📅 2019-yil 22-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2019 г. · Указы Президента
Официальный текст. Официальный документ. Редакционные примечания не включены.
📅 22 February 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Социологик тадқиқотлар ўтказишни давлат томонидан қўллаб-қувватлаш чора-тадбирлари тўғрисида
Сўнгги йилларда мамлакатда давлат ва жамият қурилишининг барча соҳаларини демократлаштиришга, инновацион технологияларни жорий этишга, инсон салоҳиятини ривожлантириш учун зарур шарт-шароитлар ва имкониятлар яратишга, аҳолининг фаровонлик даражасини оширишга йўналтирилган кенг кўламли ислоҳотлар амалга оширилмоқда.
Шундай бир шароитда муайян соҳадаги вазиятни сифат жиҳатидан ўзгартириш ҳамда илғор хорижий ва маҳаллий назарий-методологик воситалардан фойдаланиш асосида уни ривожлантириш вазифаларини давом эттириш хусусида социологик сўровлар ўтказишнинг сифат жиҳатидан янги ва замонавий тадқиқот амалиётини шакллантириш масаласи алоҳида аҳамият касб этмоқда.
Халқаро амалиёт ва мамлакатимиз тажрибаси социологик тадқиқотларни ижтимоий шериклик принциплари асосида ўтказиш жараёнида ноҳукумат ташкилотларнинг салоҳиятидан янада кенгроқ фойдаланиш ва шу мақсадларда давлат буюртмасини сифатли бажариш, аҳолини мазкур жараёнга фаолроқ жалб этиш учун шарт-шароитлар яратиш зарурлигини кўрсатмоқда.
Жамоатчилик фикрининг тизимли мониторингини таъминлаш ҳамда мамлакат ижтимоий-иқтисодий ва ижтимоий-сиёсий ҳаётида унинг натижаларидан фойдаланиш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегиясида белгиланган вазифаларни самарали амалга ошириш мақсадида:
1. «Ижтимоий фикр» жамоатчилик фикрини ўрганиш маркази муассислари йиғилишининг уни «Ижтимоий фикр» республика жамоатчилик фикрини ўрганиш маркази (кейинги ўринларда «Ижтимоий фикр» маркази деб юритилади) этиб қайта номлаш таклифига розилик берилсин.
2. Маълумот учун қабул қилинсинки, қуйидагилар «Ижтимоий фикр» марказининг асосий вазифалари ҳисобланади:
а) қуйидагиларда:
давлат ҳокимияти ва бошқаруви органлари тизимида, давлат ва жамият қурилишида — демократик ислоҳотларни чуқурлаштириш ва мамлакатни модернизация қилишда парламент, сиёсий партиялар ва фуқаролик жамиятининг бошқа институтлари ролини янада кучайтиришга, давлат хизматининг ташкилий-ҳуқуқий асосларини ривожлантиришга қаратилган ислоҳотлар;
суд-ҳуқуқ соҳасида — қонун устуворлигини таъминлашга ва инсон ҳуқуқларини ишончли ҳимоя қилишга йўналтирилган ислоҳотлар;
иқтисодиётда — унинг рақобатбардошлигини оширишга, тармоқларни модернизация қилиш, либераллаштириш ва диверсификация қилишга, давлатнинг иқтисодий жараёнларда иштирокини камайтириш бўйича институционал ва таркибий ислоҳотларни амалга ошириш сифатини аниқлаш ва ўрганишга, хусусий мулкчилик ҳуқуқларини ишончли ҳимоя қилишга йўналтирилган ислоҳотлар;
ижтимоий соҳада — аҳолини ижтимоий муҳофаза қилиш тизимини такомиллаштиришга, унинг бандлигини таъминлашга, реал даромадларини оширишга ва хотин-қизларнинг ижтимоий-сиёсий фаоллигини кучайтиришга, таълим, соғлиқни сақлаш, туризм, маданият, санъат, спорт, илм-фан ва бошқа йўналишларнинг сифатини оширишга, давлатнинг ёшларга оид сиёсатини ва арзон уй-жойлар қуриш дастурларини амалга ошириш чора-тадбирларини бажаришга йўналтирилган ислоҳотлар;
хавфсизлик, миллатлараро тотувлик ва диний бағрикенглик, шунингдек, ташқи сиёсат соҳаларида — мамлакат мудофаа қобилиятини, фуқаролар ўртасида ва динлараро тинчлик ҳамда тотувликни мустаҳкамлашга, ташқи сиёсат соҳасидаги фаолият самарадорлигини янада оширишга йўналтирилган ислоҳотлар тўғрисидаги жамоатчилик фикрини ўрганиш ва таҳлил қилиш;
б) фуқаролар дунёқарашини шакллантиришнинг асосий йўналишларини, уларнинг сиёсий, ижтимоий-иқтисодий, ахлоқий, ҳуқуқий онги ҳолати ва мазмунини белгилаш, аҳолининг сиёсий, ҳуқуқий маданияти даражасини ўрганиш ва уларни ривожлантиришнинг асосий йўналишларини белгилаш;
в) ижтимоий-сиёсий ва ижтимоий-иқтисодий ривожланишнинг ҳолати ва динамикаси тўғрисида, аҳолининг ижтимоий фикри ҳақида ишончли ахборотни тарқатиш;
г) хорижий тадқиқотчилик амалиётида фаол фойдаланиладиган ва замонавий ахборот ёндашувларига таянадиган социологик тадқиқотлар ўтказишни ташкил этиш техникаси ва технологияларини ишлаб чиқиш, мослаштириш, татбиқ этиш ва уларнинг кенг усулларини қўллаш, жамоатчилик фикрини ўрганиш методологик асосларини таҳлил қилиш ва такомиллаштириш.
