📅 2019-yil 12-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 12 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 марта 2019 г. · Постановления Президента
Официальный текст. Официальный документ. Редакционные примечания не включены.
📅 12 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Суд ҳужжатлари ва бошқа органлар ҳужжатларини ижро этиш самарадорлигини янада ошириш чора-тадбирлари тўғрисида
[Кўчирма]
Ижро тартиб-таомилларини янада соддалаштириш, суд ҳужжатлари ва бошқа органлар ҳужжатларини сўзсиз ва ўз вақтида ижро этишни таъминлаш, жисмоний ва юридик шахсларнинг ҳуқуқларини самарали ҳимоя қилиш ҳамда ижро иши юритувида сансалорликка чек қўйиш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурида белгиланган вазифаларини амалга ошириш мақсадида:
1. Ўзбекистон Республикаси Олий суди, Бош прокуратураси, Адлия вазирлиги ва Ўзбекистон Республикаси Адвокатлар палатасининг 2019 йил 1 апрелдан бошлаб суд ҳужжатлари ва бошқа органлар ҳужжатларини мажбурий ижро этиш жараёнига медиация институтини жорий этиш тўғрисидаги қуйидагиларни назарда тутувчи таклифи қабул қилинсин:
суд ҳужжатлари ва бошқа органлар ҳужжатларини мажбурий ижро этиш жараёнида медиация тартиб-таомилини амалга ошириш ундирувчининг аризаси бўйича ўн беш кундан кўп бўлмаган муддатга ижро иши юритишни тўхтатиб туриш учун асос ҳисобланади;
томонлар ўртасида ижро предметига доир келишувга келмаслик, шунингдек, томонлардан бирининг медиацияни давом эттиришдан воз кечиши ёки уни амалга ошириш муддатининг тугаши ижро иши юритишни қайтадан тиклаш учун асос ҳисобланади. Бунда, медиация тартиб-таомилини такроран амалга оширишга йўл қўйилмайди;
томонлар ўртасида ижро ишининг ҳар қандай босқичида медиация тартиб-таомилини амалга ошириш натижалари бўйича ижро предметига доир келишув расмийлаштирилган ҳолларда, давлат ижрочиси ижро иши юритишни тугатади;
медиация тартиб-таомилини амалга ошириш жараёнига давлат ижрочиси ва давлатнинг бошқа органлари вакилларининг аралашуви тақиқланади.
2. Белгилаб қўйилсинки, 2019 йил 1 июндан бошлаб:
ижро иши юритишни қўзғатиш тўғрисидаги масала ижро ҳужжати келиб тушган вақтдан бошлаб бир иш куни ичида ҳал этилади;
ижро ҳаракатларини амалга оширишга тўсқинлик қилувчи ҳолатлар мавжуд бўлган тақдирда, мазкур ҳаракатлар қарздорнинг аризасига ёки давлат ижрочисининг ўз ташаббусига кўра кўпи билан икки марта кечиктирилади;
ижро ҳаракатларини бажаришда юзага келган масалаларни тушунтириш учун давлат ижрочиси томонидан тайинланган мутахассис ижрочининг қарори билан танишган кундан бошлаб ўн беш иш куни ичида ёзма хулоса тақдим этишга мажбур.
3. 2019 йил 1 октябрдан бошлаб шундай тартиб ўрнатилсинки, унга мувофиқ:
а) Ўзбекистон Республикаси Бош прокуратураси ҳузуридаги Мажбурий ижро бюроси (кейинги ўринларда — Мажбурий ижро бюроси) Ижро ҳужжатларининг ягона электрон базасини (кейинги ўринларда — Ягона электрон база) юритади, унга тегишли маълумотлар базаси тизимлари билан интеграция қилиш йўли билан қуйидагилар киритиб борилади:
ижро органлари юритувига келиб тушган барча ижро ҳужжатлари;
маъмурий ҳуқуқбузарлик тўғрисидаги ишларни кўриб чиқишга ваколати бўлган органлар (мансабдор шахслар) томонидан солинган ва ундирилган маъмурий жарималар ҳақидаги маълумотлар;
б) маъмурий ҳуқуқбузарлик тўғрисидаги ишларни кўриб чиқишга ваколати бўлган органлар (мансабдор шахслар)нинг қонун ҳужжатларида белгиланган муддат давомида ихтиёрий тартибда бажарилмаган маъмурий жарималарни қўллаш тўғрисидаги қарорлари мажбурий ижро этиш учун электрон ҳужжат кўринишида автоматик равишда Мажбурий ижро бюросининг ахборот тизимига юборилади;
в) ижро ҳужжатларида ундирувчи ёки қарздорнинг электрон почтаси ёки телефон (мобиль) рақами (агар улар судга ёки ижро ҳужжатини берган бошқа орган (мансабдор шахс)га тақдим этилган бўлса) ҳақидаги маълумотлар мавжуд бўлган тақдирда, ижро иши юритишни қўзғатиш тўғрисидаги хабарнома унинг жўнатилганлиги ва қабул қилиниб олинганлиги фактларини қайд этиш имконини берувчи махсус автоматлаштирилган тизимдан фойдаланган холда электрон почтага ёки мобиль алоқа воситалари орқали қисқа хабар (SMS) кўринишида йўлланади;
г) Тошкент шаҳрининг Яккасарой тумани ва Навоий шаҳри Мажбурий ижро бюроси бўлимларида тажриба сифатида ижро ҳужжатларини автоматлаштирилган тизим орқали давлат ижрочилари ўртасида автоматлаштирилган тақсимлаш тартиби жорий этилади.
