📅 2019-yil 2-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 февраля 2019 г. · Указы Президента
Официальный текст. Официальный документ. Редакционные примечания не включены.
📅 2 February 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ахборот соҳаси ва оммавий коммуникацияларни янада ривожлантиришга оид қўшимча чора-тадбирлар тўғрисида
Мамлакатимизда сўз ва ахборот эркинлигини таъминлаш, ахборот соҳаси ва оммавий коммуникацияларни ривожлантиришнинг институционал-ҳуқуқий асосларини шакллантириш бўйича изчил ишлар амалга оширилмоқда.
Шу билан бирга, оммавий ахборот воситалари, матбуот, ноширлик-матбаа ва ахборот-кутубхона фаолиятини ривожлантиришни давлат томонидан қўллаб-қувватлаш бўйича самарали тизим шаклланмаган.
Давлат органлари, хўжалик бошқаруви органлари, давлат корхоналари ва ташкилотлари (кейинги ўринларда — давлат органлари ва бошқа ташкилотлар) матбуот хизматларининг жамоатчилик ва оммавий ахборот воситалари билан ўзаро ҳамкорлиги етарли даражада йўлга қўйилмаган.
Бундан ташқари, соҳага инвестициялар жалб этиш ҳамда ноширлик-матбаа ва ахборот-кутубхона фаолиятини ташкил этишда, хусусийлаштириш дастурларини амалга оширишда давлат-хусусий шериклик имкониятларидан фойдаланишга лозим даражада эътибор қаратилмаяпти.
Ахборот соҳасини давлат томонидан қўллаб-қувватлаш тизимини такомиллаштириш, мамлакат медиа-бозорини жадал ривожлантириш, давлат органлари ва бошқа ташкилотлар фаолиятининг очиқлигини таъминлаш, китоб ва бошқа босма маҳсулотлар ишлаб чиқариш сифатини ошириш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясидаги вазифаларга мувофиқ:
1. Қуйидагилар:
Ўзбекистон матбуот ва ахборот агентлиги негизида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги (кейинги ўринларда — Агентлик);
Қорақалпоғистон матбуот ва ахборот агентлиги, вилоятлар ва Тошкент шаҳар матбуот ва ахборот бошқармалари негизида Қорақалпоғистон Республикаси, вилоятлар ва Тошкент шаҳар ахборот ва оммавий коммуникациялар бошқармалари (кейинги ўринларда — ҳудудий бўлинмалар);
юридик шахс ташкил этмаган ҳолда Ўзбекистон Республикасининг ахборот соҳаси ва оммавий коммуникацияларни ривожлантиришни қўллаб-қувватлаш жамғармаси (кейинги ўринларда — Жамғарма);
Ўзбекистон матбуот ва ахборот агентлигининг Оммавий коммуникациялар соҳасида мониторинг маркази негизида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг Оммавий коммуникациялар масалалари бўйича маркази (кейинги ўринларда — Марказ) ташкил этилсин.
2. Тошкент матбаа-ноширлик касб-ҳунар коллежи, унинг номини Ноширлик-матбаа фаолияти соҳасида мутахассисларни тайёрлаш касб-ҳунар коллежига ўзгартирган ҳамда амалдаги молиялаштириш тизимини сақлаб қолган ҳолда Агентлик тасарруфига ўтказилсин.
