📅 2019-yil 8-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 8 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 февраля 2019 г. · Постановления Президента
Официальный текст. Официальный документ. Редакционные примечания не включены.
📅 8 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«ЙЎЛ ХАРИТАСИ»
Интеллектуал мулк соҳасида давлат бошқарувини такомиллаштириш чора-тадбирлари тўғрисида
Мамлакатда иқтисодиёт тармоқларига инновацияларни жорий этиш механизмларини такомиллаштириш, унинг рақобатбардошлигини таъминлаш, фаол тадбиркорлик ва инновацион фаолиятни ривожлантиришга қаратилган шароитларни яратиш, интеллектуал мулкнинг ишончли ҳуқуқий ҳимоясини таъминлаш борасида изчил чора-тадбирлар амалга оширилмоқда.
Шу билан бирга, ҳуқуқни қўллаш амалиётининг ўтказилган таҳлили шуни кўрсатдики, интеллектуал мулк соҳасидаги ҳуқуқбузарликларни ўз вақтида аниқлаш ва уларга барҳам бериш бўйича ишларнинг лозим даражада бажарилмаганлиги, давлат хизматлари кўрсатиш тизимининг самарасизлиги, идоралараро мустаҳкам ҳамкорликнинг мавжуд эмаслиги, интеллектуал мулк соҳасида малакали кадрларнинг етишмаслиги, шунингдек патент божлари ва тўловларининг юқори даражада эканлиги ушбу соҳани ривожлантиришга салбий таъсир этмоқда.
Интеллектуал мулк соҳасида давлат бошқарувини янада такомиллаштириш, мамлакатнинг инвестициявий жозибадорлигини ошириш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни инобатга олган ҳолда:
1. Ўзбекистон Республикаси Интеллектуал мулк агентлигининг интеллектуал мулкни ҳуқуқий муҳофаза қилиш ва ушбу соҳадаги умум эътироф этилган халқаро нормаларни имплементация қилиш соҳасидаги фаолияти қониқарсиз деб топилсин.
3. 2019 йил 1 мартдан шундай тартиб ўрнатилсинки, унга мувофиқ:
товар белгиси, хизмат кўрсатиш белгиси ва товар келиб чиққан жой номини рўйхатдан ўтказиш учун талабномалар топширилгандан сўнг, Адлия вазирлиги бир иш куни мобайнида ушбу талабномалар ҳақидаги маълумотларни ўзининг расмий веб-сайтига жойлаштиради;
ишлаб чиқарувчилар, етказиб берувчилар, сотувчилар ёки уларнинг вакиллари талабномалар эълон қилингандан сўнг Адлия вазирлигига рўйхатдан ўтказиш учун ноҳалол топширилган аризалар ҳақидаги ёзма эътирозларини тақдим этишлари мумкин;
товар белгисига ва хизмат кўрсатиш белгисига доир мутлақ ҳуқуқ, товар келиб чиққан жой номи ва (ёки) товар келиб чиққан жой номидан фойдаланиш ҳуқуқи (кейинги ўринларда — товар белгиси) ўша куннинг ўзида товар белгиси ҳақидаги маълумотларни Адлия вазирлигининг расмий веб-сайтида мажбурий тарзда жойлаштирган ҳолда Товар белгилари давлат реестрида рўйхатдан ўтказилган санадан бошлаб вужудга келади;
товар белгисига доир гувоҳноманинг амал қилиши товар белгиси Ўзбекистон Республикаси ҳудудида сўнгги уч йил мобайнида узлуксиз равишда фойдаланилмаганда, шунингдек, жамоавий белгидан фойдаланиш тўғрисидаги келишув бузилган тақдирда манфаатдор шахснинг аризасига биноан қабул қилинган суд қарори асосида муддатидан аввал тўлиқ ёки қисман тугатилиши мумкин.
5. Интеллектуал мулкнинг самарали ҳимоясини таъминлаш бўйича «Йўл харитаси» иловага мувофиқ тасдиқлансин.
Вазирлик ва идоралар раҳбарлари зиммасига «Йўл харитаси»да назарда тутилган тадбирларнинг ўз вақтида ва сифатли бажарилиши юзасидан шахсий жавобгарлик юклансин.
7. Маълумот учун қабул қилинсинки, Ўзбекистон Республикаси Президентининг 2018 йил 23 майдаги ПФ-5446-сон «Бюджет маблағларидан фойдаланиш самарадорлигини тубдан ошириш ва иқтисодий жиноятларга қарши курашиш механизмларини такомиллаштириш чора-тадбирлари тўғрисида»ги Фармонига мувофиқ, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментига «хуфиёна иқтисодиёт» шаклланиши ҳолатларини аниқлаш, яширин ишлаб чиқариш, контрафакт маҳсулотларни ишлаб чиқариш фаолиятига чек қўйиш функциялари юкланган.
Ўзбекистон Республикаси Адлия вазирлиги Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан биргаликда:
2019 йил 1 июлига қадар Ўзбекистон Республикасида рўйхатдан ўтказилган ҳаммага маълум товар белгиларининг ноҳалол рўйхатдан ўтказилишини аниқлаш нуқтаи назаридан Ўзбекистон Республикаси ҳудудида рўйхатдан ўтказилган барча товар белгиларини тўлиқ хатловдан ўтказсин ва қонун талаблари бузилган ҳолда берилган товар белгиларини рўйхатдан ўтказиш тўғрисидаги гувоҳномаларни бекор қилиш чораларини кўрсин;
интеллектуал мулк соҳасида ҳуқуқбузарликларни ўз вақтида аниқлаш ва олдини олиш бўйича таъсирчан чораларни кўрсин.
8. Агентлик Ўзбекистон Республикаси Давлат божхона қўмитаси, Бош прокуратура ҳузуридаги Иқтисодий жиноятларга қарши курашиш департаменти ва Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда 2019 йил 1 июлга қадар қуйидагиларни таъминловчи интеллектуал мулк объектларининг ягона ва доимий янгиланиб борадиган интеграциялашган маълумотлар базасини ишлаб чиқсин ва жорий этсин:
ҳуқуқий ҳимоя олган ва ундан маҳрум бўлган интеллектуал мулк объектларини реал вақт режимида кузатиб бориш;
интеллектуал мулк объектлари ҳуқуқий ҳимоя олган ва ундан маҳрум бўлганда уларни автоматик равишда тегишлича Интеллектуал мулк объектларининг божхона реестрига киритиш ва чиқариш;
интеллектуал мулк соҳасидаги ҳуқуқбузарликларни аниқлаш ва олдини олишда ваколатли давлат органлари билан ҳамкорлик қилиш.
