📅 2019-yil 22-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 февраля 2019 г. · Постановления Президента
Официальный текст. Официальный документ. Редакционные примечания не включены.
📅 22 February 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасида чўлланиш ва қурғоқчиликка қарши курашиш бўйича ишлар самарадорлигини ошириш чора-тадбирлари тўғрисида
Республикада чўлланишнинг олдини олиш, ўрмонларни қайта тиклаш ва иҳота ўрмонларини кўпайтириш бўйича қатор чора-тадбирлар амалга оширилмоқда.
Шу билан бирга, ҳозирги вақтда республика ҳудудининг 70 фоизи ёки 31,4 млн га табиий шўрланишга, қум кўчкилари, чангли бўронлар ва гармселлар тарқалиши таъсирига учраган қурғоқчил ва ярим қурғоқчил майдонлардан иборат. Орол фожиаси оқибатида 5,5 млн гектардан ортиқ майдонли Оролқум чўли вужудга келган.
Ерлар чўлланишининг олдини олиш ва қурғоқчиликка қарши курашиш соҳасида амалдаги давлат бошқаруви тизими ушбу йўналишдаги ишларни самарали мувофиқлаштиришни таъминлаш имконини бермаяпти.
Чўлланишга қарши курашиш, деградацияга учраган ерларни қайта тиклаш бўйича ишларни олиб бориш самарадорлигини ошириш, шунингдек, Ўзбекистон Республикасининг халқаро мажбуриятларини самарали бажаришни таъминлаш мақсадида:
1. Ўзбекистон Республикаси Олий Мажлисининг 1995 йил 31 августдаги 125-I-сон қарори билан Қаттиқ қурғоқчиликни бошдан кечираётган ва (ёки) чўлга айланиб бораётган мамлакатларда, айниқса, Африкада чўлга айланиб боришларга қарши кураш бўйича БМТ Конвенцияси (кейинги ўринларда — Конвенция) ратификация қилинганлиги маълумот учун қабул қилинсин.
2. Ўзбекистон Республикаси Ўрмон хўжалиги давлат қўмитасига қуйидаги қўшимча функциялар юклансин:
республикада чўлланишнинг олдини олиш, ўрмонларни қайта тиклаш ва иҳота ўрмонларини кўпайтириш бўйича чора-тадбирларни амалга ошириш;
Ўзбекистон Республикасининг чўлланиш ва қурғоқчиликка қарши курашиш бўйича халқаро мажбуриятларини бажариш;
чўлланиш ва қурғоқчиликка қарши курашиш масалалари бўйича халқаро ва минтақавий ташкилотлар билан самарали ўзаро ҳамкорликни таъминлаш;
Ўзбекистон Республикасида чўлланиш ва қурғоқчиликка қарши курашиш бўйича дастур ва лойиҳаларни ишлаб чиқиш ва амалга оширишда иштирок этадиган вазирлик, идора ва маҳаллий ижро этувчи ҳокимият органлари ишларини мувофиқлаштириш;
Конвенция талабларини бажариш доирасида Ўзбекистон Республикасининг миллий ваколатли органи вазифаларини амалга ошириш.
3. Ўзбекистон Республикаси Ўрмон хўжалиги давлат қўмитаси марказий аппаратининг тузилмасида Ўзбекистон Республикаси Фавқулодда вазиятлар вазирлиги ҳузуридаги Гидрометеорология хизмати марказининг Конвенция доирасида халқаро мажбуриятлар бажарилиши учун масъул бўлган штат бирликларини керакли миқдорда тугатиш ҳисобига бошқарув ходимларининг штат сони 4 нафардан иборат бўлган Чўлланиш ва қурғоқчиликка қарши курашиш бошқармаси ташкил этилсин.
