UzbekAI

Ўзбекистон Республикаси Вазирлар Маҳкамасининг

қарори

ТАРКИБИ

ТУЗИЛМАСИ

НИЗОМ

СХЕМАСИ

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси фаолиятини ташкил этиш тўғрисида

Ўзбекистон Республикаси Президентининг «Халқ таълими тизимига бошқарувнинг янги тамойилларини жорий этиш чора-тадбирлари тўғрисида» 2018 йил 5 сентябрдаги ПҚ-3931-сон қарори ижросини таъминлаш, шунингдек, замонавий талаблар ва халқаро стандартларни ҳисобга олган ҳолда республика умумтаълим муассасаларининг моддий-техника базасини тизимли асосда ривожлантириш ва мустаҳкамлаш, уларни энг илғор ўқув, ахборот-компьютер техникаси, дарсликлар ва ўқув-методик қўлланмалари билан жиҳозлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Халқ таълими тизимига бошқарувнинг янги тамойилларини жорий этиш чора-тадбирлари тўғрисида» 2018 йил 5 сентябрдаги ПҚ-3931-сон қарорига мувофиқ:

б) 2018 йил 1 ноябрдан бошлаб Ўзбекистон Республикаси Молия вазирлиги ҳузуридаги бюджетдан ташқари Республика мақсадли китоб жамғармаси Ўзбекистон Республикаси Халқ таълими вазирлиги идоравий бўйсунувига ўтказилганлиги маълумот учун қабул қилинсин.

2. Қуйидагилар:

б) Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармасининг асосий вазифалари этиб белгилансин:

умумий ўрта ва ўрта махсус таълим муассасаларининг кутубхона жамғармалари учун умумтаълим фанлари бўйича дарсликлар ва ўқув-методик мажмуалар билан таъминлашга қаратилган Ўзбекистон Республикаси Давлат бюджети маблағлари ва ҳомийлик хайрияларини, халқаро молия институтларининг кредит ва грантларини, дарсликлар ва чет тиллари бўйича машқ дафтарларининг ижара тўловларини жамлаш, ушбу маблағлардан самарали фойдаланишни ташкил этиш;

умумий ўрта ва ўрта махсус таълим муассасаларининг айрим тоифадаги, яъни биринчи синф ўқувчиларини, «Меҳрибонлик» уйлари тарбияланувчилари, жисмоний ёки психик ривожланишида нуқсони бўлган болалар учун ихтисослаштирилган мактаблар ва мактаб-интернатларнинг ўқувчиларини, ижтимоий ёрдамга муҳтож бўлган оилалардаги ўқувчиларни ҳамда ўқитувчиларни Ўзбекистон Республикаси Давлат бюджети маблағлари ҳисобидан бепул таъминлаш мақсадида умумий ўрта таълим муассасаларининг кутубхона жамғармалари учун умумтаълим фанларидан дарсликлар ва ўқув-методик мажмуаларни харид қилиш ва етказиб беришни молиялаштириш;

умумий ўрта ва ўрта махсус таълим муассасалари ўқувчиларини ижара асосида таъминлаш учун умумий ўрта таълим муассасаларининг кутубхона жамғармаларига умумтаълим фанларидан дарсликлар ва чет тиллари бўйича машқ дафтарларини харид қилиш ва етказиб беришни молиялаштириш;

айрим фанлар чуқур ўрганиладиган ихтисослаштирилган давлат умумтаълим муассасалари ҳамда ўрта махсус таълим муассасалари учун бепул ва ижара асосида умумтаълим фанларидан дарсликларни умумий ўрта таълим муассасаларининг кутубхона жамғармаларига харид қилиш ва етказиб беришни молиялаштириш;

харид қилишнинг тасдиқланган истиқбол квоталаридаги дарсликлар ва ўқув-методик мажмуаларни чоп этувчи нашриётлар ва босмахоналарга дарсликларнинг чакана савдо тармоғи орқали сотилишини қўллаб-қувватлаш учун қисқа муддатли мақсадли ссудалар ажратиш орқали ёрдам кўрсатиш;

жамғарма маблағларининг ўз вақтида тушишини таъминлаш ва таҳлил қилиб бориш.

3. Қуйидагилар:

б) Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси Васийлик кенгаши таркиби ҳамда Ижро этувчи дирекциясининг тузилмаси 3 ва 3а-иловаларга мувофиқ;

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси тўғрисида низом 4-иловага мувофиқ тасдиқлансин.

4. Белгилансинки:

Ўзбекистон Республикаси Халқ таълими вазирлиги томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда шакллантирилган умумтаълим муассасаларини қуриш, реконструкция қилиш ва мукаммал таъмирлашнинг ҳар йилги манзилли рўйхатлари навбатдаги йил учун Ўзбекистон Республикасининг ривожланиш давлат дастурларига ёки Инвестиция дастурларига белгиланган тартибда киритилади;

умумий ўрта ва ўрта махсус таълим муассасаларининг айрим тоифадаги, яъни биринчи синф ўқувчиларини, «Меҳрибонлик» уйлари тарбияланувчилари, жисмоний ёки психик ривожланишида нуқсони бўлган болалар учун ихтисослаштирилган мактаблар ва мактаб-интернатларнинг ўқувчиларини, ижтимоий ёрдамга муҳтож бўлган оилалардаги ўқувчиларни ҳамда ўқитувчиларни дарсликлар, шунингдек ижара асосида дарсликлар билан бирламчи таъминлашга ҳамда Ўзбекистон Республикасининг ривожланиш давлат дастурларига ёки Инвестиция дастурларига киритилган лойиҳаларни молиялаштиришга Ўзбекистон Республикаси Давлат бюджети параметрларида назарда тутилган маблағлар ҳар ойда Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармасига унинг асосланган буюртманомасига кўра ўтказиб берилади.

5. Ўзбекистон Республикаси Халқ таълими вазирлиги Молия вазирлиги, Қурилиш вазирлиги ҳамда бошқа манфаатдор вазирликлар ва идоралар билан биргаликда бир ой муддатда умумтаълим муассасаларини қуриш, реконструкция қилиш, мукаммал таъмирлаш ва жиҳозлаш (қўшимча жиҳозлаш) нинг ҳар йилги манзилли дастурларини шакллантириш тартиби тўғрисидаги низомни тасдиқлашни назарда тутувчи Ҳукумат қарори лойиҳасини ишлаб чиқиб, уни белгиланган тартибда Ўзбекистон Республикаси Вазирлар Маҳкамасига киритсин.

6. Белгилаб қўйилсинки:

б) Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси Ўзбекистон Республикаси Молия вазирлиги ҳузуридаги бюджетдан ташқари Республика мақсадли китоб жамғармасининг барча ҳуқуқ ва мажбуриятлари бўйича ҳуқуқий вориси ҳисобланади.

в) Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармасининг ижро этувчи дирекциялари ходимларига давлат бошқаруви органлари ходимлари учун белгиланган меҳнатга ҳақ тўлаш шартлари татбиқ этилади.

7. Ўзбекистон Республикаси Халқ таълими вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.

8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Бош вазирининг ўринбосари А.А. Абдухакимов ҳамда Ўзбекистон Республикаси халқ таълими вазири Ш.Х. Шерматов зиммасига юклансин.

Вазирлар Маҳкамасининг 2019 йил 22 февралдаги 155-сон қарорига 3-ИЛОВА

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси Васийлик кенгаши

1. Ш. Шерматов ― халқ таълими вазири, Васийлик кенгаши раиси 2. Б. Ашрафханов ― молия вазири ўринбосари, Васийлик кенгаши раиси ўринбосари 3. Б. Усмонов ― иқтисодиёт ва саноат вазири ўринбосари 4. У. Бегимкулов ― олий ва ўрта махсус таълими вазири ўринбосари 5. Д. Каттаханова ― Ўзбекистон Ёшлар иттифоқи раиси ўринбосари 6. Лавозими бўйича ― Ўзбекистон Республикаси Оила ва хотин-қизлар қўмитаси раисининг ўринбосари 7. Лавозими бўйича ― Ўзбекистон Республикаси Оила ва хотин-қизлар қўмитаси ҳузуридаги Оила ва гендер илмий-тадқиқот институти директори 8. Ш. Жавлонов ― «Маҳалла» хайрия жамоат фонди республика бошқаруви раиси 9. А. Аяпов ― Қорақалпоғистон Республикаси Халқ таълими вазири 10. В. Ражапов ― Наманган вилояти халқ таълими бошқармаси бошлиғи 11. С. Иногамова ― Тошкент шаҳар 50-сон умумтаълим мактаби директори 12. Х. Асроров ― Халқ таълими вазирлигининг юридик бўлим бошлиғи 13. Лавозим бўйича ― Халқ таълими вазирлиги ҳузуридаги бюджетдан ташқари Республика мақсадли китоб жамғармаси Ижро этувчи дирекцияси директори, Кенгаш котиби

Вазирлар Маҳкамасининг 2019 йил 22 февралдаги 155-сон қарорига 3а-ИЛОВА

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси Ижро этувчи дирекциясининг

Вазирлар Маҳкамасининг 2019 йил 22 февралдаги 155-сон қарорига 4-ИЛОВА

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси тўғрисида

1-боб. Умумий қоидалар

1. Ушбу Низом Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармасининг (кейинги ўринларда Жамғарма деб аталади) ҳуқуқий мақоми, асосий вазифалари, ҳуқуқ ва мажбуриятлари, шунингдек, Жамғарма маблағларини шакллантириш ва улардан фойдаланиш тартибини белгилайди.

2. Жамғарма ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа норматив-ҳуқуқий ҳужжатларга, Жамғарма Васийлик кенгаши қарорларига, шунингдек ушбу Низомга амал қилади.

3. Жамғарма давлат муассасаси шаклидаги юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ҳамда бланкаларга, мустақил балансга, ғазначилик шахсий ғазна ҳисобварақларига, банк ҳисоб рақамларига, шу жумладан, хорижий валютадаги талаб қилиб олинадиган депозит банк ҳисоб рақамига эга бўлади.

