📅 2019-yil 15-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 15 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Акфа университетини ташкил этиш тўғрисида
Ўзбекистон Республикаси Президентининг «Хусусий тиббиёт ташкилотларини ривожлантириш бўйича қўшимча шарт-шароитларни яратиш тўғрисида» 2017 йил 29 декабрдаги ПҚ-3450-сон қарорига мувофиқ, шунингдек, илғор жаҳон таълим стандартларига мувофиқ олий маълумотли юқори малакали мутахассислар тайёрлашни ташкил этиш, ёшларнинг, айниқса, мамлакат минтақаларидаги ёшларнинг салоҳиятини рўёбга чиқариш ва ундан самарали фойдаланиш учун шарт-шароитлар яратиш, Ўзбекистон Республикасининг олий таълим соҳасидаги халқаро ҳамкорлигини янада кенгайтириш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги, Олий ва ўрта махсус таълим вазирлиги ҳамда «Akfa Medline» масъулияти чекланган жамиятнинг (кейинги ўринларда «Akfa Medline» МЧЖ деб аталади) Акфа университетини (кейинги ўринларда Университет деб аталади) ташкил этиш тўғрисидаги таклифи қабул қилинсин.
2. Қуйидагилар Университет фаолиятининг асосий вазифалари ва фаолияти йўналишлари этиб белгилансин:
республика иқтисодиёти реал секторлари тармоқларининг эҳтиёжларини ҳисобга олган ҳолда фундаментал, тиббиёт, аниқ ва гуманитар фанлар соҳасида юқори малакали мутахассисларни тайёрлаш;
юқори малакали мутахассисларни, шу жумладан, хорижий мутахассисларни, шунингдек, хорижда фаолият юритаётган ватандошларимизни жалб этган ҳолда етакчи хорижий олий таълим ва илмий-тадқиқот муассасалари билан кенг ҳамкорликни амалга ошириш;
ходимларнинг, жумладан, тиббиёт соҳасида малакасини ошириш, малака амалиётларини ташкил этиш, хорижнинг илғор илмий-тадқиқот муассасалари билан ҳамкорлик қилиш асосида тажриба алмашиш дастурларини амалга ошириш;
таълим жараёнига замонавий педагогик ва ахборот-коммуникация технологияларини жорий этиш;
меҳнат бозорининг мавжуд муаммолари ва эҳтиёжларини инобатга олган ҳолда фундаментал, тиббиёт, аниқ ва гуманитар фанлар соҳасида илмий-тадқиқот фаолиятини амалга ошириш.
3. Университетда таълим жараёнини илғор педагогик ва ахборот технологиялари, илм-фан ва техниканинг сўнгги ютуқларини қўллаган ҳолда ташкил этишга кўмаклашиш бўйича «Akfa Medline» МЧЖ билан Гачон университети (Корея Республикаси) ўртасида битим тузилганлиги маълумот учун қабул қилинсин.
4. Белгилансинки:
Университет масъулияти чекланган жамият шаклидаги нодавлат олий таълим ташкилоти ҳисобланади;
Университетда ўқув-методик раҳбарлик қилиш ва таълим жараёнининг олиб борилиши тузиладиган битимлар асосида етакчи хорижий олий таълим муассасалари (кейинги ўринларда хорижий ҳамкорлар деб аталади) билан ҳамкорликда таъминланади;
Университетда таълим жараёни хорижий ҳамкорларнинг ўқув режалари ва дастурларига мувофиқ, Ўзбекистон Республикасининг олий таълим давлат таълим стандартлари ҳамда давлат талаблари ҳисобга олинган ҳолда инглиз тилида ташкил этилади;
Университет битирувчиларига Ўзбекистон Республикасида олий маълумот тўғрисидаги ҳужжат сифатида эътироф этиладиган белгиланган намунадаги диплом берилади;
Университетга абитуриентларни қабул қилиш ва битирувчиларни аттестациядан ўтказиш тартиби ва қоидалари Университет томонидан хорижий ҳамкорлар билан келишган ҳолда белгиланади;
бакалавриат таълим йўналишлари ва магистратура мутахассисликларига қабул квоталари республика меҳнат бозори эҳтиёжларидан келиб чиққан ҳолда Университет томонидан белгиланади;
Университетда таълим олиш тўлов-контракт асосида кундузги шаклда амалга оширилади.
