📅 2019-yil 7-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 марта 2019 г. · Постановления Президента
Официальный текст. Официальный документ. Редакционные примечания не включены.
📅 7 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзбеккўмир» акциядорлик жамиятини бошқариш самарадорлигини ошириш чора-тадбирлари тўғрисида
[Кўчирма]
«Ўзбеккўмир» АЖ фаолияти самарадорлигининг таҳлили кўрсатдики, сўнгги бир неча йилларда кон юзасини очиш ишларини бажаришда қолоқликка йўл қўйилгани, кўмир қазиб олиш самарадорлиги даражаси замонавий талабларга мувофиқ эмаслиги республикада кўмир маҳсулотларига бўлган эҳтиёжнинг ўсиб бораётган ҳажмлари қондирилмаётганлигига сабаб бўлмоқда.
«Ўзбеккўмир» АЖ бошқарув тизимини янада такомиллаштириш, унинг фаолияти самарадорлигини ошириш, корпоратив бошқарувнинг замонавий усуллари жорий этилишини ҳамда кўмир саноатини келгусида барқарор ва мувозанатли ривожлантиришга йўналтирилган долзарб вазифаларни амалга оширишга қаратилган ишларнинг мувофиқлаштирилишини таъминлаш, шунингдек, 2019 — 2023 йилларда иқтисодиёт тармоқлари ва аҳолининг кўмир маҳсулотларига ўсиб бораётган эҳтиёжини қондириш мақсадида:
6. «Ўзбеккўмир» АЖга, истисно тариқасида, «Ўзбекистон темир йўллари» АЖнинг «Ўзбеккўмир» АЖ устав капиталидаги акциялари ишончли бошқарувга топширилишига қадар, ишончли бошқарувчи билан келишган ҳолда, Иқтисодиёт ва саноат вазирлиги ҳузуридаги «Лойиҳалар ва импорт контрактларни комплекс экспертиза қилиш маркази» ДУК экспертизасидан ўтказилган, чекланган нархи белгиланган техник топшириқларга асосан 2-иловага * мувофиқ кон-транспорт ва ёрдамчи техника, технологик ускуналарни тендер (танлов) савдолари ўтказмасдан, энг яхши таклифларни танлаб олиш асосида етказиб бериш бўйича тўғридан-тўғри шартномалар тузишга рухсат берилсин.
7. «Ўзбеккўмир» АЖ бошқарув органларига «Ўзбекистон темир йўллари» АЖ ҳамда ишончли бошқарувчи билан биргаликда аудитор хулосаси олингандан сўнг икки ҳафта муддатда ишончли бошқарувчи томонидан тақдим этилган «Ўзбеккўмир» АЖни «Ангрен» кўмир разрези кесимида ривожлантириш стратегиясини (кейинги ўринларда — Стратегия) тасдиқлаш ҳамда «Ўзбеккўмир» АЖнинг 2019 йилга мўлжалланган ишлаб чиқариш ва хўжалик фаолияти режасини ушбу Стратегияга мувофиқлаштириш тавсия этилсин.
Ўзбекистон Республикаси Энергетика вазирлиги Инвестициялар ва ташқи савдо вазирлиги, Молия вазирлиги, Тикланиш ва тараққиёт жамғармаси, «Ўзбекистон темир йўллари» АЖ ва «Ўзбеккўмир» АЖ билан биргаликда Стратегия тасдиқлангандан сўнг бир ой муддатда Стратегияда назарда тутилган чора-тадбирларни молиялаштириш манбалари бўйича Ўзбекистон Республикаси Вазирлар Маҳкамасига таклифлар киритсин.
