📅 2019-yil 7-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 февраля 2019 г. · Постановления Президента
Официальный текст. Официальный документ. Редакционные примечания не включены.
📅 7 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ҳуқуқбузарликлар профилактикаси ва жамоат хавфсизлигини таъминлаш соҳасида кадрлар тайёрлаш тизимини такомиллаштиришга доир қўшимча чора-тадбирлар тўғрисида
5. Белгилансинки:
Филиалда «ҳуқуқбузарликлар профилактикаси ва жамоат хавфсизлигини таъминлаш» соҳа мутахассислиги бўйича юридик кадрларни тайёрлаш кундузги таълим шаклида бакалавриатнинг махсус уч йиллик дастури бўйича белгиланган намунадаги диплом берилган ҳолда амалга оширилади;
Филиалда «ҳуқуқбузарликлар профилактикаси ва жамоат хавфсизлигини таъминлаш» мутахассислиги бўйича олий ноюридик маълумотга эга бўлган кадрларни қайта тайёрлаш кундузги таълим шаклида махсус олти ойлик дастур бўйича белгиланган намунадаги диплом берилган ҳолда амалга оширилади;
Филиалда ўқитиш давлат грантлари асосида амалга оширилади;
Филиал бакалавриатига қабул квотаси йилига 255 кишини, кадрларни қайта тайёрлаш дастури бўйича эса — ҳар олти ойда 50 кишини ташкил этади;
Ўзбекистон Республикаси Ички ишлар вазирлиги ва Миллий гвардиясига бюджетдан ташқари маблағлари ҳисобидан алоҳида шахсларни юридик кадрларни тайёрлаш дастурлари бўйича белгиланган квоталар (давлат грантлари)дан ташқари Филиалда ўқитиш учун тўловни амалга ошириш ҳуқуқи берилади;
Филиал дипломининг мавжудлиги ички ишлар органларига Ўзбекистон Республикаси Ички ишлар вазирлиги Академиясида махсус касбий тайёргарликни ўтмасдан, «лейтенант» махсус унвони берилган ҳолда хизматга қабул қилиш учун асос бўлади.
6. Шундай тартиб ўрнатилсинки, унга кўра:
бакалавриат дастури бўйича Филиалга қабул танлов асосида амалга оширилади;
Филиалга қайта тайёрлаш дастури бўйича ўқишга Ўзбекистон Республикаси ички ишлар вазири ва Миллий гвардия қўмондони тавсиялари асосида олий ноюридик маълумотга эга бўлган амалдаги ходимлар ва ҳарбий хизматчилар белгиланган тартибда эгаллаб турган лавозими ва пул таъминоти сақлаб қолинган ҳолда қабул қилинади;
ҳуқуқбузарликлар профилактикаси ва жиноятчиликка қарши курашишга муносиб ҳисса қўшган Тошкент шаҳри ва Тошкент вилояти профилактика инспекторларининг жамоат тартибини сақлаш бўйича ёрдамчиларига ўрнатилган қабул квоталари доирасида Ўзбекистон Республикаси адлия вазири томонидан белгиланадиган алоҳида квоталар бўйича Филиалга ўқишга кириш учун танловда иштирок этиш ҳуқуқини тақдим этадиган Тошкент шаҳар ва Тошкент вилояти ички ишлар бош бошқармалари бошлиқларининг тавсиялари берилиши мумкин;
Филиалда ўқишни тамомлаган шахслар Тошкент шаҳри ва Тошкент вилоятида ҳуқуқбузарликлар профилактикаси ва жамоат хавфсизлигини таъминлаш тизимида камида 5 йил ишлаб бериш мажбуриятини оладилар;
9. Белгилаб қўйилсинки:
ҳуқуқни муҳофаза қилувчи ва бошқа давлат органларидан ишга қабул қилинган Филиал ходимларига олдинги иш жойидаги барча устама ва қўшимча тўловлар, тиббий хизмат кўрсатишнинг имтиёз ва шартлари уларни тегишли органнинг амалдаги кадрлар захирасига қонунчиликда белгиланган тартибда ўтказган ҳолда сақлаб қолинади;
Филиалнинг ходимларига Тошкент давлат юридик университетининг тегишли лавозимлари учун назарда тутилган меҳнатга ҳақ тўлаш миқдорлари татбиқ этилади;
ўз хизмат вазифаларини виждонан ва самарали бажарган Филиал ходимларига директор буйруғи асосида Васийлик кенгаши билан келишган ҳолда тариф ставкасининг 200 фоизигача бўлган миқдорда ҳар ойлик шахсий устамалар белгиланиши мумкин;
