📅 2019-yil 12-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 12 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 февраля 2019 г. · Постановления Президента
Официальный текст. Официальный документ. Редакционные примечания не включены.
📅 12 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тўқимачилик ва тикув-трикотаж саноатини ислоҳ қилишни янада чуқурлаштириш ва унинг экспорт салоҳиятини кенгайтириш чора-тадбирлари тўғрисида
Республика тўқимачилик ва тикув-трикотаж саноатида юқори ва барқарор ўсиш суръатларини таъминлаш, тўғридан-тўғри хорижий инвестицияларни жалб қилиш ва ўзлаштириш, рақобатбардош маҳсулотларни ишлаб чиқариш ва экспорт қилиш, модернизация қилишнинг стратегик муҳим аҳамиятга эга бўлган лойиҳаларини амалга ошириш ҳисобига юқори технологияли янги иш ўринларини яратиш, корхоналарни техник ва технологик янгилаш, илғор «кластер модели»ни жорий этишга қаратилган таркибий қайта ташкил этишни янада чуқурлаштириш бўйича тизимли ишлар амалга оширилмоқда.
Шу билан бирга, тўқимачилик ва тикув-трикотаж саноати ривожланишининг ҳар томонлама таҳлили, рақобатнинг кучайиши шароитида жаҳон бозорининг ўзгарувчан конъюнктураси соҳани давлат томонидан қўллаб-қувватлаш, шунингдек, янада барқарор ва жадал ривожланиши механизмларини ишлаб чиқиш ҳамда амалга оширишни тақозо этмоқда.
Тўқимачилик ва тикув-трикотаж саноатида амалга оширилаётган ислоҳотларни янада чуқурлаштириш, соҳани жадал ривожлантириш ва диверсификация қилиш учун қулай шарт-шароитлар яратиш, тўқимачиликда ярим тайёр маҳсулотларни чуқур қайта ишлашга инвестициялар ҳажмини ва тайёр маҳсулотлар экспортини ошириш мақсадида:
1. 2019 йил 1 апрелдан шундай тартиб ўрнатилсинки, унга мувофиқ:
а) 2019 — 2021 йилларда ишлаб чиқариладиган тайёр маҳсулотнинг камида 80 фоизини экспорт қиладиган тикув-трикотаж корхоналарига тижорат банкларининг кредитлари бўйича фоизларни тўлаш билан боғлиқ харажатлар Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси маблағлари ҳисобидан қуйидаги тартибда қопланади:
айланма маблағларни тўлдириш (тайёр тўқимачилик маҳсулотлари ишлаб чиқариш учун ип-калава, трикотаж мато, ип газлама ва бошқалар харид қилиш) мақсадида тижорат банклари томонидан миллий валютада бериладиган кредитлар бўйича белгиланган фоиз ставкасининг 25 фоизи миқдорида, аммо 5 фоизли пунктдан юқори бўлмаган ҳолда;
ишлаб чиқаришни модернизация қилиш (бино ва асбоб-ускуналарни сотиб олиш) мақсадида тижорат банклари томонидан хорижий валютада бериладиган кредитлар бўйича белгиланган фоиз ставкасининг 50 фоизи миқдорида;
б) ноль ставкани қўллаш натижасида вужудга келган қўшилган қиймат солиғини қайтариш зарур бўлган ҳужжатлар тўлиқ тақдим этилган кундан эътиборан 7 иш куни давомида солиқ тўловчига тезкорлик билан қайтарилади. Бунда давлат солиқ органларида мавжуд бўлган маълумотлар, шу жумладан, солиқлар ва бошқа мажбурий тўловлар бўйича таққослаш далолатномаси ҳамда қўшилган қиймат солиғи ҳисоб-китобларини тақдим этиш тартиби бекор қилинади;
в) биржа савдолари орқали пахта толасини сотишда қатъий талаб қилинадиган банк кафолатлари бекор қилинади. Бунда тарафлар ўртасида мажбуриятлар бажарилишини таъминлаш тартиби шартнома асосида белгиланади.
Ўзбекистон Республикаси Молия вазирлиги тижорат банклари томонидан тикув-трикотаж корхоналарига берилган кредитлар бўйича фоизларни қоплаш учун зарур бўлган маблағларни 2019 — 2021 йиллар давомида белгиланган тартибда Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармасига ажратсин.
2. Белгилаб қўйилсинки, 2019 йил ҳосилидан бошлаб республика ташкилотларига пахта толасини сотишда қўшилган қиймат солиғи жаҳон бозорларида шаклланган нархлардан қатъи назар, пахта толасининг амалдаги сотиш нархидан келиб чиққан ҳолда ҳисобланади .