8. Қуйидаги таклифлар маъқуллансин:
б) «Ўзбекистон темир йўллари» АЖнинг ўз маблағлари ҳисобига «Чинниобод» шаҳарчасида ер участкалари олиниши муносабати билан бузиладиган уйлар, бинолар, иншоотлар, экин майдонларининг бозор қиймати ва мулкдорларга етказилган зарарнинг қопланишини таъминлаш тўғрисидаги;
в) «Ўзбекистон темир йўллари» ва «Ўзбеккўмир» АЖларнинг «Ўзбеккўмир» АЖ учун мазкур қарорнинг 2-иловасида * назарда тутилган кон-транспорт ва ёрдамчи техника, технологик ускуналарни жамиятнинг ўз маблағлари ва жалб қилинган молиялаштириш манбалари ҳисобидан харид қилиш тўғрисидаги;
10. Ишончли бошқарув ва Стратегияни амалга ошириш доирасида, истисно тариқасида 2024 йил 1 январга қадар:
а) «Ўзбеккўмир» АЖ ва ишончли бошқарувчи томонидан жалб этиладиган Ўзбекистон Республикаси резиденти бўлмаган лойиҳа ва пудрат ташкилотлари — юридик шахслардан олинадиган фойда солиғини тўлашдан;
б) ишончли бошқарувчи, «Ўзбеккўмир» АЖ ҳамда улар томонидан жалб этиладиган Ўзбекистон Республикаси резиденти бўлмаган лойиҳа ва пудрат ташкилотлари:
кўрсатиладиган хизматлар, олиб кириладиган товарлар, ускуналар, машина ва механизмлар, бутловчи ва эҳтиёт қисмлар, материаллар ва технологик жиҳозларни Ўзбекистон Республикасининг ваколатли органларида лицензиялаш ва сертификатлаш билан боғлиқ тўловлар, йиғимлар ва давлат божларини тўлашдан;
Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатларга мувофиқ четдан олиб кириладиган лойиҳа ва техник ҳужжатлар, металл прокати, қурилиш ва ёрдамчи материаллар, асбоблар ва уларнинг қисмлари, бутловчи буюм ва қисмлар, кимёвий реактивлар ва лаборатория мебеллари учун божхона божларини тўлашдан;
в) «Ўзбеккўмир» АЖ:
мазкур қарорнинг 2-иловасига * мувофиқ олиб кириладиган кон-транспорт ва ёрдамчи техника, технологик ускуналар ҳамда Стратегияда қўшимча равишда белгиланадиган ускуна, техника, лаборатория ускуна ва жиҳозлари, уларнинг эҳтиёт қисмлари учун божхона тўловларини (қўшилган қиймат солиғи ва божхона расмийлаштируви йиғимларидан ташқари) тўлашдан;
Ўзбекистон Республикаси норезидентлари томонидан бажариладиган ишлар (хизматлар) бўйича қўшимча қиймат солиғини тўлашдан;
г) жисмоний шахслар — хорижий мутахассислар — жисмоний шахслардан олинадиган даромад солиғини тўлашдан озод қилинсин.
12. Ўзбекистон Республикаси Энергетика вазирлиги 2019 йил 1 июнга қадар республикада тоғ-кон иши, шу жумладан кўмир саноати соҳасидаги етакчи хорижий олий таълим муассасалари ва лойиҳа институтларининг филиалларини очиш бўйича таклифларни Ўзбекистон Республикаси Вазирлар Маҳкамасига киритсин.
13. Ўзбекистон Республикаси Президентининг айрим қарорларига 3-иловага * мувофиқ ўзгартиришлар киритилсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Президенти маслаҳатчисининг ўринбосари Г.К. Саидова зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 март,
ПҚ-4234-сон
Oʻzbekiston Respublikasi Prezidentining
Qarori
“Oʻzbekkoʻmir” aksiyadorlik jamiyatini boshqarish samaradorligini oshirish chora-tadbirlari toʻgʻrisida
[Koʻchirma]
“Oʻzbekkoʻmir” AJ faoliyati samaradorligining tahlili koʻrsatdiki, soʻnggi bir necha yillarda kon yuzasini ochish ishlarini bajarishda qoloqlikka yoʻl qoʻyilgani, koʻmir qazib olish samaradorligi darajasi zamonaviy talablarga muvofiq emasligi respublikada koʻmir mahsulotlariga boʻlgan ehtiyojning oʻsib borayotgan hajmlari qondirilmayotganligiga sabab boʻlmoqda.
