📅 2019-yil 12-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 12 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 марта 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 12 March 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
низом
схемаси
Наслли ва спорт отларига «От паспорти»ни бериш тартиби тўғрисида низомни тасдиқлаш ҳақида
Республикамизда йилқичилик соҳасини янада ривожлантириш, наслли ва спорт отларини етиштириш, спорт отларини халқаро даражадаги кўргазмаларда, спорт мусобақаларида иштирок этишини таъминлаш, эпизоотик барқарорликни назорат қилиш, шунингдек, наслли ва спорт отларига миллий ва халқаро от паспортини бериш тизимини яратиш мақсадида Вазирлар Маҳкамаси қарор қилади:
1. Наслли ва спорт отларига «От паспорти»ни бериш тартиби тўғрисида низом иловага мувофиқ тасдиқлансин.
2. Белгилансинки:
наслли ва спорт отларига «От паспорти» от эгасининг хоҳишига кўра берилади;
наслли ва спорт отларини аукционларда, кўргазмаларда, миллий ва классик от спорти ўйинларида, спорт мусобақаларида иштирок этиши, шунингдек отлардан хизмат отлари сифатида фойдаланиш ушбу «От паспорти» мавжуд бўлган тақдирда амалга оширилади.
3. Ўзбекистон йилқичилик ва от спорти федерациясига уч ой муддатда:
отларнинг генетик (қон) таҳлилини ўтказиш лабораториясини ташкил этиш ва лабораторияда ишлайдиган мутахассисларнинг хорижий давлатларда малака ошириш курсларига юборилишини;
«От паспорти» намунасининг Халқаро от спорти федерацияси (FEI) рўйхатидан ўтказилишини;
«От паспорти»ни бериш билан боғлиқ барча ташкилий чора-тадбирларни белгилаб, уларнинг ижросини таъминлаш тавсия этилсин.
4. Ўзбекистон Республикаси Қишлоқ хўжалиги вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
5. Ушбу қарор расмий эълон қилинган кундан эътиборан уч ой ўтгач кучга киради.
6. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов зиммасига юклансин.
Вазирлар Маҳкамасининг 2019 йил 12 мартдаги 214-сон қарорига ИЛОВА
Наслли ва спорт отларига «От паспорти»ни бериш тартиби тўғрисида
1-боб. Умумий қоидалар
1. Ушбу Низом наслли ва спорт отларига «От паспорти»ни бериш тартибини белгилайди.
2. Ушбу Низомда қуйидаги асосий тушунчалар қўлланилади:
«От паспорти» — наслли ва спорт отларининг насл-насаби, зотга мансублиги, насл қиймати, юқумли касалликларга қарши ўтказилган эмланмалар (вакциналар), лаборатория синовлари таҳлилларининг натижалари ва диагностик текширувлар ўтказилгани тўғрисидаги маълумотларни ўз ичига олган ҳужжат;
наслли от — келиб чиқиши (насл-насаби) маълум бир зотга мансуб бўлган ва наслли от сифатида Давлат наслчилик китобида рўйхатга олинган от;
спорт оти — отлар иштирокида ўтказиладиган турли от спорти мусобақаларида қатнашувчи от;
от эгаси — отга эгалик қилиш ҳуқуқига эга бўлган юридик ёки жисмоний шахслар;
Давлат наслчилик китоби — насл хусусиятларини ўзида мужассамлаштирган отлар тўғрисидаги маълумотлар жамланмаси.
3. «От паспорти» мазкур низомнинг 1-иловасига мувофиқ шаклда расмийлаштирилади.
4. Наслли ва спорт отлари тўғрисидаги маълумотлар базасини шакллантириб бориш ва наслли отларнинг Давлат наслчилик китобини юритиш Ўзбекистон йилқичилик ва от спорти федерацияси томонидан амалга оширилади.
5. «От паспорти» Ўзбекистон йилқичилик ва от спорти федерацияси томонидан жисмоний ва юридик шахслар қарамоғидаги наслли ва спорт отларига:
миллий ва классик от спорти ўйинлари, спорт мусобақаларида, кўргазмаларда ва аукционларда иштирок этиш;
отчопарларда, от спорти клублари ва мактабларда ҳамда хизмат отлари сифатида фойдаланиш;
селекция-наслчилик ишларини самарали амалга ошириш;
эпизоотик барқарорликни таъминлаш бўйича амалга оширилган тадбирларни назорат қилиш;
халқаро миқёсда ўтказиладиган спорт ўйинларида (Халқаро мусобақа ва Олимпия ўйинларида) қатнашадиган спорт отларига Халқаро от спорт федерациясининг (FEI) паспортини олиш учун берилади.
6. «От паспорти»ни расмийлаштириш учун от эгасининг ўз маблағлари ҳисобидан базавий ҳисоблаш миқдорининг беш баравари миқдорида тўлов тўланади.
