📅 2019-yil 1-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2019 г. · Указы Президента
Официальный текст. Официальный документ. Редакционные примечания не включены.
📅 1 February 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Транспорт соҳасида давлат бошқаруви тизимини тубдан такомиллаштириш чора-тадбирлари тўғрисида
Сўнгги йилларда мамлакатимизда транспорт ва транспорт коммуникациялари соҳасини ривожлантириш, ташишларнинг юқори даражадаги хавфсизлигини таъминлаш, транспорт соҳасидаги бошқарув тизимини такомиллаштириш, соҳа учун малакали мутахассисларни тайёрлашга йўналтирилган кенг кўламли чора-тадбирлар амалга оширилди.
Иқтисодиётни ривожлантиришнинг замонавий тенденциялари ва амалга оширилаётган ислоҳотлар республиканинг географик жойлашувини инобатга олган ҳолда транспорт хизматларининг сифатлилиги ва оммабоплигини таъминлашга йўналтирилган ягона транспорт сиёсатини шакллантириш ва амалга ошириш, соҳани бошқаришнинг замонавий технологиялари ва интеллектуал тизимларини жорий этишда алоҳида аҳамиятга эга эканлигини кўрсатмоқда.
Транспорт соҳасидаги давлат бошқаруви тизимини тубдан такомиллаштириш, республиканинг инвестициявий жозибадорлиги ва экспорт салоҳиятини ошириш, транспорт коммуникацияларини стратегик ривожлантириш ва барқарор фаолият кўрсатишини таъминлаш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ:
1. Ўзбекистон автомобиль транспорти агентлиги негизида Ўзбекистон Республикаси Транспорт вазирлиги (кейинги ўринларда — Вазирлик) ташкил этилсин.
2. Белгилаб қўйилсинки:
Вазирлик автомобиль, темир йўл, ҳаво, дарё транспортлари, метрополитен, шунингдек йўл хўжалигини ривожлантириш соҳасидаги ягона давлат сиёсатини ишлаб чиқиш ва амалга ошириш бўйича давлат бошқаруви органи ҳисобланади;
Вазирлик транспорт ва йўл хўжалиги соҳасидаги ташкилотлар фаолиятини норматив-ҳуқуқий ҳужжатлар қабул қилиш, лицензия ва рухсатномалар бериш, сертификатлаштириш, самарали техник ва тариф сиёсатини амалга ошириш йўли орқали давлат томонидан тартибга солиш вазифасини амалга оширади;
Вазирлик томонидан ўз ваколати доирасида қабул қилинган қарорларнинг ижроси давлат бошқаруви органлари ва маҳаллий давлат ҳокимияти органлари, бошқа ташкилотлар ва уларнинг мансабдор шахслари, шунингдек фуқаролар учун мажбурий ҳисобланади.
3. Қуйидагилар Вазирликнинг асосий вазифалари этиб белгилансин:
транспортнинг барча турларини ягона транспорт тармоғига интеграциялашуви ва янги самарали транспорт-логистика тизимларидан фойдаланган ҳолда уйғунликда ривожлантиришга йўналтирилган ягона давлат транспорт сиёсатини ишлаб чиқиш;
транспорт ва логистика хизматлари бозорини ривожлантиришни рағбатлантириш, уларнинг барча тоифадаги истеъмолчилар учун оммабоплигини таъминлаш, шунингдек соҳага инвестицияларни жалб этишга йўналтирилган транспорт соҳасидаги ягона тариф сиёсатини амалга ошириш;
халқаро транспорт коридорларини ривожлантириш, логистика тизимини такомиллаштириш бўйича таклифлар ишлаб чиқиш ва чора-тадбирларни амалга ошириш, мамлакат транспорт салоҳиятидан самарали фойдаланиш, тадбиркорлик субъектларининг транспорт-логистика хизматларидан фойдаланишдаги сарф-харажатларни камайтириш;
транспорт ва йўл хўжалиги соҳасида давлат-хусусий шерикликни ривожлантириш ва мамлакат инвестициявий жозибадорлигини ошириш;
бутун транспорт тизимини рақамлаштириш бўйича илғор ахборот технологияларини жорий этиш, Ўзбекистон Республикаси Транспорт тизимининг бир-бирига боғланган ягона тизимини истиқболли ривожлантириш стратегияларини ишлаб чиқиш ва амалга ошириш;
автомобиль йўллари соҳасида ягона техника сиёсатини амалга ошириш, фойдаланувчилар манфаатларини ҳисобга олган ҳолда, автомобиль йўллари, аэродромлар ва аэропортлар, вокзаллар, темир йўллар ва транспорт инфратузилмасининг бошқа объектларини молиялаштириш, лойиҳалаш, қуриш, таъмирлаш ва фойдаланиш масалаларининг комплекс ечимини таъминлаш;
транспорт соҳасида назоратни амалга ошириш, фуқаро авиацияси ва экспериментал ҳаво кемаларидаги ҳалокатлар ва бахтсиз ҳодисаларни, шунингдек метрополитен, темир йўл ва дарё транспортидаги авария ва ҳалокатлар бўйича текширувларни ташкил этиш ва амалга ошириш;
транспорт ва йўл хўжалиги соҳасидаги халқаро ва ҳудудий ҳамкорликни ривожлантириш ҳисобига транспорт хизматлари жаҳон бозорида Ўзбекистон Республикасининг миллий манфаатларини таъминлаш;
транспорт соҳасидаги жорий ва истиқболли эҳтиёжларни инобатга олган ҳолда таълим, кадрлар тайёрлаш, қайта тайёрлаш ва малакасини оширишнинг илғор усулларини тизимли равишда жорий этиш.