4. Ўзбекистон Республикаси Ўрмон хўжалиги давлат қўмитаси:
доимий равишда Конвенция доирасида Ўзбекистон Республикасининг халқаро мажбуриятлари ўз вақтида ва зарур даражада бажарилишини таъминлаб борсин;
чўлланишнинг олдини олиш, қурғоқчиликка қарши курашиш, ўрмонларни қайта тиклаш ва иҳота ўрмонларини кўпайтириш бўйича юкланган вазифаларни самарали бажариш учун давлат ва хўжалик бошқаруви органлари, маҳаллий ижро этувчи ҳокимият органлари ҳамда хорижий ихтисослаштирилган ташкилотлар мутахассисларини зарур ҳолларда жалб қилсин;
ҳар чоракда чўлланишнинг олдини олиш, қурғоқчиликка қарши курашиш, ўрмонларни қайта тиклаш ва иҳота ўрмонларини кўпайтириш бўйича чора-тадбирларни амалга ошириш борасида бажарилган ишлар ҳақида Ўзбекистон Республикаси Вазирлар Маҳкамасига ахборот бериб борсин.
5. Ташқи ишлар вазирлиги Ўзбекистон Республикасининг чўлланиш ва қурғоқчиликка қарши курашиш бўйича халқаро мажбуриятларини бажариш юзасидан Ўзбекистон Республикасининг миллий ваколатли органи функциялари Ўзбекистон Республикаси Ўрмон хўжалиги давлат қўмитасига юклатилгани тўғрисида белгиланган тартибда Конвенция Котибиятига хабарнома юборсин.
6. Ўзбекистон Республикаси Ўрмон хўжалиги давлат қўмитаси манфаатдор вазирлик ва идоралар билан биргаликда Ўзбекистон Республикаси Вазирлар Маҳкамасига икки ой муддатда:
Ўзбекистон Республикасида чўлланиш ва қурғоқчиликка қарши курашиш бўйича 2019 — 2023 йилларга мўлжалланган «Йўл харитаси»ни;
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 22 февраль,
ПҚ-4204-сон
Oʻzbekiston Respublikasi Prezidentining
Qarori
Oʻzbekiston Respublikasida choʻllanish va qurgʻoqchilikka qarshi kurashish boʻyicha ishlar samaradorligini oshirish chora-tadbirlari toʻgʻrisida
Respublikada choʻllanishning oldini olish, oʻrmonlarni qayta tiklash va ihota oʻrmonlarini koʻpaytirish boʻyicha qator chora-tadbirlar amalga oshirilmoqda.
Shu bilan birga, hozirgi vaqtda respublika hududining 70 foizi yoki 31,4 mln ga tabiiy shoʻrlanishga, qum koʻchkilari, changli boʻronlar va garmsellar tarqalishi taʼsiriga uchragan qurgʻoqchil va yarim qurgʻoqchil maydonlardan iborat. Orol fojiasi oqibatida 5,5 mln gektardan ortiq maydonli Orolqum choʻli vujudga kelgan.
Yerlar choʻllanishining oldini olish va qurgʻoqchilikka qarshi kurashish sohasida amaldagi davlat boshqaruvi tizimi ushbu yoʻnalishdagi ishlarni samarali muvofiqlashtirishni taʼminlash imkonini bermayapti.
Choʻllanishga qarshi kurashish, degradatsiyaga uchragan yerlarni qayta tiklash boʻyicha ishlarni olib borish samaradorligini oshirish, shuningdek, Oʻzbekiston Respublikasining xalqaro majburiyatlarini samarali bajarishni taʼminlash maqsadida:
1. Oʻzbekiston Respublikasi Oliy Majlisining 1995-yil 31-avgustdagi 125-I-son qarori bilan Qattiq qurgʻoqchilikni boshdan kechirayotgan va (yoki) choʻlga aylanib borayotgan mamlakatlarda, ayniqsa, Afrikada choʻlga aylanib borishlarga qarshi kurash boʻyicha BMT Konvensiyasi (keyingi oʻrinlarda — Konvensiya) ratifikatsiya qilinganligi maʼlumot uchun qabul qilinsin.