9. Ўзбекистон Республикаси Адлия вазирлиги:
Ўзбекистон Республикаси Инвестициялар ва ташқи савдо вазирлиги, бошқа манфаатдор идоралар билан биргаликда интеллектуал мулкнинг ишончли ҳуқуқий ҳимоясини, шу жумладан Мулк ҳуқуқини ҳимоя қилиш халқаро индекси мезонларини инобатга олган ҳолда таъминлашнинг замонавий баҳолаш ва таҳлил қилиш тизимини жорий этиш бўйича Комплекс чора-тадбирларни ишлаб чиқсин ва 2019 йил 1 июлга қадар Ўзбекистон Республикаси Вазирлар Маҳкамасига тасдиқлаш учун киритсин;
Молия вазирлиги, Инвестициялар ва ташқи савдо вазирлиги билан биргаликда икки ой муддатда 2020 йил 1 январдан бошлаб интеллектуал мулк соҳасидаги интеграция жараёнини инобатга олган ҳолда патент божлари ва тўловларини, шунингдек норезидентлардан товар белгиси ва саноат намунасининг ҳуқуқий муҳофазасини бериш учун ундириладиган индивидуал бож ставкаларини босқичма-босқич камайтириш тўғрисида Ўзбекистон Республикаси Вазирлар Маҳкамасига таклифлар киритсин;
Ўзбекистон Республикаси Молия вазирлиги билан биргаликда икки ой муддатда Агентликнинг фаолиятини ташкил этиш ва такомиллаштириш, шу жумладан унинг ходимларини моддий рағбатлантириш бўйича таклифлар киритсин;
манфаатдор идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин, шунингдек ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси адлия вазири Р.К. Давлетов зиммасига юклансин.
Ўзбекистон Республикаси Президентининг 2019 йил 8 февралдаги ПҚ-4168-сон қарорига ИЛОВА
Интеллектуал мулкнинг самарали ҳимоясини таъминлаш бўйича
Т/р Тадбир номи Амалга ошириш шакли Амалга ошириш муддатлари Масъул ижрочилар I. Интеллектуал мулк соҳасидаги қонунчиликни такомиллаштириш 1. Қуйидагиларни назарда тутувчи интеллектуал мулк соҳасидаги айрим қонун ҳужжатларига ўзгартириш ва қўшимчалар киритиш тўғрисидаги Ўзбекистон Республикасининг Қонуни лойиҳасини ишлаб чиқиш: Интернетнинг кундалик ҳаётдаги тобора ошиб бораётган ролини инобатга олган ҳолда товар белгилари «оммабоплиги»нинг аниқ мезонларини белгилаш; интеллектуал мулк объектларини (товар белгиси, саноат намунаси ва бошқалар) ноҳалол рўйхатдан ўтказиш тушунчаларини мустаҳкамлаб қўйиш; товар белгисидан фойдаланишнинг аниқ ҳолатларини унинг мақсадли қўлланилишини назарда тутган ҳолда белгилаш. Ўзбекистон Республикаси қонуни лойиҳаси 2019 йил июнь Адлия вазирлиги (Давлетов) , вазирлик ва идоралар 2. Миллий қонунчиликка интеллектуал мулк соҳасида умумэътироф этилган халқаро стандартларни, шу жумладан Халқаро савдо ташкилотининг Интеллектуал мулк ҳуқуқларининг савдо жиҳатлари бўйича битими талабларини инобатга олган ҳолда имплементация қилиш. Норматив-ҳуқуқий ҳужжатлар лойиҳалари 2019 йил октябрь Адлия вазирлиги (Давлетов) , вазирлик ва идоралар 3. Интеллектуал мулк ҳуқуқи соҳасидаги маъмурий ҳуқуқбузарликлар тўғрисидаги ишларни кўриб чиқиш ва маъмурий жазо қўллаш ҳуқуқини адлия органларига тақдим этган ҳолда, интеллектуал мулк объектларидан ноқонуний фойдаланганлик учун маъмурий жавобгарликни кучайтириш. Ўзбекистон Республикаси қонуни лойиҳаси 2019 йил июнь Адлия вазирлиги (Давлетов) , Олий суд (Камилов) , Бош прокуратура (Таджиев) , ДБҚ (Азимов), Иқтисодиёт ва саноат вазирлиги (Ходжаев) , ИИВ (Бобожонов) 4. Интеллектуал мулк объектларидан ноқонуний фойдаланганлик учун жиноий жавобгарликни кучайтириш. Ўзбекистон Республикаси қонуни лойиҳаси 2019 йил июнь Адлия вазирлиги (Давлетов) , Иқтисодий жиноятларга қарши курашиш департаменти (Рахимов) , Олий суд (Камилов) , ДБҚ (Азимов) 5. Патент вакиллари институтини, шу жумладан: патент вакиллари фаолиятини мувофиқлаштириш ва методик таъминлаш тизимини; патент вакилларини тайёрлаш, қайта тайёрлаш ва малакасини ошириш тартибини; Интеллектуал мулк агентлигининг расмий веб-сайтида патент вакилларини аттестациядан ўтказиш жараёнини реал вақт режимида аудио ва видеотрансляция қилиш амалиётини жорий этиш орқали патент вакилларини аттестациядан ўтказиш қоидаларини; илғор хорижий тажрибани ўрганиш асосида адвокатларга патент вакиллари сифатида фаолият юритиш ҳуқуқини бериш орқали такомиллаштириш. Норматив-ҳуқуқий ҳужжатлар лойиҳалари 2019 йил август Адлия вазирлиги (Давлетов) 6. Интеллектуал мулк соҳасидаги интеграция жараёнини инобатга олган ҳолда, амалдаги патент божлари ставкаларини қайта кўриб чиқиш, шу жумладан 2020 йил 1 январдан бошлаб патент божлари ва тўловлар ставкаларини, шунингдек норезидентлардан товар белгиси, хизмат кўрсатиш белгиси, товар келиб чиққан жой номи ва саноат намунасига ҳуқуқий муҳофаза тақдим этиш учун ундириладиган индивидуал божлар ставкаларини босқичма босқич камайтиришни назарда тутиш. Норматив-ҳуқуқий ҳужжатлар лойиҳалари 2019 йил апрель Адлия вазирлиги (Давлетов) , Молия вазирлиги (Хайдаров) , Инвестициялар ва ташқи савдо вазирлиги (Умурзаков) , Иқтисодиёт ва саноат вазирлиги (Ходжаев) , вазирлик ва идоралар II. Интеллектуал мулк ҳуқуқларини ҳимоя қилишнинг институционал