📅 2019-yil 13-mart · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 13 март · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 марта 2019 г. · Законы и кодексы
Официальный текст. Официальный документ. Редакционные примечания не включены.
📅 13 March 2019 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Атмосфера ҳавосини муҳофаза қилиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида
Қонунчилик палатаси томонидан 2018 йил 30 ноябрда қабул қилинган Сенат томонидан 2019 йил 28 февралда маъқулланган
1-модда. Ўзбекистон Республикасининг 1996 йил 27 декабрда қабул қилинган «Атмосфера ҳавосини муҳофаза қилиш тўғрисида»ги 353-I-сонли Қонунига (Ўзбекистон Республикаси Олий Мажлисининг Ахборотномаси, 1997 йил, № 2, 52-модда; 2003 йил, № 9-10, 149-модда; Ўзбекистон Республикаси Олий Мажлиси палаталарининг Ахборотномаси, 2006 йил, № 10, 536-модда; 2013 йил, № 4, 98-модда; 2017 йил, № 9, 510-модда) қуйидаги ўзгартиш ва қўшимчалар киритилсин:
1) 2-модданинг матни қуйидаги таҳрирда баён этилсин:
«Атмосфера ҳавосини муҳофаза қилиш тўғрисидаги қонун ҳужжатлари ушбу Қонун ва бошқа қонун ҳужжатларидан иборатдир.
Агар Ўзбекистон Республикасининг халқаро шартномасида Ўзбекистон Республикасининг атмосфера ҳавосини муҳофаза қилиш тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади»;
2) 4-модда қуйидаги таҳрирда баён этилсин:
«4-модда. Фуқароларнинг атмосфера ҳавосини муҳофаза қилиш соҳасидаги ҳуқуқ ва мажбуриятлари
Фуқаролар қуйидаги ҳуқуқларга эга:
ўз ҳаёти ва соғлиғи учун қулай атмосфера ҳавосидан фойдаланиш;
атмосфера ҳавосининг ҳолати ҳамда уни муҳофаза қилиш бўйича кўрилаётган чора-тадбирлар тўғрисида тегишли давлат органларидан ўз вақтида ва ишончли ахборот олиш;
атмосфера ҳавосига ифлослантирувчи моддалар ва биологик организмлар чиқарилиши ҳамда унга физикавий омилларнинг зарарли таъсир кўрсатиши туфайли ўз соғлиғига ва мол-мулкига зиён етказилган ҳолларда зарарнинг ўрни қопланиши;
атмосфера ҳавосини муҳофаза қилиш масалалари бўйича жамоатчилик фикрини ўрганишни ва жамоатчилик экологик экспертизасини амалга оширишда иштирок этиш.
Фуқаролар:
атмосфера ҳавосини муҳофаза қилиш тўғрисидаги қонун ҳужжатлари талабларига риоя этиши;
атмосфера ҳавосининг ифлосланишига, камайишига ва унга физикавий омилларнинг зарарли таъсир кўрсатишига олиб келувчи ҳаракатларни содир этмаслиги шарт»;
3) қуйидаги мазмундаги 5 1 — 5 4 -моддалар билан тўлдирилсин:
«5 1 -модда. Ўзбекистон Республикаси Вазирлар Маҳкамасининг атмосфера ҳавосини муҳофаза қилиш соҳасидаги ваколатлари
Ўзбекистон Республикаси Вазирлар Маҳкамаси:
атмосфера ҳавосини муҳофаза қилиш соҳасида ягона давлат сиёсати амалга оширилишини таъминлайди;
атмосфера ҳавосини муҳофаза қилиш соҳасидаги давлат дастурларининг ишлаб чиқилишини ҳамда амалга оширилишини таъминлайди;
атмосфера ҳавосига ифлослантирувчи моддалар чиқарилиши ва унга физикавий омилларнинг зарарли таъсир кўрсатишини тартибга солувчи техник регламентларни тасдиқлайди;
атмосфера ҳавосини муҳофаза қилиш соҳасида назоратни амалга ошириш тартибини белгилайди.
5 2 -модда. Ўзбекистон Республикаси Экология ва атроф-муҳитни муҳофаза қилиш давлат қўмитасининг атмосфера ҳавосини муҳофаза қилиш соҳасидаги ваколатлари
Ўзбекистон Республикаси Экология ва атроф-муҳитни муҳофаза қилиш давлат қўмитаси:
атмосфера ҳавосини муҳофаза қилиш соҳасида ягона давлат сиёсатини ишлаб чиқиш ҳамда амалга оширишда идоралараро ҳамкорликни таъминлайди;
атмосфера ҳавосини муҳофаза қилиш соҳасидаги давлат дастурларини ва бошқа дастурларни ишлаб чиқиш ҳамда амалга оширишда иштирок этади;
атмосфера ҳавосини муҳофаза қилиш соҳасидаги норматив-ҳуқуқий ҳужжатларни ишлаб чиқишда иштирок этади;
атмосфера ҳавосини муҳофаза қилиш соҳасидаги норматив-ҳуқуқий ҳужжатларни ўз ваколатлари доирасида ишлаб чиқади ва тасдиқлайди;
атмосфера ҳавосини муҳофаза қилиш соҳасида давлат экологик назоратини амалга оширади.
5 3 -модда. Маҳаллий давлат ҳокимияти органларининг атмосфера ҳавосини муҳофаза қилиш соҳасидаги ваколатлари
Маҳаллий давлат ҳокимияти органлари:
атмосфера ҳавосини муҳофаза қилиш соҳасидаги давлат дастурларини ва бошқа дастурларни ишлаб чиқишда ҳамда амалга оширишда иштирок этади;
атмосфера ҳавосини муҳофаза қилиш соҳасидаги ҳудудий дастурларни ишлаб чиқади ва тасдиқлайди ҳамда уларнинг амалга оширилишини таъминлайди;
тегишли ҳудудда атмосфера ҳавосини муҳофаза қилиш соҳасида давлат экологик назоратини амалга оширади.