2-боб. Жамғарманинг асосий вазифалари

4. Жамғарманинг асосий вазифалари қуйидагилар ҳисобланади:

умумий ўрта ва ўрта махсус таълим муассасаларининг кутубхона жамғармалари учун умумтаълим фанлари бўйича дарсликлар ва ўқув-методик мажмуалар билан таъминлашга қаратилган Ўзбекистон Республикаси Давлат бюджети маблағлари ва ҳомийлик хайриялари, халқаро молия институтларининг кредит ва грантлари (кейинги ўринларда бюджет ва бюджетдан ташқари маблағлар деб аталади), дарсликлар ва чет тиллари бўйича машқ дафтарларининг ижара тўловларини (кейинги ўринларда ижара тўловлари деб аталади) жамлаш, ушбу маблағлардан самарали фойдаланишни ташкил этиш;

умумий ўрта ва ўрта махсус таълим муассасаларининг айрим тоифадаги, яъни биринчи синф ўқувчиларини, «Меҳрибонлик» уйлари тарбияланувчиларини, жисмоний ёки психик ривожланишида нуқсони бўлган болалар учун ихтисослаштирилган мактаблар ва мактаб-интернатларнинг ўқувчиларини, ижтимоий ёрдамга муҳтож бўлган оилалардаги ўқувчиларни ҳамда ўқитувчиларни Ўзбекистон Республикаси Давлат бюджети маблағлари ҳисобидан бепул таъминлаш мақсадида умумий ўрта таълим муассасаларининг кутубхона жамғармалари учун умумтаълим фанларидан дарсликлар ва ўқув-методик мажмуаларни харид қилиш ва етказиб беришни молиялаштириш;

харид қилишнинг тасдиқланган истиқбол квоталаридаги дарсликлар ва ўқув-методик мажмуаларни чоп этувчи нашриётлар ва босмахоналарга дарсликларни чакана савдо тармоғи орқали сотилишини қўллаб-қувватлаш учун қисқа муддатли мақсадли ссудалар ажратиш орқали ёрдам кўрсатиш;

Жамғарма маблағларини ўз вақтида тушишини таъминлаш ва таҳлил қилиб бориш.

3-боб. Жамғарманинг ҳуқуқ ва мажбуриятлари

5. Жамғарма ўзига юкланган асосий вазифаларни бажариш доирасида қуйидаги ҳуқуқларга эга:

дарсликларни ижарага бериш масалалари бўйича Молия вазирлиги ғазначилик бўлинмалари билан ўзаро ҳамкорлик қилиш, улардан ижара тўловлари тушумлари бўйича аниқ маълумотларни олиш;

нашриёт, босмахона ва китоб савдо ташкилотларига ажратилган ссудалардан мақсадли фойдаланилиши тўғрисида улардан тегишли маълумотларни олиш.

Жамғарма қонун ҳужжатларига мувофиқ бошқа ҳуқуқларга ҳам эга бўлиши мумкин.

6. Жамғарма:

умумий ўрта ва ўрта махсус таълим муассасалари учун дарсликлар ҳамда ўқув-методик мажмуаларни харид қилиш ва етказиб бериш билан боғлиқ харажатларни молиялаштириш учун Ўзбекистон Республикаси Давлат бюджетидан талаб этиладиган маблағлар бўйича сўровни шакллантиришга;

Жамғарманинг даромадлари ва харажатлари ҳисобини юритиш, шунингдек, улар бўйича чораклик ва йиллик ҳисоботларни шакллантиришга;

умумтаълим фанларидан дарсликлар ҳамда ўқув-методик мажмуаларни нашр этиш ва етказиб беришни ўз вақтида молиялаштириш учун Ўзбекистон Республикаси Халқ таълими вазирлигига маблағлар ажратишга;

қонун ҳужжатларига мувофиқ ҳар йили Жамғарма фаолиятининг аудиторлик текширувини ўтказишга;

Жамғарманинг Васийлик кенгаши қарорларини ўз вақтида ижро этишга мажбур.

Жамғарма қонун ҳужжатларига мувофиқ бошқа мажбуриятларни ҳам олиши мумкин.

4-боб. Жамғармани бошқариш

7. Жамғарманинг Васийлик кенгаши (кейинги ўринларда Васийлик кенгаши деб аталади) Жамғарманинг юқори бошқарув органи ҳисобланади.

Васийлик кенгашининг шахсий таркиби Ўзбекистон Республикаси Вазирлар Маҳкамаси томонидан тасдиқланади.

Васийлик кенгашининг аъзолари ўз фаолиятини жамоатчилик асосида амалга оширади.

8. Васийлик кенгашининг йиғилишлари, заруратга қараб, аммо йилига камида икки маротаба ўтказилади. Васийлик кенгаши йиғилишларида халқаро молия институтлари вакиллари кузатувчи сифатида иштирок этиш ҳуқуқига эга.

9. Васийлик кенгашининг қарорларини қабул қилиш, унинг раиси ташаббуси билан мазкур Кенгаш аъзолари билан келишилган ҳолда сўров йўли орқали қабул қилиниши мумкин. Васийлик кенгаши қарорлари баённома билан расмийлаштирилади.

10. Васийлик кенгаши:

Ўзбекистон Республикаси Халқ таълими вазирлиги томонидан ўз тасарруфидаги, шунингдек тасарруфида таълим муассасалари бўлган бошқа вазирликлар ва идоралар таклифлари асосида умумий ўрта ва ўрта махсус таълим муассасалари учун кейинги ўқув йилига тақдим этилган умумтаълим фанларидан дарсликлар ва ўқув-методик мажмуаларни нашр этиш ва харид қилишнинг истиқбол квоталарини тасдиқлайди;

Жамғарма олдига қўйилган вазифаларни ҳал қилиш учун манфаатдор вазирликлар, идоралар ва бошқа ташкилотлар вакилларини жалб қилади;

Жамғарманинг даромадлари ва харажатларининг манбалари ва фойдаланиш йўналишлари бўйича прогноз параметрларини, шунингдек Жамғармага йил давомида келиб тушган маблағларнинг миқдорини ва ижроси бўйича йиллик ҳисоботни тасдиқлайди;

Жамғарма даромадларини тўлиқ шакллантириш ҳамда маблағларидан мақсадли фойдаланиш юзасидан Жамғарма фаолияти устидан назоратни амалга оширади;

Жамғарма маблағлари ҳисобидан ижарага бериш учун харид қилинадиган дарсликлар ва чет тиллари бўйича машқ дафтарлари ижара тўловлари миқдорларини синфлар кесимида ҳисоблаш ва тўлаш тартибини ҳамда йиллик ижара тўлови миқдорини белгилайди;

хорижий инвестициялар ва грантларни жалб этишда Жамғармага кўмаклашади;

Жамғарма ижро этувчи дирекцияси (кейинги ўринларда Дирекция деб аталади) фаолиятини маблағ билан таъминлаш учун харажатлар сметасини тасдиқлайди;

Жамғарма маблағларини шакллантириш ва ундан фойдаланиш билан боғлиқ бошқа ваколатларни амалга оширади.

11. Васийлик кенгаши Дирекциянинг ижрочи директори таклифига асосан Жамғарма даромадлари ва харажатларининг тасдиқланган асосий параметрларига ўзгартириш киритиши мумкин.

12. Дирекция Жамғарманинг ижро органи ҳисобланади.

Дирекция:

Ўзбекистон Республикаси Халқ таълими вазирлиги билан биргаликда ҳар йили келгуси ўқув йилига умумий ўрта ва ўрта махсус таълим муассасалари кутубхона жамғармаси учун дарсликлар ва ўқув-методик мажмуаларни нашр этиш ва харид қилишнинг истиқбол квоталарини ишлаб чиқади;

Жамғарманинг даромадлари ва харажатлари прогноз параметрларини, шунингдек уларнинг ижроси юзасидан ҳисоботни тайёрлайди ва Васийлик кенгашига тақдим этади;

умумий ўрта ва ўрта махсус таълим муассасаларининг айрим тоифадаги ўқувчилари ҳамда ўқитувчиларини бюджет маблағлари ҳисобидан бепул таъминлаш учун умумтаълим фанларидан дарсликлар ва ўқув-методик мажмуаларни харид қилиш ва етказиб беришни молиялаштиради;

умумий ўрта ва ўрта махсус таълим муассасалари ўқувчиларини ижара асосида таъминлаш учун умумтаълим фанларидан дарсликлар ва чет тиллари бўйича машқ дафтарларини харид қилиш ва етказиб беришни молиялаштиради;

айрим фанлар чуқур ўрганиладиган ихтисослаштирилган давлат умумтаълим муассасалари ҳамда ўрта махсус таълим муассасалари учун бепул ва ижара асосида дарсликларни харид қилиш ва етказиб беришни молиялаштиради;

дарслик ва ўқув-методик мажмуаларни чоп этиш жараёнига тайёрлаш ва экспертиза қилиш ишларини молиялаштиради;

Жамғарма ва Ўзбекистон Республикаси Давлат бюджети маблағлари ҳисобидан умумий ўрта ва ўрта махсус таълим муассасалари кутубхона жамғармаларини умумтаълим фанларидан дарсликлар ва ўқув-методик мажмуалар билан таъминлаш бўйича халқ таълими органлари ҳамда ўрта махсус таълим муассасалари фаолиятини мувофиқлаштиради;

умумтаълим фанларидан дарсликлар ва ўқув-методик мажмуаларни нашр этиш фаолияти билан мунтазам шуғулланадиган нашриёт ва босмахоналарининг молиявий аҳволини ўрганган ҳолда уларнинг айланма маблағларини вақтинчалик тўлдириш учун қисқа муддатли мақсадли ссудалар ажратади;

дарсликлар ва ўқув-методик мажмуаларнинг харид қилиниши ва етказиб берилиши ҳамда экспертиза қилиниши ишлари учун молиялаштирилган Жамғарма маблағларидан мақсадли ва самарали фойдаланилиши, даромадларнинг тўлиқ ва ўз вақтида тушиши юзасидан назорат ўрнатади;

нашриёт ва босмахоналарга ажратилган ссудалардан самарали фойдаланиш ва қайтарилишини таъминлаш бўйича мониторинг олиб боради;

Дирекцияни сақлаш бўйича харажатлар сметасини тузади ва тасдиқлаш учун Васийлик кенгашига тақдим этади;

Васийлик кенгаши раиси билан келишган ҳолда жамғарманинг бўш маблағларини тижорат банклари депозитларига жойлаштиради.

13. Дирекцияни сақлаш харажатлари Жамғарма маблағлари ҳисобидан амалга оширилади.

14. Дирекция ходимларини моддий рағбатлантириш (мукофотлар, қўшимча ва устамалар, рағбатлантирувчи тўловлар, шунингдек, қўшимча моддий рағбатлантириш) тартиби Васийлик кенгаши томонидан белгиланади.

