📅 2019-yil 1-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 марта 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 1 March 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
ҲИСОБ-КИТОБИ
«Ўзбекистон Республика товар-хом ашё биржаси» АЖ биржа савдоларида қимматбаҳо металларни сотиш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Ўзбекистон Республикаси Марказий банки қошидаги Қимматбаҳо металлар агентлигида қимматбаҳо металларни ишлаб чиқариш ва топшириш бўйича давлат буюртмаси тўғрисида» 2019 йил 17 январдаги ПҚ-4121-сон қарорига мувофиқ, саноат маҳсулотлари, заргарлик буюмлари ва бошқа буюмлар ишлаб чиқаришда хом ашё сифатида фойдаланиладиган қимматбаҳо металларни биржа савдоларида сотиш механизмини янада такомиллаштириш мақсадида Вазирлар Маҳкамаси қарор қилади:
1. «Ўзбекистон республика товар-хом ашё биржаси» АЖ биржа савдоларида қимматбаҳо металларни сотиш тартиби тўғрисидаги низом иловага мувофиқ тасдиқлансин.
Белгилансинки, мазкур Низом талабларига мувофиқ «Тошкент товар хомашё биржаси» АЖга қимматбаҳо металларни сотишга рухсат берилади.
2. Ўзбекистон Республикаси Иқтисодиёт ва саноат вазирлиги Ўзбекистон Республикаси Марказий банки ва Молия вазирлиги билан биргаликда ҳар йили қимматбаҳо металларни ишлаб чиқариш ва тақсимлаш прогноз параметрларини шакллантиришда саноатда ишлатиладиган маҳсулотлар, заргарлик буюмлари ва бошқа маҳсулотларни ишлаб чиқарувчиларга уларнинг эҳтиёжларини ҳисобга олиб, асосланган ҳисоб-китоблар бўйича биржа савдоларида сотиш учун қимматбаҳо металлар ажратиш ҳажмларини назарда тутсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Республикаси молия вазири Ж.А. Қўчқоров, Ўзбекистон Республикаси иқтисодиёт ва саноат вазири Б.А. Хўжаев зиммасига ва Ўзбекистон Республикаси Вазирлар Маҳкамасининг Ёқилғи-энергетика соҳаси ва саноатнинг базавий тармоқларини ривожлантириш масалалари котибиятига юклансин.
Вазирлар Маҳкамасининг 2019 йил 1 мартдаги 186-сон қарорига ИЛОВА
«Ўзбекистон республика товар-хом ашё биржаси» АЖ биржа савдоларида қимматбаҳо металларни сотиш тартиби тўғрисида
1-боб. Умумий қоидалар
1. Ушбу Низом қимматбаҳо металларни биржа савдоларида саноатда ишлатиладиган маҳсулотлар, заргарлик буюмлари ва бошқа буюмларни ишлаб чиқарувчиларга сотиш тартибини белгилайди.
2. Ушбу Низомда қуйидаги асосий тушунчалардан фойдаланилади:
стандарт қуймалар (пластиналар) — Ўзбекистон Республикаси, қуймаларни ишлаб чиқарувчи давлатнинг техник тартибга солиш соҳасидаги норматив ҳужжатларига, шунингдек, товар-хом ашё биржалари (кейинги ўринларда биржалар деб аталади) талабларига мувофиқ бўлган заргарлик буюмлари ва саноат маҳсулотлари ишлаб чиқаришда фойдаланиладиган хом ашё сифатида биржа савдоларида сотиш учун мўлжалланган қимматбаҳо металлар қуймалари (пластиналар);
қимматбаҳо металлар — Ўзбекистон Республикасининг, шунингдек, ишлаб чиқарувчи давлатнинг техник тартибга солиш соҳасидаги норматив ҳужжатларига мувофиқ бўлган қуймалар, пластиналар, гранулалар ва кукун кўринишидаги олтин, кумуш ва платина;
қимматбаҳо металлар гранулалари — қимматбаҳо металлар аффинажини амалга оширувчи корхоналар томонидан тайёрланадиган, биржа савдоларида заргарлик буюмлари ва саноат маҳсулотлари ишлаб чиқарувчиларга бошланғич хом ашё сифатида соталидаган юмалоқ шаклдаги кристаллаштирилган эритма шаклидаги қимматбаҳо металлар гувалачалари;
биржа битими — биржа савдоларининг биржа томонидан қайд этилган натижаси бўйича тузилган, биржа томонидан рўйхатдан ўтказилган биржа товарининг олди-сотди шартномаси;
биржа аъзолари — биржа томонидан белгиланган тартибда биржа савдоларида иштирок этиш ҳамда дилерлар ва брокерлар сифатида биржа битимларини тузиш ҳуқуқига эга бўлган юридик шахслар;
биржа савдоларининг электрон тизими — биржа аъзоларига республиканинг ҳар қандай географик нуқтасидан масофада туриб аниқ вақт режимида биржа савдоларида иштирок этиш имкониятини берадиган, дастурий-аппарат воситалари мажмуини ўз ичига олган глобал тақсимланган ахборот тизими;
ҳисоб-китоб-клиринг палатаси (кейинги ўринларда ҲКП деб аталади) — биржанинг биржа битимлари бўйича клиринг ва ўзаро ҳисоб-китоблар ўтказилишини таъминловчи таркибий бўлинмаси;
аванс — молиявий маблағлар сотувчилари ва харидорлари томонидан киритиладиган, биржа йиғимини, шунингдек, томонларнинг закалат пулини ўз ичига оладиган сумма;
Лондон қимматбаҳо металлар бозори уюшмаси фиксинги — юзага келган талаб ва таклиф асосида Лондон қимматбаҳо металлар бозори уюшмаси томонидан қўлланиладиган қимматбаҳо металлар нархларини белгилаш ва эълон қилиш тартиботи.
3. Қимматбаҳо металларни биржа савдоларида сотиш қимматбаҳо металларни ишлаб чиқарувчилар ёки биржа савдоларининг бошқа иштирокчилари томонидан ушбу Низомга 1-иловага мувофиқ схема бўйича амалга оширилади.
4. Қимматбаҳо металларни ишлаб чиқарувчилар ёхуд биржа савдоларининг бошқа иштирокчилари — биржанинг етказиб берувчилари норматив ҳужжатлар талабларига ва намунага мувофиқ қимматбаҳо металлардан пластиналар, қуймалар, гранулалар ишлаб чиқарилишини таъминлайдилар.
Буюртмалардан ҳамда бозордаги талаб ва таклиф конъюнктурасидан келиб чиқиб ишлаб чиқарувчилар қимматбаҳо металлардан қуйидаги ўлчов оғирлигидаги ўлчов пластиналари, қуймаларни ишлаб чиқарадилар: олтиндан — 5 грамм, 20 грамм, 50 грамм, 100 грамм, 250 грамм, 500 грамм ва 1000 граммли, шунингдек, кумушдан — 100 грамм, 250 грамм, 500 грамм ва 1000 граммли.