3. Қуйидагилар:
а) Агентликнинг асосий вазифалари этиб белгилансин:
фуқароларнинг сўз ва ахборот эркинлигига доир конституциявий ҳуқуқларининг рўёбга чиқишини таъминлаш, мамлакатни ижтимоий-сиёсий ва социал-иқтисодий ривожлантиришда оммавий ахборот воситаларининг ролини кучайтириш, медиа-бозорда улар учун тенг шароитлар яратиш, шунингдек, журналистлар ҳуқуқларини ҳимоя қилиш;
оммавий ахборот воситалари, матбуот, ноширлик-матбаа ва ахборот- кутубхона фаолиятининг ривожланишини давлат томонидан қўллаб-қувватлаш чора-тадбирларини ишлаб чиқиш ва амалга оширишни таъминлаш, шунингдек, инвестициялар жалб этиш ва давлат-хусусий шериклик шартлари асосида лойиҳаларни амалга ошириш учун қулай шарт-шароитларни шакллантириш;
ахборот соҳасидаги қонун ҳужжатларини қўллаш амалиётини умумлаштириш, оммавий ахборот воситалари, матбуот, ноширлик-матбаа ва ахборот-кутубхона фаолиятининг ривожланишини давлат томонидан қўллаб-қувватлаш соҳасидаги норматив-ҳуқуқий ҳужжатлар лойиҳаларини илгари суриш ва ишлаб чиқиш;
давлат органлари ва бошқа ташкилотларга улар фаолиятининг очиқлигини таъминлашда, давлат хизматчиларига оммавий ахборот воситалари билан очиқ, оммавий ўзаро ҳамкорлик қилиш маданиятини сингдиришда, шу жумладан, уларнинг матбуот хизматлари (жамоатчилик билан ишлаш бўйича бўлинмалари) фаолиятини мувофиқлаштириш ва услубий жиҳатдан таъминлаш орқали кўмаклашиш;
мамлакатимизда амалга оширилаётган кенг миқёсли ислоҳотларни, инвестициялар киритиш ва ишбилармонлик муҳитини яхшилаш учун яратилган қулай шароитларни, аввало, хорижий ишбилармон доиралар, тадбиркорлар, салоҳиятли инвесторлар, давлат ва жамоат арбоблари орасида тарғиб этиш ва кенг хабардор қилиш масалаларида давлат органлари ва бошқа ташкилотлар, шунингдек, Ўзбекистон Республикасининг хориждаги дипломатик ваколатхоналари билан ўзаро ҳамкорлик қилиш;
тармоқ корхоналарининг моддий-техник базасини ривожлантириш ва мустаҳкамлаш, шунингдек, замонавий стандартлаштириш ва сертификатлаштириш тизимлари, инновацион ғоялар ва технологияларни жорий этиш бўйича чора-тадбирлар ишлаб чиқиш ва амалга ошириш;
китоб нашр этиш, электрон ва аудио китоблар яратиш, китоб мутолааси маданиятини ошириш, хорижда ўзбек адабиётини оммалаштириш соҳасида дастурий чора-тадбирларни ишлаб чиқиш ва уларнинг амалга оширилишини таъминлаш;
журналистлар ҳамда оммавий ахборот воситалари, матбуот, ноширлик-матбаа ва ахборот-кутубхона корхоналари ходимларини тайёрлаш, қайта тайёрлаш ва уларнинг малакасини оширишга қаратилган комплекс чора-тадбирларни амалга ошириш, шунингдек, тармоқнинг муҳандислик-техник мутахассисларини тайёрлашда кўмаклашиш, уларнинг ижтимоий ва ҳуқуқий ҳимоясини таъминлаш;
республика ахборот хавфсизлигини таъминлашда иштирок этиш ҳамда ахборот соҳасидаги хатар ва таҳдидларга қарши ўз вақтида ва муносиб равишда курашиш чораларини кўриш;
Агентлик ваколатига тааллуқли масалалар бўйича халқаро ҳамкорликни ташкил этиш;
б) Марказнинг асосий вазифалари этиб белгилансин:
давлат органлари ва бошқа ташкилотлар фаолиятининг очиқлиги ҳолати ва даражасини таҳлил қилиш;
миллий ахборот маконини ҳамда оммавий ахборот воситалари, матбуот, ноширлик-матбаа ва ахборот-кутубхона фаолиятини ривожлантиришни қўллаб-қувватлаш бўйича чора-тадбирларнинг амалга оширилиши самарадорлигини мониторинг қилиш;
оммавий ахборот воситаларида тарқатилаётган материаллар мазмунининг, шу жумладан, шахс, жамият ва давлат манфаатларининг ҳимоясини таъминлашга қаратилган қонун ҳужжатлари талабларига мувофиқлигини тизимли асосда таҳлил қилиш;
оммавий ахборот воситалари, матбуот, ноширлик-матбаа ва ахборот-кутубхона фаолияти соҳасидаги муаммо ва тўсиқларни аниқлаш;
таҳлил ва мониторинг натижаларини умумлаштириш ва улар асосида тавсиялар бериш.
4. Ўзбекистон Республикаси Ахборотлаштириш ва телекоммуникациялар соҳасида назорат бўйича давлат инспекциясининг фонограммалар ва аудиовизуал асарларни тарқатиш (сотиш, ижарага бериш ва омма эътиборига етказиш) да муаллифлик ҳуқуқлари соҳасидаги қонунчиликка ва норматив ҳужжатларга риоя қилиниши устидан давлат назорати бўйича ваколатлари Агентликка берилсин.