15. Дирекцияни Ўзбекистон Республикаси Вазирлар Маҳкамаси томонидан лавозимга тайинланадиган (Ўзбекистон Республикаси халқ таълими вазири тавсиясига кўра) ва озод этиладиган ижрочи директор бошқаради.

16. Ижрочи директор:

Жамғарманинг жорий фаолиятини ташкил этади ва Жамғармага юклатилган вазифалар бажарилиши, шу жумладан, ижара маблағларининг йиғилиши ва маблағлардан мақсадли фойдаланилиши учун жавоб беради;

Жамғарма маблағлари тушумларини кўпайтириш ва улардан самарали фойдаланиш бўйича таклифлар тайёрлайди ҳамда Васийлик кенгашига кўриб чиқиш учун киритади;

Жамғармага юкланган асосий вазифаларга мувофиқ Жамғарма фаолиятини ташкиллаштиради, ходимларнинг чекланган умумий сони доирасида Дирекциянинг штатлар жадвалини тасдиқлайди;

Дирекциянинг штатдаги ходимларининг чекланган сони доирасида ўзгартиришлар киритади;

Дирекция ходимларини белгиланган тартибда лавозимга тайинлайди ва лавозимдан озод қилади, шунингдек ходимларни рағбатлантириш бўйича қарорлар қабул қилади ҳамда уларнинг лавозим мажбуриятлари ва ваколатларини тақсимлайди;

пул маблағлари ва моддий бойликларнинг бухгалтерия ҳисоби юритилишини, статистика ва бухгалтерия ҳисоботлари тузилишини ҳамда белгиланган тартибда тақдим этилишини ташкил қилади;

Жамғарма номидан шартномаларни, шу жумладан, Жамғарманинг бўш маблағларини тижорат банклари депозитларига жойлаштириш тўғрисидаги шартномаларни имзолайди;

Жамғарманинг лавозим йўриқномалари ва бошқа ички ҳужжатларини тасдиқлайди;

Жамғарма ходимлари бажариши мажбурий бўлган буйруқлар чиқаради;

ушбу Низом ва қонун ҳужжатларига мувофиқ бошқа масалаларни кўриб чиқади.

17. Ижрочи директор қонун ҳужжатларига мувофиқ бошқа ҳуқуқларга ҳам эга бўлиши ҳамда бошқа мажбуриятларни ҳам олиши мумкин.

5-боб. Жамғарманинг келгуси йил учун даромад ва харажатларини тайёрлаш, кўриб чиқиш ва тасдиқлаш

18. Жамғарманинг келгуси йил учун даромадлари ва харажатлари истиқбол режаларини тайёрлаш, кўриб чиқиш ва тасдиқлаш Ўзбекистон Республикаси Давлат бюджети параметрлари лойиҳасини ишлаб чиқиш ва тасдиқлаш билан боғлиқ ҳолда амалга оширилади.

19. Ўзбекистон Республикаси Халқ таълими вазирлиги ҳамда Олий ва ўрта махсус таълим вазирлиги умумтаълим фанларидан зарур дарсликлар ва ўқув-методик мажмуалар билан таъминланганлиги бўйича умумий ўрта ва ўрта махсус таълим муассасалари кутубхона жамғармаларини ҳар йили 15 июнгача инвентаризациядан ўтказади ва натижаларини таҳлил қилади.

Ушбу инвентаризация натижалари бўйича Ўзбекистон Республикаси Халқ таълими вазирлиги кейинги календарь йили учун умумтаълим фанларидан дарсликлар ва ўқув-методик мажмуаларга бўлган эҳтиёжнинг прогноз кўрсаткичларини шакллантиради ва ҳар йили 20 июнга қадар Дирекцияга қуйидаги кўрсаткичлар кесимида тақдим этишлари лозим:

умумтаълим фанлари бўйича таълим тили, номи, синфлар ва босқичлар кесимида;

чакана савдо тармоғи орқали, кутубхона жамғармаси ҳисобидан бепул ва ижара асосида таъминланиш кесимида.

20. Дирекция ҳар йили 1 июлга қадар кейинги календарь йил учун Жамғарма даромадлари ва харажатларининг истиқбол параметрларини ишлаб чиқади, Васийлик кенгаши билан келишади ва Ўзбекистон Республикаси Молия вазирлигига кўриб чиқиш учун тақдим этади.

Якуний эҳтиёж Ўзбекистон Республикаси Халқ таълими вазирлиги томонидан аниқланади ва кейинги ўқув йили учун умумтаълим фанлари бўйича таълим тили, номи, синфлар ва босқичлар кесимида дарсликлар ҳамда ўқув-методик мажмуаларни нашр этиш ва харид қилиш истиқбол квоталари шакллантирилгандан сўнг Жамғармага тақдим этилади.

21. Жамғарма даромадлари ва харажатларининг прогноз параметрлари кейинги йил учун Ўзбекистон Республикаси Давлат бюджети параметрлари тасдиқлангандан сўнг бир ой муддатда Васийлик кенгаши томонидан тасдиқланади.

6-боб. Жамғарма маблағларини шакллантириш, жамлаш ва улардан фойдаланиш

22. Жамғарма маблағларини шакллантириш манбалари қуйидагилар ҳисобланади:

Ўзбекистон Республикаси Давлат бюджети маблағлари;

умумий ўрта ва ўрта махсус таълим муассасаларидан тушадиган ижарага берилган дарсликлар бўйича ижара тўловлари;

грантлар, кредитлар ҳамда Ўзбекистон Республикаси резидентлари ва норезидентлари — юридик ва жисмоний шахслар, халқаро ташкилотлар ва молиявий институтларнинг ҳомийлик хайриялари;

Жамғарманинг вақтинча бўш турган маблағларини тижорат банклари депозитларига жойлаштирилишидан олинадиган даромадлар;

кейинчалик фойдаланишга яроқсиз бўлган дарсликлар ва ўқув-методик мажмуаларни утилизация қилишдан тушган тушумлар;

нашриётлар ва босмахоналарга дарсликларни чакана савдо тармоғи орқали сотилишини қўллаб қувватлаш учун қисқа муддатли мақсадли ссудалар ажратиш эвазига тушган фоиз даромадлари;

қонун ҳужжатлари билан тақиқланмаган бошқа манбалар.

23. Ўзбекистон Республикаси Халқ таълими вазирлиги томонидан харажатлар сметасида назарда тутилмаган маблағлар (шу жумладан, нашриётлар, ва босмахоналар, шунингдек дарсликлар ва ўқув-методик мажмуаларни етказиб беришни амалга оширувчи ташкилотлар томонидан шартнома мажбуриятлари бажарилмаганлиги ёки белгиланган муддатларда бажарилмаганлиги учун жарима ва пеняларни қўллашдан олинган маблағлар) ни сарфлаш тақиқланади ва мазкур маблағлар Жамғармага қайтарилиши лозим.

24. Жамғарманинг даромадлари ва харажатлари Ўзбекистон Республикаси Молия вазирлигининг ахборот тизимида очилган Жамғарманинг даромадлари ва харажатлари бўйича тегишли шахсий ғазна ҳисобварақлари орқали амалга оширилади.

25. Жамғарма маблағларидан фақат қуйидаги мақсадларда фойдаланилади:

ўрнатилган тартибда шакллантирилган ва тасдиқланган истиқбол квоталарига асосан умумий ўрта ва ўрта махсус таълим муассасаларига Ўзбекистон Республикаси Давлат бюджети ва Жамғарма айланма маблағлари ҳисобидан нашр ва қайта нашр этиладиган дарсликлар ва ўқув-методик мажмуаларни харид қилиш ва етказиб беришни молиялаштиришга;

дарсликларни чоп этиш бўйича тасдиқланган квоталарга эга бўлган нашриётлар ва босмахоналарга дарсликларни чакана савдо тармоғи орқали сотилишини қўллаб қувватлаш, уларнинг айланма маблағларини тўлдиришга Ўзбекистон Республикаси Марказий банкининг қайта молиялаш ставкасидан кам бўлмаган фоизда мақсадли ссудалар ажратишга;

дарслик ва ўқув-методик мажмуаларни чоп этиш жараёнига тайёрлаш ва экспертиза қилиш ишларини молиялаштиришга;

Васийлик кенгаши томонидан тасдиқланган смета харажатларига мувофиқ дарсликларни яратиш, чоп эттириш, етказиш ҳамда дарсликлар билан таъминлаш тизимини узлуксиз фаолият кўрсатиши билан боғлиқ харажатларни қоплашга;

Васийлик кенгаши томонидан тасдиқланган харажатлар сметаларига мувофиқ Дирекцияни сақлаш харажатларини қоплашга фойдаланилади.

26. Жамғарма Ўзбекистон Республикаси Халқ таълими вазирлигига қуйидаги йўналишлар бўйича умумий ўрта ва ўрта махсус таълим муассасалари кутубхона жамғармалари учун дарслик ва ўқув-методик мажмуаларни экспертиза қилиш, харид қилиш ва етказиб бериш харажатларини қоплашга маблағлар ажратади:

биринчи синф ўқувчилари учун;

«Меҳрибонлик» уйлари тарбияланувчилари, жисмоний ёки психик ривожланишида нуқсони бўлган болалар учун ихтисослаштирилган мактаблар ва мактаб-интернатларнинг ўқувчилари учун;

ижтимоий ёрдамга муҳтож бўлган оилалардаги ўқувчилар учун;

ижара асосида бериш учун;

ўқитувчилар учун.

27. Жамғарма маблағлари ҳисобидан таълим муассасаларига етказилган дарсликлар ва ўқув-методик мажмуалар билан ўқувчилар ва ўқитувчиларни таъминлаш вазифаси умумий ўрта ва ўрта махсус таълим муассасалари раҳбарлари зиммасига юклатилади.

28. Дарсликлар ва ўқув мажмуаларини харид қилиш бўйича тасдиқланган квоталарга мувофиқ Ўзбекистон Республикаси Халқ таълими вазирлиги томонидан умумтаълим фанларидан дарсликлар ва ўқув-методик мажмуаларни харид қилиш қонун ҳужжатларида белгиланган тартибда амалга оширилади. Бунда дарсликлар ва ўқув-методик мажмуаларни умумий ўрта таълим муассасаларигача етказиб бериш белгиланган тартибда амалга оширилади.

Умумий ўрта ва ўрта махсус таълим муассасалари учун умумтаълим фанларидан дарсликлар ва ўқув-методик мажмуаларни харид қилиш ва етказиб бериш юзасидан Ўзбекистон Республикаси Халқ таълими вазирлиги билан тузилган шартномалар бўйича харажатларни Жамғарма томонидан молиялаштириш қонун ҳужжатларига мувофиқ амалга оширилади.