5 4 -модда. Фуқаролар ўзини ўзи бошқариш органларининг, нодавлат нотижорат ташкилотларининг атмосфера ҳавосини муҳофаза қилишни таъминлашда иштирок этиши
Фуқароларнинг ўзини ўзи бошқариш органлари, нодавлат нотижорат ташкилотлари:
атмосфера ҳавосини муҳофаза қилиш соҳасидаги давлат дастурларини, ҳудудий ва бошқа дастурларни амалга оширишда иштирок этади;
атмосфера ҳавосини муҳофаза қилиш тўғрисидаги қонун ҳужжатларининг ижроси устидан жамоатчилик экологик назоратини амалга оширади;
аҳоли ўртасида фуқароларнинг атмосфера ҳавосини муҳофаза қилиш соҳасидаги ҳуқуқий саводхонлигини ва экологик маданиятини юксалтиришга қаратилган тушунтириш ишларини амалга оширишда иштирок этади»;
4) 8-модданинг :
номи қуйидаги таҳрирда баён этилсин:
«8-модда. Доимий ифлослантирувчи манбаларнинг атмосфера ҳавосига зарарли таъсир кўрсатиши нормативлари»;
учинчи қисми қуйидаги таҳрирда баён этилсин:
«Атмосфера ҳавосига ифлослантирувчи моддалар ва биологик организмлар чиқаришнинг йўл қўйиладиган доирадаги нормативларини, доимий ифлослантирувчи манбалар физикавий омилларининг атмосфера ҳавосига зарарли таъсир кўрсатишининг йўл қўйиладиган доирадаги нормативларини ишлаб чиқиш ва тасдиқлаш тартиби Ўзбекистон Республикаси Вазирлар Маҳкамаси томонидан белгиланади»;
5) 9-модда чиқариб ташлансин;
6) 11-модда қуйидаги таҳрирда баён этилсин:
«11-модда. Доимий ифлослантирувчи манбаларнинг атмосфера ҳавосига ифлослантирувчи моддалар чиқаришини тартибга солиш
Доимий ифлослантирувчи манбаларнинг атмосфера ҳавосига ифлослантирувчи моддалар чиқаришига давлат экологик экспертизасининг натижаларига кўра белгиланадиган ифлослантирувчи моддалар чиқаришнинг йўл қўйиладиган доирадаги нормативларига мувофиқ йўл қўйилади»;
7) 13-модда қуйидаги таҳрирда баён этилсин:
«13-модда. Атмосфера ҳавосига зарарли таъсир кўрсатилишини чеклаш, тўхтатиб туриш ёки тугатиш
Атмосфера ҳавосига доимий ва кўчма ифлослантирувчи манбалардан ифлослантирувчи моддалар чиқарилишининг йўл қўйиладиган доирадаги нормативларини бузиш билан боғлиқ бўлган фаолият маҳаллий давлат ҳокимияти органлари, Ўзбекистон Республикаси Экология ва атроф-муҳитни муҳофаза қилиш давлат қўмитаси, Ўзбекистон Республикаси Соғлиқни сақлаш вазирлиги, Ўзбекистон Республикаси Ички ишлар вазирлигининг ваколатларига мувофиқ уларнинг қарори билан чекланиши, тўхтатиб турилиши, зарарли таъсир кўрсатиш сабабларини бартараф этиш мумкин бўлмаган тақдирда эса, тугатилиши мумкин. Тадбиркорлик субъектларининг фаолиятини чеклаш, тўхтатиб туриш (бундан фавқулодда вазиятлар, эпидемиялар ҳамда аҳолининг ҳаёти ва соғлиғи учун бошқа реал хавф юзага келишининг олдини олиш билан боғлиқ ҳолда ўн иш кунидан кўп бўлмаган муддатга чеклаш, тўхтатиб туриш ҳоллари мустасно) ёки тугатиш суд тартибида амалга оширилади»;
8) 14-модда қуйидаги таҳрирда баён этилсин:
«14-модда. Ёқилғи ва ёнилғи-мойлаш материалларига доир талаблар
Ўзбекистон Республикаси ҳудудида фойдаланиладиган ёқилғи ва ёнилғи-мойлаш материалларининг барча турлари Ўзбекистон Республикаси Экология ва атроф-муҳитни муҳофаза қилиш давлат қўмитаси билан келишилган стандартлар, техник регламентлар талабларига мос бўлиши лозим»;
9) 18-модданинг учинчи қисми қуйидаги таҳрирда баён этилсин:
«Ўсимликларни ҳимоя қилиш воситаси, уларнинг ўсишини тезлаштирувчи омил, минерал ўғит ва бошқа препаратлар сифатида кимёвий моддаларни ишлатишга қишлоқ хўжалиги ўсимликларини ҳимоя қилиш воситаларини қўллаш регламентига мувофиқ йўл қўйилади»;
10) 19-модданинг матни қуйидаги таҳрирда баён этилсин:
«Объектларни лойиҳалаштириш, қуриш, реконструкция қилиш, капитал таъмирлашда, хўжалик ва бошқа фаолиятни амалга оширишда корхоналар, муассасалар ва ташкилотлар озонни бузувчи моддалардан, таркибида озонни бузувчи моддалар мавжуд бўлган ускуналар ва техник қурилмалардан фойдаланиш ҳамда қўллашни тартибга солишга доир чора-тадбирларга риоя этиши лозим.
Таркибида озонни бузувчи моддалар мавжуд бўлган буюмлардан фойдаланувчи ва уларни таъмирловчи корхоналар, муассасалар ҳамда ташкилотлар бундай моддалар ҳисобга олинишини ва улар озон учун хавфсиз моддалар билан алмаштирилишини таъминлаши лозим.