3. «Ижтимоий фикр» маркази, Ўзбекистон Республикаси Бандлик ва меҳнат муносабатлари вазирлиги, Молия вазирлигининг:
«Ижтимоий фикр» маркази томонидан Таъсисчилар кенгаши томонидан ҳар йили маъқулланадиган социологик тадқиқотлар режасига мувофиқ социологик тадқиқотлар ўтказиш тартибини сақлаб қолган ҳолда «Ижтимоий фикр» марказининг раҳбар ва илмий ходимларига бюджет маблағлари ҳисобидан фундаментал, амалий тадқиқотлар ва инновацион ишлар илмий-техник дастурларини амалга оширишда иштирок этадиган илмий-тадқиқот муассасаларининг илмий ва раҳбар ходимлари меҳнатига ҳақ тўлаш ва уларни моддий рағбатлантириш миқдорлари ва шартларини, Марказнинг бошқа ходимларига эса Ўзбекистон Республикаси Фанлар академиясига идоравий мансуб муассасалар учун белгиланган меҳнатга ҳақ тўлаш ва моддий рағбатлантириш шартларини татбиқ этиш;
«Ижтимоий фикр» марказини Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағлари ҳисобидан таъминлаш тартибини жорий этиш тўғрисидаги таклифлари маъқуллансин.
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига ҳар йили «Ижтимоий фикр» марказининг буюртманомаларига кўра марказнинг асосий вазифаларини амалга ошириш бўйича тадбирларни молиялаштириш учун зарур маблағларни кўзда тутиш тавсия этилсин.
4. «Ижтимоий фикр» маркази томонидан ўтказилган социологик сўров натижаларини Ўзбекистон Республикаси Вазирлар Маҳкамаси ва унинг Раёсати мажлисларида мунтазам муҳокама қилиш ва улар бўйича зарур чора-тадбирлар кўриш амалиётга жорий этилсин.
Белгилансинки, «Ижтимоий фикр» маркази томонидан ўтказилган социологик сўров натижалари оммавий ахборот воситалари, марказий давлат телеканаллари, босма нашрлар ва Марказнинг веб-сайтида доимий ёритиб борилиши зарур.
Ўзбекистон Миллий телерадиокомпанияси «Ижтимоий фикр» маркази билан биргаликда икки ҳафта муддатда социологик сўровлар якунларини ёритиш мақсадида «Oʻzbekiston 24» телеканалида доимий фаолият юритадиган «Ижтимоий фикр» («Общественное мнение») махсус рукни ташкил этилишини таъминласин.
5. 2019-2020 йилларда «Ижтимоий фикр» республика жамоатчилик фикрини ўрганиш марказини ускуналар, техника ва бошқа воситалар билан жиҳозлаш дастури иловага * мувофиқ тасдиқлансин.
Ўзбекистон Республикаси Молия вазирлиги «Ижтимоий фикр» марказининг асосланган ҳисоб-китобларига кўра унинг моддий-техник базасини яхшилаш учун зарур бўлган ускуналар, техника ва бошқа воситаларни, шунингдек, ушбу Дастурда келтирилган хорижий илмий ва махсус адабиётларни харид қилишга маблағ ажратилишини таъминласин.
6. Ўзбекистон Республикаси Ахборот технологиялари ва коммуникацияларини ривожлантириш вазирлиги икки ой муддатда Ахборот-коммуникация технологияларини ривожлантириш жамғармаси маблағлари ҳисобидан белгиланган тартибда:
«Ижтимоий фикр» марказини зарур алоқа воситалари, жумладан ҳукумат алоқаси билан, Интернетга кенг полосали уланишини таъминласин ҳамда хорижий экспертларни жалб этган ҳолда видео анжуманлар, интернет-форумлар ва телекўприкларни ўтказишда зарур техник ёрдам кўрсатсин;
«Ижтимоий фикр» марказига телефон ва Интернет тармоғи орқали ижтимоий-сиёсий, ижтимоий-иқтисодий ва мамлакатимиз ҳаётининг бошқа йўналишларига доир долзарб жорий масалалар юзасидан аҳоли ўртасида блиц-сўров ўтказиш учун call-марказини ташкил этишда амалий ва техник ёрдам кўрсатсин;
«Ижтимоий фикр» марказининг жисмоний ва юридик шахсларнинг мурожаатларини кўриб чиқиш бўйича ишларни мониторинг ва таҳлил қилиш мақсадида «Ўзбекистон Республикаси Президентининг Виртуал қабулхонаси», «Қўнғироқларни қайта ишлаш маркази» (телефон рақамлари 10-00, (0800) 210-00-00) ва Ўзбекистон Республикаси Президенти Халқ қабулхоналарининг ахборот тизимлари фаолиятига доир статистик ва бошқа ахборотлардан фойдаланишини таъминласин.
7. Ўзбекистон Республикаси Ташқи ишлар вазирлиги хорижий тадқиқот марказлари билан яқин ҳамкорлик алоқаларини йўлга қўйишда, замонавий усул ва ёндашувлар асосида социологик сўровлар ўтказишни ташкиллаштириш кўникмаларини ошириш мақсадида уларнинг малакали мутахассисларини жалб этишда «Ижтимоий фикр» марказига кўмаклашсин.
8. Ўзбекистон Республикаси Олий ва ўрта махсус таълим вазирлиги:
2019/2020 ўқув йилидан бошлаб «Ижтимоий фикр» марказининг буюртманомаларига кўра республикадаги олий таълим муассасалари талабалари тегишли таълим йўналишлари бўйича ишлаб чиқариш амалиётидан ўтиши учун мазкур Марказга мунтазам юборилишини таъминласин;
республикадаги тегишли олий таълим муассасалари билан биргаликда икки ой муддатда 2019/2020 ўқув йилидан бошлаб социология ва социологик тадқиқотлар кафедраларини очиш чоралари кўрилишини таъминласин.