29. Ўрта махсус таълим муассасалари ва нодавлат умумтаълим мактабларининг ўқувчиларини қонун ҳужжатларига мувофиқ умумтаълим фанларидан дарсликлар билан таъминлаш Ўзбекистон Республикаси Халқ таълими вазирлигининг ҳудудий бошқарув органлари билан тузилган шартномаларга асосан амалга оширилади.

30. Харид қилишнинг тасдиқланган истиқбол квоталаридаги дарсликлар ва ўқув-методик мажмуаларни чоп этувчи нашриётлар ва босмахоналарга чакана савдо тармоғи орқали сотиладиган дарсликларни нашр этишга уларнинг айланма маблағлари етишмай қолган тақдирда, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг таклифига кўра жамғарма маблағлари ҳисобидан белгиланган тартибда ссудалар ажратилиши мумкин.

7-боб. Дарсликлар ва ўқув-методик мажмуалар бўйича ҳисоб ва ҳисобот ҳамда Жамғармага ижара тўловлари тушумларининг назорати

31. Дарсликлар ва ўқув-методик мажмуалар ҳаракати, уларнинг ижара тўловлари ва бошқа тушумлар бўйича бухгалтерия ҳисоби ва ҳисоботи туман (шаҳар) халқ таълими бўлимларининг марказлаштирилган молия-бухгалтерия хизматлари ва ўрта махсус таълим муассасалари томонидан олиб борилади. Бунда Жамғармага тақдим этилган маълумотларнинг тўғрилиги бўйича жавобгарлик ушбу ташкилотлар раҳбари ва бош бухгалтери зиммасига юклатилади.

32. Молия вазирлиги ҳудудий ғазначилик бўлинмалари Дирекциянинг ҳудудий вакиллари талабномаларига асосан умумий ўрта ва ўрта махсус таълим муассасалари ёки туман (шаҳар) халқ таълими бўлимларининг марказлаштирилган молия-бухгалтерия хизматлари ҳамда ўрта махсус таълим муассасаларининг мос ғазна ҳисобварақларидан кўчирмалар тақдим этади.

33. Дирекциянинг ҳудудий вакиллари:

ҳудуддаги умумий ўрта ва ўрта махсус таълим муассасалари бўйича ижара тизимининг юритилиши бўйича ишларни мувофиқлаштиради ва назорат қилади;

ижара тўловлари тушумлари бўйича мониторинг олиб боради, ҳисоботларни йиғади ҳамда халқ таълими ҳудудий органлари билан ҳамкорликда умумий ўрта ва ўрта махсус таълими муассасаларининг умумтаълим фанларидан дарсликлар ва ўқув-методик мажмуаларга буюртмаларини умумлаштиради;

ижара тизими масалалари бўйича туман (шаҳар) халқ таълими бўлимларининг марказлаштирилган молия-бухгалтерия хизматлари, ўрта махсус таълим муассасалари ҳамда ғазначилик бўлинмалари билан ўзаро ҳамкорлик қилади, улардан ҳудудлар ва умумий ўрта ва ўрта махсус таълим муассасалари кесимида ижара тўловлари тушумлари бўйича аниқ ҳисоботларни мунтазам олиб туради;

ўз фаолияти юзасидан Дирекцияга доимий равишда ҳисобот бериб боради.

34. Қорақалпоғистон Республикаси Халқ таълими вазирлиги, ҳудудий халқ таълими бошқармалари ва ўрта махсус таълим муассасалари, Дирекциянинг ҳудудий вакиллари ҳар ярим йилда бир маротаба тегишли ҳудудлар бўйича дарсликлар ва ўқув-методик мажмуалар ҳаракати ҳамда сақланиши тўғрисида умумлаштирилган ҳисоботларни, ҳисобот давридан кейинги ойнинг 25-санасидан кечиктирмасдан Ўзбекистон Республикаси Халқ таълими вазирлиги, Олий ва ўрта махсус таълим вазирлиги ҳамда Дирекцияга тақдим этади.

35. Ижара тўловларининг тўлиқ ва тўғри ҳисобланиши ҳамда ундирилиши бўйича жавобгарлик умумий ўрта ва ўрта махсус таълим муассасалари ҳамда ҳудудий халқ таълими бошқаруви органлари раҳбарлари зиммасига юклатилади.

36. Ижара тўловлари тижорат банклари орқали нақд пул ёки нақд пулсиз шаклда (банк пластик карточкалари орқали ва пул ўтказиш йўли билан) тўланади. Бунда тўловнинг амалга оширилганлигини тасдиқловчи ҳужжат нусхаси умумий ўрта ва ўрта махсус таълим муассасаларига тақдим этилади.

37. Ўзбекистон Республикаси Халқ таълими вазирлигининг ҳудудий бошқарув органлари ҳамда ўрта махсус таълим муассасалари раҳбарлари дарсликлар ва ўқув-методик мажмуаларнинг ўз вақтида ва талаб даражасида етказилиши бўйича назорат олиб борадилар.

38. Умумий ўрта ва ўрта махсус таълим муассасалари томонидан дарсликлар ва ўқув-методик мажмуаларнинг сақланиши ва фойдаланилишини ҳамда ижара тўловлари бўйича дастлабки ҳисоб-китоб ҳужжатларининг юритилишини назорат қилиш ва ижара тўловлари ундирилишини таъминлаш тегишли ҳудудий халқ таълими ва молия органлари, ўрта махсус таълим муассасалари ҳамда Дирекциянинг ҳудудий вакиллари томонидан амалга оширилади.

39. Ижара тизими учун нашр этилган дарсликлардан фойдаланиш муддатидан қатъий назар, бепул фойдаланишга йўл қўйилмайди.

8-боб. Жамғарманинг мол-мулки ва молиявий маблағлари, ҳисоб ва ҳисобот ҳамда назорат қилиш

40. Жамғарма маблағларининг келиб тушиши ва ундан фойдаланилишининг бухгалтерия ҳисобини юритиш, шунингдек, ҳисоботларни тузиш Дирекция томонидан қонун ҳужжатларида белгиланган тартибда амалга оширилади.

41. Жамғарманинг мол-мулки асосий фондлар, асбоб-ускуналар, айланма маблағлар ва маблағ билан таъминлашнинг барча манбалари ҳисобига сотиб олинган бошқа моддий бойликлардан иборатдир.

42. Жамғарма мол-мулкининг қиймати унинг мустақил балансида акс эттирилади.

43. Жисмоний ва юридик шахслар томонидан ҳомийлик хайриялари сифатида ўтказилган маблағлар ҳисобидан сотиб олинган мулклар Жамғарманинг шахсий мулки ҳисобланади.

44. Жамғарма ўзига тегишли мол-мулкка оид мажбуриятлари бўйича қонун ҳужжатларига мувофиқ жавоб беради.

45. Жамғармада ўтказилган аудиторлик хулосалари ва ҳисоботлари Дирекция томонидан Васийлик кенгаши муҳокамасига киритилади.

46. Жамғарма маблағларидан асосли ва мақсадли фойдаланилиши устидан назорат қилиш Ўзбекистон Республикаси Халқ таълими вазирлиги томонидан амалга оширилади.

9-боб. Якунловчи қоидалар

47. Жамғармани қайта ташкил этиш ва тугатиш қонун ҳужжатларида белгиланган тартибда амалга оширилади.

48. Мазкур Низом талаблари бузилишида айбдор бўлган шахслар қонунчиликда белгиланган тартибга мувофиқ жавоб берадилар.

Ўзбекистон Республикаси Халқ таълими вазирлиги ҳузуридаги бюджетдан ташқари Республика мақсадли китоб жамғармаси тўғрисида низомга ИЛОВА

Халқ таълими вазирлиги ҳузуридаги бюджетдан ташқари Республика мақсадли китоб жамғармасининг даромад ва харажатларини тайёрлаш, кўриб чиқиш ва тасдиқлаш

Босқичлар Субъектлар Тадбирлар Бажариш муддатлари 1-босқич Халқ таълими вазирлиги, Олий ва ўрта махсус таълим вазирлиги Умумтаълим фанларидан зарур дарсликлар ва ўқув-методик мажмуалар билан таъминланганлиги бўйича умумий ўрта ва ўрта махсус таълим муассасалари кутубхона жамғармаларини инвентаризациядан ўтказади келгуси йил учун жорий йилнинг 15 июнигача 2-босқич Халқ таълими вазирлиги Инвентаризация натижаларини таҳлил қилган ҳолда кейинги календарь йили учун умумтаълим фанларидан дарсликлар ва ўқув-методик мажмуаларга бўлган эҳтиёжнинг прогноз кўрсаткичларини чакана савдо тармоғи орқали, кутубхона жамғармаси ҳисобидан бепул ва ижара асосида таъминланиш кесимида Дирекцияга тақдим этади. ҳар йили 20 июнга қадар 3-босқич Дирекция Жамғарма даромадлари ва харажатларининг истиқбол параметрларини ишлаб чиқади, Васийлик кенгаши билан келишади ва Ўзбекистон Республикаси Молия вазирлигига кўриб чиқиш учун тақдим этади. ҳар йили 1 июлга қадар кейинги календарь йил учун 4-босқич Васийлик кенгаши Жамғарма даромадлари ва харажатларининг прогноз параметрлари кейинги йил учун тасдиқланади. Ўзбекистон Республикаси Давлат бюджети параметрлари тасдиқлангандан сўнг бир ой муддатда

Ўзбекистон Республикасининг Бош вазири А. АРИПОВ

Тошкент ш.,

2019 йил 22 февраль,

155-сон

(Қонун ҳужжатлари маълумотлари миллий базаси, 22.02.2019 й., 09/19/155/2651-сон; Қонунчилик маълумотлари миллий базаси, 03.08.2022 й., 09/22/425/0712-сон; 10.08.2022 й., 09/22/438/0726-сон; 11.12.2024 й., 09/24/833/1016-сон)

lex.uz

Oʻzbekiston Respublikasi Vazirlar Mahkamasining

qarori

TARKIBI

TUZILMASI

NIZOM

SXEMASI

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi faoliyatini tashkil etish toʻgʻrisida

Oʻzbekiston Respublikasi Prezidentining “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida” 2018-yil 5-sentabrdagi PQ-3931-son qarori ijrosini taʼminlash, shuningdek, zamonaviy talablar va xalqaro standartlarni hisobga olgan holda respublika umumtaʼlim muassasalarining moddiy-texnika bazasini tizimli asosda rivojlantirish va mustahkamlash, ularni eng ilgʻor oʻquv, axborot-kompyuter texnikasi, darsliklar va oʻquv-metodik qoʻllanmalari bilan jihozlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida” 2018-yil 5-sentabrdagi PQ-3931-son qaroriga muvofiq:

b) 2018-yil 1-noyabrdan boshlab Oʻzbekiston Respublikasi Moliya vazirligi huzuridagi budjetdan tashqari Respublika maqsadli kitob jamgʻarmasi Oʻzbekiston Respublikasi Xalq taʼlimi vazirligi idoraviy boʻysunuviga oʻtkazilganligi maʼlumot uchun qabul qilinsin.

