📅 2019-yil 7-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 марта 2019 г. · Постановления Президента
Официальный текст. Официальный документ. Редакционные примечания не включены.
📅 7 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида
[Кўчирма]
Сўнгги йилларда мамлакатимизда аҳолини тадбиркорликка кенг жалб қилиш, оилавий тадбиркорликни қўллаб-қувватлаш, ёшларнинг бизнес ғояларини амалга оширишга ҳар томонлама кўмаклашиш борасида қатор чоралар кўрилмоқда.
Ҳудудларда оилаларни тадбиркорлик фаолиятига кенг жалб қилишга, уларнинг барқарор ва қўшимча даромад манбаига эга бўлишига, миллий ҳунармандчилик янада ривожланишига, хотин-қизларнинг тадбиркорлик ташаббуслари амалга оширилишига, ёш тадбиркорларнинг истиқболли ғоялари ва лойиҳалари рўёбга чиқишига ҳамда шу асосда аҳолининг бандлиги таъминланишига замин яратилмоқда.
Шу билан бирга, аҳолининг меҳнат орқали даромад топишга бўлган қизиқишини кескин ошириш, айниқса муҳтож оилаларнинг ҳунармандчилик, касаначилик ва бошқа тадбиркорлик фаолиятини, шунингдек, ҳудудларда фойдаланилмаётган биноларда ишлаб чиқариш ва хизматлар кўрсатишни, аҳоли томорқалари ва бўш экин майдонларидан унумли фойдаланган ҳолда қишлоқ хўжалиги маҳсулотлари ишлаб чиқаришни кенгайтириш билан боғлиқ лойиҳаларни имтиёзли шартларда молиялаштиришни тизимли равишда давом эттиришни тақозо этмоқда.
Республика ҳудудларида аҳолининг даромад топишга қаратилган муайян меҳнат фаолияти билан шуғулланишига, оилавий тадбиркорлик ривожланишига ҳар томонлама кўмаклашиш ва мазкур йўналишдаги ишларни тизимли ташкил этиш мақсадида:
1. Аҳолини тадбиркорликка кенг жалб қилиш ва оилавий тадбиркорликни янада ривожлантириш борасидаги чора-тадбирлар ижросини ташкил этиш ва мувофиқлаштириш бўйича:
Оилавий тадбиркорликни ривожлантириш дастурлари доирасидаги чора-тадбирлар ижросини ташкил этиш ва мувофиқлаштириш бўйича республика комиссияси (кейинги ўринларда — Республика комиссияси) 1-иловага мувофиқ;
Қорақалпоғистон Республикаси Вазирлар Кенгаши раиси, вилоятлар, Тошкент шаҳар ҳокимлари, туман (шаҳар) ҳокимларининг биринчи ўринбосарлари раҳбарлигида, вилоят, туман (шаҳар) иқтисодиёт ва саноат, бандлик, молия, инвестиция, солиқ, статистика бўлинмалари, ҳудудий Савдо-саноат палатаси, тижорат банклари, «Маҳалла» хайрия жамоат фонди, Ёшлар иттифоқи ва Ўзбекистон фермер, деҳқон хўжаликлари ва томорқа ер эгалари кенгаши ҳудудий бўлинмалари раҳбар ва ходимларидан иборат таркибда «Оилавий тадбиркорликни қўллаб-қувватлаш марказлари» (кейинги ўринларда — Марказлар);
Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги ҳамда Бандлик ва меҳнат муносабатлари вазирлиги марказий аппарати таркибида бошқарув ходимларининг белгиланган чекланган умумий сони доирасида бўлинмалар;
Ўзбекистон Республикаси Марказий банки тузилмасида Аҳоли тадбиркорлигини молиявий қўллаб-қувватлаш дастурларини мувофиқлаштириш ва мониторинг қилиш бошқармаси;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари таркибида бошқарув ходимларининг белгиланган чекланган умумий сони доирасида тегишли секторлар ташкил этилсин.
2. Ижтимоий дастурларни молиялаштиришда иштирок этаётган банкларга аҳолини тадбиркорликка кенг жалб қилиш ва оилавий тадбиркорликни янада ривожлантириш дастурларини молиялаштириш ва мониторинг юритишни ташкил этиш бўйича махсус бошқармалар ва филиалларда махсус бўлимлар очиш ҳамда бошқарма (бўлим)лар фаолиятига бевосита раҳбарликни раис ўринбосарига бириктириш тавсия этилсин.
4. «Ҳар бир оила — тадбиркор» дастури доирасида:
назарда тутилган лойиҳалар ва тадбирларни молиялаштириш Ўзбекистон Республикаси Тикланиш ва тараққиёт жамғармаси, АТ Халқ банки, «Микрокредитбанк» АТБ, «Агробанк» АТБ ҳамда халқаро молия институтлари кредит линиялари маблағлари ҳисобидан амалга оширилади;
имтиёзли кредитлар оилавий тадбиркорлик, даромад топишга қаратилган муайян меҳнат фаолияти билан шуғулланиш ва фаолият турини кенгайтириш истагини билдирган аҳоли ҳамда тадбиркорлик субъектларига йиллик 8 фоиз ставкада 3 — 6 ойгача бўлган имтиёзли давр билан 3 йилдан кўп бўлмаган муддатга ажратилади. Бунда, 2020 йил 1 январдан бошлаб кредитлар АТ Халқ банки, «Микрокредитбанк» АТБ ва «Агробанк» АТБ орқали Ўзбекистон Республикаси Марказий банкининг асосий ставкасида, 2022 йил 1 январдан бошлаб тижорат банклари томонидан йиллик 14 фоиз ставкада берилади;
тижорат банклари томонидан бозор тамойиллари асосида мустақил равишда ўрнатиладиган ставкаларда бериладиган кредитлар бўйича фоиз харажатларнинг бир қисмини компенсация қилиш механизми қўлланилади;
халқаро молия институтлари маблағларини жалб этишга Инвестициялар ва ташқи савдо вазирининг ўринбосари Ш.А. Вафаев масъул этиб белгиланади.