9. «Ижтимоий фикр» маркази, Олий ва ўрта махсус таълим вазирлиги, Бандлик ва меҳнат муносабатлари вазирлиги, Ўзбекистон Республикаси Президенти ҳузуридаги Давлат бошқаруви академияси ва «Тараққиёт стратегияси» марказининг Ўзбекистон социологлари ассоциациясини ташкил этиш ҳамда қуйидагиларни унинг асосий вазифалари этиб белгилаш тўғрисидаги таклифи қабул қилинсин:
ўз аъзоларининг ҳуқуқлари ва қонуний манфаатларини ифодалаш ва ҳимоя қилиш;
илмий тадқиқотлар, ижтимоий мезонлар методологиясини такомиллаштириш бўйича ишларда, мамлакатимиз социология ҳамжамиятининг интеллектуал ва илмий-техник салоҳиятини юксалтиришда иштирок этиш, шу жумладан ижтимоий тажрибалар ўтказиш бўйича таклифлар киритиш;
Ўзбекистонда ва хорижда демографик жараёнларни ўрганиш ва таҳлил қилишга кўмаклашиш;
социологлар ва бошқа ходимларнинг малакасини ошириш;
олий таълим муассасаларининг ўқув дастурларига социология фанидаги энг янги ютуқларни ва социологик тадқиқотлар ўтказишнинг инновацион ёндашувларини жорий этиш бўйича улар билан ҳамкорлик қилиш;
халқаро ва хорижий социологлар ассоциациялари билан ҳамкорлик қилиш, сифатли социологик ишларни, шу жумладан хорижда ўтказиш мақсадида консорциум ташкил этиш;
Халқаро социологлар ассоциациясига аъзо бўлиш, бутунжаҳон социологик конгресслар ва форумларда иштирок этиш.
10. «Ижтимоий фикр» маркази:
Ўзбекистон Республикаси Миллий статистика қўмитаси, Иқтисодиёт ва молия вазирилиги, Камбағалликни қисқартириш ва бандлик вазирлиги, Ички ишлар вазирлиги, Солиқ қўмитаси, Божхона қўмитаси, Бош прокуратураси, Олий суди, бошқа вазирлик ва идораларнинг статистик ахбороти;
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг Оммавий коммуникациялар масалалари бўйича маркази бюллетенлари ва кундалик маълумотлари тўплами;
хорижий матбуот шарҳлари ва илмий-тадқиқот институтлари, жумладан Ўзбекистон Республикаси Иқтисодиёт ва саноат вазирлиги ҳузуридаги Прогнозлаштириш ва макроиқтисодий тадқиқотлар институти, Молия вазирлиги ҳузуридаги Бюджет-солиқ тадқиқотлари институтининг ижтимоий-иқтисодий соҳага оид таҳлилий маърузалари мажбурий жўнатиладиган реестрга киритилсин.
11. Ўзбекистон Республикаси Инвестициялар ва ташқи савдо вазирлиги, Молия вазирлиги, Иқтисодиёт ва саноат вазирлиги 2020 ва ундан кейинги йилларга мўлжалланган Ўзбекистон Республикаси Инвестиция дастурини шакллантиришда «Ижтимоий фикр» марказининг асосланган ҳисоб-китобларига кўра Марказ ва ташкил этиладиган Ўзбекистон социологлари ассоциацияси биноларида таъмирлаш-тиклаш ишлари ва уларни техник ўқитиш воситалари билан жиҳозлаш бўйича лойиҳалар киритилишини белгиланган тартибда назарда тутсин.
12. Қуйидагиларга:
Ўзбекистон Миллий телерадиокомпанияси раиси вазифасини бажарувчи А.Ж. Хаджаев ва Ўзбекистон Миллий ахборот агентлиги бош директори А.К. Кўчимовга — социологик сўровлар натижаларининг оммавий ахборот воситалари, марказий давлат телеканаллари ва босма нашрларда мунтазам ёритиб борилиши учун;
вазирликлар, идоралар, бошқа давлат органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари раҳбарларига — «Ижтимоий фикр» марказига унинг вазифаларини самарали амалга оширишда ҳар томонлама ва тўлиқ кўмаклашиш учун шахсан жавобгар экани кўрсатиб ўтилсин.
13. Ўзбекистон Республикаси Президентининг 1997 йил 25 июндаги «Ҳуқуқий тарбияни яхшилаш, аҳолининг ҳуқуқий маданияти даражасини юксалтириш, ҳуқуқшунос кадрларни тайёрлаш тизимини такомиллаштириш, жамоатчилик фикрини ўрганиш ишини яхшилаш ҳақида»ги ПФ-1791-сон Фармонининг 2.1-банди ўз кучини йўқотган деб ҳисоблансин.
14. Ўзбекистон Республикаси Адлия вазирлиги:
бир ой муддатда «Ижтимоий фикр» марказини мазкур Фармонга мувофиқ унинг номи ўзгартирилганини ва устувор вазифалари белгилаб олинганини ҳисобга олган ҳолда қайта рўйхатдан ўтказсин;
ташкил этилаётган Ўзбекистон социологлари ассоциациясини белгиланган тартибда давлат рўйхатидан ўтказсин, устав органларини шакллантиришда унга ҳар томонлама кўмаклашсин;
икки ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида таклифлар киритсин.
15. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти маслаҳатчиси Р.С. Қосимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 22 февраль,
ПФ-5667-сон
Oʻzbekiston Respublikasi Prezidentining
Farmoni
Sotsiologik tadqiqotlar oʻtkazishni davlat tomonidan qoʻllab-quvvatlash chora-tadbirlari toʻgʻrisida
Soʻnggi yillarda mamlakatda davlat va jamiyat qurilishining barcha sohalarini demokratlashtirishga, innovatsion texnologiyalarni joriy etishga, inson salohiyatini rivojlantirish uchun zarur shart-sharoitlar va imkoniyatlar yaratishga, aholining farovonlik darajasini oshirishga yoʻnaltirilgan keng koʻlamli islohotlar amalga oshirilmoqda.
Shunday bir sharoitda muayyan sohadagi vaziyatni sifat jihatidan oʻzgartirish hamda ilgʻor xorijiy va mahalliy nazariy-metodologik vositalardan foydalanish asosida uni rivojlantirish vazifalarini davom ettirish xususida sotsiologik soʻrovlar oʻtkazishning sifat jihatidan yangi va zamonaviy tadqiqot amaliyotini shakllantirish masalasi alohida ahamiyat kasb etmoqda.
Xalqaro amaliyot va mamlakatimiz tajribasi sotsiologik tadqiqotlarni ijtimoiy sheriklik prinsiplari asosida oʻtkazish jarayonida nohukumat tashkilotlarning salohiyatidan yanada kengroq foydalanish va shu maqsadlarda davlat buyurtmasini sifatli bajarish, aholini mazkur jarayonga faolroq jalb etish uchun shart-sharoitlar yaratish zarurligini koʻrsatmoqda.