Ўзбекистон Республикаси Бош прокуратураси 2020 йил 1 мартга қадар тажриба натижаларига кўра мазкур амалиётни Мажбурий ижро бюросининг бошқа бўлинмаларида жорий этиш бўйича асослантирилган таклифлар киритсин.
4. Мажбурий ижро бюроси 2019 йил 1 октябрдан ўз расмий веб-сайтида бепул асосда қуйидагиларни назарда тутувчи ижро ҳаракатлари амалга оширилишининг автоматлаштирилган мониторинги бўйича давлат интерактив хизмати кўрсатиш тизимини жорий этсин:
ҳар бир ижро ҳужжатига маълумотларнинг хавфсизлигини таъминлайдиган ягона идентификация рақами (коди)ни бериш;
автоматлаштирилган мониторинг тизимига ижро ҳаракатларини амалга оширишнинг бориши ва ижро иши юритишнинг барча босқичлари, шунингдек, Мажбурий ижро бюроси томонидан кўрилаётган чоралар ҳамда бажарилаётган ижро ҳаракатлари тўғрисидаги маълумотларни доимий киритиб бориш;
Интернет тармоғи орқали ягона идентификация рақами (коди)дан фойдаланган ҳолда ундирувчи ва қарздор томонидан ижро ҳаракатларини амалга оширишнинг боришини барча босқичларда кузатиш, шунингдек, мавжуд қарзни онлайн тарзда тўлаш ва бир вақтнинг ўзида ижро ҳужжати талабларининг бажарилганлигини қайд этиш имкониятини яратиш.
Белгилансинки, ижро ҳаракатлари амалга оширилишининг автоматлаштирилган мониторинги бўйича давлат интерактив хизмати Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали ҳам кўрсатилади.
5. Мажбурий ижро бюроси:
а) бир ой муддатда шартнома-воситачилик асосларида сотишга топшириладиган мол-мулкни интернет-дўконлар орқали сотиш тартибини жорий этиш тўғрисидаги қуйидагиларни назарда тутувчи таклифларни киритсин:
ижро иши юритиш давомида хатланган мол-мулкни сотишга Ўзбекистон Республикаси Президентининг 2018 йил 14 майдаги «Электрон тижоратни жадал ривожлантириш чора-тадбирлари тўғрисида»ги ПҚ-3724-сон қарорига мувофиқ Электрон тижорат иштирокчиларининг миллий реестрига киритилган, товарлар ҳаракатини мониторинг қилишнинг электрон тизимини жорий этган ва товарларни харидорга етказиб бериш учун зарур логистика имкониятларига эга бўлган тадбиркорлик субъектларини кенг жалб қилиш;
мол-мулкни мобиль иловалар ва электрон тўлов тизимлари орқали харид қилиш имкониятини яратиш;
б) Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ўзбекистон Республикаси Давлат активларини бошқариш агентлиги билан биргаликда икки ой муддатда:
ундириш қаратилган мол-мулк «E-IJRO AUKSION» ягона электрон савдо майдончасига қўйилган пайтдан бошлаб сотилишигача бўлган ҳаракатини мониторинг қилиш имконини берувчи мол-мулк ҳисобини юритишнинг ягона электрон ахборот тизимини;
«E-IJRO AUKSION» ягона электрон савдо майдончасида харид қилинган мол-мулк учун электрон, шу жумладан халқаро тўлов тизимларидан фойдаланган ҳолда онлайн тўлов қилиш имкониятини жорий этсин.
7. Ўзбекистон Республикаси Президенти ҳузуридаги Лойиҳа бошқаруви миллий агентлиги Ахборот технологиялари ва коммуникацияларини ривожлантириш вазирлиги, Молия вазирлиги ҳамда бошқа манфаатдор вазирлик ва идоралар билан биргаликда уч ой муддатда ижро иши юритишда ундириладиган давлат божлари, маъмурий жарималар ва бошқа тўловларни электрон тўлов тизимларидан фойдаланган ҳолда тўлаш бўйича давлат хизматини кўрсатиш учун ЯИДХПда алоҳида платформани яратиш чораларини кўрсин.
