📅 2019-yil 13-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 13 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Юксалиш» умуммиллий ҳаракати — нодавлат нотижорат ташкилоти ва унинг ҳудудий бўлинмалари фаолиятини ташкил этиш чора-тадбирлари тўғрисида
Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури тўғрисида» 2019 йил 17 январдаги ПФ-5635-сон Фармонини ижро этиш юзасидан, шунингдек, «Юксалиш» умуммиллий ҳаракати — нодавлат нотижорат ташкилоти фаолиятини янада қўллаб-қувватлаш мақсадида Вазирлар Маҳкамаси қарор қилади:
1. Қуйидагилар:
а) Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури тўғрисида» 2019 йил 17 январдаги ПФ-5635-сон Фармонининг 25-бандига мувофиқ:
«Юксалиш» умуммиллий ҳаракати — нодавлат нотижорат ташкилоти (кейинги ўринларда «Юксалиш» ҳаракати деб аталади) ҳамда унинг Қорақалпоғистон Республикаси, вилоятлар ва Тошкент шаҳрида ҳудудий бўлинмалари ташкил этилганлиги;
режалаштирилган ислоҳотларни, шу жумладан, Ўзбекистон Республикаси Президентининг 2019 йил 17 январдаги ПФ-5635-сон Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурида назарда тутилган ислоҳотларни амалга оширишга кўмаклашиш мақсадида фуқаролар, хорижда яшаётган ватандошлар ва нодавлат нотижорат ташкилотларни ихтиёрийлик асосида бирлаштиришдан, шу жумладан:
халқ ва бизнес ҳамжамияти билан очиқ мулоқотни йўлга қўйиш;
жамоатчилик назоратининг самарали тизимини шакллантириш;
давлат ҳокимияти ва бошқаруви органлари, нодавлат нотижорат ташкилотлар ва фуқаролик жамиятининг бошқа институтлари, шунингдек, фуқаролар, айниқса, ёшларнинг саъй-ҳаракатлари ва кучларини сафарбар этиш;
режалаштирилган, шу жумладан, Давлат дастурида назарда тутилган ислоҳотларнинг амалга оширилиши жараёнини Ўзбекистон Республикаси Олий Мажлиси палаталари ва халқ депутатлари маҳаллий Кенгашларида муҳокама қилишда фаол иштирок этиш;
Ўзбекистон Республикаси Олий Мажлиси палаталари, Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасига таҳлилий ахборот ва таклифларни мунтазам киритиш «Юксалиш» ҳаракатининг асосий вазифаси этиб белгиланганлиги;
б) Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури тўғрисида» 2019 йил 17 январдаги ПФ-5635-сон Фармонининг 26-бандига мувофиқ Адлия вазирлигига «Юксалиш» умуммиллий ҳаракати ва «Тараққиёт стратегияси» маркази билан биргаликда:
Давлат дастури амалга оширилишининг боришини тизимли мониторинг қилиш, уни сифатли ва ўз вақтида бажариш учун қўшимча чоралар кўриш бўйича тавсиялар ишлаб чиқиш;
Давлат дастури амалга оширилишининг бориши тўғрисидаги ахборотни ҳар ойда умумлаштириш ҳамда якунларини аниқ кўрсаткичлар ва эришилган ижобий ўзгаришларни акс эттирган ҳолда ўз веб-сайтларида жойлаштириш;
мониторинг натижалари тўғрисидаги ахборотни ҳар чоракда Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасига киритиш;
Давлат дастури амалга оширилиши якунларига бағишланган ахборот-таҳлилий шарҳларни тайёрлаш, уларни хорижий тилларда эълон қилиш ва кенг тарқатишни таъминлаш топширилганлиги;
в) Ўзбекистон Республикаси Олий Мажлиси ҳузуридаги Фуқаролик жамияти институтларини қўллаб-қувватлаш жамоат фонди маблағларини бошқариш бўйича парламент комиссияси ҳамда «Юксалиш» ҳаракатининг муассислари — ташкилотлар томонидан ҳар йили «Юксалиш» ҳаракатининг асосланган буюртманомалари асосида «Юксалиш» ҳаракати марказий аппарати ва унинг ҳудудий бўлинмалари ходимлари меҳнатига ҳақ тўлаш, шунингдек, «Юксалиш» ҳаракатининг асосий вазифаларини бажариш доирасидаги тадбирларни ташкил этиш ва ўтказишни молиялаштириш учун зарур маблағлар ажратилиши маълумот учун қабул қилинсин.