4. Қуйидагилар:
Ўзбекистон Республикаси Автомобиль йўллари давлат қўмитаси, уни Ўзбекистон Республикаси Транспорт вазирлиги ҳузуридаги Автомобиль йўллари қўмитаси этиб қайта номлаган ҳолда;
Ўзбекистон Республикаси Парвозлар хавфсизлигини назорат қилиш давлат инспекцияси, уни Ўзбекистон Республикаси Транспорт вазирлиги ҳузуридаги Фуқаро авиацияси агентлиги этиб қайта ташкил этган ҳолда;
Ўзбекистон Республикаси Темир йўлларда юк ва йўловчилар ташиш хавфсизлигини назорат қилиш давлат инспекцияси, уни Ўзбекистон Республикаси Транспорт вазирлиги ҳузуридаги Темир йўлларда юк ва йўловчилар ташиш хавфсизлигини назорат қилиш инспекцияси этиб қайта номлаган ҳолда;
Ўзбекистон Республикаси Вазирлар Маҳкамаси ҳузуридаги Йўл-қурилиш ишлари сифатини назорат қилиш давлат инспекцияси, уни Ўзбекистон Республикаси Транспорт вазирлиги ҳузуридаги Йўл-қурилиш ишлари сифатини назорат қилиш инспекцияси этиб қайта номлаган ҳолда;
Ўзбекистон Республикаси Фавқулодда вазиятлар вазирлигининг Ўзбекистон кемачилик регистри;
Ўзбекистон Республикаси Вазирлар Маҳкамаси ҳузуридаги «Ўзаэронавигация» Маркази;
иловага мувофиқ илмий-тадқиқот ва таълим муассасалари, бошқа ташкилотлар, фаолиятини молиялаштиришнинг амалдаги тартиби сақланиб қолинган ҳолда, Вазирлик ихтиёрига ўтказилсин.
Тошкент шаҳар Транспорт ва йўл-транспорт инфратузилмасини ривожлантириш департаменти тугатилсин.
5. Қуйидаги вазифа, функция ва ваколатлар Вазирликка ўтказилсин:
а) Ўзбекистон Республикаси Фавқулодда вазиятлар вазирлигининг қуйидаги соҳалардаги:
кемаларни рўйхатга олиш (қайта рўйхатга олиш), кемаларни қуриш, фойдаланиш, қайта жиҳозлаш ва таъмирлашга гувоҳномалар бериш;
кемаларга кема гувоҳномаси ва билетлари, таснифлаш гувоҳномалари, сузиш учун мувофиқлик гувоҳномалари ва кемасозликни тартибга солувчи қоидаларда назарда тутилган бошқа ҳужжатларни бериш;
б) «Ўзбекистон темир йўллари» акциядорлик жамиятининг қуйидаги соҳалардаги:
темир йўл транспортини ривожлантиришнинг давлат дастурларини ишлаб чиқиш, темир йўл транспорти истиқболли прогнозлари, ривожлантириш ва объектларни жойлаштириш схемаларини ишлаб чиқиш;
темир йўлларда юк ва йўловчилар ташиш соҳасида тариф ва транзит сиёсатни амалга ошириш, темир йўл транспортининг ўтказиш ва ташиш қобилиятини ошириш, темир йўл транспорти хизматлари бозорини ривожлантириш бўйича комплекс чора-тадбирларни қабул қилиш;
саноат корхоналари ҳаракатдаги таркибларининг умумий фойдаланишдаги темир йўлларига чиқиши учун рухсатномалар бериш;
темир йўл йўлаклари, шунингдек вагон ва контейнерларни юклаш, тушириш ва тозалашга мўлжалланган ускуналарни қуриш ва таъмирлаш лойиҳаларини келишиш.