5. Қуйидагилар Жамғарма маблағларини шакллантириш манбалари этиб белгилансин:
Агентликка идоравий мансуб нашриётлар ва матбаа корхоналарининг маҳсулотларини сотишдан тушадиган соф тушумнинг 10 фоизигача миқдорида шартнома асосидаги ажратмалардан шакллантириладиган маблағлар;
Ўзбекистон Республикаси Давлат бюджетидан 20 миллиард сўм миқдорида ҳар йили ажратиладиган маблағлар;
Агентлик томонидан рухсатнома тусидаги ҳужжатлар берганлик учун давлат божи тўлашдан тушадиган маблағлар;
жисмоний ва юридик шахслар, жумладан, Ўзбекистон Республикаси норезидентларининг ҳомийлик хайриялари;
Жамғарманинг вақтинча бўш турган маблағларини жойлаштиришдан олинган даромадлар ҳамда қонун ҳужжатлари билан тақиқланмаган бошқа тушумлар;
Белгилаб қўйилсинки, Жамғарма маблағлари қуйидагиларга сарфланади:
давлат ва нодавлат оммавий ахборот воситаларини ривожлантиришни рағбатлантириш ва уларнинг фаолиятини қўллаб-қувватлаш, шунингдек, тармоқ корхоналарининг моддий-техник базасини мустаҳкамлаш;
китоб мутолааси маданиятини ошириш, ўзбек адабиётини оммалаштириш, ахборот-кутубхона муассасаларининг китоб фондини ривожлантириш, нашриётларнинг ўқув ва адабий материаллари касбий ва бадиий савиясини ошириш бўйича лойиҳа ва дастурларни молиялаштириш;
хорижда Ўзбекистоннинг ижобий имижини тарғиб этиш, ахборот кампанияларини ўтказиш, мамлакатимизда амалга оширилаётган ислоҳотларнинг бориши, яратилган қулай шароитлар ва ишбилармонлик муҳитининг яхшиланиши тўғрисида, аввало хорижий ишбилармон доиралар, тадбиркорлар, салоҳиятли инвесторлар, давлат ва жамоат арбоблари орасида тарғибот олиб бориш ва уларни кенг хабардор қилиш;
журналистлар ҳамда оммавий ахборот воситалари, матбуот, ноширлик-матбаа корхоналари ва ахборот-кутубхона муассасалари ходимларини, шу жумладан, мамлакатимиздан ва хориждан мутахассислар жалб этиш, хорижда ўқув стажировкаларини ташкил этиш орқали тайёрлаш, қайта тайёрлаш ва малакасини ошириш тадбирларини молиялаштириш;
Агентлик, унинг ҳудудий ва таркибий бўлинмаларининг ходимларини моддий рағбатлантириш, Агентлик, унинг тизимидаги ташкилот ва корхоналар моддий-техника базасини мустаҳкамлаш, бино ва иншоотларни таъмирлаш ҳамда уларга бюджетдан ташқари тушумлар ҳисобидан ссуда ажратиш;
Агентликка юкланган вазифаларни бажариш доирасидаги харажатларни молиялаштириш, шу жумладан турли тадбирларни ўтказиш, давлат органлари ва бошқа ташкилотлар, нодавлат нотижорат ташкилотлар, илмий ва таълим муассасалари, етакчи халқаро ташкилотлар ва хорижий компанияларнинг юқори малакали ходимлари ва мутахассисларини маслаҳатчи сифатида жалб этиш бўйича харажатларни қоплаш.
Агентлик Ўзбекистон Республикаси Молия вазирлиги билан келишилган ҳолда бир ой муддатда Ўзбекистон Республикасининг ахборот соҳаси ва оммавий коммуникацияларни ривожлантиришни қўллаб-қувватлаш жамғармаси маблағларини шакллантириш ва улардан фойдаланиш тартиби тўғрисидаги низомни белгиланган тартибда тасдиқласин, унда, жумладан, Агентликка идоравий мансуб корхоналарнинг соф тушумидан маблағларнинг бир қисми бевосита Жамғармага йўналтирилишини назарда тутсин.
6. Агентликка Тошкент шаҳри, Шайхонтоҳур тумани, Ҳ. Раҳматуллаев кўчаси, 3-уй манзилида жойлашган Ўзбекистон Республикаси Халқ таълими вазирлигининг «Баркамол авлод» республика болалар маркази биноси ва иншоотлари туташ ҳудуди билан биргаликда оператив бошқарув ҳуқуқи асосида берилсин ва унда Ноширлик-матбаа фаолияти соҳасида мутахассисларни тайёрлаш касб-ҳунар коллежи жойлаштирилсин.