асосларини такомиллаштириш 7. Ўзбекистон Республикаси Президентининг «Ўзбекистон Республикаси Адлия вазирлиги ҳузуридаги Интеллектуал мулк агентлиги фаолиятини ташкил этиш тўғрисида»ги қарори лойиҳасини, шу жумладан Агентлик тузилмасини тасдиқлаш, унинг ходимларига адлия органлари ва муассасалари ходимларининг меҳнатига ҳақ тўлаш шартлари, мартаба даражалари ва бошқа рағбатлантирувчи устамалар татбиқ этилишини назарда тутган ҳолда киритиш. Ўзбекистон Республикаси Президентининг қарори лойиҳаси 2019 йил апрель Адлия вазирлиги (Давлетов) , Молия вазирлиги (Хайдаров) 8. Апелляция кенгашини ташкил этиш, апелляцияларни кўриб чиқишнинг очиқлиги ва шаффофлигини таъминлаш, қарор қабул қилишда тор идоравий манфаатлар устунлигининг олдини олишни назарда тутувчи Интеллектуал мулк агентлигининг Апелляция кенгаши тўғрисидаги низомнинг янгиланган лойиҳасини киритиш. Вазирлар Маҳкамаси қарори лойиҳаси 2019 йил апрель Адлия вазирлиги (Давлетов) , вазирлик ва идоралар 9. Тошкент давлат юридик университетида интеллектуал мулк кафедраси фаолиятини ташкил этиш. Адлия вазирининг буйруғи 2019 йил март Адлия вазирлиги (Давлетов) , ТДЮУ (Каньязов) 10. Ўзбекистон Республикаси Олий суди қошида Патент судини ташкил этиш масаласини ўрганиб чиқиб, асосланган таклифларни ишлаб чиқиш. Ахборот-таҳлилий ҳужжат 2019 йил март Адлия вазирлиги (Давлетов) , Олий суд (Камилов) , Монополияга қарши курашиш қўмитаси (Шарипов) 11. Ўзбекистон Республикасининг Товар белгилари бўйича қонунлар тўғрисидаги Сингапур шартномасига, шунингдек мамлакатда инвестицион муҳитнинг яхшиланишига кўмаклашувчи интеллектуал мулк соҳасидаги бошқа халқаро шартномаларга қўшилиши масаласини илгари суриш. Ахборот-таҳлилий ҳужжат 2019 йил декабрь Адлия вазирлиги (Давлетов) , ТИВ (Камилов) , Иқтисодиёт ва саноат вазирлиги (Ходжаев) , Маданият вазирлиги (Сайфуллаев) , МТРК (Хаджаев) III. Техник ва ўқув-методик базани такомиллаштириш, шунингдек интеллектуал мулк соҳасидаги ютуқларни амалий рўёбга чиқариш. 12. Интеллектуал мулк соҳасида мутахассисларни тайёрлаш бўйича ўқув режалар ва дастурларни, ўқув-услубий материал ва қўлланмаларни ишлаб чиқиш. Ташкилий чора-тадбирлар 2019 йил сентябрь Адлия вазирлиги (Давлетов) , ТДЮУ (Каньязов) 13. Қуйидагиларни таъминловчи интеллектуал мулк объектларининг ягона ва доимий янгиланиб борадиган интеграциялашган маълумотлар базасини ишлаб чиқиш ва жорий этиш: ҳуқуқий ҳимоя олган ва ундан маҳрум бўлган интеллектуал мулк объектларини реал вақт режимида кузатиб бориш; ҳуқуқий ҳимоя олган ва ундан маҳрум бўлган интеллектуал мулк объектларини автоматик равишда тегишлича Интеллектуал мулк объектларининг божхона реестрига киритиш ва чиқариш; интеллектуал мулк ҳуқуқи бузилиши ҳолатларини аниқлаш ва олдини олишда манфаатдор давлат органларининг ўзаро ҳамкорлигини таъминлаш. Вазирлар Маҳкамаси қарори лойиҳаси 2019 йил июнь Адлия вазирлиги (Давлетов) , ЛБМА (Ли), ДБҚ (Азимов), ДСҚ (Мусаев) , Иқтисодий жиноятлар билан курашиш департаменти (Рахимов) , Ахборот технологиялари ва коммуникацияларини ривожлантириш вазирлиги (Садиков) IV. Жаҳон интеллектуал мулк ташкилоти (ЖИМТ) билан ҳамкорликни янада кенгайтириш 14. «Tashkent Law Spring» халқаро юридик форуми доирасида интеллектуал мулкни ҳуқуқий муҳофаза қилишнинг долзарб тенденцияларини муҳокама қилиш. Ташкилий чора-тадбирлар 2019 йил апрель Адлия вазирлиги (Давлетов) , ТИВ (Камилов) , «Тараққиёт стратегияси» маркази (Туляков) 15. Халқаро норматив-ҳуқуқий ҳужжатлар, ЖИМТнинг техник қўлланмалари ва илмий китобларини таржима қилиш ва мослаштириш бўйича ЖИМТнинг техник кўмагини ошириш. Ташкилий чора-тадбирлар тасдиқланган графикка мувофиқ Адлия вазирлиги (Давлетов) , ТИВ (Камилов) , ТДЮУ (Каньязов) 16. Интеллектуал мулк, шу жумладан унинг ҳуқуқий ҳимояси соҳасидаги миллий мутахассисларни ЖИМТнинг штаб-квартирасига стажировкага юбориш. Ташкилий чора-тадбирлар тасдиқланган графикка мувофиқ Адлия вазирлиги (Давлетов) , ДБҚ (Азимов), ТИВ (Камилов) ТДЮУ (Каньязов) 17. Жамиятда интеллектуал мулк объектларига бўлган ҳуқуққа нисбатан ҳурмат билан қараш маданиятини шакллантиришга қаратилган тарғибот чоралари ва ишларини ўтказиш. Ташкилий чора-тадбирлар режаси тасдиқланган графикка мувофиқ Адлия вазирлиги (Давлетов) , Инновация вазирлиги (Абдурахмонов) , МТРК (Хаджаев)
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 8 февраль,
ПҚ-4168-сон
Oʻzbekiston Respublikasi Prezidentining
Qarori
“YOʻL XARITASI”
Intellektual mulk sohasida davlat boshqaruvini takomillashtirish chora-tadbirlari toʻgʻrisida
Mamlakatda iqtisodiyot tarmoqlariga innovatsiyalarni joriy etish mexanizmlarini takomillashtirish, uning raqobatbardoshligini taʼminlash, faol tadbirkorlik va innovatsion faoliyatni rivojlantirishga qaratilgan sharoitlarni yaratish, intellektual mulkning ishonchli huquqiy himoyasini taʼminlash borasida izchil chora-tadbirlar amalga oshirilmoqda.