8. Ўзбекистон Республикаси Ички ишлар вазирлиги Академияси Мажбурий ижро бюроси билан биргаликда Мажбурий ижро бюроси ходимларини оператив-қидирув йўналишида тайёрлаш, қайта тайёрлаш ва малакасини ошириш бўйича бепул асосда махсус курслар ташкил этиш чораларини кўрсин.
9. Ўзбекистон Республикаси Бош прокуратураси:
а) уч ой муддатда суд ҳужжатлари ва бошқа органларнинг ҳужжатларини ижро этиш соҳасидаги, шунингдек, уларнинг тўғридан-тўғри амал қилишини таъминлаш борасидаги процессуал нормаларни тизимлаштиришни назарда тутувчи Ўзбекистон Республикасининг Ижро ишини юритиш тўғрисидаги кодекси лойиҳасини ишлаб чиқсин ва белгиланган тартибда Ўзбекистон Республикаси Олий Мажлиси Қонунчилик палатасига киритсин;
б) уч ой муддатда:
Мажбурий ижро бюросига жисмоний ва юридик шахслардан «ишонч телефони» орқали, шунингдек, электрон тарзда келиб тушадиган мурожаатларни ўз вақтида ва сифатли кўриб чиқилиши устидан тизимли назорат олиб боришга қаратилган дастурий таъминотни;
давлат ижрочиларининг суд ҳужжатлари ва бошқа органларнинг ҳужжатларини мажбурий ижро этишни таъминлаш бўйича самарадорлик ва натижадорликнинг асосий кўрсаткичларини (KPI), шунингдек, улар фаолиятини баҳолаш, хизмат бўйича кўтариш, рағбатлантириш ва интизомий жавобгарлик чораларини қўллашда ушбу кўрсаткичларни қўллаш тартибини;
Ўзбекистон Республикаси Бош прокуратураси Академиясида тизимли равишда давлат ижрочиларининг малакасини ошириш дастурларини ишлаб чиқсин ва жорий этсин;
в) манфаатдор идоралар билан биргаликда уч ой муддатда суд томонидан маъмурий жаримага тортиш ҳолатларидан ташқари, жаримага тортиш тўғрисидаги қарор топширилган санадан бошлаб ўн беш кун ичида жарима миқдорининг 70 фоизи ҳуқуқбузар томонидан ихтиёрий равишда тўланган тақдирда у қолган суммани тўлашдан озод этилишини назарда тутувчи маъмурий жаримага тортиш тўғрисидаги қарорларни ижро этишнинг соддалаштирилган тартибини жорий этиш ҳақидаги таклифларни Ўзбекистон Республикаси Президенти Администрациясига киритсин.
Бунда, қуйидаги ҳолатларда жаримага тортиш тўғрисидаги қарорларни ижро этишнинг соддалаштирилган тартиби қўлланилмаслиги назарда тутилсин:
маъмурий жаримага тортиш тўғрисидаги қарор устидан шикоят қилинганда ёки протест келтирилганда;
маъмурий жазо қўлланилганидан кейин бир йил давомида худди шундай ҳуқуқбузарлик такроран содир этилганида;
г) ҳар чоракда Ўзбекистон Республикаси Президенти Администрациясига ижро ишини юритиш ҳолати тўғрисида маълумот ҳамда соҳа фаолиятини такомиллаштириш бўйича таклифлар киритиб борсин.
10. Белгилансинки, мазкур қарорда назарда тутилган чора-тадбирларни молиялаштириш Мажбурий ижро бюроси ва суд ҳокимияти органларини ривожлантириш жамғармалари маблағлари, шунингдек, халқаро молиявий институтлар ва донор ташкилотларнинг грантлари, техник кўмак маблағлари, шунингдек, қонун ҳужжатларида тақиқланмаган бошқа манбалар ҳисобидан амалга оширилади.
11. Ўзбекистон Республикаси Бош прокуратураси бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифлар киритсин.
12. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий телерадиокомпанияси Мажбурий ижро бюроси билан биргаликда мазкур қарорнинг мазмун-моҳиятини оммавий ахборот воситаларида кенг ёритилишини таъминласин.