Jamoatchilik fikrining tizimli monitoringini taʼminlash hamda mamlakat ijtimoiy-iqtisodiy va ijtimoiy-siyosiy hayotida uning natijalaridan foydalanish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha Harakatlar strategiyasida belgilangan vazifalarni samarali amalga oshirish maqsadida:
1. “Ijtimoiy fikr” jamoatchilik fikrini oʻrganish markazi muassislari yigʻilishining uni “Ijtimoiy fikr” respublika jamoatchilik fikrini oʻrganish markazi (keyingi oʻrinlarda “Ijtimoiy fikr” markazi deb yuritiladi) etib qayta nomlash taklifiga rozilik berilsin.
2. Maʼlumot uchun qabul qilinsinki, quyidagilar “Ijtimoiy fikr” markazining asosiy vazifalari hisoblanadi:
a) quyidagilarda:
davlat hokimiyati va boshqaruvi organlari tizimida, davlat va jamiyat qurilishida — demokratik islohotlarni chuqurlashtirish va mamlakatni modernizatsiya qilishda parlament, siyosiy partiyalar va fuqarolik jamiyatining boshqa institutlari rolini yanada kuchaytirishga, davlat xizmatining tashkiliy-huquqiy asoslarini rivojlantirishga qaratilgan islohotlar;
sud-huquq sohasida — qonun ustuvorligini taʼminlashga va inson huquqlarini ishonchli himoya qilishga yoʻnaltirilgan islohotlar;
iqtisodiyotda — uning raqobatbardoshligini oshirishga, tarmoqlarni modernizatsiya qilish, liberallashtirish va diversifikatsiya qilishga, davlatning iqtisodiy jarayonlarda ishtirokini kamaytirish boʻyicha institutsional va tarkibiy islohotlarni amalga oshirish sifatini aniqlash va oʻrganishga, xususiy mulkchilik huquqlarini ishonchli himoya qilishga yoʻnaltirilgan islohotlar;
ijtimoiy sohada — aholini ijtimoiy muhofaza qilish tizimini takomillashtirishga, uning bandligini taʼminlashga, real daromadlarini oshirishga va xotin-qizlarning ijtimoiy-siyosiy faolligini kuchaytirishga, taʼlim, sogʻliqni saqlash, turizm, madaniyat, sanʼat, sport, ilm-fan va boshqa yoʻnalishlarning sifatini oshirishga, davlatning yoshlarga oid siyosatini va arzon uy-joylar qurish dasturlarini amalga oshirish chora-tadbirlarini bajarishga yoʻnaltirilgan islohotlar;
xavfsizlik, millatlararo totuvlik va diniy bagʻrikenglik, shuningdek, tashqi siyosat sohalarida — mamlakat mudofaa qobiliyatini, fuqarolar oʻrtasida va dinlararo tinchlik hamda totuvlikni mustahkamlashga, tashqi siyosat sohasidagi faoliyat samaradorligini yanada oshirishga yoʻnaltirilgan islohotlar toʻgʻrisidagi jamoatchilik fikrini oʻrganish va tahlil qilish;
b) fuqarolar dunyoqarashini shakllantirishning asosiy yoʻnalishlarini, ularning siyosiy, ijtimoiy-iqtisodiy, axloqiy, huquqiy ongi holati va mazmunini belgilash, aholining siyosiy, huquqiy madaniyati darajasini oʻrganish va ularni rivojlantirishning asosiy yoʻnalishlarini belgilash;
v) ijtimoiy-siyosiy va ijtimoiy-iqtisodiy rivojlanishning holati va dinamikasi toʻgʻrisida, aholining ijtimoiy fikri haqida ishonchli axborotni tarqatish;
g) xorijiy tadqiqotchilik amaliyotida faol foydalaniladigan va zamonaviy axborot yondashuvlariga tayanadigan sotsiologik tadqiqotlar oʻtkazishni tashkil etish texnikasi va texnologiyalarini ishlab chiqish, moslashtirish, tatbiq etish va ularning keng usullarini qoʻllash, jamoatchilik fikrini oʻrganish metodologik asoslarini tahlil qilish va takomillashtirish.
3. “Ijtimoiy fikr” markazi, Oʻzbekiston Respublikasi Bandlik va mehnat munosabatlari vazirligi, Moliya vazirligining:
“Ijtimoiy fikr” markazi tomonidan Taʼsischilar kengashi tomonidan har yili maʼqullanadigan sotsiologik tadqiqotlar rejasiga muvofiq sotsiologik tadqiqotlar oʻtkazish tartibini saqlab qolgan holda “Ijtimoiy fikr” markazining rahbar va ilmiy xodimlariga budjet mablagʻlari hisobidan fundamental, amaliy tadqiqotlar va innovatsion ishlar ilmiy-texnik dasturlarini amalga oshirishda ishtirok etadigan ilmiy-tadqiqot muassasalarining ilmiy va rahbar xodimlari mehnatiga haq toʻlash va ularni moddiy ragʻbatlantirish miqdorlari va shartlarini, Markazning boshqa xodimlariga esa Oʻzbekiston Respublikasi Fanlar akademiyasiga idoraviy mansub muassasalar uchun belgilangan mehnatga haq toʻlash va moddiy ragʻbatlantirish shartlarini tatbiq etish;
“Ijtimoiy fikr” markazini Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlari hisobidan taʼminlash tartibini joriy etish toʻgʻrisidagi takliflari maʼqullansin.
Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga har yili “Ijtimoiy fikr” markazining buyurtmanomalariga koʻra markazning asosiy vazifalarini amalga oshirish boʻyicha tadbirlarni moliyalashtirish uchun zarur mablagʻlarni koʻzda tutish tavsiya etilsin.
4. “Ijtimoiy fikr” markazi tomonidan oʻtkazilgan sotsiologik soʻrov natijalarini Oʻzbekiston Respublikasi Vazirlar Mahkamasi va uning Rayosati majlislarida muntazam muhokama qilish va ular boʻyicha zarur chora-tadbirlar koʻrish amaliyotga joriy etilsin.