Shu bilan birga, huquqni qoʻllash amaliyotining oʻtkazilgan tahlili shuni koʻrsatdiki, intellektual mulk sohasidagi huquqbuzarliklarni oʻz vaqtida aniqlash va ularga barham berish boʻyicha ishlarning lozim darajada bajarilmaganligi, davlat xizmatlari koʻrsatish tizimining samarasizligi, idoralararo mustahkam hamkorlikning mavjud emasligi, intellektual mulk sohasida malakali kadrlarning yetishmasligi, shuningdek patent bojlari va toʻlovlarining yuqori darajada ekanligi ushbu sohani rivojlantirishga salbiy taʼsir etmoqda.
Intellektual mulk sohasida davlat boshqaruvini yanada takomillashtirish, mamlakatning investitsiyaviy jozibadorligini oshirish maqsadida, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni inobatga olgan holda:
1. Oʻzbekiston Respublikasi Intellektual mulk agentligining intellektual mulkni huquqiy muhofaza qilish va ushbu sohadagi umum eʼtirof etilgan xalqaro normalarni implementatsiya qilish sohasidagi faoliyati qoniqarsiz deb topilsin.
3. 2019-yil 1-martdan shunday tartib oʻrnatilsinki, unga muvofiq:
tovar belgisi, xizmat koʻrsatish belgisi va tovar kelib chiqqan joy nomini roʻyxatdan oʻtkazish uchun talabnomalar topshirilgandan soʻng, Adliya vazirligi bir ish kuni mobaynida ushbu talabnomalar haqidagi maʼlumotlarni oʻzining rasmiy veb-saytiga joylashtiradi;
ishlab chiqaruvchilar, yetkazib beruvchilar, sotuvchilar yoki ularning vakillari talabnomalar eʼlon qilingandan soʻng Adliya vazirligiga roʻyxatdan oʻtkazish uchun nohalol topshirilgan arizalar haqidagi yozma eʼtirozlarini taqdim etishlari mumkin;
tovar belgisiga va xizmat koʻrsatish belgisiga doir mutlaq huquq, tovar kelib chiqqan joy nomi va (yoki) tovar kelib chiqqan joy nomidan foydalanish huquqi (keyingi oʻrinlarda — tovar belgisi) oʻsha kunning oʻzida tovar belgisi haqidagi maʼlumotlarni Adliya vazirligining rasmiy veb-saytida majburiy tarzda joylashtirgan holda Tovar belgilari davlat reyestrida roʻyxatdan oʻtkazilgan sanadan boshlab vujudga keladi;
tovar belgisiga doir guvohnomaning amal qilishi tovar belgisi Oʻzbekiston Respublikasi hududida soʻnggi uch yil mobaynida uzluksiz ravishda foydalanilmaganda, shuningdek, jamoaviy belgidan foydalanish toʻgʻrisidagi kelishuv buzilgan taqdirda manfaatdor shaxsning arizasiga binoan qabul qilingan sud qarori asosida muddatidan avval toʻliq yoki qisman tugatilishi mumkin.
5. Intellektual mulkning samarali himoyasini taʼminlash boʻyicha “Yoʻl xaritasi” ilovaga muvofiq tasdiqlansin.
Vazirlik va idoralar rahbarlari zimmasiga “Yoʻl xaritasi”da nazarda tutilgan tadbirlarning oʻz vaqtida va sifatli bajarilishi yuzasidan shaxsiy javobgarlik yuklansin.
7. Maʼlumot uchun qabul qilinsinki, Oʻzbekiston Respublikasi Prezidentining 2018-yil 23-maydagi PF-5446-son “Budjet mablagʻlaridan foydalanish samaradorligini tubdan oshirish va iqtisodiy jinoyatlarga qarshi kurashish mexanizmlarini takomillashtirish chora-tadbirlari toʻgʻrisida”gi Farmoniga muvofiq, Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentiga “xufiyona iqtisodiyot” shakllanishi holatlarini aniqlash, yashirin ishlab chiqarish, kontrafakt mahsulotlarni ishlab chiqarish faoliyatiga chek qoʻyish funksiyalari yuklangan.
Oʻzbekiston Respublikasi Adliya vazirligi Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti bilan birgalikda:
2019-yil 1-iyuliga qadar Oʻzbekiston Respublikasida roʻyxatdan oʻtkazilgan hammaga maʼlum tovar belgilarining nohalol roʻyxatdan oʻtkazilishini aniqlash nuqtai nazaridan Oʻzbekiston Respublikasi hududida roʻyxatdan oʻtkazilgan barcha tovar belgilarini toʻliq xatlovdan oʻtkazsin va qonun talablari buzilgan holda berilgan tovar belgilarini roʻyxatdan oʻtkazish toʻgʻrisidagi guvohnomalarni bekor qilish choralarini koʻrsin;
intellektual mulk sohasida huquqbuzarliklarni oʻz vaqtida aniqlash va oldini olish boʻyicha taʼsirchan choralarni koʻrsin.
8. Agentlik Oʻzbekiston Respublikasi Davlat bojxona qoʻmitasi, Bosh prokuratura huzuridagi Iqtisodiy jinoyatlarga qarshi kurashish departamenti va Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda 2019-yil 1-iyulga qadar quyidagilarni taʼminlovchi intellektual mulk obyektlarining yagona va doimiy yangilanib boradigan integratsiyalashgan maʼlumotlar bazasini ishlab chiqsin va joriy etsin:
huquqiy himoya olgan va undan mahrum boʻlgan intellektual mulk obyektlarini real vaqt rejimida kuzatib borish;
intellektual mulk obyektlari huquqiy himoya olgan va undan mahrum boʻlganda ularni avtomatik ravishda tegishlicha Intellektual mulk obyektlarining bojxona reyestriga kiritish va chiqarish;
intellektual mulk sohasidagi huquqbuzarliklarni aniqlash va oldini olishda vakolatli davlat organlari bilan hamkorlik qilish.