Озонни бузувчи моддалар ва таркибида улар мавжуд бўлган маҳсулотларнинг импорти ҳамда экспорти экология ва атроф-муҳитни муҳофаза қилувчи органлар томонидан бериладиган рухсатномалар асосида амалга оширилади»;
11) 24-модданинг матни қуйидаги таҳрирда баён этилсин:
«Фаолияти атмосфера ҳавосига ифлослантирувчи моддаларни, биологик организмларни, иссиқхона газларини ва озонни бузувчи моддаларни чиқариш ҳамда унга физикавий омилларнинг зарарли таъсир кўрсатиши билан боғлиқ бўлган корхоналар, муассасалар ва ташкилотлар:
атмосфера ҳавосига чиқариладиган чиқиндиларни тозалаш ва унга зарарли физикавий таъсирни камайтириш учун иншоотлар, қурилмалар ва асбоб-ускуналардан, шунингдек уларнинг устидан назорат қилиш воситаларидан фойдаланиш ҳамда уларнинг ишлаш қоидаларига риоя этиши;
озонни бузувчи моддаларнинг ҳисобини юритиши, уларнинг атмосфера ҳавосига чиқарилишига йўл қўймаслиги, рециркуляцияни (уларни қайта ишлатиш мақсадида бирламчи тозалашни) амалга ошириши;
хўжалик объектлари теварагида санитария-муҳофаза зоналарини барпо этиши;
атмосфера ҳавосига ифлослантирувчи моддалар чиқаришнинг йўл қўйиладиган доирадаги нормативларини белгилаши;
атмосфера ҳавосига ифлослантирувчи моддалар чиқаришни ҳамда унга зарарли физикавий таъсирни камайтириш ва (ёки) бартараф этиш чора-тадбирларини кўриши;
атмосфера ҳавосига ифлослантирувчи моддалар чиқарилиши ҳамда унга физикавий омиллар зарарли таъсирининг йўл қўйиладиган доирадаги нормативларига риоя этилиши устидан назоратни амалга ошириши, уларнинг ҳисобини юритиши ва статистика ҳисоботини тақдим этиши;
атмосфера ҳавосига ифлослантирувчи моддалар чиқарилишининг сифат ва миқдорий таркибини аниқлаш учун намуналар олинишини таъминлаши ҳамда ўлчовларни амалга ошириши;
ёқиш учун мўлжалланмаган жойларда ва (ёки) қурилмаларда ёқилғининг, ёқилғи сифатида фойдаланиладиган моддаларнинг ёки моддалар аралашмасининг ёқилишига, шунингдек ёқилғи ҳисобланмайдиган материаллар ва чиқиндиларнинг ёқилишига йўл қўймаслиги, бундан ёқиш махсус ускуналардан фойдаланиб ҳамда атмосфера ҳавосини муҳофаза қилиш тўғрисидаги ва чиқиндилар тўғрисидаги қонун ҳужжатлари талабларига риоя этган ҳолда амалга оширилган ҳоллар мустасно;
энергияни тежовчи ва (ёки) ресурсларни тежовчи технологияларни жорий этиш ҳамда экологик жиҳатдан тоза энергия манбаларидан фойдаланиш чора-тадбирларини кўриши;
метеорологик шароитлар ноқулай келиши кутилаётганлиги муносабати билан атмосфера ҳавосига ифлослантирувчи моддалар ва биологик организмлар чиқарилишини камайтириш юзасидан Ўзбекистон Республикаси Экология ва атроф-муҳитни муҳофаза қилиш давлат қўмитаси билан келишилган тадбирларни бажариши;
корхоналар ва транспорт коммуникацияларининг таъсир доирасида атроф-муҳитга ҳамда аҳоли соғлиғига зарарли таъсир кўрсатилишини баҳолашдан ўтказиши;
кучли таъсир этувчи заҳарли моддаларни ҳамда буғланувчи бирикмаларни сақлаш, ташиш шартларига, улардан фойдаланиш ва улардан бўшаган идишларни зарарсизлантириш қоидаларига риоя этиши;
атмосфера ҳавосига бирйўла ва авария туфайли ифлослантирувчи моддалар чиқарилишининг, яширин хавфли вазиятлар юзага келишининг олдини олиш, шунингдек атмосфера ҳавосининг трансчегаравий ифлосланишини камайтириш юзасидан чоралар кўриши;
чиқиндиларнинг утилизация қилинишини таъминлаши ҳамда улар тўпланиб қолганида ва қайта ишланаётганида атмосфера ҳавосини ифлослантиришнинг олдини олиш чораларини кўриши шарт.
Атмосфера ҳавосини муҳофаза қилиш тадбирларининг бажарилиши тупроқ, сув ва атроф-муҳитнинг бошқа объектлари ифлосланишига олиб келмаслиги керак»;
12) 25-модданинг иккинчи қисми қуйидаги таҳрирда баён этилсин:
«Атмосфера ҳавосига ифлослантирувчи моддаларни ва биологик организмларни чиқарганлик, унга физикавий омилларнинг зарарли таъсир кўрсатганлиги учун компенсация тўловларини тўлаш корхоналар, муассасалар ва ташкилотларни ҳавони муҳофаза қилиш тадбирларини бажаришдан ҳамда етказилган зарарнинг ўрнини қоплаш мажбуриятидан озод этмайди»;
13) 26-модда биринчи қисмининг :
учинчи хатбошиси чиқариб ташлансин;
тўртинчи ва бешинчи хатбошилари тегишинча учинчи ва тўртинчи хатбошилар деб ҳисоблансин;
14) 28-модданинг матни қуйидаги таҳрирда баён этилсин:
«Атмосфера ҳавосини муҳофаза қилиш устидан давлат экологик назорати махсус ваколатли давлат органлари, маҳаллий давлат ҳокимияти органлари томонидан ўз ваколатлари доирасида амалга оширилади.
Ўзбекистон Республикаси Экология ва атроф-муҳитни муҳофаза қилиш давлат қўмитаси, Ўзбекистон Республикаси Соғлиқни сақлаш вазирлиги, Ўзбекистон Республикаси Ички ишлар вазирлиги атмосфера ҳавосини муҳофаза қилиш устидан экологик назорат бўйича махсус ваколатли давлат органларидир.
Ўзбекистон Республикаси Экология ва атроф-муҳитни муҳофаза қилиш давлат қўмитаси қуйидагиларни амалга оширади:
атмосфера ҳавосини ифлослантирувчи манбаларнинг ҳолати, атмосфера ҳавосини муҳофаза қилиш тўғрисидаги қонун ҳужжатлари талаблари юридик ва жисмоний шахслар томонидан бажарилиши устидан давлат экологик назоратини;
давлат ва идоравий экологик назорат соҳасида давлат ва хўжалик бошқаруви органларининг фаолияти мувофиқлаштирилишини.
Ўзбекистон Республикаси Соғлиқни сақлаш вазирлиги санитария-муҳофаза ва турар жой зоналарида атмосфера ҳавосига зарарли таъсир кўрсатилиши устидан давлат экологик назоратини амалга оширади.