6. Бошқарув ходимларининг умумий чекланган сони 15 нафардан ташкил топган, Ўзбекистон Республикаси Давлат бюджетидан молиялаштириладиган Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш муаммоларини ўрганиш маркази ташкил этилсин.
7. Вазирлик Ўзбекистон автомобиль транспорти агентлигининг барча ҳуқуқлари ва мажбуриятлари, шунингдек Фавқулодда вазиятлар вазирлиги, Автомобиль йўллари давлат қўмитаси, Парвозлар хавфсизлигини назорат қилиш давлат инспекцияси, Темир йўлларда юк ва йўловчилар ташиш хавфсизлигини назорат қилиш давлат инспекцияси, Ўзбекистон Республикаси Вазирлар Маҳкамаси ҳузуридаги Йўл-қурилиш ишлари сифатини назорат қилиш инспекциясининг транспорт ва йўл хўжалиги соҳасидаги қабул қилган норматив-ҳуқуқий ҳужжатлари ва Ўзбекистон Республикаси томонидан имзоланган халқаро шартномалари, шунингдек мазкур Фармонга мувофиқ ўтказилаётган бошқа ваколатлари борасидаги ҳуқуқ ва мажбуриятлари бўйича ҳуқуқий вориси ҳисобланади.
8. Вазирлик Ўзбекистон Республикаси Инвестициялар ва ташқи савдо вазирлиги ҳамда бошқа манфаатдор идоралар билан биргаликда 2019 йил 1 ноябрга қадар барча турдаги транспортларнинг оптимал ва мувозанатлашган ўзаро алоқасини назарда тутувчи, умумқабул қилинган халқаро ҳуқуқ меъёрларини инобатга олган ҳолда «Транспорт тўғрисида»ги Ўзбекистон Республикаси Қонуни лойиҳасини ишлаб чиқсин ва белгиланган тартибда Вазирлар Маҳкамасига киритсин.
9. Ўзбекистон Республикаси Вазирлар Маҳкамаси:
бир ҳафта муддатда Ўзбекистон Республикаси Президентининг Ўзбекистон Республикаси Транспорт вазирлиги фаолиятини ташкил этиш тўғрисидаги қарори лойиҳасини тасдиқлаш учун киритсин;
бир ой муддатда Ўзбекистон Республикаси Транспорт вазирлиги ҳузуридаги Транспорт ва логистикани ривожлантириш муаммоларини ўрганиш маркази фаолиятини ташкил этиш бўйича ҳукумат қарорини қабул қилсин;
уч ой муддатда Ўзбекистон Республикасининг логистика самарадорлиги бўйича халқаро рейтинглардаги ўрнини яхшилаш чораларини назарда тутувчи Ўзбекистон Республикасида 2025 йилгача транспортни ривожлантириш концепциясини ва уни амалга ошириш бўйича «Йўл харитаси»ни ишлаб чиқсин.
10. Вазирлик Ўзбекистон Республикаси Адлия вазирлиги ва бошқа манфаатдор идоралар билан биргаликда икки ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2019 йил 1 февралдаги ПФ-5647-сон Фармонига ИЛОВА
Ўзбекистон Республикаси Транспорт вазирлиги ихтиёрига ўтказилаётган илмий-тадқиқот институтлари ва таълим муассасалари ҳамда бошқа ташкилотлар
II. Ўзбекистон автомобиль транспорти агентлиги
9. «Ўзавтотранстехника» илмий-ишлаб чиқариш маркази.
10. Автомобиль транспорти ходимларини малакасини ошириш ва қайта тайёрлаш институти.
11. Нукус автомобиль-йўл хўжалиги ва хизмат кўрсатиш касб-ҳунар коллежи.
12. Андижон транспорт ва хизмат кўрсатиш касб-ҳунар коллежи.
13. Самарқанд автомобиль ва йўллар касб-ҳунар коллежи.
14. Автобусларда йўловчи ташиш (шу жумладан, халқаро), автомобилларда юк ташиш хизматларини кўрсатувчи, шунингдек, транспорт-логистика, тўхташ пунктларини қуриш, қайта тиклаш ва таъмирлаш фаолиятини амалга оширувчи махсуслаштирилган ташкилотлар (жами 13 бирлик).
15. «UZAUTOTRANS SERVIS».
16. «Ўзавтовокзал сервис».
17. Агентлик иштирокидаги автовокзал ва автобекатлар.
