📅 2019-yil 23-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 23 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 23 февраля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 23 February 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
нормативлари
РЎЙХАТИ
Мева-сабзавот маҳсулотларини экспорт қилиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Мева-сабзавот маҳсулотларини ташқи бозорларга чиқариш самарадорлигини оширишга доир қўшимча чора-тадбирлар тўғрисида« 2018 йил 17 октябрдаги ПҚ-3978-сон қарори ижросини таъминлаш мақсадида Вазирлар Маҳкамаси қарор қилади:
1. Мева-сабзавот маҳсулотларини экспорт қилиш тартиби тўғрисида низом 1-иловага мувофиқ тасдиқлансин.
2. Ўзбекистон Республикаси Ахборот технологиялари ва коммуникацияларини ривожлантириш вазирлиги ва Давлат божхона қўмитаси Ташқи савдо операцияларининг ягона электрон ахборот тизими маълумотлари асосида ўн кун муддатда ноҳалол экспорт қилувчилар реестрини шакллантириб, Ягона интерактив давлат хизматлари порталига жойлаштирсинлар.
3. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.
4. Ўзбекистон Республикаси Давлат божхона қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.М. Ганиев, Ўзбекистон Республикаси Инвестициялар ва ташқи савдо вазири С.У. Умурзаков ва Давлат божхона қўмитаси раиси М.Б. Азимов зиммасига юклансин.
Вазирлар Маҳкамасининг 2019 йил 23 февралдаги 163-сон қарорига 1-ИЛОВА
Мева-сабзавот маҳсулотларини экспорт қилиш тартиби тўғрисида
1-боб. Умумий қоидалар
1. Мазкур Низом мева-сабзавот маҳсулотларини экспорт қилиш тартибини белгилайди.
2. Ушбу Низомда қуйидаги асосий тушунчалардан фойдаланилади:
мева-сабзавот маҳсулотлари — сабзавотлар, мевалар, дуккакли, ёнғоқ, узум ва полиз маҳсулотлари, музлатилган, қуритилган сабзавот ва мевалар (ТИФ ТН бўйича товар коди 07, 08, 0904, 1202);
экспорт қилувчилар — Ўзбекистон Республикаси норезидентлари билан экспорт контрактлари тузган ёки экспорт контракти тузмасдан инвойс асосида экспорт қилувчи юридик шахслар ва якка тартибдаги тадбиркорлар – Ўзбекистон Республикаси резидентлари;
инвойс — мева-сабзавот маҳсулотларини экспорт қилиш учун ҳисобварақ-фактура;
экспорт контракти — экспорт қилувчи ва Ўзбекистон Республикаси норезиденти ўртасида мева-сабзавот маҳсулотларини экспорт қилиш учун тузилган хўжалик шартномаси;
ноҳалол экспорт қилувчилар реестри — Ташқи савдо операцияларининг ягона электрон ахборот тизимига киритилган экспорт контрактлари бўйича муддати ўтган дебитор қарздорлиги мавжуд бўлган, реал вақт режимида автоматик равишда шаклланадиган экспорт қилувчилар рўйхати.
2-боб. Мева-сабзавот маҳсулотлари экспорти
4. Экспорт қилувчилар мева-сабзавот маҳсулотлари экспортини дастлабки тўловсиз, аккредитив очмасдан, банк кафолатини расмийлаштирмасдан ҳамда экспорт контрактини тижорат хавфларидан суғурта полисисиз амалга ошириш ҳуқуқига эга.
Мева-сабзавот маҳсулотларининг божхона назорати ва расмийлаштируви экспорт қилувчи томонидан тақдим этилган ҳужжатлар ҳамда хавфни бошқариш автоматлаштирилган тизими асосида амалга оширилади. Бунда ҳужжатлардаги мавжуд маълумотларнинг ишончлилиги, шунингдек, маҳсулотларни Ўзбекистон Республикаси божхона чегарасидан ноқонуний олиб ўтиш ҳолатлари учун экспорт қилувчи жавобгар ҳисобланади.