13. Мазкур қарорнинг ижросини назорат қилиш Ўзбекистон Республикасининг Бош вазири А. Н. Арипов ва Ўзбекистон Республикаси Президенти маслаҳатчисининг биринчи ўринбосари Б. М. Мавлонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 12 март,
ПҚ-4236-сон
Oʻzbekiston Respublikasi Prezidentining
Qarori
Sud hujjatlari va boshqa organlar hujjatlarini ijro etish samaradorligini yanada oshirish chora-tadbirlari toʻgʻrisida
[Koʻchirma]
Ijro tartib-taomillarini yanada soddalashtirish, sud hujjatlari va boshqa organlar hujjatlarini soʻzsiz va oʻz vaqtida ijro etishni taʼminlash, jismoniy va yuridik shaxslarning huquqlarini samarali himoya qilish hamda ijro ishi yurituvida sansalorlikka chek qoʻyish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida belgilangan vazifalarini amalga oshirish maqsadida:
1. Oʻzbekiston Respublikasi Oliy sudi, Bosh prokuraturasi, Adliya vazirligi va Oʻzbekiston Respublikasi Advokatlar palatasining 2019-yil 1-apreldan boshlab sud hujjatlari va boshqa organlar hujjatlarini majburiy ijro etish jarayoniga mediatsiya institutini joriy etish toʻgʻrisidagi quyidagilarni nazarda tutuvchi taklifi qabul qilinsin:
sud hujjatlari va boshqa organlar hujjatlarini majburiy ijro etish jarayonida mediatsiya tartib-taomilini amalga oshirish undiruvchining arizasi boʻyicha oʻn besh kundan koʻp boʻlmagan muddatga ijro ishi yuritishni toʻxtatib turish uchun asos hisoblanadi;
tomonlar oʻrtasida ijro predmetiga doir kelishuvga kelmaslik, shuningdek, tomonlardan birining mediatsiyani davom ettirishdan voz kechishi yoki uni amalga oshirish muddatining tugashi ijro ishi yuritishni qaytadan tiklash uchun asos hisoblanadi. Bunda, mediatsiya tartib-taomilini takroran amalga oshirishga yoʻl qoʻyilmaydi;
tomonlar oʻrtasida ijro ishining har qanday bosqichida mediatsiya tartib-taomilini amalga oshirish natijalari boʻyicha ijro predmetiga doir kelishuv rasmiylashtirilgan hollarda, davlat ijrochisi ijro ishi yuritishni tugatadi;
mediatsiya tartib-taomilini amalga oshirish jarayoniga davlat ijrochisi va davlatning boshqa organlari vakillarining aralashuvi taqiqlanadi.
2. Belgilab qoʻyilsinki, 2019-yil 1-iyundan boshlab:
ijro ishi yuritishni qoʻzgʻatish toʻgʻrisidagi masala ijro hujjati kelib tushgan vaqtdan boshlab bir ish kuni ichida hal etiladi;
ijro harakatlarini amalga oshirishga toʻsqinlik qiluvchi holatlar mavjud boʻlgan taqdirda, mazkur harakatlar qarzdorning arizasiga yoki davlat ijrochisining oʻz tashabbusiga koʻra koʻpi bilan ikki marta kechiktiriladi;
ijro harakatlarini bajarishda yuzaga kelgan masalalarni tushuntirish uchun davlat ijrochisi tomonidan tayinlangan mutaxassis ijrochining qarori bilan tanishgan kundan boshlab oʻn besh ish kuni ichida yozma xulosa taqdim etishga majbur.
3. 2019-yil 1-oktabrdan boshlab shunday tartib oʻrnatilsinki, unga muvofiq:
a) Oʻzbekiston Respublikasi Bosh prokuraturasi huzuridagi Majburiy ijro byurosi (keyingi oʻrinlarda — Majburiy ijro byurosi) Ijro hujjatlarining yagona elektron bazasini (keyingi oʻrinlarda — Yagona elektron baza) yuritadi, unga tegishli maʼlumotlar bazasi tizimlari bilan integratsiya qilish yoʻli bilan quyidagilar kiritib boriladi:
ijro organlari yurituviga kelib tushgan barcha ijro hujjatlari;
maʼmuriy huquqbuzarlik toʻgʻrisidagi ishlarni koʻrib chiqishga vakolati boʻlgan organlar (mansabdor shaxslar) tomonidan solingan va undirilgan maʼmuriy jarimalar haqidagi maʼlumotlar;
b) maʼmuriy huquqbuzarlik toʻgʻrisidagi ishlarni koʻrib chiqishga vakolati boʻlgan organlar (mansabdor shaxslar)ning qonun hujjatlarida belgilangan muddat davomida ixtiyoriy tartibda bajarilmagan maʼmuriy jarimalarni qoʻllash toʻgʻrisidagi qarorlari majburiy ijro etish uchun elektron hujjat koʻrinishida avtomatik ravishda Majburiy ijro byurosining axborot tizimiga yuboriladi;
v) ijro hujjatlarida undiruvchi yoki qarzdorning elektron pochtasi yoki telefon (mobil) raqami (agar ular sudga yoki ijro hujjatini bergan boshqa organ (mansabdor shaxs)ga taqdim etilgan boʻlsa) haqidagi maʼlumotlar mavjud boʻlgan taqdirda, ijro ishi yuritishni qoʻzgʻatish toʻgʻrisidagi xabarnoma uning joʻnatilganligi va qabul qilinib olinganligi faktlarini qayd etish imkonini beruvchi maxsus avtomatlashtirilgan tizimdan foydalangan xolda elektron pochtaga yoki mobil aloqa vositalari orqali qisqa xabar (SMS) koʻrinishida yoʻllanadi;
g) Toshkent shahrining Yakkasaroy tumani va Navoiy shahri Majburiy ijro byurosi boʻlimlarida tajriba sifatida ijro hujjatlarini avtomatlashtirilgan tizim orqali davlat ijrochilari oʻrtasida avtomatlashtirilgan taqsimlash tartibi joriy etiladi.