Ўзбекистон Республикаси Ички ишлар вазирлиги фойдаланилиши атмосфера ҳавосига зарарли таъсир кўрсатадиган автомототранспорт воситалари устидан давлат экологик назоратини амалга оширади.
Атмосфера ҳавосини муҳофаза қилиш устидан идоравий, ишлаб чиқариш ва жамоатчилик экологик назорати қонун ҳужжатларига мувофиқ амалга оширилади»;
15) 30-модда чиқариб ташлансин.
2-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;
ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ушбу Қонун расмий эълон қилинган кундан эътиборан уч ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2019 йил 13 март,
ЎРҚ-529-сон
Oʻzbekiston Respublikasining Qonuni
“Atmosfera havosini muhofaza qilish toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida
Qonunchilik palatasi tomonidan 2018-yil 30-noyabrda qabul qilingan Senat tomonidan 2019-yil 28-fevralda maʼqullangan
1-modda. Oʻzbekiston Respublikasining 1996-yil 27-dekabrda qabul qilingan “Atmosfera havosini muhofaza qilish toʻgʻrisida”gi 353-I-sonli Qonuniga (Oʻzbekiston Respublikasi Oliy Majlisining Axborotnomasi, 1997-yil, № 2, 52-modda; 2003-yil, № 9-10, 149-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2013-yil, № 4, 98-modda; 2017-yil, № 9, 510-modda) quyidagi oʻzgartish va qoʻshimchalar kiritilsin:
1) 2-moddaning matni quyidagi tahrirda bayon etilsin:
“Atmosfera havosini muhofaza qilish toʻgʻrisidagi qonun hujjatlari ushbu Qonun va boshqa qonun hujjatlaridan iboratdir.
Agar Oʻzbekiston Respublikasining xalqaro shartnomasida Oʻzbekiston Respublikasining atmosfera havosini muhofaza qilish toʻgʻrisidagi qonun hujjatlarida nazarda tutilganidan boshqacha qoidalar belgilangan boʻlsa, xalqaro shartnoma qoidalari qoʻllaniladi”;
2) 4-modda quyidagi tahrirda bayon etilsin:
“4-modda. Fuqarolarning atmosfera havosini muhofaza qilish sohasidagi huquq va majburiyatlari
Fuqarolar quyidagi huquqlarga ega:
oʻz hayoti va sogʻligʻi uchun qulay atmosfera havosidan foydalanish;
atmosfera havosining holati hamda uni muhofaza qilish boʻyicha koʻrilayotgan chora-tadbirlar toʻgʻrisida tegishli davlat organlaridan oʻz vaqtida va ishonchli axborot olish;
atmosfera havosiga ifloslantiruvchi moddalar va biologik organizmlar chiqarilishi hamda unga fizikaviy omillarning zararli taʼsir koʻrsatishi tufayli oʻz sogʻligʻiga va mol-mulkiga ziyon yetkazilgan hollarda zararning oʻrni qoplanishi;
atmosfera havosini muhofaza qilish masalalari boʻyicha jamoatchilik fikrini oʻrganishni va jamoatchilik ekologik ekspertizasini amalga oshirishda ishtirok etish.
Fuqarolar:
atmosfera havosini muhofaza qilish toʻgʻrisidagi qonun hujjatlari talablariga rioya etishi;
atmosfera havosining ifloslanishiga, kamayishiga va unga fizikaviy omillarning zararli taʼsir koʻrsatishiga olib keluvchi harakatlarni sodir etmasligi shart”;
3) quyidagi mazmundagi 5 1 — 5 4 -moddalar bilan toʻldirilsin:
“5 1 -modda. Oʻzbekiston Respublikasi Vazirlar Mahkamasining atmosfera havosini muhofaza qilish sohasidagi vakolatlari
Oʻzbekiston Respublikasi Vazirlar Mahkamasi:
atmosfera havosini muhofaza qilish sohasida yagona davlat siyosati amalga oshirilishini taʼminlaydi;
atmosfera havosini muhofaza qilish sohasidagi davlat dasturlarining ishlab chiqilishini hamda amalga oshirilishini taʼminlaydi;
atmosfera havosiga ifloslantiruvchi moddalar chiqarilishi va unga fizikaviy omillarning zararli taʼsir koʻrsatishini tartibga soluvchi texnik reglamentlarni tasdiqlaydi;
atmosfera havosini muhofaza qilish sohasida nazoratni amalga oshirish tartibini belgilaydi.
5 2 -modda. Oʻzbekiston Respublikasi Ekologiya va atrof-muhitni muhofaza qilish davlat qoʻmitasining atmosfera havosini muhofaza qilish sohasidagi vakolatlari
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi:
atmosfera havosini muhofaza qilish sohasida yagona davlat siyosatini ishlab chiqish hamda amalga oshirishda idoralararo hamkorlikni taʼminlaydi;
atmosfera havosini muhofaza qilish sohasidagi davlat dasturlarini va boshqa dasturlarni ishlab chiqish hamda amalga oshirishda ishtirok etadi;
atmosfera havosini muhofaza qilish sohasidagi normativ-huquqiy hujjatlarni ishlab chiqishda ishtirok etadi;
atmosfera havosini muhofaza qilish sohasidagi normativ-huquqiy hujjatlarni oʻz vakolatlari doirasida ishlab chiqadi va tasdiqlaydi;
atmosfera havosini muhofaza qilish sohasida davlat ekologik nazoratini amalga oshiradi.
5 3 -modda. Mahalliy davlat hokimiyati organlarining atmosfera havosini muhofaza qilish sohasidagi vakolatlari
Mahalliy davlat hokimiyati organlari:
atmosfera havosini muhofaza qilish sohasidagi davlat dasturlarini va boshqa dasturlarni ishlab chiqishda hamda amalga oshirishda ishtirok etadi;
atmosfera havosini muhofaza qilish sohasidagi hududiy dasturlarni ishlab chiqadi va tasdiqlaydi hamda ularning amalga oshirilishini taʼminlaydi;
tegishli hududda atmosfera havosini muhofaza qilish sohasida davlat ekologik nazoratini amalga oshiradi.