“Oʻzbekkoʻmir” AJ boshqaruv tizimini yanada takomillashtirish, uning faoliyati samaradorligini oshirish, korporativ boshqaruvning zamonaviy usullari joriy etilishini hamda koʻmir sanoatini kelgusida barqaror va muvozanatli rivojlantirishga yoʻnaltirilgan dolzarb vazifalarni amalga oshirishga qaratilgan ishlarning muvofiqlashtirilishini taʼminlash, shuningdek, 2019 — 2023-yillarda iqtisodiyot tarmoqlari va aholining koʻmir mahsulotlariga oʻsib borayotgan ehtiyojini qondirish maqsadida:
6. “Oʻzbekkoʻmir” AJga, istisno tariqasida, “Oʻzbekiston temir yoʻllari” AJning “Oʻzbekkoʻmir” AJ ustav kapitalidagi aksiyalari ishonchli boshqaruvga topshirilishiga qadar, ishonchli boshqaruvchi bilan kelishgan holda, Iqtisodiyot va sanoat vazirligi huzuridagi “Loyihalar va import kontraktlarni kompleks ekspertiza qilish markazi” DUK ekspertizasidan oʻtkazilgan, cheklangan narxi belgilangan texnik topshiriqlarga asosan 2-ilovaga * muvofiq kon-transport va yordamchi texnika, texnologik uskunalarni tender (tanlov) savdolari oʻtkazmasdan, eng yaxshi takliflarni tanlab olish asosida yetkazib berish boʻyicha toʻgʻridan-toʻgʻri shartnomalar tuzishga ruxsat berilsin.
7. “Oʻzbekkoʻmir” AJ boshqaruv organlariga “Oʻzbekiston temir yoʻllari” AJ hamda ishonchli boshqaruvchi bilan birgalikda auditor xulosasi olingandan soʻng ikki hafta muddatda ishonchli boshqaruvchi tomonidan taqdim etilgan “Oʻzbekkoʻmir” AJni “Angren” koʻmir razrezi kesimida rivojlantirish strategiyasini (keyingi oʻrinlarda — Strategiya) tasdiqlash hamda “Oʻzbekkoʻmir” AJning 2019-yilga moʻljallangan ishlab chiqarish va xoʻjalik faoliyati rejasini ushbu Strategiyaga muvofiqlashtirish tavsiya etilsin.
Oʻzbekiston Respublikasi Energetika vazirligi Investitsiyalar va tashqi savdo vazirligi, Moliya vazirligi, Tiklanish va taraqqiyot jamgʻarmasi, “Oʻzbekiston temir yoʻllari” AJ va “Oʻzbekkoʻmir” AJ bilan birgalikda Strategiya tasdiqlangandan soʻng bir oy muddatda Strategiyada nazarda tutilgan chora-tadbirlarni moliyalashtirish manbalari boʻyicha Oʻzbekiston Respublikasi Vazirlar Mahkamasiga takliflar kiritsin.
8. Quyidagi takliflar maʼqullansin:
b) “Oʻzbekiston temir yoʻllari” AJning oʻz mablagʻlari hisobiga “Chinniobod” shaharchasida yer uchastkalari olinishi munosabati bilan buziladigan uylar, binolar, inshootlar, ekin maydonlarining bozor qiymati va mulkdorlarga yetkazilgan zararning qoplanishini taʼminlash toʻgʻrisidagi;
v) “Oʻzbekiston temir yoʻllari” va “Oʻzbekkoʻmir” AJlarning “Oʻzbekkoʻmir” AJ uchun mazkur qarorning 2-ilovasida * nazarda tutilgan kon-transport va yordamchi texnika, texnologik uskunalarni jamiyatning oʻz mablagʻlari va jalb qilingan moliyalashtirish manbalari hisobidan xarid qilish toʻgʻrisidagi;
10. Ishonchli boshqaruv va Strategiyani amalga oshirish doirasida, istisno tariqasida 2024-yil 1-yanvarga qadar:
a) “Oʻzbekkoʻmir” AJ va ishonchli boshqaruvchi tomonidan jalb etiladigan Oʻzbekiston Respublikasi rezidenti boʻlmagan loyiha va pudrat tashkilotlari — yuridik shaxslardan olinadigan foyda soligʻini toʻlashdan;
b) ishonchli boshqaruvchi, “Oʻzbekkoʻmir” AJ hamda ular tomonidan jalb etiladigan Oʻzbekiston Respublikasi rezidenti boʻlmagan loyiha va pudrat tashkilotlari:
koʻrsatiladigan xizmatlar, olib kiriladigan tovarlar, uskunalar, mashina va mexanizmlar, butlovchi va ehtiyot qismlar, materiallar va texnologik jihozlarni Oʻzbekiston Respublikasining vakolatli organlarida litsenziyalash va sertifikatlash bilan bogʻliq toʻlovlar, yigʻimlar va davlat bojlarini toʻlashdan;
Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlarga muvofiq chetdan olib kiriladigan loyiha va texnik hujjatlar, metall prokati, qurilish va yordamchi materiallar, asboblar va ularning qismlari, butlovchi buyum va qismlar, kimyoviy reaktivlar va laboratoriya mebellari uchun bojxona bojlarini toʻlashdan;
v) “Oʻzbekkoʻmir” AJ:
mazkur qarorning 2-ilovasiga * muvofiq olib kiriladigan kon-transport va yordamchi texnika, texnologik uskunalar hamda Strategiyada qoʻshimcha ravishda belgilanadigan uskuna, texnika, laboratoriya uskuna va jihozlari, ularning ehtiyot qismlari uchun bojxona toʻlovlarini (qoʻshilgan qiymat soligʻi va bojxona rasmiylashtiruvi yigʻimlaridan tashqari) toʻlashdan;
Oʻzbekiston Respublikasi norezidentlari tomonidan bajariladigan ishlar (xizmatlar) boʻyicha qoʻshimcha qiymat soligʻini toʻlashdan;
g) jismoniy shaxslar — xorijiy mutaxassislar — jismoniy shaxslardan olinadigan daromad soligʻini toʻlashdan ozod qilinsin.
12. Oʻzbekiston Respublikasi Energetika vazirligi 2019-yil 1-iyunga qadar respublikada togʻ-kon ishi, shu jumladan koʻmir sanoati sohasidagi yetakchi xorijiy oliy taʼlim muassasalari va loyiha institutlarining filiallarini ochish boʻyicha takliflarni Oʻzbekiston Respublikasi Vazirlar Mahkamasiga kiritsin.
13. Oʻzbekiston Respublikasi Prezidentining ayrim qarorlariga 3-ilovaga * muvofiq oʻzgartirishlar kiritilsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-mart,
PQ-4234-son
Президента Республики Узбекистан
Постановление
Перечень
О мерах по повышению эффективности управления акционерным обществом «Узбекуголь»
[Извлечение]
Проведенный анализ эффективности деятельности АО «Узбекуголь» показал, что в течение ряда последних лет допущенные отставания в проведении вскрышных работ и несоответствие современным требованиям уровня эффективности добычи явились причинами неудовлетворения растущих объемов потребности республики в угольной продукции.
В целях дальнейшего совершенствования системы управления, повышения эффективности деятельности АО «Узбекуголь», обеспечения внедрения современных методов корпоративного управления и скоординированной работы в реализации актуальных задач, направленных на дальнейшее устойчивое и сбалансированное развитие угольной промышленности, а также удовлетворения растущей потребности отраслей экономики и населения в угольной продукции на 2019 ― 2023 годы:
6. Разрешить АО «Узбекуголь», в порядке исключения, до передачи акций АО «Узбекистон темир йуллари» в уставном капитале АО «Узбекуголь» в доверительное управление, заключать по согласованию с доверительным управляющим прямые договора на поставку горно-транспортной и вспомогательной техники, технологического оборудования согласно приложению № 2 , без проведения тендерных (конкурсных) торгов, на основе отбора наилучших предложений, в соответствии с техническими заданиями, прошедшими экспертизу в ГУП «Центр комплексной экспертизы проектов и импортных контрактов» при Министерстве экономики и промышленности с указанием их предельной стоимости.
7. Рекомендовать органам управления АО «Узбекуголь» совместно с АО «Узбекистон темир йуллари» и доверительным управляющим в двухнедельный срок после получения аудиторских заключений утвердить Стратегию развития АО «Узбекуголь» в части разреза «Ангренский» (далее — Стратегия), представляемую доверительным управляющим, и привести в соответствие с ней годовой план производственно-хозяйственной деятельности АО «Узбекуголь» на 2019 год.