Қимматбаҳо металларнинг стандарт пластиналари ва қуймалари юзасида ишлаб чиқарувчининг товар белгиси бўлиши, соф қимматбаҳо металл ва лигатура массаси таркибининг кўрсатгичлари техник жиҳатдан тартибга солиш соҳасидаги норматив ҳужжатларга ҳамда товар-хом ашё биржасининг талабларига мувофиқ бўлиши керак.
Қимматбаҳо металлар гранулалари маҳсулотнинг таркиби ва сифатини кўрсатувчи тегишли ёзувлар киритилган оғирлиги ўлчанган ўрамга ўраб жойлаштирилган бўлиши керак.
5. Саноатда ишлатиладиган маҳсулотларни қайта ишлаш қувватига эга бўлган ишлаб чиқарувчилар, шунингдек, юридик шахслар ва якка тадбиркорлар — қимматбаҳо металлардан заргарлик буюмлари ва бошқа буюмлар ишлаб чиқарувчилар биржа савдоларида қимматбаҳо металларнинг харидорлари ҳисобланадилар.
Заргарлик буюмлари ва бошқа буюмлар ишлаб чиқарувчилар савдоларда иштирок этиш учун биржага Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси томонидан бериладиган қимматбаҳо металлар ва қимматбаҳо тошлардан заргарлик буюмлари ва бошқа буюмлар ишлаб чиқариш фаолиятини амалга ошириш ҳуқуқини берувчи лицензияни тақдим этишлари керак.
Саноат маҳсулотлари ишлаб чиқарувчилар савдоларда иштирок этиш учун биржага Давлат асиллик палатаси томонидан бериладиган рўйхатдан ўтказиш гувоҳномасини тақдим этиши керак.
6. Биржа савдолари ҳар куни (душанбадан жумагача) биржа савдолари электрон тизимидан фойдаланган ҳолда ўтказилади.
7. Биржа савдоларида сотиб олинган қимматбаҳо металларни экспортга сотиш мумкин эмас.
2-боб. Қимматбаҳо металлар ҳажмларини шакллантириш, биржа савдоларига тайёргарлик кўриш ва уни ўтказиш тартиби
8. Етказиб берувчилар томонидан қимматбаҳо металларни биржа савдоларига қўйиш қимматбаҳо металларни ишлаб чиқариш ва истеъмол қилиш ҳажмларининг тасдиқланган ҳажмларига мувофиқ амалга оширилади.
Тегишли йилга қимматбаҳо металларни ишлаб чиқариш ва тақсимлашнинг тасдиқланган прогнозлари асосида биржа савдоларида қимматбаҳо металларни сотишнинг чораклик ва ойлик прогнозлари Ўзбекистон Республикаси Иқтисодиёт ва саноат вазирлиги томонидан белгиланади.
Қимматбаҳо металлар ишлаб чиқарувчилар ҳар ойда жорий ойнинг 25-кунидан кечиктирмасдан маҳсулотларни биржа савдоларида жойлаштириш жадвалини ишлаб чиқадилар ва навбатдаги ой бошлангунига қадар биржага юборадилар.
Жойлаштириш жадвалларида биржа савдоларида сотиш учун мўлжалланган қимматбаҳо металлар ҳажмлари кўрсатилади.
9. Биржа савдоларини ташкил этиш ва ўтказиш қонунчилика, биржа савдолари ва ҳисоб-китоб-клиринг хизмат кўрсатиш қоидаларига мувофиқ амалга оширилади.
Биржа савдолари ва ҳисоб-китоб-клиринг хизмат кўрсатиш қоидалари биржа, биржа аъзолари, сотувчилар ва харидорлар учун мажбурий ҳисобланади.
Биржа томонидан кўрсатиладиган хизматлар учун тўловлар миқдори харидорлар ва сотувчилар учун белгиланган тартибда биржа хизматларига белгиланган тарифлардан келиб чиққан ҳолда белгиланади.
10. Харидорлар ва сотувчилар биржа савдоларида биржа билан ёки брокерлар номидан уларнинг трейдерлари томонидан тузилган шартнома асосида дилерлар сифатида мустақил равишда иштирок этадилар.
11. Ҳар бир биржа савдоси бўйича сотувчилар ва харидорларга рухсат бериш ёки четлатиш, шунингдек, биржа савдолари ғолибларини аниқлаш ва биржа битимларини рўйхатдан ўтказиш автоматик тарзда биржанинг электрон биржа савдолари тизими томонидан амалга оширилади.
12. Савдога қўйилган, бироқ сотилмаган маҳсулотлар ҳажмлари, шунингдек, бекор қилинган битимлар бўйича ҳажмлар такрорий равишда биржа савдоларига қўйилади.
Биржа савдоларида бир ой мобайнида сотилмаган қимматбаҳо металлар ҳажмлари Ўзбекистон Республикаси Марказий банки томонидан белгиланган тартибда сотиб олиниши мумкин.
13. Маҳсулотларни истеъмолчиларга етказиб бериш биржа етказиб берувчилари томонидан 100 фоизли олдиндан ҳақ тўлаш шартларида амалга оширилади. Қонунчиликка мувофиқ биржа савдоларида сотиладиган қимматбаҳо металларга қўшилган қиймат солиғи ва акциз солиғи солинмайди.
3-боб. Маҳсулотнинг бошланғич нархини белгилаш ҳамда биржа савдолари иштирокчилари ва маҳсулотни юклаб берувчилар ўртасидаги ўзаро ҳисоб-китоблар
14. Қимматбаҳо металларнинг бошланғич нархи Ўзбекистон Республикаси Марказий банкининг биржа битими тузилган санадаги курси бўйича миллий валютада Лондон қимматбаҳо металлар бозори уюшмасининг сўнгги тонгги фиксинги асосида белгиланади.
Қимматбаҳо металларнинг миллий валютадаги бошланғич нархининг ҳисоб-китоблари ушбу Низомга 2-иловага мувофиқ амалга оширилади.
15. Харидорлар ҲКПдаги ўз ҳисоб рақамларига биржа битимининг мўлжалланаётган суммасининг 1 фоизи миқдоридаги закалатни ўз ичига олган авансни киритадилар.
16. Харидорлар биржада аванс билан таъминланган ҳажмларда маҳсулот сотиб олиш учун битимлар тузишга ҳақлидирлар.
17. Олди-сотди шартномаси расмийлаштириш учун биржа томонидан биржа аъзоларига биржа савдолари қоидаларига мувофиқ биржа битимини электрон рўйхатдан ўтказиш санасида тақдим қилинади.