Belgilansinki, “Ijtimoiy fikr” markazi tomonidan oʻtkazilgan sotsiologik soʻrov natijalari ommaviy axborot vositalari, markaziy davlat telekanallari, bosma nashrlar va Markazning veb-saytida doimiy yoritib borilishi zarur.
Oʻzbekiston Milliy teleradiokompaniyasi “Ijtimoiy fikr” markazi bilan birgalikda ikki hafta muddatda sotsiologik soʻrovlar yakunlarini yoritish maqsadida “Oʻzbekiston 24” telekanalida doimiy faoliyat yuritadigan “Ijtimoiy fikr” (“Obshestvennoye mneniye”) maxsus rukni tashkil etilishini taʼminlasin.
5. 2019-2020-yillarda “Ijtimoiy fikr” respublika jamoatchilik fikrini oʻrganish markazini uskunalar, texnika va boshqa vositalar bilan jihozlash dasturi ilovaga * muvofiq tasdiqlansin.
Oʻzbekiston Respublikasi Moliya vazirligi “Ijtimoiy fikr” markazining asoslangan hisob-kitoblariga koʻra uning moddiy-texnik bazasini yaxshilash uchun zarur boʻlgan uskunalar, texnika va boshqa vositalarni, shuningdek, ushbu Dasturda keltirilgan xorijiy ilmiy va maxsus adabiyotlarni xarid qilishga mablagʻ ajratilishini taʼminlasin.
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi ikki oy muddatda Axborot-kommunikatsiya texnologiyalarini rivojlantirish jamgʻarmasi mablagʻlari hisobidan belgilangan tartibda:
“Ijtimoiy fikr” markazini zarur aloqa vositalari, jumladan hukumat aloqasi bilan, Internetga keng polosali ulanishini taʼminlasin hamda xorijiy ekspertlarni jalb etgan holda video anjumanlar, internet-forumlar va telekoʻpriklarni oʻtkazishda zarur texnik yordam koʻrsatsin;
“Ijtimoiy fikr” markaziga telefon va Internet tarmogʻi orqali ijtimoiy-siyosiy, ijtimoiy-iqtisodiy va mamlakatimiz hayotining boshqa yoʻnalishlariga doir dolzarb joriy masalalar yuzasidan aholi oʻrtasida blits-soʻrov oʻtkazish uchun call-markazini tashkil etishda amaliy va texnik yordam koʻrsatsin;
“Ijtimoiy fikr” markazining jismoniy va yuridik shaxslarning murojaatlarini koʻrib chiqish boʻyicha ishlarni monitoring va tahlil qilish maqsadida “Oʻzbekiston Respublikasi Prezidentining Virtual qabulxonasi”, “Qoʻngʻiroqlarni qayta ishlash markazi” (telefon raqamlari 10-00, (0800) 210-00-00) va Oʻzbekiston Respublikasi Prezidenti Xalq qabulxonalarining axborot tizimlari faoliyatiga doir statistik va boshqa axborotlardan foydalanishini taʼminlasin.
7. Oʻzbekiston Respublikasi Tashqi ishlar vazirligi xorijiy tadqiqot markazlari bilan yaqin hamkorlik aloqalarini yoʻlga qoʻyishda, zamonaviy usul va yondashuvlar asosida sotsiologik soʻrovlar oʻtkazishni tashkillashtirish koʻnikmalarini oshirish maqsadida ularning malakali mutaxassislarini jalb etishda “Ijtimoiy fikr” markaziga koʻmaklashsin.
8. Oʻzbekiston Respublikasi Oliy va oʻrta maxsus taʼlim vazirligi:
2019/2020 oʻquv yilidan boshlab “Ijtimoiy fikr” markazining buyurtmanomalariga koʻra respublikadagi oliy taʼlim muassasalari talabalari tegishli taʼlim yoʻnalishlari boʻyicha ishlab chiqarish amaliyotidan oʻtishi uchun mazkur Markazga muntazam yuborilishini taʼminlasin;
respublikadagi tegishli oliy taʼlim muassasalari bilan birgalikda ikki oy muddatda 2019/2020 oʻquv yilidan boshlab sotsiologiya va sotsiologik tadqiqotlar kafedralarini ochish choralari koʻrilishini taʼminlasin.
9. “Ijtimoiy fikr” markazi, Oliy va oʻrta maxsus taʼlim vazirligi, Bandlik va mehnat munosabatlari vazirligi, Oʻzbekiston Respublikasi Prezidenti huzuridagi Davlat boshqaruvi akademiyasi va “Taraqqiyot strategiyasi” markazining Oʻzbekiston sotsiologlari assotsiatsiyasini tashkil etish hamda quyidagilarni uning asosiy vazifalari etib belgilash toʻgʻrisidagi taklifi qabul qilinsin:
oʻz aʼzolarining huquqlari va qonuniy manfaatlarini ifodalash va himoya qilish;
ilmiy tadqiqotlar, ijtimoiy mezonlar metodologiyasini takomillashtirish boʻyicha ishlarda, mamlakatimiz sotsiologiya hamjamiyatining intellektual va ilmiy-texnik salohiyatini yuksaltirishda ishtirok etish, shu jumladan ijtimoiy tajribalar oʻtkazish boʻyicha takliflar kiritish;
Oʻzbekistonda va xorijda demografik jarayonlarni oʻrganish va tahlil qilishga koʻmaklashish;
sotsiologlar va boshqa xodimlarning malakasini oshirish;
oliy taʼlim muassasalarining oʻquv dasturlariga sotsiologiya fanidagi eng yangi yutuqlarni va sotsiologik tadqiqotlar oʻtkazishning innovatsion yondashuvlarini joriy etish boʻyicha ular bilan hamkorlik qilish;
xalqaro va xorijiy sotsiologlar assotsiatsiyalari bilan hamkorlik qilish, sifatli sotsiologik ishlarni, shu jumladan xorijda oʻtkazish maqsadida konsorsium tashkil etish;
Xalqaro sotsiologlar assotsiatsiyasiga aʼzo boʻlish, butunjahon sotsiologik kongresslar va forumlarda ishtirok etish.