5. Ўзбекистон Республикаси Олий ва ўрта махсус таълим вазирлиги ва Вазирлар Маҳкамаси ҳузуридаги Таълим сифатини назорат қилиш давлат инспекцияси Университетга таъсис ҳужжатларини ишлаб чиқишда ва улар белгиланган тартибда давлат рўйхатидан ўтказилишида кўмаклашсин.
6. Университет Тошкент шаҳри, Шайхонтоҳур тумани, Кўкча дарвоза, 1-боши берк кўча, 10-уйда жойлашган Шайхонтоҳур тиббиёт коллежининг бино ва иншоотларида текин фойдаланиш ҳуқуқи билан жойлаштирилсин.
7. Белгилаб қўйилсинки, Университетнинг жорий фаолиятини молиялаштириш унинг бино ва иншоотларини қуриш, реконструкция қилиш ва капитал таъмирлаш, шунингдек, зарур ўқув ва лаборатория асбоб-ускуналари, мебель, компьютер техникаси, ўқув ва методик адабиётлар ҳамда бошқа моддий-техник воситалар билан таъминлаш:
Университет муассисларининг маблағлари;
тўлов-шартнома асосида талабаларни ўқитишдан тушган маблағлар;
Университет томонидан шартнома асосида ишлар ва хизматлар амалга оширилиши;
жисмоний ва юридик шахсларнинг хайрия эҳсонлари;
халқаро молия институтлари ва хорижий ташкилотлар, шу жумладан, хорижий ҳамкорларнинг молиявий маблағлари;
қонунчиликда тақиқланмаган бошқа манбалар ҳисобига амалга оширилади.
8. Университетга мавжуд талаб ва эҳтиёжни ҳамда республикани ижтимоий-иқтисодий ривожлантириш истиқболларини ҳисобга олиб Ўзбекистон Республикаси Олий ва ўрта махсус таълим вазирлиги билан келишган ҳолда янги бакалавриат таълим йўналишлари ва магистратура мутахассисликларини хорижий ҳамкорлар билан биргаликда очишга рухсат берилсин.
9. Ўзбекистон Республикаси Соғлиқни сақлаш вазирлиги Олий ва ўрта махсус таълим вазирлиги ва Тошкент шаҳар ҳокимлиги билан биргаликда:
Шайхонтоҳур тиббиёт коллежи ўқувчилари контингенти Тошкент иқтисодиёт коллежи биносида жойлаштирилган ҳолда ўқишни давом эттиришини таъминлаш;
Шайхонтоҳур тиббиёт коллежининг ишдан бўшаётган ходимларини ишга жойлаштириш чораларини кўрсин.
10. Тошкент шаҳар ҳокимлиги 2019/2020 ўқув йили бошлангунига қадар Университет фаолиятини йўлга қўйишни таъминлаган ҳолда унинг бино ва иншоотларини реконструкция қилиш ва капитал таъмирлаш бўйича зарур лойиҳа-смета ҳужжатларини тайёрлашда, ўқитувчи ва талабалар учун турар жой биносини қуришда, зарур ўқув-лаборатория ускуналари, тиббиёт тренажёрлари, компьютер техникаси ва кутубхона фондлари билан жиҳозлашда Университетга кўмаклашсин.
11. Ўзбекистон Республикаси Ташқи ишлар вазирлиги Университет буюртманомаларига кўра ушбу қарорни амалга ошириш доирасида жалб этиладиган хорижий профессор-ўқитувчилар таркиби ва маъмурий ходимларга, шунингдек, уларнинг оила аъзоларига кириш визалари консуллик йиғимлари ва бошқа йиғимлар ундирилмасдан белгиланган тартибда расмийлаштирилишини таъминласин.
12. Ўзбекистон Республикаси Ички ишлар вазирлиги Университет буюртманомаларига кўра Университетнинг ушбу қарорни амалга ошириш доирасида жалб қилинаётган хорижий профессор-ўқитувчилар таркиби ва маъмурий ходимларига, шунингдек, уларнинг оила аъзоларига давлат божи ундирилмасдан кўп марталик визалар берилишини ва кўп марталик визалар муддати узайтирилишини, шунингдек, улар Ўзбекистон Республикасида яшаш жойи бўйича вақтинча турган жойи бўйича рўйхатга олиниши ва муддати узайтирилишини белгиланган тартибда таъминласин.