7. Агентлик Адлия вазирлиги ва бошқа манфаатдор идоралар билан биргаликда бир ой муддатда:
қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин;
ўзлари қабул қилган норматив-ҳуқуқий ҳужжатларни мазкур Фармонга мувофиқлаштирсин.
8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг ўринбосари Ф.Ш. Маҳмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 2 февраль,
ПФ-5653-сон
Oʻzbekiston Respublikasi Prezidentining
Farmoni
Axborot sohasi va ommaviy kommunikatsiyalarni yanada rivojlantirishga oid qoʻshimcha chora-tadbirlar toʻgʻrisida
Mamlakatimizda soʻz va axborot erkinligini taʼminlash, axborot sohasi va ommaviy kommunikatsiyalarni rivojlantirishning institutsional-huquqiy asoslarini shakllantirish boʻyicha izchil ishlar amalga oshirilmoqda.
Shu bilan birga, ommaviy axborot vositalari, matbuot, noshirlik-matbaa va axborot-kutubxona faoliyatini rivojlantirishni davlat tomonidan qoʻllab-quvvatlash boʻyicha samarali tizim shakllanmagan.
Davlat organlari, xoʻjalik boshqaruvi organlari, davlat korxonalari va tashkilotlari (keyingi oʻrinlarda — davlat organlari va boshqa tashkilotlar) matbuot xizmatlarining jamoatchilik va ommaviy axborot vositalari bilan oʻzaro hamkorligi yetarli darajada yoʻlga qoʻyilmagan.
Bundan tashqari, sohaga investitsiyalar jalb etish hamda noshirlik-matbaa va axborot-kutubxona faoliyatini tashkil etishda, xususiylashtirish dasturlarini amalga oshirishda davlat-xususiy sheriklik imkoniyatlaridan foydalanishga lozim darajada eʼtibor qaratilmayapti.
Axborot sohasini davlat tomonidan qoʻllab-quvvatlash tizimini takomillashtirish, mamlakat media-bozorini jadal rivojlantirish, davlat organlari va boshqa tashkilotlar faoliyatining ochiqligini taʼminlash, kitob va boshqa bosma mahsulotlar ishlab chiqarish sifatini oshirish maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasidagi vazifalarga muvofiq:
1. Quyidagilar:
Oʻzbekiston matbuot va axborot agentligi negizida Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi (keyingi oʻrinlarda — Agentlik);
Qoraqalpogʻiston matbuot va axborot agentligi, viloyatlar va Toshkent shahar matbuot va axborot boshqarmalari negizida Qoraqalpogʻiston Respublikasi, viloyatlar va Toshkent shahar axborot va ommaviy kommunikatsiyalar boshqarmalari (keyingi oʻrinlarda — hududiy boʻlinmalar);
yuridik shaxs tashkil etmagan holda Oʻzbekiston Respublikasining axborot sohasi va ommaviy kommunikatsiyalarni rivojlantirishni qoʻllab-quvvatlash jamgʻarmasi (keyingi oʻrinlarda — Jamgʻarma);
Oʻzbekiston matbuot va axborot agentligining Ommaviy kommunikatsiyalar sohasida monitoring markazi negizida Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazi (keyingi oʻrinlarda — Markaz) tashkil etilsin.
2. Toshkent matbaa-noshirlik kasb-hunar kolleji, uning nomini Noshirlik-matbaa faoliyati sohasida mutaxassislarni tayyorlash kasb-hunar kollejiga oʻzgartirgan hamda amaldagi moliyalashtirish tizimini saqlab qolgan holda Agentlik tasarrufiga oʻtkazilsin.