9. Oʻzbekiston Respublikasi Adliya vazirligi:
Oʻzbekiston Respublikasi Investitsiyalar va tashqi savdo vazirligi, boshqa manfaatdor idoralar bilan birgalikda intellektual mulkning ishonchli huquqiy himoyasini, shu jumladan Mulk huquqini himoya qilish xalqaro indeksi mezonlarini inobatga olgan holda taʼminlashning zamonaviy baholash va tahlil qilish tizimini joriy etish boʻyicha Kompleks chora-tadbirlarni ishlab chiqsin va 2019-yil 1-iyulga qadar Oʻzbekiston Respublikasi Vazirlar Mahkamasiga tasdiqlash uchun kiritsin;
Moliya vazirligi, Investitsiyalar va tashqi savdo vazirligi bilan birgalikda ikki oy muddatda 2020-yil 1-yanvardan boshlab intellektual mulk sohasidagi integratsiya jarayonini inobatga olgan holda patent bojlari va toʻlovlarini, shuningdek norezidentlardan tovar belgisi va sanoat namunasining huquqiy muhofazasini berish uchun undiriladigan individual boj stavkalarini bosqichma-bosqich kamaytirish toʻgʻrisida Oʻzbekiston Respublikasi Vazirlar Mahkamasiga takliflar kiritsin;
Oʻzbekiston Respublikasi Moliya vazirligi bilan birgalikda ikki oy muddatda Agentlikning faoliyatini tashkil etish va takomillashtirish, shu jumladan uning xodimlarini moddiy ragʻbatlantirish boʻyicha takliflar kiritsin;
manfaatdor idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin, shuningdek oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi adliya vaziri R.K. Davletov zimmasiga yuklansin.
Oʻzbekiston Respublikasi Prezidentining 2019-yil 8-fevraldagi PQ-4168-son qaroriga ILOVA
Intellektual mulkning samarali himoyasini taʼminlash boʻyicha
T/r Tadbir nomi Amalga oshirish shakli Amalga oshirish muddatlari Masʼul ijrochilar I. Intellektual mulk sohasidagi qonunchilikni takomillashtirish 1. Quyidagilarni nazarda tutuvchi intellektual mulk sohasidagi ayrim qonun hujjatlariga oʻzgartirish va qoʻshimchalar kiritish toʻgʻrisidagi Oʻzbekiston Respublikasining Qonuni loyihasini ishlab chiqish: Internetning kundalik hayotdagi tobora oshib borayotgan rolini inobatga olgan holda tovar belgilari “ommabopligi”ning aniq mezonlarini belgilash; intellektual mulk obyektlarini (tovar belgisi, sanoat namunasi va boshqalar) nohalol roʻyxatdan oʻtkazish tushunchalarini mustahkamlab qoʻyish; tovar belgisidan foydalanishning aniq holatlarini uning maqsadli qoʻllanilishini nazarda tutgan holda belgilash. Oʻzbekiston Respublikasi qonuni loyihasi 2019-yil iyun Adliya vazirligi (Davletov) , vazirlik va idoralar 2. Milliy qonunchilikka intellektual mulk sohasida umumeʼtirof etilgan xalqaro standartlarni, shu jumladan Xalqaro savdo tashkilotining Intellektual mulk huquqlarining savdo jihatlari boʻyicha bitimi talablarini inobatga olgan holda implementatsiya qilish. Normativ-huquqiy hujjatlar loyihalari 2019-yil oktabr Adliya vazirligi (Davletov) , vazirlik va idoralar 3. Intellektual mulk huquqi sohasidagi maʼmuriy huquqbuzarliklar toʻgʻrisidagi ishlarni koʻrib chiqish va maʼmuriy jazo qoʻllash huquqini adliya organlariga taqdim etgan holda, intellektual mulk obyektlaridan noqonuniy foydalanganlik uchun maʼmuriy javobgarlikni kuchaytirish. Oʻzbekiston Respublikasi qonuni loyihasi 2019-yil iyun Adliya vazirligi (Davletov) , Oliy sud (Kamilov) , Bosh prokuratura (Tadjiyev) , DBQ (Azimov), Iqtisodiyot va sanoat vazirligi (Xodjayev) , IIV (Bobojonov) 4. Intellektual mulk obyektlaridan noqonuniy foydalanganlik uchun jinoiy javobgarlikni kuchaytirish. Oʻzbekiston Respublikasi qonuni loyihasi 2019-yil iyun Adliya vazirligi (Davletov) , Iqtisodiy jinoyatlarga qarshi kurashish departamenti (Raximov) , Oliy sud (Kamilov) , DBQ (Azimov) 5. Patent vakillari institutini, shu jumladan: patent vakillari faoliyatini muvofiqlashtirish va metodik taʼminlash tizimini; patent vakillarini tayyorlash, qayta tayyorlash va malakasini oshirish tartibini; Intellektual mulk agentligining rasmiy veb-saytida patent vakillarini attestatsiyadan oʻtkazish jarayonini real vaqt rejimida audio va videotranslyatsiya qilish amaliyotini joriy etish orqali patent vakillarini attestatsiyadan oʻtkazish qoidalarini; ilgʻor xorijiy tajribani oʻrganish asosida advokatlarga patent vakillari sifatida faoliyat yuritish huquqini berish orqali takomillashtirish. Normativ-huquqiy hujjatlar loyihalari 2019-yil avgust Adliya vazirligi (Davletov) 6. Intellektual mulk sohasidagi integratsiya jarayonini inobatga olgan holda, amaldagi patent bojlari stavkalarini qayta koʻrib chiqish, shu jumladan 2020-yil 1-yanvardan boshlab patent bojlari va toʻlovlar stavkalarini, shuningdek norezidentlardan tovar belgisi, xizmat koʻrsatish belgisi, tovar kelib chiqqan joy nomi va sanoat namunasiga huquqiy muhofaza taqdim etish uchun undiriladigan individual bojlar stavkalarini bosqichma bosqich kamaytirishni nazarda tutish. Normativ-huquqiy hujjatlar loyihalari 2019-yil aprel Adliya vazirligi (Davletov) , Moliya vazirligi (Xaydarov) , Investitsiyalar va tashqi savdo vazirligi (Umurzakov) , Iqtisodiyot va sanoat vazirligi (Xodjayev) , vazirlik va idoralar II. Intellektual mulk huquqlarini himoya qilishning institutsional