13. 2022 йил 1 январга қадар:
Университет барча турдаги солиқларни тўлашдан;
Университетни жиҳозлаш ва фаолиятини ташкил этиш учун белгиланган тартибда шакллантириладиган рўйхатлар бўйича «Akfa Medline» МЧЖ ва Университет томонидан олиб келинадиган, Ўзбекистонда ишлаб чиқарилмайдиган ускуналар (шу жумладан, лаборатория ускуналари), компьютер техникаси, мультимедиа маҳсулотлари, тиббиёт тренажёрлари, адабиётлар, қурилиш материаллари ва инвентарь божхона тўловларидан (божхона расмийлаштируви йиғимларидан ташқари) озод қилинсин.
Белгилансинки, четдан олиб келинадиган товарлардан бошқа мақсадларда фойдаланилган тақдирда имтиёзлар берилиши муносабати билан тўланмаган божхона тўловлари суммаси қонун ҳужжатларида назарда тутилган молиявий санкциялар қўлланилган ҳолда Ўзбекистон Республикаси Давлат бюджетига ундириб олинади.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси соғлиқни сақлаш вазири А.К. Шадманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 15 февраль,
130-сон
Oʻzbekiston Respublikasi Vazirlar Mahkamasining
qarori
Akfa universitetini tashkil etish toʻgʻrisida
Oʻzbekiston Respublikasi Prezidentining “Xususiy tibbiyot tashkilotlarini rivojlantirish boʻyicha qoʻshimcha shart-sharoitlarni yaratish toʻgʻrisida” 2017-yil 29-dekabrdagi PQ-3450-son qaroriga muvofiq, shuningdek, ilgʻor jahon taʼlim standartlariga muvofiq oliy maʼlumotli yuqori malakali mutaxassislar tayyorlashni tashkil etish, yoshlarning, ayniqsa, mamlakat mintaqalaridagi yoshlarning salohiyatini roʻyobga chiqarish va undan samarali foydalanish uchun shart-sharoitlar yaratish, Oʻzbekiston Respublikasining oliy taʼlim sohasidagi xalqaro hamkorligini yanada kengaytirish maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi, Oliy va oʻrta maxsus taʼlim vazirligi hamda “Akfa Medline” masʼuliyati cheklangan jamiyatning (keyingi oʻrinlarda “Akfa Medline” MChJ deb ataladi) Akfa universitetini (keyingi oʻrinlarda Universitet deb ataladi) tashkil etish toʻgʻrisidagi taklifi qabul qilinsin.
2. Quyidagilar Universitet faoliyatining asosiy vazifalari va faoliyati yoʻnalishlari etib belgilansin:
respublika iqtisodiyoti real sektorlari tarmoqlarining ehtiyojlarini hisobga olgan holda fundamental, tibbiyot, aniq va gumanitar fanlar sohasida yuqori malakali mutaxassislarni tayyorlash;
yuqori malakali mutaxassislarni, shu jumladan, xorijiy mutaxassislarni, shuningdek, xorijda faoliyat yuritayotgan vatandoshlarimizni jalb etgan holda yetakchi xorijiy oliy taʼlim va ilmiy-tadqiqot muassasalari bilan keng hamkorlikni amalga oshirish;
xodimlarning, jumladan, tibbiyot sohasida malakasini oshirish, malaka amaliyotlarini tashkil etish, xorijning ilgʻor ilmiy-tadqiqot muassasalari bilan hamkorlik qilish asosida tajriba almashish dasturlarini amalga oshirish;
taʼlim jarayoniga zamonaviy pedagogik va axborot-kommunikatsiya texnologiyalarini joriy etish;
mehnat bozorining mavjud muammolari va ehtiyojlarini inobatga olgan holda fundamental, tibbiyot, aniq va gumanitar fanlar sohasida ilmiy-tadqiqot faoliyatini amalga oshirish.
3. Universitetda taʼlim jarayonini ilgʻor pedagogik va axborot texnologiyalari, ilm-fan va texnikaning soʻnggi yutuqlarini qoʻllagan holda tashkil etishga koʻmaklashish boʻyicha “Akfa Medline” MChJ bilan Gachon universiteti (Koreya Respublikasi) oʻrtasida bitim tuzilganligi maʼlumot uchun qabul qilinsin.
