационного производства не может превышать двенадцати месяцев, в исключительных случаях данный срок может быть продлен решением суда, но не более чем на три месяца, на основании ходатайства лиц, участвующих в деле о неплатежеспособности;
вступивший в законную силу приговор суда об установлении признаков лженеплатежеспособности, сокрытия неплатежеспособности или преднамеренной неплатежеспособности в результате действий лица как учредителя (участника), имеющего право давать обязательные указания юридическому лицу, или собственника имущества юридического лица либо лиц, на которых законодательными актами возложены обязанности по управлению, является основанием для привлечения таких лиц к субсидиарной ответственности в порядке, установленном законодательными актами;
имущество должников, к которым применены процедуры неплатежеспособности, подлежит к реализации судебными управляющими через электронный онлайн-аукцион на электронной торговой площадке «E-auksion» или конкурсные торги на данной платформе в случаях, предусмотренных законодательными актами.
2. Ввести с 1 марта 2019 года в Республиканской высшей школе бизнеса и управления имени Абу Райхана Беруни при Национальном агентстве проектного управления при Президенте Республики Узбекистан (далее — Республиканская высшая школа) специальные курсы, предусматривающие:
обучение на договорной основе претендентов на получение аттестата судебного управляющего по специальной программе;
выдачу свидетельства о прохождении обучения, являющегося основанием для получения аттестата судебного управляющего соответствующей категории;
повышение профессионального уровня и квалификации судебных управляющих.
3. Установить, что с 1 мая 2019 года:
а) отменяется порядок назначения судебных управляющих из числа работников органов государственной налоговой службы при проведении упрощенных процедур неплатежеспособности, возбужденных по заявлениям органов государственной налоговой службы;
б) вводится порядок, в соответствии с которым при проведении упрощенных процедур неплатежеспособности, возбужденных по заявлениям органов государственной налоговой службы:
судебными управляющими назначаются лица, имеющие аттестат судебного управляющего четвертой категории и являющиеся членами Ассоциации судебных управляющих Узбекистана (далее — Ассоциация);
при применении в отношении должника — физического лица процедуры неплатежеспособности и (или) в отношении другого должника упрощенного порядка неплатежеспособности, если с должником не установлена иная договоренность, расходы по оплате вознаграждения судебному управляющему покрываются за счет средств Государственного бюджета налоговым органом, подавшим заявление о возбуждении дела о неплатежеспособности в отношении должника. При этом производится предоплата на депозитный счет суда в трехкратном размере базовой расчетной величины для оплаты вознаграждения судебного управляющего;
в) деятельность судебных управляющих также может осуществляться адвокатами, имеющими лицензии по специализациям «гражданское и экономическое судопроизводство» и получившими аттестат судебного управляющего;
г) назначение судебных управляющих осуществляется судом по представлению кредитора (общего собрания или комитета кредиторов) или уполномоченного государственного органа по делам о неплатежеспособности либо Ассоциации и ее территориальных подразделений с учетом рейтинговой оценки деятельности судебных управляющих.
4. Определить, что в целях содействия повышению профессиональной квалификации судебных управляющих, усиления их роли в защите законных интересов физических и юридических лиц Ассоциация и ее территориальные подразделения:
участвуют в разработке проектов нормативно-правовых актов, регулирующих деятельность судебных управляющих;
вправе представлять права и законные интересы судебных управляющих в отношениях с органами государственной власти и управления;
разрабатывают и утверждают правила профессиональной этики судебных управляющих;
осуществляют рейтинговую оценку деятельности судебных управляющих, мониторинг за соблюдением ими законодательства, правил профессиональной этики.
5. Агентству по управлению государственными активами:
в месячный срок совместно с Республиканской высшей школой разработать и утвердить учебные планы и программы обучения и повышения квалификации судебных управляющих с учетом современных требований и международных стандартов;
в месячный срок принять меры по организации обучения и повышения квалификации судебных управляющих в Республиканской высшей школе;
в двухмесячный срок совместно с Ассоциацией утвердить Положение о рейтинговой оценке деятельности судебных управляющих;
с 1 апреля 2019 года обеспечить ежеквартально публикацию в средствах массовой информации и размещение на официальном веб-сайте информации о рейтинговой оценке деятельности судебных управляющих.
6. Бюро принудительного исполнения при Генеральной прокуратуре совместно с Министерством по развитию информационных технологий и коммуникаций, Агентством по управлению государственными активами в двухмесячный срок разработать и внести на утверждение в Кабинет Министров Республики Узбекистан Положение о порядке реализации имущества должников, к которым применены процедуры банкротства, на единой электронной торговой площадке «E-IJRO AUKSION».
7. Агентству по управлению государственными активами совместно с Государственным налоговым комитетом, Министерством юстиции в срок до 1 апреля 2019 года разработать и внести на утверждение в Кабинет Министров Республики Узбекистан:
Положение о порядке обучения претендентов на получение аттестата судебного управляющего и повышения квалификации судебных управляющих;
Положение о судебных управляющих, порядке их аттестации и выдаче квалификационного аттестата.
8. Генеральной прокуратуре совместно с Верховным судом в срок до 1 марта 2019 года внести в Законодательную палату Олий Мажлиса Республики Узбекистан проект закона, предусматривающего усиление ответственности за лжебанкротство, сокрытие банкротства и преднамеренное банкротство.
9. Кабинету Министров в срок до 1 мая 2019 года, с учетом передового зарубежного опыта, разработать проект Закона Республики Узбекистан «О банкротстве» в новой редакции и внести в установленном порядке в Законодательную палату Олий Мажлиса Республики Узбекистан.
10. Национальной телерадиокомпании Узбекистана совместно с Агентством по управлению государственными активами обеспечить широкое освещение в средствах массовой информации сути и значения настоящего постановления.
11. Агентству по управлению государственными активами совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, первого заместителя советника Президента Республики Узбекистан Б.М. Мавлонова и заместителя Премьер-министра — министра финансов Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
1 февраля 2019 г.,
№ ПП-4146