Oʻzbekiston Respublikasi Bosh prokuraturasi 2020-yil 1-martga qadar tajriba natijalariga koʻra mazkur amaliyotni Majburiy ijro byurosining boshqa boʻlinmalarida joriy etish boʻyicha asoslantirilgan takliflar kiritsin.
4. Majburiy ijro byurosi 2019-yil 1-oktabrdan oʻz rasmiy veb-saytida bepul asosda quyidagilarni nazarda tutuvchi ijro harakatlari amalga oshirilishining avtomatlashtirilgan monitoringi boʻyicha davlat interaktiv xizmati koʻrsatish tizimini joriy etsin:
har bir ijro hujjatiga maʼlumotlarning xavfsizligini taʼminlaydigan yagona identifikatsiya raqami (kodi)ni berish;
avtomatlashtirilgan monitoring tizimiga ijro harakatlarini amalga oshirishning borishi va ijro ishi yuritishning barcha bosqichlari, shuningdek, Majburiy ijro byurosi tomonidan koʻrilayotgan choralar hamda bajarilayotgan ijro harakatlari toʻgʻrisidagi maʼlumotlarni doimiy kiritib borish;
Internet tarmogʻi orqali yagona identifikatsiya raqami (kodi)dan foydalangan holda undiruvchi va qarzdor tomonidan ijro harakatlarini amalga oshirishning borishini barcha bosqichlarda kuzatish, shuningdek, mavjud qarzni onlayn tarzda toʻlash va bir vaqtning oʻzida ijro hujjati talablarining bajarilganligini qayd etish imkoniyatini yaratish.
Belgilansinki, ijro harakatlari amalga oshirilishining avtomatlashtirilgan monitoringi boʻyicha davlat interaktiv xizmati Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali ham koʻrsatiladi.
5. Majburiy ijro byurosi:
a) bir oy muddatda shartnoma-vositachilik asoslarida sotishga topshiriladigan mol-mulkni internet-doʻkonlar orqali sotish tartibini joriy etish toʻgʻrisidagi quyidagilarni nazarda tutuvchi takliflarni kiritsin:
ijro ishi yuritish davomida xatlangan mol-mulkni sotishga Oʻzbekiston Respublikasi Prezidentining 2018-yil 14-maydagi “Elektron tijoratni jadal rivojlantirish chora-tadbirlari toʻgʻrisida”gi PQ-3724-son qaroriga muvofiq Elektron tijorat ishtirokchilarining milliy reyestriga kiritilgan, tovarlar harakatini monitoring qilishning elektron tizimini joriy etgan va tovarlarni xaridorga yetkazib berish uchun zarur logistika imkoniyatlariga ega boʻlgan tadbirkorlik subyektlarini keng jalb qilish;
mol-mulkni mobil ilovalar va elektron toʻlov tizimlari orqali xarid qilish imkoniyatini yaratish;
b) Oʻzbekiston Respublikasi Prezidenti huzuridagi Loyiha boshqaruvi milliy agentligi va Oʻzbekiston Respublikasi Davlat aktivlarini boshqarish agentligi bilan birgalikda ikki oy muddatda:
undirish qaratilgan mol-mulk “E-IJRO AUKSION” yagona elektron savdo maydonchasiga qoʻyilgan paytdan boshlab sotilishigacha boʻlgan harakatini monitoring qilish imkonini beruvchi mol-mulk hisobini yuritishning yagona elektron axborot tizimini;
“E-IJRO AUKSION” yagona elektron savdo maydonchasida xarid qilingan mol-mulk uchun elektron, shu jumladan xalqaro toʻlov tizimlaridan foydalangan holda onlayn toʻlov qilish imkoniyatini joriy etsin.
7. Oʻzbekiston Respublikasi Prezidenti huzuridagi Loyiha boshqaruvi milliy agentligi Axborot texnologiyalari va kommunikatsiyalarini rivojlantirish vazirligi, Moliya vazirligi hamda boshqa manfaatdor vazirlik va idoralar bilan birgalikda uch oy muddatda ijro ishi yuritishda undiriladigan davlat bojlari, maʼmuriy jarimalar va boshqa toʻlovlarni elektron toʻlov tizimlaridan foydalangan holda toʻlash boʻyicha davlat xizmatini koʻrsatish uchun YIDXPda alohida platformani yaratish choralarini koʻrsin.