3. Ўзбекистон Республикаси Солиқ кодексининг янги таҳрирдаги лойиҳасини ишлаб чиқишни мувофиқлаштириш ҳамда самарасиз солиқ ва божхона имтиёзлари ва преференцияларни бекор қилиш бўйича ишчи комиссия (Б.М. Мавлонов) Ўзбекистон Республикаси Солиқ кодексининг янги таҳририга ушбу қарорнинг 1-бандида назарда тутилган қоидалар киритилишини таъминласин.
4. Ўзбекистон Республикаси Молия вазирлиги Давлат солиқ қўмитаси билан биргаликда бир ой муддатда тадбиркорлик субъектларининг товар айланмасидан вужудга келган ноль ставкадаги қўшилган қиймат солиғини қайтариш тўғрисида тақдим қилган аризаларини кўриб чиқиш бўйича автоматлаштирилган дастурни ишлаб чиқсин ва амалиётга татбиқ этсин.
5. Ўзбекистон Республикаси Вазирлар Маҳкамаси:
уч ой муддатда қуйидагиларни назарда тутувчи 2019 — 2025 йилларда тўқимачилик ва тикув-трикотаж саноатини жадал ривожлантириш Концепциясини тасдиқласин:
комплекс ёндашув асосида хом ашёни қайта ишлаш, тайёр маҳсулотни, шу жумладан, саноат кооперациясини кенгайтириш ҳамда қўллаб-қувватлаш асосида ишлаб чиқариш ва экспорт қилиш, тўқимачилик маҳсулотларини сотишнинг ички ва ташқи бозорларини тадқиқ қилиш;
ички ва ташқи бозорларда маҳсулотлар рақобатбардошлигини таъминлаш бўйича чора-тадбирларни амалга ошириш, қўшимча қиймат яратишнинг ягона занжирини тузиш;
республикада ишлаб чиқариладиган пахта ип-калаваларнинг бутун ҳажмини қайта ишлаш ҳисобига 2025 йилга бориб тўқимачилик маҳсулотлари экспорти ҳажмини 7 млрд. АҚШ долларига етказиш.
6. Ўзбекистон Республикаси Олий ва ўрта махсус таълим вазирлиги:
2019/2020 ўқув йилидан бошлаб Тошкент тўқимачилик ва енгил саноат институтида етакчи хорижий олий ўқув юртларининг қўшма таълим дастурларини ташкил этсин;
икки ой муддатда 2019 йил охирига қадар Ўзбекистон Республикаси ҳудудида хорижий компанияларнинг ўқув-ишлаб чиқариш кластери иштирокида ишлаб чиқариш объектларида таълим жараёнини бевосита амалга оширишни ташкил этиш бўйича таклиф киритсин;
Тошкент тўқимачилик ва енгил саноат институти кадрларининг буюртмачилари битирувчининг базавий контракт тўловини иккинчи босқичда камида 50 фоиз, учинчи босқичда камида 75 фоиз, тўртинчи босқичда 100 фоиз миқдорида тўлаб берган тақдирда, битирувчининг буюртмачи корхонасида меҳнат фаолиятини амалга ошириш мажбурияти тўғрисида шартнома тузилиши тартибини белгилаш чораларини кўрсин;
бир ҳафта муддатда Ўзбекистон Республикаси Вазирлар Маҳкамасига Тошкент тўқимачилик ва енгил саноат институти фаолиятини такомиллаштириш бўйича «Йўл харита»си лойиҳасини киритсин.
7. Ўзбекистон Республикаси Инвестициялар ва ташқи савдо вазирлиги Ташқи ишлар вазирлиги, «Ўзтўқимачиликсаноат» уюшмаси билан биргаликда:
Ўзбекистонда бир йилда камида бир маротаба тўқимачилик тадбирларини жаҳон календарига киритган ҳолда тўқимачилик ва мода индустрияси халқаро кўргазмалари ўтказилиши чораларини кўрсин;
Европа Иттифоқи, Туркия, Kорея, Хитой ва бошқа мамлакатлар билан кўриб чиқилаётган келишувларга миллий тўқимачилик маҳсулотларига нисбатан божхона тўловларини камайтириш ва тартибга солишнинг нотариф чораларини соддалаштириш масалаларини киритсин.