3. Quyidagilar:
a) Agentlikning asosiy vazifalari etib belgilansin:
fuqarolarning soʻz va axborot erkinligiga doir konstitutsiyaviy huquqlarining roʻyobga chiqishini taʼminlash, mamlakatni ijtimoiy-siyosiy va sotsial-iqtisodiy rivojlantirishda ommaviy axborot vositalarining rolini kuchaytirish, media-bozorda ular uchun teng sharoitlar yaratish, shuningdek, jurnalistlar huquqlarini himoya qilish;
ommaviy axborot vositalari, matbuot, noshirlik-matbaa va axborot- kutubxona faoliyatining rivojlanishini davlat tomonidan qoʻllab-quvvatlash chora-tadbirlarini ishlab chiqish va amalga oshirishni taʼminlash, shuningdek, investitsiyalar jalb etish va davlat-xususiy sheriklik shartlari asosida loyihalarni amalga oshirish uchun qulay shart-sharoitlarni shakllantirish;
axborot sohasidagi qonun hujjatlarini qoʻllash amaliyotini umumlashtirish, ommaviy axborot vositalari, matbuot, noshirlik-matbaa va axborot-kutubxona faoliyatining rivojlanishini davlat tomonidan qoʻllab-quvvatlash sohasidagi normativ-huquqiy hujjatlar loyihalarini ilgari surish va ishlab chiqish;
davlat organlari va boshqa tashkilotlarga ular faoliyatining ochiqligini taʼminlashda, davlat xizmatchilariga ommaviy axborot vositalari bilan ochiq, ommaviy oʻzaro hamkorlik qilish madaniyatini singdirishda, shu jumladan, ularning matbuot xizmatlari (jamoatchilik bilan ishlash boʻyicha boʻlinmalari) faoliyatini muvofiqlashtirish va uslubiy jihatdan taʼminlash orqali koʻmaklashish;
mamlakatimizda amalga oshirilayotgan keng miqyosli islohotlarni, investitsiyalar kiritish va ishbilarmonlik muhitini yaxshilash uchun yaratilgan qulay sharoitlarni, avvalo, xorijiy ishbilarmon doiralar, tadbirkorlar, salohiyatli investorlar, davlat va jamoat arboblari orasida targʻib etish va keng xabardor qilish masalalarida davlat organlari va boshqa tashkilotlar, shuningdek, Oʻzbekiston Respublikasining xorijdagi diplomatik vakolatxonalari bilan oʻzaro hamkorlik qilish;
tarmoq korxonalarining moddiy-texnik bazasini rivojlantirish va mustahkamlash, shuningdek, zamonaviy standartlashtirish va sertifikatlashtirish tizimlari, innovatsion gʻoyalar va texnologiyalarni joriy etish boʻyicha chora-tadbirlar ishlab chiqish va amalga oshirish;
kitob nashr etish, elektron va audio kitoblar yaratish, kitob mutolaasi madaniyatini oshirish, xorijda oʻzbek adabiyotini ommalashtirish sohasida dasturiy chora-tadbirlarni ishlab chiqish va ularning amalga oshirilishini taʼminlash;
jurnalistlar hamda ommaviy axborot vositalari, matbuot, noshirlik-matbaa va axborot-kutubxona korxonalari xodimlarini tayyorlash, qayta tayyorlash va ularning malakasini oshirishga qaratilgan kompleks chora-tadbirlarni amalga oshirish, shuningdek, tarmoqning muhandislik-texnik mutaxassislarini tayyorlashda koʻmaklashish, ularning ijtimoiy va huquqiy himoyasini taʼminlash;
respublika axborot xavfsizligini taʼminlashda ishtirok etish hamda axborot sohasidagi xatar va tahdidlarga qarshi oʻz vaqtida va munosib ravishda kurashish choralarini koʻrish;
Agentlik vakolatiga taalluqli masalalar boʻyicha xalqaro hamkorlikni tashkil etish;
b) Markazning asosiy vazifalari etib belgilansin:
davlat organlari va boshqa tashkilotlar faoliyatining ochiqligi holati va darajasini tahlil qilish;
milliy axborot makonini hamda ommaviy axborot vositalari, matbuot, noshirlik-matbaa va axborot-kutubxona faoliyatini rivojlantirishni qoʻllab-quvvatlash boʻyicha chora-tadbirlarning amalga oshirilishi samaradorligini monitoring qilish;
ommaviy axborot vositalarida tarqatilayotgan materiallar mazmunining, shu jumladan, shaxs, jamiyat va davlat manfaatlarining himoyasini taʼminlashga qaratilgan qonun hujjatlari talablariga muvofiqligini tizimli asosda tahlil qilish;
ommaviy axborot vositalari, matbuot, noshirlik-matbaa va axborot-kutubxona faoliyati sohasidagi muammo va toʻsiqlarni aniqlash;
tahlil va monitoring natijalarini umumlashtirish va ular asosida tavsiyalar berish.
4. Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha davlat inspeksiyasining fonogrammalar va audiovizual asarlarni tarqatish (sotish, ijaraga berish va omma eʼtiboriga yetkazish) da mualliflik huquqlari sohasidagi qonunchilikka va normativ hujjatlarga rioya qilinishi ustidan davlat nazorati boʻyicha vakolatlari Agentlikka berilsin.