2. Белгилансинки:
давлат бошқаруви органлари, маҳаллий ижро этувчи ҳокимият органлари ўз фаолиятини нодавлат нотижорат ташкилотларнинг мустақиллиги ва улар фаолиятига аралашмаслик принципларига қатъий риоя қилган ҳолда «Юксалиш» ҳаракати билан ўзаро яқин ҳамкорликда амалга оширадилар;
давлат бошқаруви органлари, маҳаллий ижро этувчи ҳокимият органлари раҳбарлари «Юксалиш» ҳаракатининг ишини ташкил этилиши ва амалга оширилишида, шу жумладан, сўралаётган маълумотларни ўз вақтида тақдим этиш, «Юксалиш» ҳаракати тадбирлари якунлари бўйича киритилган материаллар ва тавсияларни кўриб чиқиш йўли билан зарур шарт-шароитлар яратадилар ва ҳар томонлама кўмаклашадилар;
«Юксалиш» ҳаракати раиси мақоми, тиббий ва транспорт таъминоти шарт-шароитларига кўра вазирга тенглаштирилади.
3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда «Юксалиш» ҳаракатининг ҳудудий бўлинмаларига уларнинг биноларини зарур техника, автотранспорт воситаси, офис анжомлари, мебель ва алоқа воситалари, шу жумладан, кенг полосали бутунжаҳон Интернет ахборот тармоғи билан жиҳозланишини қуйидаги манбалар ҳисобига таъминласинлар:
Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг қўшимча манбалари;
қонунчилик билан тақиқланмаган бошқа манбалар.
4. Ўзбекистон миллий телерадиокомпанияси ва «Юксалиш» ҳаракатининг марказий ва маҳаллий телеканалларда давлат ҳокимияти ва бошқаруви органларининг мансабдор шахслари, жамоатчилик ва фуқаролик жамияти институтлари вакиллари иштирокида:
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш чора-тадбирларига;
очиқ мулоқотни йўлга қўйиш, давлат органларининг аҳоли ва фуқаролик жамияти институтлари билан ўзаро ҳамкорлиги, ўсиб келаётган авлодни қонунларга, умуминсоний ва миллий қадриятларга ҳурмат руҳида тарбиялашнинг долзарб масалаларини муҳокама қилишга;
«Юксалиш» ҳаракати томонидан олиб борилган мониторинглар натижаларини кўриб чиқишга ва давлат органлари фаолиятини таҳлил қилишга, аниқланган ҳуқуқбузарликларни, тизимли камчиликлар ва муаммоларни бартараф этиш чора-тадбирлари тўғрисида аҳолини хабардор қилишга бағишланган биргаликдаги телекўрсатувлар намойишини ташкил этиш тўғрисидаги таклифига розилик берилсин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги «Юксалиш» ҳаракатини зарур алоқа воситалари, шу жумладан, ҳукумат алоқаси билан белгиланган тартибда таъминласин.