7. Тўланган тўлов Ўзбекистон йилқичилик ва от спорти федерацияси ҳузуридаги Йилқичилик ва от спортини қўллаб-қувватлаш ва ривожлантириш жамғармасига йўналтирилади.
8. «От паспорти» мазкур низомнинг 2-иловасига мувофиқ схема бўйича берилади.
2-боб. «От паспорти»ни олишга доир талаблар ва уни бериш тартиби
9. «От паспорт»ни олиш учун от эгаси Ўзбекистон йилқичилик ва от спорти федерациясига ёзма равишда мурожаат қилади.
10. Ўзбекистон йилқичилик ва от спорти федерациясининг вакили «От паспорти»ни олиш учун от эгасининг мурожаати бўйича жойига чиққан ҳолда ўрганади ва қуйидагилар тўғрисида маълумотларни шакллантиради:
отнинг график тасвири;
отнинг тана ўлчамлари;
отнинг келиб чиқиши ва насл-насаби (бирламчи зоотехника ҳужжатлар);
отнинг 7 дона фотосурати (отни ўнг ён томондан, чап ён томондан, бошининг олд томонидан, тумшуғи, олд ва орқа оёқларининг олдиндан кўриниши, олд ва орқа оёқларининг орқа томондан кўриниши ва бўйнининг паст томондан кўриниши).
11. «От паспорти» бериладиган отларнинг келиб чиқишини аниқлаш учун зарур ҳолларда, махсус лабораторияларда отнинг генетик (қон) таҳлиллари амалга оширилади.
12. Лаборатория таҳлили натижалари ушбу низомнинг 10-бандида назарда тутилган ҳужжатлар таркибига киритилади.
13. «От паспорти» Ўзбекистон йилқичилик ва от спорти федерацияси раиси ёки унинг ўринбосари томонидан имзоланган ва муҳрланган ҳолда берилади.
14. «От паспорти» Ўзбекистон йилқичилик ва от спорти федерациясининг буюртманомасига асосан тайёрланади ҳамда ушбу паспорт наслли ва спорт отларининг бутун умри давомида амал қилади.
15. «От паспорти» 10 иш кунида расмийлаштирилади ва от эгасига тақдим этилади.
16. «От паспорти»ни от эгасига бериш вақтида Ўзбекистон йилқичилик ва от спорти федерациясида юритиладиган махсус реестр китобига тегишли ёзув киритилган ҳолда рўйхатга олинади ва электрон шаклда расмий веб-сайтга жойлаштирилади.
17. Наслли отларга «От паспорти» берилгандан сўнг ушбу наслли от белгиланган тартибда Давлат наслчилик китобига рўйхатга олинади ва бунинг учун тўлов тўланмайди.
18. «От паспорти»га тегишли ёзувлар Ўзбекистон йилқичилик ва от спорти федерацияси томонидан ҳар йили киритиб борилади.
19. Ўзбекистон йилқичилик ва от спорти федерацияси томонидан «От паспорти»га келгуси йилларда ҳам ҳар йили киритиладиган тегишли ёзувлар киритилганда, от эгасидан тўлов ундирилмайди.
Бунда келгуси йилларда «От паспорти»га тегишли ёзувларни киритиш билан боғлиқ (хизмат сафари) харажатлар Ўзбекистон йилқичилик ва от спорти федерацияси зиммасида қолади.
20. Отлардан хизмат отлари сифатида фойдаланувчи ташкилотларнинг мурожаатларига кўра «От паспорти» берилиши мумкин. Бунда, ушбу низом қоидаларига амал қилинади.
21. «От паспорти»га отларни эмлаш тадбирлари, лаборатория ва диагностик текширувлар ўтказилгани тўғрисидаги тегишли ёзувлар ветеринария врачи томонидан киритилади ҳамда имзо ва муҳр билан тасдиқланади.
3-боб.От паспортини қайта расмийлаштириш, ўзгартиришлар киритиш ва ҳисобдан чиқариш
22. «От паспорти» йўқолганда ва яроқсиз ҳолатга келганда, от эгаси томонидан Ўзбекистон йилқичилик ва от спорти федерациясига мурожаат қилинади ва «От паспорти» икки иш кунида бепул қайта расмийлаштирилиб берилади.
23. Отнинг эгаси ўзгарганда, унинг янги эгасининг мурожаатига кўра «От паспорти»га Ўзбекистон йилқичилик ва от спорти федерацияси томонидан икки иш кунида тегишли ўзгартиришлар киритилади.
24. «От паспорти»га эга бўлган отлар мажбурий сўйилса ёки бошқа сабаблар оқибатида нобуд бўлган тақдирда, от эгаси томонидан бир иш кунида «От паспорти» Ўзбекистон йилқичилик ва от спорти федерациясига қайтарилади.