18. Харидор ушбу Низомнинг 13-бандига мувофиқ 3 иш куни мобайнида тузилган биржа битими бўйича молиявий мажбуриятларни тўлиқ қоплаш учун етарли бўлган миқдордаги маблағларни биржанинг талаб қилиб олингунгача иккиламчи депозит ҳисоб рақамига ўтказиши керак.
19. ҲКП ушбу Низомнинг талабларига мувофиқ олди-сотди шартномаси бўйича зарур пул маблағлари тушганидан сўнг бир иш куни мобайнида сотувчининг шахсий кабинетига тўланган битимларнинг реестрини юбориши шарт.
20. Сотувчи ҲКПдан харидор томонидан ушбу Низомнинг 13-бандига мувофиқ олдиндан тўлов амалга оширилганлиги ҳақидаги хабарни олганидан сўнг биржа битимида келишилган етказиб бериш шартлари бўйича 5 иш куни мобайнида харидорга маҳсулотни етказиб беради.
21. Сотувчига ҲКП томонидан харидорнинг шахсий ҳисоб рақамига тўланган маблағлар тушганлиги ҳақида битимлар реестрини тақдим қилиш сотувчи томонидан харидорга маҳсулотни юклаб жўнатиш учун асос сифатида хизмат қилади.
ҲКП томонидан харидор ўз мажбуриятларини бажарганлиги факти тасдиқланмасдан сотувчи томонидан маҳсулот юклаб жўнатилган тақдирда, биржа рўйхатдан ўтказилган олди-сотди шартномаси мажбуриятларининг харидор томонидан бажарилмаганлиги учун жавоб бермайди.
22. Маҳсулотни юклаш ва олиш факти харидор ва сотувчининг имзолари билан тасдиқланадиган счёт-фактура нусхаси билан тасдиқланади.
Счёт-фактуранинг тақдим қилинган нусхаси ҲКП бир иш куни мобайнида сотувчига хизмат кўрсатувчи банкдаги талаб қилиб олингунгача иккиламчи ҳисоб рақамига маблағларни ўтказиши, шунингдек, битимни ёпиш учун асос ва мажбурият сифатида хизмат қилади.
4-боб. Якунловчи қоидалар
23. Биржа савдосини ташкил этиш, шартнома мажбуриятларини ижро этиш ва ҳисоб-китоб-клиринг хизмат кўрсатиш жараёнида юзага келадиган низо ва келишмовчиликлар қонунчиликда белгиланган тартибда ҳал қилинади.
24. Сотувчи ёки харидор томонидан ушбу Низомдан келиб чиқадиган ўз мажбуриятлари бажарилмаган тақдирда, ноҳалол томоннинг закалати жабрланган томоннинг фойдасига ушлаб қолинади. Бунда сотувчидан харидор фойдасига ундириладиган сумма миқдори шартноманинг умумий суммасидан келиб чиққан ҳолда белгиланади.
25. Ушбу Низом талабларининг бузилишида айбдор бўлган шахслар қонунчиликка мувофиқ жавоб берадилар.
Низомга 1-ИЛОВА
Биржа савдоларида қимматбаҳо металларни сотиш
Босқичлар Тадбирлар Масъуллар Муддатлар I босқич Сотувчи ва харидор ўз танлови бўйича брокер билан шартнома тузади. Сотувчи, харидор Заруратга кўра II босқич Сотувчининг брокери ёки сотувчининг ўзи шахсий кабинет орқали Иқтисодиёт ва саноат вазирлиги билан келишилган жадвалга мувофиқ қимматбаҳо металларнинг қўйиладиган ҳажмлари тўғрисидаги ахборотни жойлаштиради. Сотувчи, биржа Савдо бошланишидан 1 кун олдин III босқич Биржа ўзининг веб-сайтида биржа савдолари ўтказилиши санаси ва вақти тўғрисидаги ахборотни эълон қилади. Биржа Савдо бошланишидан олдин IV босқич Биржа савдоларида иштирок этувчи қимматбаҳо металларнинг сотувчиси ва харидори ҳисоб-китоб клиринг палатасида (ҲКП) ўзининг шахсий ҳисоб рақамига савдога қўйиладиган ва харид қилиш мўлжалланаётган маҳсулот қийматининг 1 фоизи миқдоридаги маблағни закалат сифатида мажбурий тартибда депозитга қўяди. Сотувчи, биржанинг ҲКПси Савдо бошланишидан 1 кун олдин V босқич Сотувчининг брокери ва харидорнинг брокери ёки сотувчи ва харидорнинг ўзи тузилган битимлар реестри асосида қимматбаҳо металларни сотишга биржа битими тузадилар. Брокер, сотувчи, харидор Тузилган битимлар реестри тақдим қилингандан кейин VI босқич 1. Харидор биржа битими бўйича зарур пул маблағларини биржанинг ҲКПсидаги ўз шахсий ҳисоб рақамига ўтказади. 2. Биржанинг ҲКПси ушбу Низом талабларига мувофиқ тушган суммага сотувчига тўланган битимлар реестрини юборади, бу маҳсулотни харидорга юклаб жўнатиш учун асос бўлади. 3. Маҳсулотнинг юклаб жўнатилиши ва олиниши факти харидор ва сотувчининг имзолари билан тасдиқланган счёт-фактура билан тасдиқланади. Харидор, биржанинг ҲКПси, сотувчи 1. Биржа битими рўйхатдан ўтказилгандан кейин 3 иш куни мобайнида. 2. Харидордан пул маблағлари тушгандан кейин 1 иш куни мобайнида. 3. ҲКПдан тўланган битимлар реестри олингандан кейин 5 иш куни мобайнида
Низомга 2-ИЛОВА
Қимматли металл бошланғич қийматининг
1 грамм қимматбаҳо металлнинг миллий валютадаги нархи қуйидаги формула бўйича ҳисоблаб чиқилади:
P G/UZS = ((P W / Y) * E CB ) вергулдан сўнг 2 касрли хонага қадар яхлитланади, бунда:
P G/UZS — бир грамм учун сўмдаги нарх;
P W — Лондон қимматбаҳо металлар бозори уюшмасининг сўнгги эрталабки фиксинги нархи (АҚШ доллари/тр.унц.);
Y — бир трой унциясининг метрик граммдаги эквиваленти (1 трой унцияси = 31,10348 грамм);
E CB — Ўзбекистон Республикаси Марказий банкининг курси (миллий валютада АҚШ доллари).