6. Экспорт қилувчилар экспорт контракти тузмасдан инвойс асосида мева-сабзавот маҳсулотларини ТСОЯЭАТга инвойс тўғрисидаги тегишли маълумотларни киритиш шарти билан экспорт қилиш ҳуқуқига эга.
7. Экспорт қилувчи юридик шахслар мева-сабзавот маҳсулотларини кейинчалик экспорт қилиш учун жисмоний шахслардан сотиб олганда, жисмоний шахслардан олинадиган даромад солиғи бўйича имтиёзлар жисмоний шахслар томонидан сотилган маҳсулотлар уларга ёки уларнинг оила аъзоларига ажратилган ер участкаларида етиштирилганини тасдиқловчи ҳужжат тақдим этилмасдан қўлланади.
8. Экспорт контрактлари бўйича экспорт қилинган янги узилган мева-сабзавот маҳсулотларини белгиланган жойгача транспортда ташиш пайтида ушбу Низомнинг иловасига мувофиқ фактура қийматига тузатишлар киритиш учун қўлланадиган Экспорт қилинган янги узилган мева-сабзавот маҳсулотлари, узум ва полиз маҳсулотларининг табиий йўқолиш нормативлари доирасида табиий йўқолишлар бўлган ҳолатларда, экспорт қилувчи бу ҳақда Ташқи савдо операцияларининг ягона электрон ахборот тизимига (ТСОЯЭАТ) ахборот киритади.
Экспорт қилинган мева-сабзавот маҳсулотларининг табиий йўқолишлари мавжуд бўлганда, йўқолиш суммаси дебитор қарздорлик сифатида ҳисобга олинмайди, балки экспорт қилувчи балансининг харажат қисмида ҳисобга олинади. Йўқотиш суммаси олдиндан тўлов сифатида эътироф этилганда, табиий йўқотишлар суммасига тенг мева-сабзавот маҳсулотлари экспорт қилувчи томонидан ТСОЯЭАТга киритилган маълумотлар асосида юклаб жўнатилади.
Табиий йўқотишлар суммаси хизмат кўрсатувчи банк томонидан экспорт қилувчининг табиий йўқотишлар суммаси тўғрисида ТСОЯЭАТга киритилган маълумотлар асосида экспортга юкланган маҳсулотлар суммасидан камайтирилади.
Янги узилган мева-сабзавот маҳсулотларини етказиб бериш натижасида пайдо бўлган йўқотиш суммаси хорижий шерикка қайтарилиши лозим ёки кейинги етказиб беришлар учун олдиндан тўлов деб ҳисобланиши мумкин.
Бунда экспорт божхона юк декларациясида қайд этилган янги узилган мева-сабзавот маҳсулотларининг фактура қийматига тузатишлар киритилмайди.
9. Ушбу Низомда назарда тутилмаган талаблар экспорт контрактлари ва уларни бажаришга нисбатан Ўзбекистон Республикаси Вазирлар Маҳкамасининг 2020 йил 14 майдаги 283-сон қарори билан тасдиқланган Ташқи савдо операциялари амалга оширилиши мониторингини олиб бориш ва назорат қилиш тартиби тўғрисидаги низом ва бошқа қонунчилик ҳужжатлари талаблари қўлланади.
10. Экспорт божхона юк декларациясида мева-сабзавот маҳсулотларининг фактура қиймати инвойс валютасида кўрсатилади. Тижорат банклари томонидан ТСОЯЭАТга миллий валютадаги нақд маблағлар тўғрисида маълумотлар киритилган тақдирда, мева-сабзавот маҳсулотларининг миллий валюта эквивалентидаги умумий фактура қиймати божхона юк декларацияси қабул қилинган кунда Ўзбекистон Республикаси Марказий банк курси бўйича ТСОЯЭАТда божхона расмийлаштируви учун қайд этилган суммадан ошмаслиги зарур.
3-боб. Мева-сабзавот маҳсулотларини ноҳалол экспорт қилувчилар реестрини шакллантириш ва юритиш
11. ТСОЯЭАТга киритилган экспорт контракти бўйича тўлов муддати ўтказиб юборилган дебитор қарздорлиги мавжуд бўлган экспорт қилувчи реал вақт режимида автоматик равишда шаклланадиган ноҳалол экспорт қилувчилар реестрига (кейинги ўринларда Реестр деб аталади) киритилади.