25. Наслли ва спорт отлари белгиланган тартиб асосида экспорт қилинганда «От паспорти» ҳисобдан чиқарилади.
4-боб. Якунловчи қоидалар
26. «От паспорти»га оид бирламчи маълумотлар базасининг сақланишига Ўзбекистон йилқичилик ва от спорти федерацияси жавобгар ҳисобланади.
27. Ушбу Низом талабларини бузишда айбдор бўлган шахслар қонунчилик ҳужжатларига мувофиқ жавоб беради.
Наслли ва спорт отларига «От паспорти»ни бериш тартиби тўғрисида низомга 1-ИЛОВА
Мазкур ҳужжат от эгаси (қаровчиси)да сақланади ва от сотилган пайтда янги эгасига берилади. Настоящий документ сохраняется владельцем (смотрителем) лошади и передается новому владельцу при продаже лошади. This document is retained by the owner (caretaker) of the horse and transferred to the new owner when a sale of horse. Лақаби: Кличка: N ame: Туғилган санаси: Дата рождения: Date of birth: Зоти: Порода: Breed: Туси: Масть: Colour: Жинси: Пол: Sex: Туғилган жойи: Место рождения: Place of birth: Паспорт рақами: Номер паспорта: Passport N umber: Эгаси: Владелец: Owner: Мамлакат: Страна: Country: Микрочип рақами: Номер микрочипа: Micro chip number:
Белгиларнинг ёзма ифодаланиши Описание примет Description of signs Боши Голова Нead Чап олд оёғи Левая передняя нога Left Foreleg Ўнг олд оёғи Правая передняя нога Right Foreleg Чап орқа оёғи Левая задняя нога Left Нindleg Ўнг орқа оёғи Правая задняя нога Right Нindleg Қўшимча белгилари Дополнительные приметы Extra signs От эгасининг ф.и.ш. ва манзили Ф.и.о владельца и адрес Name, address of the owner Отхона манзили Адрес конюшни Address of the stable
От тавсифи Характеристика лошади Characteristics of horse Ўлчамлари Промеры Measure Бонитировка сони Кратность бонитировке Freguency vate of bonitation Кўрсаткичлар Показетели Indicators Бонитировка баллари Баллы бонитировки Bonitation mark I II III I II III Ёши Возраст Age Насл-насаби Происхождение Origin Қарчиғай баландлиги, см. Высота в холке, см. Нeight from withers, sm. Типиклиги Типичность Typicality Тананинг қия узунлиги, см. Косая длина туловища, см. Oblique length of torso, sm Ўлчамлари Промеры Measure Кўкрак айланаси,см. Обхват груди, см. Chest girth, sm Ташқи тузилиши Экстерьеры Exteriors Кафт айланаси, см. Обхват пясти, см. Metacarpus girth, sm. Ишчанлик қобилияти Работоспособность Capacity Авлодининг сифати Качество потомства Quality of breed Синфи Класс Class
Отларни эмлаш (вакцинация қилиш) тўғрисида белгилар Отметки о вакцинации лошадей Vaccination record Эмланманинг номи Наименование вакцины Name of vaccine Эмланманинг тайёрланган санаси, серия рақами, тайёрловчининг манзили Дата изготовления вакцины, номер серии, страна изготовитель Date of manufacture, batch number, place and of country manufacturer Эмланган санаси , эмланмани қайд этилган рақами Дата вакцинация, номер регистрации вакцины Date of vaccination, registration number Ветеринария врачининг ф.и.ш., имзоси, муҳри Ф.и.о. ветеринарного врача, подпись, печать Name, signature and stamp of official veterinarian
Отларни эмлаш (вакцинация қилиш) тўғрисида белгилар Отметки о вакцинации лошадей Vaccination record Эмланманинг номи Наименование вакцины Name of vaccine Эмланманинг тайёрланган санаси, серия рақами, тайёрловчининг манзили Дата изготовления вакцины, номер серии, страна изготовитель Date of manufacture, batch number, place and of country manufacturer Эмланган санаси , эмланмани қайд этилган рақами Дата вакцинация, номер регистрации вакцины Date of vaccination, registration number Ветеринария врачининг ф.и.ш., имзоси, муҳри Ф.и.о. ветеринарного врача, подпись , печать Name, signature and stamp of official veterinarian
Лаборатория текширишлари ўтказилганлиги тўғрисида маълумот Данные о проведении лабораторных исследований Labaratory health test Сана Дата Date Текшириш тури Вид исследования Type of test Касаллик номи Название болезни Name of disease Текшириш натижалари Результат исследования Result of the tests Лабораториянинг номи, манзилива муҳри Наименование, адрес лабораториии печать Name and Address of the laboratoryand Company Stamp
Диагностик текширишлар ўтказилганлиги тўғрисида маълумотлар Данные о проведении диагностических исследований Data on diagnostic medication control Текшириш натижалари Результат исследования Result of the tests Экспертиза рақами Номер экспертизы Number of expertise Ветеринария врачининг ф.и.ш., имзоси, муҳри Ф.и.о. ветеринарного врача, подпись, печать Name, signature and stamp of official veterinarian
Синовлар ва спорт ютуқлари тўғрисида маълумотлар Сведения об испытаниях и спортивных достижениях Information of the tests and sport achievements Йил Год Year Жойи Место Place Маълумотлар Сведения Info