5. Quyidagilar Jamgʻarma mablagʻlarini shakllantirish manbalari etib belgilansin:
Agentlikka idoraviy mansub nashriyotlar va matbaa korxonalarining mahsulotlarini sotishdan tushadigan sof tushumning 10 foizigacha miqdorida shartnoma asosidagi ajratmalardan shakllantiriladigan mablagʻlar;
Oʻzbekiston Respublikasi Davlat budjetidan 20 milliard soʻm miqdorida har yili ajratiladigan mablagʻlar;
Agentlik tomonidan ruxsatnoma tusidagi hujjatlar berganlik uchun davlat boji toʻlashdan tushadigan mablagʻlar;
jismoniy va yuridik shaxslar, jumladan, Oʻzbekiston Respublikasi norezidentlarining homiylik xayriyalari;
Jamgʻarmaning vaqtincha boʻsh turgan mablagʻlarini joylashtirishdan olingan daromadlar hamda qonun hujjatlari bilan taqiqlanmagan boshqa tushumlar;
Belgilab qoʻyilsinki, Jamgʻarma mablagʻlari quyidagilarga sarflanadi:
davlat va nodavlat ommaviy axborot vositalarini rivojlantirishni ragʻbatlantirish va ularning faoliyatini qoʻllab-quvvatlash, shuningdek, tarmoq korxonalarining moddiy-texnik bazasini mustahkamlash;
kitob mutolaasi madaniyatini oshirish, oʻzbek adabiyotini ommalashtirish, axborot-kutubxona muassasalarining kitob fondini rivojlantirish, nashriyotlarning oʻquv va adabiy materiallari kasbiy va badiiy saviyasini oshirish boʻyicha loyiha va dasturlarni moliyalashtirish;
xorijda Oʻzbekistonning ijobiy imijini targʻib etish, axborot kampaniyalarini oʻtkazish, mamlakatimizda amalga oshirilayotgan islohotlarning borishi, yaratilgan qulay sharoitlar va ishbilarmonlik muhitining yaxshilanishi toʻgʻrisida, avvalo xorijiy ishbilarmon doiralar, tadbirkorlar, salohiyatli investorlar, davlat va jamoat arboblari orasida targʻibot olib borish va ularni keng xabardor qilish;
jurnalistlar hamda ommaviy axborot vositalari, matbuot, noshirlik-matbaa korxonalari va axborot-kutubxona muassasalari xodimlarini, shu jumladan, mamlakatimizdan va xorijdan mutaxassislar jalb etish, xorijda oʻquv stajirovkalarini tashkil etish orqali tayyorlash, qayta tayyorlash va malakasini oshirish tadbirlarini moliyalashtirish;
Agentlik, uning hududiy va tarkibiy boʻlinmalarining xodimlarini moddiy ragʻbatlantirish, Agentlik, uning tizimidagi tashkilot va korxonalar moddiy-texnika bazasini mustahkamlash, bino va inshootlarni taʼmirlash hamda ularga budjetdan tashqari tushumlar hisobidan ssuda ajratish;
Agentlikka yuklangan vazifalarni bajarish doirasidagi xarajatlarni moliyalashtirish, shu jumladan turli tadbirlarni oʻtkazish, davlat organlari va boshqa tashkilotlar, nodavlat notijorat tashkilotlar, ilmiy va taʼlim muassasalari, yetakchi xalqaro tashkilotlar va xorijiy kompaniyalarning yuqori malakali xodimlari va mutaxassislarini maslahatchi sifatida jalb etish boʻyicha xarajatlarni qoplash.
Agentlik Oʻzbekiston Respublikasi Moliya vazirligi bilan kelishilgan holda bir oy muddatda Oʻzbekiston Respublikasining axborot sohasi va ommaviy kommunikatsiyalarni rivojlantirishni qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni belgilangan tartibda tasdiqlasin, unda, jumladan, Agentlikka idoraviy mansub korxonalarning sof tushumidan mablagʻlarning bir qismi bevosita Jamgʻarmaga yoʻnaltirilishini nazarda tutsin.
6. Agentlikka Toshkent shahri, Shayxontohur tumani, H. Rahmatullayev koʻchasi, 3-uy manzilida joylashgan Oʻzbekiston Respublikasi Xalq taʼlimi vazirligining “Barkamol avlod” respublika bolalar markazi binosi va inshootlari tutash hududi bilan birgalikda operativ boshqaruv huquqi asosida berilsin va unda Noshirlik-matbaa faoliyati sohasida mutaxassislarni tayyorlash kasb-hunar kolleji joylashtirilsin.