Ўзбекистон Республикасининг Бош вазири А. АРИПОВ
Тошкент ш.,
2019 йил 1 март,
186-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
HISOB-KITOBI
“Oʻzbekiston Respublika tovar-xom ashyo birjasi” AJ birja savdolarida qimmatbaho metallarni sotish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Oʻzbekiston Respublikasi Markaziy banki qoshidagi Qimmatbaho metallar agentligida qimmatbaho metallarni ishlab chiqarish va topshirish boʻyicha davlat buyurtmasi toʻgʻrisida” 2019-yil 17-yanvardagi PQ-4121-son qaroriga muvofiq, sanoat mahsulotlari, zargarlik buyumlari va boshqa buyumlar ishlab chiqarishda xom ashyo sifatida foydalaniladigan qimmatbaho metallarni birja savdolarida sotish mexanizmini yanada takomillashtirish maqsadida Vazirlar Mahkamasi qaror qiladi:
1. “Oʻzbekiston respublika tovar-xom ashyo birjasi” AJ birja savdolarida qimmatbaho metallarni sotish tartibi toʻgʻrisidagi nizom ilovaga muvofiq tasdiqlansin.
Belgilansinki, mazkur Nizom talablariga muvofiq “Toshkent tovar xomashyo birjasi” AJga qimmatbaho metallarni sotishga ruxsat beriladi.
2. Oʻzbekiston Respublikasi Iqtisodiyot va sanoat vazirligi Oʻzbekiston Respublikasi Markaziy banki va Moliya vazirligi bilan birgalikda har yili qimmatbaho metallarni ishlab chiqarish va taqsimlash prognoz parametrlarini shakllantirishda sanoatda ishlatiladigan mahsulotlar, zargarlik buyumlari va boshqa mahsulotlarni ishlab chiqaruvchilarga ularning ehtiyojlarini hisobga olib, asoslangan hisob-kitoblar boʻyicha birja savdolarida sotish uchun qimmatbaho metallar ajratish hajmlarini nazarda tutsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Respublikasi moliya vaziri J.A. Qoʻchqorov, Oʻzbekiston Respublikasi iqtisodiyot va sanoat vaziri B.A. Xoʻjayev zimmasiga va Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga yuklansin.
Vazirlar Mahkamasining 2019-yil 1-martdagi 186-son qaroriga ILOVA
“Oʻzbekiston respublika tovar-xom ashyo birjasi” AJ birja savdolarida qimmatbaho metallarni sotish tartibi toʻgʻrisida
1-bob. Umumiy qoidalar
1. Ushbu Nizom qimmatbaho metallarni birja savdolarida sanoatda ishlatiladigan mahsulotlar, zargarlik buyumlari va boshqa buyumlarni ishlab chiqaruvchilarga sotish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
standart quymalar (plastinalar) — Oʻzbekiston Respublikasi, quymalarni ishlab chiqaruvchi davlatning texnik tartibga solish sohasidagi normativ hujjatlariga, shuningdek, tovar-xom ashyo birjalari (keyingi oʻrinlarda birjalar deb ataladi) talablariga muvofiq boʻlgan zargarlik buyumlari va sanoat mahsulotlari ishlab chiqarishda foydalaniladigan xom ashyo sifatida birja savdolarida sotish uchun moʻljallangan qimmatbaho metallar quymalari (plastinalar);
qimmatbaho metallar — Oʻzbekiston Respublikasining, shuningdek, ishlab chiqaruvchi davlatning texnik tartibga solish sohasidagi normativ hujjatlariga muvofiq boʻlgan quymalar, plastinalar, granulalar va kukun koʻrinishidagi oltin, kumush va platina;
qimmatbaho metallar granulalari — qimmatbaho metallar affinajini amalga oshiruvchi korxonalar tomonidan tayyorlanadigan, birja savdolarida zargarlik buyumlari va sanoat mahsulotlari ishlab chiqaruvchilarga boshlangʻich xom ashyo sifatida sotalidagan yumaloq shakldagi kristallashtirilgan eritma shaklidagi qimmatbaho metallar guvalachalari;
birja bitimi — birja savdolarining birja tomonidan qayd etilgan natijasi boʻyicha tuzilgan, birja tomonidan roʻyxatdan oʻtkazilgan birja tovarining oldi-sotdi shartnomasi;
birja aʼzolari — birja tomonidan belgilangan tartibda birja savdolarida ishtirok etish hamda dilerlar va brokerlar sifatida birja bitimlarini tuzish huquqiga ega boʻlgan yuridik shaxslar;
birja savdolarining elektron tizimi — birja aʼzolariga respublikaning har qanday geografik nuqtasidan masofada turib aniq vaqt rejimida birja savdolarida ishtirok etish imkoniyatini beradigan, dasturiy-apparat vositalari majmuini oʻz ichiga olgan global taqsimlangan axborot tizimi;
hisob-kitob-kliring palatasi (keyingi oʻrinlarda HKP deb ataladi) — birjaning birja bitimlari boʻyicha kliring va oʻzaro hisob-kitoblar oʻtkazilishini taʼminlovchi tarkibiy boʻlinmasi;
avans — moliyaviy mablagʻlar sotuvchilari va xaridorlari tomonidan kiritiladigan, birja yigʻimini, shuningdek, tomonlarning zakalat pulini oʻz ichiga oladigan summa;
London qimmatbaho metallar bozori uyushmasi fiksingi — yuzaga kelgan talab va taklif asosida London qimmatbaho metallar bozori uyushmasi tomonidan qoʻllaniladigan qimmatbaho metallar narxlarini belgilash va eʼlon qilish tartiboti.
3. Qimmatbaho metallarni birja savdolarida sotish qimmatbaho metallarni ishlab chiqaruvchilar yoki birja savdolarining boshqa ishtirokchilari tomonidan ushbu Nizomga 1-ilovaga muvofiq sxema boʻyicha amalga oshiriladi.
4. Qimmatbaho metallarni ishlab chiqaruvchilar yoxud birja savdolarining boshqa ishtirokchilari — birjaning yetkazib beruvchilari normativ hujjatlar talablariga va namunaga muvofiq qimmatbaho metallardan plastinalar, quymalar, granulalar ishlab chiqarilishini taʼminlaydilar.
Buyurtmalardan hamda bozordagi talab va taklif konyunkturasidan kelib chiqib ishlab chiqaruvchilar qimmatbaho metallardan quyidagi oʻlchov ogʻirligidagi oʻlchov plastinalari, quymalarni ishlab chiqaradilar: oltindan — 5 gramm, 20 gramm, 50 gramm, 100 gramm, 250 gramm, 500 gramm va 1000 grammli, shuningdek, kumushdan — 100 gramm, 250 gramm, 500 gramm va 1000 grammli.
Qimmatbaho metallarning standart plastinalari va quymalari yuzasida ishlab chiqaruvchining tovar belgisi boʻlishi, sof qimmatbaho metall va ligatura massasi tarkibining koʻrsatgichlari texnik jihatdan tartibga solish sohasidagi normativ hujjatlarga hamda tovar-xom ashyo birjasining talablariga muvofiq boʻlishi kerak.