Синовлар ва спорт ютуқлари тўғрисида маълумотлар Сведения об испытаниях и спортивных достижениях Information of the tests and sport achievements Йил Год Year Жойи Место Place Маълумотлар Сведения Info
Кўргазмалардаги чиқишлари тўғрисида маълумотлар Сведения о выставках-выводках Information of exhibitions and demonstrations Йил Год Year Жойи Место Place Маълумотлар Сведения Info
Қулун олиш Приплод Offspring №/P Ота-онасининг лақаби Кличка родителей Parental name Ота-онасининг зоти Порода родителей Parental breed Қулун/Приплод/Offspring Туси Масть Жинси Пол Тамға рақами Тавро № Туғилган йили Год рождения Отаси Отец Sire Онаси Мать Dam Отаси Отец Sire Онаси Мать Dam Colour Sex Brand № Date of birth
От эгасининг ўзгарганлиги тўғрисида маълумот Сведения о смене владельца Information on сhange of the ownership Сотилган санаси Дата продажа Date of sale От эгасининг Ф.И.Ш. ва манзили Ф.И.О., владельца и адрес N ame, address of the owner Ўзбекистон йилқичилик ва от спорти федерацияси вакилининг имзоси ва муҳрининг ўрни Подпись и место печати Signature and Company Stamp
Насл-насаби/Родословная/Parentage Қайд этиш рақами_____________________________ Регистрационный №_________________________________ Registration number №_________________________________ Туғилган жойи Место рождения Place of birth ____________________________________________________________________________________________ ____________________________________________________________________________________________________________ Лақаби Кличка Name _______________________________________________ Туси Масть Colour _______________________________________________ Тамға Тавро Brand _______________________________________________ ДНК № ГПК№ SНB № ______________________________________________ Зоти Порода Breed_______________________________________________ Туғилган санаси Дата рождения Date of birth __________________________________________ Жинси Пол Sex ________________________________________________ Иммунитет экспертизаси рақами, cанаси № экспертизы иммунитета и дата Immunity expertise №, date _______________________________
Чипнинг идентификация рақами Идентификационный номер чипа Chip identification number Сана Дата Date Чип коди Код чипа Chip code Штрих код Barcode М.Ў/М.П/Р.Р Федерация раиси ўринбосари Заместитель председателя Федерации Deputy-chairman of Federation_____________________________________________________________________ Берилган вақти Дата выдачи Date of issue:__________________________________________________________________________________
Отнинг эгаси ўзгарганда мазкур от паспортига Ўзбекистон йилқичилик ва от спорти Федерацияси томонидан отнинг янги эгаси тўғрисидаги маълумотлар киритилиб, рўйхатдан ўтказилади ва отнинг янги эгасига қайтаради.
При смене владельца паспорт должен незамедлительно возвращаться в Федерацию коневодства и конного спорта Узбекистана, при этом сообщаются фамилия и адрес нового владельца, после регистрации, которых Федерация возвращает паспорт новому владельцу.
On change of ownership the passport must immediately be lodged with the «Нorse breeding and Equestrian Federation of Uzbekistan» giving the name and address of the new owner, for re-registration and forwarding to the new owner.
Наслли ва спорт отларига «От паспорти»ни бериш тартиби тўғрисида низомга 2-ИЛОВА
Наслли ва спорт отларига «От паспорти»ни бериш
Ўзбекистон Республикасининг Бош вазири А. АРИПОВ
Тошкент ш.,
2019 йил 12 март,
214-сон
Oʻzbekiston Respublikasi Vazirlar Mahkamasining
qarori
nizom
sxemasi
Naslli va sport otlariga “Ot pasporti”ni berish tartibi toʻgʻrisida nizomni tasdiqlash haqida
Respublikamizda yilqichilik sohasini yanada rivojlantirish, naslli va sport otlarini yetishtirish, sport otlarini xalqaro darajadagi koʻrgazmalarda, sport musobaqalarida ishtirok etishini taʼminlash, epizootik barqarorlikni nazorat qilish, shuningdek, naslli va sport otlariga milliy va xalqaro ot pasportini berish tizimini yaratish maqsadida Vazirlar Mahkamasi qaror qiladi:
1. Naslli va sport otlariga “Ot pasporti”ni berish tartibi toʻgʻrisida nizom ilovaga muvofiq tasdiqlansin.
2. Belgilansinki:
naslli va sport otlariga “Ot pasporti” ot egasining xohishiga koʻra beriladi;
naslli va sport otlarini auksionlarda, koʻrgazmalarda, milliy va klassik ot sporti oʻyinlarida, sport musobaqalarida ishtirok etishi, shuningdek otlardan xizmat otlari sifatida foydalanish ushbu “Ot pasporti” mavjud boʻlgan taqdirda amalga oshiriladi.