Тўлов муддати ўтказиб юборилган дебитор қарздорлик мавжуд контрактлар доирасида ушбу қарздорлик суммасидан кам бўлмаган миқдордаги валюта тушумлари тўғрисида маълумот ТСОЯЭАТга хизмат кўрсатувчи тижорат банки томонидан киритилгандан сўнг ноҳалол экспорт қилувчи реал вақт режимида шаклланадиган Реестрдан чиқарилади.
12. Реестрга киритилган ноҳалол экспорт қилувчига кейинги экспортини фақат 100 фоизли олдиндан тўлов шарти асосида амалга оширишига йўл қўйилади.
13. Реестр тижорат банклари ва божхона органлари томонидан ТСОЯЭАТга киритилган маълумотлар асосида автоматик равишда электрон тарзда шакллантирилади ва Ўзбекистон Республикаси Давлат божхона қўмитаси томонидан юритилади.
Реестр хизмат кўрсатувчи банкнинг ва экспорт қилувчининг номлари, экспорт қилувчининг солиқ тўловчининг идентификация рақами (СТИР), контрактнинг рақами, санаси ва идентификация рақами, тўлов муддати ўтган дебитор қарздорлик суммаси тўғрисидаги маълумотларни ўз ичига олади.
Реестр Ягона интерактив давлат хизматлари порталига жойлаштирилади ҳамда Ўзбекистон Республикаси Ташқи савдо вазирлиги ва Давлат божхона қўмитасининг веб-сайтлари билан интеграция қилинади.
Экспорт қилувчи тўлов муддати ўтказиб юборилган дебитор қарздорлиги мавжуд контрактлари бўйича маълумотларни ўзининг электрон калитидан фойдаланган ҳолда Ягона интерактив давлат хизматлари портали ёки Ўзбекистон Республикаси Ташқи савдо вазирлиги ва Давлат божхона қўмитасининг веб-сайтларидан олиши мумкин.
4-боб. Мева-сабзавот маҳсулотлари экспорт қилувчиларининг экспорт операцияларига хизмат кўрсатиш
14. Экспорт операцияларига тижорат банклари қонунчилик ҳужжатларида белгиланган тартибда хизмат кўрсатади.
Тижорат банклари:
экспорт қилувчи зарур ҳужжатларни қонунчиликда белгиланган тартибда тақдим этган пайтдан бошлаб бир иш куни давомида унга хорижий валютада талаб қилиб олинадиган депозит ҳисобварақ очишга;
экспорт контракти ёки инвойс бўйича экспорт қилувчининг банк ҳисобварағига келиб тушган пул маблағлари ҳақидаги маълумотларни ТСОЯЭАТга киритиш учун масъулдирлар.
Маблағлар келиб тушганлиги тўғрисидаги маълумотлар ТСОЯЭАТга тижорат банклари томонидан тўлов валютасида киритилади.