Qimmatbaho metallar granulalari mahsulotning tarkibi va sifatini koʻrsatuvchi tegishli yozuvlar kiritilgan ogʻirligi oʻlchangan oʻramga oʻrab joylashtirilgan boʻlishi kerak.
5. Sanoatda ishlatiladigan mahsulotlarni qayta ishlash quvvatiga ega boʻlgan ishlab chiqaruvchilar, shuningdek, yuridik shaxslar va yakka tadbirkorlar — qimmatbaho metallardan zargarlik buyumlari va boshqa buyumlar ishlab chiqaruvchilar birja savdolarida qimmatbaho metallarning xaridorlari hisoblanadilar.
Zargarlik buyumlari va boshqa buyumlar ishlab chiqaruvchilar savdolarda ishtirok etish uchun birjaga Oʻzbekiston Respublikasi Moliya vazirligi huzuridagi Davlat asillik darajasini belgilash palatasi tomonidan beriladigan qimmatbaho metallar va qimmatbaho toshlardan zargarlik buyumlari va boshqa buyumlar ishlab chiqarish faoliyatini amalga oshirish huquqini beruvchi litsenziyani taqdim etishlari kerak.
Sanoat mahsulotlari ishlab chiqaruvchilar savdolarda ishtirok etish uchun birjaga Davlat asillik palatasi tomonidan beriladigan roʻyxatdan oʻtkazish guvohnomasini taqdim etishi kerak.
6. Birja savdolari har kuni (dushanbadan jumagacha) birja savdolari elektron tizimidan foydalangan holda oʻtkaziladi.
7. Birja savdolarida sotib olingan qimmatbaho metallarni eksportga sotish mumkin emas.
2-bob. Qimmatbaho metallar hajmlarini shakllantirish, birja savdolariga tayyorgarlik koʻrish va uni oʻtkazish tartibi
8. Yetkazib beruvchilar tomonidan qimmatbaho metallarni birja savdolariga qoʻyish qimmatbaho metallarni ishlab chiqarish va isteʼmol qilish hajmlarining tasdiqlangan hajmlariga muvofiq amalga oshiriladi.
Tegishli yilga qimmatbaho metallarni ishlab chiqarish va taqsimlashning tasdiqlangan prognozlari asosida birja savdolarida qimmatbaho metallarni sotishning choraklik va oylik prognozlari Oʻzbekiston Respublikasi Iqtisodiyot va sanoat vazirligi tomonidan belgilanadi.
Qimmatbaho metallar ishlab chiqaruvchilar har oyda joriy oyning 25-kunidan kechiktirmasdan mahsulotlarni birja savdolarida joylashtirish jadvalini ishlab chiqadilar va navbatdagi oy boshlanguniga qadar birjaga yuboradilar.
Joylashtirish jadvallarida birja savdolarida sotish uchun moʻljallangan qimmatbaho metallar hajmlari koʻrsatiladi.
9. Birja savdolarini tashkil etish va oʻtkazish qonunchilika, birja savdolari va hisob-kitob-kliring xizmat koʻrsatish qoidalariga muvofiq amalga oshiriladi.
Birja savdolari va hisob-kitob-kliring xizmat koʻrsatish qoidalari birja, birja aʼzolari, sotuvchilar va xaridorlar uchun majburiy hisoblanadi.
Birja tomonidan koʻrsatiladigan xizmatlar uchun toʻlovlar miqdori xaridorlar va sotuvchilar uchun belgilangan tartibda birja xizmatlariga belgilangan tariflardan kelib chiqqan holda belgilanadi.
10. Xaridorlar va sotuvchilar birja savdolarida birja bilan yoki brokerlar nomidan ularning treyderlari tomonidan tuzilgan shartnoma asosida dilerlar sifatida mustaqil ravishda ishtirok etadilar.
11. Har bir birja savdosi boʻyicha sotuvchilar va xaridorlarga ruxsat berish yoki chetlatish, shuningdek, birja savdolari gʻoliblarini aniqlash va birja bitimlarini roʻyxatdan oʻtkazish avtomatik tarzda birjaning elektron birja savdolari tizimi tomonidan amalga oshiriladi.
12. Savdoga qoʻyilgan, biroq sotilmagan mahsulotlar hajmlari, shuningdek, bekor qilingan bitimlar boʻyicha hajmlar takroriy ravishda birja savdolariga qoʻyiladi.
Birja savdolarida bir oy mobaynida sotilmagan qimmatbaho metallar hajmlari Oʻzbekiston Respublikasi Markaziy banki tomonidan belgilangan tartibda sotib olinishi mumkin.
13. Mahsulotlarni isteʼmolchilarga yetkazib berish birja yetkazib beruvchilari tomonidan 100 foizli oldindan haq toʻlash shartlarida amalga oshiriladi. Qonunchilikka muvofiq birja savdolarida sotiladigan qimmatbaho metallarga qoʻshilgan qiymat soligʻi va aksiz soligʻi solinmaydi.
3-bob. Mahsulotning boshlangʻich narxini belgilash hamda birja savdolari ishtirokchilari va mahsulotni yuklab beruvchilar oʻrtasidagi oʻzaro hisob-kitoblar
14. Qimmatbaho metallarning boshlangʻich narxi Oʻzbekiston Respublikasi Markaziy bankining birja bitimi tuzilgan sanadagi kursi boʻyicha milliy valyutada London qimmatbaho metallar bozori uyushmasining soʻnggi tonggi fiksingi asosida belgilanadi.
Qimmatbaho metallarning milliy valyutadagi boshlangʻich narxining hisob-kitoblari ushbu Nizomga 2-ilovaga muvofiq amalga oshiriladi.
15. Xaridorlar HKPdagi oʻz hisob raqamlariga birja bitimining moʻljallanayotgan summasining 1 foizi miqdoridagi zakalatni oʻz ichiga olgan avansni kiritadilar.
16. Xaridorlar birjada avans bilan taʼminlangan hajmlarda mahsulot sotib olish uchun bitimlar tuzishga haqlidirlar.
17. Oldi-sotdi shartnomasi rasmiylashtirish uchun birja tomonidan birja aʼzolariga birja savdolari qoidalariga muvofiq birja bitimini elektron roʻyxatdan oʻtkazish sanasida taqdim qilinadi.
18. Xaridor ushbu Nizomning 13-bandiga muvofiq 3 ish kuni mobaynida tuzilgan birja bitimi boʻyicha moliyaviy majburiyatlarni toʻliq qoplash uchun yetarli boʻlgan miqdordagi mablagʻlarni birjaning talab qilib olingungacha ikkilamchi depozit hisob raqamiga oʻtkazishi kerak.