10. “Ijtimoiy fikr” markazi:
Oʻzbekiston Respublikasi Milliy statistika qoʻmitasi, Iqtisodiyot va moliya vaziriligi, Kambagʻallikni qisqartirish va bandlik vazirligi, Ichki ishlar vazirligi, Soliq qoʻmitasi, Bojxona qoʻmitasi, Bosh prokuraturasi, Oliy sudi, boshqa vazirlik va idoralarning statistik axboroti;
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazi byulletenlari va kundalik maʼlumotlari toʻplami;
xorijiy matbuot sharhlari va ilmiy-tadqiqot institutlari, jumladan Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar instituti, Moliya vazirligi huzuridagi Budjet-soliq tadqiqotlari institutining ijtimoiy-iqtisodiy sohaga oid tahliliy maʼruzalari majburiy joʻnatiladigan reyestrga kiritilsin.
11. Oʻzbekiston Respublikasi Investitsiyalar va tashqi savdo vazirligi, Moliya vazirligi, Iqtisodiyot va sanoat vazirligi 2020 va undan keyingi yillarga moʻljallangan Oʻzbekiston Respublikasi Investitsiya dasturini shakllantirishda “Ijtimoiy fikr” markazining asoslangan hisob-kitoblariga koʻra Markaz va tashkil etiladigan Oʻzbekiston sotsiologlari assotsiatsiyasi binolarida taʼmirlash-tiklash ishlari va ularni texnik oʻqitish vositalari bilan jihozlash boʻyicha loyihalar kiritilishini belgilangan tartibda nazarda tutsin.
12. Quyidagilarga:
Oʻzbekiston Milliy teleradiokompaniyasi raisi vazifasini bajaruvchi A.J. Xadjayev va Oʻzbekiston Milliy axborot agentligi bosh direktori A.K. Koʻchimovga — sotsiologik soʻrovlar natijalarining ommaviy axborot vositalari, markaziy davlat telekanallari va bosma nashrlarda muntazam yoritib borilishi uchun;
vazirliklar, idoralar, boshqa davlat organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rahbarlariga — “Ijtimoiy fikr” markaziga uning vazifalarini samarali amalga oshirishda har tomonlama va toʻliq koʻmaklashish uchun shaxsan javobgar ekani koʻrsatib oʻtilsin.
13. Oʻzbekiston Respublikasi Prezidentining 1997-yil 25-iyundagi “Huquqiy tarbiyani yaxshilash, aholining huquqiy madaniyati darajasini yuksaltirish, huquqshunos kadrlarni tayyorlash tizimini takomillashtirish, jamoatchilik fikrini oʻrganish ishini yaxshilash haqida”gi PF-1791-son Farmonining 2.1-bandi oʻz kuchini yoʻqotgan deb hisoblansin.
14. Oʻzbekiston Respublikasi Adliya vazirligi:
bir oy muddatda “Ijtimoiy fikr” markazini mazkur Farmonga muvofiq uning nomi oʻzgartirilganini va ustuvor vazifalari belgilab olinganini hisobga olgan holda qayta roʻyxatdan oʻtkazsin;
tashkil etilayotgan Oʻzbekiston sotsiologlari assotsiatsiyasini belgilangan tartibda davlat roʻyxatidan oʻtkazsin, ustav organlarini shakllantirishda unga har tomonlama koʻmaklashsin;
ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida takliflar kiritsin.
15. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisi R.S. Qosimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 22-fevral,
PF-5667-son
Президента Республики Узбекистан
Указ
ПРОГРАММА
О мерах по государственной поддержке проведения социологических исследований
За последние годы в стране реализуются масштабные реформы, направленные на демократизацию всех сфер государственного и общественного строительства, внедрение инновационных технологий, создание необходимых условий и возможностей для развития человеческого потенциала, повышение уровня благосостояния населения.
В этих условиях особое значение приобретает вопрос формирования качественно новой и современной исследовательской практики проведения социологических опросов относительно качественного изменения ситуации в определенной сфере и дальнейших задач по ее развитию на основе использования передового зарубежного и отечественного теоретико-методологического инструментария.
Международная практика и отечественный опыт указывают на необходимость более широкого использования потенциала неправительственных организаций в проведении социологических исследований на принципах социального партнерства и создания в этих целях условий для качественного выполнения государственного заказа, активизации вовлеченности населения в данный процесс.
В целях обеспечения системного мониторинга общественного мнения и использования его результатов в социально-экономической и общественно-политической жизни страны, а также эффективной реализации задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
1. Согласиться с предложением собрания учредителей Центра по изучению общественного мнения «Ижтимоий фикр» о его переименовании в Республиканский центр изучения общественного мнения «Ижтимоий фикр» (далее — Центр «Ижтимоий фикр»).
2. Принять к сведению, что основными задачами Центра «Ижтимоий фикр» являются:
а) изучение и анализ общественного мнения о преобразованиях в:
системе органов государственной власти и управления, государственном и общественном строительстве, направленных на дальнейшее усиление роли парламента, политических партий и других институтов гражданского общества в углублении демократических реформ и модернизации страны, развитие организационно-правовых основ государственной службы;
судебно-правовой сфере, направленных на обеспечение верховенства закона и надежную защиту прав человека;
экономике, направленных на повышение ее конкурентоспособности, модернизацию, либерализацию и диверсификацию отраслей, выявление и изучение качества осуществления институциональных и структурных реформ по сокращению участия государства в экономических процессах, надежную защиту прав частной собственности;
социальной сфере, направленных на совершенствование системы социальной защиты, обеспечение занятости, повышение реальных доходов населения и социально-политической активности женщин, качества образования, здравоохранения, туризма, культуры, искусства, спорта, науки и других направлений, реализацию мер по осуществлению государственной молодежной политики и программ по строительству доступного жилья;
сферах безопасности, межнационального согласия и религиозной толерантности, а также внешней политики, направленных на укрепление обороноспособности страны, гражданского и межконфессионального мира и согласия, дальнейшее повышение эффективности внешнеполитической деятельности;
б) определение основных направлений формирования мировоззрения граждан, состояния и содержания их политического, общественно-экономического, морального, правового сознания, изучение уровня политической, правовой культуры населения и определение основных направлений их развития;
в) распространение достоверной информации о состоянии и динамике общественно-политического и социально-экономического развития, общественного мнения населения;
г) разработка, адаптация, внедрение и применение широкого спектра техники и технологий организации проведения социологических исследований, активно используемых в зарубежной исследовательской практике и основанных на современных информационных подходах, анализ и совершенствование методологических основ изучения общественного мнения.