5 4 -modda. Fuqarolar oʻzini oʻzi boshqarish organlarining, nodavlat notijorat tashkilotlarining atmosfera havosini muhofaza qilishni taʼminlashda ishtirok etishi
Fuqarolarning oʻzini oʻzi boshqarish organlari, nodavlat notijorat tashkilotlari:
atmosfera havosini muhofaza qilish sohasidagi davlat dasturlarini, hududiy va boshqa dasturlarni amalga oshirishda ishtirok etadi;
atmosfera havosini muhofaza qilish toʻgʻrisidagi qonun hujjatlarining ijrosi ustidan jamoatchilik ekologik nazoratini amalga oshiradi;
aholi oʻrtasida fuqarolarning atmosfera havosini muhofaza qilish sohasidagi huquqiy savodxonligini va ekologik madaniyatini yuksaltirishga qaratilgan tushuntirish ishlarini amalga oshirishda ishtirok etadi”;
4) 8-moddaning :
nomi quyidagi tahrirda bayon etilsin:
“8-modda. Doimiy ifloslantiruvchi manbalarning atmosfera havosiga zararli taʼsir koʻrsatishi normativlari”;
uchinchi qismi quyidagi tahrirda bayon etilsin:
“Atmosfera havosiga ifloslantiruvchi moddalar va biologik organizmlar chiqarishning yoʻl qoʻyiladigan doiradagi normativlarini, doimiy ifloslantiruvchi manbalar fizikaviy omillarining atmosfera havosiga zararli taʼsir koʻrsatishining yoʻl qoʻyiladigan doiradagi normativlarini ishlab chiqish va tasdiqlash tartibi Oʻzbekiston Respublikasi Vazirlar Mahkamasi tomonidan belgilanadi”;
5) 9-modda chiqarib tashlansin;
6) 11-modda quyidagi tahrirda bayon etilsin:
“11-modda. Doimiy ifloslantiruvchi manbalarning atmosfera havosiga ifloslantiruvchi moddalar chiqarishini tartibga solish
Doimiy ifloslantiruvchi manbalarning atmosfera havosiga ifloslantiruvchi moddalar chiqarishiga davlat ekologik ekspertizasining natijalariga koʻra belgilanadigan ifloslantiruvchi moddalar chiqarishning yoʻl qoʻyiladigan doiradagi normativlariga muvofiq yoʻl qoʻyiladi”;
7) 13-modda quyidagi tahrirda bayon etilsin:
“13-modda. Atmosfera havosiga zararli taʼsir koʻrsatilishini cheklash, toʻxtatib turish yoki tugatish
Atmosfera havosiga doimiy va koʻchma ifloslantiruvchi manbalardan ifloslantiruvchi moddalar chiqarilishining yoʻl qoʻyiladigan doiradagi normativlarini buzish bilan bogʻliq boʻlgan faoliyat mahalliy davlat hokimiyati organlari, Oʻzbekiston Respublikasi Ekologiya va atrof-muhitni muhofaza qilish davlat qoʻmitasi, Oʻzbekiston Respublikasi Sogʻliqni saqlash vazirligi, Oʻzbekiston Respublikasi Ichki ishlar vazirligining vakolatlariga muvofiq ularning qarori bilan cheklanishi, toʻxtatib turilishi, zararli taʼsir koʻrsatish sabablarini bartaraf etish mumkin boʻlmagan taqdirda esa, tugatilishi mumkin. Tadbirkorlik subyektlarining faoliyatini cheklash, toʻxtatib turish (bundan favqulodda vaziyatlar, epidemiyalar hamda aholining hayoti va sogʻligʻi uchun boshqa real xavf yuzaga kelishining oldini olish bilan bogʻliq holda oʻn ish kunidan koʻp boʻlmagan muddatga cheklash, toʻxtatib turish hollari mustasno) yoki tugatish sud tartibida amalga oshiriladi”;
8) 14-modda quyidagi tahrirda bayon etilsin:
“14-modda. Yoqilgʻi va yonilgʻi-moylash materiallariga doir talablar
Oʻzbekiston Respublikasi hududida foydalaniladigan yoqilgʻi va yonilgʻi-moylash materiallarining barcha turlari Oʻzbekiston Respublikasi Ekologiya va atrof-muhitni muhofaza qilish davlat qoʻmitasi bilan kelishilgan standartlar, texnik reglamentlar talablariga mos boʻlishi lozim”;
9) 18-moddaning uchinchi qismi quyidagi tahrirda bayon etilsin:
“Oʻsimliklarni himoya qilish vositasi, ularning oʻsishini tezlashtiruvchi omil, mineral oʻgʻit va boshqa preparatlar sifatida kimyoviy moddalarni ishlatishga qishloq xoʻjaligi oʻsimliklarini himoya qilish vositalarini qoʻllash reglamentiga muvofiq yoʻl qoʻyiladi”;
10) 19-moddaning matni quyidagi tahrirda bayon etilsin:
“Obyektlarni loyihalashtirish, qurish, rekonstruksiya qilish, kapital taʼmirlashda, xoʻjalik va boshqa faoliyatni amalga oshirishda korxonalar, muassasalar va tashkilotlar ozonni buzuvchi moddalardan, tarkibida ozonni buzuvchi moddalar mavjud boʻlgan uskunalar va texnik qurilmalardan foydalanish hamda qoʻllashni tartibga solishga doir chora-tadbirlarga rioya etishi lozim.
Tarkibida ozonni buzuvchi moddalar mavjud boʻlgan buyumlardan foydalanuvchi va ularni taʼmirlovchi korxonalar, muassasalar hamda tashkilotlar bunday moddalar hisobga olinishini va ular ozon uchun xavfsiz moddalar bilan almashtirilishini taʼminlashi lozim.