19. HKP ushbu Nizomning talablariga muvofiq oldi-sotdi shartnomasi boʻyicha zarur pul mablagʻlari tushganidan soʻng bir ish kuni mobaynida sotuvchining shaxsiy kabinetiga toʻlangan bitimlarning reyestrini yuborishi shart.
20. Sotuvchi HKPdan xaridor tomonidan ushbu Nizomning 13-bandiga muvofiq oldindan toʻlov amalga oshirilganligi haqidagi xabarni olganidan soʻng birja bitimida kelishilgan yetkazib berish shartlari boʻyicha 5 ish kuni mobaynida xaridorga mahsulotni yetkazib beradi.
21. Sotuvchiga HKP tomonidan xaridorning shaxsiy hisob raqamiga toʻlangan mablagʻlar tushganligi haqida bitimlar reyestrini taqdim qilish sotuvchi tomonidan xaridorga mahsulotni yuklab joʻnatish uchun asos sifatida xizmat qiladi.
HKP tomonidan xaridor oʻz majburiyatlarini bajarganligi fakti tasdiqlanmasdan sotuvchi tomonidan mahsulot yuklab joʻnatilgan taqdirda, birja roʻyxatdan oʻtkazilgan oldi-sotdi shartnomasi majburiyatlarining xaridor tomonidan bajarilmaganligi uchun javob bermaydi.
22. Mahsulotni yuklash va olish fakti xaridor va sotuvchining imzolari bilan tasdiqlanadigan schyot-faktura nusxasi bilan tasdiqlanadi.
Schyot-fakturaning taqdim qilingan nusxasi HKP bir ish kuni mobaynida sotuvchiga xizmat koʻrsatuvchi bankdagi talab qilib olingungacha ikkilamchi hisob raqamiga mablagʻlarni oʻtkazishi, shuningdek, bitimni yopish uchun asos va majburiyat sifatida xizmat qiladi.
4-bob. Yakunlovchi qoidalar
23. Birja savdosini tashkil etish, shartnoma majburiyatlarini ijro etish va hisob-kitob-kliring xizmat koʻrsatish jarayonida yuzaga keladigan nizo va kelishmovchiliklar qonunchilikda belgilangan tartibda hal qilinadi.
24. Sotuvchi yoki xaridor tomonidan ushbu Nizomdan kelib chiqadigan oʻz majburiyatlari bajarilmagan taqdirda, nohalol tomonning zakalati jabrlangan tomonning foydasiga ushlab qolinadi. Bunda sotuvchidan xaridor foydasiga undiriladigan summa miqdori shartnomaning umumiy summasidan kelib chiqqan holda belgilanadi.
25. Ushbu Nizom talablarining buzilishida aybdor boʻlgan shaxslar qonunchilikka muvofiq javob beradilar.
Nizomga 1-ILOVA
Birja savdolarida qimmatbaho metallarni sotish
Bosqichlar Tadbirlar Masʼullar Muddatlar I bosqich Sotuvchi va xaridor oʻz tanlovi boʻyicha broker bilan shartnoma tuzadi. Sotuvchi, xaridor Zaruratga koʻra II bosqich Sotuvchining brokeri yoki sotuvchining oʻzi shaxsiy kabinet orqali Iqtisodiyot va sanoat vazirligi bilan kelishilgan jadvalga muvofiq qimmatbaho metallarning qoʻyiladigan hajmlari toʻgʻrisidagi axborotni joylashtiradi. Sotuvchi, birja Savdo boshlanishidan 1 kun oldin III bosqich Birja oʻzining veb-saytida birja savdolari oʻtkazilishi sanasi va vaqti toʻgʻrisidagi axborotni eʼlon qiladi. Birja Savdo boshlanishidan oldin IV bosqich Birja savdolarida ishtirok etuvchi qimmatbaho metallarning sotuvchisi va xaridori hisob-kitob kliring palatasida (HKP) oʻzining shaxsiy hisob raqamiga savdoga qoʻyiladigan va xarid qilish moʻljallanayotgan mahsulot qiymatining 1 foizi miqdoridagi mablagʻni zakalat sifatida majburiy tartibda depozitga qoʻyadi. Sotuvchi, birjaning HKPsi Savdo boshlanishidan 1 kun oldin V bosqich Sotuvchining brokeri va xaridorning brokeri yoki sotuvchi va xaridorning oʻzi tuzilgan bitimlar reyestri asosida qimmatbaho metallarni sotishga birja bitimi tuzadilar. Broker, sotuvchi, xaridor Tuzilgan bitimlar reyestri taqdim qilingandan keyin VI bosqich 1. Xaridor birja bitimi boʻyicha zarur pul mablagʻlarini birjaning HKPsidagi oʻz shaxsiy hisob raqamiga oʻtkazadi. 2. Birjaning HKPsi ushbu Nizom talablariga muvofiq tushgan summaga sotuvchiga toʻlangan bitimlar reyestrini yuboradi, bu mahsulotni xaridorga yuklab joʻnatish uchun asos boʻladi. 3. Mahsulotning yuklab joʻnatilishi va olinishi fakti xaridor va sotuvchining imzolari bilan tasdiqlangan schyot-faktura bilan tasdiqlanadi. Xaridor, birjaning HKPsi, sotuvchi 1. Birja bitimi roʻyxatdan oʻtkazilgandan keyin 3 ish kuni mobaynida. 2. Xaridordan pul mablagʻlari tushgandan keyin 1 ish kuni mobaynida. 3. HKPdan toʻlangan bitimlar reyestri olingandan keyin 5 ish kuni mobaynida
Nizomga 2-ILOVA
Qimmatli metall boshlangʻich qiymatining
1 gramm qimmatbaho metallning milliy valyutadagi narxi quyidagi formula boʻyicha hisoblab chiqiladi:
P G/UZS = ((P W / Y) * E CB ) verguldan soʻng 2 kasrli xonaga qadar yaxlitlanadi, bunda:
P G/UZS — bir gramm uchun soʻmdagi narx;
P W — London qimmatbaho metallar bozori uyushmasining soʻnggi ertalabki fiksingi narxi (AQSH dollari/tr.uns.);
Y — bir troy unsiyasining metrik grammdagi ekvivalenti (1 troy unsiyasi = 31,10348 gramm);
E CB — Oʻzbekiston Respublikasi Markaziy bankining kursi (milliy valyutada AQSH dollari).