8. Oʻzbekiston Respublikasi Ichki ishlar vazirligi Akademiyasi Majburiy ijro byurosi bilan birgalikda Majburiy ijro byurosi xodimlarini operativ-qidiruv yoʻnalishida tayyorlash, qayta tayyorlash va malakasini oshirish boʻyicha bepul asosda maxsus kurslar tashkil etish choralarini koʻrsin.
9. Oʻzbekiston Respublikasi Bosh prokuraturasi:
a) uch oy muddatda sud hujjatlari va boshqa organlarning hujjatlarini ijro etish sohasidagi, shuningdek, ularning toʻgʻridan-toʻgʻri amal qilishini taʼminlash borasidagi protsessual normalarni tizimlashtirishni nazarda tutuvchi Oʻzbekiston Respublikasining Ijro ishini yuritish toʻgʻrisidagi kodeksi loyihasini ishlab chiqsin va belgilangan tartibda Oʻzbekiston Respublikasi Oliy Majlisi Qonunchilik palatasiga kiritsin;
b) uch oy muddatda:
Majburiy ijro byurosiga jismoniy va yuridik shaxslardan “ishonch telefoni” orqali, shuningdek, elektron tarzda kelib tushadigan murojaatlarni oʻz vaqtida va sifatli koʻrib chiqilishi ustidan tizimli nazorat olib borishga qaratilgan dasturiy taʼminotni;
davlat ijrochilarining sud hujjatlari va boshqa organlarning hujjatlarini majburiy ijro etishni taʼminlash boʻyicha samaradorlik va natijadorlikning asosiy koʻrsatkichlarini (KPI), shuningdek, ular faoliyatini baholash, xizmat boʻyicha koʻtarish, ragʻbatlantirish va intizomiy javobgarlik choralarini qoʻllashda ushbu koʻrsatkichlarni qoʻllash tartibini;
Oʻzbekiston Respublikasi Bosh prokuraturasi Akademiyasida tizimli ravishda davlat ijrochilarining malakasini oshirish dasturlarini ishlab chiqsin va joriy etsin;
v) manfaatdor idoralar bilan birgalikda uch oy muddatda sud tomonidan maʼmuriy jarimaga tortish holatlaridan tashqari, jarimaga tortish toʻgʻrisidagi qaror topshirilgan sanadan boshlab oʻn besh kun ichida jarima miqdorining 70 foizi huquqbuzar tomonidan ixtiyoriy ravishda toʻlangan taqdirda u qolgan summani toʻlashdan ozod etilishini nazarda tutuvchi maʼmuriy jarimaga tortish toʻgʻrisidagi qarorlarni ijro etishning soddalashtirilgan tartibini joriy etish haqidagi takliflarni Oʻzbekiston Respublikasi Prezidenti Administratsiyasiga kiritsin.
Bunda, quyidagi holatlarda jarimaga tortish toʻgʻrisidagi qarorlarni ijro etishning soddalashtirilgan tartibi qoʻllanilmasligi nazarda tutilsin:
maʼmuriy jarimaga tortish toʻgʻrisidagi qaror ustidan shikoyat qilinganda yoki protest keltirilganda;
maʼmuriy jazo qoʻllanilganidan keyin bir yil davomida xuddi shunday huquqbuzarlik takroran sodir etilganida;
g) har chorakda Oʻzbekiston Respublikasi Prezidenti Administratsiyasiga ijro ishini yuritish holati toʻgʻrisida maʼlumot hamda soha faoliyatini takomillashtirish boʻyicha takliflar kiritib borsin.
10. Belgilansinki, mazkur qarorda nazarda tutilgan chora-tadbirlarni moliyalashtirish Majburiy ijro byurosi va sud hokimiyati organlarini rivojlantirish jamgʻarmalari mablagʻlari, shuningdek, xalqaro moliyaviy institutlar va donor tashkilotlarning grantlari, texnik koʻmak mablagʻlari, shuningdek, qonun hujjatlarida taqiqlanmagan boshqa manbalar hisobidan amalga oshiriladi.