Кредитлар боғдорчилик, узумчилик ва лимончиликни ташкил этиш учун 3 йилгача имтиёзли давр билан 7 йилгача муддатга, чорвачилик (қорамол, қўй, эчки) учун 1 йилгача имтиёзли давр билан 3 йилгача муддатга ҳар бир маҳаллага бириктирилган ҳоким ёрдамчисининг тавсияларига мувофиқ туман (шаҳар) Оилавий тадбиркорликни қўллаб-қувватлаш марказининг асослантирилган ва натижадорлиги аниқ ҳисоб-китоб қилинган ҳолдаги хулосаси асосида берилади.
6. Иқтисодиёт ва молия вазирининг, Марказий банк раисининг ҳамда камбағалликни қисқартириш ва бандлик вазирининг ўринбосарлари Дастур координаторлари этиб белгилансин ҳамда уларга:
вилоятлар ва туман (шаҳар)лар Марказлари томонидан амалга оширилаётган ишларни мувофиқлаштириш;
вилоятлар ва туман (шаҳар)ларда дастур ижросини таъминлашда иштирок этадиган тижорат банкларини белгилаш;
ажратилаётган ресурсларни ҳудудларнинг салоҳияти, маблағларни ўзлаштириш даражасидан келиб чиққан ҳолда ҳудудлар ва банклар кесимида тақсимлаш;
ҳақиқий эҳтиёждан ҳамда шакллантирилган лойиҳаларнинг истиқболи ва қўшимча иш ўринлари яратишга йўналтирилганлигидан келиб чиққан ҳолда ажратилаётган ресурсларни тижорат банклари ҳамда ҳудудлар кесимида тезкор қайта тақсимлаш ваколатлари берилсин.
6 1 . Мазкур қарорга мувофиқ тижорат банкларига тақсимланган маблағлардан «Туронбанк» АТБга кредит ресурси сифатида қайта молиялаштирилган қисмининг 2021 йил 1 август ҳолатига қолдиқ қисми Ўзбекистон Тикланиш ва тараққиёт жамғармасининг банк устав капиталидаги улушини ошириш учун йўналтирилсин.
6 2 . Республика комиссиясига оилавий тадбиркорликни ривожлантириш дастурлари доирасида кредит ажратишнинг миқдорлари ва шартларига ўзгартириш киритиш ваколати берилсин.
7. Дастур координаторлари ва тижорат банкларининг раҳбарлари зиммасига:
туман (шаҳар)лар ихтисослашуви ҳамда аҳоли кўникмаларидан келиб чиққан ҳолда тадбиркорлик фаолияти ривожланиши учун маҳаллий ҳокимликлар билан биргаликда қўшимча чора-тадбирларни белгилаш;
қишлоқ ва маҳаллаларда аҳолининг оилавий бизнесни ривожлантириш борасидаги таклифлари ва хоҳиш-истакларидан келиб чиқиб ҳамда дастурни амалга оширишдаги мавжуд муаммоларни бартараф этиш юзасидан вилоят Марказларига кўрсатмалар бериб бориш;
Дастурда белгиланган вазифалар ижроси бўйича амалга оширилаётган ишлар юзасидан ҳар чорак якуни бўйича Ўзбекистон Республикаси Вазирлар Маҳкамасига ахборот киритиб бориш вазифалари юклансин.
8. Шундай тартиб ўрнатилсинки, унга асосан, Ўзбекистон Республикаси Президентининг 2017 йил 17 ноябрдаги « Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида »ги ПФ-5242-сон Фармони, 2018 йил 7 июндаги «« Ҳар бир оила — тадбиркор» дастурини амалга ошириш тўғрисида »ги ПҚ-3777-сон ва 2018 йил 14 июлдаги « Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида »ги ПҚ-3856-сон қарорлари асосида имтиёзли кредитлар:
вилоятлар ёки туман (шаҳар)лар Марказлари томонидан оилаларнинг хоҳиш ва истаклари, тадбиркорлик субъектлари ва ёшларнинг лойиҳалари, ушбу фаолиятни амалга ошириш учун етарли шароитлари мавжудлиги чуқур ўрганилиб, ҳар бир оила ва тадбиркорлик субъектларининг таклиф этаётган лойиҳаларига кредит ажратиш мақсадга мувофиқлиги тўғрисида бериладиган хулосалар асосида;
жисмоний шахсларга товарлар (хизматлар) фискал белгили касса чеки асосида етказиб берилган (хизматлар кўрсатилган) ва лойиҳа эгаси ундан қаноатланиш ҳосил қилганидан сўнг ажратилади ва маҳсулот етказиб берувчи (хизмат кўрсатувчи)нинг ҳисобрақамига ўтказиб берилади.
9. Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги, манфаатдор вазирликлар, идоралар ва уюшмалар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда барча туман (шаҳар)ларда аҳоли ва муҳтож оилаларни фойдали меҳнатга жалб этган ҳолда экспортбоп, бозор талабига тўлиқ жавоб берадиган қишлоқ хўжалиги ва саноат маҳсулотларини ишлаб чиқариш, қайта ишлаш ва сотиш жараёнини қамраб олган кластер тизимини кенг жорий этиш бўйича аниқ чораларни кўрсин.
Бунда:
маҳсулотларни етиштириш ва қайта ишлаш жараёнида аҳолининг, биринчи навбатда, муҳтож оилаларнинг иштирокини ва моддий манфаатдорлигини ошириш;
қишлоқ хўжалиги маҳсулотларини етиштириш бўйича илғор хорижий тажрибаларни ўрганиш асосида улардан маҳаллий шароитларда кенг фойдаланиш, кластер тизимини жорий қилишда хорижий мутахассисларни ва мазкур соҳада юқори кўрсаткичларга эришган етакчи тадбиркорларни жалб қилиш;
серҳосил мева-сабзавот экинларини экиш, наслли чорва молларини етиштириш, тайёр маҳсулотларни сақлаш ва қайта ишлаш жараёнига замонавий инновацион, ресурс тежайдиган технологияларни жорий қилиш масалаларига алоҳида эътибор қаратсин.
10. Ўзбекистон Савдо-саноат палатаси, Ёшлар иттифоқи ва Марказлар билан биргаликда:
тадбиркорлик соҳасида муайян тажриба ва ютуқларга эришган тадбиркорни уларнинг соҳа ва имкониятларини ўрганган ҳолда тажриба орттириш, кўникма шакллантириш мақсадида «Устоз-шогирд» анъанаси асосида маслаҳатларни бериш бўйича имтиёзли кредитлар олаётган ташаббускор, айниқса ёш тадбиркорларга бириктириш;
аҳолининг, айниқса ёшларнинг бизнес ғоя ва стартапларини амалиётга татбиқ этишга ҳар томонлама кўмаклашиш мақсадида илғор хорижий тажрибадан келиб чиққан ҳолда «бизнес инкубаторлар»ни ташкил этиш чораларини кўрсин.
11. Қорақалпоғистон Республикаси Вазирлар Кенгаши Раиси, вилоятлар, Тошкент шаҳар ҳокимликлари ва Марказларга ҳудудларнинг ўзига хос хусусиятини ҳисобга олиб, «бир маҳалла — бир маҳсулот» тамойили асосида ҳар бир маҳаллани аниқ бир йўналишга ихтисослаштириш, имтиёзли кредитлар мавжуд шароит ва оилаларнинг хоҳиш-истаклари инобатга олинган ҳолда ажратилишига эътибор қаратиш вазифаси юклатилсин.
12. Ўзбекистон Республикаси Президентининг 2017 йил 8 августдаги «Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида»ги ПҚ-3182-сон қарорига мувофиқ ташкил этилган сектор раҳбарлари ўзлари раҳбарлик қилаётган ҳудудларга ажратилган имтиёзли кредитларнинг мақсадли ишлатилиши таъминланишида ва кредитларнинг белгиланган муддатда қайтарилишига масъул эканлиги белгилаб қўйилсин ҳамда бу борада тижорат банкларига ҳар томонлама амалий ёрдам кўрсатсин.
13. Ўзбекистон Республикаси Марказий банки ва лойиҳада иштирок этаётган тижорат банкларига, хонадонларга ташриф буюрган ҳолда имтиёзли кредитлардан фойдаланиш самараси, натижадорлиги ва белгиланган муддатларда қайтарилишини мунтазам равишда назорат қилиб бориш вазифаси юклатилсин.
14. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президентининг 2019 йил 7 мартдаги ПҚ-4231-сон қарорига 1-ИЛОВА
Оилавий тадбиркорликни ривожлантириш дастурлари доирасидаги чора-тадбирлар ижросини ташкил этиш ва мувофиқлаштириш бўйича республика комиссияси
Ж.А. Қўчқоров — Ўзбекистон Республикаси Бош вазири ўринбосари — иқтисодиёт ва молия вазири, Республика к омиссияси раиси Т.А. Ишметов — Марказий банк раиси Б.Э. Захидов — камбағалликни қисқартириш ва бандлик вазири И.И. Норқулов — иқтисодиёт ва молия вазирининг биринчи ўринбосари А.А. Камалов — Марказий банк раиси ўринбосари Лавозими бўйича — лойиҳаларни молиялаштиришда иштирок этувчи тижорат банклари раҳбарлари
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 март,
ПҚ-4231-сон
Oʻzbekiston Respublikasi Prezidentining
Qarori
TARKIBI
Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida
[Koʻchirma]
Soʻnggi yillarda mamlakatimizda aholini tadbirkorlikka keng jalb qilish, oilaviy tadbirkorlikni qoʻllab-quvvatlash, yoshlarning biznes gʻoyalarini amalga oshirishga har tomonlama koʻmaklashish borasida qator choralar koʻrilmoqda.