asoslarini takomillashtirish 7. Oʻzbekiston Respublikasi Prezidentining “Oʻzbekiston Respublikasi Adliya vazirligi huzuridagi Intellektual mulk agentligi faoliyatini tashkil etish toʻgʻrisida”gi qarori loyihasini, shu jumladan Agentlik tuzilmasini tasdiqlash, uning xodimlariga adliya organlari va muassasalari xodimlarining mehnatiga haq toʻlash shartlari, martaba darajalari va boshqa ragʻbatlantiruvchi ustamalar tatbiq etilishini nazarda tutgan holda kiritish. Oʻzbekiston Respublikasi Prezidentining qarori loyihasi 2019-yil aprel Adliya vazirligi (Davletov) , Moliya vazirligi (Xaydarov) 8. Apellyatsiya kengashini tashkil etish, apellyatsiyalarni koʻrib chiqishning ochiqligi va shaffofligini taʼminlash, qaror qabul qilishda tor idoraviy manfaatlar ustunligining oldini olishni nazarda tutuvchi Intellektual mulk agentligining Apellyatsiya kengashi toʻgʻrisidagi nizomning yangilangan loyihasini kiritish. Vazirlar Mahkamasi qarori loyihasi 2019-yil aprel Adliya vazirligi (Davletov) , vazirlik va idoralar 9. Toshkent davlat yuridik universitetida intellektual mulk kafedrasi faoliyatini tashkil etish. Adliya vazirining buyrugʻi 2019-yil mart Adliya vazirligi (Davletov) , TDYU (Kanyazov) 10. Oʻzbekiston Respublikasi Oliy sudi qoshida Patent sudini tashkil etish masalasini oʻrganib chiqib, asoslangan takliflarni ishlab chiqish. Axborot-tahliliy hujjat 2019-yil mart Adliya vazirligi (Davletov) , Oliy sud (Kamilov) , Monopoliyaga qarshi kurashish qoʻmitasi (Sharipov) 11. Oʻzbekiston Respublikasining Tovar belgilari boʻyicha qonunlar toʻgʻrisidagi Singapur shartnomasiga, shuningdek mamlakatda investitsion muhitning yaxshilanishiga koʻmaklashuvchi intellektual mulk sohasidagi boshqa xalqaro shartnomalarga qoʻshilishi masalasini ilgari surish. Axborot-tahliliy hujjat 2019-yil dekabr Adliya vazirligi (Davletov) , TIV (Kamilov) , Iqtisodiyot va sanoat vazirligi (Xodjayev) , Madaniyat vazirligi (Sayfullayev) , MTRK (Xadjayev) III. Texnik va oʻquv-metodik bazani takomillashtirish, shuningdek intellektual mulk sohasidagi yutuqlarni amaliy roʻyobga chiqarish. 12. Intellektual mulk sohasida mutaxassislarni tayyorlash boʻyicha oʻquv rejalar va dasturlarni, oʻquv-uslubiy material va qoʻllanmalarni ishlab chiqish. Tashkiliy chora-tadbirlar 2019-yil sentabr Adliya vazirligi (Davletov) , TDYU (Kanyazov) 13. Quyidagilarni taʼminlovchi intellektual mulk obyektlarining yagona va doimiy yangilanib boradigan integratsiyalashgan maʼlumotlar bazasini ishlab chiqish va joriy etish: huquqiy himoya olgan va undan mahrum boʻlgan intellektual mulk obyektlarini real vaqt rejimida kuzatib borish; huquqiy himoya olgan va undan mahrum boʻlgan intellektual mulk obyektlarini avtomatik ravishda tegishlicha Intellektual mulk obyektlarining bojxona reyestriga kiritish va chiqarish; intellektual mulk huquqi buzilishi holatlarini aniqlash va oldini olishda manfaatdor davlat organlarining oʻzaro hamkorligini taʼminlash. Vazirlar Mahkamasi qarori loyihasi 2019-yil iyun Adliya vazirligi (Davletov) , LBMA (Li), DBQ (Azimov), DSQ (Musayev) , Iqtisodiy jinoyatlar bilan kurashish departamenti (Raximov) , Axborot texnologiyalari va kommunikatsiyalarini rivojlantirish vazirligi (Sadikov) IV. Jahon intellektual mulk tashkiloti (JIMT) bilan hamkorlikni yanada kengaytirish 14. “Tashkent Law Spring” xalqaro yuridik forumi doirasida intellektual mulkni huquqiy muhofaza qilishning dolzarb tendensiyalarini muhokama qilish. Tashkiliy chora-tadbirlar 2019-yil aprel Adliya vazirligi (Davletov) , TIV (Kamilov) , “Taraqqiyot strategiyasi” markazi (Tulyakov) 15. Xalqaro normativ-huquqiy hujjatlar, JIMTning texnik qoʻllanmalari va ilmiy kitoblarini tarjima qilish va moslashtirish boʻyicha JIMTning texnik koʻmagini oshirish. Tashkiliy chora-tadbirlar tasdiqlangan grafikka muvofiq Adliya vazirligi (Davletov) , TIV (Kamilov) , TDYU (Kanyazov) 16. Intellektual mulk, shu jumladan uning huquqiy himoyasi sohasidagi milliy mutaxassislarni JIMTning shtab-kvartirasiga stajirovkaga yuborish. Tashkiliy chora-tadbirlar tasdiqlangan grafikka muvofiq Adliya vazirligi (Davletov) , DBQ (Azimov), TIV (Kamilov) TDYU (Kanyazov) 17. Jamiyatda intellektual mulk obyektlariga boʻlgan huquqqa nisbatan hurmat bilan qarash madaniyatini shakllantirishga qaratilgan targʻibot choralari va ishlarini oʻtkazish. Tashkiliy chora-tadbirlar rejasi tasdiqlangan grafikka muvofiq Adliya vazirligi (Davletov) , Innovatsiya vazirligi (Abduraxmonov) , MTRK (Xadjayev)
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 8-fevral,
PQ-4168-son
Президента Республики Узбекистан
Постановление
«ДОРОЖНАЯ КАРТА»
О мерах по совершенствованию государственного управления в сфере интеллектуальной собственности
В стране последовательно реализуются комплексные меры по совершенствованию механизмов внедрения инноваций в отрасли экономики, обеспечению ее конкурентоспособности, созданию условий для развития активного предпринимательства и инновационной деятельности, обеспечению надежной правовой охраны интеллектуальной собственности.