III. Ўзбекистон Республикаси Темир йўлларда юк ва йўловчилар ташиш хавфсизлигини назорат қилиш давлат инспекцияси
18. Ўзининг темир йўлларига эга бўлган юридик шахсларнинг темир йўл транспорти ходимлари малакасини ошириш ва қайта тайёрлаш маркази.
19. Путур етказмасдан назорат қилиш лабораторияси.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 1 февраль,
ПФ-5647-сон
Oʻzbekiston Respublikasi Prezidentining
Farmoni
ROʻYXATI
Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida
Soʻnggi yillarda mamlakatimizda transport va transport kommunikatsiyalari sohasini rivojlantirish, tashishlarning yuqori darajadagi xavfsizligini taʼminlash, transport sohasidagi boshqaruv tizimini takomillashtirish, soha uchun malakali mutaxassislarni tayyorlashga yoʻnaltirilgan keng koʻlamli chora-tadbirlar amalga oshirildi.
Iqtisodiyotni rivojlantirishning zamonaviy tendensiyalari va amalga oshirilayotgan islohotlar respublikaning geografik joylashuvini inobatga olgan holda transport xizmatlarining sifatliligi va ommabopligini taʼminlashga yoʻnaltirilgan yagona transport siyosatini shakllantirish va amalga oshirish, sohani boshqarishning zamonaviy texnologiyalari va intellektual tizimlarini joriy etishda alohida ahamiyatga ega ekanligini koʻrsatmoqda.
Transport sohasidagi davlat boshqaruvi tizimini tubdan takomillashtirish, respublikaning investitsiyaviy jozibadorligi va eksport salohiyatini oshirish, transport kommunikatsiyalarini strategik rivojlantirish va barqaror faoliyat koʻrsatishini taʼminlash maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:
1. Oʻzbekiston avtomobil transporti agentligi negizida Oʻzbekiston Respublikasi Transport vazirligi (keyingi oʻrinlarda — Vazirlik) tashkil etilsin.
2. Belgilab qoʻyilsinki:
Vazirlik avtomobil, temir yoʻl, havo, daryo transportlari, metropoliten, shuningdek yoʻl xoʻjaligini rivojlantirish sohasidagi yagona davlat siyosatini ishlab chiqish va amalga oshirish boʻyicha davlat boshqaruvi organi hisoblanadi;
Vazirlik transport va yoʻl xoʻjaligi sohasidagi tashkilotlar faoliyatini normativ-huquqiy hujjatlar qabul qilish, litsenziya va ruxsatnomalar berish, sertifikatlashtirish, samarali texnik va tarif siyosatini amalga oshirish yoʻli orqali davlat tomonidan tartibga solish vazifasini amalga oshiradi;
Vazirlik tomonidan oʻz vakolati doirasida qabul qilingan qarorlarning ijrosi davlat boshqaruvi organlari va mahalliy davlat hokimiyati organlari, boshqa tashkilotlar va ularning mansabdor shaxslari, shuningdek fuqarolar uchun majburiy hisoblanadi.
3. Quyidagilar Vazirlikning asosiy vazifalari etib belgilansin:
transportning barcha turlarini yagona transport tarmogʻiga integratsiyalashuvi va yangi samarali transport-logistika tizimlaridan foydalangan holda uygʻunlikda rivojlantirishga yoʻnaltirilgan yagona davlat transport siyosatini ishlab chiqish;
transport va logistika xizmatlari bozorini rivojlantirishni ragʻbatlantirish, ularning barcha toifadagi isteʼmolchilar uchun ommabopligini taʼminlash, shuningdek sohaga investitsiyalarni jalb etishga yoʻnaltirilgan transport sohasidagi yagona tarif siyosatini amalga oshirish;
xalqaro transport koridorlarini rivojlantirish, logistika tizimini takomillashtirish boʻyicha takliflar ishlab chiqish va chora-tadbirlarni amalga oshirish, mamlakat transport salohiyatidan samarali foydalanish, tadbirkorlik subyektlarining transport-logistika xizmatlaridan foydalanishdagi sarf-xarajatlarni kamaytirish;
transport va yoʻl xoʻjaligi sohasida davlat-xususiy sheriklikni rivojlantirish va mamlakat investitsiyaviy jozibadorligini oshirish;
butun transport tizimini raqamlashtirish boʻyicha ilgʻor axborot texnologiyalarini joriy etish, Oʻzbekiston Respublikasi Transport tizimining bir-biriga bogʻlangan yagona tizimini istiqbolli rivojlantirish strategiyalarini ishlab chiqish va amalga oshirish;
avtomobil yoʻllari sohasida yagona texnika siyosatini amalga oshirish, foydalanuvchilar manfaatlarini hisobga olgan holda, avtomobil yoʻllari, aerodromlar va aeroportlar, vokzallar, temir yoʻllar va transport infratuzilmasining boshqa obyektlarini moliyalashtirish, loyihalash, qurish, taʼmirlash va foydalanish masalalarining kompleks yechimini taʼminlash;
transport sohasida nazoratni amalga oshirish, fuqaro aviatsiyasi va eksperimental havo kemalaridagi halokatlar va baxtsiz hodisalarni, shuningdek metropoliten, temir yoʻl va daryo transportidagi avariya va halokatlar boʻyicha tekshiruvlarni tashkil etish va amalga oshirish;
transport va yoʻl xoʻjaligi sohasidagi xalqaro va hududiy hamkorlikni rivojlantirish hisobiga transport xizmatlari jahon bozorida Oʻzbekiston Respublikasining milliy manfaatlarini taʼminlash;
transport sohasidagi joriy va istiqbolli ehtiyojlarni inobatga olgan holda taʼlim, kadrlar tayyorlash, qayta tayyorlash va malakasini oshirishning ilgʻor usullarini tizimli ravishda joriy etish.