2. Quyidagilar:

b) Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasining asosiy vazifalari etib belgilansin:

umumiy oʻrta va oʻrta maxsus taʼlim muassasalarining kutubxona jamgʻarmalari uchun umumtaʼlim fanlari boʻyicha darsliklar va oʻquv-metodik majmualar bilan taʼminlashga qaratilgan Oʻzbekiston Respublikasi Davlat budjeti mablagʻlari va homiylik xayriyalarini, xalqaro moliya institutlarining kredit va grantlarini, darsliklar va chet tillari boʻyicha mashq daftarlarining ijara toʻlovlarini jamlash, ushbu mablagʻlardan samarali foydalanishni tashkil etish;

umumiy oʻrta va oʻrta maxsus taʼlim muassasalarining ayrim toifadagi, yaʼni birinchi sinf oʻquvchilarini, “Mehribonlik” uylari tarbiyalanuvchilari, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktablar va maktab-internatlarning oʻquvchilarini, ijtimoiy yordamga muhtoj boʻlgan oilalardagi oʻquvchilarni hamda oʻqituvchilarni Oʻzbekiston Respublikasi Davlat budjeti mablagʻlari hisobidan bepul taʼminlash maqsadida umumiy oʻrta taʼlim muassasalarining kutubxona jamgʻarmalari uchun umumtaʼlim fanlaridan darsliklar va oʻquv-metodik majmualarni xarid qilish va yetkazib berishni moliyalashtirish;

umumiy oʻrta va oʻrta maxsus taʼlim muassasalari oʻquvchilarini ijara asosida taʼminlash uchun umumiy oʻrta taʼlim muassasalarining kutubxona jamgʻarmalariga umumtaʼlim fanlaridan darsliklar va chet tillari boʻyicha mashq daftarlarini xarid qilish va yetkazib berishni moliyalashtirish;

ayrim fanlar chuqur oʻrganiladigan ixtisoslashtirilgan davlat umumtaʼlim muassasalari hamda oʻrta maxsus taʼlim muassasalari uchun bepul va ijara asosida umumtaʼlim fanlaridan darsliklarni umumiy oʻrta taʼlim muassasalarining kutubxona jamgʻarmalariga xarid qilish va yetkazib berishni moliyalashtirish;

xarid qilishning tasdiqlangan istiqbol kvotalaridagi darsliklar va oʻquv-metodik majmualarni chop etuvchi nashriyotlar va bosmaxonalarga darsliklarning chakana savdo tarmogʻi orqali sotilishini qoʻllab-quvvatlash uchun qisqa muddatli maqsadli ssudalar ajratish orqali yordam koʻrsatish;

jamgʻarma mablagʻlarining oʻz vaqtida tushishini taʼminlash va tahlil qilib borish.

3. Quyidagilar:

b) Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi Vasiylik kengashi tarkibi hamda Ijro etuvchi direksiyasining tuzilmasi 3 va 3a-ilovalarga muvofiq;

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi toʻgʻrisida nizom 4-ilovaga muvofiq tasdiqlansin.

4. Belgilansinki:

Oʻzbekiston Respublikasi Xalq taʼlimi vazirligi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda shakllantirilgan umumtaʼlim muassasalarini qurish, rekonstruksiya qilish va mukammal taʼmirlashning har yilgi manzilli roʻyxatlari navbatdagi yil uchun Oʻzbekiston Respublikasining rivojlanish davlat dasturlariga yoki Investitsiya dasturlariga belgilangan tartibda kiritiladi;

umumiy oʻrta va oʻrta maxsus taʼlim muassasalarining ayrim toifadagi, yaʼni birinchi sinf oʻquvchilarini, “Mehribonlik” uylari tarbiyalanuvchilari, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktablar va maktab-internatlarning oʻquvchilarini, ijtimoiy yordamga muhtoj boʻlgan oilalardagi oʻquvchilarni hamda oʻqituvchilarni darsliklar, shuningdek ijara asosida darsliklar bilan birlamchi taʼminlashga hamda Oʻzbekiston Respublikasining rivojlanish davlat dasturlariga yoki Investitsiya dasturlariga kiritilgan loyihalarni moliyalashtirishga Oʻzbekiston Respublikasi Davlat budjeti parametrlarida nazarda tutilgan mablagʻlar har oyda Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasiga uning asoslangan buyurtmanomasiga koʻra oʻtkazib beriladi.

5. Oʻzbekiston Respublikasi Xalq taʼlimi vazirligi Moliya vazirligi, Qurilish vazirligi hamda boshqa manfaatdor vazirliklar va idoralar bilan birgalikda bir oy muddatda umumtaʼlim muassasalarini qurish, rekonstruksiya qilish, mukammal taʼmirlash va jihozlash (qoʻshimcha jihozlash) ning har yilgi manzilli dasturlarini shakllantirish tartibi toʻgʻrisidagi nizomni tasdiqlashni nazarda tutuvchi Hukumat qarori loyihasini ishlab chiqib, uni belgilangan tartibda Oʻzbekiston Respublikasi Vazirlar Mahkamasiga kiritsin.

6. Belgilab qoʻyilsinki:

b) Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi Oʻzbekiston Respublikasi Moliya vazirligi huzuridagi budjetdan tashqari Respublika maqsadli kitob jamgʻarmasining barcha huquq va majburiyatlari boʻyicha huquqiy vorisi hisoblanadi.

v) Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasining ijro etuvchi direksiyalari xodimlariga davlat boshqaruvi organlari xodimlari uchun belgilangan mehnatga haq toʻlash shartlari tatbiq etiladi.

7. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari A.A. Abduxakimov hamda Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.

Vazirlar Mahkamasining 2019-yil 22-fevraldagi 155-son qaroriga 3-ILOVA

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi Vasiylik kengashi

1. Sh. Shermatov ― xalq taʼlimi vaziri, Vasiylik kengashi raisi 2. B. Ashrafxanov ― moliya vaziri oʻrinbosari, Vasiylik kengashi raisi oʻrinbosari 3. B. Usmonov ― iqtisodiyot va sanoat vaziri oʻrinbosari 4. U. Begimkulov ― oliy va oʻrta maxsus taʼlimi vaziri oʻrinbosari 5. D. Kattaxanova ― Oʻzbekiston Yoshlar ittifoqi raisi oʻrinbosari 6. Lavozimi boʻyicha ― Oʻzbekiston Respublikasi Oila va xotin-qizlar qoʻmitasi raisining oʻrinbosari 7. Lavozimi boʻyicha ― Oʻzbekiston Respublikasi Oila va xotin-qizlar qoʻmitasi huzuridagi Oila va gender ilmiy-tadqiqot instituti direktori 8. Sh. Javlonov ― “Mahalla” xayriya jamoat fondi respublika boshqaruvi raisi 9. A. Ayapov ― Qoraqalpogʻiston Respublikasi Xalq taʼlimi vaziri 10. V. Rajapov ― Namangan viloyati xalq taʼlimi boshqarmasi boshligʻi 11. S. Inogamova ― Toshkent shahar 50-son umumtaʼlim maktabi direktori 12. X. Asrorov ― Xalq taʼlimi vazirligining yuridik boʻlim boshligʻi 13. Lavozim boʻyicha ― Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi Ijro etuvchi direksiyasi direktori, Kengash kotibi

Vazirlar Mahkamasining 2019-yil 22-fevraldagi 155-son qaroriga 3a-ILOVA

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi Ijro etuvchi direksiyasining

Vazirlar Mahkamasining 2019-yil 22-fevraldagi 155-son qaroriga 4-ILOVA

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasining (keyingi oʻrinlarda Jamgʻarma deb ataladi) huquqiy maqomi, asosiy vazifalari, huquq va majburiyatlari, shuningdek, Jamgʻarma mablagʻlarini shakllantirish va ulardan foydalanish tartibini belgilaydi.

2. Jamgʻarma oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa normativ-huquqiy hujjatlarga, Jamgʻarma Vasiylik kengashi qarorlariga, shuningdek ushbu Nizomga amal qiladi.

3. Jamgʻarma davlat muassasasi shaklidagi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, gʻaznachilik shaxsiy gʻazna hisobvaraqlariga, bank hisob raqamlariga, shu jumladan, xorijiy valyutadagi talab qilib olinadigan depozit bank hisob raqamiga ega boʻladi.

2-bob. Jamgʻarmaning asosiy vazifalari

4. Jamgʻarmaning asosiy vazifalari quyidagilar hisoblanadi:

umumiy oʻrta va oʻrta maxsus taʼlim muassasalarining kutubxona jamgʻarmalari uchun umumtaʼlim fanlari boʻyicha darsliklar va oʻquv-metodik majmualar bilan taʼminlashga qaratilgan Oʻzbekiston Respublikasi Davlat budjeti mablagʻlari va homiylik xayriyalari, xalqaro moliya institutlarining kredit va grantlari (keyingi oʻrinlarda budjet va budjetdan tashqari mablagʻlar deb ataladi), darsliklar va chet tillari boʻyicha mashq daftarlarining ijara toʻlovlarini (keyingi oʻrinlarda ijara toʻlovlari deb ataladi) jamlash, ushbu mablagʻlardan samarali foydalanishni tashkil etish;

umumiy oʻrta va oʻrta maxsus taʼlim muassasalarining ayrim toifadagi, yaʼni birinchi sinf oʻquvchilarini, “Mehribonlik” uylari tarbiyalanuvchilarini, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktablar va maktab-internatlarning oʻquvchilarini, ijtimoiy yordamga muhtoj boʻlgan oilalardagi oʻquvchilarni hamda oʻqituvchilarni Oʻzbekiston Respublikasi Davlat budjeti mablagʻlari hisobidan bepul taʼminlash maqsadida umumiy oʻrta taʼlim muassasalarining kutubxona jamgʻarmalari uchun umumtaʼlim fanlaridan darsliklar va oʻquv-metodik majmualarni xarid qilish va yetkazib berishni moliyalashtirish;

xarid qilishning tasdiqlangan istiqbol kvotalaridagi darsliklar va oʻquv-metodik majmualarni chop etuvchi nashriyotlar va bosmaxonalarga darsliklarni chakana savdo tarmogʻi orqali sotilishini qoʻllab-quvvatlash uchun qisqa muddatli maqsadli ssudalar ajratish orqali yordam koʻrsatish;

Jamgʻarma mablagʻlarini oʻz vaqtida tushishini taʼminlash va tahlil qilib borish.