3. Oʻzbekiston yilqichilik va ot sporti federatsiyasiga uch oy muddatda:
otlarning genetik (qon) tahlilini oʻtkazish laboratoriyasini tashkil etish va laboratoriyada ishlaydigan mutaxassislarning xorijiy davlatlarda malaka oshirish kurslariga yuborilishini;
“Ot pasporti” namunasining Xalqaro ot sporti federatsiyasi (FEI) roʻyxatidan oʻtkazilishini;
“Ot pasporti”ni berish bilan bogʻliq barcha tashkiliy chora-tadbirlarni belgilab, ularning ijrosini taʼminlash tavsiya etilsin.
4. Oʻzbekiston Respublikasi Qishloq xoʻjaligi vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
5. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov zimmasiga yuklansin.
Vazirlar Mahkamasining 2019-yil 12-martdagi 214-son qaroriga ILOVA
Naslli va sport otlariga “Ot pasporti”ni berish tartibi toʻgʻrisida
1-bob. Umumiy qoidalar
1. Ushbu Nizom naslli va sport otlariga “Ot pasporti”ni berish tartibini belgilaydi.
2. Ushbu Nizomda quyidagi asosiy tushunchalar qoʻllaniladi:
“Ot pasporti” — naslli va sport otlarining nasl-nasabi, zotga mansubligi, nasl qiymati, yuqumli kasalliklarga qarshi oʻtkazilgan emlanmalar (vaksinalar), laboratoriya sinovlari tahlillarining natijalari va diagnostik tekshiruvlar oʻtkazilgani toʻgʻrisidagi maʼlumotlarni oʻz ichiga olgan hujjat;
naslli ot — kelib chiqishi (nasl-nasabi) maʼlum bir zotga mansub boʻlgan va naslli ot sifatida Davlat naslchilik kitobida roʻyxatga olingan ot;
sport oti — otlar ishtirokida oʻtkaziladigan turli ot sporti musobaqalarida qatnashuvchi ot;
ot egasi — otga egalik qilish huquqiga ega boʻlgan yuridik yoki jismoniy shaxslar;
Davlat naslchilik kitobi — nasl xususiyatlarini oʻzida mujassamlashtirgan otlar toʻgʻrisidagi maʼlumotlar jamlanmasi.
3. “Ot pasporti” mazkur nizomning 1-ilovasiga muvofiq shaklda rasmiylashtiriladi.
4. Naslli va sport otlari toʻgʻrisidagi maʼlumotlar bazasini shakllantirib borish va naslli otlarning Davlat naslchilik kitobini yuritish Oʻzbekiston yilqichilik va ot sporti federatsiyasi tomonidan amalga oshiriladi.
5. “Ot pasporti” Oʻzbekiston yilqichilik va ot sporti federatsiyasi tomonidan jismoniy va yuridik shaxslar qaramogʻidagi naslli va sport otlariga:
milliy va klassik ot sporti oʻyinlari, sport musobaqalarida, koʻrgazmalarda va auksionlarda ishtirok etish;
otchoparlarda, ot sporti klublari va maktablarda hamda xizmat otlari sifatida foydalanish;
seleksiya-naslchilik ishlarini samarali amalga oshirish;
epizootik barqarorlikni taʼminlash boʻyicha amalga oshirilgan tadbirlarni nazorat qilish;
xalqaro miqyosda oʻtkaziladigan sport oʻyinlarida (Xalqaro musobaqa va Olimpiya oʻyinlarida) qatnashadigan sport otlariga Xalqaro ot sport federatsiyasining (FEI) pasportini olish uchun beriladi.
6. “Ot pasporti”ni rasmiylashtirish uchun ot egasining oʻz mablagʻlari hisobidan bazaviy hisoblash miqdorining besh baravari miqdorida toʻlov toʻlanadi.
7. Toʻlangan toʻlov Oʻzbekiston yilqichilik va ot sporti federatsiyasi huzuridagi Yilqichilik va ot sportini qoʻllab-quvvatlash va rivojlantirish jamgʻarmasiga yoʻnaltiriladi.
8. “Ot pasporti” mazkur nizomning 2-ilovasiga muvofiq sxema boʻyicha beriladi.