4. Quyidagilar:
Oʻzbekiston Respublikasi Avtomobil yoʻllari davlat qoʻmitasi, uni Oʻzbekiston Respublikasi Transport vazirligi huzuridagi Avtomobil yoʻllari qoʻmitasi etib qayta nomlagan holda;
Oʻzbekiston Respublikasi Parvozlar xavfsizligini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Fuqaro aviatsiyasi agentligi etib qayta tashkil etgan holda;
Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish xavfsizligini nazorat qilish inspeksiyasi etib qayta nomlagan holda;
Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi etib qayta nomlagan holda;
Oʻzbekiston Respublikasi Favqulodda vaziyatlar vazirligining Oʻzbekiston kemachilik registri;
Oʻzbekiston Respublikasi Vazirlar Mahkamasi huzuridagi “Oʻzaeronavigatsiya” Markazi;
ilovaga muvofiq ilmiy-tadqiqot va taʼlim muassasalari, boshqa tashkilotlar, faoliyatini moliyalashtirishning amaldagi tartibi saqlanib qolingan holda, Vazirlik ixtiyoriga oʻtkazilsin.
Toshkent shahar Transport va yoʻl-transport infratuzilmasini rivojlantirish departamenti tugatilsin.
5. Quyidagi vazifa, funksiya va vakolatlar Vazirlikka oʻtkazilsin:
a) Oʻzbekiston Respublikasi Favqulodda vaziyatlar vazirligining quyidagi sohalardagi:
kemalarni roʻyxatga olish (qayta roʻyxatga olish), kemalarni qurish, foydalanish, qayta jihozlash va taʼmirlashga guvohnomalar berish;
kemalarga kema guvohnomasi va biletlari, tasniflash guvohnomalari, suzish uchun muvofiqlik guvohnomalari va kemasozlikni tartibga soluvchi qoidalarda nazarda tutilgan boshqa hujjatlarni berish;
b) “Oʻzbekiston temir yoʻllari” aksiyadorlik jamiyatining quyidagi sohalardagi:
temir yoʻl transportini rivojlantirishning davlat dasturlarini ishlab chiqish, temir yoʻl transporti istiqbolli prognozlari, rivojlantirish va obyektlarni joylashtirish sxemalarini ishlab chiqish;
temir yoʻllarda yuk va yoʻlovchilar tashish sohasida tarif va tranzit siyosatni amalga oshirish, temir yoʻl transportining oʻtkazish va tashish qobiliyatini oshirish, temir yoʻl transporti xizmatlari bozorini rivojlantirish boʻyicha kompleks chora-tadbirlarni qabul qilish;
sanoat korxonalari harakatdagi tarkiblarining umumiy foydalanishdagi temir yoʻllariga chiqishi uchun ruxsatnomalar berish;
temir yoʻl yoʻlaklari, shuningdek vagon va konteynerlarni yuklash, tushirish va tozalashga moʻljallangan uskunalarni qurish va taʼmirlash loyihalarini kelishish.
6. Boshqaruv xodimlarining umumiy cheklangan soni 15 nafardan tashkil topgan, Oʻzbekiston Respublikasi Davlat budjetidan moliyalashtiriladigan Oʻzbekiston Respublikasi Transport vazirligi huzuridagi Transport va logistikani rivojlantirish muammolarini oʻrganish markazi tashkil etilsin.