2. Oʻzbekiston Respublikasi Oʻrmon xoʻjaligi davlat qoʻmitasiga quyidagi qoʻshimcha funksiyalar yuklansin:
respublikada choʻllanishning oldini olish, oʻrmonlarni qayta tiklash va ihota oʻrmonlarini koʻpaytirish boʻyicha chora-tadbirlarni amalga oshirish;
Oʻzbekiston Respublikasining choʻllanish va qurgʻoqchilikka qarshi kurashish boʻyicha xalqaro majburiyatlarini bajarish;
choʻllanish va qurgʻoqchilikka qarshi kurashish masalalari boʻyicha xalqaro va mintaqaviy tashkilotlar bilan samarali oʻzaro hamkorlikni taʼminlash;
Oʻzbekiston Respublikasida choʻllanish va qurgʻoqchilikka qarshi kurashish boʻyicha dastur va loyihalarni ishlab chiqish va amalga oshirishda ishtirok etadigan vazirlik, idora va mahalliy ijro etuvchi hokimiyat organlari ishlarini muvofiqlashtirish;
Konvensiya talablarini bajarish doirasida Oʻzbekiston Respublikasining milliy vakolatli organi vazifalarini amalga oshirish.
3. Oʻzbekiston Respublikasi Oʻrmon xoʻjaligi davlat qoʻmitasi markaziy apparatining tuzilmasida Oʻzbekiston Respublikasi Favqulodda vaziyatlar vazirligi huzuridagi Gidrometeorologiya xizmati markazining Konvensiya doirasida xalqaro majburiyatlar bajarilishi uchun masʼul boʻlgan shtat birliklarini kerakli miqdorda tugatish hisobiga boshqaruv xodimlarining shtat soni 4 nafardan iborat boʻlgan Choʻllanish va qurgʻoqchilikka qarshi kurashish boshqarmasi tashkil etilsin.
4. Oʻzbekiston Respublikasi Oʻrmon xoʻjaligi davlat qoʻmitasi:
doimiy ravishda Konvensiya doirasida Oʻzbekiston Respublikasining xalqaro majburiyatlari oʻz vaqtida va zarur darajada bajarilishini taʼminlab borsin;
choʻllanishning oldini olish, qurgʻoqchilikka qarshi kurashish, oʻrmonlarni qayta tiklash va ihota oʻrmonlarini koʻpaytirish boʻyicha yuklangan vazifalarni samarali bajarish uchun davlat va xoʻjalik boshqaruvi organlari, mahalliy ijro etuvchi hokimiyat organlari hamda xorijiy ixtisoslashtirilgan tashkilotlar mutaxassislarini zarur hollarda jalb qilsin;
har chorakda choʻllanishning oldini olish, qurgʻoqchilikka qarshi kurashish, oʻrmonlarni qayta tiklash va ihota oʻrmonlarini koʻpaytirish boʻyicha chora-tadbirlarni amalga oshirish borasida bajarilgan ishlar haqida Oʻzbekiston Respublikasi Vazirlar Mahkamasiga axborot berib borsin.
5. Tashqi ishlar vazirligi Oʻzbekiston Respublikasining choʻllanish va qurgʻoqchilikka qarshi kurashish boʻyicha xalqaro majburiyatlarini bajarish yuzasidan Oʻzbekiston Respublikasining milliy vakolatli organi funksiyalari Oʻzbekiston Respublikasi Oʻrmon xoʻjaligi davlat qoʻmitasiga yuklatilgani toʻgʻrisida belgilangan tartibda Konvensiya Kotibiyatiga xabarnoma yuborsin.
6. Oʻzbekiston Respublikasi Oʻrmon xoʻjaligi davlat qoʻmitasi manfaatdor vazirlik va idoralar bilan birgalikda Oʻzbekiston Respublikasi Vazirlar Mahkamasiga ikki oy muddatda:
Oʻzbekiston Respublikasida choʻllanish va qurgʻoqchilikka qarshi kurashish boʻyicha 2019 — 2023-yillarga moʻljallangan “Yoʻl xaritasi”ni;
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 22-fevral,
PQ-4204-son
Президента Республики Узбекистан
Постановление
О мерах по повышению эффективности работ по борьбе с опустыниванием и засухой в Республике Узбекистан
В республике осуществляется ряд мер по предотвращению опустынивания, лесовосстановлению и защитному лесоразведению.