3. Одобрить предложение Центра «Ижтимоий фикр», Министерства занятости и трудовых отношений, Министерства финансов Республики Узбекистан о:
сохранении порядка проведения Центром «Ижтимоий фикр» социологических исследований в соответствии с ежегодно одобряемым Советом учредителей планом социологических исследований с распространением на руководящих и научных работников Центра «Ижтимоий фикр» размеров, условий оплаты и материального стимулирования труда научных и руководящих работников научно-исследовательских учреждений, участвующих в реализации научно-технических программ фундаментальных, прикладных исследований и инновационных работ за счет бюджетных средств, а на остальных работников Центра — условия оплаты и материального стимулирования труда, установленные для подведомственных учреждений Академии наук Республики Узбекистан;
внедрении порядка содержания Центра «Ижтимоий фикр» за счет средств Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан.
Рекомендовать Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан ежегодно предусматривать необходимые средства для финансирования мероприятий по выполнению основных задач Центра «Ижтимоий фикр» на основании его заявок.
4. Ввести в практику регулярное обсуждение на заседаниях Кабинета Министров Республики Узбекистан и его Президиума результатов социологических опросов, проведенных Центром «Ижтимоий фикр», с принятием необходимых мер по ним.
Установить, что результаты социологических опросов, проведенных Центром «Ижтимоий фикр», подлежат постоянному освещению в средствах массовой информации, печатных изданиях, на центральных государственных телеканалах и веб-сайте данного Центра.
Национальной телерадиокомпании Узбекистана совместно с Центром «Ижтимоий фикр» в двухнедельный срок обеспечить создание на телеканале «Oʻzbekiston 24» постоянно действующей специальной рубрики «Ижтимоий фикр» («Общественное мнение») в целях освещения итогов социологических опросов.
5. Утвердить Программу оснащения Республиканского центра изучения общественного мнения «Ижтимоий фикр» оборудованием, техникой и иными средствами на 2019-2020 годы согласно приложению .
Министерству финансов Республики Узбекистан обеспечить выделение по обоснованным расчетам Центра «Ижтимоий фикр» средств на покупку необходимого оборудования, техники и иных средств для улучшения его материально-технической базы, а также зарубежной научной и специализированной литературы, предусмотренных в указанной Программе.
6. Министерству по развитию информационных технологий и коммуникаций Республики Узбекистан в двухмесячный срок в установленном порядке за счет средств Фонда развития информационно-коммуникационных технологий:
обеспечить Центр «Ижтимоий фикр» необходимыми средствами связи, включая правительственную связь, широкополосным доступом к сети Интернет, а также оказание необходимой технической помощи при проведении видеоконференций, интернет-форумов и телемостов с привлечением зарубежных экспертов;
оказать практическое и техническое содействие Центру «Ижтимоий фикр» в создании сall-центра для блиц-опроса населения по телефону и через сеть Интернет по актуальным текущим вопросам общественно-политической, социально-экономической и других направлений жизни страны;
обеспечить доступ Центра «Ижтимоий фикр» к статистической и иной информации по деятельности информационной системы «Виртуальная приемная Президента Республики Узбекистан», Центра обработки вызовов (телефоны 10-00, (0800) 210-00-00) и Народных приемных Президента Республики Узбекистан для осуществления мониторинга и анализа работы по рассмотрению обращений физических и юридических лиц.
7. Министерству иностранных дел Республики Узбекистан оказать содействие Центру «Ижтимоий фикр» в налаживании тесного сотрудничества с зарубежными исследовательскими центрами, привлечении их квалифицированных специалистов для повышения навыков организации проведения социологических опросов на основе современных методов и подходов.
8. Министерству высшего и среднего специального образования Республики Узбекистан:
по заявкам Центра «Ижтимоий фикр», начиная с 2019/2020 учебного года, обеспечить регулярное направление в данный Центр на производственную практику студентов высших образовательных учреждений республики по соответствующим направлениям обучения;
в двухмесячный срок совместно с соответствующими высшими образовательными учреждениями республики обеспечить принятие мер по открытию с 2019/2020 учебного года кафедр социологии и социальных исследований.
9. Принять предложение Центра «Ижтимоий фикр», Министерства высшего и среднего специального образования, Министерства занятости и трудовых отношений, Академии государственного управления при Президенте Республики Узбекистан и Центра «Стратегия развития» о создании Ассоциации социологов Узбекистана и определении ее основными задачами:
представление и защиту прав и законных интересов своих членов;
участие в научных исследованиях, работе по совершенствованию методологии социальных измерений, повышении интеллектуального и научно-технического потенциала социологического сообщества страны, в том числе внесение предложений по проведению социальных экспериментов;
оказание содействия в проведении изучения и анализа демографических процессов как в Узбекистане, так и за рубежом;
повышение квалификации социологов и других работников;
взаимодействие с высшими образовательными учреждениями по внедрению в их учебные программы новейших достижений в социологии и инновационных подходов проведения социологических исследований;
сотрудничество с международными и зарубежными ассоциациями социологов, формирование консорциумов для проведения качественных социологических работ, в том числе за рубежом;
членство в Международной социологической ассоциации, участие во всемирных социологических конгрессах и форумах.
10. Включить Центр «Ижтимоий фикр» в реестр обязательной рассылки:
статистической информации Национального комитета Республики Узбекистан по статистике, Министерства экономики и финансов, Министерства занятости и сокращения бедности, Министерства внутренних дел, Налогового комитета, Таможенного комитета, Генеральной прокуратуры, Верховного суда Республики Узбекистан, других министерств и ведомств;
бюллетеней и ежедневных сводок Центра по вопросам массовых коммуникаций Агентства информации и массовых коммуникаций при Администрации Президенте Республики Узбекистан;
обзоров зарубежной прессы и аналитических докладов научно-исследовательских институтов в социально-экономической сфере, в том числе Института прогнозирования и макроэкономических исследований при Министерстве экономики и промышленности, Института бюджетно-налоговых исследований при Министерстве финансов Республики Узбекистан.