Hududlarda oilalarni tadbirkorlik faoliyatiga keng jalb qilishga, ularning barqaror va qoʻshimcha daromad manbaiga ega boʻlishiga, milliy hunarmandchilik yanada rivojlanishiga, xotin-qizlarning tadbirkorlik tashabbuslari amalga oshirilishiga, yosh tadbirkorlarning istiqbolli gʻoyalari va loyihalari roʻyobga chiqishiga hamda shu asosda aholining bandligi taʼminlanishiga zamin yaratilmoqda.
Shu bilan birga, aholining mehnat orqali daromad topishga boʻlgan qiziqishini keskin oshirish, ayniqsa muhtoj oilalarning hunarmandchilik, kasanachilik va boshqa tadbirkorlik faoliyatini, shuningdek, hududlarda foydalanilmayotgan binolarda ishlab chiqarish va xizmatlar koʻrsatishni, aholi tomorqalari va boʻsh ekin maydonlaridan unumli foydalangan holda qishloq xoʻjaligi mahsulotlari ishlab chiqarishni kengaytirish bilan bogʻliq loyihalarni imtiyozli shartlarda moliyalashtirishni tizimli ravishda davom ettirishni taqozo etmoqda.
Respublika hududlarida aholining daromad topishga qaratilgan muayyan mehnat faoliyati bilan shugʻullanishiga, oilaviy tadbirkorlik rivojlanishiga har tomonlama koʻmaklashish va mazkur yoʻnalishdagi ishlarni tizimli tashkil etish maqsadida:
1. Aholini tadbirkorlikka keng jalb qilish va oilaviy tadbirkorlikni yanada rivojlantirish borasidagi chora-tadbirlar ijrosini tashkil etish va muvofiqlashtirish boʻyicha:
Oilaviy tadbirkorlikni rivojlantirish dasturlari doirasidagi chora-tadbirlar ijrosini tashkil etish va muvofiqlashtirish boʻyicha respublika komissiyasi (keyingi oʻrinlarda — Respublika komissiyasi) 1-ilovaga muvofiq;
Qoraqalpogʻiston Respublikasi Vazirlar Kengashi raisi, viloyatlar, Toshkent shahar hokimlari, tuman (shahar) hokimlarining birinchi oʻrinbosarlari rahbarligida, viloyat, tuman (shahar) iqtisodiyot va sanoat, bandlik, moliya, investitsiya, soliq, statistika boʻlinmalari, hududiy Savdo-sanoat palatasi, tijorat banklari, “Mahalla” xayriya jamoat fondi, Yoshlar ittifoqi va Oʻzbekiston fermer, dehqon xoʻjaliklari va tomorqa yer egalari kengashi hududiy boʻlinmalari rahbar va xodimlaridan iborat tarkibda “Oilaviy tadbirkorlikni qoʻllab-quvvatlash markazlari” (keyingi oʻrinlarda — Markazlar);
Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Bandlik va mehnat munosabatlari vazirligi markaziy apparati tarkibida boshqaruv xodimlarining belgilangan cheklangan umumiy soni doirasida boʻlinmalar;
Oʻzbekiston Respublikasi Markaziy banki tuzilmasida Aholi tadbirkorligini moliyaviy qoʻllab-quvvatlash dasturlarini muvofiqlashtirish va monitoring qilish boshqarmasi;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tarkibida boshqaruv xodimlarining belgilangan cheklangan umumiy soni doirasida tegishli sektorlar tashkil etilsin.
2. Ijtimoiy dasturlarni moliyalashtirishda ishtirok etayotgan banklarga aholini tadbirkorlikka keng jalb qilish va oilaviy tadbirkorlikni yanada rivojlantirish dasturlarini moliyalashtirish va monitoring yuritishni tashkil etish boʻyicha maxsus boshqarmalar va filiallarda maxsus boʻlimlar ochish hamda boshqarma (boʻlim)lar faoliyatiga bevosita rahbarlikni rais oʻrinbosariga biriktirish tavsiya etilsin.
4. “Har bir oila — tadbirkor” dasturi doirasida:
nazarda tutilgan loyihalar va tadbirlarni moliyalashtirish Oʻzbekiston Respublikasi Tiklanish va taraqqiyot jamgʻarmasi, AT Xalq banki, “Mikrokreditbank” ATB, “Agrobank” ATB hamda xalqaro moliya institutlari kredit liniyalari mablagʻlari hisobidan amalga oshiriladi;
imtiyozli kreditlar oilaviy tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan aholi hamda tadbirkorlik subyektlariga yillik 8 foiz stavkada 3 — 6 oygacha boʻlgan imtiyozli davr bilan 3 yildan koʻp boʻlmagan muddatga ajratiladi. Bunda, 2020-yil 1-yanvardan boshlab kreditlar AT Xalq banki, “Mikrokreditbank” ATB va “Agrobank” ATB orqali Oʻzbekiston Respublikasi Markaziy bankining asosiy stavkasida, 2022-yil 1-yanvardan boshlab tijorat banklari tomonidan yillik 14 foiz stavkada beriladi;
tijorat banklari tomonidan bozor tamoyillari asosida mustaqil ravishda oʻrnatiladigan stavkalarda beriladigan kreditlar boʻyicha foiz xarajatlarning bir qismini kompensatsiya qilish mexanizmi qoʻllaniladi;
xalqaro moliya institutlari mablagʻlarini jalb etishga Investitsiyalar va tashqi savdo vazirining oʻrinbosari Sh.A. Vafayev masʼul etib belgilanadi.