8. «Ўзтўқимачиликсаноат» уюшмаси Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда уч ой муддатда қуйидагиларни назарда тутувчи тўқимачилик ва тикув-трикотаж саноати корхоналарининг ягона ахборот порталини (кейинги ўринларда — портал) ишлаб чиқсин ва ишга туширилишини таъминласин:
тармоқнинг тендер савдолари (танловлар), кўргазма ва ярмаркалар, шу жумладан, хорижий кўргазма ва ярмаркалар рўйхатини эълон қилиш;
кичик тадбиркорлик субъектларини тўқимачилик ва тикув-трикотаж саноати маҳсулотларини экспорт қилишнинг тўлиқ жараёнига масофавий ўқитиш;
бутун дунё мамлакатлари бўйича тўқимачилик ва тикув-трикотаж саноати маҳсулотларини олиб кириш ва олиб чиқиш таҳлили юзасидан тўлиқ ҳисоботлар билан танишиш;
«Тўқимачилик ва тикув-трикотаж саноати корхоналарини давлат томонидан қўллаб-қувватлаш навигатор чоралари»ни жойлаштириш;
тўқимачилик ва тикув-трикотаж саноати ишлаб чиқарувчилар ва хизматлар, материаллар ва хом ашё етказиб берувчилар жойлашуви кўрсатилган Ўзбекистоннинг интерактив харитасини яратиш;
тўқимачилик ва тикув-трикотаж саноати маҳсулотларини ишлаб чиқаришни ташкил этиш учун Ўзбекистоннинг қиёсий устунликларини эълон қилиш;
тўқимачилик ва тикув-трикотаж саноати маҳсулотларини ишлаб чиқарувчиларни қўллаб-қувватлаш мақсадида ташкил этилган онлайн-дастурий маҳсулотларни хорижий аналоглар билан интеграция қилиш;
молия хизматларини, шу жумладан, лизинг контрактлари бўйича қарз маблағларини, ускуналарни ҳамда суғурта хизматларини жалб қилиш бўйича етказиб берувчиларни акс эттириш;
миллий тўқимачилик корхоналари учун ишлаб чиқариладиган ва талаб қилинадиган хизматлар, материаллар ва хом ашёлар номенклатураси ва ҳажмини жойлаштириш.
9. «Ўзстандарт» агентлиги «Ўзтўқимачиликсаноат» уюшмаси билан биргаликда:
2019 йил 15 февралга қадар тўқимачилик ва тикув-трикотаж саноати маҳсулотларига уларни синовдан ўтказиш усулларига талабларни белгиловчи стандартлар бўйича амалдаги норматив-ҳуқуқий ҳужжатларни хатловдан ўтказсин ва халқаро меъёрларни ҳисобга олган ҳолда қайта кўриб чиқилиши лозим бўлган стандартларни белгиласин;
2019 йил 1 мартга қадар тўқимачилик ва тикув-трикотаж саноати маҳсулотларига ва уларни синовдан ўтказиш усулларига халқаро стандартлар рўйхатини белгиласин ва уларни босқичма-босқич қабул қилиш жадвалини тасдиқласин.
10. Ўзбекистон Республикаси Инвестициялар ва ташқи савдо вазирлиги манфаатдор ташкилотлар ва тижорат банклари билан биргаликда икки ой муддатда тўқимачилик ва тикув-трикотаж саноати корхоналарининг амалдаги экспорт шартномалари гарови эвазига уларнинг маҳсулотларини экспортолди молиялаштириш механизмини татбиқ этсин.
11. Ўзбекистон Республикаси Давлат божхона қўмитаси бошқа вазирлик ва идоралар билан биргаликда бир ой муддатда республика ҳудудига тайёр тўқимачилик ва тикув-трикотаж маҳсулотларини ноқонуний олиб киришга қарши курашишни кучайтириш бўйича амалий чора-тадбирлар режасини тасдиқласин.
12. Иқтисодиёт ва саноат вазирлиги «Ўзтўқимачиликсаноат» уюшмаси ва бошқа манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Ўзбекистон Республикаси Президентининг 2018 йил 2 февралдаги Ф-5194-сон фармойиши билан тасдиқланган «Ўзтўқимачиликсаноат» уюшмасига аъзо тўқимачилик ишлаб чиқариш корхоналари томонидан божхона тўловлари тўлашдан (божхона расмийлаштируви учун йиғимлардан ташқари) озод этилган ҳолда импорт қилинадиган, республикада ишлаб чиқарилмайдиган, тўқимачилик маҳсулотларини ишлаб чиқариш учун зарур бўлган сунъий ва синтетик тола, жун, хом ашё ва бошқа материаллар рўйхатида:
«ТИФ ТН коди» устунининг 128-позициясидаги «5509 31 000 0, 5509 32 000 0, 5509 61 000 0» рақамлари чиқариб ташлансин;
129-позиция чиқариб ташлансин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов, Ўзбекистон Республикаси Президенти маслаҳатчисининг ўринбосарлари Б.М. Мавлонов ва Г.К. Саидова зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 12 февраль,
ПҚ-4186-сон
Oʻzbekiston Respublikasi Prezidentining
Qarori
Toʻqimachilik va tikuv-trikotaj sanoatini isloh qilishni yanada chuqurlashtirish va uning eksport salohiyatini kengaytirish chora-tadbirlari toʻgʻrisida
Respublika toʻqimachilik va tikuv-trikotaj sanoatida yuqori va barqaror oʻsish surʼatlarini taʼminlash, toʻgʻridan-toʻgʻri xorijiy investitsiyalarni jalb qilish va oʻzlashtirish, raqobatbardosh mahsulotlarni ishlab chiqarish va eksport qilish, modernizatsiya qilishning strategik muhim ahamiyatga ega boʻlgan loyihalarini amalga oshirish hisobiga yuqori texnologiyali yangi ish oʻrinlarini yaratish, korxonalarni texnik va texnologik yangilash, ilgʻor “klaster modeli”ni joriy etishga qaratilgan tarkibiy qayta tashkil etishni yanada chuqurlashtirish boʻyicha tizimli ishlar amalga oshirilmoqda.