5-боб. Якунловчи қоида
15. Ушбу Низом қоидалари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Мева-сабзавот маҳсулотларини экспорт қилиш тартиби тўғрисидаги низомга ИЛОВА
Фактура қийматига тузатишлар киритиш учун қўлланадиган экспорт қилинган янги узилган мева-сабзавот маҳсулотлари, узум ва полиз маҳсулотларининг табиий йўқолишлари
(юкнинг соф вазни (нетто)га нисбатан % ҳисобида) Ташиш масофаси, км. Маҳсулот номи бодринглар помидорлар ширин ва аччиқ қалампир, бақлажон, кабачки карам, пиёз кўкат бошқа сабзавотлар полиз маҳсулотлари узум данакли мевалар ва анор олма ва нок пўчоқли мевалар ва хурмо цитрус мевалар 100 км . гача - - - - - - - - - - 0,3 0,3 250 км . гача 1,9 1,1 1,2 1,1 0,5 0,7 1 1,1 1,3 0,7 1,1 - 500 км . гача 2,4 1,7 1,5 1,7 0,6 1 1,6 1,4 1,6 1 1,9 - 501 — 550 2,5 1,8 1,6 1,8 0,7 1 1,7 1,5 1,7 1 2,0 - 551 — 600 2,6 1,9 1,7 1,9 0,8 1,1 1,8 1,6 1,7 1,1 2,1 - 601 — 700 2,8 2,1 1,8 2,2 1 1,3 2 1,7 1,8 1,3 2,3 - 701 — 800 3 2,3 1,9 2,5 1,1 1,5 2,1 1,8 1,9 1,5 2,5 - 801 — 900 3,2 2,5 2 2,8 1,2 1,7 2,3 1,9 2,0 1,7 2,7 - 901 — 1000 3,4 2,7 2 3,1 1,3 1,9 2,8 2,0 2,1 1,9 2,9 - 1000 км . дан узоқ масофага ташишда белгиланган меъёр кейинги ҳар 100 км. да оширилади 0,1 0,1 0,1 0,3 0,1 0,1 0,2 0,1 0,1 0,1 0,1 -
Вазирлар Маҳкамасининг 2019 йил 23 февралдаги 163-сон қарорига 2-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
1. Вазирлар Маҳкамасининг «Мева-сабзавот маҳсулотлари, картошка, полиз маҳсулотлари ва узумни экспорт қилишни тартибга солиш механизмини янада такомиллаштириш чора-тадбирлари тўғрисида» 2015 йил 28 августдаги 249-сон қарори (Ўзбекистон Республикаси ҚТ, 2015 й., 8-сон, 75-модда).
2. Вазирлар Маҳкамасининг «Янги ва қайта ишланган мева-сабзавот маҳсулотларини экспорт қилиш тартиби тўғрисидаги низомни тасдиқлаш ҳақида» 2016 йил 15 июндаги 207-сон қарори (Ўзбекистон Республикаси ҚТ, 2016 й., 6-сон, 56-модда).
3. Вазирлар Маҳкамасининг «Ўзагроэкспорт» АЖ томонидан олдиндан тўловсиз мева-сабзавот маҳсулотларини экспорт қилиши мумкин бўлган етакчи чет эл импорт қилувчи ташкилотлар рўйхатини тасдиқлаш тўғрисида» 2017 йил 10 августдаги 609-сон қарори .
4. Вазирлар Маҳкамасининг «Янги узилган, қуритилган ва қайта ишланган мева-сабзавот маҳсулотларини экспорт қилиш тартиби тўғрисидаги низомни тасдиқлаш ҳақида» 2017 йил 14 декабрдаги 984-сон қарори (Ўзбекистон Республикаси ҚТ, 2017 й., 12-сон, 287-модда).
5. Вазирлар Маҳкамасининг «Инвестстрой» АЖ фаолиятини янада ривожлантириш чора-тадбирлари тўғрисида» 2018 йил 7 июндаги 430-сон қарори (Ўзбекистон Республикаси ҚТ, 2018 й., 12-сон, 287-модда).
6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида» 2018 йил 8 январдаги 16-сон қарори иловасининг 10-банди (Ўзбекистон Республикаси ҚТ, 2016 й., 6-сон, 56-модда).
7. Вазирлар Маҳкамасининг ««Ўзагроэкспорт» АЖ ихтисослаштирилган ташқи савдо компанияси олдиндан тўловсиз, тасдиқланган банк аккредитиви очилмасдан ёки биринчи даражали хорижий банк кафолати расмийлаштирилмасдан мева-сабзавот маҳсулотларини экспорт қилиши мумкин бўлган етакчи хорижий импорт қилувчи ташкилотлар рўйхатига қўшимчалар киритиш ҳақида» 2018 йил 9 октябрдаги 814-сон қарори .
8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2018 йил 27 ноябрдаги 963-сон қарори иловасининг 5-банди (Ўзбекистон Республикаси ҚТ, 2017 й., 12-сон, 287-модда).