Kreditlar bogʻdorchilik, uzumchilik va limonchilikni tashkil etish uchun 3 yilgacha imtiyozli davr bilan 7 yilgacha muddatga, chorvachilik (qoramol, qoʻy, echki) uchun 1 yilgacha imtiyozli davr bilan 3 yilgacha muddatga har bir mahallaga biriktirilgan hokim yordamchisining tavsiyalariga muvofiq tuman (shahar) Oilaviy tadbirkorlikni qoʻllab-quvvatlash markazining asoslantirilgan va natijadorligi aniq hisob-kitob qilingan holdagi xulosasi asosida beriladi.
6. Iqtisodiyot va moliya vazirining, Markaziy bank raisining hamda kambagʻallikni qisqartirish va bandlik vazirining oʻrinbosarlari Dastur koordinatorlari etib belgilansin hamda ularga:
viloyatlar va tuman (shahar)lar Markazlari tomonidan amalga oshirilayotgan ishlarni muvofiqlashtirish;
viloyatlar va tuman (shahar)larda dastur ijrosini taʼminlashda ishtirok etadigan tijorat banklarini belgilash;
ajratilayotgan resurslarni hududlarning salohiyati, mablagʻlarni oʻzlashtirish darajasidan kelib chiqqan holda hududlar va banklar kesimida taqsimlash;
haqiqiy ehtiyojdan hamda shakllantirilgan loyihalarning istiqboli va qoʻshimcha ish oʻrinlari yaratishga yoʻnaltirilganligidan kelib chiqqan holda ajratilayotgan resurslarni tijorat banklari hamda hududlar kesimida tezkor qayta taqsimlash vakolatlari berilsin.
6 1 . Mazkur qarorga muvofiq tijorat banklariga taqsimlangan mablagʻlardan “Turonbank” ATBga kredit resursi sifatida qayta moliyalashtirilgan qismining 2021-yil 1-avgust holatiga qoldiq qismi Oʻzbekiston Tiklanish va taraqqiyot jamgʻarmasining bank ustav kapitalidagi ulushini oshirish uchun yoʻnaltirilsin.
6 2 . Respublika komissiyasiga oilaviy tadbirkorlikni rivojlantirish dasturlari doirasida kredit ajratishning miqdorlari va shartlariga oʻzgartirish kiritish vakolati berilsin.
7. Dastur koordinatorlari va tijorat banklarining rahbarlari zimmasiga:
tuman (shahar)lar ixtisoslashuvi hamda aholi koʻnikmalaridan kelib chiqqan holda tadbirkorlik faoliyati rivojlanishi uchun mahalliy hokimliklar bilan birgalikda qoʻshimcha chora-tadbirlarni belgilash;
qishloq va mahallalarda aholining oilaviy biznesni rivojlantirish borasidagi takliflari va xohish-istaklaridan kelib chiqib hamda dasturni amalga oshirishdagi mavjud muammolarni bartaraf etish yuzasidan viloyat Markazlariga koʻrsatmalar berib borish;
Dasturda belgilangan vazifalar ijrosi boʻyicha amalga oshirilayotgan ishlar yuzasidan har chorak yakuni boʻyicha Oʻzbekiston Respublikasi Vazirlar Mahkamasiga axborot kiritib borish vazifalari yuklansin.
8. Shunday tartib oʻrnatilsinki, unga asosan, Oʻzbekiston Respublikasi Prezidentining 2017-yil 17-noyabrdagi “ Hunarmandchilikni yanada rivojlantirish va hunarmandlarni har tomonlama qoʻllab-quvvatlash chora-tadbirlari toʻgʻrisida ”gi PF-5242-son Farmoni, 2018-yil 7-iyundagi ““ Har bir oila — tadbirkor” dasturini amalga oshirish toʻgʻrisida ”gi PQ-3777-son va 2018-yil 14-iyuldagi “ Aholi bandligini taʼminlash borasidagi ishlarni takomillashtirish va samaradorligini oshirish chora-tadbirlari toʻgʻrisida ”gi PQ-3856-son qarorlari asosida imtiyozli kreditlar:
viloyatlar yoki tuman (shahar)lar Markazlari tomonidan oilalarning xohish va istaklari, tadbirkorlik subyektlari va yoshlarning loyihalari, ushbu faoliyatni amalga oshirish uchun yetarli sharoitlari mavjudligi chuqur oʻrganilib, har bir oila va tadbirkorlik subyektlarining taklif etayotgan loyihalariga kredit ajratish maqsadga muvofiqligi toʻgʻrisida beriladigan xulosalar asosida;
jismoniy shaxslarga tovarlar (xizmatlar) fiskal belgili kassa cheki asosida yetkazib berilgan (xizmatlar koʻrsatilgan) va loyiha egasi undan qanoatlanish hosil qilganidan soʻng ajratiladi va mahsulot yetkazib beruvchi (xizmat koʻrsatuvchi)ning hisobraqamiga oʻtkazib beriladi.
9. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, manfaatdor vazirliklar, idoralar va uyushmalar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda barcha tuman (shahar)larda aholi va muhtoj oilalarni foydali mehnatga jalb etgan holda eksportbop, bozor talabiga toʻliq javob beradigan qishloq xoʻjaligi va sanoat mahsulotlarini ishlab chiqarish, qayta ishlash va sotish jarayonini qamrab olgan klaster tizimini keng joriy etish boʻyicha aniq choralarni koʻrsin.
Bunda:
mahsulotlarni yetishtirish va qayta ishlash jarayonida aholining, birinchi navbatda, muhtoj oilalarning ishtirokini va moddiy manfaatdorligini oshirish;
qishloq xoʻjaligi mahsulotlarini yetishtirish boʻyicha ilgʻor xorijiy tajribalarni oʻrganish asosida ulardan mahalliy sharoitlarda keng foydalanish, klaster tizimini joriy qilishda xorijiy mutaxassislarni va mazkur sohada yuqori koʻrsatkichlarga erishgan yetakchi tadbirkorlarni jalb qilish;
serhosil meva-sabzavot ekinlarini ekish, naslli chorva mollarini yetishtirish, tayyor mahsulotlarni saqlash va qayta ishlash jarayoniga zamonaviy innovatsion, resurs tejaydigan texnologiyalarni joriy qilish masalalariga alohida eʼtibor qaratsin.
10. Oʻzbekiston Savdo-sanoat palatasi, Yoshlar ittifoqi va Markazlar bilan birgalikda:
tadbirkorlik sohasida muayyan tajriba va yutuqlarga erishgan tadbirkorni ularning soha va imkoniyatlarini oʻrgangan holda tajriba orttirish, koʻnikma shakllantirish maqsadida “Ustoz-shogird” anʼanasi asosida maslahatlarni berish boʻyicha imtiyozli kreditlar olayotgan tashabbuskor, ayniqsa yosh tadbirkorlarga biriktirish;
aholining, ayniqsa yoshlarning biznes gʻoya va startaplarini amaliyotga tatbiq etishga har tomonlama koʻmaklashish maqsadida ilgʻor xorijiy tajribadan kelib chiqqan holda “biznes inkubatorlar”ni tashkil etish choralarini koʻrsin.
11. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar hokimliklari va Markazlarga hududlarning oʻziga xos xususiyatini hisobga olib, “bir mahalla — bir mahsulot” tamoyili asosida har bir mahallani aniq bir yoʻnalishga ixtisoslashtirish, imtiyozli kreditlar mavjud sharoit va oilalarning xohish-istaklari inobatga olingan holda ajratilishiga eʼtibor qaratish vazifasi yuklatilsin.
12. Oʻzbekiston Respublikasi Prezidentining 2017-yil 8-avgustdagi “Hududlarning jadal ijtimoiy-iqtisodiy rivojlanishini taʼminlashga doir ustuvor chora-tadbirlar toʻgʻrisida”gi PQ-3182-son qaroriga muvofiq tashkil etilgan sektor rahbarlari oʻzlari rahbarlik qilayotgan hududlarga ajratilgan imtiyozli kreditlarning maqsadli ishlatilishi taʼminlanishida va kreditlarning belgilangan muddatda qaytarilishiga masʼul ekanligi belgilab qoʻyilsin hamda bu borada tijorat banklariga har tomonlama amaliy yordam koʻrsatsin.
13. Oʻzbekiston Respublikasi Markaziy banki va loyihada ishtirok etayotgan tijorat banklariga, xonadonlarga tashrif buyurgan holda imtiyozli kreditlardan foydalanish samarasi, natijadorligi va belgilangan muddatlarda qaytarilishini muntazam ravishda nazorat qilib borish vazifasi yuklatilsin.
14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidentining 2019-yil 7-martdagi PQ-4231-son qaroriga 1-ILOVA
Oilaviy tadbirkorlikni rivojlantirish dasturlari doirasidagi chora-tadbirlar ijrosini tashkil etish va muvofiqlashtirish boʻyicha respublika komissiyasi
J.A. Qoʻchqorov — Oʻzbekiston Respublikasi Bosh vaziri oʻrinbosari — iqtisodiyot va moliya vaziri, Respublika k omissiyasi raisi T.A. Ishmetov — Markaziy bank raisi B.E. Zaxidov — kambagʻallikni qisqartirish va bandlik vaziri I.I. Norqulov — iqtisodiyot va moliya vazirining birinchi oʻrinbosari A.A. Kamalov — Markaziy bank raisi oʻrinbosari Lavozimi boʻyicha — loyihalarni moliyalashtirishda ishtirok etuvchi tijorat banklari rahbarlari
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-mart,
PQ-4231-son
Президента Республики Узбекистан
Постановление
СОСТАВ
О дополнительных мерах по широкому привлечению населения к предпринимательству и развитию семейного предпринимательства в регионах
[Извлечение]
В последние годы в стране принимается ряд мер по широкому привлечению населения к предпринимательству, поддержке семейного предпринимательства, оказанию всесторонней поддержки в реализации бизнес-идей молодежи.