Shu bilan birga, toʻqimachilik va tikuv-trikotaj sanoati rivojlanishining har tomonlama tahlili, raqobatning kuchayishi sharoitida jahon bozorining oʻzgaruvchan konyunkturasi sohani davlat tomonidan qoʻllab-quvvatlash, shuningdek, yanada barqaror va jadal rivojlanishi mexanizmlarini ishlab chiqish hamda amalga oshirishni taqozo etmoqda.
Toʻqimachilik va tikuv-trikotaj sanoatida amalga oshirilayotgan islohotlarni yanada chuqurlashtirish, sohani jadal rivojlantirish va diversifikatsiya qilish uchun qulay shart-sharoitlar yaratish, toʻqimachilikda yarim tayyor mahsulotlarni chuqur qayta ishlashga investitsiyalar hajmini va tayyor mahsulotlar eksportini oshirish maqsadida:
1. 2019-yil 1-apreldan shunday tartib oʻrnatilsinki, unga muvofiq:
a) 2019 — 2021-yillarda ishlab chiqariladigan tayyor mahsulotning kamida 80 foizini eksport qiladigan tikuv-trikotaj korxonalariga tijorat banklarining kreditlari boʻyicha foizlarni toʻlash bilan bogʻliq xarajatlar Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi mablagʻlari hisobidan quyidagi tartibda qoplanadi:
aylanma mablagʻlarni toʻldirish (tayyor toʻqimachilik mahsulotlari ishlab chiqarish uchun ip-kalava, trikotaj mato, ip gazlama va boshqalar xarid qilish) maqsadida tijorat banklari tomonidan milliy valyutada beriladigan kreditlar boʻyicha belgilangan foiz stavkasining 25 foizi miqdorida, ammo 5 foizli punktdan yuqori boʻlmagan holda;
ishlab chiqarishni modernizatsiya qilish (bino va asbob-uskunalarni sotib olish) maqsadida tijorat banklari tomonidan xorijiy valyutada beriladigan kreditlar boʻyicha belgilangan foiz stavkasining 50 foizi miqdorida;
b) nol stavkani qoʻllash natijasida vujudga kelgan qoʻshilgan qiymat soligʻini qaytarish zarur boʻlgan hujjatlar toʻliq taqdim etilgan kundan eʼtiboran 7 ish kuni davomida soliq toʻlovchiga tezkorlik bilan qaytariladi. Bunda davlat soliq organlarida mavjud boʻlgan maʼlumotlar, shu jumladan, soliqlar va boshqa majburiy toʻlovlar boʻyicha taqqoslash dalolatnomasi hamda qoʻshilgan qiymat soligʻi hisob-kitoblarini taqdim etish tartibi bekor qilinadi;
v) birja savdolari orqali paxta tolasini sotishda qatʼiy talab qilinadigan bank kafolatlari bekor qilinadi. Bunda taraflar oʻrtasida majburiyatlar bajarilishini taʼminlash tartibi shartnoma asosida belgilanadi.
Oʻzbekiston Respublikasi Moliya vazirligi tijorat banklari tomonidan tikuv-trikotaj korxonalariga berilgan kreditlar boʻyicha foizlarni qoplash uchun zarur boʻlgan mablagʻlarni 2019 — 2021-yillar davomida belgilangan tartibda Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasiga ajratsin.
2. Belgilab qoʻyilsinki, 2019-yil hosilidan boshlab respublika tashkilotlariga paxta tolasini sotishda qoʻshilgan qiymat soligʻi jahon bozorlarida shakllangan narxlardan qatʼi nazar, paxta tolasining amaldagi sotish narxidan kelib chiqqan holda hisoblanadi .
3. Oʻzbekiston Respublikasi Soliq kodeksining yangi tahrirdagi loyihasini ishlab chiqishni muvofiqlashtirish hamda samarasiz soliq va bojxona imtiyozlari va preferensiyalarni bekor qilish boʻyicha ishchi komissiya (B.M. Mavlonov) Oʻzbekiston Respublikasi Soliq kodeksining yangi tahririga ushbu qarorning 1-bandida nazarda tutilgan qoidalar kiritilishini taʼminlasin.