2-bob. “Ot pasporti”ni olishga doir talablar va uni berish tartibi
9. “Ot pasport”ni olish uchun ot egasi Oʻzbekiston yilqichilik va ot sporti federatsiyasiga yozma ravishda murojaat qiladi.
10. Oʻzbekiston yilqichilik va ot sporti federatsiyasining vakili “Ot pasporti”ni olish uchun ot egasining murojaati boʻyicha joyiga chiqqan holda oʻrganadi va quyidagilar toʻgʻrisida maʼlumotlarni shakllantiradi:
otning grafik tasviri;
otning tana oʻlchamlari;
otning kelib chiqishi va nasl-nasabi (birlamchi zootexnika hujjatlar);
otning 7 dona fotosurati (otni oʻng yon tomondan, chap yon tomondan, boshining old tomonidan, tumshugʻi, old va orqa oyoqlarining oldindan koʻrinishi, old va orqa oyoqlarining orqa tomondan koʻrinishi va boʻynining past tomondan koʻrinishi).
11. “Ot pasporti” beriladigan otlarning kelib chiqishini aniqlash uchun zarur hollarda, maxsus laboratoriyalarda otning genetik (qon) tahlillari amalga oshiriladi.
12. Laboratoriya tahlili natijalari ushbu nizomning 10-bandida nazarda tutilgan hujjatlar tarkibiga kiritiladi.
13. “Ot pasporti” Oʻzbekiston yilqichilik va ot sporti federatsiyasi raisi yoki uning oʻrinbosari tomonidan imzolangan va muhrlangan holda beriladi.
14. “Ot pasporti” Oʻzbekiston yilqichilik va ot sporti federatsiyasining buyurtmanomasiga asosan tayyorlanadi hamda ushbu pasport naslli va sport otlarining butun umri davomida amal qiladi.
15. “Ot pasporti” 10 ish kunida rasmiylashtiriladi va ot egasiga taqdim etiladi.
16. “Ot pasporti”ni ot egasiga berish vaqtida Oʻzbekiston yilqichilik va ot sporti federatsiyasida yuritiladigan maxsus reyestr kitobiga tegishli yozuv kiritilgan holda roʻyxatga olinadi va elektron shaklda rasmiy veb-saytga joylashtiriladi.
17. Naslli otlarga “Ot pasporti” berilgandan soʻng ushbu naslli ot belgilangan tartibda Davlat naslchilik kitobiga roʻyxatga olinadi va buning uchun toʻlov toʻlanmaydi.
18. “Ot pasporti”ga tegishli yozuvlar Oʻzbekiston yilqichilik va ot sporti federatsiyasi tomonidan har yili kiritib boriladi.
19. Oʻzbekiston yilqichilik va ot sporti federatsiyasi tomonidan “Ot pasporti”ga kelgusi yillarda ham har yili kiritiladigan tegishli yozuvlar kiritilganda, ot egasidan toʻlov undirilmaydi.
Bunda kelgusi yillarda “Ot pasporti”ga tegishli yozuvlarni kiritish bilan bogʻliq (xizmat safari) xarajatlar Oʻzbekiston yilqichilik va ot sporti federatsiyasi zimmasida qoladi.
20. Otlardan xizmat otlari sifatida foydalanuvchi tashkilotlarning murojaatlariga koʻra “Ot pasporti” berilishi mumkin. Bunda, ushbu nizom qoidalariga amal qilinadi.
21. “Ot pasporti”ga otlarni emlash tadbirlari, laboratoriya va diagnostik tekshiruvlar oʻtkazilgani toʻgʻrisidagi tegishli yozuvlar veterinariya vrachi tomonidan kiritiladi hamda imzo va muhr bilan tasdiqlanadi.
3-bob.Ot pasportini qayta rasmiylashtirish, oʻzgartirishlar kiritish va hisobdan chiqarish
22. “Ot pasporti” yoʻqolganda va yaroqsiz holatga kelganda, ot egasi tomonidan Oʻzbekiston yilqichilik va ot sporti federatsiyasiga murojaat qilinadi va “Ot pasporti” ikki ish kunida bepul qayta rasmiylashtirilib beriladi.
23. Otning egasi oʻzgarganda, uning yangi egasining murojaatiga koʻra “Ot pasporti”ga Oʻzbekiston yilqichilik va ot sporti federatsiyasi tomonidan ikki ish kunida tegishli oʻzgartirishlar kiritiladi.
24. “Ot pasporti”ga ega boʻlgan otlar majburiy soʻyilsa yoki boshqa sabablar oqibatida nobud boʻlgan taqdirda, ot egasi tomonidan bir ish kunida “Ot pasporti” Oʻzbekiston yilqichilik va ot sporti federatsiyasiga qaytariladi.