3-bob. Jamgʻarmaning huquq va majburiyatlari

5. Jamgʻarma oʻziga yuklangan asosiy vazifalarni bajarish doirasida quyidagi huquqlarga ega:

darsliklarni ijaraga berish masalalari boʻyicha Moliya vazirligi gʻaznachilik boʻlinmalari bilan oʻzaro hamkorlik qilish, ulardan ijara toʻlovlari tushumlari boʻyicha aniq maʼlumotlarni olish;

nashriyot, bosmaxona va kitob savdo tashkilotlariga ajratilgan ssudalardan maqsadli foydalanilishi toʻgʻrisida ulardan tegishli maʼlumotlarni olish.

Jamgʻarma qonun hujjatlariga muvofiq boshqa huquqlarga ham ega boʻlishi mumkin.

6. Jamgʻarma:

umumiy oʻrta va oʻrta maxsus taʼlim muassasalari uchun darsliklar hamda oʻquv-metodik majmualarni xarid qilish va yetkazib berish bilan bogʻliq xarajatlarni moliyalashtirish uchun Oʻzbekiston Respublikasi Davlat budjetidan talab etiladigan mablagʻlar boʻyicha soʻrovni shakllantirishga;

Jamgʻarmaning daromadlari va xarajatlari hisobini yuritish, shuningdek, ular boʻyicha choraklik va yillik hisobotlarni shakllantirishga;

umumtaʼlim fanlaridan darsliklar hamda oʻquv-metodik majmualarni nashr etish va yetkazib berishni oʻz vaqtida moliyalashtirish uchun Oʻzbekiston Respublikasi Xalq taʼlimi vazirligiga mablagʻlar ajratishga;

qonun hujjatlariga muvofiq har yili Jamgʻarma faoliyatining auditorlik tekshiruvini oʻtkazishga;

Jamgʻarmaning Vasiylik kengashi qarorlarini oʻz vaqtida ijro etishga majbur.

Jamgʻarma qonun hujjatlariga muvofiq boshqa majburiyatlarni ham olishi mumkin.

4-bob. Jamgʻarmani boshqarish

7. Jamgʻarmaning Vasiylik kengashi (keyingi oʻrinlarda Vasiylik kengashi deb ataladi) Jamgʻarmaning yuqori boshqaruv organi hisoblanadi.

Vasiylik kengashining shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Vasiylik kengashining aʼzolari oʻz faoliyatini jamoatchilik asosida amalga oshiradi.

8. Vasiylik kengashining yigʻilishlari, zaruratga qarab, ammo yiliga kamida ikki marotaba oʻtkaziladi. Vasiylik kengashi yigʻilishlarida xalqaro moliya institutlari vakillari kuzatuvchi sifatida ishtirok etish huquqiga ega.

9. Vasiylik kengashining qarorlarini qabul qilish, uning raisi tashabbusi bilan mazkur Kengash aʼzolari bilan kelishilgan holda soʻrov yoʻli orqali qabul qilinishi mumkin. Vasiylik kengashi qarorlari bayonnoma bilan rasmiylashtiriladi.

10. Vasiylik kengashi:

Oʻzbekiston Respublikasi Xalq taʼlimi vazirligi tomonidan oʻz tasarrufidagi, shuningdek tasarrufida taʼlim muassasalari boʻlgan boshqa vazirliklar va idoralar takliflari asosida umumiy oʻrta va oʻrta maxsus taʼlim muassasalari uchun keyingi oʻquv yiliga taqdim etilgan umumtaʼlim fanlaridan darsliklar va oʻquv-metodik majmualarni nashr etish va xarid qilishning istiqbol kvotalarini tasdiqlaydi;

Jamgʻarma oldiga qoʻyilgan vazifalarni hal qilish uchun manfaatdor vazirliklar, idoralar va boshqa tashkilotlar vakillarini jalb qiladi;

Jamgʻarmaning daromadlari va xarajatlarining manbalari va foydalanish yoʻnalishlari boʻyicha prognoz parametrlarini, shuningdek Jamgʻarmaga yil davomida kelib tushgan mablagʻlarning miqdorini va ijrosi boʻyicha yillik hisobotni tasdiqlaydi;

Jamgʻarma daromadlarini toʻliq shakllantirish hamda mablagʻlaridan maqsadli foydalanish yuzasidan Jamgʻarma faoliyati ustidan nazoratni amalga oshiradi;

Jamgʻarma mablagʻlari hisobidan ijaraga berish uchun xarid qilinadigan darsliklar va chet tillari boʻyicha mashq daftarlari ijara toʻlovlari miqdorlarini sinflar kesimida hisoblash va toʻlash tartibini hamda yillik ijara toʻlovi miqdorini belgilaydi;

xorijiy investitsiyalar va grantlarni jalb etishda Jamgʻarmaga koʻmaklashadi;

Jamgʻarma ijro etuvchi direksiyasi (keyingi oʻrinlarda Direksiya deb ataladi) faoliyatini mablagʻ bilan taʼminlash uchun xarajatlar smetasini tasdiqlaydi;

Jamgʻarma mablagʻlarini shakllantirish va undan foydalanish bilan bogʻliq boshqa vakolatlarni amalga oshiradi.

11. Vasiylik kengashi Direksiyaning ijrochi direktori taklifiga asosan Jamgʻarma daromadlari va xarajatlarining tasdiqlangan asosiy parametrlariga oʻzgartirish kiritishi mumkin.

12. Direksiya Jamgʻarmaning ijro organi hisoblanadi.

Direksiya:

Oʻzbekiston Respublikasi Xalq taʼlimi vazirligi bilan birgalikda har yili kelgusi oʻquv yiliga umumiy oʻrta va oʻrta maxsus taʼlim muassasalari kutubxona jamgʻarmasi uchun darsliklar va oʻquv-metodik majmualarni nashr etish va xarid qilishning istiqbol kvotalarini ishlab chiqadi;

Jamgʻarmaning daromadlari va xarajatlari prognoz parametrlarini, shuningdek ularning ijrosi yuzasidan hisobotni tayyorlaydi va Vasiylik kengashiga taqdim etadi;

umumiy oʻrta va oʻrta maxsus taʼlim muassasalarining ayrim toifadagi oʻquvchilari hamda oʻqituvchilarini budjet mablagʻlari hisobidan bepul taʼminlash uchun umumtaʼlim fanlaridan darsliklar va oʻquv-metodik majmualarni xarid qilish va yetkazib berishni moliyalashtiradi;

umumiy oʻrta va oʻrta maxsus taʼlim muassasalari oʻquvchilarini ijara asosida taʼminlash uchun umumtaʼlim fanlaridan darsliklar va chet tillari boʻyicha mashq daftarlarini xarid qilish va yetkazib berishni moliyalashtiradi;

ayrim fanlar chuqur oʻrganiladigan ixtisoslashtirilgan davlat umumtaʼlim muassasalari hamda oʻrta maxsus taʼlim muassasalari uchun bepul va ijara asosida darsliklarni xarid qilish va yetkazib berishni moliyalashtiradi;

darslik va oʻquv-metodik majmualarni chop etish jarayoniga tayyorlash va ekspertiza qilish ishlarini moliyalashtiradi;

Jamgʻarma va Oʻzbekiston Respublikasi Davlat budjeti mablagʻlari hisobidan umumiy oʻrta va oʻrta maxsus taʼlim muassasalari kutubxona jamgʻarmalarini umumtaʼlim fanlaridan darsliklar va oʻquv-metodik majmualar bilan taʼminlash boʻyicha xalq taʼlimi organlari hamda oʻrta maxsus taʼlim muassasalari faoliyatini muvofiqlashtiradi;

umumtaʼlim fanlaridan darsliklar va oʻquv-metodik majmualarni nashr etish faoliyati bilan muntazam shugʻullanadigan nashriyot va bosmaxonalarining moliyaviy ahvolini oʻrgangan holda ularning aylanma mablagʻlarini vaqtinchalik toʻldirish uchun qisqa muddatli maqsadli ssudalar ajratadi;

darsliklar va oʻquv-metodik majmualarning xarid qilinishi va yetkazib berilishi hamda ekspertiza qilinishi ishlari uchun moliyalashtirilgan Jamgʻarma mablagʻlaridan maqsadli va samarali foydalanilishi, daromadlarning toʻliq va oʻz vaqtida tushishi yuzasidan nazorat oʻrnatadi;

nashriyot va bosmaxonalarga ajratilgan ssudalardan samarali foydalanish va qaytarilishini taʼminlash boʻyicha monitoring olib boradi;

Direksiyani saqlash boʻyicha xarajatlar smetasini tuzadi va tasdiqlash uchun Vasiylik kengashiga taqdim etadi;

Vasiylik kengashi raisi bilan kelishgan holda jamgʻarmaning boʻsh mablagʻlarini tijorat banklari depozitlariga joylashtiradi.

13. Direksiyani saqlash xarajatlari Jamgʻarma mablagʻlari hisobidan amalga oshiriladi.

14. Direksiya xodimlarini moddiy ragʻbatlantirish (mukofotlar, qoʻshimcha va ustamalar, ragʻbatlantiruvchi toʻlovlar, shuningdek, qoʻshimcha moddiy ragʻbatlantirish) tartibi Vasiylik kengashi tomonidan belgilanadi.

15. Direksiyani Oʻzbekiston Respublikasi Vazirlar Mahkamasi tomonidan lavozimga tayinlanadigan (Oʻzbekiston Respublikasi xalq taʼlimi vaziri tavsiyasiga koʻra) va ozod etiladigan ijrochi direktor boshqaradi.