4. Oʻzbekiston Respublikasi Moliya vazirligi Davlat soliq qoʻmitasi bilan birgalikda bir oy muddatda tadbirkorlik subyektlarining tovar aylanmasidan vujudga kelgan nol stavkadagi qoʻshilgan qiymat soligʻini qaytarish toʻgʻrisida taqdim qilgan arizalarini koʻrib chiqish boʻyicha avtomatlashtirilgan dasturni ishlab chiqsin va amaliyotga tatbiq etsin.
5. Oʻzbekiston Respublikasi Vazirlar Mahkamasi:
uch oy muddatda quyidagilarni nazarda tutuvchi 2019 — 2025-yillarda toʻqimachilik va tikuv-trikotaj sanoatini jadal rivojlantirish Konsepsiyasini tasdiqlasin:
kompleks yondashuv asosida xom ashyoni qayta ishlash, tayyor mahsulotni, shu jumladan, sanoat kooperatsiyasini kengaytirish hamda qoʻllab-quvvatlash asosida ishlab chiqarish va eksport qilish, toʻqimachilik mahsulotlarini sotishning ichki va tashqi bozorlarini tadqiq qilish;
ichki va tashqi bozorlarda mahsulotlar raqobatbardoshligini taʼminlash boʻyicha chora-tadbirlarni amalga oshirish, qoʻshimcha qiymat yaratishning yagona zanjirini tuzish;
respublikada ishlab chiqariladigan paxta ip-kalavalarning butun hajmini qayta ishlash hisobiga 2025-yilga borib toʻqimachilik mahsulotlari eksporti hajmini 7 mlrd. AQSH dollariga yetkazish.
6. Oʻzbekiston Respublikasi Oliy va oʻrta maxsus taʼlim vazirligi:
2019/2020 oʻquv yilidan boshlab Toshkent toʻqimachilik va yengil sanoat institutida yetakchi xorijiy oliy oʻquv yurtlarining qoʻshma taʼlim dasturlarini tashkil etsin;
ikki oy muddatda 2019-yil oxiriga qadar Oʻzbekiston Respublikasi hududida xorijiy kompaniyalarning oʻquv-ishlab chiqarish klasteri ishtirokida ishlab chiqarish obyektlarida taʼlim jarayonini bevosita amalga oshirishni tashkil etish boʻyicha taklif kiritsin;
Toshkent toʻqimachilik va yengil sanoat instituti kadrlarining buyurtmachilari bitiruvchining bazaviy kontrakt toʻlovini ikkinchi bosqichda kamida 50 foiz, uchinchi bosqichda kamida 75 foiz, toʻrtinchi bosqichda 100 foiz miqdorida toʻlab bergan taqdirda, bitiruvchining buyurtmachi korxonasida mehnat faoliyatini amalga oshirish majburiyati toʻgʻrisida shartnoma tuzilishi tartibini belgilash choralarini koʻrsin;
bir hafta muddatda Oʻzbekiston Respublikasi Vazirlar Mahkamasiga Toshkent toʻqimachilik va yengil sanoat instituti faoliyatini takomillashtirish boʻyicha “Yoʻl xarita”si loyihasini kiritsin.
7. Oʻzbekiston Respublikasi Investitsiyalar va tashqi savdo vazirligi Tashqi ishlar vazirligi, “Oʻztoʻqimachiliksanoat” uyushmasi bilan birgalikda:
Oʻzbekistonda bir yilda kamida bir marotaba toʻqimachilik tadbirlarini jahon kalendariga kiritgan holda toʻqimachilik va moda industriyasi xalqaro koʻrgazmalari oʻtkazilishi choralarini koʻrsin;
Yevropa Ittifoqi, Turkiya, Koreya, Xitoy va boshqa mamlakatlar bilan koʻrib chiqilayotgan kelishuvlarga milliy toʻqimachilik mahsulotlariga nisbatan bojxona toʻlovlarini kamaytirish va tartibga solishning notarif choralarini soddalashtirish masalalarini kiritsin.