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 февраль,
ПҚ-4166-сон
Oʻzbekiston Respublikasi Prezidentining
Qarori
Huquqbuzarliklar profilaktikasi va jamoat xavfsizligini taʼminlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida
5. Belgilansinki:
Filialda “huquqbuzarliklar profilaktikasi va jamoat xavfsizligini taʼminlash” soha mutaxassisligi boʻyicha yuridik kadrlarni tayyorlash kunduzgi taʼlim shaklida bakalavriatning maxsus uch yillik dasturi boʻyicha belgilangan namunadagi diplom berilgan holda amalga oshiriladi;
Filialda “huquqbuzarliklar profilaktikasi va jamoat xavfsizligini taʼminlash” mutaxassisligi boʻyicha oliy noyuridik maʼlumotga ega boʻlgan kadrlarni qayta tayyorlash kunduzgi taʼlim shaklida maxsus olti oylik dastur boʻyicha belgilangan namunadagi diplom berilgan holda amalga oshiriladi;
Filialda oʻqitish davlat grantlari asosida amalga oshiriladi;
Filial bakalavriatiga qabul kvotasi yiliga 255 kishini, kadrlarni qayta tayyorlash dasturi boʻyicha esa — har olti oyda 50 kishini tashkil etadi;
Oʻzbekiston Respublikasi Ichki ishlar vazirligi va Milliy gvardiyasiga budjetdan tashqari mablagʻlari hisobidan alohida shaxslarni yuridik kadrlarni tayyorlash dasturlari boʻyicha belgilangan kvotalar (davlat grantlari)dan tashqari Filialda oʻqitish uchun toʻlovni amalga oshirish huquqi beriladi;
Filial diplomining mavjudligi ichki ishlar organlariga Oʻzbekiston Respublikasi Ichki ishlar vazirligi Akademiyasida maxsus kasbiy tayyorgarlikni oʻtmasdan, “leytenant” maxsus unvoni berilgan holda xizmatga qabul qilish uchun asos boʻladi.
6. Shunday tartib oʻrnatilsinki, unga koʻra:
bakalavriat dasturi boʻyicha Filialga qabul tanlov asosida amalga oshiriladi;
Filialga qayta tayyorlash dasturi boʻyicha oʻqishga Oʻzbekiston Respublikasi ichki ishlar vaziri va Milliy gvardiya qoʻmondoni tavsiyalari asosida oliy noyuridik maʼlumotga ega boʻlgan amaldagi xodimlar va harbiy xizmatchilar belgilangan tartibda egallab turgan lavozimi va pul taʼminoti saqlab qolingan holda qabul qilinadi;
huquqbuzarliklar profilaktikasi va jinoyatchilikka qarshi kurashishga munosib hissa qoʻshgan Toshkent shahri va Toshkent viloyati profilaktika inspektorlarining jamoat tartibini saqlash boʻyicha yordamchilariga oʻrnatilgan qabul kvotalari doirasida Oʻzbekiston Respublikasi adliya vaziri tomonidan belgilanadigan alohida kvotalar boʻyicha Filialga oʻqishga kirish uchun tanlovda ishtirok etish huquqini taqdim etadigan Toshkent shahar va Toshkent viloyati ichki ishlar bosh boshqarmalari boshliqlarining tavsiyalari berilishi mumkin;
Filialda oʻqishni tamomlagan shaxslar Toshkent shahri va Toshkent viloyatida huquqbuzarliklar profilaktikasi va jamoat xavfsizligini taʼminlash tizimida kamida 5 yil ishlab berish majburiyatini oladilar;
9. Belgilab qoʻyilsinki:
huquqni muhofaza qiluvchi va boshqa davlat organlaridan ishga qabul qilingan Filial xodimlariga oldingi ish joyidagi barcha ustama va qoʻshimcha toʻlovlar, tibbiy xizmat koʻrsatishning imtiyoz va shartlari ularni tegishli organning amaldagi kadrlar zaxirasiga qonunchilikda belgilangan tartibda oʻtkazgan holda saqlab qolinadi;
Filialning xodimlariga Toshkent davlat yuridik universitetining tegishli lavozimlari uchun nazarda tutilgan mehnatga haq toʻlash miqdorlari tatbiq etiladi;
oʻz xizmat vazifalarini vijdonan va samarali bajargan Filial xodimlariga direktor buyrugʻi asosida Vasiylik kengashi bilan kelishgan holda tarif stavkasining 200 foizigacha boʻlgan miqdorda har oylik shaxsiy ustamalar belgilanishi mumkin;
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-fevral,