Ўзбекистон Республикасининг Бош вазири А. АРИПОВ
Тошкент ш.,
2019 йил 23 февраль,
163-сон
Oʻzbekiston Respublikasi Vazirlar Mahkamasining
qarori
NIZOM
normativlari
ROʻYXATI
Meva-sabzavot mahsulotlarini eksport qilish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Meva-sabzavot mahsulotlarini tashqi bozorlarga chiqarish samaradorligini oshirishga doir qoʻshimcha chora-tadbirlar toʻgʻrisida“ 2018-yil 17-oktabrdagi PQ-3978-son qarori ijrosini taʼminlash maqsadida Vazirlar Mahkamasi qaror qiladi:
1. Meva-sabzavot mahsulotlarini eksport qilish tartibi toʻgʻrisida nizom 1-ilovaga muvofiq tasdiqlansin.
2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Davlat bojxona qoʻmitasi Tashqi savdo operatsiyalarining yagona elektron axborot tizimi maʼlumotlari asosida oʻn kun muddatda nohalol eksport qiluvchilar reyestrini shakllantirib, Yagona interaktiv davlat xizmatlari portaliga joylashtirsinlar.
3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
4. Oʻzbekiston Respublikasi Davlat bojxona qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.M. Ganiyev, Oʻzbekiston Respublikasi Investitsiyalar va tashqi savdo vaziri S.U. Umurzakov va Davlat bojxona qoʻmitasi raisi M.B. Azimov zimmasiga yuklansin.
Vazirlar Mahkamasining 2019-yil 23-fevraldagi 163-son qaroriga 1-ILOVA
Meva-sabzavot mahsulotlarini eksport qilish tartibi toʻgʻrisida
1-bob. Umumiy qoidalar
1. Mazkur Nizom meva-sabzavot mahsulotlarini eksport qilish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
meva-sabzavot mahsulotlari — sabzavotlar, mevalar, dukkakli, yongʻoq, uzum va poliz mahsulotlari, muzlatilgan, quritilgan sabzavot va mevalar (TIF TN boʻyicha tovar kodi 07, 08, 0904, 1202);
eksport qiluvchilar — Oʻzbekiston Respublikasi norezidentlari bilan eksport kontraktlari tuzgan yoki eksport kontrakti tuzmasdan invoys asosida eksport qiluvchi yuridik shaxslar va yakka tartibdagi tadbirkorlar – Oʻzbekiston Respublikasi rezidentlari;
invoys — meva-sabzavot mahsulotlarini eksport qilish uchun hisobvaraq-faktura;
eksport kontrakti — eksport qiluvchi va Oʻzbekiston Respublikasi norezidenti oʻrtasida meva-sabzavot mahsulotlarini eksport qilish uchun tuzilgan xoʻjalik shartnomasi;
nohalol eksport qiluvchilar reyestri — Tashqi savdo operatsiyalarining yagona elektron axborot tizimiga kiritilgan eksport kontraktlari boʻyicha muddati oʻtgan debitor qarzdorligi mavjud boʻlgan, real vaqt rejimida avtomatik ravishda shakllanadigan eksport qiluvchilar roʻyxati.
2-bob. Meva-sabzavot mahsulotlari eksporti
4. Eksport qiluvchilar meva-sabzavot mahsulotlari eksportini dastlabki toʻlovsiz, akkreditiv ochmasdan, bank kafolatini rasmiylashtirmasdan hamda eksport kontraktini tijorat xavflaridan sugʻurta polisisiz amalga oshirish huquqiga ega.
Meva-sabzavot mahsulotlarining bojxona nazorati va rasmiylashtiruvi eksport qiluvchi tomonidan taqdim etilgan hujjatlar hamda xavfni boshqarish avtomatlashtirilgan tizimi asosida amalga oshiriladi. Bunda hujjatlardagi mavjud maʼlumotlarning ishonchliligi, shuningdek, mahsulotlarni Oʻzbekiston Respublikasi bojxona chegarasidan noqonuniy olib oʻtish holatlari uchun eksport qiluvchi javobgar hisoblanadi.
6. Eksport qiluvchilar eksport kontrakti tuzmasdan invoys asosida meva-sabzavot mahsulotlarini TSOYAEATga invoys toʻgʻrisidagi tegishli maʼlumotlarni kiritish sharti bilan eksport qilish huquqiga ega.