25. Naslli va sport otlari belgilangan tartib asosida eksport qilinganda “Ot pasporti” hisobdan chiqariladi.
4-bob. Yakunlovchi qoidalar
26. “Ot pasporti”ga oid birlamchi maʼlumotlar bazasining saqlanishiga Oʻzbekiston yilqichilik va ot sporti federatsiyasi javobgar hisoblanadi.
27. Ushbu Nizom talablarini buzishda aybdor boʻlgan shaxslar qonunchilik hujjatlariga muvofiq javob beradi.
Naslli va sport otlariga “Ot pasporti”ni berish tartibi toʻgʻrisida nizomga 1-ILOVA
Mazkur hujjat ot egasi (qarovchisi)da saqlanadi va ot sotilgan paytda yangi egasiga beriladi. Nastoyashiy dokument soxranyayetsya vladelsem (smotritelem) loshadi i peredayetsya novomu vladelsu pri prodaje loshadi. This document is retained by the owner (caretaker) of the horse and transferred to the new owner when a sale of horse. Laqabi: Klichka: N ame: Tugʻilgan sanasi: Data rojdeniya: Date of birth: Zoti: Poroda: Breed: Tusi: Mast: Colour: Jinsi: Pol: Sex: Tugʻilgan joyi: Mesto rojdeniya: Place of birth: Pasport raqami: Nomer pasporta: Passport N umber: Egasi: Vladelets: Owner: Mamlakat: Strana: Country: Mikrochip raqami: Nomer mikrochipa: Micro chip number:
Belgilarning yozma ifodalanishi Opisaniye primet Description of signs Boshi Golova Nead Chap old oyogʻi Levaya perednyaya noga Left Foreleg Oʻng old oyogʻi Pravaya perednyaya noga Right Foreleg Chap orqa oyogʻi Levaya zadnyaya noga Left Nindleg Oʻng orqa oyogʻi Pravaya zadnyaya noga Right Nindleg Qoʻshimcha belgilari Dopolnitelnie primeti Extra signs Ot egasining f.i.sh. va manzili F.i.o vladelsa i adres Name, address of the owner Otxona manzili Adres konyushni Address of the stable
Ot tavsifi Xarakteristika loshadi Characteristics of horse Oʻlchamlari Promeri Measure Bonitirovka soni Kratnost bonitirovke Freguency vate of bonitation Koʻrsatkichlar Pokazeteli Indicators Bonitirovka ballari Balli bonitirovki Bonitation mark I II III I II III Yoshi Vozrast Age Nasl-nasabi Proisxojdeniye Origin Qarchigʻay balandligi, sm. Visota v xolke, sm. Neight from withers, sm. Tipikligi Tipichnost Typicality Tananing qiya uzunligi, sm. Kosaya dlina tulovisha, sm. Oblique length of torso, sm Oʻlchamlari Promeri Measure Koʻkrak aylanasi,sm. Obxvat grudi, sm. Chest girth, sm Tashqi tuzilishi Eksteryeri Exteriors Kaft aylanasi, sm. Obxvat pyasti, sm. Metacarpus girth, sm. Ishchanlik qobiliyati Rabotosposobnost Capacity Avlodining sifati Kachestvo potomstva Quality of breed Sinfi Klass Class
Otlarni emlash (vaksinatsiya qilish) toʻgʻrisida belgilar Otmetki o vaksinatsii loshadey Vaccination record Emlanmaning nomi Naimenovaniye vaksini Name of vaccine Emlanmaning tayyorlangan sanasi, seriya raqami, tayyorlovchining manzili Data izgotovleniya vaksini, nomer serii, strana izgotovitel Date of manufacture, batch number, place and of country manufacturer Emlangan sanasi , emlanmani qayd etilgan raqami Data vaksinatsiya, nomer registratsii vaksini Date of vaccination, registration number Veterinariya vrachining f.i.sh., imzosi, muhri F.i.o. veterinarnogo vracha, podpis, pechat Name, signature and stamp of official veterinarian
Otlarni emlash (vaksinatsiya qilish) toʻgʻrisida belgilar Otmetki o vaksinatsii loshadey Vaccination record Emlanmaning nomi Naimenovaniye vaksini Name of vaccine Emlanmaning tayyorlangan sanasi, seriya raqami, tayyorlovchining manzili Data izgotovleniya vaksini, nomer serii, strana izgotovitel Date of manufacture, batch number, place and of country manufacturer Emlangan sanasi , emlanmani qayd etilgan raqami Data vaksinatsiya, nomer registratsii vaksini Date of vaccination, registration number Veterinariya vrachining f.i.sh., imzosi, muhri F.i.o. veterinarnogo vracha, podpis , pechat Name, signature and stamp of official veterinarian
Laboratoriya tekshirishlari oʻtkazilganligi toʻgʻrisida maʼlumot Dannie o provedenii laboratornix issledovaniy Labaratory health test Sana Data Date Tekshirish turi Vid issledovaniya Type of test Kasallik nomi Nazvaniye bolezni Name of disease Tekshirish natijalari Rezultat issledovaniya Result of the tests Laboratoriyaning nomi, manziliva muhri Naimenovaniye, adres laboratoriii pechat Name and Address of the laboratoryand Company Stamp
