📅 2019-yil 13-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 февраля 2019 г. · Постановления Президента
Официальный текст. Официальный документ. Редакционные примечания не включены.
📅 13 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартириш ва қўшимча киритиш тўғрисида
Республика миқёсида электр энергияси назорати ва ҳисобининг автоматлаштирилган тизимини жорий этиш доирасидаги харид тартиб-таомилларида маҳаллий ишлаб чиқарувчиларнинг максимал иштирокини таъминлаш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартириш ва қўшимча киритилсин.
2. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 13 февралдаги ПҚ-4189-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимча
1. Ўзбекистон Республикаси Президентининг 2017 йил 13 ноябрдаги «Электр энергияси ва табиий газ назорати ва ҳисобининг автоматлаштирилган тизимини жадал жорий этиш чора-тадбирлари тўғрисида»ги ПҚ-3384-сон қарори 9-банди ўз кучини йўқотган деб топилсин.
2. Ўзбекистон Республикаси Президентининг 2018 йил 23 октябрдаги «Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида»ги ПҚ-3981-сон қарори 4-банди қуйидаги мазмундаги хатбоши билан тўлдирилсин:
«Электр энергиясини ҳисоблаш қурилмаларини маҳаллий ишлаб чиқарувчилар 2022 йил 1 январга қадар ушбу қарор доирасида «Ўзбекэнерго» АЖ билан тузилган шартномалар бўйича етказиб бериладиган электр энергиясини ҳисоблаш қурилмалари ва қўшимча асбоб-ускуналарни ишлаб чиқариш учун фойдаланиладиган бутловчи қисмлар, хом ашё ва материалларни олиб кирганлик учун божхона тўловлари (божхона расмийлаштируви учун йиғимлар бундан мустасно), шунингдек, мазкур электр энергиясини ҳисоблаш қурилмалари ва қўшимча асбоб-ускуналарни сотишда қўшилган қиймат солиғи тўлашдан озод этилсин».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 13 февраль,
ПҚ-4189-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirish va qoʻshimcha kiritish toʻgʻrisida
Respublika miqyosida elektr energiyasi nazorati va hisobining avtomatlashtirilgan tizimini joriy etish doirasidagi xarid tartib-taomillarida mahalliy ishlab chiqaruvchilarning maksimal ishtirokini taʼminlash maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirish va qoʻshimcha kiritilsin.
2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 13-fevraldagi PQ-4189-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimcha
1. Oʻzbekiston Respublikasi Prezidentining 2017-yil 13-noyabrdagi “Elektr energiyasi va tabiiy gaz nazorati va hisobining avtomatlashtirilgan tizimini jadal joriy etish chora-tadbirlari toʻgʻrisida”gi PQ-3384-son qarori 9-bandi oʻz kuchini yoʻqotgan deb topilsin.
2. Oʻzbekiston Respublikasi Prezidentining 2018-yil 23-oktabrdagi “Elektr energetikasi tarmogʻini jadal rivojlantirish va moliyaviy barqarorligini taʼminlash chora-tadbirlari toʻgʻrisida”gi PQ-3981-son qarori 4-bandi quyidagi mazmundagi xatboshi bilan toʻldirilsin:
“Elektr energiyasini hisoblash qurilmalarini mahalliy ishlab chiqaruvchilar 2022-yil 1-yanvarga qadar ushbu qaror doirasida “Oʻzbekenergo” AJ bilan tuzilgan shartnomalar boʻyicha yetkazib beriladigan elektr energiyasini hisoblash qurilmalari va qoʻshimcha asbob-uskunalarni ishlab chiqarish uchun foydalaniladigan butlovchi qismlar, xomashyo va materiallarni olib kirganlik uchun bojxona toʻlovlari (bojxona rasmiylashtiruvi uchun yigʻimlar bundan mustasno), shuningdek, mazkur elektr energiyasini hisoblash qurilmalari va qoʻshimcha asbob-uskunalarni sotishda qoʻshilgan qiymat soligʻi toʻlashdan ozod etilsin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 13-fevral,
PQ-4189-son
Президента Республики Узбекистан
Постановление
О внесении изменения и дополнения в некоторые постановления Президента Республики Узбекистан
В целях обеспечения максимального участия отечественных производителей в закупочных процедурах в рамках внедрения автоматизированной системы контроля и учета электрической энергии по всей республике:
1. Внести изменение и дополнение в некоторые постановления Президента Республики Узбекистан согласно приложению .
2. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 13 февраля 2019 года № ПП-4189
Изменение и дополнение, вносимые в некоторые постановления Президента Республики Узбекистан
1. Пункт 9 постановления Президента Республики Узбекистан от 13 ноября 2017 года № ПП-3384 «О мерах по ускоренному внедрению автоматизированной системы контроля и учета электрической энергии и природного газа» признать утратившим силу.
2. Пункт 4 постановления Президента Республики Узбекистан от 23 октября 2018 года № ПП-3981 «О мерах по ускоренному развитию и обеспечению финансовой устойчивости электроэнергетической отрасли» дополнить абзацем следующего содержания:
«Освободить отечественных производителей приборов учета электрической энергии на срок до 1 января 2022 года от уплаты таможенных платежей (за исключением сборов за таможенное оформление) за ввоз комплектующих, сырья и материалов, используемых для производства приборов учета электрической энергии и сопутствующего оборудования, поставляемых по заключенным договорам с АО «Узбекэнерго» в рамках настоящего постановления, а также налога на добавленную стоимость при реализации указанных приборов учета электрической энергии и сопутствующего оборудования».
Президент Республики Узбекистан Ш. МИРЗИЁЕВ
г. Ташкент,
13 февраля 2019 г.,
№ ПП-4189