11. Oʻzbekiston Respublikasi Bosh prokuraturasi bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.
12. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy teleradiokompaniyasi Majburiy ijro byurosi bilan birgalikda mazkur qarorning mazmun-mohiyatini ommaviy axborot vositalarida keng yoritilishini taʼminlasin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A. N. Aripov va Oʻzbekiston Respublikasi Prezidenti maslahatchisining birinchi oʻrinbosari B. M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 12-mart,
PQ-4236-son
Президента Республики Узбекистан
Постановление
О мерах по дальнейшему повышению эффективности исполнения судебных актов и актов иных органов
[Извлечение]
В целях обеспечения дальнейшего упрощения исполнительных процедур, безусловного и своевременного исполнения судебных актов и актов иных органов, эффективной защиты прав физических и юридических лиц и предотвращения волокиты в исполнительном производстве, а также во исполнение задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
1. Принять предложение Верховного суда, Генеральной прокуратуры, Министерства юстиции Республики Узбекистан и Палаты адвокатов Узбекистана о внедрении с 1 апреля 2019 года института медиации в процесс принудительного исполнения судебных актов и актов иных органов, предусмотрев, что:
осуществление процедуры медиации в процессе принудительного исполнения судебных актов и актов иных органов является основанием для приостановления исполнительного производства по заявлению взыскателя на срок не более пятнадцати дней;
не достижение между сторонами соглашения касательно предмета исполнения, а также отказ одной из сторон продолжать медиацию или истечение срока ее осуществления являются основаниями для возобновления исполнительного производства. При этом, повторное осуществление процедуры медиации не допускается;
в случае оформления между сторонами соглашения касательно предмета исполнения по итогам осуществления процедуры медиации на любом этапе исполнения, государственный исполнитель прекращает исполнительное производство;
запрещается вмешательство государственного исполнителя и других представителей государственных органов в процесс осуществления процедуры медиации.
2. Установить, что с 1 июня 2019 года:
вопрос о возбуждении исполнительного производства решается в течение одного рабочего дня с момента поступления исполнительного документа;
при наличии обстоятельств, препятствующих осуществлению исполнительных действий, данные действия отлагаются по заявлению должника или по собственной инициативе государственного исполнителя не более чем два раза;
специалист, назначенный государственным исполнителем для разъяснения вопросов, возникающих при совершении исполнительных действий, обязан предоставить письменное заключение в течение пятнадцати рабочих дней со дня ознакомления с постановлением исполнителя.
3. Установить с 1 октября 2019 года порядок, в соответствии с которым:
а) Бюро принудительного исполнения при Генеральной прокуратуре Республики Узбекистан (далее — Бюро принудительного исполнения) ведет Единую электронную базу исполнительных документов (далее — Единая электронная база), в которую путем интегрирования с соответствующими системами баз данных в обязательном порядке вносятся:
все исполнительные документы, поступившие на исполнение органов исполнения;
сведения об административных штрафах, наложенных и взысканных органами (должностными лицами), уполномоченными рассматривать дела об административных правонарушениях;
б) постановления о применении административных штрафов органов (должностных лиц), уполномоченных рассматривать дела об административных правонарушениях, не исполненные в добровольном порядке в течении установленного законодательством срока, автоматически направляются в информационную систему Бюро принудительного исполнения в виде электронного документа для принудительного исполнения;
в) при наличии в исполнительных документах сведений об электронной почте или телефонном (мобильном) номере взыскателя или должника (если они предоставлены суду или другому органу (должностному лицу), который выдал исполнительный документ) уведомление о возбуждении исполнительного производства направляется на электронную почту или в виде короткого сообщения (SMS) через средства мобильной связи с использованием специальной автоматизированной системы, позволяющей фиксировать факт отправки и получения уведомления;
г) в отделах Бюро принудительного исполнения Яккасарайского района города Ташкента и города Навои в качестве эксперимента вводится порядок автоматизированного распределения исполнительных документов среди государственных исполнителей посредством автоматизированной системы.
Генеральной прокуратуре Республики Узбекистан по результатам эксперимента в срок до 1 марта 2020 года внести обоснованные предложения по внедрению данной практики в других подразделениях Бюро принудительного исполнения.
4. Бюро принудительного исполнения с 1 октября 2019 года внедрить на своем официальном веб-сайте систему оказания интерактивной государственной услуги по автоматизированному мониторингу хода совершения исполнительных действий на безвозмездной основе, предусмотрев при этом:
присвоение каждому исполнительному документу единого идентификационного номера (кода), обеспечивающего безопасность данных;
постоянное внесение в систему автоматизированного мониторинга сведений о ходе осуществления исполнительных действий и всех этапах исполнительного производства, а также принимаемых Бюро принудительного исполнения решениях и совершаемых исполнительных действиях;
возможность отслеживания взыскателем и должником через сеть Интернет с использованием единого идентификационного номера (кода) хода осуществления исполнительных действий на всех этапах, а также онлайн-оплаты имеющейся задолженности с одновременной отметкой об исполнении требований исполнительного документа.
Определить, что интерактивная государственная услуга по автоматизированному мониторингу хода совершения исполнительных действий оказывается также через Единый портал интерактивных государственных услуг Республики Узбекистан (далее — ЕПИГУ).