7. Agentlik Adliya vazirligi va boshqa manfaatdor idoralar bilan birgalikda bir oy muddatda:
qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin;
oʻzlari qabul qilgan normativ-huquqiy hujjatlarni mazkur Farmonga muvofiqlashtirsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining oʻrinbosari F.Sh. Mahmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 2-fevral,
PF-5653-son
Президента Республики Узбекистан
Указ
О дополнительных мерах по дальнейшему развитию информационной сферы и массовых коммуникаций
В стране проводится последовательная работа по обеспечению свободы слова и информации, формированию институционально-правовых основ развития информационной сферы и массовых коммуникаций.
Вместе с тем не сформирована эффективная система оказания государственной поддержки развитию средств массовой информации, печати, издательско-полиграфической и информационно-библиотечной деятельности.
На недостаточном уровне налажено взаимодействие пресс-служб государственных органов, органов хозяйственного управления, государственных предприятий и организаций (далее — государственные органы и иные организации) с общественностью и средствами массовой информации.
Кроме того, не уделяется должное внимание привлечению инвестиций и использованию возможностей государственно-частного партнерства в организации издательско-полиграфической и информационно-библиотечной деятельности, реализации программ приватизации.
В целях совершенствования системы государственной поддержки информационной сферы, ускоренного развития медиа-рынка страны, обеспечения открытости деятельности государственных органов и иных организаций, повышения качества производства книжной и иной печатной продукции, а также в соответствии с задачами Стратегии действий по пяти приоритетным направлениям развития Республики Узбекистан в 2017 — 2021 годах:
1. Образовать:
Агентство информации и массовых коммуникаций при Администрации Президента Республики Узбекистан (далее — Агентство) на базе Узбекского агентства по печати и информации;
управления информации и массовых коммуникаций Республики Каракалпакстан, областей и города Ташкента (далее — территориальные подразделения) на базе Каракалпакского агентства по печати и информации, областных и Ташкентского городского управлений по печати и информации;
Фонд поддержки развития информационной сферы и массовых коммуникаций Республики Узбекистан (далее — Фонд) без образования юридического лица;
Центр по вопросам массовых коммуникаций Агентства информации и массовых коммуникаций при Администрации Президента Республики Узбекистан (далее — Центр) на базе Центра мониторинга в сфере массовых коммуникаций Узбекского агентства по печати и информации.
2. Передать Ташкентский профессиональный колледж полиграфии в ведение Агентства с переименованием его в Профессиональный колледж по подготовке специалистов в сфере издательско-полиграфической деятельности и сохранением действующего порядка финансирования.
3. Определить основными задачами:
а) Агентства:
обеспечение реализации конституционных прав граждан на свободу слова и информации, усиление роли средств массовой информации в общественно-политическом и социально-экономическом развитии страны, создание для них равных условий на медиарынке, а также защиту прав журналистов;
разработку и обеспечение реализации мер государственной поддержки развития средств массовой информации, печати, издательско-полиграфической и информационно-библиотечной деятельности, а также формирование благоприятных условий для привлечения инвестиций и реализации проектов на условиях государственно-частного партнерства;
обобщение практики применения законодательства в информационной сфере, инициирование и разработку проектов нормативно-правовых актов в области государственной поддержки развития средств массовой информации, печати, издательско-полиграфической и информационно-библиотечной деятельности;
содействие государственным органам и иным организациям в обеспечении открытости их деятельности, привитии государственным служащим культуры открытого, публичного взаимодействия со средствами массовой информации, в том числе путем координации и методического обеспечения деятельности их пресс-служб (подразделений по работе с общественностью);
взаимодействие с государственными органами и иными организациями, а также дипломатическими представительствами Республики Узбекистан за рубежом по вопросам пропаганды и широкого информирования, прежде всего среди зарубежных деловых кругов, предпринимателей, потенциальных инвесторов, государственных и общественных деятелей о ходе реализации широкомасштабных реформ в стране, созданных благоприятных условиях для инвестирования и улучшении делового климата;
разработку и реализацию мер по развитию и укреплению материально-технической базы предприятий отрасли, а также внедрению современных систем стандартизации и сертификации, инновационных идей и технологий;
формирование и обеспечение реализации программных мер в области книгоиздания, создания электронных и аудиокниг, повышения культуры чтения, популяризации отечественной литературы за рубежом;
реализацию комплекса мер, направленных на подготовку, переподготовку и повышение квалификации журналистов, работников средств массовой информации, печати, издательско-полиграфических и информационно-библиотечных предприятий, а также содействие в подготовке инженерно-технических специалистов отрасли, обеспечение их социальной и правовой защиты;
участие в обеспечении информационной безопасности республики и реализации мер по своевременному и адекватному противодействию вызовам и угрозам в информационной сфере;
организацию международного сотрудничества по вопросам, относящимся к компетенции Агентства;
б) Центра:
осуществление анализа состояния и уровня открытости деятельности государственных органов и иных организаций;
осуществление мониторинга национального информационного пространства и эффективности реализации мер по поддержке развития средств массовой информации, печати, издательско-полиграфической и информационно-библиотечной деятельности;
проведение на системной основе анализа соответствия содержания распространяемых в средствах массовой информации материалов требованиям актов законодательства, в том числе направленным на обеспечение защиты интересов личности, общества и государства;
выявление проблем и препятствий в области средств массовой информации, печати, издательско-полиграфической и информационно-библиотечной деятельности;
обобщение и выдачу рекомендаций по результатам анализа и мониторинга.