6. «Юксалиш» ҳаракати:
Давлат статистика қўмитаси, молия, иқтисодиёт ва саноат, бандлик ва меҳнат муносабатлари, ички ишлар вазирликлари, Давлат солиқ қўмитаси, Давлат божхона қўмитаси, Ўзбекистон Республикаси Бош прокуратураси, Олий суди, бошқа вазирликлар ва идораларнинг статистика ахбороти;
Ўзбекистон Республикаси Молия вазирлиги ҳузуридаги Бюджет-солиқ тадқиқотлари институти ва Ўзбекистон Республикаси Иқтисодиёт ва саноат вазирлиги ҳузуридаги Прогнозлаштириш ва макроиқтисодий тадқиқотлар институтининг таҳлилий материаллари мажбурий юбориладиган реестрга киритилсин.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Давлат активларини бошқариш агентлиги ва Молия вазирлигининг Тошкент шаҳар, Юнусобод тумани, Ш. Рашидов кўчаси, 16-уй манзилида жойлашган «Пойтахт» бизнес маркази 5-қаватининг бир қисмини (842 кв.м) «Юксалиш» ҳаракатининг марказий аппаратини жойлаштириш учун, шунингдек, Қорақалпоғистон Республикаси, вилоятлар ва Тошкент шаҳрида тегишли биноларни ҳудудий бўлинмаларни жойлаштириш учун текин фойдаланиш ҳуқуқи асосида «Юксалиш» ҳаракатига бериш тўғрисидаги таклифига розилик берилсин.
8. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибиятига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 13 февраль,
124-сон
Oʻzbekiston Respublikasi Vazirlar Mahkamasining
qarori
“Yuksalish” umummilliy harakati — nodavlat notijorat tashkiloti va uning hududiy boʻlinmalari faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi toʻgʻrisida” 2019-yil 17-yanvardagi PF-5635-son Farmonini ijro etish yuzasidan, shuningdek, “Yuksalish” umummilliy harakati — nodavlat notijorat tashkiloti faoliyatini yanada qoʻllab-quvvatlash maqsadida Vazirlar Mahkamasi qaror qiladi:
1. Quyidagilar:
a) Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi toʻgʻrisida” 2019-yil 17-yanvardagi PF-5635-son Farmonining 25-bandiga muvofiq:
“Yuksalish” umummilliy harakati — nodavlat notijorat tashkiloti (keyingi oʻrinlarda “Yuksalish” harakati deb ataladi) hamda uning Qoraqalpogʻiston Respublikasi, viloyatlar va Toshkent shahrida hududiy boʻlinmalari tashkil etilganligi;
rejalashtirilgan islohotlarni, shu jumladan, Oʻzbekiston Respublikasi Prezidentining 2019-yil 17-yanvardagi PF-5635-son Farmoni bilan tasdiqlangan 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida nazarda tutilgan islohotlarni amalga oshirishga koʻmaklashish maqsadida fuqarolar, xorijda yashayotgan vatandoshlar va nodavlat notijorat tashkilotlarni ixtiyoriylik asosida birlashtirishdan, shu jumladan:
xalq va biznes hamjamiyati bilan ochiq muloqotni yoʻlga qoʻyish;
jamoatchilik nazoratining samarali tizimini shakllantirish;
davlat hokimiyati va boshqaruvi organlari, nodavlat notijorat tashkilotlar va fuqarolik jamiyatining boshqa institutlari, shuningdek, fuqarolar, ayniqsa, yoshlarning saʼy-harakatlari va kuchlarini safarbar etish;
rejalashtirilgan, shu jumladan, Davlat dasturida nazarda tutilgan islohotlarning amalga oshirilishi jarayonini Oʻzbekiston Respublikasi Oliy Majlisi palatalari va xalq deputatlari mahalliy Kengashlarida muhokama qilishda faol ishtirok etish;
Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga tahliliy axborot va takliflarni muntazam kiritish “Yuksalish” harakatining asosiy vazifasi etib belgilanganligi;
b) Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi toʻgʻrisida” 2019-yil 17-yanvardagi PF-5635-son Farmonining 26-bandiga muvofiq Adliya vazirligiga “Yuksalish” umummilliy harakati va “Taraqqiyot strategiyasi” markazi bilan birgalikda:
Davlat dasturi amalga oshirilishining borishini tizimli monitoring qilish, uni sifatli va oʻz vaqtida bajarish uchun qoʻshimcha choralar koʻrish boʻyicha tavsiyalar ishlab chiqish;
Davlat dasturi amalga oshirilishining borishi toʻgʻrisidagi axborotni har oyda umumlashtirish hamda yakunlarini aniq koʻrsatkichlar va erishilgan ijobiy oʻzgarishlarni aks ettirgan holda oʻz veb-saytlarida joylashtirish;
monitoring natijalari toʻgʻrisidagi axborotni har chorakda Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga kiritish;
Davlat dasturi amalga oshirilishi yakunlariga bagʻishlangan axborot-tahliliy sharhlarni tayyorlash, ularni xorijiy tillarda eʼlon qilish va keng tarqatishni taʼminlash topshirilganligi;
v) Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi hamda “Yuksalish” harakatining muassislari — tashkilotlar tomonidan har yili “Yuksalish” harakatining asoslangan buyurtmanomalari asosida “Yuksalish” harakati markaziy apparati va uning hududiy boʻlinmalari xodimlari mehnatiga haq toʻlash, shuningdek, “Yuksalish” harakatining asosiy vazifalarini bajarish doirasidagi tadbirlarni tashkil etish va oʻtkazishni moliyalashtirish uchun zarur mablagʻlar ajratilishi maʼlumot uchun qabul qilinsin.