8. “Oʻztoʻqimachiliksanoat” uyushmasi Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda uch oy muddatda quyidagilarni nazarda tutuvchi toʻqimachilik va tikuv-trikotaj sanoati korxonalarining yagona axborot portalini (keyingi oʻrinlarda — portal) ishlab chiqsin va ishga tushirilishini taʼminlasin:
tarmoqning tender savdolari (tanlovlar), koʻrgazma va yarmarkalar, shu jumladan, xorijiy koʻrgazma va yarmarkalar roʻyxatini eʼlon qilish;
kichik tadbirkorlik subyektlarini toʻqimachilik va tikuv-trikotaj sanoati mahsulotlarini eksport qilishning toʻliq jarayoniga masofaviy oʻqitish;
butun dunyo mamlakatlari boʻyicha toʻqimachilik va tikuv-trikotaj sanoati mahsulotlarini olib kirish va olib chiqish tahlili yuzasidan toʻliq hisobotlar bilan tanishish;
“Toʻqimachilik va tikuv-trikotaj sanoati korxonalarini davlat tomonidan qoʻllab-quvvatlash navigator choralari”ni joylashtirish;
toʻqimachilik va tikuv-trikotaj sanoati ishlab chiqaruvchilar va xizmatlar, materiallar va xom ashyo yetkazib beruvchilar joylashuvi koʻrsatilgan Oʻzbekistonning interaktiv xaritasini yaratish;
toʻqimachilik va tikuv-trikotaj sanoati mahsulotlarini ishlab chiqarishni tashkil etish uchun Oʻzbekistonning qiyosiy ustunliklarini eʼlon qilish;
toʻqimachilik va tikuv-trikotaj sanoati mahsulotlarini ishlab chiqaruvchilarni qoʻllab-quvvatlash maqsadida tashkil etilgan onlayn-dasturiy mahsulotlarni xorijiy analoglar bilan integratsiya qilish;
moliya xizmatlarini, shu jumladan, lizing kontraktlari boʻyicha qarz mablagʻlarini, uskunalarni hamda sugʻurta xizmatlarini jalb qilish boʻyicha yetkazib beruvchilarni aks ettirish;
milliy toʻqimachilik korxonalari uchun ishlab chiqariladigan va talab qilinadigan xizmatlar, materiallar va xom ashyolar nomenklaturasi va hajmini joylashtirish.
9. “Oʻzstandart” agentligi “Oʻztoʻqimachiliksanoat” uyushmasi bilan birgalikda:
2019-yil 15-fevralga qadar toʻqimachilik va tikuv-trikotaj sanoati mahsulotlariga ularni sinovdan oʻtkazish usullariga talablarni belgilovchi standartlar boʻyicha amaldagi normativ-huquqiy hujjatlarni xatlovdan oʻtkazsin va xalqaro meʼyorlarni hisobga olgan holda qayta koʻrib chiqilishi lozim boʻlgan standartlarni belgilasin;
2019-yil 1-martga qadar toʻqimachilik va tikuv-trikotaj sanoati mahsulotlariga va ularni sinovdan oʻtkazish usullariga xalqaro standartlar roʻyxatini belgilasin va ularni bosqichma-bosqich qabul qilish jadvalini tasdiqlasin.
10. Oʻzbekiston Respublikasi Investitsiyalar va tashqi savdo vazirligi manfaatdor tashkilotlar va tijorat banklari bilan birgalikda ikki oy muddatda toʻqimachilik va tikuv-trikotaj sanoati korxonalarining amaldagi eksport shartnomalari garovi evaziga ularning mahsulotlarini eksportoldi moliyalashtirish mexanizmini tatbiq etsin.
11. Oʻzbekiston Respublikasi Davlat bojxona qoʻmitasi boshqa vazirlik va idoralar bilan birgalikda bir oy muddatda respublika hududiga tayyor toʻqimachilik va tikuv-trikotaj mahsulotlarini noqonuniy olib kirishga qarshi kurashishni kuchaytirish boʻyicha amaliy chora-tadbirlar rejasini tasdiqlasin.
12. Iqtisodiyot va sanoat vazirligi “Oʻztoʻqimachiliksanoat” uyushmasi va boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
13. Oʻzbekiston Respublikasi Prezidentining 2018-yil 2-fevraldagi F-5194-son farmoyishi bilan tasdiqlangan “Oʻztoʻqimachiliksanoat” uyushmasiga aʼzo toʻqimachilik ishlab chiqarish korxonalari tomonidan bojxona toʻlovlari toʻlashdan (bojxona rasmiylashtiruvi uchun yigʻimlardan tashqari) ozod etilgan holda import qilinadigan, respublikada ishlab chiqarilmaydigan, toʻqimachilik mahsulotlarini ishlab chiqarish uchun zarur boʻlgan sunʼiy va sintetik tola, jun, xom ashyo va boshqa materiallar roʻyxatida:
“TIF TN kodi” ustunining 128-pozitsiyasidagi “5509 31 000 0, 5509 32 000 0, 5509 61 000 0” raqamlari chiqarib tashlansin;
129-pozitsiya chiqarib tashlansin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining oʻrinbosarlari B.M. Mavlonov va G.K. Saidova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 12-fevral,
PQ-4186-son
Президента Республики Узбекистан
Постановление
О мерах по дальнейшему углублению реформ и расширению экспортного потенциала текстильной и швейно-трикотажной промышленности
В республике осуществляется системная работа по дальнейшему углублению структурных преобразований в текстильной и швейно-трикотажной промышленности, направленных на обеспечение высоких и устойчивых темпов роста, привлечение и освоение прямых иностранных инвестиций, производство и экспорт конкурентоспособной продукции, создание новых высокотехнологичных рабочих мест за счет реализации стратегически значимых проектов модернизации, технического и технологического обновления предприятий, внедрения прогрессивной «кластерной модели».