7. Vazirlik Oʻzbekiston avtomobil transporti agentligining barcha huquqlari va majburiyatlari, shuningdek Favqulodda vaziyatlar vazirligi, Avtomobil yoʻllari davlat qoʻmitasi, Parvozlar xavfsizligini nazorat qilish davlat inspeksiyasi, Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi, Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish inspeksiyasining transport va yoʻl xoʻjaligi sohasidagi qabul qilgan normativ-huquqiy hujjatlari va Oʻzbekiston Respublikasi tomonidan imzolangan xalqaro shartnomalari, shuningdek mazkur Farmonga muvofiq oʻtkazilayotgan boshqa vakolatlari borasidagi huquq va majburiyatlari boʻyicha huquqiy vorisi hisoblanadi.
8. Vazirlik Oʻzbekiston Respublikasi Investitsiyalar va tashqi savdo vazirligi hamda boshqa manfaatdor idoralar bilan birgalikda 2019-yil 1-noyabrga qadar barcha turdagi transportlarning optimal va muvozanatlashgan oʻzaro aloqasini nazarda tutuvchi, umumqabul qilingan xalqaro huquq meʼyorlarini inobatga olgan holda “Transport toʻgʻrisida”gi Oʻzbekiston Respublikasi Qonuni loyihasini ishlab chiqsin va belgilangan tartibda Vazirlar Mahkamasiga kiritsin.
9. Oʻzbekiston Respublikasi Vazirlar Mahkamasi:
bir hafta muddatda Oʻzbekiston Respublikasi Prezidentining Oʻzbekiston Respublikasi Transport vazirligi faoliyatini tashkil etish toʻgʻrisidagi qarori loyihasini tasdiqlash uchun kiritsin;
bir oy muddatda Oʻzbekiston Respublikasi Transport vazirligi huzuridagi Transport va logistikani rivojlantirish muammolarini oʻrganish markazi faoliyatini tashkil etish boʻyicha hukumat qarorini qabul qilsin;
uch oy muddatda Oʻzbekiston Respublikasining logistika samaradorligi boʻyicha xalqaro reytinglardagi oʻrnini yaxshilash choralarini nazarda tutuvchi Oʻzbekiston Respublikasida 2025-yilgacha transportni rivojlantirish konsepsiyasini va uni amalga oshirish boʻyicha “Yoʻl xaritasi”ni ishlab chiqsin.
10. Vazirlik Oʻzbekiston Respublikasi Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2019-yil 1-fevraldagi PF-5647-son Farmoniga ILOVA
Oʻzbekiston Respublikasi Transport vazirligi ixtiyoriga oʻtkazilayotgan ilmiy-tadqiqot institutlari va taʼlim muassasalari hamda boshqa tashkilotlar
II. Oʻzbekiston avtomobil transporti agentligi
9. “Oʻzavtotranstexnika” ilmiy-ishlab chiqarish markazi.
10. Avtomobil transporti xodimlarini malakasini oshirish va qayta tayyorlash instituti.
11. Nukus avtomobil-yoʻl xoʻjaligi va xizmat koʻrsatish kasb-hunar kolleji.
12. Andijon transport va xizmat koʻrsatish kasb-hunar kolleji.
13. Samarqand avtomobil va yoʻllar kasb-hunar kolleji.
14. Avtobuslarda yoʻlovchi tashish (shu jumladan, xalqaro), avtomobillarda yuk tashish xizmatlarini koʻrsatuvchi, shuningdek, transport-logistika, toʻxtash punktlarini qurish, qayta tiklash va taʼmirlash faoliyatini amalga oshiruvchi maxsuslashtirilgan tashkilotlar (jami 13 birlik).
15. “UZAUTOTRANS SERVIS”.
16. “Oʻzavtovokzal servis”.
17. Agentlik ishtirokidagi avtovokzal va avtobekatlar.
III. Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasi
18. Oʻzining temir yoʻllariga ega boʻlgan yuridik shaxslarning temir yoʻl transporti xodimlari malakasini oshirish va qayta tayyorlash markazi.
19. Putur yetkazmasdan nazorat qilish laboratoriyasi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 1-fevral,
PF-5647-son
Президента Республики Узбекистан
Указ
ПЕРЕЧЕНЬ
О мерах по коренному совершенствованию системы государственного управления в сфере транспорта
За последние годы в стране осуществлены масштабные мероприятия, направленные на развитие сферы транспорта и транспортных коммуникаций, обеспечение высокого уровня безопасности перевозок, совершенствование системы управления в сфере транспорта, подготовку квалифицированных специалистов для отрасли.