В регионах создается фундамент для широкого привлечения семей к предпринимательской деятельности, получения ими дополнительного и стабильного источника дохода, дальнейшего развития национальных ремесел, осуществления предпринимательских инициатив женщин, реализации перспективных идей и проектов молодых предпринимателей и на этой основе обеспечения занятости населения.
Вместе с тем, резкое повышение заинтересованности населения в получении доходов посредством труда, особенно нуждающихся семей к ремесленничеству, надомному труду и предпринимательской деятельности, а также проектов, связанных с расширением производства и оказанием услуг в неиспользуемых зданиях, производством сельскохозяйственной продукции путем продуктивного использования приусадебных и свободных посевных площадей населения, требуют продолжения льготного финансирования на системной основе.
С целью всестороннего содействия населению в занятии определенными видами трудовой деятельности, направленных на получение дохода, развитию семейного предпринимательства в регионах республики и системной организации работ в этом направлении:
1. По организации исполнения и координации мер по широкому привлечению населения к предпринимательству и дальнейшего развития семейного предпринимательства создать:
Республиканскую комиссию по организации и координации исполнения мер в рамках программ развития семейного предпринимательства (далее — Республиканская комиссия) согласно приложению № 1 ;
«Центры по поддержке семейного предпринимательства» (далее — Центры) под руководством первых заместителей председателя Совета Министров Республики Каракалпакстан, хокимов областей и города Ташкента, в составе руководителей и работников областных, районных (городских) подразделений экономики и промышленности, занятости, финансов, инвестиций, а также налоговых и статистических органов, территориальных подразделений Торгово-промышленной палаты, коммерческих банков, Общественного благотворительного фонда «Махалла», Союза молодежи и Совета фермерских, дехканских хозяйств и владельцев приусадебных земель Узбекистана;
подразделения в рамках установленной предельной общей численности управленческого персонала в составе центрального аппарата Министерства финансов, Министерства экономического развития и сокращения бедности, а также Министерства занятости и трудовых отношений Республики Узбекистан;
Управление по координации и мониторингу программ по финансовой поддержке предпринимательства населения в структуре Центрального банка Республики Узбекистан;
соответствующие сектора в рамках установленной предельной общей численности управленческих персоналов в составе Совета Министров Республики Каракалпакстан, хокимиятов областей и г. Ташкента.
2. Рекомендовать банкам, участвующих в финансировании социальных программ, создание специальных управлений, а в филиалах — отделов по финансированию и ведению мониторинга программ широкого привлечения населения к предпринимательству и дальнейшего развития семейного бизнеса с возложением непосредственного руководства за деятельностью данных управлений (отделов) на заместителя председателя.
4. Установить, что в рамках программы «Каждая семья — предприниматель»:
финансирование предусмотренных проектов и мероприятий осуществляется за счет средств кредитных линий Фонда реконструкции и развития Узбекистана, АК Народный банк, АКБ «Микрокредитбанк» АКБ «Агробанк и международных финансовых институтов;
льготные кредиты выделяются населению и субъектам предпринимательства, выразившим желание заниматься семейным предпринимательством, определенной трудовой деятельностью, направленной на получение дохода, а также расширить вид деятельности, по ставке 8 процентов годовых сроком не более 3 лет с 3 — 6-месячным льготным периодом. При этом с 1 января 2020 года кредиты выдаются через АК «Халк банки», АКБ «Микрокредитбанк» и АКБ «Агробанк» по основной ставке Центрального банка Республики Узбекистан, с 1 января 2022 года — коммерческими банками по ставке 14 процентов годовых, устанавливаемой коммерческими банками;
по кредитам, выдаваемым по ставкам, устанавливаемым коммерческими банками самостоятельно на основе рыночных принципов, используется компенсационный механизм в части процентных расходов;
ответственным за привлечение средств международных финансовых институтов назначается заместитель министра инвестиций и внешней торговли Ш.А. Вафаев.
Кредиты выделяются для организации садоводства, виноградарства и лимоноводства сроком до 7 лет с льготным периодом до 3 лет, для животноводства (разведения крупного рогатого скота, овец, коз) сроком до 3 лет с льготным периодом до одного года в соответствии с рекомендациями помощника хокима, закрепленного за каждой махаллей, на основании обоснованного заключения районного (городского) Центра поддержки семейного предпринимательства при наличии проведения конкретного расчета результативности.
6. Заместителей министра экономики и финансов, председателя Центрального банка и министра занятости и сокращения бедности назначить координаторами Программы и предоставить им следующие полномочия:
координацию работ, проводимых областными и районными (городскими) Центрами;
определение коммерческих банков, участвующих в обеспечении реализации программы в областях и районах (городах);
распределение выделяемых ресурсов в разрезе территорий и банков, исходя из потенциала территорий и уровня освоения средств;
оперативное перераспределение выделяемых ресурсов в разрезе коммерческих банков и территорий, исходя из реальной потребности, а также направленности сформированных проектов на создание перспективных и дополнительных рабочих мест.
6 1 . Остаток части, рефинансированной в АКБ «Туронбанк» в качестве кредитного ресурса, средств, распределенных по коммерческим банкам в соответствии с настоящим постановлением, по состоянию на 1 августа 2021 года, направить на увеличение доли Фонда реконструкции и развития Узбекистана в уставном капитале банка.