7. Eksport qiluvchi yuridik shaxslar meva-sabzavot mahsulotlarini keyinchalik eksport qilish uchun jismoniy shaxslardan sotib olganda, jismoniy shaxslardan olinadigan daromad soligʻi boʻyicha imtiyozlar jismoniy shaxslar tomonidan sotilgan mahsulotlar ularga yoki ularning oila aʼzolariga ajratilgan yer uchastkalarida yetishtirilganini tasdiqlovchi hujjat taqdim etilmasdan qoʻllanadi.
8. Eksport kontraktlari boʻyicha eksport qilingan yangi uzilgan meva-sabzavot mahsulotlarini belgilangan joygacha transportda tashish paytida ushbu Nizomning ilovasiga muvofiq faktura qiymatiga tuzatishlar kiritish uchun qoʻllanadigan Eksport qilingan yangi uzilgan meva-sabzavot mahsulotlari, uzum va poliz mahsulotlarining tabiiy yoʻqolish normativlari doirasida tabiiy yoʻqolishlar boʻlgan holatlarda, eksport qiluvchi bu haqda Tashqi savdo operatsiyalarining yagona elektron axborot tizimiga (TSOYAEAT) axborot kiritadi.
Eksport qilingan meva-sabzavot mahsulotlarining tabiiy yoʻqolishlari mavjud boʻlganda, yoʻqolish summasi debitor qarzdorlik sifatida hisobga olinmaydi, balki eksport qiluvchi balansining xarajat qismida hisobga olinadi. Yoʻqotish summasi oldindan toʻlov sifatida eʼtirof etilganda, tabiiy yoʻqotishlar summasiga teng meva-sabzavot mahsulotlari eksport qiluvchi tomonidan TSOYAEATga kiritilgan maʼlumotlar asosida yuklab joʻnatiladi.
Tabiiy yoʻqotishlar summasi xizmat koʻrsatuvchi bank tomonidan eksport qiluvchining tabiiy yoʻqotishlar summasi toʻgʻrisida TSOYAEATga kiritilgan maʼlumotlar asosida eksportga yuklangan mahsulotlar summasidan kamaytiriladi.
Yangi uzilgan meva-sabzavot mahsulotlarini yetkazib berish natijasida paydo boʻlgan yoʻqotish summasi xorijiy sherikka qaytarilishi lozim yoki keyingi yetkazib berishlar uchun oldindan toʻlov deb hisoblanishi mumkin.
Bunda eksport bojxona yuk deklaratsiyasida qayd etilgan yangi uzilgan meva-sabzavot mahsulotlarining faktura qiymatiga tuzatishlar kiritilmaydi.
9. Ushbu Nizomda nazarda tutilmagan talablar eksport kontraktlari va ularni bajarishga nisbatan Oʻzbekiston Respublikasi Vazirlar Mahkamasining 2020-yil 14-maydagi 283-son qarori bilan tasdiqlangan Tashqi savdo operatsiyalari amalga oshirilishi monitoringini olib borish va nazorat qilish tartibi toʻgʻrisidagi nizom va boshqa qonunchilik hujjatlari talablari qoʻllanadi.
10. Eksport bojxona yuk deklaratsiyasida meva-sabzavot mahsulotlarining faktura qiymati invoys valyutasida koʻrsatiladi. Tijorat banklari tomonidan TSOYAEATga milliy valyutadagi naqd mablagʻlar toʻgʻrisida maʼlumotlar kiritilgan taqdirda, meva-sabzavot mahsulotlarining milliy valyuta ekvivalentidagi umumiy faktura qiymati bojxona yuk deklaratsiyasi qabul qilingan kunda Oʻzbekiston Respublikasi Markaziy bank kursi boʻyicha TSOYAEATda bojxona rasmiylashtiruvi uchun qayd etilgan summadan oshmasligi zarur.
3-bob. Meva-sabzavot mahsulotlarini nohalol eksport qiluvchilar reyestrini shakllantirish va yuritish
11. TSOYAEATga kiritilgan eksport kontrakti boʻyicha toʻlov muddati oʻtkazib yuborilgan debitor qarzdorligi mavjud boʻlgan eksport qiluvchi real vaqt rejimida avtomatik ravishda shakllanadigan nohalol eksport qiluvchilar reyestriga (keyingi oʻrinlarda Reyestr deb ataladi) kiritiladi.