Вместе с тем, всесторонний анализ развития текстильной и швейно-трикотажной промышленности, меняющаяся конъюнктура мировых рынков в условиях усиливающейся конкуренции требуют выработки и реализации мер государственной поддержки, а также механизмов дальнейшего устойчивого и опережающего развития отрасли.
В целях дальнейшего углубления проводимых реформ в текстильной и швейно-трикотажной промышленности, создания благоприятных условий для ускоренного развития и диверсификации отрасли, увеличения объемов инвестиций в глубокую переработку текстильных полуфабрикатов и экспорта готовой продукции:
1. Установить с 1 апреля 2019 года порядок, в соответствии с которым:
а) расходы, связанные с выплатой процентов по кредитам коммерческих банков, выделяемым швейно-трикотажным предприятиям в 2019 — 2021 годах, осуществляющим экспорт не менее 80 процентов производимой готовой продукции , покрываются за счет средств Государственного фонда поддержки развития предпринимательской деятельности при Кабинете Министров Республики Узбекистан в следующем порядке:
в размере 25 процентов от установленной коммерческим банком процентной ставки по кредитам, выдаваемым в национальной валюте на пополнение оборотных средств (на приобретение пряжи, полотна, тканей и материалов для производства готовой текстильной продукции), но не более чем на 5 процентных пунктов;
в размере 50 процентов от установленной коммерческим банком процентной ставки по кредитам, выдаваемым в иностранной валюте на модернизацию производства (приобретение зданий и оборудования);
б) возврат налогоплательщику суммы налога на добавленную стоимость, образовавшейся в результате применения нулевой ставки, осуществляется в ускоренном порядке в течение 7 рабочих дней со дня предоставления необходимых документов в полном объеме . При этом отменяется требование по предоставлению сведений, которые имеются в наличии у органов государственной налоговой службы, в том числе акта сверки по налогам и другим обязательным платежам и расчетов по налогу на добавленную стоимость;
в) отменяется исключительное требование о предоставлении банковской гарантии при реализации хлопкового волокна через биржевые торги. При этом способ обеспечения исполнения обязательств определяется между сторонами на договорной основе.
Министерству финансов Республики Узбекистан выделить в течение 2019 — 2021 годов в установленном порядке Государственному фонду поддержки развития предпринимательской деятельности при Кабинете Министров Республики Узбекистан средства, необходимые для предоставления компенсации процентов по кредитам, выдаваемым коммерческими банками для швейно-трикотажных предприятий.
2. Определить, что, начиная с урожая 2019 года, при реализации хлопкового волокна организациям республики налог на добавленную стоимость исчисляется исходя из фактической цены его реализации независимо от сложившихся мировых цен на хлопковое волокно.
3. Рабочей комиссии по координации разработки проекта Налогового кодекса Республики Узбекистан в новой редакции и отмене неэффективных налоговых и таможенных льгот и преференций (Б.М. Мавлонов) обеспечить включение в новую редакцию Налогового кодекса Республики Узбекистан норм, предусмотренных в пункте 1 настоящего постановления.
4. Министерству финансов совместно с Государственным налоговым комитетом Республики Узбекистан в месячный срок разработать и внедрить автоматизированную программу по рассмотрению заявлений субъектов предпринимательства о возврате суммы налога на добавленную стоимость, образовавшейся за счет оборота, облагаемого по нулевой ставке.
5. Кабинету Министров Республики Узбекистан:
в трехмесячный срок утвердить Концепцию ускоренного развития текстильной и швейно-трикотажной промышленности на период 2019 — 2025 годов, предусматривающую:
комплексный подход к переработке сырья, производству и экспорту готовой продукции, в том числе на основе расширения и поддержки промышленной кооперации, проведения исследований внутреннего и внешних рынков сбыта текстильной продукции;
реализацию мер по обеспечению конкурентоспособности продукции на внутреннем и внешних рынках, выстраиванию единой цепочки создания добавленной стоимости;
доведение объемов экспорта текстильной продукции к 2025 году до 7 млрд. долларов США за счет переработки всего объема производимой в республике хлопчатобумажной пряжи;
6. Министерству высшего и среднего специального образования Республики Узбекистан:
организовать, начиная с 2019/2020 учебного года, совместные образовательные программы ведущих зарубежных высших образовательных учреждений в Ташкентском институте текстильной и легкой промышленности;
в двухмесячный срок внести предложения по созданию до конца 2019 года на территории Республики Узбекистан производственно-учебного кластера с участием зарубежных компаний, предусматривающего осуществление учебного процесса непосредственно на производственных объектах;
принять меры по установлению порядка, согласно которому заказчики кадров Ташкентского института текстильной и легкой промышленности составляют договор об обязательстве выпускника осуществлять трудовую деятельность на предприятии заказчика при оплате заказчиком базовой суммы контракта в размере не менее 50 процентов на втором курсе, не менее 75 процентов на третьем курсе и 100 процентов на четвертом курсе;
в недельный срок внести в Кабинет Министров Республики Узбекистан проект «Дорожной карты» по совершенствованию деятельности Ташкентского института текстильной и легкой промышленности.
