📅 2019-yil 7-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 марта 2019 г. · Постановления Президента
Официальный текст. Официальный документ. Редакционные примечания не включены.
📅 7 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Валюта операцияларини тартибга солишнинг бозор механизмларини жорий қилишга оид қўшимча чора-тадбирлар тўғрисида
[Кўчирма]
Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сон Фармонига мувофиқ:
1. Ўзбекистон Республикаси Президентининг 2006 йил 16 майдаги «Ўзбекистон Республикасининг Тикланиш ва тараққиёт жамғармаси фаолиятини ташкил қилиш чора-тадбирлари тўғрисида»ги ПҚ-350-сон қарорига иловага мувофиқ ўзгартиришлар киритилсин.
3. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Марказий банки бошқаруви раиси М.Б. Нурмуратов зиммасига юклансин.
Ўзбекистон Республикаси Президентининг 2019 йил 7 мартдаги ПҚ-4233-сон қарорига ИЛОВА
Ўзбекистон Республикаси Президентининг 2006 йил 16 майдаги «Ўзбекистон Республикасининг Тикланиш ва тараққиёт жамғармаси фаолиятини ташкил қилиш чора-тадбирлари тўғрисида»ги ПҚ-350-сон қарорига киритилаётган ўзгартиришлар
1. 4-бандда :
а) учинчи хатбошидаги «ваколатли банкларни» сўзлари «тижорат банкларни» сўзлари билан алмаштирилсин;
б) бешинчи хатбоши қуйидаги таҳрирда баён этилсин:
«Жамғарма ҳисобварағига тушган миллий валютадаги маблағлар улар тушган санадаги Ўзбекистон республика валюта биржасининг савдо сессияларида ўрнатилган жорий курс бўйича чет эл валютасига конвертация қилинади ва Жамғарманинг валюта ҳисобварағига ўтказилади».
2. 2-иловада :
а) 6-банднинг иккинчи хатбошидаги «ваколатли банкларнинг» сўзлари «тижорат банкларнинг» сўзлари билан алмаштирилсин;
б) 20-банднинг иккинчи хатбоши қуйидаги таҳрирда баён этилсин:
«Ўзбекистон Республикаси Марказий банки Жамғарма ҳисобварағига тушган миллий валютадаги маблағларни улар тушган санадаги Ўзбекистон республика валюта биржасининг савдо сессияларида ўрнатилган жорий курс бўйича чет эл валютасига конвертация қилади ва Жамғарманинг валюта ҳисобварағига ўтказади».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 март,
ПҚ-4233-сон
Oʻzbekiston Respublikasi Prezidentining
Qarori
Valyuta operatsiyalarini tartibga solishning bozor mexanizmlarini joriy qilishga oid qoʻshimcha chora-tadbirlar toʻgʻrisida
[Koʻchirma]
Oʻzbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi PF-5177-son Farmoniga muvofiq:
1. Oʻzbekiston Respublikasi Prezidentining 2006-yil 16-maydagi “Oʻzbekiston Respublikasining Tiklanish va taraqqiyot jamgʻarmasi faoliyatini tashkil qilish chora-tadbirlari toʻgʻrisida”gi PQ-350-son qaroriga ilovaga muvofiq oʻzgartirishlar kiritilsin.
3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Markaziy banki boshqaruvi raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2019-yil 7-martdagi PQ-4233-son qaroriga ILOVA
Oʻzbekiston Respublikasi Prezidentining 2006-yil 16-maydagi “Oʻzbekiston Respublikasining Tiklanish va taraqqiyot jamgʻarmasi faoliyatini tashkil qilish chora-tadbirlari toʻgʻrisida”gi PQ-350-son qaroriga kiritilayotgan oʻzgartirishlar
1. 4-bandda :
a) uchinchi xatboshidagi “vakolatli banklarni” soʻzlari “tijorat banklarni” soʻzlari bilan almashtirilsin;
b) beshinchi xatboshi quyidagi tahrirda bayon etilsin:
“Jamgʻarma hisobvaragʻiga tushgan milliy valyutadagi mablagʻlar ular tushgan sanadagi Oʻzbekiston respublika valyuta birjasining savdo sessiyalarida oʻrnatilgan joriy kurs boʻyicha chet el valyutasiga konvertatsiya qilinadi va Jamgʻarmaning valyuta hisobvaragʻiga oʻtkaziladi”.
2. 2-ilovada :
a) 6-bandning ikkinchi xatboshidagi “vakolatli banklarning” soʻzlari “tijorat banklarning” soʻzlari bilan almashtirilsin;
b) 20-bandning ikkinchi xatboshi quyidagi tahrirda bayon etilsin:
“Oʻzbekiston Respublikasi Markaziy banki Jamgʻarma hisobvaragʻiga tushgan milliy valyutadagi mablagʻlarni ular tushgan sanadagi Oʻzbekiston respublika valyuta birjasining savdo sessiyalarida oʻrnatilgan joriy kurs boʻyicha chet el valyutasiga konvertatsiya qiladi va Jamgʻarmaning valyuta hisobvaragʻiga oʻtkazadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-mart,
PQ-4233-son
Президента Республики Узбекистан
Постановление
О дальнейших мерах по внедрению рыночных механизмов регулирования валютных операций
[Извлечение]
В соответствии с Указом Президента Республики Узбекистан от 2 сентября 2017 года № УП-5177 «О первоочередных мерах по либерализации валютной политики»:
1. Внести изменения в постановление Президента Республики Узбекистан от 16 мая 2006 года № ПП-350 «О мерах по организации деятельности Фонда реконструкции и развития Республики Узбекистан» согласно приложению .
3. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова и председателя правления Центрального банка Республики Узбекистан М.Б. Нурмуратова.
ПРИЛОЖЕНИЕ к постановлению Президента Республики Узбекистан от 7 марта 2019 года № ПП-4233
Изменения, вносимые в постановление Президента Республики Узбекистан от 16 мая 2006 года № ПП-350 «О мерах по организации деятельности Фонда реконструкции и развития Республики Узбекистан»
1. В пункте 4 :
а) в абзаце третьем слова «уполномоченных банков» заменить словами «коммерческих банков»;
б) абзац пятый изложить в следующей редакции:
«конвертация средств в национальной валюте, поступающих на счета Фонда, осуществляется по текущему курсу, установленному на торговых сессиях Узбекской республиканской валютной биржи на дату поступления средств с их последующим зачислением на валютный счет Фонда».
2. В приложении № 2 :
а) в абзаце втором пункта 6 слова «уполномоченных банков» заменить словами «коммерческих банков»;
б) абзац второй пункта 20 изложить в следующей редакции:
«Центральный банк Республики Узбекистан осуществляет конвертацию средств в национальной валюте, поступающих на счета Фонда, в иностранную валюту по текущему курсу, установленному на торговых сессиях Узбекской республиканской валютной биржи на дату поступления средств с их последующим зачислением на валютный счет Фонда».
Президент Республики Узбекистан Ш. МИРЗИЁЕВ
г. Ташкент,
7 марта 2019 г.,
№ ПП-4233