Министерству энергетики совместно с Министерством инвестиций и внешней торговли, Министерством финансов, Фондом реконструкции и развития Республики Узбекистан, АО «Узбекистон темир йуллари» и АО «Узбекуголь» в месячный срок после утверждения Стратегии внести предложения в Кабинет Министров Республики Узбекистан по источникам финансирования мероприятий, предусмотренных Стратегией.
8. Одобрить предложения:
б) АО «Узбекистон темир йуллари» об обеспечении за счет собственных средств общества компенсации рыночной стоимости сносимых домов, строений, сооружений и насаждений, а также убытков, причиненных собственникам в связи с изъятием земельных участков в поселке «Чинниобод»;
в) АО «Узбекистон темир йуллари» и АО «Узбекуголь» о приобретении горно-транспортной и вспомогательной техники, технологического оборудования, предусмотренных приложением № 2 к настоящему постановлению, для АО «Узбекуголь» с изысканием собственных и привлеченных источников финансирования;
10. Освободить в рамках доверительного управления и реализации Стратегии, в порядке исключения, сроком до 1 января 2024 года:
а) проектные и подрядные организации — нерезидентов Республики Узбекистан, привлекаемых АО «Узбекуголь» и доверительным управляющим — от уплаты налога на прибыль юридических лиц;
б) доверительного управляющего, АО «Узбекуголь», проектные и подрядные организации — нерезидентов Республики Узбекистан, привлекаемых АО «Узбекуголь» и доверительным управляющим, от уплаты:
сборов, государственных пошлин и платежей при лицензировании и сертификации в уполномоченных органах Республики Узбекистан предоставляемых услуг, ввозимых товаров, оборудования, машин и механизмов, комплектующих изделий и узлов, запасных частей, материалов и технологической оснастки;
таможенных пошлин за ввозимую проектную и техническую документацию, металлопрокат, строительные и вспомогательные материалы, инструменты и принадлежности к ним, комплектующие изделия и узлы, химические реактивы и лабораторную мебель, не производимые на территории Республики Узбекистан, по перечням, формируемым в установленном порядке;
в) АО «Узбекуголь» от уплаты:
таможенных платежей (за исключением налога на добавленную стоимость и сборов за таможенное оформление) за ввозимую горно-транспортную и вспомогательную технику, технологическое оборудование согласно приложению № 2 к настоящему постановлению, а также оборудование, технику, лабораторное оборудование и приборы, запасные части к ним, определяемые дополнительно в Стратегии;
налога на добавленную стоимость по работам (услугам), выполняемым (оказываемым) нерезидентами Республики Узбекистан;
г) физических лиц — иностранных специалистов — от уплаты налога на доходы физических лиц.
12. Министерству энергетики Республики Узбекистан в срок до 1 июня 2019 года внести в Кабинет Министров Республики Узбекистан предложения об открытии в республике филиалов ведущих профильных зарубежных высших учебных заведений и проектных институтов по горному делу, в том числе по угольной промышленности.
13. Внести изменения в некоторые постановления Президента Республики Узбекистан согласно приложению № 3 .
14. Контроль за исполнением настоящего постановления возложить на Премьер-министра Республики Узбекистан А.Н. Арипова, первого заместителя Премьер-министра Республики Узбекистан А.Ж. Раматова и заместителя советника Президента Республики Узбекистан Г.К. Саидову.