11. Министерству инвестиций и внешней торговли, Министерству финансов, Министерству экономики и промышленности Республики Узбекистан по обоснованным расчетам Центра «Ижтимоий фикр» при формировании Инвестиционной программы Республики Узбекистан на 2020 и последующие годы предусматривать в установленном порядке включение в них проектов по ремонтно-восстановительным работам зданий Центра и создаваемой Ассоциации социологов Узбекистана и их оснащению техническими средствами обучения.
12. Указать на персональную ответственность:
и.о. председателя Национальной телерадиокомпании Узбекистана Хаджаева А.Д. и генерального директора Национального информационного агентства Узбекистана Кучимова А.К. — за регулярное освещение в средствах массовой информации, печатных изданиях и на центральных государственных телеканалах результатов социологических опросов;
руководителей министерств, ведомств, других государственных органов, Совета Министров Республики Каракалпакстан, хокимиятов областей и г. Ташкента — за оказание всестороннего и полного содействия Центру «Ижтимоий фикр» в эффективной реализации его задач.
13. Признать утратившим силу пункт 2.1 Указа Президента Республики Узбекистан от 25 июня 1997 года № УП-1791 «Об улучшении правового воспитания, повышении уровня правовой культуры населения, совершенствовании системы подготовки кадров правоведов, улучшении работы по изучению общественного мнения».
14. Министерству юстиции Республики Узбекистан:
в месячный срок осуществить перерегистрацию Центра «Ижтимоий фикр» с учетом его переименования и определения приоритетных задач в соответствии с настоящим Указом;
осуществить в установленном порядке государственную регистрацию создаваемой Ассоциации социологов Узбекистана, оказать ей всестороннее содействие в формировании уставных органов;
в двухмесячный срок внести предложения по изменениям и дополнениям в законодательство, вытекающим из настоящего Указа.
15. Контроль за исполнением настоящего Указа возложить на Премьер-министра Республики Узбекистан А.Н. Арипова и советника Президента Республики Узбекистан Р.С. Касимова.
ПРИЛОЖЕНИЕ к Указу Президента Республики Узбекистан от 22 февраля 2019 года № УП-5667
оснащения Республиканского центра изучения общественного мнения «Ижтимоий фикр» оборудованием, техникой и иными средствами на 2019-2020 годы
№ Наименование Техническая характеристика Количество Сумма (млн сум) 2019 год 1. Мебель Шкафы для документов, набор руководителя, столы компьютерные, стулья, кресла руководителя, комплект для конференц-зала 150 2. Транспорт 97 Кобальт LTZ A/T 1 97 3. Техника 296,5 копировальный аппарат двухсторонний Canon image RUNNER ADVANCE C3320i + тонеры , формат - А 3 1 16 резак Гильотинный, НSM 48000 1 23 принтер цветной EPSON Stylus Photo 1500W+A3 1 13,5 компьютеры Dell Inspiron 3464 (Intel i5-7200U/8GB/НDD 1TB/2GB GT920/ DVD-RW/FНD 23,8 /Wi-Fi/Web/wireless key+mouse) 8 96 Dell OptiPlex 3040 MT Core i3-6100, 4GB, 500GB, DVDRW, Gbit LA N , ATX, Dell keyboard RU, Dell mouse, Монитор DELL E2216Н-21,5 OS&Soft: Ubuntu 14.04 LTS (Long Term Support) LibreOffice — кроссплатформенный, офисный пакет с открытым исходным кодом, созданный как ответвление OpenOffice 20 140 программное обеспечение Microsoft Office Н/S 2007 Russian 1pk DSP ORT OEI CEE V2 MLK 79G-01418. Специализированное системное и прикладное программное обеспечение. 8 4. Серверы Сервер НP ProLiant DL380 Gen9 E5-2620v3 CPU (Процессор Intel Xeon 6-ядерный 2.4 Ггц, 15МБ Cache L3); P440ar/2G (интегрированный контроллер жестких дисков НP Flexible Smart Array P440ar/2GB FBWC; LA N -4 port (интегрированный НP Embedded 1Gb Ethernet 4-port 331i Adapter + iLO4 port); оперативная память 1x16GB RAM DDR4 2Rx4 PC4-2133P-R; 3x300GB 6G 10Krpm 2.5 SAS SFF Нot Plug НDD (жесткие диски ); НP 9.5mm SATA JB DVDRW Optical Drive (DVDRW привод); 2xНP 500W Flex Slot Platinum Нot Plug Power Supply (Блоки питания); FreeDOS (Без операционной системы)-(P/n K8P42A) 2 170 5. Call-центр 17,3 АТС KX- N S500-IP 5,3 гарнитура для операторов Наушник с микрофоном, Plantronics Audio 648 USB 6 проектор EPSON EB-X41 P-1024x768, K-15000:1, ЛМ -3600 5,5 экран проекционный MW-AV-70L 0,5 6. Локальная сеть 12,2 маршрутизаторы TL-ER6020 6,2 кабель, адаптер TL-A N T24PT3 Pigtail Cable, 2.4GНz, 3m Cable length, N -type Male to RP-SMA Male connector 6 7. Телевизоры Artel 32, Artel 43 4 10 8. Зарубежная научная и научно-специализированная литература Научно-специализированные книги, журналы 20 Всего 763 2020 год 9. Мебель Шкафы для документов, столы компьютерные, стулья 75 10 Техника 125 компьютеры Dell Inspiron 3464 (Intel i5-7200U/ 8GB/НDD 1TB/2GB GT920/ DVD-RW/FНD 23,8/Wi-Fi/Web/wireless key+mouse) 10 80 ноутбуки ASUS R540U/Intel i7-7500U/8GB DDR3/1000GB НDD/15.6 НD LED/2GB ATI Radeon R5 M420/DVD 5 15 сканер Epson Workforce формат А2 1 25 цифровая видеокамера Canon PowerShot SX600 НS 1 5 11. Зарубежная научная и научно-специализированная литература Научно-специализированные книги, журналы 25 Всего 225 Итого 988
Президент Республики Узбекистан Ш. МИРЗИЁЕВ
г. Ташкент,
22 февраля 2019 г.,
№ УП-5667