Toʻlov muddati oʻtkazib yuborilgan debitor qarzdorlik mavjud kontraktlar doirasida ushbu qarzdorlik summasidan kam boʻlmagan miqdordagi valyuta tushumlari toʻgʻrisida maʼlumot TSOYAEATga xizmat koʻrsatuvchi tijorat banki tomonidan kiritilgandan soʻng nohalol eksport qiluvchi real vaqt rejimida shakllanadigan Reyestrdan chiqariladi.
12. Reyestrga kiritilgan nohalol eksport qiluvchiga keyingi eksportini faqat 100 foizli oldindan toʻlov sharti asosida amalga oshirishiga yoʻl qoʻyiladi.
13. Reyestr tijorat banklari va bojxona organlari tomonidan TSOYAEATga kiritilgan maʼlumotlar asosida avtomatik ravishda elektron tarzda shakllantiriladi va Oʻzbekiston Respublikasi Davlat bojxona qoʻmitasi tomonidan yuritiladi.
Reyestr xizmat koʻrsatuvchi bankning va eksport qiluvchining nomlari, eksport qiluvchining soliq toʻlovchining identifikatsiya raqami (STIR), kontraktning raqami, sanasi va identifikatsiya raqami, toʻlov muddati oʻtgan debitor qarzdorlik summasi toʻgʻrisidagi maʼlumotlarni oʻz ichiga oladi.
Reyestr Yagona interaktiv davlat xizmatlari portaliga joylashtiriladi hamda Oʻzbekiston Respublikasi Tashqi savdo vazirligi va Davlat bojxona qoʻmitasining veb-saytlari bilan integratsiya qilinadi.
Eksport qiluvchi toʻlov muddati oʻtkazib yuborilgan debitor qarzdorligi mavjud kontraktlari boʻyicha maʼlumotlarni oʻzining elektron kalitidan foydalangan holda Yagona interaktiv davlat xizmatlari portali yoki Oʻzbekiston Respublikasi Tashqi savdo vazirligi va Davlat bojxona qoʻmitasining veb-saytlaridan olishi mumkin.
4-bob. Meva-sabzavot mahsulotlari eksport qiluvchilarining eksport operatsiyalariga xizmat koʻrsatish
14. Eksport operatsiyalariga tijorat banklari qonunchilik hujjatlarida belgilangan tartibda xizmat koʻrsatadi.
Tijorat banklari:
eksport qiluvchi zarur hujjatlarni qonunchilikda belgilangan tartibda taqdim etgan paytdan boshlab bir ish kuni davomida unga xorijiy valyutada talab qilib olinadigan depozit hisobvaraq ochishga;
eksport kontrakti yoki invoys boʻyicha eksport qiluvchining bank hisobvaragʻiga kelib tushgan pul mablagʻlari haqidagi maʼlumotlarni TSOYAEATga kiritish uchun masʼuldirlar.
Mablagʻlar kelib tushganligi toʻgʻrisidagi maʼlumotlar TSOYAEATga tijorat banklari tomonidan toʻlov valyutasida kiritiladi.