PQ-4166-son
Президента Республики Узбекистан
Постановление
О дополнительных мерах по совершенствованию системы подготовки кадров в сфере профилактики правонарушений и обеспечения общественной безопасности
5. Определить, что:
подготовка юридических кадров по профильной специальности «профилактика правонарушений и обеспечение общественной безопасности» в Филиале осуществляется по специальной трехлетней программе бакалавриата очной формы обучения с выдачей диплома установленного образца;
переподготовка кадров с высшим неюридическим образованием по специальности «профилактика правонарушений и обеспечение общественной безопасности» в Филиале осуществляется по специальной шестимесячной программе очной формы обучения с выдачей диплома установленного образца;
обучение в Филиале осуществляется на основе государственных грантов;
квота приема в бакалавриат Филиала составляет 255 человек в год, а по программе переподготовки кадров — 50 человек каждые шесть месяцев;
Министерству внутренних дел и Национальной гвардии Республики Узбекистан предоставляется право за счет внебюджетных средств оплачивать отдельным лицам обучение в Филиале по программам подготовки юридических кадров вне установленных квот (государственных грантов);
наличие диплома Филиала является основанием для принятия на службу в органы внутренних дел без прохождения специальной профессиональной подготовки в Академии Министерства внутренних дел Республики Узбекистан с присвоением специального звания «лейтенант».
6. Ввести порядок, в соответствии с которым:
прием в Филиал по программе бакалавриата осуществляется на конкурсной основе;
на обучение по программе переподготовки в Филиал принимаются на основании рекомендаций министра внутренних дел и командующего Национальной гвардией Республики Узбекистан с отрывом от службы действующие сотрудники и военнослужащие с высшим неюридическим образованием с сохранением за ними занимаемой должности и выплатой денежного довольствия в установленном порядке;
помощникам инспекторов профилактики по охране общественного порядка города Ташкента и Ташкентской области, внесшим достойный вклад в профилактику правонарушений и борьбу с преступностью, могут выдаваться рекомендации начальников главных управлений внутренних дел города Ташкента и Ташкентской области, предоставляющие им право участия в конкурсе для поступления в Филиал по отдельным квотам, определяемым министром юстиции Республики Узбекистан в пределах установленной квоты приема;
лица, окончившие обучение в Филиале, обязуются проработать в системе профилактики правонарушений и обеспечения общественной безопасности города Ташкента и Ташкентской области не менее 5 лет;
9. Установить, что:
за работниками Филиала, принимаемыми на работу из правоохранительных и иных государственных органов, сохраняются все надбавки и доплаты, льготы и условия медицинского обслуживания по прежнему месту работы, с зачислением их в действующий резерв кадров соответствующего органа в установленном законодательством порядке;
на работников Филиала распространяются размеры оплаты труда, предусмотренные для соответствующих должностей Ташкентского государственного юридического университета;
работникам Филиала, добросовестно и эффективно выполняющим служебные обязанности, могут быть установлены ежемесячные персональные надбавки в размере до 200 процентов тарифной ставки на основании приказа директора, принятого по согласованию с Попечительским советом;
Президент Республики Узбекистан Ш. МИРЗИЁЕВ
г. Ташкент,
7 февраля 2019 г.,
№ ПП-4166