Diagnostik tekshirishlar oʻtkazilganligi toʻgʻrisida maʼlumotlar Dannie o provedenii diagnosticheskix issledovaniy Data on diagnostic medication control Tekshirish natijalari Rezultat issledovaniya Result of the tests Ekspertiza raqami Nomer ekspertizi Number of expertise Veterinariya vrachining f.i.sh., imzosi, muhri F.i.o. veterinarnogo vracha, podpis, pechat Name, signature and stamp of official veterinarian
Sinovlar va sport yutuqlari toʻgʻrisida maʼlumotlar Svedeniya ob ispitaniyax i sportivnix dostijeniyax Information of the tests and sport achievements Yil God Year Joyi Mesto Place Maʼlumotlar Svedeniya Info
Sinovlar va sport yutuqlari toʻgʻrisida maʼlumotlar Svedeniya ob ispitaniyax i sportivnix dostijeniyax Information of the tests and sport achievements Yil God Year Joyi Mesto Place Maʼlumotlar Svedeniya Info
Koʻrgazmalardagi chiqishlari toʻgʻrisida maʼlumotlar Svedeniya o vistavkax-vivodkax Information of exhibitions and demonstrations Yil God Year Joyi Mesto Place Maʼlumotlar Svedeniya Info
Qulun olish Priplod Offspring №/P Ota-onasining laqabi Klichka roditeley Parental name Ota-onasining zoti Poroda roditeley Parental breed Qulun/Priplod/Offspring Tusi Mast Jinsi Pol Tamgʻa raqami Tavro № Tugʻilgan yili God rojdeniya Otasi Otets Sire Onasi Mat Dam Otasi Otets Sire Onasi Mat Dam Colour Sex Brand № Date of birth
Ot egasining oʻzgarganligi toʻgʻrisida maʼlumot Svedeniya o smene vladelsa Information on shange of the ownership Sotilgan sanasi Data prodaja Date of sale Ot egasining F.I.Sh. va manzili F.I.O., vladelsa i adres N ame, address of the owner Oʻzbekiston yilqichilik va ot sporti federatsiyasi vakilining imzosi va muhrining oʻrni Podpis i mesto pechati Signature and Company Stamp
Nasl-nasabi/Rodoslovnaya/Parentage Qayd etish raqami_____________________________ Registratsionniy №_________________________________ Registration number №_________________________________ Tugʻilgan joyi Mesto rojdeniya Place of birth ____________________________________________________________________________________________ ____________________________________________________________________________________________________________ Laqabi Klichka Name _______________________________________________ Tusi Mast Colour _______________________________________________ Tamgʻa Tavro Brand _______________________________________________ DNK № GPK№ SNB № ______________________________________________ Zoti Poroda Breed_______________________________________________ Tugʻilgan sanasi Data rojdeniya Date of birth __________________________________________ Jinsi Pol Sex ________________________________________________ Immunitet ekspertizasi raqami, canasi № ekspertizi immuniteta i data Immunity expertise №, date _______________________________
Chipning identifikatsiya raqami Identifikatsionniy nomer chipa Chip identification number Sana Data Date Chip kodi Kod chipa Chip code Shtrix kod Barcode M.Oʻ/M.P/R.R Federatsiya raisi oʻrinbosari Zamestitel predsedatelya Federatsii Deputy-chairman of Federation_____________________________________________________________________ Berilgan vaqti Data vidachi Date of issue:__________________________________________________________________________________
Otning egasi oʻzgarganda mazkur ot pasportiga Oʻzbekiston yilqichilik va ot sporti Federatsiyasi tomonidan otning yangi egasi toʻgʻrisidagi maʼlumotlar kiritilib, roʻyxatdan oʻtkaziladi va otning yangi egasiga qaytaradi.
Pri smene vladelsa pasport doljen nezamedlitelno vozvrashatsya v Federatsiyu konevodstva i konnogo sporta Uzbekistana, pri etom soobshayutsya familiya i adres novogo vladelsa, posle registratsii, kotorix Federatsiya vozvrashayet pasport novomu vladelsu.
On change of ownership the passport must immediately be lodged with the “Norse breeding and Equestrian Federation of Uzbekistan” giving the name and address of the new owner, for re-registration and forwarding to the new owner.
Naslli va sport otlariga “Ot pasporti”ni berish tartibi toʻgʻrisida nizomga 2-ILOVA
Naslli va sport otlariga “Ot pasporti”ni berish
Oʻzbekiston Respublikasining Bosh vaziri A. ARIPOV
Toshkent sh.,
2019-yil 12-mart,
214-son