Вместе с тем проведенный анализ правоприменительной практики показывает, что невыполнение должным образом работ по своевременному выявлению и пресечению правонарушений в сфере интеллектуальной собственности, неэффективность системы оказания государственных услуг, отсутствие тесного межведомственного взаимодействия, нехватка квалифицированных кадров в области интеллектуальной собственности, а также высокие ставки патентных пошлин и плат негативно сказываются на развитии данной сферы.
В целях дальнейшего совершенствования системы государственного управления в сфере интеллектуальной собственности, повышения инвестиционной привлекательности страны, а также с учетом задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Признать неудовлетворительной деятельность Агентства по интеллектуальной собственности Республики Узбекистан в сфере правовой охраны интеллектуальной собственности и имплементации общепризнанных международных норм в данной сфере.
3. Установить с 1 марта 2019 года порядок, в соответствии с которым:
после подачи заявок на регистрацию товарного знака, знака обслуживания и наименования места происхождения товара Министерство юстиции в течение одного рабочего дня размещает сведения о данных заявках на своем официальном веб-сайте;
производители, поставщики, продавцы или их представители после публикации заявок могут представлять в Министерство юстиции письменные замечания о недобросовестности поданной заявки на регистрацию;
исключительное право на товарный знак и знак обслуживания, наименование места происхождения товара и (или) право пользования наименованием места происхождения товара (далее — товарный знак) возникает с даты его регистрации в Государственном реестре товарных знаков с обязательным размещением в тот же день сведений о регистрации товарного знака на официальном веб-сайте Министерства юстиции;
действие свидетельства на товарный знак может быть прекращено досрочно полностью или частично на основании решения суда, принятого по заявлению заинтересованного лица, при неиспользовании товарного знака на территории Республики Узбекистан непрерывно в течение последних трех лет его действия, а также при нарушении соглашения об использовании коллективного знака.
5. Утвердить «Дорожную карту» по обеспечению эффективной охраны интеллектуальной собственности согласно приложению .
Возложить персональную ответственность на руководителей министерств и ведомств за своевременное и качественное выполнение мероприятий, предусмотренных в «Дорожной карте».
7. Принять к сведению, что Указом Президента Республики Узбекистан от 23 мая 2018 года № УП-5446 «О мерах по коренному повышению эффективности использования бюджетных средств и совершенствованию механизмов борьбы с экономическими преступлениями» на Департамент по борьбе с экономическими преступлениями при Генеральной прокуратуре Республики Узбекистан возложены функции по выявлению фактов формирования «теневой экономики», пресечению деятельности подпольных производств, выпуску контрафактной продукции.
Министерству юстиции совместно с Департаментом по борьбе с экономическими преступлениями при Генеральной прокуратуре Республики Узбекистан:
в срок до 1 июля 2019 года провести полную инвентаризацию всех зарегистрированных в Республике Узбекистан товарных знаков на предмет выявления фактов недобросовестной регистрации общеизвестных товарных знаков и принять меры по отмене свидетельств о регистрации товарных знаков, выданных с нарушением требований законодательства;
принять действенные меры по своевременному выявлению и пресечению правонарушений в сфере интеллектуальной собственности.
8. Агентству совместно с Государственным таможенным комитетом, Департаментом по борьбе с экономическими преступлениями при Генеральной прокуратуре и Национальным агентством проектного управления при Президенте Республики Узбекистан в срок до 1 июля 2019 года разработать и внедрить единую постоянно обновляемую интегрированную базу данных объектов интеллектуальной собственности, обеспечивающую:
отслеживание в режиме реального времени объектов интеллектуальной собственности, получивших и утративших правовую охрану;
автоматическое включение и исключение из Таможенного реестра объектов интеллектуальной собственности соответственно при получении и утрате правовой охраны объектов интеллектуальной собственности;
взаимодействие уполномоченных государственных органов при выявлении и пресечении правонарушений в сфере интеллектуальной собственности.
9. Министерству юстиции Республики Узбекистан совместно с:
Министерством инвестиций и внешней торговли Республики Узбекистан, другими заинтересованными ведомствами разработать Комплекс мер по внедрению современной системы оценки и анализа обеспечения надежной правовой охраны интеллектуальной собственности, в том числе с учетом критериев Международного индекса защиты прав собственности и в срок до 1 июля 2019 года внести на утверждение в Кабинет Министров Республики Узбекистан;
Министерством финансов, Министерством инвестиций и внешней торговли в двухмесячный срок внести в Кабинет Министров Республики Узбекистан предложения по поэтапному снижению, начиная с 1 января 2020 года, ставок патентных пошлин и плат, а также индивидуальных пошлин, взимаемых с нерезидентов за предоставление правовой охраны товарному знаку и промышленному образцу, учитывая интеграционный процесс в сфере интеллектуальной собственности;
Министерством финансов Республики Узбекистан в двухмесячный срок внести предложения по организации и совершенствованию деятельности Агентства, в том числе материальному стимулированию его работников;
заинтересованными ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, а также привести принятые ими нормативно-правовые акты в соответствие с настоящим постановлением.
10. Контроль за исполнением настоящего постановления возложить на Премьер-министра Республики Узбекистан А.Н. Арипова, первого заместителя советника Президента Республики Узбекистан Б.М. Мавлонова и министра юстиции Республики Узбекистан Р.К. Давлетова.