Oʻzbekiston Respublikasining Bosh vaziri A. ARIPOV
Toshkent sh.,
2019-yil 1-mart,
186-son
Кабинета Министров Республики Узбекистан
Постановление
ПОЛОЖЕНИЕ
СХЕМА
РАСЧЕТ
Об утверждении Положения о порядке реализации драгоценных металлов на биржевых торгах АО «Узбекская республиканская товарно-сырьевая биржа»
В соответствии с постановлением Президента Республики Узбекистан от 17 января 2019 года № ПП-4121 «О государственном заказе по производству и сдаче драгоценных металлов в Агентство по драгоценным металлам при Центральном банке Республики Узбекистан в 2019 году», в целях дальнейшего совершенствования механизма реализации на биржевых торгах драгоценных металлов, используемых в качестве сырья для производства промышленной продукции, ювелирных и других изделий, Кабинет Министров постановляет:
1. Утвердить Положение о порядке реализации драгоценных металлов на биржевых торгах АО «Узбекская республиканская товарно-сырьевая биржа» согласно приложению .
Определить, что в соответствии с требованиями настоящего Положения разрешается реализация драгоценных металлов на АО «Ташкентская товарно-сырьевая биржа».
2. Министерству экономики и промышленности Республики Узбекистан совместно с Центральным банком и Министерством финансов Республики Узбекистан ежегодно при формировании прогнозных параметров производства и распределения драгоценных металлов предусматривать объемы выделения драгоценных металлов для реализации на биржевых торгах производителям продукции промышленного назначения, ювелирных и других изделий с учетом их потребностей, по обоснованным расчетам.
3. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова, министра экономики и промышленности Республики Узбекистан Б.А. Ходжаева и Секретариат по вопросам развития топливно-энергетической и базовых отраслей промышленности Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 1 марта 2019 года № 186
о порядке реализации драгоценных металлов на биржевых торгах АО «Узбекская республиканская товарно-сырьевая биржа»
Глава 1. Общие положения
1. Настоящее Положение определяет порядок реализации драгоценных металлов на биржевых торгах производителям продукции промышленного назначения, ювелирных и других изделий.
2. В настоящем Положении используются следующие основные понятия:
стандартные слитки (пластины) — слитки (пластины) драгоценных металлов, соответствующие нормативным документам в области технического регулирования Республики Узбекистан, государства-производителя слитков, а также требованиям товарно-сырьевых бирж (далее — биржи), предназначаемые для реализации на биржевых торгах в качестве сырья, используемого при производстве ювелирной и промышленной продукции;
драгоценные металлы — золото, серебро и платина в виде слитков, пластин, гранул и порошка, соответствующие нормативным документам в области технического регулирования Республики Узбекистан, а также государства-производителя;
гранулы драгоценных металлов — комочки драгоценного металла в виде закристаллизовавшегося расплава округлой формы, изготавливаемые предприятиями, осуществляющими аффинаж драгоценных металлов, реализуемые на биржевых торгах в качестве исходного сырья производителям ювелирной и промышленной продукции;
биржевая сделка — зарегистрированный биржей договор купли-продажи биржевого товара, заключенный по зафиксированному биржей результату биржевых торгов;
члены биржи — юридические лица, получившие в установленном биржей порядке право на участие в биржевых торгах и заключение биржевых сделок в качестве дилеров и брокеров;
электронная система биржевых торгов — глобальная распределенная информационная система, включающая в себя комплекс программно-аппаратных средств, позволяющих членам биржи участвовать в биржевых торгах в режиме реального времени посредством удаленного доступа из любой географической точки республики;
расчетно-клиринговая палата (далее — РКП) — структурное подразделение биржи, обеспечивающее проведение клиринга и взаиморасчетов по биржевым сделкам;
аванс — сумма, вносимая продавцами и покупателями финансовых средств, включающая в себя комиссионный сбор биржи, а также задаток сторон;
фиксинг Лондонской ассоциации рынка драгоценных металлов — процедура определения и публикации цены драгоценных металлов, применяемой Лондонской ассоциацией рынка драгоценных металлов на основе сложившегося спроса и предложения.
3. Реализация драгоценных металлов на биржевых торгах осуществляется производителями драгоценных металлов либо другими участниками биржевых торгов по схеме согласно приложению № 1 к настоящему Положению.
4. Производители драгоценных металлов либо другие участники биржевых торгов — поставщики биржи обеспечивают производство пластин, слитков, гранул из драгоценных металлов в соответствии с требованиями нормативных документов и пробой.
Исходя из заявки и конъюнктуры спроса и предложения на рынке, производители выпускают мерные пластины, слитки из драгоценных металлов единичным весом: из золота — по 5 грамм, 20 грамм, 50 грамм, 100 грамм, 250 грамм, 500 грамм и 1000 грамм, а также из серебра — по 100 грамм, 250 грамм, 500 грамм и 1000 грамм.
Стандартные пластины и слитки драгоценных металлов должны иметь на поверхности нанесенный товарный знак производителя, указание состава чистого драгоценного металла и лигатурной массы, соответствовать требованиям нормативных документов в области технического регулирования, а также требованиям товарно-сырьевой биржи.
Гранулы из драгоценных металлов должны быть упакованы в весовые упаковки с нанесенными соответствующими надписями, указывающими на состав и качество продукции.
5. Покупателями драгоценных металлов на биржевых торгах являются производители продукции промышленного назначения, имеющие мощности по их переработке, а также юридические лица и индивидуальные предприниматели-производители ювелирных и других изделий из драгоценных металлов.
Для участия в торгах производителям ювелирных и других изделий необходимо представить бирже лицензию на право осуществления деятельности по производству ювелирных и других изделий из драгоценных металлов и драгоценных камней, выдаваемую Государственной пробирной палатой при Министерстве финансов Республики Узбекистан.
Для участия в торгах производителям промышленной продукции необходимо представить бирже регистрационное удостоверение, выдаваемое Государственной пробирной палатой.
6. Биржевые торги проводятся ежедневно (с понедельника по пятницу) с использованием электронной системы биржевых торгов.
7. Драгоценные металлы, приобретенные на биржевых торгах, не подлежат реализации на экспорт.
Глава 2. Формирование объемов драгоценных металлов, порядок подготовки и проведения биржевых торгов
8. Выставление драгоценных металлов на биржевые торги поставщиками биржи осуществляется в соответствии с утвержденными прогнозами объемов производства и потребления драгоценных металлов.
Министерством экономики и промышленности Республики Узбекистан определяются квартальные и месячные прогнозы объемов реализации драгоценных металлов на биржевых торгах на основании утвержденных прогнозов производства и распределения драгоценных металлов на соответствующий год.
Производители драгоценных металлов ежемесячно не позднее 25 числа текущего месяца разрабатывают и до начала следующего месяца направляют бирже графики выставления продукции на биржевые торги.
В графиках выставления указываются объемы драгоценных металлов, предназначенные для реализации на биржевых торгах.
9. Организация и проведение биржевых торгов осуществляются в соответствии с законодательством, правилами биржевой торговли и расчетно-клирингового обслуживания.
Правила биржевой торговли и расчетно-клирингового обслуживания являются обязательными для биржи, членов биржи, продавцов и покупателей.