4. Belgilansinki:
Universitet masʼuliyati cheklangan jamiyat shaklidagi nodavlat oliy taʼlim tashkiloti hisoblanadi;
Universitetda oʻquv-metodik rahbarlik qilish va taʼlim jarayonining olib borilishi tuziladigan bitimlar asosida yetakchi xorijiy oliy taʼlim muassasalari (keyingi oʻrinlarda xorijiy hamkorlar deb ataladi) bilan hamkorlikda taʼminlanadi;
Universitetda taʼlim jarayoni xorijiy hamkorlarning oʻquv rejalari va dasturlariga muvofiq, Oʻzbekiston Respublikasining oliy taʼlim davlat taʼlim standartlari hamda davlat talablari hisobga olingan holda ingliz tilida tashkil etiladi;
Universitet bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida eʼtirof etiladigan belgilangan namunadagi diplom beriladi;
Universitetga abituriyentlarni qabul qilish va bitiruvchilarni attestatsiyadan oʻtkazish tartibi va qoidalari Universitet tomonidan xorijiy hamkorlar bilan kelishgan holda belgilanadi;
bakalavriat taʼlim yoʻnalishlari va magistratura mutaxassisliklariga qabul kvotalari respublika mehnat bozori ehtiyojlaridan kelib chiqqan holda Universitet tomonidan belgilanadi;
Universitetda taʼlim olish toʻlov-kontrakt asosida kunduzgi shaklda amalga oshiriladi.
5. Oʻzbekiston Respublikasi Oliy va oʻrta maxsus taʼlim vazirligi va Vazirlar Mahkamasi huzuridagi Taʼlim sifatini nazorat qilish davlat inspeksiyasi Universitetga taʼsis hujjatlarini ishlab chiqishda va ular belgilangan tartibda davlat roʻyxatidan oʻtkazilishida koʻmaklashsin.
6. Universitet Toshkent shahri, Shayxontohur tumani, Koʻkcha darvoza, 1-boshi berk koʻcha, 10-uyda joylashgan Shayxontohur tibbiyot kollejining bino va inshootlarida tekin foydalanish huquqi bilan joylashtirilsin.
7. Belgilab qoʻyilsinki, Universitetning joriy faoliyatini moliyalashtirish uning bino va inshootlarini qurish, rekonstruksiya qilish va kapital taʼmirlash, shuningdek, zarur oʻquv va laboratoriya asbob-uskunalari, mebel, kompyuter texnikasi, oʻquv va metodik adabiyotlar hamda boshqa moddiy-texnik vositalar bilan taʼminlash:
Universitet muassislarining mablagʻlari;
toʻlov-shartnoma asosida talabalarni oʻqitishdan tushgan mablagʻlar;
Universitet tomonidan shartnoma asosida ishlar va xizmatlar amalga oshirilishi;
jismoniy va yuridik shaxslarning xayriya ehsonlari;
xalqaro moliya institutlari va xorijiy tashkilotlar, shu jumladan, xorijiy hamkorlarning moliyaviy mablagʻlari;
qonunchilikda taqiqlanmagan boshqa manbalar hisobiga amalga oshiriladi.
8. Universitetga mavjud talab va ehtiyojni hamda respublikani ijtimoiy-iqtisodiy rivojlantirish istiqbollarini hisobga olib Oʻzbekiston Respublikasi Oliy va oʻrta maxsus taʼlim vazirligi bilan kelishgan holda yangi bakalavriat taʼlim yoʻnalishlari va magistratura mutaxassisliklarini xorijiy hamkorlar bilan birgalikda ochishga ruxsat berilsin.
9. Oʻzbekiston Respublikasi Sogʻliqni saqlash vazirligi Oliy va oʻrta maxsus taʼlim vazirligi va Toshkent shahar hokimligi bilan birgalikda:
Shayxontohur tibbiyot kolleji oʻquvchilari kontingenti Toshkent iqtisodiyot kolleji binosida joylashtirilgan holda oʻqishni davom ettirishini taʼminlash;
Shayxontohur tibbiyot kollejining ishdan boʻshayotgan xodimlarini ishga joylashtirish choralarini koʻrsin.
10. Toshkent shahar hokimligi 2019/2020 oʻquv yili boshlanguniga qadar Universitet faoliyatini yoʻlga qoʻyishni taʼminlagan holda uning bino va inshootlarini rekonstruksiya qilish va kapital taʼmirlash boʻyicha zarur loyiha-smeta hujjatlarini tayyorlashda, oʻqituvchi va talabalar uchun turar joy binosini qurishda, zarur oʻquv-laboratoriya uskunalari, tibbiyot trenajyorlari, kompyuter texnikasi va kutubxona fondlari bilan jihozlashda Universitetga koʻmaklashsin.
11. Oʻzbekiston Respublikasi Tashqi ishlar vazirligi Universitet buyurtmanomalariga koʻra ushbu qarorni amalga oshirish doirasida jalb etiladigan xorijiy professor-oʻqituvchilar tarkibi va maʼmuriy xodimlarga, shuningdek, ularning oila aʼzolariga kirish vizalari konsullik yigʻimlari va boshqa yigʻimlar undirilmasdan belgilangan tartibda rasmiylashtirilishini taʼminlasin.