ПРИЛОЖЕНИЕ к постановлению Президента Республики Узбекистан от 8 февраля 2019 года № ПП-4168
по обеспечению эффективной охраны интеллектуальной собственности
№ Наименование мероприятий Форма реализации Сроки исполнения Ответственные исполнители I. Совершенствование законодательства в сфере интеллектуальной собственности 1. Подготовка проекта Закона Республики Узбекистан о внесении изменений и дополнений в некоторые законодательные акты в сфере интеллектуальной собственности, в том числе предусматривающего: определение конкретных критериев «общеизвестности» товарных знаков с учетом все более возрастающей роли Интернета в повседневной жизни; закрепление понятий недобросовестной регистрации объектов интеллектуальной собственности (товарного знака, промышленного образца и др.); определение конкретных случаев использования товарного знака, имея в виду его целевое применение. Проект закона Республики Узбекистан июнь 2019 года Минюст (Давлетов), министерства и ведомства 2. Имплементация в национальное законодательство общепризнанных международных стандартов в сфере интеллектуальной собственности, в т.ч. с учетом требований Соглашения по торговым аспектам прав интеллектуальной собственности Всемирной торговой организации. Проекты нормативно-правовых актов октябрь 2019 года Минюст (Давлетов), министерства и ведомства 3. Усиление административной ответственности за незаконное использование объектов интеллектуальной собственности с предоставлением права рассмотрения дел об административных правонарушениях и применения административных взысканий в сфере нарушения прав интеллектуальной собственности органам юстиции. Проект закона Республики Узбекистан июнь 2019 года Минюст (Давлетов), Верховный суд (Камилов), Генеральная прокуратура (Таджиев), ГТК (Азимов), Минэкономпром (Ходжаев), МВД (Бобожонов) 4. Усиление уголовной ответственности за незаконное использование объектов интеллектуальной собственности. Проект закона Республики Узбекистан июнь 2019 года Минюст (Давлетов), Департамент по борьбе с экономическими преступлениями (Рахимов), Верховный суд (Камилов), ГТК (Азимов) 5. Совершенствование института патентных поверенных, в том числе: системы координации и методического обеспечения деятельности патентных поверенных; порядка подготовки, переподготовки и повышения квалификации патентных поверенных; правил проведения аттестации патентных поверенных путем введения в практику аудио- и видеотрансляции данного процесса в режиме реального времени на официальном веб-сайте Агентства по интеллектуальной собственности; путем предоставления адвокатам права осуществления деятельности в качестве патентного поверенного на основе изучения передового зарубежного опыта. Проекты нормативно-правовых актов август 2019 года Минюст (Давлетов) 6. Пересмотр действующих ставок патентных пошлин, в т.ч. предусмотрев поэтапное снижение, начиная с 1 января 2020 года, ставок патентных пошлин и плат, а также индивидуальных пошлин, взимаемых с нерезидентов за предоставление правовой охраны товарному знаку, знаку обслуживания, наименованию мест происхождения товаров и промышленному образцу, учитывая интеграционный процесс в сфере интеллектуальной собственности. Проекты нормативно-правовых актов апрель 2019 года Минюст (Давлетов), Минфин (Хайдаров), Мининвествнешторг (Умурзаков), Минэкономпром (Ходжаев), министерства и ведомства II. Совершенствование институциональных основ защиты прав интеллектуальной собственности 7. Внесение проекта постановления Президента Республики Узбекистан «Об организации деятельности Агентства интеллектуальной собственности при Министерстве юстиции Республики Узбекистан», предусматривающего в том числе утверждение структуры Агентства, распространение на его работников условий оплаты труда, других стимулирующих надбавок и классных чинов работников органов и учреждений юстиции. Проект постановления Президента Республики Узбекистан апрель 2019 года Минюст (Давлетов), Минфин (Хайдаров) 8. Внесение проекта обновленного Положения об Апелляционном совете Агентства по интеллектуальной собственности, предусматривающего порядок его формирования, обеспечение открытости и прозрачности при рассмотрении апелляций, исключение преобладания узковедомственных интересов при принятии решений. Проект постановления Кабинета Министров апрель 2019 года Минюст (Давлетов), министерства и ведомства 9. Организация деятельности кафедры интеллектуальной собственности в Ташкентском государственном юридическом университете. Приказ министра юстиции март 2019 года Минюст (Давлетов), ТГЮУ (Канъязов) 10. Изучение вопроса создания Патентного суда при Верховном суде Республики Узбекистан с выработкой обоснованных предложений. Информационно-аналитический материал март 2019 года Минюст (Давлетов), Верховный суд (Камилов), Антимонопольный комитет (Шарипов) 11. Проработка вопроса присоединения Республики Узбекистан к Сингапурскому договору о законах по товарным знакам, а также к другим международным договорам в сфере интеллектуальной собственности, способствующим улучшению инвестиционного климата в стране. Информационно-аналитический материал декабрь 2019 года Минюст (Давлетов), МИД (Камилов), Минэкономпром (Ходжаев), Минкультуры (Сайфуллаев), НТРК (Хаджаев) III. Совершенствование технической и учебно-методической базы, а также практическая реализация достижений в сфере интеллектуальной собственности 12. Разработка учебных планов и программ, учебно-методических материалов и пособий по подготовке специалистов в сфере интеллектуальной собственности. Организационные меры сентябрь 2019 года Минюст (Давлетов), ТГЮУ (Канъязов) 13. Разработка и внедрение единой постоянно обновляемой интегрированной базы данных объектов интеллектуальной собственности, обеспечивающей: отслеживание в режиме реального времени объектов интеллектуальной собственности, получивших и утративших правовую охрану; автоматическое включение и исключение из Таможенного реестра объектов интеллектуальной собственности соответственно при получении и утрате правовой охраны на объекты интеллектуальной собственности; взаимодействие заинтересованных государственных органов при выявлении и пресечении случаев нарушения прав интеллектуальной собственности. Проект постановления Кабинета Министров июнь 2019 года Минюст (Давлетов), НАПУ (Ли), ГТК (Азимов), ГНК (Мусаев), Департамент по борьбе с экономическими преступлениями (Рахимов), Мининфоком (Садиков) IV. Дальнейшее расширение сотрудничества со Всемирной организацией интеллектуальной собственности (ВОИС) 14. Обсуждение актуальных тенденций правовой охраны интеллектуальной собственности в рамках Международного юридического форума «Tashkent Law Spring». Организационные меры апрель 2019 года Минюст (Давлетов), МИД (Камилов), Центр «Стратегии развития» (Туляков) 15. Увеличение технического содействия ВОИС по переводу и адаптации международных нормативно-правовых актов, технических пособий и научных книг ВОИС. Организационные меры согласно утвержденному графику Минюст (Давлетов), МИД (Камилов), ТГЮУ (Каньязов) 16. Направление национальных специалистов в сфере интеллектуальной собственности, в том числе ее правовой защиты, на стажировку в штаб-квартиру ВОИС. Организационные меры согласно утвержденному графику Минюст (Давлетов), ГТК (Азимов), МИД (Камилов) ТГЮУ (Каньязов) 17. Проведение просветительских мероприятий и работ, направленных на формирование в обществе культуры уважения прав на объекты интеллектуальной собственности. План организационных мер согласно утвержденному графику Минюст (Давлетов), Мининновации (Абдурахмонов), НТРК (Хаджаев)
Президент Республики Узбекистан Ш. МИРЗИЁЕВ
г. Ташкент,
8 февраля 2019 г.,
№ ПП-4168