Ozonni buzuvchi moddalar va tarkibida ular mavjud boʻlgan mahsulotlarning importi hamda eksporti ekologiya va atrof-muhitni muhofaza qiluvchi organlar tomonidan beriladigan ruxsatnomalar asosida amalga oshiriladi”;
11) 24-moddaning matni quyidagi tahrirda bayon etilsin:
“Faoliyati atmosfera havosiga ifloslantiruvchi moddalarni, biologik organizmlarni, issiqxona gazlarini va ozonni buzuvchi moddalarni chiqarish hamda unga fizikaviy omillarning zararli taʼsir koʻrsatishi bilan bogʻliq boʻlgan korxonalar, muassasalar va tashkilotlar:
atmosfera havosiga chiqariladigan chiqindilarni tozalash va unga zararli fizikaviy taʼsirni kamaytirish uchun inshootlar, qurilmalar va asbob-uskunalardan, shuningdek ularning ustidan nazorat qilish vositalaridan foydalanish hamda ularning ishlash qoidalariga rioya etishi;
ozonni buzuvchi moddalarning hisobini yuritishi, ularning atmosfera havosiga chiqarilishiga yoʻl qoʻymasligi, retsirkulatsiyani (ularni qayta ishlatish maqsadida birlamchi tozalashni) amalga oshirishi;
xoʻjalik obyektlari tevaragida sanitariya-muhofaza zonalarini barpo etishi;
atmosfera havosiga ifloslantiruvchi moddalar chiqarishning yoʻl qoʻyiladigan doiradagi normativlarini belgilashi;
atmosfera havosiga ifloslantiruvchi moddalar chiqarishni hamda unga zararli fizikaviy taʼsirni kamaytirish va (yoki) bartaraf etish chora-tadbirlarini koʻrishi;
atmosfera havosiga ifloslantiruvchi moddalar chiqarilishi hamda unga fizikaviy omillar zararli taʼsirining yoʻl qoʻyiladigan doiradagi normativlariga rioya etilishi ustidan nazoratni amalga oshirishi, ularning hisobini yuritishi va statistika hisobotini taqdim etishi;
atmosfera havosiga ifloslantiruvchi moddalar chiqarilishining sifat va miqdoriy tarkibini aniqlash uchun namunalar olinishini taʼminlashi hamda oʻlchovlarni amalga oshirishi;
yoqish uchun moʻljallanmagan joylarda va (yoki) qurilmalarda yoqilgʻining, yoqilgʻi sifatida foydalaniladigan moddalarning yoki moddalar aralashmasining yoqilishiga, shuningdek yoqilgʻi hisoblanmaydigan materiallar va chiqindilarning yoqilishiga yoʻl qoʻymasligi, bundan yoqish maxsus uskunalardan foydalanib hamda atmosfera havosini muhofaza qilish toʻgʻrisidagi va chiqindilar toʻgʻrisidagi qonun hujjatlari talablariga rioya etgan holda amalga oshirilgan hollar mustasno;
energiyani tejovchi va (yoki) resurslarni tejovchi texnologiyalarni joriy etish hamda ekologik jihatdan toza energiya manbalaridan foydalanish chora-tadbirlarini koʻrishi;
meteorologik sharoitlar noqulay kelishi kutilayotganligi munosabati bilan atmosfera havosiga ifloslantiruvchi moddalar va biologik organizmlar chiqarilishini kamaytirish yuzasidan Oʻzbekiston Respublikasi Ekologiya va atrof-muhitni muhofaza qilish davlat qoʻmitasi bilan kelishilgan tadbirlarni bajarishi;
korxonalar va transport kommunikatsiyalarining taʼsir doirasida atrof-muhitga hamda aholi sogʻligʻiga zararli taʼsir koʻrsatilishini baholashdan oʻtkazishi;
kuchli taʼsir etuvchi zaharli moddalarni hamda bugʻlanuvchi birikmalarni saqlash, tashish shartlariga, ulardan foydalanish va ulardan boʻshagan idishlarni zararsizlantirish qoidalariga rioya etishi;
atmosfera havosiga biryoʻla va avariya tufayli ifloslantiruvchi moddalar chiqarilishining, yashirin xavfli vaziyatlar yuzaga kelishining oldini olish, shuningdek atmosfera havosining transchegaraviy ifloslanishini kamaytirish yuzasidan choralar koʻrishi;
chiqindilarning utilizatsiya qilinishini taʼminlashi hamda ular toʻplanib qolganida va qayta ishlanayotganida atmosfera havosini ifloslantirishning oldini olish choralarini koʻrishi shart.
Atmosfera havosini muhofaza qilish tadbirlarining bajarilishi tuproq, suv va atrof-muhitning boshqa obyektlari ifloslanishiga olib kelmasligi kerak”;
12) 25-moddaning ikkinchi qismi quyidagi tahrirda bayon etilsin:
“Atmosfera havosiga ifloslantiruvchi moddalarni va biologik organizmlarni chiqarganlik, unga fizikaviy omillarning zararli taʼsir koʻrsatganligi uchun kompensatsiya toʻlovlarini toʻlash korxonalar, muassasalar va tashkilotlarni havoni muhofaza qilish tadbirlarini bajarishdan hamda yetkazilgan zararning oʻrnini qoplash majburiyatidan ozod etmaydi”;
13) 26-modda birinchi qismining :
uchinchi xatboshisi chiqarib tashlansin;
toʻrtinchi va beshinchi xatboshilari tegishincha uchinchi va toʻrtinchi xatboshilar deb hisoblansin;
14) 28-moddaning matni quyidagi tahrirda bayon etilsin:
“Atmosfera havosini muhofaza qilish ustidan davlat ekologik nazorati maxsus vakolatli davlat organlari, mahalliy davlat hokimiyati organlari tomonidan oʻz vakolatlari doirasida amalga oshiriladi.
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi, Oʻzbekiston Respublikasi Sogʻliqni saqlash vazirligi, Oʻzbekiston Respublikasi Ichki ishlar vazirligi atmosfera havosini muhofaza qilish ustidan ekologik nazorat boʻyicha maxsus vakolatli davlat organlaridir.
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi quyidagilarni amalga oshiradi:
atmosfera havosini ifloslantiruvchi manbalarning holati, atmosfera havosini muhofaza qilish toʻgʻrisidagi qonun hujjatlari talablari yuridik va jismoniy shaxslar tomonidan bajarilishi ustidan davlat ekologik nazoratini;
davlat va idoraviy ekologik nazorat sohasida davlat va xoʻjalik boshqaruvi organlarining faoliyati muvofiqlashtirilishini.
Oʻzbekiston Respublikasi Sogʻliqni saqlash vazirligi sanitariya-muhofaza va turar joy zonalarida atmosfera havosiga zararli taʼsir koʻrsatilishi ustidan davlat ekologik nazoratini amalga oshiradi.
Oʻzbekiston Respublikasi Ichki ishlar vazirligi foydalanilishi atmosfera havosiga zararli taʼsir koʻrsatadigan avtomototransport vositalari ustidan davlat ekologik nazoratini amalga oshiradi.