Вместе с тем в настоящее время 70 процентов территории республики, или 31,4 млн га, состоят из аридных и полуаридных (засушливых) площадей, подверженных природному засолению, распространению подвижных песков, пыльных бурь и суховеев. Вследствие Аральской катастрофы образовалась пустыня Аралкум площадью более 5,5 млн га.
Действующая система государственного управления в сфере противодействия опустыниванию земель и борьбы с засухой не позволяет обеспечивать эффективную координацию работ в данном направлении.
В целях повышения эффективности проведения работ по борьбе с опустыниванием, восстановлению деградированных земель, а также обеспечения эффективного выполнения международных обязательств Республики Узбекистан:
1. Принять к сведению, что постановлением Олий Мажлиса Республики Узбекистан от 31 августа 1995 года № 125-I ратифицирована Конвенция ООН по борьбе с опустыниванием в тех странах, которые испытывают серьезную засуху и (или) опустынивание, особенно в Африке (далее — Конвенция).
2. Возложить на Государственный комитет Республики Узбекистан по лесному хозяйству следующие дополнительные функции:
реализацию мер по предотвращению опустынивания, лесовосстановлению и защитному лесоразведению в республике;
выполнение международных обязательств Республики Узбекистан по борьбе с опустыниванием и засухой;
обеспечение эффективного взаимодействия с международными и региональными организациями по вопросам борьбы с опустыниванием и засухой;
координацию работы министерств, ведомств и органов исполнительной власти на местах, участвующих в разработке и осуществлении программ и проектов по борьбе с опустыниванием и засухой в Республике Узбекистан;
осуществление задач национального уполномоченного органа Республики Узбекистан в рамках выполнения требований Конвенции .
3. Создать в структуре центрального аппарата Государственного комитета Республики Узбекистан по лесному хозяйству Управление по борьбе с опустыниванием и засухой со штатной численностью управленческого персонала в количестве 4 единиц за счет упразднения необходимого количества штатных единиц Центра гидрометеорологической службы при Министерстве по чрезвычайным ситуациям Республики Узбекистан, ответственных за выполнение международных обязательств в рамках Конвенции .
4. Государственному комитету Республики Узбекистан по лесному хозяйству:
на постоянной основе обеспечивать своевременное и надлежащее выполнение международных обязательств Республики Узбекистан в рамках Конвенции ;
привлекать, при необходимости, специалистов органов государственного и хозяйственного управления, органов исполнительной власти на местах и иностранных специализированных организаций для эффективного выполнения возложенных задач по предотвращению опустынивания, борьбе с засухой, лесовосстановлению и защитному лесоразведению;
на ежеквартальной основе предоставлять в Кабинет Министров Республики Узбекистан информацию о проделанной работе по реализации мер по предотвращению опустынивания, борьбе с засухой, лесовосстановлению и защитному лесоразведению.
5. Министерству иностранных дел в установленном порядке направить уведомление Секретариату Конвенции о возложении функций национального уполномоченного органа Республики Узбекистан по выполнению международных обязательств Республики Узбекистан по борьбе с опустыниванием и засухой на Государственный комитет Республики Узбекистан по лесному хозяйству.
6. Государственному комитету Республики Узбекистан по лесному хозяйству совместно с заинтересованными министерствами и ведомствами в двухмесячный срок внести в Кабинет Министров Республики Узбекистан:
«Дорожную карту» по борьбе с опустыниванием и засухой в Республике Узбекистан на 2019 — 2023 годы;
предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.
Президент Республики Узбекистан Ш. МИРЗИЁЕВ
г. Ташкент,
22 февраля 2019 г.,
№ ПП-4204