2. Belgilansinki:
davlat boshqaruvi organlari, mahalliy ijro etuvchi hokimiyat organlari oʻz faoliyatini nodavlat notijorat tashkilotlarning mustaqilligi va ular faoliyatiga aralashmaslik prinsiplariga qatʼiy rioya qilgan holda “Yuksalish” harakati bilan oʻzaro yaqin hamkorlikda amalga oshiradilar;
davlat boshqaruvi organlari, mahalliy ijro etuvchi hokimiyat organlari rahbarlari “Yuksalish” harakatining ishini tashkil etilishi va amalga oshirilishida, shu jumladan, soʻralayotgan maʼlumotlarni oʻz vaqtida taqdim etish, “Yuksalish” harakati tadbirlari yakunlari boʻyicha kiritilgan materiallar va tavsiyalarni koʻrib chiqish yoʻli bilan zarur shart-sharoitlar yaratadilar va har tomonlama koʻmaklashadilar;
“Yuksalish” harakati raisi maqomi, tibbiy va transport taʼminoti shart-sharoitlariga koʻra vazirga tenglashtiriladi.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda “Yuksalish” harakatining hududiy boʻlinmalariga ularning binolarini zarur texnika, avtotransport vositasi, ofis anjomlari, mebel va aloqa vositalari, shu jumladan, keng polosali butunjahon Internet axborot tarmogʻi bilan jihozlanishini quyidagi manbalar hisobiga taʼminlasinlar:
Qoraqalpogʻiston Respublikasi budjeti, viloyatlar va Toshkent shahar mahalliy budjetlarining qoʻshimcha manbalari;
qonunchilik bilan taqiqlanmagan boshqa manbalar.
4. Oʻzbekiston milliy teleradiokompaniyasi va “Yuksalish” harakatining markaziy va mahalliy telekanallarda davlat hokimiyati va boshqaruvi organlarining mansabdor shaxslari, jamoatchilik va fuqarolik jamiyati institutlari vakillari ishtirokida:
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish chora-tadbirlariga;
ochiq muloqotni yoʻlga qoʻyish, davlat organlarining aholi va fuqarolik jamiyati institutlari bilan oʻzaro hamkorligi, oʻsib kelayotgan avlodni qonunlarga, umuminsoniy va milliy qadriyatlarga hurmat ruhida tarbiyalashning dolzarb masalalarini muhokama qilishga;
“Yuksalish” harakati tomonidan olib borilgan monitoringlar natijalarini koʻrib chiqishga va davlat organlari faoliyatini tahlil qilishga, aniqlangan huquqbuzarliklarni, tizimli kamchiliklar va muammolarni bartaraf etish chora-tadbirlari toʻgʻrisida aholini xabardor qilishga bagʻishlangan birgalikdagi telekoʻrsatuvlar namoyishini tashkil etish toʻgʻrisidagi taklifiga rozilik berilsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Yuksalish” harakatini zarur aloqa vositalari, shu jumladan, hukumat aloqasi bilan belgilangan tartibda taʼminlasin.