Современные тенденции экономического развития и проводимые реформы показывают особую значимость формирования и реализации единой государственной транспортной политики, направленной на обеспечение доступности и качества транспортных услуг с учетом географического расположения республики, внедрение современных технологий и интеллектуальных систем управления данной сферой.
В целях коренного совершенствования системы государственного управления в сфере транспорта, повышения инвестиционной привлекательности и экспортного потенциала республики, обеспечения стратегического развития и устойчивого функционирования транспортных коммуникаций, а также в соответствии с задачами, определенными Стратегией действий по пяти приоритетным направлениям развития Республики Узбекистан в 2017 — 2021 годах:
1. Образовать Министерство транспорта Республики Узбекистан (далее — Министерство) на базе Узбекского агентства автомобильного транспорта.
2. Установить, что:
Министерство является органом государственного управления по выработке и реализации единой государственной политики в области развития автомобильного, железнодорожного, воздушного, речного транспорта, метрополитена, а также дорожного хозяйства;
Министерство осуществляет государственное регулирование деятельности организаций в сфере транспорта и дорожного хозяйства путем принятия нормативно-правовых актов, выдачи лицензий и разрешений, сертификации, проведения эффективной технической и тарифной политики;
решения Министерства, принятые в пределах его полномочий, являются обязательными для исполнения органами государственного управления и органами государственной власти на местах, другими организациями и их должностными лицами, а также гражданами.
3. Определить основными задачами Министерства:
выработку единой государственной транспортной политики, направленной на гармоничное развитие всех видов транспорта на основе их интеграции в единую транспортную сеть и использования новых эффективных транспортно-логистических систем;
проведение единой тарифной политики в сфере транспорта, направленной на стимулирование развития рынка транспортных и логистических услуг, обеспечение их доступности для всех категорий потребителей, а также привлечение инвестиций в отрасль;
выработку предложений и реализацию мероприятий по развитию международных транспортных коридоров, совершенствование системы логистики, эффективное использование транспортного потенциала страны, минимизацию издержек субъектов предпринимательства на транспортно-логистические услуги;
развитие государственно-частного партнерства и повышение инвестиционной привлекательности страны в сфере транспорта и дорожного хозяйства;
внедрение передовых информационных технологий по цифровизации всей транспортной системы, разработку и реализацию стратегий перспективного развития Единой сопряженной транспортной системы Республики Узбекистан;
проведение единой технической политики в области автомобильных дорог, обеспечение комплексного решения вопросов финансирования, проектирования, строительства, ремонта и эксплуатации автомобильных дорог, аэродромов и аэропортов, вокзалов, железнодорожных и иных объектов транспортной инфраструктуры с учетом интересов пользователей;
осуществление контроля в сфере транспорта, организацию и проведение расследований авиационных происшествий и инцидентов с гражданскими и экспериментальными воздушными судами, а также аварий и крушений на метрополитене, железнодорожном и речном транспорте;
обеспечение национальных интересов Республики Узбекистан на мировом рынке транспортных услуг за счет развития международного и регионального сотрудничества в сфере транспорта и дорожного хозяйства;
внедрение на системной основе передовых методов образования, подготовки, переподготовки и повышения квалификации кадров, с учетом текущей и перспективной потребности транспортной отрасли.
4. Передать в ведение Министерства с сохранением действующего порядка финансирования деятельности:
Государственный комитет Республики Узбекистан по автомобильным дорогам с переименованием его в Комитет по автомобильным дорогам при Министерстве транспорта Республики Узбекистан;
Государственную инспекцию Республики Узбекистан по надзору за безопасностью полетов с преобразованием ее в Агентство гражданской авиации при Министерстве транспорта Республики Узбекистан;
Государственную инспекцию Республики Узбекистан по надзору за безопасностью железнодорожных перевозок с переименованием ее в Инспекцию по надзору за безопасностью железнодорожных перевозок при Министерстве транспорта Республики Узбекистан;
Государственную инспекцию по контролю за качеством дорожно-строительных работ при Кабинете Министров Республики Узбекистан с переименованием ее в Инспекцию по контролю за качеством дорожно-строительных работ при Министерстве транспорта Республики Узбекистан;
Узбекский регистр судоходства Министерства по чрезвычайным ситуациям Республики Узбекистан;
Центр «Узаэронавигация» при Кабинете Министров Республики Узбекистан;
научно-исследовательские институты, образовательные учреждения и иные организации по перечню согласно приложению .
Упразднить Департамент транспорта и развития дорожно-транспортной инфраструктуры города Ташкента.