Atmosfera havosini muhofaza qilish ustidan idoraviy, ishlab chiqarish va jamoatchilik ekologik nazorati qonun hujjatlariga muvofiq amalga oshiriladi”;
15) 30-modda chiqarib tashlansin.
2-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;
ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Ushbu Qonun rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2019-yil 13-mart,
OʻRQ-529-son
Закон Республики Узбекистан
О внесении изменений и дополнений в Закон Республики Узбекистан «Об охране атмосферного воздуха»
Принят Законодательной палатой 30 ноября 2018 года Одобрен Сенатом 28 февраля 2019 года
Статья 1. Внести в Закон Республики Узбекистан от 27 декабря 1996 года № 353-I «Об охране атмосферного воздуха» (Ведомости Олий Мажлиса Республики Узбекистан, 1997 г., № 2, ст. 52; 2003 г., № 9-10, ст. 149; Ведомости палат Олий Мажлиса Республики Узбекистан, 2006 г., № 10, ст. 536; 2013 г., № 4, ст. 98; 2017 г., № 9, ст. 510) следующие изменения и дополнения:
1) текст статьи 2 изложить в следующей редакции:
«Законодательство об охране атмосферного воздуха состоит из настоящего Закона и иных актов законодательства.
Если международным договором Республики Узбекистан установлены иные правила, чем те, которые предусмотрены законодательством Республики Узбекистан об охране атмосферного воздуха, то применяются правила международного договора»;
2) статью 4 изложить в следующей редакции:
«Статья 4. Права и обязанности граждан в области охраны атмосферного воздуха
Граждане имеют право на:
пользование благоприятным для их жизни и здоровья атмосферным воздухом;
получение достоверной и своевременной информации от соответствующих государственных органов о состоянии атмосферного воздуха и мерах, принимаемых по его охране;
возмещение ущерба в случае причинения вреда их здоровью и имуществу выбросами загрязняющих веществ и биологических организмов в атмосферный воздух и вредным воздействием физических факторов на него;
участие в проведении изучения общественного мнения по вопросам охраны атмосферного воздуха и общественной экологической экспертизы.
Граждане обязаны:
соблюдать требования законодательства об охране атмосферного воздуха;
не совершать действий, приводящих к загрязнению, истощению атмосферного воздуха и вредному воздействию физических факторов на него»;
3) дополнить статьями 5 1 — 5 4 следующего содержания:
«Статья 5 1 . Полномочия Кабинета Министров Республики Узбекистан в области охраны атмосферного воздуха
Кабинет Министров Республики Узбекистан:
обеспечивает осуществление единой государственной политики в области охраны атмосферного воздуха;
обеспечивает разработку и реализацию государственных программ в области охраны атмосферного воздуха;
утверждает технические регламенты, регулирующие выбросы загрязняющих веществ в атмосферный воздух и вредное воздействие физических факторов на него;
устанавливает порядок осуществления контроля в области охраны атмосферного воздуха.
Статья 5 2 . Полномочия Государственного комитета Республики Узбекистан по экологии и охране окружающей среды в области охраны атмосферного воздуха
Государственный комитет Республики Узбекистан по экологии и охране окружающей среды:
обеспечивает межведомственное взаимодействие при разработке и реализации единой государственной политики в области охраны атмосферного воздуха;
участвует в разработке и реализации государственных и иных программ в области охраны атмосферного воздуха;
участвует в разработке нормативно-правовых актов в области охраны атмосферного воздуха;
в пределах своих полномочий разрабатывает и утверждает нормативно-правовые акты в области охраны атмосферного воздуха;
осуществляет государственный экологический контроль в области охраны атмосферного воздуха.
Статья 5 3 . Полномочия органов государственной власти на местах в области охраны атмосферного воздуха
Органы государственной власти на местах:
участвуют в разработке и реализации государственных и иных программ в области охраны атмосферного воздуха;
разрабатывают и утверждают территориальные программы в области охраны атмосферного воздуха и обеспечивают их реализацию;
осуществляют государственный экологический контроль в области охраны атмосферного воздуха на соответствующей территории.
Статья 5 4 . Участие органов самоуправления граждан, негосударственных некоммерческих организаций в обеспечении охраны атмосферного воздуха
Органы самоуправления граждан, негосударственные некоммерческие организации:
участвуют в реализации государственных, территориальных и иных программ в области охраны атмосферного воздуха;
осуществляют общественный экологический контроль за исполнением законодательства об охране атмосферного воздуха;
принимают участие в проведении разъяснительной работы среди населения, направленной на повышение правовой грамотности и экологической культуры граждан в области охраны атмосферного воздуха»;
4) в статье 8 :
наименование изложить в следующей редакции:
«Статья 8. Нормативы вредного воздействия на атмосферный воздух стационарными источниками загрязнения»;
часть третью изложить в следующей редакции:
«Порядок разработки и утверждения нормативов предельно допустимых выбросов загрязняющих веществ и биологических организмов в атмосферный воздух, нормативов предельно допустимых вредных воздействий физических факторов на атмосферный воздух стационарными источниками загрязнения устанавливается Кабинетом Министров Республики Узбекистан»;
5) статью 9 исключить;
6) статью 11 изложить в следующей редакции:
«Статья 11. Регулирование выбросов загрязняющих веществ в атмосферный воздух стационарными источниками загрязнения
Выбросы загрязняющих веществ в атмосферный воздух стационарными источниками загрязнения допускаются в соответствии с нормативами предельно допустимых выбросов загрязняющих веществ, определяемыми по результатам государственной экологической экспертизы»;
7) статью 13 изложить в следующей редакции:
«Статья 13. Ограничение, приостановление или прекращение вредного воздействия на атмосферный воздух
Деятельность, связанная с нарушениями нормативов предельно допустимых выбросов загрязняющих веществ в атмосферный воздух стационарными и передвижными источниками загрязнения, может быть ограничена, приостановлена, а при невозможности устранения причин вредного воздействия — прекращена по решению органов государственной власти на местах, Государственного комитета Республики Узбекистан по экологии и охране окружающей среды, Министерства здравоохранения Республики Узбекистан, Министерства внутренних дел Республики Узбекистан в соответствии с их полномочиями. Ограничение, приостановление (за исключением случаев ограничения, приостановления на срок не более десяти рабочих дней в связи с предотвращением возникновения чрезвычайных ситуаций, эпидемий и иной реальной угрозы жизни и здоровью населения) или прекращение деятельности субъектов предпринимательства осуществляются в судебном порядке»;
8) статью 14 изложить в следующей редакции:
«Статья 14. Требования к топливу и горюче-смазочным материалам
Все виды топлива и горюче-смазочных материалов, используемые на территории Республики Узбекистан, должны соответствовать требованиям стандартов, технических регламентов, согласованных с Государственным комитетом Республики Узбекистан по экологии и охране окружающей среды»;
9) часть третью статьи 18 изложить в следующей редакции:
«Применение химических веществ в качестве средств защиты растений, стимуляторов их роста, минеральных удобрений и других препаратов допускается в соответствии с регламентом применения средств защиты сельскохозяйственных растений»;
10) текст статьи 19 изложить в следующей редакции:
«При проектировании, строительстве, реконструкции, капитальном ремонте объектов, осуществлении хозяйственной и иной деятельности предприятия, учреждения и организации должны соблюдать меры по регулированию использования и применения озоноразрушающих веществ, оборудования и технических устройств, содержащих озоноразрушающие вещества.