16. Ijrochi direktor:

Jamgʻarmaning joriy faoliyatini tashkil etadi va Jamgʻarmaga yuklatilgan vazifalar bajarilishi, shu jumladan, ijara mablagʻlarining yigʻilishi va mablagʻlardan maqsadli foydalanilishi uchun javob beradi;

Jamgʻarma mablagʻlari tushumlarini koʻpaytirish va ulardan samarali foydalanish boʻyicha takliflar tayyorlaydi hamda Vasiylik kengashiga koʻrib chiqish uchun kiritadi;

Jamgʻarmaga yuklangan asosiy vazifalarga muvofiq Jamgʻarma faoliyatini tashkillashtiradi, xodimlarning cheklangan umumiy soni doirasida Direksiyaning shtatlar jadvalini tasdiqlaydi;

Direksiyaning shtatdagi xodimlarining cheklangan soni doirasida oʻzgartirishlar kiritadi;

Direksiya xodimlarini belgilangan tartibda lavozimga tayinlaydi va lavozimdan ozod qiladi, shuningdek xodimlarni ragʻbatlantirish boʻyicha qarorlar qabul qiladi hamda ularning lavozim majburiyatlari va vakolatlarini taqsimlaydi;

pul mablagʻlari va moddiy boyliklarning buxgalteriya hisobi yuritilishini, statistika va buxgalteriya hisobotlari tuzilishini hamda belgilangan tartibda taqdim etilishini tashkil qiladi;

Jamgʻarma nomidan shartnomalarni, shu jumladan, Jamgʻarmaning boʻsh mablagʻlarini tijorat banklari depozitlariga joylashtirish toʻgʻrisidagi shartnomalarni imzolaydi;

Jamgʻarmaning lavozim yoʻriqnomalari va boshqa ichki hujjatlarini tasdiqlaydi;

Jamgʻarma xodimlari bajarishi majburiy boʻlgan buyruqlar chiqaradi;

ushbu Nizom va qonun hujjatlariga muvofiq boshqa masalalarni koʻrib chiqadi.

17. Ijrochi direktor qonun hujjatlariga muvofiq boshqa huquqlarga ham ega boʻlishi hamda boshqa majburiyatlarni ham olishi mumkin.

5-bob. Jamgʻarmaning kelgusi yil uchun daromad va xarajatlarini tayyorlash, koʻrib chiqish va tasdiqlash

18. Jamgʻarmaning kelgusi yil uchun daromadlari va xarajatlari istiqbol rejalarini tayyorlash, koʻrib chiqish va tasdiqlash Oʻzbekiston Respublikasi Davlat budjeti parametrlari loyihasini ishlab chiqish va tasdiqlash bilan bogʻliq holda amalga oshiriladi.

19. Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligi umumtaʼlim fanlaridan zarur darsliklar va oʻquv-metodik majmualar bilan taʼminlanganligi boʻyicha umumiy oʻrta va oʻrta maxsus taʼlim muassasalari kutubxona jamgʻarmalarini har yili 15-iyungacha inventarizatsiyadan oʻtkazadi va natijalarini tahlil qiladi.

Ushbu inventarizatsiya natijalari boʻyicha Oʻzbekiston Respublikasi Xalq taʼlimi vazirligi keyingi kalendar yili uchun umumtaʼlim fanlaridan darsliklar va oʻquv-metodik majmualarga boʻlgan ehtiyojning prognoz koʻrsatkichlarini shakllantiradi va har yili 20-iyunga qadar Direksiyaga quyidagi koʻrsatkichlar kesimida taqdim etishlari lozim:

umumtaʼlim fanlari boʻyicha taʼlim tili, nomi, sinflar va bosqichlar kesimida;

chakana savdo tarmogʻi orqali, kutubxona jamgʻarmasi hisobidan bepul va ijara asosida taʼminlanish kesimida.

20. Direksiya har yili 1-iyulga qadar keyingi kalendar yil uchun Jamgʻarma daromadlari va xarajatlarining istiqbol parametrlarini ishlab chiqadi, Vasiylik kengashi bilan kelishadi va Oʻzbekiston Respublikasi Moliya vazirligiga koʻrib chiqish uchun taqdim etadi.

Yakuniy ehtiyoj Oʻzbekiston Respublikasi Xalq taʼlimi vazirligi tomonidan aniqlanadi va keyingi oʻquv yili uchun umumtaʼlim fanlari boʻyicha taʼlim tili, nomi, sinflar va bosqichlar kesimida darsliklar hamda oʻquv-metodik majmualarni nashr etish va xarid qilish istiqbol kvotalari shakllantirilgandan soʻng Jamgʻarmaga taqdim etiladi.

21. Jamgʻarma daromadlari va xarajatlarining prognoz parametrlari keyingi yil uchun Oʻzbekiston Respublikasi Davlat budjeti parametrlari tasdiqlangandan soʻng bir oy muddatda Vasiylik kengashi tomonidan tasdiqlanadi.

6-bob. Jamgʻarma mablagʻlarini shakllantirish, jamlash va ulardan foydalanish

22. Jamgʻarma mablagʻlarini shakllantirish manbalari quyidagilar hisoblanadi:

Oʻzbekiston Respublikasi Davlat budjeti mablagʻlari;

umumiy oʻrta va oʻrta maxsus taʼlim muassasalaridan tushadigan ijaraga berilgan darsliklar boʻyicha ijara toʻlovlari;

grantlar, kreditlar hamda Oʻzbekiston Respublikasi rezidentlari va norezidentlari — yuridik va jismoniy shaxslar, xalqaro tashkilotlar va moliyaviy institutlarning homiylik xayriyalari;

Jamgʻarmaning vaqtincha boʻsh turgan mablagʻlarini tijorat banklari depozitlariga joylashtirilishidan olinadigan daromadlar;

keyinchalik foydalanishga yaroqsiz boʻlgan darsliklar va oʻquv-metodik majmualarni utilizatsiya qilishdan tushgan tushumlar;

nashriyotlar va bosmaxonalarga darsliklarni chakana savdo tarmogʻi orqali sotilishini qoʻllab quvvatlash uchun qisqa muddatli maqsadli ssudalar ajratish evaziga tushgan foiz daromadlari;

qonun hujjatlari bilan taqiqlanmagan boshqa manbalar.

23. Oʻzbekiston Respublikasi Xalq taʼlimi vazirligi tomonidan xarajatlar smetasida nazarda tutilmagan mablagʻlar (shu jumladan, nashriyotlar, va bosmaxonalar, shuningdek darsliklar va oʻquv-metodik majmualarni yetkazib berishni amalga oshiruvchi tashkilotlar tomonidan shartnoma majburiyatlari bajarilmaganligi yoki belgilangan muddatlarda bajarilmaganligi uchun jarima va penyalarni qoʻllashdan olingan mablagʻlar) ni sarflash taqiqlanadi va mazkur mablagʻlar Jamgʻarmaga qaytarilishi lozim.

24. Jamgʻarmaning daromadlari va xarajatlari Oʻzbekiston Respublikasi Moliya vazirligining axborot tizimida ochilgan Jamgʻarmaning daromadlari va xarajatlari boʻyicha tegishli shaxsiy gʻazna hisobvaraqlari orqali amalga oshiriladi.

25. Jamgʻarma mablagʻlaridan faqat quyidagi maqsadlarda foydalaniladi:

oʻrnatilgan tartibda shakllantirilgan va tasdiqlangan istiqbol kvotalariga asosan umumiy oʻrta va oʻrta maxsus taʼlim muassasalariga Oʻzbekiston Respublikasi Davlat budjeti va Jamgʻarma aylanma mablagʻlari hisobidan nashr va qayta nashr etiladigan darsliklar va oʻquv-metodik majmualarni xarid qilish va yetkazib berishni moliyalashtirishga;

darsliklarni chop etish boʻyicha tasdiqlangan kvotalarga ega boʻlgan nashriyotlar va bosmaxonalarga darsliklarni chakana savdo tarmogʻi orqali sotilishini qoʻllab quvvatlash, ularning aylanma mablagʻlarini toʻldirishga Oʻzbekiston Respublikasi Markaziy bankining qayta moliyalash stavkasidan kam boʻlmagan foizda maqsadli ssudalar ajratishga;

darslik va oʻquv-metodik majmualarni chop etish jarayoniga tayyorlash va ekspertiza qilish ishlarini moliyalashtirishga;

Vasiylik kengashi tomonidan tasdiqlangan smeta xarajatlariga muvofiq darsliklarni yaratish, chop ettirish, yetkazish hamda darsliklar bilan taʼminlash tizimini uzluksiz faoliyat koʻrsatishi bilan bogʻliq xarajatlarni qoplashga;

Vasiylik kengashi tomonidan tasdiqlangan xarajatlar smetalariga muvofiq Direksiyani saqlash xarajatlarini qoplashga foydalaniladi.

26. Jamgʻarma Oʻzbekiston Respublikasi Xalq taʼlimi vazirligiga quyidagi yoʻnalishlar boʻyicha umumiy oʻrta va oʻrta maxsus taʼlim muassasalari kutubxona jamgʻarmalari uchun darslik va oʻquv-metodik majmualarni ekspertiza qilish, xarid qilish va yetkazib berish xarajatlarini qoplashga mablagʻlar ajratadi:

birinchi sinf oʻquvchilari uchun;

“Mehribonlik” uylari tarbiyalanuvchilari, jismoniy yoki psixik rivojlanishida nuqsoni boʻlgan bolalar uchun ixtisoslashtirilgan maktablar va maktab-internatlarning oʻquvchilari uchun;

ijtimoiy yordamga muhtoj boʻlgan oilalardagi oʻquvchilar uchun;

ijara asosida berish uchun;

oʻqituvchilar uchun.

27. Jamgʻarma mablagʻlari hisobidan taʼlim muassasalariga yetkazilgan darsliklar va oʻquv-metodik majmualar bilan oʻquvchilar va oʻqituvchilarni taʼminlash vazifasi umumiy oʻrta va oʻrta maxsus taʼlim muassasalari rahbarlari zimmasiga yuklatiladi.

28. Darsliklar va oʻquv majmualarini xarid qilish boʻyicha tasdiqlangan kvotalarga muvofiq Oʻzbekiston Respublikasi Xalq taʼlimi vazirligi tomonidan umumtaʼlim fanlaridan darsliklar va oʻquv-metodik majmualarni xarid qilish qonun hujjatlarida belgilangan tartibda amalga oshiriladi. Bunda darsliklar va oʻquv-metodik majmualarni umumiy oʻrta taʼlim muassasalarigacha yetkazib berish belgilangan tartibda amalga oshiriladi.