12. Oʻzbekiston Respublikasi Ichki ishlar vazirligi Universitet buyurtmanomalariga koʻra Universitetning ushbu qarorni amalga oshirish doirasida jalb qilinayotgan xorijiy professor-oʻqituvchilar tarkibi va maʼmuriy xodimlariga, shuningdek, ularning oila aʼzolariga davlat boji undirilmasdan koʻp martalik vizalar berilishini va koʻp martalik vizalar muddati uzaytirilishini, shuningdek, ular Oʻzbekiston Respublikasida yashash joyi boʻyicha vaqtincha turgan joyi boʻyicha roʻyxatga olinishi va muddati uzaytirilishini belgilangan tartibda taʼminlasin.
13. 2022-yil 1-yanvarga qadar:
Universitet barcha turdagi soliqlarni toʻlashdan;
Universitetni jihozlash va faoliyatini tashkil etish uchun belgilangan tartibda shakllantiriladigan roʻyxatlar boʻyicha “Akfa Medline” MChJ va Universitet tomonidan olib kelinadigan, Oʻzbekistonda ishlab chiqarilmaydigan uskunalar (shu jumladan, laboratoriya uskunalari), kompyuter texnikasi, multimedia mahsulotlari, tibbiyot trenajyorlari, adabiyotlar, qurilish materiallari va inventar bojxona toʻlovlaridan (bojxona rasmiylashtiruvi yigʻimlaridan tashqari) ozod qilinsin.
Belgilansinki, chetdan olib kelinadigan tovarlardan boshqa maqsadlarda foydalanilgan taqdirda imtiyozlar berilishi munosabati bilan toʻlanmagan bojxona toʻlovlari summasi qonun hujjatlarida nazarda tutilgan moliyaviy sanksiyalar qoʻllanilgan holda Oʻzbekiston Respublikasi Davlat budjetiga undirib olinadi.
14. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-fevral,
130-son
Кабинета Министров Республики Узбекистан
Постановление
Об образовании Университета Акфа
В соответствии с постановлением Президента Республики Узбекистан от 29 декабря 2017 года № ПП-3450 «О создании дополнительных условий по дальнейшему развитию частных медицинских организаций», а также в целях организации подготовки высококвалифицированных кадров с высшим образованием в соответствии с требованиями передовых мировых образовательных стандартов, создания условий для реализации и эффективного использования потенциала молодежи, в особенности из регионов страны, дальнейшего расширения международного сотрудничества в сфере высшего образования Республики Узбекистан Кабинет Министров постановляет:
1. Принять предложение Министерства здравоохранения, Министерства высшего и среднего специального образования Республики Узбекистан и Общества с ограниченной ответственностью «Akfa Medline» (далее — ООО «Akfa Medline») о создании Университета Акфа (далее — Университет).
2. Определить основными задачами и направлениями деятельности Университета:
подготовку высококвалифицированных специалистов в сфере фундаментальных, медицинских, точных и гуманитарных наук с учетом потребностей отраслей реальных секторов экономики республики;
реализацию широкого сотрудничества с ведущими зарубежными высшими образовательными и научно-исследовательскими учреждениями с привлечением высококвалифицированных специалистов, в том числе иностранных, а также соотечественников, осуществляющих деятельность за рубежом;
повышение квалификации работников, в том числе в сфере медицины, организацию квалификационных практик, реализацию программ обмена опытом на основе сотрудничества с передовыми зарубежными научно-исследовательскими учреждениями;
внедрение в образовательный процесс современных педагогических и информационно-коммуникационных технологий;
осуществление научно-исследовательской деятельности в сфере фундаментальных, медицинских, точных и гуманитарных наук с учетом имеющихся проблем и потребностей рынка труда.
3. Принять к сведению, что ООО «Akfa Medline» с Университетом Гачон (Республика Корея) заключено соглашение по оказанию содействия в организации образовательного процесса в Университете с применением передовых педагогических и информационных технологий, новейших достижений науки и техники.