4. Передать Агентству полномочия Государственной инспекции по контролю в сфере информатизации и телекоммуникаций Республики Узбекистан в области государственного контроля за соблюдением актов законодательства и нормативных документов в сфере авторских прав при распространении (реализация, прокат и доведение до всеобщего сведения) фонограмм, аудиовизуальных произведений.
5. Определить источниками формирования средств Фонда:
средства, формируемые за счет отчислений на договорной основе в размере до 10 процентов от чистой выручки, поступающей от реализации продукции издательско-полиграфических предприятий, подведомственных Агентству;
ежегодно выделяемые из Государственного бюджета Республики Узбекистан средства в размере 20 млрд сумов;
средства, поступающие от уплаты государственной пошлины за выдачу Агентством документов разрешительного характера;
благотворительные пожертвования физических и юридических лиц, в том числе нерезидентов Республики Узбекистан;
доходы от размещения временно свободных средств Фонда, а также другие поступления, не запрещенные законодательством;
Установить, что средства Фонда расходуются на:
стимулирование развития государственных и негосударственных средств массовой информации и поддержку их деятельности, а также укрепление материально-технической базы предприятий отрасли;
финансирование проектов и программ по повышению культуры чтения, популяризации отечественной литературы, развитию книжного фонда информационно-библиотечных учреждений, повышению профессионального и художественного уровня учебных и литературных материалов издательств;
продвижение позитивного имиджа Узбекистана за рубежом, проведение информационных кампаний, пропаганду и широкое информирование, прежде всего среди зарубежных деловых кругов, предпринимателей, потенциальных инвесторов, государственных и общественных деятелей о ходе реализации реформ в стране, созданных благоприятных условиях для инвестирования и улучшении делового климата;
финансирование мероприятий по подготовке, переподготовке, и повышению квалификации журналистов, работников средств массовой информации, печати, издательско-полиграфических и информационно-библиотечных предприятий, в том числе путем привлечения отечественных и зарубежных специалистов, организации учебных стажировок за рубежом;
материальное стимулирование работников Агентства, его территориальных и структурных подразделений, укрепление материально-технической базы, ремонт зданий и сооружений Агентства, его подведомственных организаций и предприятий, а также выделение им ссуды за счет внебюджетных поступлений;
финансирование расходов в рамках выполнения возложенных на Агентство задач, в том числе покрытие расходов по проведению различных мероприятий, привлечению в качестве консультантов высококвалифицированных работников и специалистов государственных органов и иных организаций, негосударственных некоммерческих организаций, научных и образовательных учреждений, ведущих международных организаций и иностранных компаний.
Агентству по согласованию с Министерством финансов Республики Узбекистан в месячный срок утвердить Положение о порядке формирования и использования средств Фонда поддержки развития информационной сферы и массовых коммуникаций Республики Узбекистан, предусмотрев в том числе направление непосредственно в Фонд части средств от чистой выручки подведомственных предприятий Агентства.
6. Передать Агентству на праве оперативного управления здание и сооружения с прилегающей территорией Республиканского детского центра «Баркамол авлод» Министерства народного образования Республики Узбекистан, расположенные по адресу: город Ташкент, Шайхантахурский район, улица Х. Рахматуллаева, 3, разместив в Профессиональный колледж по подготовке специалистов в сфере издательско-полиграфической деятельности.
7. Агентству совместно с Министерством юстиции и другими заинтересованными ведомствами в месячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа;
привести принятые ими нормативно-правовые акты в соответствие с настоящим Указом.
8. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и заместителя советника Президента Республики Узбекистан Ф.Ш. Махмудова.
Президент Республики Узбекистан Ш. МИРЗИЁЕВ
г. Ташкент,
2 февраля 2019 г.,
№ УП-5653