Предприятия, учреждения и организации, осуществляющие эксплуатацию и ремонт изделий, содержащих озоноразрушающие вещества, должны обеспечивать их учет и замену озонобезопасными веществами.
Импорт или экспорт озоноразрушающих веществ и продукции, их содержащей, осуществляется на основании разрешений, выдаваемых органами по экологии и охране окружающей среды»;
11) текст статьи 24 изложить в следующей редакции:
«Предприятия, учреждения и организации, деятельность которых связана с выбросами загрязняющих веществ, биологических организмов, парниковых газов и озоноразрушающих веществ в атмосферный воздух и вредным воздействием физических факторов на него, обязаны:
соблюдать правила эксплуатации и работы сооружений, установок и оборудования для очистки выбросов в атмосферный воздух и уменьшения вредного физического воздействия на него, а также средств контроля за ними;
вести учет озоноразрушающих веществ, не допускать их выброса в атмосферный воздух, осуществлять рециркуляцию (первичную очистку в целях их повторного использования);
создавать санитарно-защитные зоны вокруг хозяйственных объектов;
устанавливать нормативы предельно допустимых выбросов загрязняющих веществ в атмосферный воздух;
принимать меры по снижению и (или) предотвращению выбросов загрязняющих веществ в атмосферный воздух и вредного физического воздействия на него;
осуществлять контроль за соблюдением нормативов предельно допустимых выбросов в атмосферный воздух и вредных воздействий физических факторов на него, вести их учет и представлять статистическую отчетность;
обеспечивать отбор проб и производить замеры для определения количественного и качественного состава выбросов загрязняющих веществ в атмосферный воздух;
не допускать сжигания топлива, веществ или смеси веществ, используемых в качестве топлива в местах и (или) устройствах, не предназначенных для его сжигания, а также сжигания материалов и отходов, не являющихся топливом, кроме случаев, когда сжигание осуществляется с использованием специальных устройств и соблюдением требований законодательства об охране атмосферного воздуха и законодательства об отходах;
принимать меры по внедрению энергосберегающих и (или) ресурсосберегающих технологий и использованию экологически чистых источников энергии;
выполнять согласованные с Государственным комитетом Республики Узбекистан по экологии и охране окружающей среды мероприятия по снижению выбросов загрязняющих веществ и биологических организмов в атмосферный воздух в связи с ожидаемыми неблагоприятными метеорологическими условиями;
проводить оценку вредного воздействия на окружающую среду и здоровье населения в зоне влияния предприятий и транспортных коммуникаций;
соблюдать условия хранения, транспортировки, правила использования сильнодействующих ядовитых веществ и летучих соединений и обезвреживания тары из-под них;
принимать меры по предотвращению залповых и аварийных выбросов загрязняющих веществ в атмосферный воздух, возникновения потенциально опасных ситуаций, а также по снижению трансграничного загрязнения атмосферного воздуха;
обеспечивать утилизацию отходов и принимать меры по предотвращению загрязнения атмосферного воздуха при их накоплении и переработке.
Выполнение мероприятий по охране атмосферного воздуха не должно приводить к загрязнению почв, вод и других объектов окружающей среды»;
12) часть вторую статьи 25 изложить в следующей редакции:
«Внесение компенсационных выплат за выбросы загрязняющих веществ и биологических организмов в атмосферный воздух, вредное воздействие физических факторов на него не освобождает предприятия, учреждения и организации от выполнения воздухоохранных мероприятий и обязанности возместить причиненный ущерб»;
13) в части первой статьи 26:
абзац третий исключить;
абзацы четвертый и пятый считать соответственно абзацами третьим и четвертым;
14) текст статьи 28 изложить в следующей редакции:
«Государственный экологический контроль за охраной атмосферного воздуха осуществляется специально уполномоченными государственными органами, органами государственной власти на местах в пределах их полномочий.
Специально уполномоченными государственными органами по экологическому контролю за охраной атмосферного воздуха являются Государственный комитет Республики Узбекистан по экологии и охране окружающей среды, Министерство здравоохранения Республики Узбекистан, Министерство внутренних дел Республики Узбекистан.
Государственный комитет Республики Узбекистан по экологии и охране окружающей среды осуществляет:
государственный экологический контроль за состоянием источников загрязнения атмосферного воздуха, исполнением юридическими и физическими лицами требований законодательства об охране атмосферного воздуха;
координацию деятельности органов государственного и хозяйственного управления в сфере государственного и ведомственного экологического контроля.
Министерство здравоохранения Республики Узбекистан осуществляет государственный экологический контроль за вредным воздействием на атмосферный воздух в санитарно-защитных и жилых зонах.
Министерство внутренних дел Республики Узбекистан осуществляет государственный экологический контроль за автомототранспортными средствами, эксплуатация которых сопровождается вредным воздействием на атмосферный воздух.
Ведомственный, производственный и общественный экологический контроль за охраной атмосферного воздуха осуществляется в соответствии с законодательством»;
15) статью 30 исключить.
Статья 2. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону;
обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Настоящий Закон вступает в силу по истечении трех месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 марта 2019 г.,
№ ЗРУ-529