6 2 . Предоставить Республиканской комиссии полномочие по внесению изменения в размер и условия выделения кредитов в рамках программ развития семейного предпринимательства.
7. Возложить на координаторов проекта и руководителей коммерческих банков обязанности по:
определению совместно с местными хокимиятами дополнительных мер по развитию предпринимательской деятельности, исходя из специализации района (города) и навыки населения;
даче указаний областным Центрам, исходя из предложений и пожеланий населения в развитии семейного бизнеса в кишлаках и махаллях, а также устранению имеющихся проблем в реализации программы;
внесению по итогам каждого квартала информации в Кабинет Министров Республики Узбекистан о проводимой работе по исполнению задач, предусмотренных в программе.
8. Установить порядок, в соответствии с которым льготные кредиты, предоставляемые согласно Указу Президента Республики Узбекистан от 17 ноября 2017 года № УП-5242 «О мерах по дальнейшему развитию ремесленничества и всесторонней поддержке ремесленников», постановлениям Президента Республики Узбекистанот 7 июня 2018 года № ПП-3777 « О реализации программы «Каждая семья — предприниматель », от 14 июля 2018 года № ПП-3856 « О мерах по совершенствованию и повышению эффективности работы по обеспечению занятости населения » выделяются:
по заключению областных или районных (городских) Центров на основе глубокого изучения желаний и запросов семей, проектов субъектов предпринимательства и молодежи, наличия достаточных условий для их реализации, на проекты, предлагаемые каждой семьей и субъектами предпринимательства;
после осуществления поставки физическим лицам товаров (оказания услуг) на основании кассового чека с фискальным знаком и удовлетворения ими владельца проекта, и перечисляются на расчетный счет поставщика товаров (услуг).
9. Министерству сельского хозяйства, Министерству экономики и промышленности, заинтересованным министерствам, ведомствам и ассоциациям совместно с Советом Министров Республики Каракалпакстан, хокимиятами областей и города Ташкента в месячный срок принять конкретные меры по широкому внедрению кластерной системы во всех районах (городах), охватывающую процессы производства, переработки и продажи экспортоориентированной, полностью отвечающей требованиям рынка сельскохозяйственной и промышленной продукции, с привлечением населения и нуждающихся семей к полезной деятельности.
При этом обратить особое внимание на следующие задачи:
повышения участия и материальной заинтересованности населения, прежде всего, нуждающихся семей, в процессе производства и переработки продукции;
изучение передового зарубежного опыта по выращиванию сельскохозяйственной продукции и его широкое применение в местных условиях, привлечение зарубежных специалистов и ведущих предпринимателей по внедрению кластерной системы, достигших высоких показателей в данной области;
внедрение современных инновационных, ресурсосберегающих технологий в процессы посева высокоурожайных фруктово-овощных культур, выведения породистого скота, хранения и переработки готовой продукции.
10. Торгово-промышленной палате совместно с Союзом молодежи и Центрами принять меры по:
закреплению предпринимателей, достигших определенных успехов и опыта в сфере предпринимательства, изучив область их деятельности и возможности, с целью консультирования на основе традиции «Устоз — шогирд» по передаче опыта и формированию навыков за инициативными, особенно молодыми предпринимателями, получающих льготные кредиты;
организации «бизнес-инкубаторов» с целью всестороннего содействия в практической реализации бизнес-идей и стартапов населения, особенно молодежи, исходя из передового зарубежного опыта.
11. Возложить на Председателя Совета Министров Республики Каракалпакстан, хокимияты областей, города Ташкента и Центры задачи, принимая во внимание своеобразные особенности регионов, специализировать каждую махаллю в одном конкретном направлении на основе принципа «одна махалля — одна продукция», обращать внимание на выделение льготных кредитов, исходя из существующих условий и желаний семей.
12. Определить, что руководители секторов, образованных в соответствии с постановлением Президента Республики Узбекистан от 8 августа 2017 года № ПП-3182 «О первоочередных мерах по обеспечению ускоренного социально-экономического развития регионов» несут ответственность за обеспечение целевого использования и своевременный возврат льготных кредитов, выделенных руководимым ими территориям, оказывают коммерческим банкам всестороннюю практическую помощь в этом направлении.
13. Возложить на Центральный банк Республики Узбекистан и участвующих в проекте коммерческие банки задачу по контролю на постоянной основе, с посещением домов за эффективностью использования, результативностью и своевременным возвратом льготных кредитов.
14. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А. Кучкарова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ № 1 к постановлению Президента Республики Узбекистан от 7 марта 2019 года № ПП-4231
Республиканской комиссии по организации и координации исполнения мер в рамках программ развития семейного предпринимательства
Д.А. Кучкаров — заместитель Премьер-министра Республики Узбекистан — министр экономики и финансов, председатель Республиканской комиссии Т.А. Ишметов — председатель Центрального банка Б.Э. Захидов — министр занятости и сокращения бедности И.И. Норкулов — первый заместитель министра экономики и финансов А.А. Камалов — заместитель председателя Центрального банка По должности — руководители коммерческих банков, участвующих в финансировании проектов
Президент Республики Узбекистан Ш. МИРЗИЁЕВ
г. Ташкент,
7 марта 2019 г.,
№ ПП-4231