6. “Yuksalish” harakati:
Davlat statistika qoʻmitasi, moliya, iqtisodiyot va sanoat, bandlik va mehnat munosabatlari, ichki ishlar vazirliklari, Davlat soliq qoʻmitasi, Davlat bojxona qoʻmitasi, Oʻzbekiston Respublikasi Bosh prokuraturasi, Oliy sudi, boshqa vazirliklar va idoralarning statistika axboroti;
Oʻzbekiston Respublikasi Moliya vazirligi huzuridagi Budjet-soliq tadqiqotlari instituti va Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar institutining tahliliy materiallari majburiy yuboriladigan reyestrga kiritilsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Davlat aktivlarini boshqarish agentligi va Moliya vazirligining Toshkent shahar, Yunusobod tumani, Sh. Rashidov koʻchasi, 16-uy manzilida joylashgan “Poytaxt” biznes markazi 5-qavatining bir qismini (842 kv.m) “Yuksalish” harakatining markaziy apparatini joylashtirish uchun, shuningdek, Qoraqalpogʻiston Respublikasi, viloyatlar va Toshkent shahrida tegishli binolarni hududiy boʻlinmalarni joylashtirish uchun tekin foydalanish huquqi asosida “Yuksalish” harakatiga berish toʻgʻrisidagi taklifiga rozilik berilsin.
8. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Yoshlar siyosati, madaniyat, maʼnaviyat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-fevral,
124-son
Кабинета Министров Республики Узбекистан
Постановление
О мерах по организации деятельности негосударственной некоммерческой организации — Общенациональное движение «Юксалиш» и его территориальных подразделений
Во исполнение Указа Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития», а также в целях дальнейшей поддержки деятельности негосударственной некоммерческой организации — Общенациональное движение «Юксалиш» Кабинет Министров постановляет:
1. Принять к сведению, что:
а) в соответствии с пунктом 25 Указа Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 г одах в «Год активных инвестиций и социального развития»:
создана негосударственная некоммерческая организация — Общенациональное движение «Юксалиш» (далее — Движение «Юксалиш») и его территориальные подразделения в Республике Каракалпакстан, областях и г. Ташкенте;
определена основная миссия Движения «Юксалиш» — добровольное объединение граждан, соотечественников, проживающих за рубежом, негосударственных некоммерческих организаций, объединившихся в целях содействия в реализации намеченных реформ, в том числе предусмотренных Государственной программой по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития», утвержденной Указом Президента Республики Узбекистан от 17 января 2019 года № УП-5635, (далее — Государственная программа) путем:
налаживания открытого диалога с народом и бизнес-сообществом;
формирования эффективной системы общественного контроля;
мобилизации усилий и сил органов государственной власти и управления, негосударственных некоммерческих организаций и иных институтов гражданского общества, а также граждан, особенно молодежи;
активного участия в обсуждениях хода реализации намеченных реформ, в том числе предусмотренных Государственной программой, в палатах Олий Мажлиса Республики Узбекистан и местных кенгашах народных депутатов;
регулярного внесения аналитической информации и предложений в палаты Олий Мажлиса Республики Узбекистан, Администрацию Президента Республики Узбекистан и Кабинет Министров Республики Узбекистан;
б) в соответствии с пунктом 26 Указа Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития» Министерству юстиции совместно с Общенациональным движением «Юксалиш» и Центром «Стратегия развития» поручено обеспечить:
системный мониторинг хода реализации Государственной программы и выработку рекомендаций по принятию дополнительных мер для ее качественного и своевременного выполнения;
ежемесячное обобщение информации о ходе реализации Государственной программы и размещение ее итогов на своих веб-сайтах с указанием конкретных показателей и достигнутых положительных изменений;
ежеквартальное внесение в Администрацию Президента Республики Узбекистан и Кабинет Министров Республики Узбекистан информации о результатах мониторинга;
подготовку, опубликование на иностранных языках и широкое распространение информационно-аналитических обзоров, посвященных итогам реализации Государственной программы;
в) Парламентской комиссией по управлению средствами Общественного фонда по поддержке гражданского общества при Олий Мажлисе Республики Узбекистан, а также организациями — учредителями Движения «Юксалиш» ежегодно по обоснованным заявкам Движения «Юксалиш» выделяются необходимые средства на финансирование расходов, связанных с оплатой труда работников центрального аппарата и территориальных подразделений Движения «Юксалиш», а также организацией и проведением мероприятий в рамках выполнения основных задач Движения «Юксалиш».