5. Бюро принудительного исполнения:
а) в месячный срок внести предложение о введении порядка продажи имущества, передаваемого на реализацию на договорно-комиссионных началах, в интернет-магазинах, предусмотрев:
широкое привлечение к реализации имущества, арестованного в ходе исполнительного производства, субъектов предпринимательства, включенных в Национальный реестр субъектов электронной коммерции в соответствии с постановлением Президента Республики Узбекистан от 14 мая 2018 года № ПП-3724 «О мерах по ускоренному развитию электронной коммерции», внедривших электронную систему мониторинга движения товаров и имеющих необходимые логистические возможности для доставки товаров покупателям;
возможность приобретения имущества через мобильные приложения и электронные платежные системы;
б) в двухмесячный срок совместно с Национальным агентством проектного управления при Президенте Республики Узбекистан и Агентством по управлению государственными активами Республики Узбекистан внедрить:
единую электронную информационную систему ведения учета имущества, на которое обращено взыскание, позволяющую осуществлять мониторинг за движением имущества с момента выставления на единой электронной торговой площадке «Е-IJRO AUKSIO№» до его реализации;
на единой электронной торговой площадке «Е-IJRO AUKSIO№» возможность онлайн оплаты за приобретенное имущество с использованием электронных платежных систем, в том числе международных.
7. Национальному агентству проектного управления при Президенте Республики Узбекистан совместно с Министерством по развитию информационных технологий и коммуникаций, Министерством финансов Республики Узбекистан и другими заинтересованными министерствами и ведомствами в трехмесячный срок принять меры по созданию на ЕПИГУ отдельной платформы для оказания государственной услуги по оплате государственных пошлин, административных штрафов и иных платежей, взыскиваемых в ходе исполнительного производства, с использованием электронных платежных систем.
8. Академии Министерства внутренних дел Республики Узбекистан совместно с Бюро принудительного исполнения принять меры по организации на безвозмездной основе специальных курсов по подготовке, переподготовке и повышению квалификации сотрудников Бюро принудительного исполнения по направлению оперативно-розыскной деятельности.
9. Генеральной прокуратуре Республики Узбекистан:
а) в трехмесячный срок разработать и внести в установленном порядке в Законодательную палату Олий Мажлиса Республики Узбекистан проект Кодекса Республики Узбекистан об исполнительном производстве, предусматривающий систематизацию процессуальных норм в сфере исполнения судебных актов и актов иных органов, а также обеспечение их прямого действия;
б) в трехмесячный срок разработать и внедрить:
программное обеспечение, направленное на осуществление системного надзора за своевременным и качественным рассмотрением обращений, поступающих в Бюро принудительного исполнения посредством «телефона доверия», а также и электронных обращений физических и юридических лиц;
ключевые показатели эффективности и результативности (KPI) государственных исполнителей по обеспечению принудительного исполнения судебных актов и актов иных органов, а также порядок применения этих показателей при оценке их служебной деятельности, продвижении по службе, поощрении и применении мер дисциплинарной ответственности;
программы систематического повышения квалификации государственных исполнителей в Академии Генеральной прокуратуры Республики Узбекистан;
в) совместно с заинтересованными ведомствами в трехмесячный срок внести в Администрацию Президента Республики Узбекистан предложения о введении упрощенного порядка исполнения постановлений о наложении административного штрафа, согласно которому, в случае добровольной оплаты правонарушителем семидесяти процентов размера штрафа в течение пятнадцати дней со дня вручения постановления о наложении штрафа, он освобождается от уплаты оставшейся суммы, за исключением случаев наложения административного штрафа судом.
При этом предусмотреть, что упрошенный порядок исполнения постановления о наложении штрафа не применяется в случаях:
обжалования или принесения протеста на постановление о наложении административного штрафа;
повторного совершения того же правонарушения в течение года после применения административного взыскания;
г) ежеквартально вносить в Администрацию Президента Республики Узбекистан информацию о состоянии исполнительного производства с предложениями по совершенствованию деятельности в данной сфере.
10. Определить, что финансирование мероприятий, предусмотренных в настоящем постановлении, осуществляется за счет средств фондов развития Бюро принудительного исполнения и органов судебной власти, а также средств технического содействия, грантов международных финансовых институтов и донорских организаций, а также других источников, не запрещенных законодательством.
11. Генеральной прокуратуре Республики Узбекистан в месячный срок внести предложения об изменениях и дополнениях в законодательство, вытекающих из настоящего постановления.
12. Агентству информации и массовых коммуникаций при Администрации Президента Республики Узбекистан, Национальной телерадиокомпании Узбекистана совместно с Бюро принудительного исполнения обеспечить широкое освещение сути и значения настоящего постановления в средствах массовой информации.
13. Контроль за исполнением настоящего постановления возложить на Премьер-министра Республики Узбекистан А. Н. Арипова и первого заместителя советника Президента Республики Узбекистан Б. М. Мавлонова.
Президент Республики Узбекистан Ш. МИРЗИЁЕВ
г. Ташкент,
12 марта 2019 г.,
№ ПП-4236