Umumiy oʻrta va oʻrta maxsus taʼlim muassasalari uchun umumtaʼlim fanlaridan darsliklar va oʻquv-metodik majmualarni xarid qilish va yetkazib berish yuzasidan Oʻzbekiston Respublikasi Xalq taʼlimi vazirligi bilan tuzilgan shartnomalar boʻyicha xarajatlarni Jamgʻarma tomonidan moliyalashtirish qonun hujjatlariga muvofiq amalga oshiriladi.

29. Oʻrta maxsus taʼlim muassasalari va nodavlat umumtaʼlim maktablarining oʻquvchilarini qonun hujjatlariga muvofiq umumtaʼlim fanlaridan darsliklar bilan taʼminlash Oʻzbekiston Respublikasi Xalq taʼlimi vazirligining hududiy boshqaruv organlari bilan tuzilgan shartnomalarga asosan amalga oshiriladi.

30. Xarid qilishning tasdiqlangan istiqbol kvotalaridagi darsliklar va oʻquv-metodik majmualarni chop etuvchi nashriyotlar va bosmaxonalarga chakana savdo tarmogʻi orqali sotiladigan darsliklarni nashr etishga ularning aylanma mablagʻlari yetishmay qolgan taqdirda, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining taklifiga koʻra jamgʻarma mablagʻlari hisobidan belgilangan tartibda ssudalar ajratilishi mumkin.

7-bob. Darsliklar va oʻquv-metodik majmualar boʻyicha hisob va hisobot hamda Jamgʻarmaga ijara toʻlovlari tushumlarining nazorati

31. Darsliklar va oʻquv-metodik majmualar harakati, ularning ijara toʻlovlari va boshqa tushumlar boʻyicha buxgalteriya hisobi va hisoboti tuman (shahar) xalq taʼlimi boʻlimlarining markazlashtirilgan moliya-buxgalteriya xizmatlari va oʻrta maxsus taʼlim muassasalari tomonidan olib boriladi. Bunda Jamgʻarmaga taqdim etilgan maʼlumotlarning toʻgʻriligi boʻyicha javobgarlik ushbu tashkilotlar rahbari va bosh buxgalteri zimmasiga yuklatiladi.

32. Moliya vazirligi hududiy gʻaznachilik boʻlinmalari Direksiyaning hududiy vakillari talabnomalariga asosan umumiy oʻrta va oʻrta maxsus taʼlim muassasalari yoki tuman (shahar) xalq taʼlimi boʻlimlarining markazlashtirilgan moliya-buxgalteriya xizmatlari hamda oʻrta maxsus taʼlim muassasalarining mos gʻazna hisobvaraqlaridan koʻchirmalar taqdim etadi.

33. Direksiyaning hududiy vakillari:

hududdagi umumiy oʻrta va oʻrta maxsus taʼlim muassasalari boʻyicha ijara tizimining yuritilishi boʻyicha ishlarni muvofiqlashtiradi va nazorat qiladi;

ijara toʻlovlari tushumlari boʻyicha monitoring olib boradi, hisobotlarni yigʻadi hamda xalq taʼlimi hududiy organlari bilan hamkorlikda umumiy oʻrta va oʻrta maxsus taʼlimi muassasalarining umumtaʼlim fanlaridan darsliklar va oʻquv-metodik majmualarga buyurtmalarini umumlashtiradi;

ijara tizimi masalalari boʻyicha tuman (shahar) xalq taʼlimi boʻlimlarining markazlashtirilgan moliya-buxgalteriya xizmatlari, oʻrta maxsus taʼlim muassasalari hamda gʻaznachilik boʻlinmalari bilan oʻzaro hamkorlik qiladi, ulardan hududlar va umumiy oʻrta va oʻrta maxsus taʼlim muassasalari kesimida ijara toʻlovlari tushumlari boʻyicha aniq hisobotlarni muntazam olib turadi;

oʻz faoliyati yuzasidan Direksiyaga doimiy ravishda hisobot berib boradi.

34. Qoraqalpogʻiston Respublikasi Xalq taʼlimi vazirligi, hududiy xalq taʼlimi boshqarmalari va oʻrta maxsus taʼlim muassasalari, Direksiyaning hududiy vakillari har yarim yilda bir marotaba tegishli hududlar boʻyicha darsliklar va oʻquv-metodik majmualar harakati hamda saqlanishi toʻgʻrisida umumlashtirilgan hisobotlarni, hisobot davridan keyingi oyning 25-sanasidan kechiktirmasdan Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi hamda Direksiyaga taqdim etadi.

35. Ijara toʻlovlarining toʻliq va toʻgʻri hisoblanishi hamda undirilishi boʻyicha javobgarlik umumiy oʻrta va oʻrta maxsus taʼlim muassasalari hamda hududiy xalq taʼlimi boshqaruvi organlari rahbarlari zimmasiga yuklatiladi.

36. Ijara toʻlovlari tijorat banklari orqali naqd pul yoki naqd pulsiz shaklda (bank plastik kartochkalari orqali va pul oʻtkazish yoʻli bilan) toʻlanadi. Bunda toʻlovning amalga oshirilganligini tasdiqlovchi hujjat nusxasi umumiy oʻrta va oʻrta maxsus taʼlim muassasalariga taqdim etiladi.

37. Oʻzbekiston Respublikasi Xalq taʼlimi vazirligining hududiy boshqaruv organlari hamda oʻrta maxsus taʼlim muassasalari rahbarlari darsliklar va oʻquv-metodik majmualarning oʻz vaqtida va talab darajasida yetkazilishi boʻyicha nazorat olib boradilar.

38. Umumiy oʻrta va oʻrta maxsus taʼlim muassasalari tomonidan darsliklar va oʻquv-metodik majmualarning saqlanishi va foydalanilishini hamda ijara toʻlovlari boʻyicha dastlabki hisob-kitob hujjatlarining yuritilishini nazorat qilish va ijara toʻlovlari undirilishini taʼminlash tegishli hududiy xalq taʼlimi va moliya organlari, oʻrta maxsus taʼlim muassasalari hamda Direksiyaning hududiy vakillari tomonidan amalga oshiriladi.

39. Ijara tizimi uchun nashr etilgan darsliklardan foydalanish muddatidan qatʼiy nazar, bepul foydalanishga yoʻl qoʻyilmaydi.

8-bob. Jamgʻarmaning mol-mulki va moliyaviy mablagʻlari, hisob va hisobot hamda nazorat qilish

40. Jamgʻarma mablagʻlarining kelib tushishi va undan foydalanilishining buxgalteriya hisobini yuritish, shuningdek, hisobotlarni tuzish Direksiya tomonidan qonun hujjatlarida belgilangan tartibda amalga oshiriladi.

41. Jamgʻarmaning mol-mulki asosiy fondlar, asbob-uskunalar, aylanma mablagʻlar va mablagʻ bilan taʼminlashning barcha manbalari hisobiga sotib olingan boshqa moddiy boyliklardan iboratdir.

42. Jamgʻarma mol-mulkining qiymati uning mustaqil balansida aks ettiriladi.

43. Jismoniy va yuridik shaxslar tomonidan homiylik xayriyalari sifatida oʻtkazilgan mablagʻlar hisobidan sotib olingan mulklar Jamgʻarmaning shaxsiy mulki hisoblanadi.

44. Jamgʻarma oʻziga tegishli mol-mulkka oid majburiyatlari boʻyicha qonun hujjatlariga muvofiq javob beradi.

45. Jamgʻarmada oʻtkazilgan auditorlik xulosalari va hisobotlari Direksiya tomonidan Vasiylik kengashi muhokamasiga kiritiladi.

46. Jamgʻarma mablagʻlaridan asosli va maqsadli foydalanilishi ustidan nazorat qilish Oʻzbekiston Respublikasi Xalq taʼlimi vazirligi tomonidan amalga oshiriladi.

9-bob. Yakunlovchi qoidalar

47. Jamgʻarmani qayta tashkil etish va tugatish qonun hujjatlarida belgilangan tartibda amalga oshiriladi.

48. Mazkur Nizom talablari buzilishida aybdor boʻlgan shaxslar qonunchilikda belgilangan tartibga muvofiq javob beradilar.

Oʻzbekiston Respublikasi Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasi toʻgʻrisida nizomga ILOVA

Xalq taʼlimi vazirligi huzuridagi budjetdan tashqari Respublika maqsadli kitob jamgʻarmasining daromad va xarajatlarini tayyorlash, koʻrib chiqish va tasdiqlash

Bosqichlar Subyektlar Tadbirlar Bajarish muddatlari 1-bosqich Xalq taʼlimi vazirligi, Oliy va oʻrta maxsus taʼlim vazirligi Umumtaʼlim fanlaridan zarur darsliklar va oʻquv-metodik majmualar bilan taʼminlanganligi boʻyicha umumiy oʻrta va oʻrta maxsus taʼlim muassasalari kutubxona jamgʻarmalarini inventarizatsiyadan oʻtkazadi kelgusi yil uchun joriy yilning 15-iyunigacha 2-bosqich Xalq taʼlimi vazirligi Inventarizatsiya natijalarini tahlil qilgan holda keyingi kalendar yili uchun umumtaʼlim fanlaridan darsliklar va oʻquv-metodik majmualarga boʻlgan ehtiyojning prognoz koʻrsatkichlarini chakana savdo tarmogʻi orqali, kutubxona jamgʻarmasi hisobidan bepul va ijara asosida taʼminlanish kesimida Direksiyaga taqdim etadi. har yili 20-iyunga qadar 3-bosqich Direksiya Jamgʻarma daromadlari va xarajatlarining istiqbol parametrlarini ishlab chiqadi, Vasiylik kengashi bilan kelishadi va Oʻzbekiston Respublikasi Moliya vazirligiga koʻrib chiqish uchun taqdim etadi. har yili 1-iyulga qadar keyingi kalendar yil uchun 4-bosqich Vasiylik kengashi Jamgʻarma daromadlari va xarajatlarining prognoz parametrlari keyingi yil uchun tasdiqlanadi. Oʻzbekiston Respublikasi Davlat budjeti parametrlari tasdiqlangandan soʻng bir oy muddatda

Oʻzbekiston Respublikasining Bosh vaziri A. ARIPOV

Toshkent sh.,

2019-yil 22-fevral,

155-son

(Qonun hujjatlari maʼlumotlari milliy bazasi, 22.02.2019-y., 09/19/155/2651-son; Qonunchilik maʼlumotlari milliy bazasi, 03.08.2022-y., 09/22/425/0712-son; 10.08.2022-y., 09/22/438/0726-son; 11.12.2024-y., 09/24/833/1016-son)

lex.uz