5. Передать Министерству задачи, функции и полномочия:
а) Министерства по чрезвычайным ситуациям Республики Узбекистан в сфере:
регистрации (перерегистрации) судов, освидетельствования судов при их постройке, эксплуатации, переоборудовании и ремонте;
выдачи судам судовых свидетельств и билетов, классификационных свидетельств, свидетельств о годности к плаванию и другие документы, предусмотренные правилами, регулирующими судоходство;
б) АО «Узбекистон темир йуллари» в сфере:
разработки государственных программ развития железнодорожного транспорта, разработки перспективных прогнозов, схем развития и размещения объектов железнодорожного транспорта;
проведения тарифной и транзитной политики в области железнодорожных перевозок, принятия комплексных мероприятий по увеличению пропускной и провозной способности железнодорожного транспорта, развития рынка железнодорожных транспортных услуг;
выдачи разрешений на выход подвижного состава промышленных предприятий на железнодорожные пути общего пользования;
согласования проектов на строительство и реконструкцию железнодорожных подъездных путей, а также устройств, предназначенных для погрузки, выгрузки и очистки вагонов и контейнеров.
6. Создать Центр изучения проблем развития транспорта и логистики при Министерстве транспорта Республики Узбекистан с предельной общей численностью управленческого персонала 15 единиц с содержанием за счет средств Государственного бюджета Республики Узбекистан.
7. Определить Министерство правопреемником по всем правам и обязательствам Узбекского агентства автомобильного транспорта, а также по правам и обязательствам Министерства по чрезвычайным ситуациям, Государственного комитета по автомобильным дорогам, Государственной инспекции по надзору за безопасностью полетов, Государственной инспекции по надзору за безопасностью железнодорожных перевозок, Государственной инспекции по контролю за качеством дорожно-строительных работ при Кабинете Министров Республики Узбекистан в части принятых ими нормативно-правовых актов и заключенных международных договоров Республики Узбекистан в сфере транспорта и дорожного хозяйства, а также передаваемых в соответствии с настоящим Указом других полномочий.
8. Министерству совместно с Министерством инвестиций и внешней торговли Республики Узбекистан и другими заинтересованными ведомствами в срок до 1 ноября 2019 года разработать с учетом общепринятых норм международного права и внести в установленном порядке в Кабинет Министров проект Закона Республики Узбекистан «О транспорте», предусматривающий в том числе оптимальное и сбалансированное взаимодействие различных видов транспорта.
9. Кабинету Министров Республики Узбекистан:
в недельный срок внести на утверждение проект постановления Президента Республики Узбекистан об организации деятельности Министерства транспорта Республики Узбекистан;
в месячный срок принять правительственное решение по организации деятельности Центра изучения проблем развития транспорта и логистики при Министерстве транспорта Республики Узбекистан;
в трехмесячный срок разработать Концепцию развития транспорта в Республике Узбекистан до 2025 года и «Дорожную карту» по ее реализации, предусмотрев меры по улучшению позиций Республики Узбекистан в международных рейтингах по эффективности логистики.
10. Министерству совместно с Министерством юстиции Республики Узбекистан и другими заинтересованными ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
11. Контроль за исполнением настоящего Указа возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ к Указу Президента Республики Узбекистан от 1 февраля 2019 года № УП-5647
научно-исследовательских институтов, образовательных учреждений и иных организаций, передаваемых в ведение Министерства транспорта Республики Узбекистан
II. Узбекское агентство автомобильного транспорта
9. Научно-производственный центр «Узавтотранстехника».
10. Институт повышения квалификации и переподготовки кадров автомобильного транспорта.
11. Нукусский профессиональный колледж автомобильно-дорожного хозяйства и сферы услуг.
12. Андижанский профессиональный колледжа транспорта и услуг.
13. Самаркандский профессиональной автомобильно-дорожный колледж.
14. Специализированные организации, оказывающие услуги пассажирских автобусных перевозок (в том числе международных), автомобильных перевозок грузов, а также осуществляющие транспортно-логистическую деятельность, строительство, реконструкцию и ремонт остановочных пунктов (13 единиц).
15. «UZAUTOTRANS SERVIS».
16. «Узавтовокзал сервис».
17. Автовокзалы и автостанции с участием Агентства.
III. Государственная инспекция Республики Узбекистан по надзору за безопасностью железнодорожных перевозок
18. Центр повышения квалификации и переподготовки работников железнодорожного транспорта юридических лиц, имеющих в собственности железнодорожные пути.
19. Лаборатория неразрушающего контроля.
Президент Республики Узбекистан Ш. МИРЗИЁЕВ
г. Ташкент,
1 февраля 2019 г.,
№ УП-5647