5-bob. Yakunlovchi qoida
15. Ushbu Nizom qoidalari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Meva-sabzavot mahsulotlarini eksport qilish tartibi toʻgʻrisidagi nizomga ILOVA
Faktura qiymatiga tuzatishlar kiritish uchun qoʻllanadigan eksport qilingan yangi uzilgan meva-sabzavot mahsulotlari, uzum va poliz mahsulotlarining tabiiy yoʻqolishlari
(yukning sof vazni (netto)ga nisbatan % hisobida) Tashish masofasi, km. Mahsulot nomi bodringlar pomidorlar shirin va achchiq qalampir, baqlajon, kabachki karam, piyoz koʻkat boshqa sabzavotlar poliz mahsulotlari uzum danakli mevalar va anor olma va nok poʻchoqli mevalar va xurmo sitrus mevalar 100 km . gacha - - - - - - - - - - 0,3 0,3 250 km . gacha 1,9 1,1 1,2 1,1 0,5 0,7 1 1,1 1,3 0,7 1,1 - 500 km . gacha 2,4 1,7 1,5 1,7 0,6 1 1,6 1,4 1,6 1 1,9 - 501 — 550 2,5 1,8 1,6 1,8 0,7 1 1,7 1,5 1,7 1 2,0 - 551 — 600 2,6 1,9 1,7 1,9 0,8 1,1 1,8 1,6 1,7 1,1 2,1 - 601 — 700 2,8 2,1 1,8 2,2 1 1,3 2 1,7 1,8 1,3 2,3 - 701 — 800 3 2,3 1,9 2,5 1,1 1,5 2,1 1,8 1,9 1,5 2,5 - 801 — 900 3,2 2,5 2 2,8 1,2 1,7 2,3 1,9 2,0 1,7 2,7 - 901 — 1000 3,4 2,7 2 3,1 1,3 1,9 2,8 2,0 2,1 1,9 2,9 - 1000 km . dan uzoq masofaga tashishda belgilangan meʼyor keyingi har 100 km. da oshiriladi 0,1 0,1 0,1 0,3 0,1 0,1 0,2 0,1 0,1 0,1 0,1 -
Vazirlar Mahkamasining 2019-yil 23-fevraldagi 163-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
1. Vazirlar Mahkamasining “Meva-sabzavot mahsulotlari, kartoshka, poliz mahsulotlari va uzumni eksport qilishni tartibga solish mexanizmini yanada takomillashtirish chora-tadbirlari toʻgʻrisida” 2015-yil 28-avgustdagi 249-son qarori (Oʻzbekiston Respublikasi QT, 2015-y., 8-son, 75-modda).
2. Vazirlar Mahkamasining “Yangi va qayta ishlangan meva-sabzavot mahsulotlarini eksport qilish tartibi toʻgʻrisidagi nizomni tasdiqlash haqida” 2016-yil 15-iyundagi 207-son qarori (Oʻzbekiston Respublikasi QT, 2016-y., 6-son, 56-modda).
3. Vazirlar Mahkamasining “Oʻzagroeksport” AJ tomonidan oldindan toʻlovsiz meva-sabzavot mahsulotlarini eksport qilishi mumkin boʻlgan yetakchi chet el import qiluvchi tashkilotlar roʻyxatini tasdiqlash toʻgʻrisida” 2017-yil 10-avgustdagi 609-son qarori .
4. Vazirlar Mahkamasining “Yangi uzilgan, quritilgan va qayta ishlangan meva-sabzavot mahsulotlarini eksport qilish tartibi toʻgʻrisidagi nizomni tasdiqlash haqida” 2017-yil 14-dekabrdagi 984-son qarori (Oʻzbekiston Respublikasi QT, 2017-y., 12-son, 287-modda).
5. Vazirlar Mahkamasining “Investstroy” AJ faoliyatini yanada rivojlantirish chora-tadbirlari toʻgʻrisida” 2018-yil 7-iyundagi 430-son qarori (Oʻzbekiston Respublikasi QT, 2018-y., 12-son, 287-modda).
6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2018-yil 8-yanvardagi 16-son qarori ilovasining 10-bandi (Oʻzbekiston Respublikasi QT, 2016-y., 6-son, 56-modda).
7. Vazirlar Mahkamasining ““Oʻzagroeksport” AJ ixtisoslashtirilgan tashqi savdo kompaniyasi oldindan toʻlovsiz, tasdiqlangan bank akkreditivi ochilmasdan yoki birinchi darajali xorijiy bank kafolati rasmiylashtirilmasdan meva-sabzavot mahsulotlarini eksport qilishi mumkin boʻlgan yetakchi xorijiy import qiluvchi tashkilotlar roʻyxatiga qoʻshimchalar kiritish haqida” 2018-yil 9-oktabrdagi 814-son qarori .
8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 27-noyabrdagi 963-son qarori ilovasining 5-bandi (Oʻzbekiston Respublikasi QT, 2017-y., 12-son, 287-modda).
Oʻzbekiston Respublikasining Bosh vaziri A. ARIPOV
Toshkent sh.,
2019-yil 23-fevral,
163-son