4. Установить, что:
Университет является негосударственной высшей образовательной организацией в форме общества с ограниченной ответственностью;
учебно-методическое руководство и ведение образовательного процесса в Университете обеспечивается в сотрудничестве с ведущими зарубежными высшими образовательными учреждениями (далее — зарубежные партнеры) на основе заключаемых соглашений;
образовательный процесс в Университете осуществляется на английском языке в соответствии с учебными планами и программами зарубежных партнеров, с учетом государственных требований и государственных образовательных стандартов высшего образования Республики Узбекистан;
выпускникам Университета выдается диплом установленного образца, признаваемый документом о высшем образовании в Республике Узбекистан;
порядок и правила приема абитуриентов и аттестации выпускников Университета определяются Университетом по согласованию с зарубежными партнерами;
квоты приема по направлениям образования бакалавриата и специальностям магистратуры определяются Университетом, исходя из потребностей рынка труда республики;
обучение в Университете осуществляется на платно-контрактной основе в очной форме.
5. Министерству высшего и среднего специального образования и Государственной инспекции по надзору за качеством образования при Кабинете Министров Республики Узбекистан оказать содействие Университету в разработке учредительных документов и их государственной регистрации в установленном порядке.
6. Разместить Университет в зданиях и сооружениях Шайхантахурского медицинского колледжа, расположенных по адресу: г. Ташкент, Шайхантахурский район, улица Кукча Дарвоза, 1 тупик, 10, на праве безвозмездного пользования.
7. Определить, что финансирование текущей деятельности Университета, строительство, реконструкция и капитальный ремонт зданий и сооружений Университета, а также оснащение необходимым учебным и лабораторным оборудованием, мебелью, компьютерной техникой, учебной и методической литературой, а также другими материально-техническими средствами осуществляется за счет:
средств учредителей Университета;
средств, поступающих от оплаты обучения студентов на платно-контрактной основе;
реализации Университетом работ и услуг на договорной основе;
благотворительных пожертвований физических и юридических лиц;
финансовых средств международных финансовых институтов и зарубежных организаций, в том числе зарубежных партнеров;
иных источников, не запрещенных законодательством.
8. Разрешить Университету по согласованию с Министерством высшего и среднего специального образования Республики Узбекистан с учетом спроса и потребности в кадрах и перспектив социально-экономического развития республики открывать новые направления образования бакалавриата и специальности магистратуры в сотрудничестве с зарубежными партнерами.
9. Министерству здравоохранения совместно с Министерством высшего и среднего специального образования Республики Узбекистан и хокимиятом города Ташкента принять меры по:
обеспечению дальнейшего обучения контингента учащихся Шайхантахурского медицинского колледжа с размещением их в здании Ташкентского экономического колледжа;
трудоустройству высвобождаемых работников Шайхантахурского медицинского колледжа.
10. Хокимияту города Ташкента оказать содействие Университету в подготовке необходимой проектно-сметной документации по реконструкции и капитальному ремонту зданий и сооружений Университета, строительстве общежития для преподавателей и студентов, оснащении необходимым учебно-лабораторным оборудованием, медицинскими тренажерами, компьютерной техникой и библиотечным фондом, с вводом его в действие до начала 2019/2020 учебного года.
11. Министерству иностранных дел Республики Узбекистан обеспечить в установленном порядке по заявкам Университета оформление въездных виз иностранному профессорско-преподавательскому составу и административному персоналу Университета, привлекаемому в рамках реализации настоящего постановления, а также членам их семей, без взимания консульских и иных сборов.
12. Министерству внутренних дел Республики Узбекистан обеспечить в установленном порядке по заявкам Университета выдачу и продление многократных виз, а также регистрацию по месту временного пребывания и ее продление иностранному профессорско-преподавательскому составу и административному персоналу Университета, привлекаемому в рамках реализации настоящего постановления, а также членам их семей, без взимания государственной пошлины.
13. Освободить сроком до 1 января 2022 года:
Университет от уплаты всех видов налогов;
от таможенных платежей (кроме сборов за таможенное оформление) за оборудование (в том числе лабораторное), компьютерную технику, мультимедийную продукцию, медицинские тренажеры, литературу, строительные материалы и инвентарь, не производимые в Республике Узбекистан, ввозимые ООО «Akfa Medline» и Университетом для оснащения и функционирования Университета, по перечням, формируемым в установленном порядке.
Установить, что в случае нецелевого использования ввезенных товаров, сумма таможенных платежей, не уплаченная в связи с предоставлением льгот, взыскивается в Государственный бюджет Республики Узбекистан с применением финансовых санкций, предусмотренных законодательством.
14. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова, и министра здравоохранения Республики Узбекистан А.К. Шадманова.
Премьер-министр Республики Узбекистан А. АРИПОВ
г. Ташкент,
15 февраля 2019 г.,
№ 130