Размер платы за услуги, оказываемые биржей, определяется для покупателей и продавцов, исходя из установленных тарифов на услуги биржи.
10. Продавцы и покупатели участвуют в биржевых торгах самостоятельно в качестве дилеров на основании договоров, заключенных с биржей, или через брокеров в лице их трейдеров.
11. Допуск и отстранение продавцов и покупателей по каждым биржевым торгам, а также определение победителей биржевых торгов и регистрация биржевых сделок осуществляются автоматически электронной системой биржевых торгов биржи.
12. Выставленные, но не реализованные объемы продукции, а также объемы по аннулированным сделкам повторно выставляются на биржевые торги.
Не реализованные в течение месяца объемы драгоценных металлов на биржевых торгах могут быть приобретены Центральном банком Республики Узбекистан в установленном порядке.
13. Поставка продукции потребителям осуществляется поставщиками биржи на условиях 100-процентной предоплаты. В соответствии с законодательством реализуемые на биржевых торгах драгоценные металлы не облагаются налогом на добавленную стоимость и акцизным налогом.
Глава 3. Определение стартовой цены продукции и механизм взаиморасчетов между участниками биржевых торгов и отгрузки продукции
14. Стартовая цена на драгоценные металлы определяется на основе последнего утреннего фиксинга Лондонской ассоциации рынка драгоценных металлов в национальной валюте по курса Центрального банка Республики Узбекистан на дату совершения биржевой сделки.
Расчет стартовой цены драгоценных металлов в национальной валюте осуществляется в соответствии с приложением № 2 к настоящему Положению.
15. Покупатели вносят на свои лицевые счета в РКП аванс, включающий задаток в размере 1 процента от предполагаемой суммы биржевой сделки.
16. Покупатели вправе заключать на бирже сделки на приобретение продукции в объемах, обеспеченных авансом.
17. Договор купли-продажи для оформления предоставляется биржей в соответствии с правилами биржевой торговли членам биржи в день электронной регистрации биржевой сделки.
18. Покупатель в течение 3 рабочих дней обязан перевести на вторичный депозитный счет до востребования биржи средства в сумме, достаточной для полного покрытия финансовых обязательств по заключенной биржевой сделке в соответствии с пунктом 13 настоящего Положения.
19. РКП обязана направить, в соответствии с требованиями настоящего Положения, в течение одного рабочего дня после поступления необходимых денежных средств по договору купли-продажи реестр оплаченных сделок в персональный кабинет продавца.
20. Продавец после получения от РКП информации о произведенной покупателем предоплате в соответствии с пунктом 13 настоящего Положения осуществляет поставку продукции покупателю в течение 5 рабочих дней на условиях поставки, оговоренных в биржевой сделке.
21. Предоставление продавцу со стороны РКП реестра оплаченных сделок о поступлении средств на лицевой счет покупателя служит основанием для отгрузки продавцом продукции покупателю.
В случае отгрузки продавцом продукции без подтверждения со стороны РКП факта выполнения покупателем своих обязательств, биржа не несет ответственности за неисполнение покупателем обязательств по зарегистрированному договору купли-продажи.
22. Факт отгрузки и получения продукции подтверждается копией счета-фактуры, заверенной подписями покупателя и продавца.
Предоставленная копия счета-фактуры служит основанием и обязательством для перевода РКП средств в течение одного рабочего дня на вторичный счет до востребования продавца в его обслуживающем банке, а также закрытия сделки.
Глава 4. Заключительные положения
23. Споры и разногласия, возникающие в процессе организации биржевой торговли, исполнения договорных обязательств и расчетно-клирингового обслуживания, разрешаются в порядке, установленном законодательством.
24. В случае неисполнения продавцами или покупателями своих обязательств, вытекающих из настоящего Положения, задаток недобросовестной стороны удерживается в пользу потерпевшей стороны. При этом размер взыскиваемой суммы с продавца в пользу покупателя определяется исходя из общей суммы договора.
25. Лица, виновные в нарушении требований настоящего Положения, несут ответственность в соответствии с законодательством.
ПРИЛОЖЕНИЕ № 1 к Положению
реализации драгоценных металлов на биржевых торгах
Этапы Мероприятия Ответственные Сроки I этап Продавец и покупатель по выбору заключают договор с брокером. Продавец, покупатель По мере необходимости II этап Брокер продавца или сам продавец посредством персонального кабинета размещает информацию о выставляемых объемах драгоценных металлов в соответствии с графиками, согласованными с Министерством экономики и промышленности. Продавец, биржа За 1 день до начала торгов III этап Биржа публикует информацию о дате и времени проведения биржевых торгов на своем веб-сайте. Биржа Перед началом торгов IV этап Продавец и покупатель драгоценных металлов, участвующие в биржевых торгах, в обязательном порядке депонируют на свои лицевые счета в расчетно-клиринговой палате (РКП) в качестве задатка средства в размере 1% от стоимости выставляемой на торги и предполагаемой закупке продукции. Продавец, РКП биржи За 1 день до начала торгов V этап Брокер продавца и брокер покупателя или сам продавец и покупатель на основании реестра совершенных сделок заключают биржевую сделку на реализацию драгоценных металлов. Брокер, продавец, покупатель После представления реестра совершенных сделок VI этап 1. Покупатель перечисляет необходимые денежные средства по биржевой сделке на свой лицевой счет в РКП биржи. 2. РКП биржи направляет продавцу реестр оплаченных сделок на поступившую сумму в соответствии с требованиями настоящего Положения, что является основанием для осуществления отгрузки покупателю продукции. 3. Факт отгрузки и получения продукции подтверждает счет-фактура, заверенная подписями покупателя и продавца. Покупатель, РКП биржи, продавец 1. В течение 3 рабочих дней после регистрации биржевой сделки. 2. В течение 1 рабочего дня после поступления средств от покупателя. 3. В течение 5 рабочих дней после получения от РКП реестра оплаченных сделок.
ПРИЛОЖЕНИЕ № 2 к Положению
стартовой стоимости драгоценного металла
Цена 1 грамма драгоценного металла в национальной валюте рассчитывается по формуле:
P G/UZS = ((P W / Y) * E CB ) округляется до 2 знаков после запятой, где:
P G/UZS — цена за один грамм в сумах;
P W — цена последнего утреннего фиксинга Лондонской ассоциации рынка драгоценных металлов (долл. США / тр. унц.);
Y — эквивалент одной тройской унции в метрических граммах (1 тройская унция = 31,10348 грамм);
E CB — курс Центрального банка Республики Узбекистан (доллара США к национальной валюте).
Премьер-министр Республики Узбекистан А. АРИПОВ
г. Ташкент,
1 марта 2019 г.,
№ 186