ПРИЛОЖЕНИЕ № 2 к постановлению Президента Республики Узбекистан от 7 марта 2019 года № ПП-4234
горно-транспортной и вспомогательной техники, технологического оборудования, приобретаемого АО «Узбекуголь»
№ Наименование Количество всего (шт.) в том числе по годам Код ТН ВЭД * 2019 год 2020 год 2021 год 2022 год 2023 год 1. Экскаватор H itachi EX-1200 2 - 1 1 - - 8429 52 100 9 2. Экскаватор ЭКГ-15 2 - 1 1 - - 8429 52 100 9 3. Экскаватор ЭКГ-5У 1 1 - - - - 8429 52 100 9 4. Автосамосвал БелАЗ 75131 25 15 - - 5 5 8704 10 102 0 5. Автосамосвал БелАЗ 7555В 8 - 8 - - - 8704 10 102 0 6. Автогрейдер CAT 160M 1 1 - - - - 8429 20 009 9 7. Мобильная дробильная установка 2 1 - 1 - - 8474 20 000 0 8. Буровой станок Atlas Copco DM-45 1 1 - - - - 8430 41 000 8 9. Бульдозер колесный CAT 834 2 - 1 - 1 - 8429 19 000 1 10. Бульдозер гусеничный CAT-D8R 5 5 - - - - 8429 11 001 0 11. Бульдозер гусеничный CAT-D9R 4 - - 1 2 1 8429 11 001 0 12. Тяговый агрегат ПЭ 2У 12 2 4 4 - 2 8601 10 000 0 13. Думпкар 2ВС-105 (115т) 120 20 40 40 - 20 8606 30 000 0
ПРИЛОЖЕНИЕ № 3 к постановлению Президента Республики Узбекистан от 7 марта 2019 года № ПП-4234
Изменения, вносимые в некоторые постановления Президента Республики Узбекистан
1. В постановлении Президента Республики Узбекистан от 13 июня 2017 года № ПП-3054 «О Программе дальнейшего развития и модернизации угольной промышленности на 2017 ― 2021 годы»:
а) из пункта 7 слова «Строительство шахты «Ангренская» исключить;
б) из абзаца второго пункта 9 слова «Строительство шахты «Ангренская» исключить;
в) в приложении № 2 :
позицию 2 изложить в следующей редакции:
« 2. Добыча угля всего тыс. тонн 3 877,0 3 920,0 4 180,0 4 590,0 6 070,0 8 270,0 в 2,1 раза »;
позицию «подземным способом» изложить в следующей редакции:
« подземным способом тыс. тонн 210,0 200,0 270,0 490,0 740,0 1030,0 в 4,9 раза »;
позицию «Шахта «Ангренская»*» исключить;
позицию «Шахта «Ниш-Баш»**» изложить в следующей редакции:
« Шахта «Ниш-Баш»** тыс. тонн - - - - 40,0 130,0 »;
г) в приложении № 3 :
позицию «Всего» изложить в следующей редакции:
« Всего 420,3 305,8 102,5 53,2 39,5 42,9 67,7 собственные средства 2017 — 2021 гг. 37,1 31,6 - 4 7 6,7 13,9 иностранные инвестиции и кредиты (займы) 238,7 139,9 47,4 22 20,4 17,5 32,6 кредиты ФРРУ 50,3 41,1 - 15,4 - 4,5 21,2 кредиты коммерческих банков 94,1 93,2 55,1 11,8 12,1 14,2 - »;
раздел II «Новые проекты» изложить в следующей редакции:
« II Новые проекты 188,0 74,5 12,8 - - 22,0 39,7 1. Строительство шахты «Ниш-Баш» Определяется проектом 2020 ― 2023 гг. 175,2 61,7 - - - 22,0 39,7 собственные средства 8,8 3,3 - - - - 3,3 иностранные инвестиции и кредиты (займы) 148,9 50,1 - - - 17,5 32,6 кредит ФРРУ 17,5 8,3 - - - 4,5 3,8 2. Строительство и оснащение 84 угольных складов 84 угольных складов 2017 г. 12,8 12,8 12,8 - - - - кредиты коммерческих банков 12,8 12,8 12,8 - - - - ».
2. В приложении № 3 к постановлению Президента Республики Узбекистан от 19 июля 2018 года № ПП-3874 «О дополнительных мерах по ускорению реализации инвестиционных и инфраструктурных проектов в 2018-2019 годах»:
позицию «Всего» изложить в следующей редакции:
« Всего 22 154,4 собственные средства предприятий 1 140,6 кредиты коммерческих банков 220,8 прямые иностранные инвестиции 20 793,0 »;
в графе «Общая стоимость проекта» по позиции III цифры «7145,0» и «7090,0» заменить, соответственно, цифрами «3345,0» и «3290,0»;
строки «АО «Узбекуголь»» и «прямые иностранные инвестиции» после позиции 36 и позицию 37 исключить.
Президент Республики Узбекистан Ш. МИРЗИЁЕВ
г. Ташкент,
7 марта 2019 г.,
№ ПП-4234