2. Установить, что:
органы государственного управления, органы исполнительной власти на местах осуществляют свою деятельность в тесном взаимодействии с Движением «Юксалиш» с обязательным соблюдением принципов независимости негосударственных некоммерческих организаций и невмешательства в их деятельность;
руководители органов государственного управления, органов исполнительной власти на местах создают необходимые условия и оказывают всестороннее содействие в организации и осуществлении работы Движения «Юксалиш», в том числе путем своевременного представления запрашиваемых сведений, рассмотрения материалов и рекомендаций, внесенных по итогам мероприятий Движения «Юксалиш»;
председатель Движения «Юксалиш» по статусу, условиям медицинского и транспортного обеспечения приравнивается к министру.
3. Совету Министров Республики Каракалпакстан, хокимиятам областей, г. Ташкента в месячный срок обеспечить оснащение помещений территориальных подразделений Движения «Юксалиш» необходимой техникой, автотранспортным средством, офисным оборудованием, мебелью и средствами связи, включая широкополосный доступ к всемирной информационной сети Интернет за счет средств:
дополнительных источников бюджета Республики Каракалпакстан, местных бюджетов областей и г. Ташкента;
других источников, не запрещенных законодательством.
4. Согласиться с предложением Национальной телерадиокомпании Узбекистана и Движения «Юксалиш» об организации на центральных и местных телеканалах совместных выпусков телепередач с участием должностных лиц органов государственной власти и управления, представителей общественности и институтов гражданского общества, посвященных:
мерам по реализации Стратегии действий по пяти приоритетным направлениям развития Республики Узбекистан в 2017 — 2021 годах;
обсуждению актуальных вопросов налаживания открытого диалога, взаимодействия государственных органов с населением и институтами гражданского общества, воспитания подрастающего поколения в духе уважения к законам, общечеловеческим и национальным ценностям;
рассмотрению результатов, проведенных Движением «Юксалиш» мониторингов и анализов деятельности государственных органов, информированию населения о мерах по устранению выявленных правонарушений, системных недостатков и проблем.
5. Министерству по развитию информационных технологий и коммуникаций Республики Узбекистан в установленном порядке обеспечить Движение «Юксалиш» необходимыми средствами связи, включая правительственную.
6. Включить Движение «Юксалиш» в реестр обязательной рассылки:
статистической информации Государственного комитета по статистике, министерств финансов, экономики и промышленности, занятости и трудовых отношений, внутренних дел, Государственного налогового комитета, Государственного таможенного комитета, Генеральной прокуратуры, Верховного суда Республики Узбекистан, других министерств и ведомств;
аналитических материалов Института бюджетно-налоговых исследований при Министерстве финансов Республики Узбекистан и Института прогнозирования и макроэкономических исследований при Министерстве экономики и промышленности Республики Узбекистан.
7. Согласиться с предложением Совета Министров Республики Каракалпакстан, хокимиятов областей и г. Ташкента, Агентства по управлению государственными активами и Министерства финансов Республики Узбекистан о передаче Движению «Юксалиш» па праве безвозмездного пользования части (842 кв.м) 5-го этажа Бизнес-центра «Пойтахт», расположенного по адресу: г. Ташкент, Юнусабадский район, ул. Ш. Рашидова 16, для размещения центрального аппарата Движения «Юксалиш», а также соответствующих помещений в Республике Каракалпакстан, областях и городе Ташкент для размещения территориальных подразделений.
8. Контроль за исполнением настоящего постановления возложить на Секретариат по вопросам молодежной политики, культуры, духовности, средств массовой информации, творческих и общественных организаций Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
13 февраля 2019 г.,
№ 124