7. Министерству инвестиций и внешней торговли совместно с Министерством иностранных дел Республики Узбекистан и Ассоциацией «Узтекстильпром»:
принять меры по проведению в Узбекистане не реже одного раза в год международной выставки текстильной и модной индустрии с ее включением в мировой календарь текстильных событий;
включить в прорабатываемые соглашения с Европейским союзом, Турцией, Кореей, Китаем и другими странами вопрос снижения таможенных пошлин и упрощения нетарифных мер регулирования в отношении отечественной текстильной продукции.
8. Ассоциации «Узтекстильпром» совместно с Национальным агентством проектного управления при Президенте Республики Узбекистан в трехмесячный срок разработать и обеспечить запуск единого информационного портала текстильных и швейно-трикотажных предприятий (далее — портал), предусматривающего:
публикацию списка тендеров (конкурсов), выставок и ярмарок отрасли, в том числе зарубежных;
дистанционное обучение субъектов малого предпринимательства полному циклу экспорта продукции текстильной и швейно-трикотажной промышленности;
ознакомление с полноценными отчетами — анализом ввоза и вывоза продукции текстильной и швейно-трикотажной промышленности по всем странам мира;
размещение «Навигатора мер государственной поддержки текстильных и швейно-трикотажных предприятий»;
создание интерактивной карты Узбекистана с указанием дислокации производителей продукции текстильной и швейно-трикотажной промышленности и поставщиков соответствующих услуг, материалов и сырья;
публикацию сравнительных преимуществ Узбекистана для организации производства продукции текстильной и швейно-трикотажной промышленности;
интеграцию с зарубежными аналогами онлайн-программных продуктов, созданных для поддержки производителей продукции текстильной и швейно-трикотажной промышленности;
отображение поставщиков финансовых услуг, в том числе по привлечению заемных средств, оборудования по лизинговым контрактам и страховых услуг;
размещение номенклатуры и объемов услуг, материалов и сырья, производимых и требуемых для отечественных текстильных предприятий.
9. Агентству «Узстандарт» совместно с Ассоциацией «Узтекстильпром»:
в срок до 15 февраля 2019 года провести инвентаризацию действующих нормативных документов по стандартизации, устанавливающих требования к продукции текстильной и швейно-трикотажной промышленности и методам ее испытания, определив стандарты, подлежащие пересмотру с учетом международных норм;
в срок до 1 марта 2019 года определить перечень международных стандартов к продукции текстильной и швейно-трикотажной промышленности и методам ее испытания и утвердить график их поэтапного принятия.
10. Министерству инвестиций и внешней торговли Республики Узбекистан совместно с заинтересованными организациями и коммерческими банками в двухмесячный срок внедрить механизм предэкспортного финансирования текстильных и швейно-трикотажных предприятий под залог действующих контрактов на экспорт их продукции.
11. Государственному таможенному комитету Республики Узбекистан совместно с другими министерствами и ведомствами в месячный срок утвердить план практических мер по усилению противодействия незаконному ввозу готовой текстильной и швейно-трикотажной продукции на территорию республики.
12. Министерству экономики и промышленности совместно с Ассоциацией «Узтекстильпром» и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. В Перечне искусственного и синтетического волокна, шерсти, сырья и иных материалов, необходимых для производства текстильной продукции и не производимых в республике, импортируемых предприятиями текстильной промышленности — членами Ассоциации «Узтекстильпром» с освобождением от уплаты таможенных платежей (за исключением сборов за таможенное оформление), утвержденного распоряжением Президента Республики Узбекистан от 2 февраля 2018 года № Р-5194:
из позиции 128 графы «Код ТН ВЭД» цифры «5509 31 000 0, 5509 32 000 0, 5509 61 000 0» исключить;
позицию 129 исключить.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова, заместителей советника Президента Республики Узбекистан Б.М. Мавлонова и Г.К. Саидову.
Президент Республики Узбекистан Ш. МИРЗИЁЕВ
г. Ташкент,
12 февраля 2019 г.,
№ ПП-4186